ಏನಾರೂ ಸಿಕ್ಕರೆ ಯೋಚನೆ ಮಾಡಿ ಮಾಡಿ ತಲೆ ಕೆಡುಸ್ಕೊಳೋ ಬದ್ಲು ಹೀಗ್ ಮಾಡಿ, ಎಲ್ಲಾ ಸರಿ ಹೋಗುತ್ತೆ

ಈಗಲೆ ಎಲ್ಲಾ ಲೆಕ್ಕ ಹಾಕಕ್ಕೆ ಹೋಗ್ಬೇಡಿ

ಅವಳು ನನ್ನನ್ನ ಯಾಕೆ ಮಾತಾಡಿಸ್ತಾ ಇಲ್ಲ? ನಾನೇನಾದರೂ ತಪ್ಪು ಹೇಳಿಬಿಟ್ನಾ? ನಾನು ಸರಿಯಾಗಿ ಬಟ್ಟೆ ಹಾಕೊಂಡಿದೀನಾ?… ಈ ತರಹದ ಪ್ರಶ್ನೆಗಳು ಕೆಲವರಿಗೆ ಸ್ವಲ್ಪ ತಲೆ ತಿಂದರೆ ಇನ್ನೂ ಕೆಲವರಿಗೆ ತುಂಬಾ ತಿಂತವೆ. ಅಂಥವರು ಸಾಮಾನ್ಯವಾಗಿ ತಲೆ ಓಡ್ಸೋದು ಜಾಸ್ತಿ - ಎಲ್ಲಿ ಓಡಿಸಬೇಕಾಗಿಲ್ಲವೋ ಅಲ್ಲಿ. ಹಿಂಗಾದರೆ ಹೆಂಗೆ? ಹಂಗಾದರೆ ಹೆಂಗೆ?… ಅಂತ ಪ್ರಶ್ನೆಗಳು ಅವರ ತಲೇನಲ್ಲಿ ಓಡ್ತಾನೇ ಇರ್ತವೆ. ಆದರೆ ಹೀಗೆ ತುಂಬಾ ತಲೆ ಕೆಡುಸ್ಕೊಳೋದು ಒಳ್ಳೇದಲ್ಲ. ನಿಮಗೆ ಆ ತೊಂದರೆ ಎನಾದರೂ ಇದ್ದರೆ ಕೆಳಗೆ ನಿಮಗೋಸ್ಕರ 5 ಸಲಹೆಗಳ್ನ ಕೊಟ್ಟಿದೀವಿ. ಇವುಗಳ್ನ ಗಂಭೀರವಾಗಿ ತೊಗೊಂಡ್ರೆ ಬರ್ತಾ ಬರ್ತಾ ನೀವು ವಿನಾ ಕಾರಣ ತಲೆ ಕೆಡುಸ್ಕೊಳೋದು ಕಡಿಮೆ ಮಾಡ್ಕೋತೀರಿ. ಓಕೆ, ರೆಡಿ ನಾ?

1. ನಾನು ಜಾಸ್ತಿ ಯೋಚನೆ ಮಾಡ್ತಿದೀನಿ ಅಂತ ಗುರುತಿಸಿಕೊಳ್ಳೋದು ಕಲಿತುಕೊಳ್ಳಿ ಮೊದ್ಲು

ಬದಲಾವಣೆ ಆಗಬೇಕು ಅನ್ನೋದಾದ್ರೆ ತೊಂದರೆ ಎನು ಅಂತ ಮೊದಲು ಅರ್ಥ ಆಗಬೇಕು. ಕೆಲವರಿಗೆ ತೊಂದರೆ ಇರೋದೇ ಗೊತ್ತಾಗಲ್ಲ…. ಇನ್ನು ಅದನ್ನ ಬಗೆಹರಿಸಿಕೊಳ್ಳೋದು ಹೇಗೆ? ಆದ್ದರಿಂದ ನಿಮಗೆ ಮೊದಲು ಗೊತ್ತಾಗಬೇಕು… ಓಹೋ ಈಗ ನಾನು ತುಂಬಾ ಯೋಚ್ನೆ ಮಾಡ್ತಿದೀನಿ ಅಂತ. ಆಗಲೇ ನಿಮ್ಮ ಮೇಲೆ ನೀವು ಹಿಡಿತ ಸಾಧಿಸಿಕೊಳಕ್ಕೆ ಆಗೋದು.

ಮೂಲ

2. ಒಂದ್ಸಲ ತೀರ್ಮಾನ ತೊಗೊಂಡ ಮೇಲೆ ಅದನ್ನ ಬದಲಾಯಿಸಕ್ಕಾಗಲ್ಲ ಅನ್ನೋ ಮನೋಭಾವ ಬಿಟ್ಟುಬಿಡಿ

ನಾನು ನೂರಕ್ಕೆ ನೂರು ಪರ್ಫೆಕ್ಟಾಗಿರೋ ತೀರ್ಮಾನಾನೇ‌ ತೊಗೋಬೇಕು ಅನ್ಕೊಂಡ್ರೆ ಯೋಚನೆ ಮಾಡೋದು ಒಂದೊಂದ್ಸಲ ನಿಲ್ಲೋದೇ ಇಲ್ಲ. ಆದರೆ ಅರ್ಥ ಮಾಡ್ಕೊಳಿ: ನಿಮ್ಮ ತೀರ್ಮಾನವನ್ನ ನೀವು ಬದಲಾಯಿಸಬಹುದು. ಮುಂದೆ ಏನಾಗತ್ತೆ ಅಂತ ಯಾರೂ ಖಡಾಖಂಡಿತವಾಗಿ ಹೇಳಕ್ಕಾಗಲ್ಲ. ಅಷ್ಟೆಲ್ಲ ಭವಿಷ್ಯ ನುಡಿಯಕ್ಕೆ ಯಾರಿಗೂ ಆಗಲ್ಲ. ನೀವು ಎಷ್ಟೇ ತಯಾರಿ ಮಾಡ್ಕೊಂಡ್ರೂ ಜೀವನ ನಿಮಗೆ ಹೊಸ ಹೊಸ ಸವಾಲುಗಳ್ನ ಕೊಡ್ತಾನೇ ಇರುತ್ತೆ. ಪ್ಲಾನ್ ಮಾಡೋದು ತಪ್ಪಲ್ಲ, ಆದರೆ ತೀರಾ ಜಾಸ್ತಿ ಯೋಚನೆ ಮಾಡ್ತಾ ಕೂತ್ಕೊಂಡ್ರೆ ನಿಮಗೆ ಸಿಗಬೇಕಾದ ಯಶಸ್ಸು ಸಿಗಲ್ಲ.

ಮೂಲ

3. ಮುಂದೆ ಬರಬಹುದಾದ ತೊಂದರೆಗಳ್ನೆಲ್ಲ ಈಗಲೇ ಒಂದೂ ಬಿಡದೆ ಲೆಕ್ಕ ಹಾಕ್ತೀನಿ ಅಂತ ಹೊರಡಬೇಡಿ

ಹೆದರಿಕೆಯಿಂದ ಹೀಗ್ ಮಾಡ್ತಾರೆ. ಬರೀ ಕೆಟ್ಟದರ ಬಗ್ಗೆ ಯೋಚಎನ್ ಮಾಡ್ತಾ ಇದ್ದರೆ ಯೋಚನೆ ಮಾಡೋದು ನಿಲ್ಲಲ್ಲ. ನಾವು ಏನನ್ನ ಯೋಚನೆ ಮಾಡ್ತೀವೋ ಅದು ಆಗೋಹಾಗೆ ಪ್ರಪಂಚ ನೋಡ್ಕೊಳುತ್ತೆ ಅಂತ ನಂಬೋರಿದಾರೆ. ಉದಾಹರಣೆಗೆ, ನೀವು ಬರೀ ಸಿಟ್ಟು ಮಾಡ್ಕೊಂಡು ಕೆಟ್ಟ ಕೆಟ್ಟ ಯೋಚನೆ ಮಾಡ್ತಾ ಇದ್ದರೆ ಅದನ್ನ ಹೆಚ್ಚಿಸುವಂತ ವಾತಾವರಣ ನಿಮಗಾಗಿ ನಿರ್ಮಾಣ ಆಗುತ್ತೆ. ಅದೇ ನೀವು ಒಳ್ಳೇದನ್ನೇ ಯೋಚನೆ ಮಾಡ್ತಿದ್ರೆ ಅಂಥ ವಾತಾವರಣಾನೇ ನಿರ್ಮಾಣ ಆಗುತ್ತೆ.

ಮೂಲ

4. ವರ್ತಮಾನದಲ್ಲಿ ಜೀವನ ಮಾಡೋದು ಕಲಿತುಕೊಳ್ಳಿ

ಭೂತಕಾಲದಲ್ಲಿ ಜೀವನ ಮಾಡಿದ್ರೆ ಹಳೇ ನೋವುಗಳು ತೊಂದರೆಗಳೆಲ್ಲ ನೆನಪಾಗಿ ಕಷ್ಟಕ್ಕೆ ಸಿಕಾಕೋತೀರಿ. ಇಂಥ ಯೋಚನೆಗಳು ಬರಕ್ಕೆ ಶುರು ಆದಾಗ ಗುರುತಿಸಿಕೊಂಡು ನಿಮ್ನ ನೀವು ವರ್ತಮಾನ ಕಾಲಕ್ಕೆ ಕರ್ಕೊಂಡ್ ಬನ್ನಿ. ಭೂತಕಾಲದಲ್ಲಿ ಜೀವನ ಮಾಡೋದ್ರಿಂದ ಏನ್ ತೊಂದ್ರೆ ಆಗುತ್ತೆ ಅಂತ ನಿಮಗೆ ನೀವೇ ನೆನಪಿಸಿಕೊಳ್ಳಿ. ಸಂತೋಷವಾಗಿರಬೇಕಾದ್ರೆ ಹಿಂದೆ ನಡೆದಿದ್ದನ್ನ ಮರೆತು ಇವತ್ತಿನ ಜೀವನ ಮಾಡಲೇಬೇಕು.

ಮೂಲ

5. ನಿಮ್ಮ ಜೊತೆ ನೀವು ಪಾಸಿಟಿವ್ ಆಗಿ ಮಾತಾಡೋದನ್ನ ಅಭ್ಯಾಸ ಮಾಡ್ಕೊಳಿ

ಎಲ್ಲಿ ಕೆಡಬಹುದು, ಏನು ಹಾಳಾಗಬಹುದು ಅಂತ ಯೋಚನೆ ಮಾಡೋ ಬದಲು ಎಲ್ಲಿ ಒಳ್ಳೇದಾಗಬಹುದು, ಹೇಗೆ ಚೆನ್ನಾಗಾಗಬಹುದು ಅಂತ ಯೋಚನೆ ಮಾಡಕ್ಕೆ ಶುರು ಮಾಡಿ. ನಿಮ್ಮ ಸಾಧನೆಗಳ ಪಟ್ಟಿ ಮಾಡ್ಕೊಳಿ. ತೀರಾ ಹಿಂದಿನ ಸಾಧನೆಗಳನ್ನಲ್ಲ, ಕೆಲವು ತಿಂಗಳ ಹಿಂದಿನ ಸಾಧನೆಗಳ ಬಗ್ಗೆ ನಾವು ಹೇಳ್ತಿರೋದು ಇಲ್ಲಿ. ತೀರಾ ದೊಡ್ಡ ಸಾಧನೆಗಳೂ ಆಗಬೇಕಿಲ್ಲ… ನಿಮ್ಮ ಫ್ರೆಂಡ್ ನಿಮ್ಮ ಹೇರ್ ಕಟ್ ನೋಡಿ ಚೆನ್ನಾಗಿದೆ ಅಂದ್ರೆ ಅದನ್ನೂ ಪಟ್ಟಿ ಮ್ ಆಡಿ. ಹೀಗೆ ದಿನಾ ಮಾಡ್ಕೋತಾ ಬಂದ್ರೆ ನೀವು ನೆಗೆಟಿವ್ ಆಗಿ ಯೋಚನೆ ಮಾಡ್ಕೊಂಡು ಜೀವನ ಕಳೆಯೋ ಸುಳಿಗೆ ಬೀಳಲ್ಲ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಸೂಕ್ಷ್ಮ ಮನಸ್ಸಿನ ಹುಡುಗಿಯರನ್ನ ಚೆನ್ನಾಗಿ ನೋಡ್ಕೊಳಕ್ಕೆ ಈ ಕಲೆ ಗೊತ್ತಿರ್ಬೇಕು

ಬೇಗ ಮನಸಿಗೆ ತೆಗೊಂಡು ಬಿಡ್ತಾರೆ

ನಮ್ಮ ಮನೇಲೋ ಅಥ್ವಾ ಗೆಳೆಯರಲ್ಲೋ ಎಲ್ಲೋ ಒಬ್ರು ಸಿಕ್ಕಾಪಟ್ಟೆ ಸೂಕ್ಷ್ಮ ಮನಸ್ಸಿರೋ ಹುಡುಗಿಯರು ಇದ್ದೇ ಇರ್ತಾರೆ. ನೋಡೇ ಇರ್ತೀವಿ ಅಲ್ವಾ?

ಹೆಂಗೋ ಇಂಥೋರಿಗೆ ಇನ್ನೊಬ್ರ ಕಷ್ಟ-ಸುಖ ಭಾಳ ಬೇಗ ಅರ್ಥ ಅಗೋಗತ್ತೆ. ಒಮ್ಮೊಮ್ಮೆ ಇನ್ನೊಬ್ರ ನೋವನ್ನ ತಾವೇ ಅನುಭವಿಸಿ ಒಳ್ಗೊಳ್ಗೇ ಕಷ್ಟ ಪಡ್ತಾರೆ. ಜೀವನ ಕಾಂಪ್ಲಿಕೇಟ್ ಮಾಡ್ಕೊಳ್ಳೋದೇನು ಇವರ ಉದ್ದೇಶ ಅಲ್ಲ, ಆದ್ರೆ ತುಂಬಾ ಬೇಗ ಎಲ್ಲಾನೂ ಮನಸಿಗೆ ತೆಗೊಂಡು ಬಿಡ್ತಾರೆ. ಸುತ್ತಮುತ್ತ ಏನ್ ನಡ್ಯತ್ತೋ ಅದೆಲ್ಲಾ ಪೂರ್ತಿ ಕಣ್ಣಲ್ಲಿ ನೋಡದೇ ಹೋದ್ರೂ ಗೊತ್ತಾಗತ್ತೆ. ಅವರೇನ್ ಸಹಾಯ ಮಾಡ್ಬೋದು? ಮಾಡ್ಲೋ ಬೇಡ್ವೋ? ಅಂತ ಭಾಳ ಯೋಚ್ನೆ ಮಾಡ್ತಾರೆ. ಒಳಗೆ ನಡೀತಿರೋ ಚಂಡಮಾರುತಾನ ಮುಚ್ಚಿಟ್ಟು ಎಲ್ಲರ ಥರ ಬದುಕೋಕೆ ನೋಡ್ತಾರೆ. ಇನ್ನೊಬ್ರ ಕಷ್ಟ ಅರ್ಥ ಮಾಡ್ಕೊಂಡು ಅನುಕಂಪ ತೋರ್ಸಕ್ಕೆ ಎಲ್ಲಾ ಹುಡ್ಗೀರ್ಗೂ ಬರಲ್ಲ ಅಲ್ವಾ? ಈ ತರ ಸೂಕ್ಷ್ಮ ಮನಸ್ಸಿರೋರು ಅಪರೂಪ. ಈ ತರದೋರು ಜೊತೆ ಹೇಗೆ ನೋಡ್ಕೊಬೇಕು, ಹೇಗೆ ಮಾತಾಡ್ಬೇಕು ಅನ್ನೋದೇ ಒಂದು ಕಲೆ.

ಈಗ ಅದೇನ್ ಮಾತಾಡ್ಬಾರ್ದು ಅಂತ ತಿಳ್ಕೊಳ್ಳಿ...ಇಷ್ಟು ತಿಳ್ಕೊಂಡ್ರೆ ಅವರು ನಿಮ್ಮನ್ನ ಇಷ್ಟ ಪಡ್ತಾರೆ.

1. ಯಾಕೆ ಎಲ್ಲಾದಕ್ಕೂ ಇಷ್ಟು ಇಮೋಶನಲ್ ಆಗ್ತೀಯಾ?

ಸೂಕ್ಷ್ಮ ಮನಸ್ಸಿನವರಿಗೆ ಅವರ ಗುಣಾನ ಬದ್ಲಾಯಿಸ್ಕೊಳ್ಳೋಕೆ ಆಗೊಲ್ಲ. ಅದು ಅವ್ರಿಗೆ ಸಹಜವಾಗಿ ಬಂದಿರೋದು. ಅಂದ್ರೆ ಅವರ ದೇಹದಲ್ಲಿರೋ ಹಾರ್ಮೋನು, ಅವರ ಮಿದುಳು ಎಲ್ಲವೂ ಅವ್ರನ್ನ ಆ ರೀತಿ ಮಾಡುತ್ತೆ. ಬರೀ ಗಟ್ಟಿ ಮನಸ್ಸು ಮಾಡೋದ್ರಿಂದ ಇದು ಬದಲಾಗೊಲ್ಲ. 20% ಜನ ಈ ರೀತಿ ಆಗಿರ್ತಾರೆ ಅಂತ ಇದರ ಬಗ್ಗೆ ಅಧ್ಯಯನ ಮಾಡಿರೋ ಸೈಕಾಲಾಜಿಸ್ಟ್ಗಳು ಹೇಳ್ತಾರೆ.

2. ನೀ ಯಾಕೆ ಎಲ್ಲಾದ್ಕು ಇಷ್ಟು ಟೈಮ್ ತೊಗೊತ್ಯಾ?

ಇವ್ರು ನಿಧಾನವಾಗಿ ಯೋಚ್ನೆ ಮಾಡ್ತಾರೆ, ಹಾಗಾಗಿ ಇವ್ರಿಗೆ ಸ್ವಲ್ಪ ಜಾಸ್ತಿ ಸಮಯ ಬೇಕು. ಚಿಕ್ಕ ಚಿಕ್ಕ ಕೆಲಸಗಳೂ ಇವ್ರಿಗೆ ತುಂಬಾ ಯೋಚ್ನೆ ಮಾಡೋ ಹಾಗೆ ಮಾಡುತ್ತೆ. 

ಮೂಲ

3. ಯಾಕಿಷ್ಟು ರೆಸ್ಟ್ ತೊಗೊತ್ಯಾ?

ಇವ್ರು ತುಂಬಾ ಯೋಚ್ನೆ ಮಾಡೋದ್ರಿಂದ ಬೇಗ ಸುಸ್ತಾಗ್ತಾರೆ. ಹಾಗಂತ ಇವ್ರು ಸೋಮಾರಿಗಳಲ್ಲ. ಇವ್ರು ತುಂಬಾ ಬುದ್ಧಿವಂತರಿರ್ತಾರೆ. ಆದರೆ ಇವ್ರು ಕೆಲಸ ಮಾಡೋ ಸ್ಪೀಡ್ ಬೇರೆಯವ್ರಿಗಿಂತ ನಿಧಾನ ಅಷ್ಟೆ. ಅವರ ಸಹಜ ಗುಣಕ್ಕೆ ಅವರು ಬೇಜಾರು ಪಟ್ಕೊಳ್ಲೋ ಹಾಗೆ ಮಾಡ್ಬೇಡಿ.

4. ನೀ ಯಾಕೆ ನಿನ್ ಜೀವನ ಇಷ್ಟು ಕಷ್ಟ ಮಾಡ್ಕೋತ್ಯಾ?

ಕಷ್ಟ ಏನ್ ಮಾಡ್ಕೊಳಕ್ಕೆ ಇಷ್ಟ ಇಲ್ಲ ಇವ್ರಿಗೆ. ಆದ್ರೆ ಕಣ್ಣೇದುರಿಗಾಗ್ಲಿ ಸುತ್ತ ಮುತ್ತ ನಡೀತಿರೋದಾಗ್ಲಿ, ಬೆನ್ನು ಹಿಂದೆ ಆಗ್ತಿರೋದಾಗ್ಲಿ ಇಂಥೋರಿಗೆ ಬೇರೆಯೋರ್ಗಿಂತ ಬೇಗ ಗೊತ್ತಾಗತ್ತೆ, ಸರ್ಯಾಗಿ ಗೊತಾಗತ್ತೆ. ಹಾಗಾಗಿ ಸುಮ್ನೆ ತಮ್ ಪಾಡಿಗೆ ತಾವು ಇರಕ್ಕಾಗಲ್ಲ. ಇವ್ರು ಸಾಮಾನ್ಯ ಜನ್ರಿಗಿಂತ ಸ್ವಲ್ಪ ಜಾಸ್ತಿ ತಿಳ್ಕೊಂಡಿರ್ತಾರೆ, ಬೇರೆಯವ್ರ ನೋವು ಬೇಗ ತಟ್ಟುತ್ತೆ, ಅಷ್ಟೆ. ಮನಸಲ್ಲಿ ಸದಾ ಯೋಚ್ನೆಗಳು ಹೊಯ್ದಾಡ್ತಾ ಇರತ್ವೆ. ಹಾಗಂತ ಇವ್ರಿಗೆ ನಮ್ಮ ಕನಿಕರ ಬೇಕಿಲ್ಲ. ನಮ್ಮೆಲ್ಲರ ಹಾಗೆ ಇವ್ರಿಗೂ ಇವ್ರನ್ನ ಅರ್ಥ ಮಾಡ್ಕೊಳ್ಳೋರು ಬೇಕು.

ಮೂಲ

5. ಯಾವಾಗ್ಲೂ ಅದೇನ್ ನಿನ್ ಗೋಳು?

ಇವ್ರು ಮೊದ್ಲೇ ಸೂಕ್ಷ್ಮ ಮನಸಿನೋರು. ಅಂಥಾದ್ರಲ್ಲಿ ನೀವು ಒರಟಾಗಿ ಮಾತಾಡಿ ಇನ್ನೂ ನೋವು ಮಾಡ್ಬೇಡಿ. ಇವ್ರು ಎಲ್ಲಾದ್ಕು ಕಂಪ್ಲೇಟ್ ಮಾಡ್ತಾರೆ ಅಂದ್ಕೋಬೇಡಿ. ಮನಸ್ಸಿನ ಭಾರ ಕಳ್ಕೊಳ್ಳೋಕೆ ಏನೋ ಹೇಳಿರ್ತಾರೆ ಅಷ್ಟೆ. ಎಲ್ರೂ ಒಂದಲ್ಲ ಒಂದ್ಸಲ ಈ ರೀತಿ ಕಂಪ್ಲೇಟ್ ಮಾಡೇ ಇರ್ತೀವಿ, ಇವ್ರೂ ಮಾಡ್ತಾರೆ ಅಷ್ಟೆ.

6. ಎಲ್ಲರ ಗಮನ ನಿನ್ ಮೇಲೆನೇ ಇರ್ಬೇಕು ಅಂತ ಹೀಗೆ ಮಾಡ್ತೀಯಾ?

ಸಾಮಾನ್ಯವಾಗಿ ಸೂಕ್ಷ್ಮ ಮನಸಿನವ್ರು ಅವ್ರದ್ದೇ ಯೋಚ್ನೇಲಿ ಮುಳುಗಿರ್ತಾರೆ, ಅಂತರ್ಮುಖಿಗಳಾಗಿರ್ತಾರೆ, ಒಂಟಿಯಾಗಿರೋದು ಇಷ್ಟ ಪಡ್ತಾರೆ. ಹೋಗಿ ಹೋಗಿ ಇವ್ರು ಬೇರೆಯವ್ರ ಗಮನ ಸೆಳೆಯೋಕೆ ಹೀಗೆಲ್ಲ ಮಾಡ್ತಾರೆ ಅಂತ ಹೇಳಿ ಬೇಜಾರು ಮಾಡ್ಬೇಡಿ. ಇವ್ರಿಗೆ ಬೇಕಿರೋದು ಸಾಧಾರಣ ಬದುಕು, ಸಂತೋಷವಾಗಿರೋ ಬದುಕು ಅಷ್ಟೆ. ಮೊದ್ಲೇ ಹೇಳಿದ್ ಹಾಗೆ ಇವ್ರು ನಿಧಾನವಾಗಿ ಯೋಚ್ನೆ ಮಾಡೋರು, ಇವ್ರನ್ನ ಕೆಳಗೆಳಿಯೋ ಮೊದ್ಲು ಯೋಚ್ನೆ ಮಾಡಿ.

ಮೂಲ

7. ಅತಿಯಾಗಿ ಯಾಕೆ ಯೋಚ್ನೆ ಮಾಡ್ತೀಯ?

ಯೋಚ್ನೆ ಮಾಡೋದು, ಬೇರೆಯವ್ರ ಭಾವನೆಗಳ್ನ ಬೇಗ ಅರ್ಥ ಮಾಡ್ಕೊಳ್ಳೋದು ಇವ್ರ ಸಹಜ ಗುಣ. ಇದನ್ನ ಬದಲಾಯಿಸೋಕೆ ಆಗೊಲ್ಲ. ಇದು ವರಾನೂ ಹೌದು, ಶಾಪಾನೂ ಹೌದು. ಆದ್ರೆ ಚಾನ್ಸ್ ಕೊಟ್ರೂ ಇವ್ರು ಬದಲಾಯಿಸ್ಕೊಳೊಲ್ಲ. ಯಾಕಂದ್ರೆ ಹೀಗೆ ತುಂಬ ಯೋಚ್ನೆ ಮಾಡೋದ್ರಿಂದಾನೇ ಇವ್ರು ಬದುಕನ್ನ ಪೂರ್ತಿಯಾಗಿ ಅನುಭವಿಸ್ತಾರೆ. ದುಃಖ, ಬೇಜಾರನ್ನ ಮನಸ್ಪೂರ್ತಿಯಾಗಿ ಅನುಭವಿಸೋದ್ರಿಂದ ಖುಷೀನೂ ಅಷ್ಟೇ ಪೂರ್ತಿಯಾಗಿ ಅನುಭವಿಸ್ತಾರೆ. ಬದುಕಲ್ಲಿರೋ ಸಣ್ಣ ಸಣ್ಣ ಖುಷಿಗಳ್ನ ಇವ್ರು ಮಿಸ್ ಮಾಡ್ಕೊಳೊಲ್ಲ. ಹೀಗಾಗಿ ಸ್ವಲ್ಪ ಹೆಚ್ಚೇ ಅನ್ಸಿದ್ರೂ ಯೋಚ್ನೆ ಮಾಡೋದನ್ನ ಇವ್ರು ಬಿಡೋಕೆ ಇಷ್ಟ ಪಡೊಲ್ಲ.

8. ನೀ ಹೀಗೆಲ್ಲ ಆಡಿದ್ರೆ ಯಾರ್ ನಿನ್ ಜೊತೆ ಸ್ನೇಹ ಬೆಳೆಸ್ತಾರೆ?

ಇವ್ರು ಸ್ವಲ್ಪ ಅಂತರ್ಮುಖಿಗಳು, ಏಕಾಂತಪ್ರಿಯರು. ಹಾಗಂತ ಇವ್ರಿಗೆ ಸ್ನೇಹಿತರು ಇಲ್ಲ ಅಂತ ಅಲ್ಲ. ಇವ್ರಿಗೆ ತುಂಬಾ ಕಡಿಮೆ ಫ್ರೆಂಡ್ಸ್ ಇದ್ರೂ ಕೂಡ ಅವರ ಜೊತೆ ನಿಜವಾದ ಸಂಬಂಧ ಇರುತ್ತೆ. ಇವ್ರಿಗೆ ತುಂಬಾ ಜನ ಫ್ರೆಂಡ್ಸ್ ಇಲ್ದೇ ಇರೋದು ಇವ್ರು ಕೆಟ್ಟವ್ರು ಅನ್ನೋ ಕಾರಣಕ್ಕೆ ಅಲ್ಲ. ಇವ್ರೇ ಬೇಕ್-ಬೇಕು ಅಂತಾನೇ ಸಣ್ಣ ಸರ್ಕಲ್ ಇಟ್ಕೊಂಡಿರ್ತಾರೆ. ಹಾಗಾಗಿ ನೀವು ಇವ್ರ ಬಗ್ಗೆ ಗೊತ್ತಿಲ್ದೆ ಏನೇನೋ ಅಂದ್ಕೊಳ್ಳೋಕೆ ಹೋಗ್ಬೇಡಿ.

ಮೂಲ

9. ಚಿಕ್ ಚಿಕ್ಕ ವಿಶ್ಯಾನ ದೊಡ್ದದು ಯಾಕ್ ಮಾಡ್ತೀಯಾ?

ನಮ್ಗೆ ಸೂಕ್ಷ್ಮ ಮನಸ್ಸು ಇಲ್ದೇ ಇರೋದ್ರಿಂದ ಇವ್ರು ಹೇಳೋದು ನಮ್ಗೆ ಹಾಗೆ ಕಾಣುತ್ತೆ. ಇವ್ರು ಎಲ್ಲಾನೂ ಮನಸ್ಸಿಗೆ ತೆಗೊಳೋದ್ರಿಂದ ಚಿಕ್ಕ ಚಿಕ್ಕ ವಿಶ್ಯ ಕೂಡ ಇವ್ರಿಗೆ ತುಂಬಾ ಮುಖ್ಯ ಅಂತ ಅನ್ಸುತ್ತೆ. ಹಾಗಾಗಿ ಇವ್ರು ಚಿಕ್ಕದನ್ನ ದೊಡ್ಡದು ಮಾಡ್ತಿದಾರೆ ಅಂತ ಹೇಳೋ ಮೊದ್ಲು ಯೊಚ್ನೆ ಮಾಡಿ.

10. ಪ್ರಪಂಚ ಇರೋದೇ ಹೀಗೆ, ಬದುಕೋದು ಕಲಿಯಕ್ಕಾಗಲ್ವಾ?

ಸೂಕ್ಷ್ಮ ಮನಸ್ಸಿನವರು ಅವ್ರಿಂದ ಸಾಧ್ಯವಾದಷ್ಟೂ ನಾರ್ಮಲ್ ಆಗಿರೋಕೆ ನೋಡ್ತಾರೆ. ಹಾಗಾಗಿ ಅವ್ರಿಗೆ ಬದ್ಕೋದು ಕಲಿ ಅಂತ ಹೇಳೋಕೆ ಹೋಗ್ಬೇಡಿ. ನೀವು ಹಾಗೆ ಹೇಳಿದ್ರೆ ಅವ್ರು ನಿಮ್ಮನ್ನ ದೂರ ಮಾಡ್ಕೊಳ್ಳೋದು ಗ್ಯಾರಂಟಿ. ಅವ್ರನ್ನ ಅರ್ಥ ಮಾಡ್ಕೊಳ್ಳೋಕೆ ನೋಡಿ, ನಿಮ್ಗೆ ಒಳ್ಳೆ ಫ್ರೆಂಡ್ ಆಗ್ತಾರೆ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: