ಈ ಅದ್ಭುತವಾದ ಅರೇಬಿಕ್ ಗಾದೆಗಳಿಂದ ನಿಮಗೆ ಪ್ರಪಂಚ ಇನ್ನಷ್ಟು ಚೆನ್ನಾಗಿ ಅರ್ಥ ಆಗುತ್ತೆ

ಯಾಕಂದ್ರೆ ಒಳ್ಳೇ ಕಲಿಕೆ ಎಲ್ಲಿಂದ ಬಂದರೂ ಒಳ್ಳೇದೇ

ಗಾದೆಗಳು ಎಲ್ಲಾ ಸಂಸ್ಕೃತಿಯಲ್ಲೂ ಇರುತ್ತವೆ. ಅವುಗಳ ಕರ್ತೃಗಳು ಯಾರು ಅಂತ ಯಾರಿಗೂ ಗೊತ್ತಿರಲ್ಲ. ಅರಬ್ಬಿ ಭಾಷೆಯಲ್ಲಿ ಎಂತೆಂತಹ ಗಾದೆಗಳಿವೆ ಅಂತ ಪ್ರಾಯಶಃ ನೀವು ಕೇಳಿರಲಾರಿರಿ. ಅಲ್ಲಿಯ ಮರಳುಗಾಡುಗಳು, ಅಲ್ಲಿಯ ಜನ, ಬಿಸಿಲು, ಮರಗಳು… ಇವೆಲ್ಲವೂ ಗಾದೆಗಳಲ್ಲಿ ಬಹಳ ಚೆನ್ನಾಗಿ ಕಾಣಿಸಿಕೊಳ್ಳುತ್ತವೆ. 20 ಅಂಥ ಗಾದೆಗಳ್ನ ಅಂತೆಕಂತೆ ಮೂಲಕ ನಿಮಗೋಸ್ಕರ ಇಲ್ಲಿ ತಂದಿದ್ದೀವಿ, ಓದಿ -- ಇವುಗಳಿಂದ ನಿಮಗೆ ಪ್ರಪಂಚ ಇನ್ನಷ್ಟು ಅರ್ಥವಾಗುತ್ತೆ. ಒಳ್ಳೆಯ ಕಲಿಕೆ ಎಲ್ಲಿಂದ ಬಂದರೂ ಅದು ಒಳ್ಳೆಯದೇ (ಹಾಗಂತ ಮಹಾಭಾರತದಲ್ಲೂ ಇದೆ)…

  1. ಮೌನಕ್ಕಿಂತ ಸುಂದರವಾದದ್ದು ಏನಾದರೂ ಹೇಳುವುದಾದರೆ ಮಾತ್ರ ಬಾಯಿ ಬಿಡು.
  2. ಸಿಂಹ ಸೇನಾಧಿಪತಿಯಾಗಿರುವ ಕುರಿಗಳ ಸೈನ್ಯ ಕುರಿ ಸೇನಾಧಿಪತಿಯಾಗಿರುವ ಸಿಂಹಗಳ ಸೈನ್ಯವನ್ನು ಸೋಲಿಸಿಬಿಡುತ್ತದೆ.
  3. ಒಂದು ತಪ್ಪು ಎರಡು ದುರ್ಭಾಗ್ಯಗಳನ್ನು ತರುತ್ತದೆ.
  4. ಬುದ್ಧಿವಂತರಿಗೆ ಸನ್ನೆ, ಪೆದ್ದರಿಗೆ ದೊಣ್ಣೆ
  5. ನೋಡಿದ್ದು ನಂಬು, ಕೇಳಿದ್ದು ಬಿಡು
  6. ಅನುಭವಸ್ಥರನ್ನು ಕೇಳು, ಓದಿ ತಿಳಿದಿರುವವರನ್ನಲ್ಲ.
  7. ನಾಲಿಗೆ ಚೆನ್ನಗಿದ್ದು ಮನಸ್ಸಿನಲ್ಲಿ ಕರುಣೆಯಿದ್ದರೆ ಒಂದು ಆನೆಯನ್ನು ಒಂದೆಳೆ ಕೂದಲಿಂದ ಎಳೆಯಬಹುದು.
  8. ದೋಣಿ ಅಲ್ಲಿಗೆ ಹೋಗಬೇಕು, ಗಾಳಿಗೆ ಇಲ್ಲಿಗೆ
  9. ಕೊರತೆಗಳಿಲ್ಲದ ಗೆಳೆಯರನ್ನು ಹುಡುಕುತ್ತಿರುವವನಿಗೆ ಗೆಳೆಯರೇ ಸಿಗುವುದಿಲ್ಲ
  10. ಯಾವಾಗಲೂ ಬಿಸಿಲಿದ್ದರೆ ಮರುಭೂಮಿಯಾಗುತ್ತದೆ.
  11. ದುಷ್ಟ ಶಕ್ತಿಗಳಿಂದ ದೂರವಿರು; ದೂರ ನಿಂತು ನೋಡು.
  12. ಚಲನೆಗೂ ಸಮಯಕ್ಕೂ ನಂಟಿರುವುದು ನಿಜ; ಚಲನೆಯನ್ನು ಕಂಡು ಮನಸ್ಸು ಸಮಯವನ್ನು ಊಹಿಸಿಕೊಳ್ಳುತ್ತದೆ.
  13. ಮನಸ್ಸಿನಲ್ಲಿ ಚಿಗುರುತ್ತಿರುವ ಮರವಿದ್ದರೆ ಹಾಡುವ ಹಕ್ಕಿ ಬಂದೆ ಬರುತ್ತದೆ.
  14. ಹೆಮ್ಮೆಯನ್ನು ಗೆದ್ದರೆ ಒಳ್ಳೆಯವನಾಗುವೆ. ಕೋಪವನ್ನು ಗೆದ್ದರೆ ಸಂತೋಷ ಪಡೆಯುವೆ. ಆಸೆಯನ್ನು ಗೆದ್ದರೆ ಯಶಸ್ಸನ್ನು ಪಡೆಯುವೆ. ದುರಾಸೆಯನ್ನು ಗೆದ್ದರೆ ಆನಂದವನ್ನು ಪಡೆಯುವೆ.
  15. ನಿನ್ನ ಆಜ್ಞೆಯನ್ನು ನೀನೇ ಪಾಲಿಸದೆ ಹೋದರೆ ಬೇರೆಯವರು ಹೇಗೆ ಪಾಲಿಸಿಯಾರು?
  16. ಹೆದರಿದ್ದಾಗ ಮಾಡಬೇಡ; ಮಾಡುತ್ತಿದ್ದರೆ ಹೆದರಬೇಡ.
  17. ಗೆಲುವು ನಿನ್ನ ಸಾಮರ್ಥ್ಯವನ್ನು ತೋರಿಸುತ್ತದೆ; ಸೋಲು ನಿನ್ನ ಯೋಗ್ಯತೆಯನ್ನು ತೋರಿಸುತ್ತದೆ.
  18. ಮುಚ್ಚಲಾಗದಿರುವಂಥ ಬಾಗಿಲನ್ನು ತೆಗೆಯಬೇಡ.
  19. ಹೆಂಗಸರ ಚಿಕ್ಕ ಚಿಕ್ಕ ತಪ್ಪುಗಳನ್ನು ಕ್ಷಮಿಸಲಾಗದ ಗಂಡಸರಿಗೆ ಅವರ ದೊಡ್ಡ ದೊಡ್ಡ ಗುಣಗಳು ಕಾಣಿಸುವುದಿಲ್ಲ.
  20. ಗಾಳಿಗೆ ಗುಟ್ಟನ್ನು ಹೇಳಿ ಅದು ಮರಗಳಿಗೆ ಗೊತ್ತಾದಾಗ ಗಾಳಿಯನ್ನು ಬೈಯಬೇಡ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ನಿಮ್ಮ ಬುದ್ಧಿವಂತಿಕೆಗೂ ನಿಮ್ಮ ಅಮ್ಮನಿಗೂ ಇರೋ ಸಂಬಂಧ ಗೊತ್ತಾದಾಗ ಆಶ್ಚರ್ಯ ಪಡ್ತೀರಿ

ಜೆನೆಟಿಕ್ಸ್ ವಿಜ್ಞಾನಿಗಳು ಕಂಡ್ ಹಿಡ್ದಿರೋ ಅದ್ಭುತವಾದ ಸತ್ಯ

ಇದು ಅಪ್ಪಂದ್ರಿಗೆ ಇಷ್ಟ ಆಗ್ದೆ ಇರ್ಬಹುದು. ಆದ್ರೆ ಬುದ್ಧಿಶಕ್ತಿಯ ವಿಷಯಕ್ಕೆ ಬಂದ್ರೆ ಅಪ್ಪಂದಿರಿಂದ ಮಕ್ಳಿಗೆ ಏನೂ ಪ್ರಯೋಜನ ಇಲ್ವಂತೆ, ಬುದ್ಧಿ ಪೂರ್ತಿ ಅಮ್ಮನಿಂದ್ಲೇ ಬರೋದಂತೆ.

ತೀರಾ ಇತ್ತೀಚಿನವರ್ಗೂ ಮಕ್ಕಳ ಬುದ್ಧಿಶಕ್ತೀಲಿ ಅಪ್ಪ-ಅಮ್ಮ ಇಬ್ಬರ ವಂಶವಾಹಿಗಳದೂ (ಜೀನ್ಸ್) ಪಾಲಿದೆ ಅಂತಾನೇ ಎಲ್ರೂ ಅಂದ್ಕೊಂಡಿದ್ರು, ಆದ್ರೆ ಈಗ ಅದು ಪೂರ್ತಿ ಅಮ್ಮನಿಂದ್ಲೇ ಬರೋದು ಅಂತ ಗೊತ್ತಾಗಿದೆ.

ಮೂಲ

ಜೆನೆಟಿಕ್ ವಿಜ್ಞಾನಿಗಳು ನಡೆಸಿರೋ ಸಂಶೋಧನೆಯಿಂದ ಬಂದಿರೋ ವಿವರ ಇದು. ಈ ಸಂಶೋಧನೆ ಇನ್ನೂ ನಡೀತಾನೆ ಇರುತ್ತೆ, ನಿಲ್ಲೊಲ್ಲ. ಹಾಗಾಗಿ ಸದ್ಯಕ್ಕೆ ಇದು ಅವರ ತೀರ್ಮಾನ ಆಗಿದ್ರೂ ಇದನ್ನ ಇನ್ನೂ ಪ್ರಶ್ನಿಸ್ಕೊಂಡು ಸಂಶೋಧನೆ ಮಾಡ್ತಾರೆ. ಅಪ್ಪಂದ್ರಿಗೂ ಏನೋ ಕ್ರೆಡಿಟ್ ಸಿಗ್ಬಹುದು ಮುಂದೆ ಅಂದ್ಕೊಳ್ಳೋಣ. ಈಗ ಇವ್ರು ಈ ತೀರ್ಮಾನಕ್ಕೆ ಹೇಗೆ ಬಂದ್ರು ಅಂತ ಕೇಳ್ತೀರಾ? ಇಲಿಗಳ ಮೇಲೆ ಟೆಸ್ಟ್ ಮಾಡಿದ್ರು. ಭ್ರೂಣವಾಗಿದ್ದಾಗ್ಲೇ ಕೆಲವು ಇಲಿಗಳಿಗೆ ತಾಯಿಯ ಜೆನೆಟಿಕ್ ಮೆಟೀರಿಯಲ್ ಕೊಟ್ಟು, ಇನ್ನು ಕೆಲವು ಇಲಿಗಳಿಗೆ ತಂದೆಯ ಜೆನೆಟಿಕ್ ಮೆಟೀರಿಯಲ್ ಕೊಟ್ರು.

ತಾಯಿಯ ಜೆನೆಟಿಕ್ ಮೆಟೀರಿಯಲ್ ಕೊಟ್ಟ ಮರಿ ಇಲಿಗಳಿಗೆ ತಲೆ ಬುರುಡೆ, ಮಿದುಳು ತುಂಬಾ ದೊಡ್ಡದಾಯ್ತು, ತಂದೆಯ ಜೆನೆಟಿಕ್ ಮೆಟೀರಿಯಲ್ ಕೊಟ್ಟ ಮರಿ ಇಲಿಗಳಿಗೆ ದೇಹ ದೊಡ್ಡದಾಯ್ತು, ಮಿದುಳು ಚಿಕ್ಕದಾಯ್ತು.

ಅಲ್ಲಿಗೆ ಗೊತ್ತಾಯ್ತಲ್ಲ? ಸರಿ, ಇದಲ್ದೆ ಅಮ್ಮನಿಂದ ಏನೇನು ಬರುತ್ತೆ ಮಗೂಗೆ?

ಭಾಷೆ ಕಲಿಯೋಕೆ, ಲಾಜಿಕಲ್ ಆಗಿ ಯೋಚ್ನೆ ಮಾಡೋಕೆ ನಾವು ಉಪ್ಯೋಗಿಸೋ ಮಿದುಳಿನ ಭಾಗ (ಸೆರೆಬ್ರಲ್ ಕಾರ್ಟೆಕ್ಸ್) ಪೂರ್ತಿಯಾಗಿ ತಾಯಿಯ ಜೀನ್ಸಿನಿಂದ ತಯಾರಾಗುತ್ತೆ

ತಾಯಿ ಹೊಟ್ಟೇಲಿದ್ದಾಗ್ಲೇ ಮಗು ಆರೋಗ್ಯದ ಭವಿಷ್ಯ ನಿರ್ಧಾರ ಆಗಿರುತ್ತೆ.

ಮೂಲ

ಮಗು ಬುದ್ಧಿವಂತಿಕೆ ಅದಕ್ಕೆ ಸಿಗೋ ಆಹಾರ, ಪೋಷಣೆ ಮೇಲೆ ಡಿಪೆಂಡ್ ಆಗಿರುತ್ತೆ, ಸಾಮಾನ್ಯವಾಗಿ ಇದೆಲ್ಲ ಅಮ್ಮಂದಿರೇ ನೋಡ್ಕೊಳ್ಳೋದ್ರಿಂದ ಜೆನೆಟಿಕ್ ವಿಜ್ಞಾನದ ಸಹಾಯ ಇಲ್ದೆನೇ ಮಗು ಬುದ್ಧಿವಂತಿಕೆ ಅಮ್ಮನಿಂದ್ಲೇ ಬರೋದು ಅಂತ ಹೇಳ್ಬಹುದು

ಮೂಲ

ಮಗುಗೆ ಅಮ್ಮನಿಂದ್ಲೇ ಪ್ರಪಂಚದ ಪರಿಚಯ ಆಗೋದು, ಅಮ್ಮನಿಂದ ಕಲಿತ ವಿಷಯಗಳಿಂದ್ಲೇ ಅದು ಪ್ರಪಂಚಾನ ಅರ್ಥ ಮಾಡ್ಕೊಳ್ಳೋದು

ಹೀಗೆ ಅಮ್ಮನಿಂದ ನೀವು ಪಡೆದಿರೋದು ತುಂಬ ಇದೆ. ಅಪ್ಪನ ಪಾತ್ರ ಇಲ್ಲ ಅಂತಲ್ಲ… ಜೆನೆಟಿಕ್ಸ್ ಪ್ರಕಾರ ಇಲ್ಲ ಅಂತ ಸಾಬೀತಾಗಿದೆ ಅಷ್ಟೇ. ಆದರೆ ಕೂತು ಕಲಿಸೋ ಅಪ್ಪನ ಪಾತ್ರ ಇಲ್ಲ ಅಂತ ಯಾರ್ ಹೇಳ್ತಾರೆ ಹೇಳಿ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: