ಉತ್ತರಪ್ರದೇಶದಲ್ಲಿ ಒಬ್ಬಳು ಸಾಯಕ್ಕೆ ಹೊರಟಾಗ ಔಳ್ನ Google ಕಾಪಾಡಿದ್ದು ಕೇಳಿ ಖುಷಿ ಪಡ್ತೀರಿ

ತಂತ್ರಜ್ಞಾನ ಹಿಂಗೆ ಉಪಯೋಗಕ್ಕೆ ಬರಬೇಕಪ್ಪ

ಜನವರಿ 3, 2017, ಬರೇಲಿ (ಯು.ಪಿ.) - ಇಲ್ಲಿ ಒಬ್ಬ 24 ವರ್ಷದ ಹುಡುಗಿ ಆತ್ಮಹತ್ಯೆ ಮಾಡ್ಕೊಳಕ್ಕೆ ಹೋಗಿದಾಳೆ. ಕಾರಣ: ಹುಡುಗ ಕೈ ಕೊಟ್ಟ ಅಂತ. ಅವನು ಮನೆಯೋರಿಂದ ಒತ್ತಡ ತಡೀಲಾರದೆ ಬಿಟ್ಟು ಹೋದನಂತೆ. ಇವಳು ಸಹಾರನ್ಪುರದಿಂದ 4 ಕಿ.ಮೀ. ದೂರದಲ್ಲಿ ಯಮುನಾ ನಾಲೆಗೆ ಬಿದ್ದು ಸಾಯಕ್ಕೆ ಹೊರಟಿದಾಳೆ.

ಇನ್ನೇನು ಬೀಳಬೇಕು ಅನ್ನುವಷ್ಟರಲ್ಲಿ ಅವಳ ತಲೆಗೆ ಏನ್ ಬಂತೋ ಏನೋ, Google ನಲ್ಲಿ "how to commit suicide" ಅಂತ ಹುಡುಕಿದಾಳೆ. ಆಗ ಅವಳಿಗೆ Google ಬರೀ Suicide helpline numbers ಅಂದರೆ ಆತ್ಮಹತ್ಯೆಯಂಥ ಸಂದರ್ಭದಲ್ಲಿ ಕರೆ ಮಾಡಬೇಕಾದ ಫೋನ್ ನಂಬರ್ಗಳ್ನ ತೋರಿಸಿದೆ. ಅವಳಿಗೆ ಸಾಯೋ ಬಗ್ಗೆ ದ್ವಂದ್ವ ಉಂಟಾಗಿ ಒಂದು ಹೆಲ್ಪ್ ಲೈನ್ ನಂಬರ್ಗೆ ಕರೆ ಮಾಡುದ್ಲಂತೆ. DIG ಜಿತೇಂದ್ರ ಕುಮಾರ್ ಸಾಹ್ನಿ ಅನ್ನೋರು ಎತ್ಕೊಂಡ್ರಂತೆ. ಎತ್ಕೊಂಡು ಅವಳಿಗೆ ಹಾಗೆಲ್ಲ ಮಾಡಬೇಡ, ನಮ್ಮ ಹತ್ತಿರ ಬಂದು ಮಾತಾಡು ಅಂದ್ರಂತೆ. ಅವರ ಪ್ರಕಾರ:

"ಜನವರಿ 3ಕ್ಕೆ ನನಗೆ ನಮ್ಮ ಪಬ್ಲಿಕ್ ನಂಬರ್ಗೆ ಒಂದು ಕರೆ ಬಂತು. ಹುಡುಗಿ ತುಂಬಾ ಹೆದರಿದ್ದಳು. ಇನ್ನೇನು ಸಾಯಕ್ಕೆ ಹೊರಟಿದ್ದಳು. Googleನಲ್ಲಿ ಹೇಗೆ ಸಾಯೋದು ಅಂತ ಹುಡುಕಿದೆ ಅಂತಾನೂ ಹೇಳುದ್ಲು. ಆಗ ನಿಮ್ಮ ನಂಬರ್ ಸಿಕ್ತು ಅಂತ ಹೇಳುದ್ಲು. ನಾನು ಅವಳು ಹೇಳೋದನ್ನೆಲ್ಲ ಕೇಳಿಸಿಕೊಂಡು ನಮ್ಮ ಆಫೀಸಿಗೆ ಬಾ, ಇದರ ಬಗ್ಗೆ ವಿವರವಾಗಿ ಮಾತಾಡೋಣ ಅಂತ ಹೇಳಿದೆ."

ಸ್ವಲ್ಪ ಹೊತ್ತಾದಮೇಲೆ ಬಂದ್ಲಂತೆ. ಬಂದು ಎಲ್ಲಾ ಹೇಳಿದಾಳೆ. ಸುಮಾರು ವರ್ಷದಿಂದ ಒಬ್ಬ ಹುದುಗನ್ನ ಲೌ ಮಾಡ್ತಿದ್ದೆ, ಆದರೆ ಗೌರ್ಮೆಂಟ್ ಕೆಲಸ ಸಿಗ್ತಿದ್ದಂಗೇ ಮನೆಯೋರ ಒತ್ತಡ ತಡೀಲಾರ್ದೆ ನನ್ನ ಬಿಟ್ಟು ಹೊಟೋದ ಅಂದಳಂತೆ.

DIG ಸಾಹ್ನಿ ಪ್ರಕಾರ ಆ ಹುಡುಗಿ ತುಂಬಾ ಶಾಕ್ ಆಗಿ ನಡಗಿ ಹೋಗಿದ್ದಳಂತೆ. ಆದರೆ ಅವಳು ಅವಳ ಲವರ್ ಬಗ್ಗೆ ಏನೂ ದೂರ್ತಾ ಇರಲಿಲ್ಲವಂತೆ. ಸ್ಟೇಶನ್ನಲ್ಲಿದ ಹೆಂಗಸು ಅಧಿಕಾರಿ ಒಬ್ಬರು ಕೂಡ ಅವಳಿಗೆ ಬುದ್ಧಿವಾದ ಹೇಳಿದಾರೆ. ಆ ಹುಡುಗನಿಗೂ ಕರೆ ಮಾಡಿ ಮಾತಾಡಿದರಂತೆ. ಹುಡುಗ ಹುಡುಗಿ ಇಬ್ಬರಿಗೂ ಒಳ್ಳೇ ಜೀವನ ಮಾಡೋದು ಹೇಗೆ ಅಂತ ತಿಳಿಸಿ ಹೇಳುದ್ರಂತೆ.

ತಂತ್ರಜ್ಞಾನ ಇವಳ ಜೀವ ಉಳಿಸಿತು. ಥ್ಯಾಂಕ್ಸ್ ಗೂಗಲ್!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಸೂಕ್ಷ್ಮ ಮನಸ್ಸಿನ ಹುಡುಗಿಯರನ್ನ ಚೆನ್ನಾಗಿ ನೋಡ್ಕೊಳಕ್ಕೆ ಈ ಕಲೆ ಗೊತ್ತಿರ್ಬೇಕು

ಬೇಗ ಮನಸಿಗೆ ತೆಗೊಂಡು ಬಿಡ್ತಾರೆ

ನಮ್ಮ ಮನೇಲೋ ಅಥ್ವಾ ಗೆಳೆಯರಲ್ಲೋ ಎಲ್ಲೋ ಒಬ್ರು ಸಿಕ್ಕಾಪಟ್ಟೆ ಸೂಕ್ಷ್ಮ ಮನಸ್ಸಿರೋ ಹುಡುಗಿಯರು ಇದ್ದೇ ಇರ್ತಾರೆ. ನೋಡೇ ಇರ್ತೀವಿ ಅಲ್ವಾ?

ಹೆಂಗೋ ಇಂಥೋರಿಗೆ ಇನ್ನೊಬ್ರ ಕಷ್ಟ-ಸುಖ ಭಾಳ ಬೇಗ ಅರ್ಥ ಅಗೋಗತ್ತೆ. ಒಮ್ಮೊಮ್ಮೆ ಇನ್ನೊಬ್ರ ನೋವನ್ನ ತಾವೇ ಅನುಭವಿಸಿ ಒಳ್ಗೊಳ್ಗೇ ಕಷ್ಟ ಪಡ್ತಾರೆ. ಜೀವನ ಕಾಂಪ್ಲಿಕೇಟ್ ಮಾಡ್ಕೊಳ್ಳೋದೇನು ಇವರ ಉದ್ದೇಶ ಅಲ್ಲ, ಆದ್ರೆ ತುಂಬಾ ಬೇಗ ಎಲ್ಲಾನೂ ಮನಸಿಗೆ ತೆಗೊಂಡು ಬಿಡ್ತಾರೆ. ಸುತ್ತಮುತ್ತ ಏನ್ ನಡ್ಯತ್ತೋ ಅದೆಲ್ಲಾ ಪೂರ್ತಿ ಕಣ್ಣಲ್ಲಿ ನೋಡದೇ ಹೋದ್ರೂ ಗೊತ್ತಾಗತ್ತೆ. ಅವರೇನ್ ಸಹಾಯ ಮಾಡ್ಬೋದು? ಮಾಡ್ಲೋ ಬೇಡ್ವೋ? ಅಂತ ಭಾಳ ಯೋಚ್ನೆ ಮಾಡ್ತಾರೆ. ಒಳಗೆ ನಡೀತಿರೋ ಚಂಡಮಾರುತಾನ ಮುಚ್ಚಿಟ್ಟು ಎಲ್ಲರ ಥರ ಬದುಕೋಕೆ ನೋಡ್ತಾರೆ. ಇನ್ನೊಬ್ರ ಕಷ್ಟ ಅರ್ಥ ಮಾಡ್ಕೊಂಡು ಅನುಕಂಪ ತೋರ್ಸಕ್ಕೆ ಎಲ್ಲಾ ಹುಡ್ಗೀರ್ಗೂ ಬರಲ್ಲ ಅಲ್ವಾ? ಈ ತರ ಸೂಕ್ಷ್ಮ ಮನಸ್ಸಿರೋರು ಅಪರೂಪ. ಈ ತರದೋರು ಜೊತೆ ಹೇಗೆ ನೋಡ್ಕೊಬೇಕು, ಹೇಗೆ ಮಾತಾಡ್ಬೇಕು ಅನ್ನೋದೇ ಒಂದು ಕಲೆ.

ಈಗ ಅದೇನ್ ಮಾತಾಡ್ಬಾರ್ದು ಅಂತ ತಿಳ್ಕೊಳ್ಳಿ...ಇಷ್ಟು ತಿಳ್ಕೊಂಡ್ರೆ ಅವರು ನಿಮ್ಮನ್ನ ಇಷ್ಟ ಪಡ್ತಾರೆ.

1. ಯಾಕೆ ಎಲ್ಲಾದಕ್ಕೂ ಇಷ್ಟು ಇಮೋಶನಲ್ ಆಗ್ತೀಯಾ?

ಸೂಕ್ಷ್ಮ ಮನಸ್ಸಿನವರಿಗೆ ಅವರ ಗುಣಾನ ಬದ್ಲಾಯಿಸ್ಕೊಳ್ಳೋಕೆ ಆಗೊಲ್ಲ. ಅದು ಅವ್ರಿಗೆ ಸಹಜವಾಗಿ ಬಂದಿರೋದು. ಅಂದ್ರೆ ಅವರ ದೇಹದಲ್ಲಿರೋ ಹಾರ್ಮೋನು, ಅವರ ಮಿದುಳು ಎಲ್ಲವೂ ಅವ್ರನ್ನ ಆ ರೀತಿ ಮಾಡುತ್ತೆ. ಬರೀ ಗಟ್ಟಿ ಮನಸ್ಸು ಮಾಡೋದ್ರಿಂದ ಇದು ಬದಲಾಗೊಲ್ಲ. 20% ಜನ ಈ ರೀತಿ ಆಗಿರ್ತಾರೆ ಅಂತ ಇದರ ಬಗ್ಗೆ ಅಧ್ಯಯನ ಮಾಡಿರೋ ಸೈಕಾಲಾಜಿಸ್ಟ್ಗಳು ಹೇಳ್ತಾರೆ.

2. ನೀ ಯಾಕೆ ಎಲ್ಲಾದ್ಕು ಇಷ್ಟು ಟೈಮ್ ತೊಗೊತ್ಯಾ?

ಇವ್ರು ನಿಧಾನವಾಗಿ ಯೋಚ್ನೆ ಮಾಡ್ತಾರೆ, ಹಾಗಾಗಿ ಇವ್ರಿಗೆ ಸ್ವಲ್ಪ ಜಾಸ್ತಿ ಸಮಯ ಬೇಕು. ಚಿಕ್ಕ ಚಿಕ್ಕ ಕೆಲಸಗಳೂ ಇವ್ರಿಗೆ ತುಂಬಾ ಯೋಚ್ನೆ ಮಾಡೋ ಹಾಗೆ ಮಾಡುತ್ತೆ. 

ಮೂಲ

3. ಯಾಕಿಷ್ಟು ರೆಸ್ಟ್ ತೊಗೊತ್ಯಾ?

ಇವ್ರು ತುಂಬಾ ಯೋಚ್ನೆ ಮಾಡೋದ್ರಿಂದ ಬೇಗ ಸುಸ್ತಾಗ್ತಾರೆ. ಹಾಗಂತ ಇವ್ರು ಸೋಮಾರಿಗಳಲ್ಲ. ಇವ್ರು ತುಂಬಾ ಬುದ್ಧಿವಂತರಿರ್ತಾರೆ. ಆದರೆ ಇವ್ರು ಕೆಲಸ ಮಾಡೋ ಸ್ಪೀಡ್ ಬೇರೆಯವ್ರಿಗಿಂತ ನಿಧಾನ ಅಷ್ಟೆ. ಅವರ ಸಹಜ ಗುಣಕ್ಕೆ ಅವರು ಬೇಜಾರು ಪಟ್ಕೊಳ್ಲೋ ಹಾಗೆ ಮಾಡ್ಬೇಡಿ.

4. ನೀ ಯಾಕೆ ನಿನ್ ಜೀವನ ಇಷ್ಟು ಕಷ್ಟ ಮಾಡ್ಕೋತ್ಯಾ?

ಕಷ್ಟ ಏನ್ ಮಾಡ್ಕೊಳಕ್ಕೆ ಇಷ್ಟ ಇಲ್ಲ ಇವ್ರಿಗೆ. ಆದ್ರೆ ಕಣ್ಣೇದುರಿಗಾಗ್ಲಿ ಸುತ್ತ ಮುತ್ತ ನಡೀತಿರೋದಾಗ್ಲಿ, ಬೆನ್ನು ಹಿಂದೆ ಆಗ್ತಿರೋದಾಗ್ಲಿ ಇಂಥೋರಿಗೆ ಬೇರೆಯೋರ್ಗಿಂತ ಬೇಗ ಗೊತ್ತಾಗತ್ತೆ, ಸರ್ಯಾಗಿ ಗೊತಾಗತ್ತೆ. ಹಾಗಾಗಿ ಸುಮ್ನೆ ತಮ್ ಪಾಡಿಗೆ ತಾವು ಇರಕ್ಕಾಗಲ್ಲ. ಇವ್ರು ಸಾಮಾನ್ಯ ಜನ್ರಿಗಿಂತ ಸ್ವಲ್ಪ ಜಾಸ್ತಿ ತಿಳ್ಕೊಂಡಿರ್ತಾರೆ, ಬೇರೆಯವ್ರ ನೋವು ಬೇಗ ತಟ್ಟುತ್ತೆ, ಅಷ್ಟೆ. ಮನಸಲ್ಲಿ ಸದಾ ಯೋಚ್ನೆಗಳು ಹೊಯ್ದಾಡ್ತಾ ಇರತ್ವೆ. ಹಾಗಂತ ಇವ್ರಿಗೆ ನಮ್ಮ ಕನಿಕರ ಬೇಕಿಲ್ಲ. ನಮ್ಮೆಲ್ಲರ ಹಾಗೆ ಇವ್ರಿಗೂ ಇವ್ರನ್ನ ಅರ್ಥ ಮಾಡ್ಕೊಳ್ಳೋರು ಬೇಕು.

ಮೂಲ

5. ಯಾವಾಗ್ಲೂ ಅದೇನ್ ನಿನ್ ಗೋಳು?

ಇವ್ರು ಮೊದ್ಲೇ ಸೂಕ್ಷ್ಮ ಮನಸಿನೋರು. ಅಂಥಾದ್ರಲ್ಲಿ ನೀವು ಒರಟಾಗಿ ಮಾತಾಡಿ ಇನ್ನೂ ನೋವು ಮಾಡ್ಬೇಡಿ. ಇವ್ರು ಎಲ್ಲಾದ್ಕು ಕಂಪ್ಲೇಟ್ ಮಾಡ್ತಾರೆ ಅಂದ್ಕೋಬೇಡಿ. ಮನಸ್ಸಿನ ಭಾರ ಕಳ್ಕೊಳ್ಳೋಕೆ ಏನೋ ಹೇಳಿರ್ತಾರೆ ಅಷ್ಟೆ. ಎಲ್ರೂ ಒಂದಲ್ಲ ಒಂದ್ಸಲ ಈ ರೀತಿ ಕಂಪ್ಲೇಟ್ ಮಾಡೇ ಇರ್ತೀವಿ, ಇವ್ರೂ ಮಾಡ್ತಾರೆ ಅಷ್ಟೆ.

6. ಎಲ್ಲರ ಗಮನ ನಿನ್ ಮೇಲೆನೇ ಇರ್ಬೇಕು ಅಂತ ಹೀಗೆ ಮಾಡ್ತೀಯಾ?

ಸಾಮಾನ್ಯವಾಗಿ ಸೂಕ್ಷ್ಮ ಮನಸಿನವ್ರು ಅವ್ರದ್ದೇ ಯೋಚ್ನೇಲಿ ಮುಳುಗಿರ್ತಾರೆ, ಅಂತರ್ಮುಖಿಗಳಾಗಿರ್ತಾರೆ, ಒಂಟಿಯಾಗಿರೋದು ಇಷ್ಟ ಪಡ್ತಾರೆ. ಹೋಗಿ ಹೋಗಿ ಇವ್ರು ಬೇರೆಯವ್ರ ಗಮನ ಸೆಳೆಯೋಕೆ ಹೀಗೆಲ್ಲ ಮಾಡ್ತಾರೆ ಅಂತ ಹೇಳಿ ಬೇಜಾರು ಮಾಡ್ಬೇಡಿ. ಇವ್ರಿಗೆ ಬೇಕಿರೋದು ಸಾಧಾರಣ ಬದುಕು, ಸಂತೋಷವಾಗಿರೋ ಬದುಕು ಅಷ್ಟೆ. ಮೊದ್ಲೇ ಹೇಳಿದ್ ಹಾಗೆ ಇವ್ರು ನಿಧಾನವಾಗಿ ಯೋಚ್ನೆ ಮಾಡೋರು, ಇವ್ರನ್ನ ಕೆಳಗೆಳಿಯೋ ಮೊದ್ಲು ಯೋಚ್ನೆ ಮಾಡಿ.

ಮೂಲ

7. ಅತಿಯಾಗಿ ಯಾಕೆ ಯೋಚ್ನೆ ಮಾಡ್ತೀಯ?

ಯೋಚ್ನೆ ಮಾಡೋದು, ಬೇರೆಯವ್ರ ಭಾವನೆಗಳ್ನ ಬೇಗ ಅರ್ಥ ಮಾಡ್ಕೊಳ್ಳೋದು ಇವ್ರ ಸಹಜ ಗುಣ. ಇದನ್ನ ಬದಲಾಯಿಸೋಕೆ ಆಗೊಲ್ಲ. ಇದು ವರಾನೂ ಹೌದು, ಶಾಪಾನೂ ಹೌದು. ಆದ್ರೆ ಚಾನ್ಸ್ ಕೊಟ್ರೂ ಇವ್ರು ಬದಲಾಯಿಸ್ಕೊಳೊಲ್ಲ. ಯಾಕಂದ್ರೆ ಹೀಗೆ ತುಂಬ ಯೋಚ್ನೆ ಮಾಡೋದ್ರಿಂದಾನೇ ಇವ್ರು ಬದುಕನ್ನ ಪೂರ್ತಿಯಾಗಿ ಅನುಭವಿಸ್ತಾರೆ. ದುಃಖ, ಬೇಜಾರನ್ನ ಮನಸ್ಪೂರ್ತಿಯಾಗಿ ಅನುಭವಿಸೋದ್ರಿಂದ ಖುಷೀನೂ ಅಷ್ಟೇ ಪೂರ್ತಿಯಾಗಿ ಅನುಭವಿಸ್ತಾರೆ. ಬದುಕಲ್ಲಿರೋ ಸಣ್ಣ ಸಣ್ಣ ಖುಷಿಗಳ್ನ ಇವ್ರು ಮಿಸ್ ಮಾಡ್ಕೊಳೊಲ್ಲ. ಹೀಗಾಗಿ ಸ್ವಲ್ಪ ಹೆಚ್ಚೇ ಅನ್ಸಿದ್ರೂ ಯೋಚ್ನೆ ಮಾಡೋದನ್ನ ಇವ್ರು ಬಿಡೋಕೆ ಇಷ್ಟ ಪಡೊಲ್ಲ.

8. ನೀ ಹೀಗೆಲ್ಲ ಆಡಿದ್ರೆ ಯಾರ್ ನಿನ್ ಜೊತೆ ಸ್ನೇಹ ಬೆಳೆಸ್ತಾರೆ?

ಇವ್ರು ಸ್ವಲ್ಪ ಅಂತರ್ಮುಖಿಗಳು, ಏಕಾಂತಪ್ರಿಯರು. ಹಾಗಂತ ಇವ್ರಿಗೆ ಸ್ನೇಹಿತರು ಇಲ್ಲ ಅಂತ ಅಲ್ಲ. ಇವ್ರಿಗೆ ತುಂಬಾ ಕಡಿಮೆ ಫ್ರೆಂಡ್ಸ್ ಇದ್ರೂ ಕೂಡ ಅವರ ಜೊತೆ ನಿಜವಾದ ಸಂಬಂಧ ಇರುತ್ತೆ. ಇವ್ರಿಗೆ ತುಂಬಾ ಜನ ಫ್ರೆಂಡ್ಸ್ ಇಲ್ದೇ ಇರೋದು ಇವ್ರು ಕೆಟ್ಟವ್ರು ಅನ್ನೋ ಕಾರಣಕ್ಕೆ ಅಲ್ಲ. ಇವ್ರೇ ಬೇಕ್-ಬೇಕು ಅಂತಾನೇ ಸಣ್ಣ ಸರ್ಕಲ್ ಇಟ್ಕೊಂಡಿರ್ತಾರೆ. ಹಾಗಾಗಿ ನೀವು ಇವ್ರ ಬಗ್ಗೆ ಗೊತ್ತಿಲ್ದೆ ಏನೇನೋ ಅಂದ್ಕೊಳ್ಳೋಕೆ ಹೋಗ್ಬೇಡಿ.

ಮೂಲ

9. ಚಿಕ್ ಚಿಕ್ಕ ವಿಶ್ಯಾನ ದೊಡ್ದದು ಯಾಕ್ ಮಾಡ್ತೀಯಾ?

ನಮ್ಗೆ ಸೂಕ್ಷ್ಮ ಮನಸ್ಸು ಇಲ್ದೇ ಇರೋದ್ರಿಂದ ಇವ್ರು ಹೇಳೋದು ನಮ್ಗೆ ಹಾಗೆ ಕಾಣುತ್ತೆ. ಇವ್ರು ಎಲ್ಲಾನೂ ಮನಸ್ಸಿಗೆ ತೆಗೊಳೋದ್ರಿಂದ ಚಿಕ್ಕ ಚಿಕ್ಕ ವಿಶ್ಯ ಕೂಡ ಇವ್ರಿಗೆ ತುಂಬಾ ಮುಖ್ಯ ಅಂತ ಅನ್ಸುತ್ತೆ. ಹಾಗಾಗಿ ಇವ್ರು ಚಿಕ್ಕದನ್ನ ದೊಡ್ಡದು ಮಾಡ್ತಿದಾರೆ ಅಂತ ಹೇಳೋ ಮೊದ್ಲು ಯೊಚ್ನೆ ಮಾಡಿ.

10. ಪ್ರಪಂಚ ಇರೋದೇ ಹೀಗೆ, ಬದುಕೋದು ಕಲಿಯಕ್ಕಾಗಲ್ವಾ?

ಸೂಕ್ಷ್ಮ ಮನಸ್ಸಿನವರು ಅವ್ರಿಂದ ಸಾಧ್ಯವಾದಷ್ಟೂ ನಾರ್ಮಲ್ ಆಗಿರೋಕೆ ನೋಡ್ತಾರೆ. ಹಾಗಾಗಿ ಅವ್ರಿಗೆ ಬದ್ಕೋದು ಕಲಿ ಅಂತ ಹೇಳೋಕೆ ಹೋಗ್ಬೇಡಿ. ನೀವು ಹಾಗೆ ಹೇಳಿದ್ರೆ ಅವ್ರು ನಿಮ್ಮನ್ನ ದೂರ ಮಾಡ್ಕೊಳ್ಳೋದು ಗ್ಯಾರಂಟಿ. ಅವ್ರನ್ನ ಅರ್ಥ ಮಾಡ್ಕೊಳ್ಳೋಕೆ ನೋಡಿ, ನಿಮ್ಗೆ ಒಳ್ಳೆ ಫ್ರೆಂಡ್ ಆಗ್ತಾರೆ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: