ಜೀವನದಲ್ಲಿ ಯಶಸ್ಸು ಹುಡುಕ್ತಾ ಇರೋರ್ಗೆ ಚಾಣಕ್ಯನ ಈ 12 ಉಪದೇಶಗಳು ಬಹಳ ಬೇಕಾಗ್ತವೆ

ಏನಾದ್ರೂ ಸಾಧಿಸ್ಬೇಕು ಅಂದ್ರೆ ನಾಚ್ಕೆ ಬಿಡ್ಲೇಬೇಕು

ಚಾಣಕ್ಯ ಅಂದ್ರೆ ಸಾಕು ಲೆಕ್ಕಾಚಾರಕ್ಕೆ, ಗೆಲುವಿಗೆ, ಒಂತರ ಜೀವನದ ಪಾಠಗಳಿಗೆ ಪಕ್ಕ ಮೇಷ್ಟ್ರು ಅಂತ ಎಲ್ರಿಗೂ ಗೊತ್ತು. ನಾವು ಪ್ರತಿದಿನ ಕೆಲವೊಂದು ಕೆಲ್ಸಾನ ಎಲ್ರುಮುಂದೆ ಮಾಡಕ್ಕೆ ಸಿಕ್ಕಾಪಟ್ಟೆ ನಾಚ್ಕೋತೀವಿ. ಆದ್ರೆ ಜೀವನದಲ್ಲಿ ಮೇಲೆ ಬರ್ಬೇಕು ಅಂತಿದ್ರೆ ನಾಚ್ಕೆ ಬಿಟ್ಟು ಕೆಲಸ ಮಾಡ್ಲೇಬೇಕು, ಅದು ಹೇಗೆ, ಯಾವ್ ಕೆಲಸ ಎಲ್ಲಿ ಮಾಡ್ಬೇಕು ಅಂತ ನಾವ್ ಹೇಳಿದೀವಿ ಓದ್ಕೊಳಿ.

1. ಬುದ್ದಿವಂತರು ಈಗಿನ ಬಗ್ಗೆ ಮಾತ್ರ ಯೋಚ್ನೆ ಮಾಡ್ತಾರೆ -- ನೆನ್ನೆ ಅಥವಾ ನಾಳೆ ಬಗ್ಗೆ ಅಲ್ಲ

ಹಿಂದಿನ ಜೀವನದ ಬಗ್ಗೆ ತಲೆಕೆಡಿಸ್ಕೊಬೇಡಿ, ಮುಂದಿಂದ್ರು ಬಗ್ಗೆ ಟೆನ್ಶನ್ ಬೇಡ. ಬರಿ ಇವತ್ತಿನ ಯೋಚ್ನೆ ಮಾಡಿ ಇವತ್ತಿನ ಕೆಲ್ಸನ ಅಚ್ಚುಕಟ್ಟಾಗಿ ಮಾಡುದ್ರೆ ನಾಳಿನ ಜೀವನ ಖಂಡಿತ ಚೆನ್ನಾಗಿ ಇದ್ದೆ ಇರತ್ತೆ 

ಮೂಲ

2. ಯಾರಿಂದಾದರೂ ಕೆಲಸ ಆಗ್ಬೇಕು ಅಂದಾಗ ಅವರಿಗೆ ಖುಷಿಯಾಗೋ ತರಹ ಮಾತಾಡ್ಬೇಕು

ಉದಾಹರಣೆ ಹೇಳ್ತಿನಿ : ಬೇಟೆಗಾರನ ಹಾಡ್ ಕೇಳಿ ಮಾಧುರ್ಯಕ್ಕೆ ಜಿಂಕೆ ಬರತ್ತೆ ಅಂತಾದ್ರೆ ಅದನ್ನ ಬೇಟೆ ಆಡ್ಬೇಕು ಅಂದಾಗ ಬೇಟೆಗಾರ ಹಾಡಲೇಬೇಕು 

ಮೂಲ

3. ಯಾರಿಂದಾದರೂ ದುಡ್ಡು ಬರಬೇಕಾದರೆ ಕೇಳಕ್ಕೆ ಹಿಂಜರೀಬೇಡಿ

ನಿಮ್ಮ ಸಂಬಂಧ ತುಂಬಾ ಕಾಲ ಚೆನ್ನಾಗಿರತ್ತೆ ಹಾಗೆ ಆ ವ್ಯಕ್ತಿ ಎಂತಾವರು ಅಂತಾನೂ ಗೊತ್ತಾಗತ್ತೆ 

ಮೂಲ

4. ಏನಾದ್ರೂ ಅರ್ಥ ಆಗ್ಲಿಲ್ಲ ಅಂದ್ರೆ ಪ್ರಶ್ನೆ ಕೇಳಕ್ಕೆ ಹಿಂಜರೀಬೇಡಿ

ವಿಷ್ಯ ತುಂಬಾ ಸುಲಭಾನೇ ಇರ್ಬೋದು ಆದ್ರೆ ಅದು ನಿಮಗೆ ಅರ್ಥ ಆಗಿಲ್ಲ ಅಂದ್ರೆ ಅರ್ಥ ಆಗೋವರ್ಗು ಬಿಡ್ಬೇಡಿ, ಎಷ್ಟ್ ಸತಿ ಕೇಳುದ್ರೂ ಪರ್ವಾಗಿಲ್ಲ ಆದ್ರೆ ತಿಳ್ಕೊಳ್ದೆ ಇರ್ಬೇಡಿ. ಯಾರ್ ಏನಂದ್ರೇನು ನಿಮಗೆ ವಿಷ್ಯ ಅರ್ಥ ಆಗ್ಬೇಕು ಅಷ್ಟೇ ನಿಮ್ಮ ಉದ್ದೇಶ.

ಮೂಲ

5. ಹಸಿದಿದ್ದಾಗ ಹೊಟ್ಟೆ ತುಂಬ ತಿನ್ನಕ್ಕೆ ನಾಚ್ಕೋಬೇಡಿ

ಹಸುವು ನಿಮಗಾಗಿರೋದು ನೀವೇ ತಿನ್ನಬೇಕು. ಸಾಮಾನ್ಯವವಾಗಿ ಮದುವೆ, ಮುಂಜಿ, ಕಾರ್ಯಕ್ಕೆ ಹೋದಾಗ ಯಾರ್ ಏನ್ ಅನ್ಕೋತಾರೋ ಅಂತ ತಿನ್ನಕ್ಕೆ ಹಿಂದೆ ಮುಂದೆ ನೋಡ್ತೀವಿ ಹೀಗೆಲ್ಲ ಮಾಡ್ಬೇಡಿ 

ಮೂಲ

6. ನಿಮ್ಮ ಗುಟ್ಟು ಯಾರಿಗೂ ಹೇಳಬೇಡಿ, ಅದು ನಿಮ್ಮನ್ನ ನಾಶ ಮಾಡಿಬಿಡುತ್ತೆ

ಪ್ರತಿಯೊಬ್ಬ ಮನುಷ್ಯನಲ್ಲೂ ಇನ್ನೊಬ್ಬ ಇರ್ತಾನೆ. ಹಾಗೆ ನಿಮ್ಮಲ್ಲಿರೋ ಇನ್ನೊಬ್ಬನ್ನ, ನಿಮ್ಮ ಸೀಕ್ರೆಟ್ ವಿಷಯಾನ ಯಾರಿಗೂ ಹೇಳ್ಬೇಡಿ. ಇದ್ರಿಂದ ನಿಮಗೆ ಯಾವತ್ತಿದ್ರೂ ಕೆಡುಕೇ ಹೊತ್ತು ಒಳ್ಳೇದಾಗಲ್ಲ 

ಮೂಲ

7. ತುಂಬ ಸಾಚ ಆಗಿರಬೇಡಿ

ಕಾಡಲ್ಲಿ ನೆಟ್ಟೂಗಿರೋ ಮಾರಾನೇ ಮೊದ್ಲು ಕಡಿಯೋದು. ಆಮೇಲೆ ಬೆರೇದನ್ನ ಕಡಿಯೋದು. ನೀವು ಯಾವತ್ತೂ ತುಂಬ ಸಾಚ ಆಗಿ ಕೆಲಸ ಮಾಡ್ಬೇಡಿ. ಕೆಲಸ ಚೆನಾಗ್ ಮಾಡಿ ಆದ್ರೆ ಪ್ರತಿ ಸತಿನು ಬೇರೆ ಬೇರೆ ಶೈಲೀಲಿ ಮಾಡಿ.

ಮೂಲ

8. ನಿಮ್ಮ ಭಾವನೇನೇ ದೇವರು, ನಿಮ್ಮ ಜೀವವೇ ದೇವಸ್ಥಾನ

ಯಾವುದೇ ಮೂರ್ತೀಲಾಗ್ಲಿ ದೇವ್ರು ಕೂತಿಲ್ಲ. ನಿಮ್ಮ ಭಾವನೆಗೆ ಬೆಲೆ ಕೊಡಿ. ಅತ್ಮಕ್ಕಿಂತ ದೊಡ್ಡ ದೇವರಿಲ್ಲ. ಆತ್ಮಸಾಕ್ಷಿಗೆ ಬೆಲೆ ಕೊಡಿ. 

9. ಭಯ ಹತ್ತಿರ ಸುಳೀತಿದ್ದಂಗೇ ದಾಳಿ ಮಾಡಿ ನಾಶ ಮಾಡಿಬಿಡಿ

ಯಾವತ್ತೂ ಯಾವುದಕ್ಕೂ ಹೆದರಬೇಕಾಗಿಲ್ಲ. ಭಯ ಅನ್ನೋದು ಬರಿ ಭ್ರಮೆ ಅಷ್ಟೇ. ಭಯ ಆದ್ರೆ ಮೊದ್ಲು ಮನಸಿಂದ ಭಯ ಅನ್ನೋದನ್ನ ಕಿತ್ತಾಕಿ 

ಮೂಲ

10. ಸ್ವಂತ ಬುದ್ಧಿ ಇಲ್ಲದವನಿಗೆ ವೇದ-ಪುರಾಣಗಳಿಂದ ಉಪಯೋಗ ಇಲ್ಲ -- ಕುರುಡನಿಗೆ ಕನ್ನಡಿ ಹೇಗೋ ಹಾಗೆ.

ಗ್ರಂಥ ಓದಿ, ಪುರಾಣ ಓದಿ ಬಾಯಲ್ಲಿ ಭಜನೆ ಹೊಡುದ್ರೆ ಆಗತ್ತಾ, ಮೊದ್ಲು ನಿಮ್ಮ ಬಗ್ಗೆ ತಿಳ್ಕೊಳಿ, ನಿಮ್ಮನ್ನ ನೀವು ಅರ್ಥ ಮಾಡ್ಕೊಳಿ ಇಲ್ಲ ಅಂದ್ರೆ ಕುರುಡನ ಮುಂದೆ ಕನ್ನಡಿ ಇಟ್ಟಂಗಾಗತ್ತೆ ನಿಮ್ಮ ಜೀವನ 

11. ಇನ್ನೊಬ್ಬರ ತಪ್ಪಿನ ಬಗ್ಗೆ ಮಾತಾಡಕ್ಕೆ ಹೋಗ್ಬೇಡಿ 

ಹೇ ಅವ್ನಿಗೆ ಈ ಕೆಲಸ ಗೊತ್ತಿಲ್ಲ, ಅವ್ನಿಗೆ ಇದು ಬರಲ್ಲ ಹೀಗೆಲ್ಲ ಇನ್ನೊಬ್ಬರ ವಿಚಾರಾನ, ಇನ್ನೊಬ್ಬರ ಸೀಕ್ರೇಟ್ನ ಒರರಿಗೆಲ್ಲ ಹೇಳೆಕ್ಕೋಗ್ಬೇಡಿ. ಪಕ್ಕದ ಮನೆಗೆ ಬೆಂಕಿ ಬಿದ್ದಿದೆ ಅಂದ್ರೆ ನಿಮ್ಮನೇನು ಸದ್ಯದಲ್ಲೇ ಉರಿಯತ್ತೆ ಅನ್ನೋದು ಪಕ್ಕ. 

ಮೂಲ

12. ಸಾವು ಯಾವತ್ತಿದ್ರೂ ಖಚಿತ, ಆದ್ದರಿಂದ ಒಳ್ಳೇ‌ ಕೆಲಸ ಮಾಡಿ

ದೇಹ, ದುಡ್ಡು ಎರಡೂ ಶಾಶ್ವತವಲ್ಲ. ಸುಮ್ನೆ ಬಿದ್ದೆ ಇರೋ ವಿಷ್ಯಕ್ಕೆ ಯಾಕೆ ತಲೆ ಕೆಡುಸ್ಕೊತ್ತೀರಾ, ಆದಷ್ಟು ನಿಮ್ಮ ಯೋಗ್ಯತೆನ ಇನ್ನು ಜಾಸ್ತಿ ಮಾಡ್ಕೊಳಕ್ಕೆ ಪ್ರಯತ್ನ ಮಾಡಿ. ಪ್ರತಿಯೊಬ್ಬಾನೂ ಪ್ರತಿ ವಿಷಯದಲ್ಲೂ ಯೋಗ್ಯ ಆಗಕ್ಕಾಗಲ್ಲ. ಎಷ್ಟಾಗತ್ತೋ ಅಷ್ಟು ಕಲಿಬೇಕು. ಯಾವತ್ತೂ ನಮ್ಮ ಅರ್ಹತೆನಾ ಜಾಸ್ತಿ ಮಾಡ್ಕೋಬೇಕು.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: