ಒಂದೆಲಗದ ಬಗ್ಗೆ ಈ 5 ಅದ್ಭುತವಾದ ವಿಷಯ ಗೊತ್ತಾದ್ರೆ ಇನ್ಮೇಲೆ ಚೌಕಾಸಿ ಮಾಡದೆ ಕೊಂಡ್ಕೋತೀರಿ

ಕೂದ್ಲು ಏನಾದರೂ ಉದುರ್ತಾ ಇದ್ದರೆ ಮೊದ್ಲು ತಿನ್ನಿ

ಬೇಸಿಗೇಲಿ ಮಧ್ಯಾಹ್ನ ಹೊತ್ತು ಯಾರಾದ್ರೂ ಹಳ್ಳಿ ಮನೆಗಳಲ್ಲಿ ಊಟ ಆಯ್ತಾ?ಏನ್ ಊಟ?ಅಂತ ಕೇಳಿದ್ರೆ ನಿಮಗೆ ಹೆಚ್ಚಾಗಿ ಸಿಗೋ ಉತ್ತರ -ಒಂದೆಲಗ ಚಟ್ನಿ.

ಇತ್ತೀಚೆಗೆ ಇದರ ಹೆಸರು ಅಪರೂಪ. ಆದ್ರೂ ಕೆಲವೊಂದು ಕಡೆ ಹುಡುಕ್ಕೊಂಡು ಹೋಗಿ ತಂದು ಉಪಯೋಗಿಸೋರು ಈಗ್ಲೂ ಇದಾರೆ. ತೋಟ, ಗದ್ದೆ, ತಂಪಾದ ಗುಡ್ಡಗಳಲ್ಲಿ ಸಿಗೋ ಈ ಬಳ್ಳಿಗಳು ಆಹಾರ, ಔಷಧಿ ಹೀಗೆ ಬಹುಪಯೋಗಿ. ನೋಡಕ್ಕೂ ಹಸ್-ಹಸ್ರಾಗಿ ಸುಂದರವಾಗಿರತ್ತೆ. ಹಳ್ಳಿ ಪ್ರದೇಶದಲ್ಲಿ, ಮನೆಯ ಹಿತ್ತಲಲ್ಲಿ, ತೋಟದಲ್ಲಿ ಈ ಬಳ್ಳಿಗಳನ್ನ ನಾವು ಹೆಚ್ಚಾಗಿ ಕಾಣ್ಬೋದು.

ಬೇಸಿಗೆ ಉರಿ ಬಿಸಿಲಲ್ಲಿ ದೇಹ ತಂಪಾಗಿಸಕ್ಕೆ ಒಂದೆಲಗ ಸೊಪ್ಪಿನ ಚಟ್ನಿ,ಜತೆಗೆ ಊಟಕ್ಕೆ ಅಪ್ಪೆ ಮಿಡಿ ಉಪ್ಪಿನಕಾಯಿ, ಮಜ್ಜಿಗೆ ಇವುಗಳಿದ್ದರೆ ಬೊಂಬಾಟ್ ಭೋಜನ. ಇದರ ಮುಂದೆ ಅತ್ಯಾಧುನಿಕ ಹೊಟೇಲ್ಗಳ ತಿನಿಸುಗಳು ಲೆಕ್ಕಕ್ಕೇ ಇಲ್ಲದಂತಾಗುತ್ತದೆ. (ಅದರ ರುಚಿ ತಿಳಿದಿರೋರ್ಗೆ)

ಇದರ ಉಪ್ಯೋಗ ಕಂಡ್ಕೊಂಡೊರು ಮಾತ್ರ ಇದನ್ನ ಎಂದಿಗೂ ಬಿಡಲ್ಲ :-)

1. ಸಿಕ್ಕಾಪಟ್ಟೆ ಉಷ್ಣ ಇದ್ದಾಗ ದೇಹ ತಂಪಾಗಕ್ಕೆ ಊಟ ಜೊತೆ ಒಂದೆಲಗದ ಚಟ್ನಿ 

ಉದ್ದಿನಬೇಳೆ, ಕೆಂಪುಮೆಣಸು ಹುರಿದು, ಒಂದೆಲಗ ಸೊಪ್ಪು ಹಾಗೂ ತೆಂಗಿನಕಾಯಿ ಒಟ್ಟು ಸೇರಿಸಿ ಮಿಕ್ಸಿ ಮಾಡಿ ಗಟ್ಟಿ ಚಟ್ನಿ ಮಾಡ್ಬೋದು. ಚಿಟಿಕೆ ಹುಳಿನೂ ಸೇರಿಸ್ಬೇಕು.

ಮೂಲ

2. ನಿದ್ದೇನೇ ಬರೋಲ್ಲ ಅನ್ನೋರು ಒಂದೆಲಗದ ಗುಳಿಗೆ ತಿಂದ್ರೆ ಅಥವಾ ಎಣ್ಣೆ ಹಚ್ಕೊಂಡ್ರೆ ಆರಾಮ್ ನಿದ್ದೆ ಮಾಡ್ಬೋದು

ಒಂದೆಲಗದ ಎಲೆಗಳನ್ನ ಒಣಗಿಸಿ ಪುಡಿ ಮಾಡಿ ಅದರ ಜೊತೆ ಹುರಿದ ಗಸೆಗಸೆ ಬೆರೆಸಿಟ್ಟುಕೊಳ್ಳಿ.. ಒಲೆ ಮೇಲೆ ಕಲ್ಲುಸಕ್ಕರೆದು ಎಳೆಪಾಕ ಮಾಡಿ ಚೆನ್ನಾಗಿ ಈ ಪುಡಿ ಹಾಕಿ ಕಲಕಿ. ಆನಂತರ ತುಪ್ಪ ಸೇರಿಸಿ.ಗಟ್ಟಿಯಾಯ್ತು ಅಂದ್ರೆ ಒಲೆಯಿಂದ ಕೆಳಗಿಳಿಸಿ. ಆರಿದ ಬಳಿಕ ಅಂದಾಜು ಗಾತ್ರದ ಗುಳಿಗೆಯನ್ನು ತಯಾರಿಸಬೇಕು. ನಿತ್ಯವೂ ಮಲಗುವ ಮುನ್ನ ಇದನ್ನು ತಿಂದು ಹಾಲು ಕುಡಿದು ಮಲಗಿದ್ರೆ ಅರಾಮ್ ನಿದ್ದೆ ಹತ್ತತ್ತೆ.

ಒಂದೆಲಗದ ರಸ ಒಂದು ಕಪ್‌, ಅಷ್ಟೇ ಪ್ರಮಾಣದಲ್ಲಿ ಎಳ್ಳೆಣ್ಣೆ ಅಥವಾ ಕೊಬ್ಬರಿ ಎಣ್ಣೆ ತೆಗೆದುಕೊಳ್ಳಿ.. ಎರಡನ್ನೂ ಬೆರೆಸಿ ಸಣ್ಣ ಉರೀಲಿ ಕುದಿಸಿ ನೀರಿನ ಅಂಶ ಇಂಗೋವರ್ಗೂ ಕಾಯಿಸ್ಬೇಕು.

ಮೂಲ

3. ಕೂದಲು ಸೊಂಪಾಗಿ ಬೆಳೆಯಕ್ಕೆ, ಹೊಟ್ಟು ಕಮ್ಮಿ ಮಾಡತ್ತೆ

ಮೇಲೆ ಹೇಳಿದ ಹಾಗೆ ಎಣ್ಣೆ ಮಾಡಿಟ್ಟುಕೊಂಡು ದಿನಾ ಅದ್ರಲ್ಲಿ ತಲೆ ಬುಡಕ್ಕೆ ಮಸಾಜ್ ಮಾಡಿ. 

ಅಪೌಷ್ಟಿಕತೆ ಹಾಗೂ ಪಿತ್ತ ಜಾಸ್ತಿ ಅದಾಗ ಹೆಚುಚು ಕೂದ್ಲು ಉದರತ್ತೆ. ಅಂಥೋರು ಒಂದೆಲಗದ ಕಾಂಡ ಸಹಿತ ಇಡೀ ಬಳ್ಳಿನಾ ತೊಳೆದು ಅರೆದು ಅದರ ರಸಾನ ಸ್ವಲ್ಪ ಜೇನುತುಪ್ಪ ಮತ್ತು ಹಸುವಿನ ತುಪ್ಪ ಬೆರೆಸಿ ನಿತ್ಯ ಖಾಲಿ ಹೊಟ್ಟೇಲಿ ತಿಂದ್ರೆ ಕೂದ್ಲು ಉದುರೋದು, ಕೂದ್ಲು ಬೆಳ್ಳಗಾಗೋದು ಕಮ್ಮಿಯಾಗತ್ತೆ.

ಮೂಲ

4. ನರದೌರ್ಬಲ್ಯ, ಆತಂಕ, ಒತ್ತಡ ನಿವಾರಣೆಗೆ ಹಾಗೂ ತಲೆನೋವು ಕಮ್ಮಿ  ಮಾಡತ್ತೆ

ಒಂದೆಲಗದ ಎಲೆಗಳನ್ನ ಒಂದು ಮುಷ್ಟಿ ತೆಗೊಂಡು ಚೆನ್ನಾಗಿ ಅರೆದು ನೀರು ಸೇರಿಸಿ ಕುದುಸ್ಬೇಕು. ಆರಿದ ಮೇಲೆ ಜೇನುತುಪ್ಪ ಹಾಗೂ ಮೆಣಸಿನಕಾಳಿನ ಪುಡಿ ಬೆರ್ಸಿ ದಿನಕ್ಕೆ 2-3 ಬಾರಿ ಸೇವಿಸಿದರೆ ಹಿತ. 

ಮೂಲ

5. ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಗೆ ಸಹಾಯ ಮಾಡತ್ತೆ

ಒಂದು ಕಪ್‌ ಹಸುವಿನ ತುಪ್ಪಕ್ಕೆ ಅಷ್ಟೇ ಪ್ರಮಾಣ ಒಂದೆಲಗ ಎಲೆ ರಸ ಬೆರೆಸಿ ಸಣ್ಣ ಉರೀಲಿ ಕುದುಸ್ಬೇಕು. ನೀರಿನ ಅಂಶ ಕಮ್ಮಿ ಆದಂಗೆ "ಪಟಪಟ' ಸದ್ದು ನಿಂತು ಪಾಕ ರೆಡಿ ಆಗತ್ತೆ. ಈ ತುಪ್ಪದ ನಿತ್ಯ ಸೇವನೆಯಿಂದ ಮನಸ್ಸಿನ ದುಗುಡ, ಆತಂಕ, ಖಿನ್ನತೆ ಎಲ್ಲಾ ಹೋಗತ್ತೆ. 1-2 ಚಮಚ ಈ ತುಪ್ಪಾನಾ (ಮಕ್ಕಳ ಅಥವಾ ವಯಸ್ಕರ ವಯಸ್ಸಿಗೆ ತಕ್ಕಂತೆ) ಬಿಸಿ ಹಾಲಲ್ಲಿ ಬೆರೆಸಿ ಬೆಳಿಗ್ಗೆ ಖಾಲಿ ಹೊಟ್ಟೇಲಿ ತೊಗೊಂಡ್ರೆ ನೆನಪಿನ ಶಕ್ತಿ ಜಾಸ್ತಿ ಆಗತ್ತೆ. 

ಇನ್ನೊಂದು ತರಾನೂ ಮಾಡ್ಬೋದು...ಒಂದೆಲಗದ ಎಲೆಗಳನ್ನ ತೊಳೆದು ನೆರಳಲ್ಲಿ ಒಣಗಿಸ್ಬೇಕು. ಅಷ್ಟೇ ಪ್ರಮಾಣ ಬಾದಾಮಿ ಹುರಿದು ಇಡಬೇಕು. ಆಮೇಲೆ ಎರಡನ್ನೂ ಒಟ್ಟಿಗೆ ಪುಡಿಮಾಡಿ, ಸ್ವಲ್ಪ ಯಾಲಕ್ಕಿ ಪುಡಿ, ಕೇಸರಿ ದಳ ಬೆರೆಸ್ಬೇಕು. ಈ ಪುಡಿನಾ 2 ಚಮಚದಷ್ಟು 1 ಕಪ್‌ ಹಾಲಿಗೆ ಬೆರೆಸಿ ಸ್ವಲ್ಪ ಕಲ್ಲುಸಕ್ಕರೆ ಅಥವಾ ಬೆಲ್ಲ ಬೆರೆಸಿ ಕುಡಿಬೋದು. ನಿತ್ಯ ಬೆಳಿಗ್ಗೆ ಇದನ್ನ ಬೆಳೆಯೋ ಮಕ್ಕಳಿಗೆ ಕೊಟ್ಟ್ರೆ ಉತ್ತಮ ಆರೋಗ್ಯವರ್ಧಕ ಪೇಯ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಒಂದಲ್ಲ ಒಂದ್ ರೀತೀಲಿ ದಿನಾ ಕರಿಬೇವು ತಿನ್ನೋರ್ಗೆ ಈ 11 ಲಾಭ ಗ್ಯಾರಂಟಿ

ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ಮ ಕರ್ನಾಟಕ ಏನು ಭಾರತದಲ್ಲಿ ಎಲಾ ಕಡೆ ಕರ್ಬೇವು ಇಲ್ದೆ ಅಡುಗೆನೇ ಮಾಡಲ್ಲ. ಹಿಂದಿನ ಕಾಲದಿಂದ್ಲೂ ಈ ಪದ್ದತಿ ನಡ್ಕೊಂಡು ಬಂದಿದೆ. ಒಗ್ಗರಣೆಗೆ ಕರ್ಬೇವು ಇಲ್ದೆ ಎಲ್ಲಾದ್ರು ಅಡುಗೆ ಮಾಡೊದುಂಟೆ? ಕರ್ಬೇವಿನಲ್ಲಿ ವಿಟಮಿನ್ ಏ, ವಿಟಮಿನ್ ಬಿ, ಬಿ2, ವಿಟಮಿನ್ ಸಿ, ಕ್ಯಾಲ್ಸಿಯಮ್ ಹಾಗೂ ಕಬ್ಬಿಣದಂಶ ಹೆಚ್ಚಾಗಿ ಇರತ್ತೆ. ಹೊಟ್ಟೆಯಲ್ಲಿ ತಿಂದಿದ್ದು ಅರಗಕ್ಕೆ ಬೇಕಾಗೋ ರಾಸಾಯನಿಕ ಕಿಣ್ವಗಳು ಉತ್ಪತ್ತಿ ಆಗೋ ಹಾಗೆ ಪ್ರಚೋದಿಸತ್ತೆ. ನಮ್ ದೇಶ ನೋಡ್ಕೊಂಡು ಬೇರೆ ದೇಶಗಳಲ್ಲಿ ಕೂಡ ಕರ್ಬೇವು ಉಪ್ಯೋಗಿಸಕ್ಕೆ ಶುರು ಮಾಡಿದ್ದಾರೆ. ಕರ್ಬೇವಿನ ಎಣ್ಣೆ ಕೂಡ ಬಳಕೆ ಮಾಡ್ತಾರೆ. 

ಮಕ್ಕಳಿಗಂತೂ ಕರ್ಬೇವು ಯಾಕಾದ್ರೂ ಹಾಕ್ತಾರೋ, ಬರೀ ತೆಗೆಯೋದೇ ಆಗೋಗತ್ತೆ ಅಂತ ಬೇಜಾರ್ ಮಾಡ್ಕೊತಾರೆ. ಮಕ್ಕಳಿಗೇನ್ ಗೊತ್ತು ಅಲ್ವಾ? ಕರ್ಬೇವಿನ ಒಳ್ಳೆ ಗುಣಗಳ ಬಗ್ಗೆ ಇಲ್ಲಿ ಓದಿ ನಿಮ್ಮ ಮಕ್ಕಳಿಗೂ ತಿಳಿಸಿಕೊಡಿ.

1. ರುಚಿ ಹತ್ತದೆ ಇರೋ ನಾಲಿಗೆಗೆ ಕಿಕ್ ಕೊಡತ್ತೆ

ಏನೋ ಹುಷಾರ್ ತಪ್ಪಿ ಸಿಕ್ಕಾಪಟ್ಟೆ ಆಂಟಿಬಯಾಟಿಕ್ಸ್ ಮಾತ್ರೆ ತೊಗೊಂಡ ನಂತರ ನಾಲಿಗೆ ಬೆಂಡಾಗಿರೋ ಅನುಭವ ಆಗತ್ತಲ್ಲ ಆಗ ಕರ್ಬೇವಿನ ಚಟ್ನಿ ಅಥವಾ ಮೊದಲನೆ ಅನ್ನದಲ್ಲಿ ಕರ್ಬೇವಿನ ಚಟ್ನಿಪುಡಿ ಹಾಕೊಂಡು ತಿಂದ್ರೆ ನಾಲಿಗೆಯ ರುಚಿ ಸರಿಹೋಗತ್ತೆ. ಕರಿಬೇವಿನ ಚಿತ್ರಾನ್ನ ಜ್ವರ ಬಂದು ಹೋದ ನಂತರ ತಿಂದ್ರೆ ಸಕತ್ ಕಿಕ್ ಕೊಡತ್ತೆ. ಟ್ರೈ ಮಾಡಿ ನೋಡಿ.

ತೀರ ರುಚಿನೇ ಹತ್ತಲ್ಲ, ಹಸಿವೇ ಇಲ್ಲ ಅಂತ ಅನ್ನಿಸಿದಾಗ ಕರ್ಬೇವು ಪೇಸ್ಟ್ ಮಾಡ್ಕೊಂಡು ಸ್ವಲ್ಪ ಜೀರಿಗೆ ಪುಡಿ ಮತ್ತೆ ಕಪ್ಪು ಉಪ್ಪನ್ನ ಮಿಕ್ಸ್ ಮಾಡಿ ಮಜ್ಜಿಗೆಗೆ ಹಾಕಿ ಕುಡಿದ್ರೆ ಹೊಟ್ಟೆಗೆ ಒಳ್ಳೇದು.

2. ಸಿಕ್ಕಾಪಟ್ಟೆ ಪಿತ್ತ ಆಗಿದ್ರೆ ಕಡಿಮೆ ಮಾಡತ್ತೆ

ಬೆಳಗ್ಗೆ ಎದ್ದಾಗ ಒಂಥರಾ ತಲೆ ಸುತ್ತೋದು ಅಥವಾ ವಾಂತಿ ಆಗೋ ಹಾಗೆ ಆದ್ರೆ ಅಥವಾ ಹಳದಿ ರಸ ವಾಂತಿ ಆದ್ರೆ ನಮ್ ಮೈನಲ್ಲಿ ಪಿತ್ತ ಜಾಸ್ತಿ ಆಗಿದೆ ಅಂತ ಅರ್ಥ. ಆಗ ಕರ್ಬೇವ್ ಉಪ್ಯೋಗ್ಸಿ ಕಡಿಮೆ ಮಾಡೊಬೋದು, ಹೇಗೆ ಅಂದ್ರೇ...

ಒಂದು  - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಹುರಿದ ಉದ್ದಿನ ಕಾಳು ಮತ್ತು ಸ್ವಲ್ಪ ಉಪ್ಪು ಸೇರ್ಸ್ಕೊಂಡು ಒಂದೆರಡು ದಿನ ಬೆಳಗ್ಗೆ ಎದ್ದ ತಕ್ಷಣ ತಿನ್ನೋದು. ತಲೆಸುತ್ತು ಹಾಗೆ ವಾಂತಿ ಕಡಿಮೆ ಆಗತ್ತೆ ಇದ್ರಿಂದ.

ಎರಡನೇದು - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಸ್ವಲ್ಪ ನಿಂಬೆ ಹುಳಿ ಹಿಂಡಿ, ಸ್ವಲ್ಪ ಸಕ್ಕರೆ ಸೇರ್ಸಿ ತೊಗೊಳ್ಳೊದು. ಇದು ಕೂಡ ಪಿತ್ತ ಕಡಿಮೆ ಮಾಡತ್ತೆ.

3. ಕಣ್ಣಿಗೆ ಶಕ್ತಿ ಕೊಡತ್ತೆ, ಪೊರೆ ಬರೋ ಅವಕಾಶ ಕಡಿಮೆ

ದೃಷ್ಟಿ ದೋಷ ಇದ್ರೆ ಕಡಿಮೆ ಮಾಡತ್ತೆ. ಅದಕ್ಕೆ ಹೇಳೋದು ಊಟ-ತಿಂಡಿಗೆ ಹಾಕಿರೋ ಕರ್ಬೇವ್ನ ತಿನ್ನಿ, ಬಿಸಾಕ್ಬೇಡಿ ಅಂತ ದೊಡ್ಡೋರು :-)

ವಿಟಮಿನ್ ಏ ಹೆಚ್ಚಾಗಿ ಇರೋದ್ರಿಂದ ಕಣ್ಣಿನ ಪೊರೆ ಬರಕ್ಕೆ ತೀರಾ ವಯಸ್ಸಾಗೋ ತನಕ ಅವಕಾಶ ಮಾಡ್ಕೊಡಲ್ಲ. ಇದಲ್ದೆ ಕರ್ಬೇವಲ್ಲಿರೋ ಫೋಲಿಕ್ ಆಸಿಡ್ ಅಂಶ ನಾವು ತಿನ್ನೋ ಇತರ ಅಹಾರದಿಂದ ಕಬ್ಬಿಣದ ಅಂಶನ ನಮ್ ದೇಹ ಹೀರ್ಕೊಳ್ಳೊ ಹಾಗೆ ಮಾಡತ್ತೆ. ಆಯುರ್ವೇದದಲ್ಲಿ ಕರ್ಬೇವಿನ ಎಲೆ ಜ್ಯೂಸ್ ಮಾಡಿ ಕಣ್ಣಿಗೆ ಹಾಕಿ ದೃಷ್ಟಿಹೀನತೆಯನ್ನ ಪರಿಹಾರ ಮಾಡೋ ಪದ್ದತಿ ಇದ್ಯಂತೆ.

4. ಅಜೀರ್ಣ, ಹೊಟ್ಟೆ ಹುಣ್ಣು ಕಡಿಮೆ ಮಾಡತ್ತೆ

ಕರ್ಬೇವು ನೋಡಕ್ಕೆ ಬರೀ ಎಲೆ ಆದ್ರೆ ಹೊಟ್ಟೆ ಒಳಗೆ ಹೋದ್ರೆ ಜೀರ್ಣ ಆಗಕ್ಕೆ ಬೇಕಾದ ರಾಸಾಯನಿಕನ ಬೇಗ ಉತ್ಪತ್ತಿ ಆಗೋ ಹಾಗೆ ಪ್ರಚೋದನೆ ಮಾಡತ್ತೆ. ಇದಲ್ಲದೆ ನಮ್ ಮೈನಲ್ಲಿ ಕೊಬ್ಬು ಶೇಖರಣೆ ಆಗಕ್ಕೆ ಬಿಡಲ್ಲ. ಕರಗಿಸತ್ತೆ ಅಂದ್ರೆ ಜೀರ್ಣ ಆಗೋ ಹಾಗೆ ಮಾಡೊ ಶಕ್ತಿ ಕರ್ಬೇವಿನಲ್ಲಿದೆ.

ಇದಕ್ಕೆ ಒಂದು ಮುಷ್ಟಿ ಕರ್ಬೇವಿನ ಎಲೆ+ಕೆಂಪು ಮೆಣಸಿನಕಾಯಿ ತೊಗೊಂಡು ಸ್ವಲ್ಪ ತುಪ್ಪದಲ್ಲಿ ಹುರಿದು, ಅದಕ್ಕೆ ಉಪ್ಪು ಮತ್ತು ಹುಣಸೆಹಣ್ಣು ಹಾಕಿ ಚಟ್ನಿ ಅಥವಾ ಚಟ್ನಿಪುಡಿ ಮಾಡ್ಕೊಂಡು ಬಿಸ್ಬಿಸಿ ಅನ್ನಕ್ಕೆ ಹಾಕೊಂಡು ಊಟ ಮಾಡಿ. ಅಥವಾ ಒಂದು ಲೋಟ ಮಜ್ಜಿಗೆಗೆ ಕರ್ಬೇವಿನ ಎಲೆ ಮತ್ತೆ ಸ್ವಲ್ಪ ಇಂಗು ಹಾಕೊಂಡು ಊಟದ ನಂತರ ಕುಡಿರಿ. ಅಜೀರ್ಣ, ಭೇದಿ, ಹೊಟ್ಟೆ ಉಬ್ರ, ವಾಂತಿ, ತಲೆಶೂಲೆ ಎಲ್ಲಾ ಕಡಿಮೆ ಆಗತ್ತೆ.

ಮೂಲವ್ಯಾಧಿಗೆ ಕರ್ಬೇವಿನ ಚಿಗುರು ಎಲೆಗಳ್ನ ಜೇನುತುಪ್ಪದಲ್ಲಿ ಅದ್ದಿ ತಿಂದ್ರೆ ಸ್ವಲ್ಪ ಅರಾಮ ಸಿಗತ್ತೆ.

 

5. ಹೇಳೋದೇ ಬೇಕಾಗಿಲ್ಲ, ಡಯಾಬಿಟಿಸ್ಗೆ ಹೇಳಿ ಮಾಡ್ಸಿದ ಔಷಧಿ

ಡಯಾಬಿಟೀಸ್ ಇರೋರ್ಗೆ ಮೈಕೈಯೆಲ್ಲಾ ನೋವಿರತ್ತೆ, ಹಾಗೆ ಅವಾಗವಾಗ ತಲೆ ಸುತ್ತು, ಸುಸ್ತು ಮತ್ತೆ ಕಣ್ಣು ಮಂಜಾಗೋದು, ಕತ್ಲು ಕಟ್ಟೊದು ಎಲ್ಲಾ ಇರೋರು ಅವಾಗವಾಗ ಸ್ವಲ್ಪ ಕರ್ಬೇವಿನ ಎಲೆ ಹಾಕೊಂಡು ಜಗಿದ್ರೆ ಸ್ವಲ್ಪ ಮಟ್ಟಿಗೆ ಉತ್ತಮ ಆಗತ್ತೆ.

ಅಯ್ಯೋ ನಂಗೆ ಡಯಾಬಿಟೀಸ್ ಹೆರಿಡಿಟರಿ, ನಮ್ಮ ಅಪ್ಪ ಅಮ್ಮಂಗೆ ಇತ್ತು ಅಂತ ಅಳೋರಿಗೆ ಬೆಳಗಾನೆ ಎದ್ದು ಈ ತರ ಮಾಡ್ಬೋದು.

--- 10 ಕರ್ಬೇವಿನ ಎಲೇನ ಮೂರು ತಿಂಗಳ ಕಾಲ ಎಡಬಿಡದೆ ತಿನ್ನೋದು.

--- ಕರ್ಬೇವ್ನ ಬಿಸಿಲಲ್ಲಿ ಒಣಗಿಸಿಕೊಂಡು ಅದರ ಕಷಾಯ ಕೂಡ ಅಗಾಗ್ಗೆ ಕುಡಿಯೋದು

--- ಕರ್ಬೇವಿನ ಎಲೆ ಜೊತೆ ಒಂದೆರಡು ಮೆಣಸಿನ ಕಾಳನ್ನ ಅಗಿಯೋದು

ಹೀಗ್ ಮಾಡಿರೆ ಸಕ್ಕರೆ ಮಟ್ಟ ಹತೋಟಿಗೆ ಬರೋದಲ್ಲ್ದೆ ಬೊಜ್ಜು ಕೂಡ ಕಡಿಮೆ ಆಗತ್ತಂತೆ.

6. ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ ಮೈನಲ್ಲಿ ಕೊಲೆಸ್ಟ್ರಾಲ್ ಜಾಸ್ತಿ ಆದ್ರೆ ಬೊಜ್ಜಿನ ಸಮಸ್ಯೆ, ಬ್ಲಡ್ ಪ್ರೆಶರ್ ಇನ್ನಿತರ ಖಾಯಿಲೆ ಬರತ್ತೆ ಅಲ್ವಾ. ಹಾಗಾಗಿ ನಾವು ಬಳಸೋ ಎಣ್ಣೆನ ಕೂಡ ಕರ್ಬೇವು ಹಾಕಿ ಕಾಯಿಸಿ ಶೋಧಿಸಿಟ್ಟುಕೊಂಡ್ರೆ ಎಣ್ಣೆಲಿರೋ ಕೊಲೆಸ್ಟ್ರಾಲ್ ಅಂಶ ಕಡಿಮೆಯಾಗತ್ತಂತೆ.

ಇದಕ್ಕೆ 1 kg ಅಡುಗೆ ಎಣ್ಣೇಲಿ 15-20 ಕರ್ಬೇವಿನ ಎಲೆ ಹಾಕಿ ರೆಡಿ ಮಾಡಿ. ಈ ಎಣ್ಣೇನ ಅಡುಗೆ ಮಾಡ್ಬೇಕಾದ್ರೆ ಉಪ್ಯೋಗ್ಸಿ.

ಕರ್ಬೇವಿನ ಎಣ್ಣೇನ ಸೋಪ್ ಮಾಡಕ್ಕೂ ಬಳಸ್ತಾರೆ.

7. ಭೇದಿ ನಿಲ್ಸಕ್ಕೆ ರಾಮಬಾಣ

40 gm ಕರ್ಬೇವು ಎಲೆ ತೊಗೊಂಡು, ಅದಕ್ಕೆ 10 gm ಜೀರಿಗೆ ಪುಡಿ ಹಾಕಿ ಕುಡೀಬೇಕು. ಆಮೇಲೆ ಒಂದು ಲೋಟ ಬೆಚ್ಚನೆಯ ನೀರನ್ನ ಕುಡೀಬೇಕು. 10 ನಿಮಿಷದ ನಂತರ ಒಂದು ಸ್ಪೂನ್ ಜೇನುತುಪ್ಪ ತಿನ್ಬೇಕು. ಹೀಗೆ ದಿನಕ್ಕೆ 3-4 ಟೈಮ್ ಮಾಡಿದರೆ ಭೇದಿ ನಿಲ್ಲತ್ತಂತೆ.

8. ಬಾಲನರೆ ತಡೆಯತ್ತೆ

ಹುಡ್ಗೂರು ಹುಡ್ಗೀರು ಇಬ್ರಿಗೂ ಈಗಿನ ಕಾಲದಲ್ಲಿ ಬಹಳ ಬೇಗ ಕೂದ್ಲು ನರೆ ಆಗೋದು ನೋಡ್ತಿದ್ದೀವಿ. ಅಂಥೋರು ಕರ್ಬೇವು ತಿಂದು ಕರ್ಬೇವು ತಲೆಗೆ ಹಚ್ಚ್ಕೊಂಡು ಬಿಳಿ ಕೂದ್ಲಾಗೋದನ್ನ ತಡಿಬೋದು. ತಲೆ ಹೊಟ್ಟು ಕೂಡ ಕಡಿಮೆ ಮಾಡ್ಕೊಬೋದು. ಹೀಗೆ ಮಾಡಿ:

ಒಂದು ಲೀಟರ್ ಕೊಬ್ಬರಿ ಎಣ್ಣೆ ಅಥವಾ ಎಳ್ಳೆಣ್ಣೆ ತೊಗೊಳ್ಳಿ. 10-20 ಕರ್ಬೇವಿನ ಎಲೆ ತೊಗೊಂಡು ಅದಕ್ಕೆ ಹಾಕಿ ಚೆನ್ನಾಗಿ ಒಲೆ ಮೇಲಿಟ್ಟು ಕಾಯಿಸಿ. ಕಾದ ಎಣ್ಣೆನ ಆರಕ್ಕೆ ಬಿಡಿ. ಆಮೇಲೆ ಬಾಟಲ್ನಲ್ಲಿ ತುಂಬಿಟ್ಟುಕೊಂಡು ತಲೆಸ್ನಾನ ಮಾಡೊ ಮುಂಚೆ ತಲೆ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ 15-20 ನಿಮಿಶ ಬಿಟ್ಬಿಡಿ. ನಂತರ ಸೀಗೆಕಾಯಿ ಅಥವಾ ಶಾಂಪೂ ಹಾಕಿ ತಲೆ ತೊಳೆದ್ರಾಯ್ತು! ವಾರಕ್ಕೆ ಒಂದೆರಡು ಬಾರಿ ಹೀಗೆ ಮಾಡಿದ್ರೆ ನರೆಕೂದ್ಲಾಗೋದನ್ನ ತಡಿಬೋದು.

ಇನ್ನೂ ಹೆಚ್ಚಿಗೆ ಮಾಡೊದಾದ್ರೆ ಇದೇ ಕೊಬ್ಬರಿ ಎಣ್ಣೆಗೆ ಕರ್ಬೇವ್ ಜೊತೆ ದಾಸವಾಳದ ಎಲೆ, ನಲ್ಲಿಕಾಯಿ ಹಾಗೂ ತುಳಸಿ ಎಲೆ ಹಾಕ್ಬೋದು.

9. ಮೂಳೆಗೆ ಬೇಕಾದ ಕ್ಯಾಲ್ಶಿಯಮ್ ಕೊಡತ್ತೆ

ಮೂಳೆ ಸೆವೆತದಿಂದ ಕಷ್ಟ ಪಡ್ತಿರೋರು ತಮ್ಮ ಊಟ ತಿಂಡೀಲಿ ಕರ್ಬೇವಿಗೆ ಆದ್ಯತೆ ಕೊಟ್ರೆ ಅದ್ರಿಂದ ಅವರ ದೇಹಕ್ಕೆ ಬೇಕಾದ ಕ್ಯಾಲ್ಶಿಯಮ್ ಪೂರೈಕೆ ಆಗತ್ತೆ.

10. ಮೊಡವೆ ಹೋಗ್ಸಿ ಚರ್ಮದ ಸೌಂದರ್ಯ ಹೆಚ್ಚಿಸತ್ತೆ

ಬೇಸಿಗೇಲಿ ಚರ್ಮದ ಮೇಲೆ ಚಿಕ್ಕ ಚಿಕ್ಕ ಗುಳ್ಲೆ ಏಳೋದುಂಟು. ಅದಕ್ಕೆ ಕರ್ಬೇವಿನ ಪೌಲ್ಟೀಸ್ ಅಥವಾ ಪೇಸ್ಟ್ ಹಚ್ಚಿದ್ರೆ ಬೇಗ ಉರಿ ಕಡಿಮೆ ಆಗಿ ಮಾಯತ್ತೆ.

ಕರ್ಬೇವ್ ಎಲೇನ ತೊಗೊಂಡು ಪೇಸ್ಟ್ ತರ ಮಾಡ್ಕೊಂಡು ಸ್ವಲ್ಪ ಅರಿಶಿನ ಮಿಕ್ಸ್ ಮಾಡಿ ಮುಖಕ್ಕೆ ಸ್ವಲ್ಪ ದಿನ ಹಚ್ಚುತ್ತಾ ಬಂದ್ರೆ ಮುಖದ ಚರ್ಮ ಸಿಕ್ಕಾಪಟ್ಟೆ ಕ್ಲೀನ್ ಅಂಡ್ ಕ್ಲಿಯರ್ ಆಗತ್ತೆ!

ಕರ್ಬೇವು ಗಿಡ ಕೂಡ ಹಣ್ಣು ಬಿಡತ್ತೆ. ಕಾಯಿ ಆಗಿದ್ದಾಗ ಹಸಿರು ಬಣ್ಣ, ಹಣ್ಣಾದಾಗ ನೇರಳೆ ಬಣ್ಣ ಇರತ್ತೆ. ಈ ಕಾಯಿ/ಹಣ್ಣಿನ ಜ್ಯೂಸ್ ತೊಗೊಂಡು ಅದಕ್ಕೆ ಸಮ ಪ್ರಮಾಣ ನಿಂಬೆ ರಸ ಹಾಕಿ ಹುಳ ಅಥವಾ ವಿಷದ ಹಾವು ಕಚ್ಚಿರೋ ಜಾಗಕ್ಕೆ ಹಚ್ಚಿದ್ರೆ ತಕ್ಷಣ ಉರಿ ಕಡಿಮೆ ಆಗತ್ತಂತೆ.

11. ಬಾಯಿ ದುರ್ವಾಸನೆ ವಸಡಿನ ಫಂಗಸ್ ಪ್ರಾಬ್ಲಂಗೂ ಕರ್ಬೇವು ಮದ್ದು

ಹಲ್ಲಿನ ಮೇಲೆ ಕೂತ್ಕೊಳೊ ಕೊಳೆ ಮತ್ತೆ ಅದ್ರಿಂದ ಉಂಟಾಗೋ ಕೆಟ್ಟ ವಾಸನೆನ ಕಡಿಮೆ ಮಾಡಕ್ಕೆ ಕರಿಬೇವು ಸಹಾಯ ಮಾಡತ್ತೆ. 

 

ನಿಮ್ಮ ದಿನನಿತ್ಯದ ಊಟ-ತಿಂಡೀಲಿ...ವಡೆ, ಚಿತ್ರಾನ್ನ, ಸಾರು, ಗೊಜ್ಜು, ತಂಬೂಳಿಗಳಿಗೆ ಕರ್ಬೇವು ಬಳಸುತ್ತಾ ಬನ್ನಿ. ಹಾಗೆ ಅದನ್ನ ಚೆಲ್ಲದೆ ತಿನ್ನೋ ಪ್ರಾಕ್ಟೀಸ್ ಕೂಡ ಮಾಡ್ಕೊಳ್ಳಿ ಅಂತ ಹೇಳಕ್ಕೆ ಮೇಲಿನ 11 ಕಾರಣಕ್ಕಿಂತ ಮತ್ತೇನ್ ಬೇಕು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: