ಭೂಮಿ ಮೇಲಿನ ಸ್ವರ್ಗ ಬನವಾಸಿಗೆ ಆದಷ್ಟು ಬೇಗ ಟ್ರಿಪ್ ಹಾಕಕ್ಕೆ 9 ಚಿನ್ನದಂಥ ಕಾರಣಗಳು

ಬನವಾಸಿ ಸ್ಪೆಶಲ್ ಪೈನಾಪಲ್ ಗೊಜ್ಜು

ಉತ್ತರ ಕರ್ನಾಟಕದ ಬೆಟ್ಟದ ಮಧ್ಯದಲ್ಲೆಲ್ಲೋ ಕಳೆದೇ ಹೋಗಿರೋ ಒಂದೂರಿನ ಬಗ್ಗೆ ಇವತ್ತೊಂಚೂರು ಹೇಳ್ತಿವಿ ಕೇಳಿ. ಕದಂಬ ರಾಜವಂಶಸ್ಥರು ಆಳ್ವಿಕೆ ಮಾಡೋವಾಗ ಅಂದ್ರೆ 4ನೇ ಶತಮಾನದಲ್ಲಿ ಈ ಬನವಾಸಿನೇ ಅವರ ರಾಜಧಾನಿ ಆಗಿತ್ತು. ಆಮೇಲೆ ಅದೆಷ್ಟೋ ರಾಜರು ರಾಜವಂಶಸ್ಥರು ಆಳಿದ್ದು ಈವಾಗ ಇತಿಹಾಸ. ಇತಿಹಾಸದ ಪುಟ ತಿರುವಿ ನೋಡಿದ್ರೆ ಬನವಾಸಿಯ ಬಗ್ಗೆ ಎಷ್ಟೆಲ್ಲಾ ವಿಶೇಷ ವಿಷಯಗಳು ಗೊತ್ತಾಗುತ್ತೋ ಅಷ್ಟೇ ವಿಶೇಷ ಅಲ್ಲಿನ ಪ್ರಕೃತಿಗೂ ಇದೆ. ವಸಂತಕಾಲ ಶುರುವಾಗ್ತಾ ಇದ್ದಂಗೆ ಹಸಿರನ್ನೇ ಹೊದ್ದಿರೋ ಹಾಗೆ ಭತ್ತದ ಗದ್ದೆಗಳು , ಜುಳು ಜುಳು ಹರಿಯೋ ನದಿ , ಅಲ್ಲಲ್ಲಿ ಧುಮ್ಮಿಕ್ಕೊ ಜಲಪಾತಗಳು ಅಬ್ಬಾ!! ಮತ್ತೇನ್ ಬೇಕು ಬನವಾಸಿ ಸುಂದರವಾದ ಊರು ಅಂತ ಹೇಳೋದಕ್ಕೆ?

ಚಾಗದ ಭೋಗದಕ್ಕರದ ಗೇಯದ ಗೊಟ್ಟಿಯಲಂಪಿನಿಂಪುಗಳ್ಗಾಗರವಾದ ಮಾನಸರೆ ಮಾನಸರಂತವರಾಗಿ ಪುಟ್ಟಲೇ| ನಾಗಿಯುಮೇನೊ ತೀರ್ದಪುದೆ ತೀರದೊಡಂ ಮರಿದುಂಬಿಯಾಗಿ ಮೇಣ್ ಕೋಗಿಲೆಯಾಗಿ ಪುಟ್ಟುವುದು ನಂದನದೊಳ್ ಬನವಾಸಿ ದೇಶದೊಳ್ ||

[ತ್ಯಾಗ, ಭೋಗ, ವಿದ್ಯೆ, ಸಂಗೀತ, ಕೂಟ - ಇವೆಲ್ಲಾ ಇರೋ ಜೀವನಾನ ಸಾಗಿಸೋರೆ ನಿಜವಾದ ಮನುಷ್ಯರು. ಅಂಥೋರಾಗಿ ಹುಟ್ಬೇಕು. ಇಲ್ದಿದ್ರೆ ಬನವಾಸೀಲಿ ಮರಿದುಂಬಿನೋ ಕೋಗಿಲೆಯಾಗೋ ಹುಟ್ಬೇಕು.]

ಹೀಗೆ ಹೇಳಿದ್ದು ಆದಿಕವಿ ಪಂಪ. ಆತ 10ನೇ ಶತಮಾನದಲ್ಲಿ ಬನವಾಸಿಲೇ ಜೀವನ ಮಾಡ್ತಿದ್ದ. ಅಲ್ಲಿಗೆ ನೀವು ಆದಷ್ಟು ಬೇಗ ಒಂದು ಟ್ರಿಪ್ ಹಾಕಕ್ಕೆ ಕೆಲವು ಬಲವಾದ ಕಾರಣಗಳ್ನ ಕೊಡ್ತೀವಿ, ಕೇಳಿ.

1. ಪಂಪನ ಬನವಾಸಿ ಒಂದು ಸ್ವರ್ಗ

ಪಂಪ ಹೇಳಿರೋ ಮಾತು ಎಷ್ಟು ನಿಜ ಅನ್ಸುತ್ತೆ ಗೊತ್ತಾ? ಕಾರಣ ಏನಪ್ಪಾ ಅಂದ್ರೆ ಈ ಬನವಾಸಿಲಿ ಎಲ್ಲಾ ಕಾಲದಲ್ಲೂ ಒಂದೊಂದು ಹೊಸತನ ಬರುತ್ತೆ. ಚಳಿಗಾಲದಲ್ಲಿ  ಬನವಾಸಿಲ್ಲಿರೋ ಎಲ್ಲಾ ಕೆರೆಗಳೂ ತಾವರೆ ಹೂಗಳಿಂದ ತುಂಬಿ ನಿಂತಿರುತ್ತೆ. ಮಳೆಗಾಲದಲ್ಲಿ ಮಂಜು ಮುಸ್ಕಿರೋ ವಾತಾವರಣ ಜೊತೆಗೆ ಅಲ್ಲಲ್ಲಿ ಜಲಪಾತಗಳನ್ನ ಸೃಷ್ಟಿ ಮಾಡುತ್ತೆ. ವಸಂತಕಾಲದಲ್ಲಿ ತಣ್ಣಗಿರೋ ಗಾಳಿ ಅದರ ಜೊತೆ ಎಲ್ಲಾ ಹೂಗಳ ಪರಿಮಳ ಕೂಡ ಹೊತ್ತು ಬರುತ್ತೆ. ಮತ್ತೇನ್ ಬೇಕು ಬನವಾಸಿ ಸ್ವರ್ಗ ಅಂತ ಹೇಳೋಕೆ?

ಮೂಲ

2. ಬನವಾಸಿಗೆ ವನವಾಸಿಕ, ಜಯಂತಿಪುರ, ಕೊಂಕಣಪುರ, ನಂದನವನ, ಕನಕಾವತಿ, ಜಲದುರ್ಗಾ, ಸಂಜಯಂತಿ ಹೀಗೆ ಎಷ್ಟೆಷ್ಟೋ ಹೆಸರಿದೆ

ಬೇರೆ ಬೇರೆ ರಾಜವಂಶಗಳು ಆಳಿದ್ರಿಂದ, ಬೇರೆ ಬೇರೆ ದೇಶದ ವಿದ್ವಾಂಸರು ಭೇಟಿ ಕೊಟ್ಟಿದ್ರಿಂದ ಬನವಾಸಿಗೆ ಇಷ್ಟೊಂದು ಹೆಸ್ರು. ಈ ಊರಿನ ಬಗ್ಗೆ ಗ್ರೀಕ್-ರೋಮನ್ ಬರಹಗಾರ ಟಾಲೆಮಿ 2ನೇ ಶತಮಾನದಲ್ಲೇ ತನ್ನ ಬರಹಗಳಲ್ಲಿ ಬರಕೊಂಡಿದ್ದಾನೆ. ಬರಿ ಟಾಲೆಮಿ ಮಾತ್ರ ಅಲ್ಲ ಪರ್ಷಿಯನ್ ವಿದ್ವಾಂಸ ಆಲ್ಬರೂನಿ ಕೂಡ ಇಲ್ಲಿರೋ ಸುಂದರ ದೇವಸ್ಥಾನಗಳ ಬಗ್ಗೆ , ವರದಾ ನದಿ, ಕೋಟೆಗಳ ಬಗ್ಗೆ, ಜೊತೆಗೆ ಅಲ್ಲಿ ಸಿಗೋ ಊಟತಿಂಡಿ ಎಲ್ಲದರ ಬಗ್ಗೆನೂ ಬರ್ದಿದ್ದಾನೆ. ಇದೊಂದು ಮಾಯಾ ನಗರ ಅಂತ ಚಾಮರಸ ಮತ್ತೆ ಕಾಳಿದಾಸ ಕೂಡ ಪದ್ಯ ಬರ್ದಿದಾರೆ.

ಮೂಲ

3. ಮಧುಕೇಶ್ವರ ದೇವಸ್ಥಾನದಲ್ಲಿ ಜೇನುಬಣ್ಣದ ಶಿವಲಿಂಗ ಇದೆ

ಕದಂಬರು ಈ ಊರನ್ನ ಆಳ್ತಾ ಇದ್ದಾಗ ಈ ಮಧುಕೇಶ್ವರ ದೇವಸ್ಥಾನ ಕಟ್ಟಿದ್ದಾರೆ. ಮೊದ್ಲು ಇದು ಮಾಧವ ಅಂದ್ರೆ ವಿಷ್ಣುವೀಣೆ ದೇವಸ್ಥಾನ ಆಗಿತ್ತು. ಆದ್ರೆ ಆಮೇಲೆ ಆಳ್ವಿಕೆ ಮಾಡಿದ್ದ ಹೊಯ್ಸಳರು, ಚಾಲುಕ್ಯರು, ಸೌಂದ ಮತ್ತೆ ವಿಜಯನಗರದ ಅರಸರು ಈ ದೇವಸ್ಥಾನಡಾ ವಾಸ್ತುಶಿಲ್ಪನಾ ಬದ್ಲಾವಣೆ ಮಾಡಿದ್ದಾರೆ. ಪೂರ್ವ ದಿಕ್ಕಿಗೆ ಮುಖ ಮಾಡಿರೋ ಮಧುಕೇಶ್ವರ ದೇವಸ್ಥಾನದಲ್ಲಿ (ಮಧು) ಜೇನುಬಣ್ಣದ ಶಿವಲಿಂಗ ಇದೆ. ಇದರ ಜೊತೆಗೆ ಮಹಿಷಾಸುರ ಮರ್ದಿನಿ, ಗಣೇಶ, ನಂದಿ, ಪಾರ್ವತಿ, ವೀರಭದ್ರ, ನರಸಿಂಹ, ಬಸವಲಿಂಗೇಶ್ವರ ಗುಡಿಗಳೂ ಇವೆ.

 

ಮೂಲ

4. ನೆಲ ಅಗೆದಾಗ ಮಧುಕೇಶ್ವರ ದೇವಸ್ಥಾನದಲ್ಲಿ ಶಾತವಾಹನರ ಕಾಲದ ಶಾಸನ ಸಿಕ್ಕಿವೆ

ಬ್ರಾಹ್ಮಿ, ಪ್ರಾಕೃತ ಭಾಷೆಯ ಬರಹಗಳಿರೋ ನಾಗನ ವಿಗ್ರಹಗಳನ್ನ ಕೆತ್ತನೆಗಳನ್ನ ನೀವಿಲ್ಲಿ ನೋಡ್ಬೋದು. 3ನೇ ಶತಮಾನದಲ್ಲಿ ಆಳಿದ್ದ ಶಾತವಾಹನರ ದೊರೆ ಪುಳುಮಾವಿಯ ಧರ್ಮಪತ್ನಿ ಸವಿನೆನಪಿಗೊಸ್ಕರ ಕೆತ್ತಿರೋ ಕಲ್ಲಿನ ವಿಗ್ರಹಗಳು, ರೋಮನ್ನರ ಕಲ್ಲಿನ ನಾಣ್ಯ, ಮಣ್ಣಿನಿಂದ ಮಾಡಿರೋ ಸ್ಕಂದ - ಕಾರ್ತಿಕೇಯನ ಮೂರ್ತಿಗಳು, ಮರದಲ್ಲಿ ಕೆತ್ತಿರೋ ರಥ ಎಲ್ಲವೂ ನೆಲ ಅಗೆದಾಗ ಸಿಕ್ಕಿವೆ.

ಮೂಲ

5. ಬನವಾಸಿ ಕಲೆ- ಸಂಸ್ಕೃತಿಗೆ ಹೆಸರುವಾಸಿ "ಕದಂಬೋತ್ಸವ"

ಸಂಭ್ರಮವಾಗಿ ಪ್ರತಿ ವರ್ಷ ಆಚರಿಸೋ ಕದಂಬೋತ್ಸವ 3 ದಿನ ನಡೆಯೋ ಹಬ್ಬ. ಸಾಕಷ್ಟು ಜನ ಕಲಾವಿದರು, ಸಂಗೀತಗಾರರು, ನೃತ್ಯಗಾರರು, ಕುಂಬಾರರು, ರಂಗೋಲಿ ಕಲಾವಿದರು, ಕೆತ್ತನೆ ಕೆಲಸ ಮಾಡೋರು, ಬಡಗಿಗಳು, ಬನವಾಸಿಯ ಕಳೆದುಹೋದ ಸಂಭ್ರಮವನ್ನ ಮತ್ತೆ ನೆನಪಿಸೋ ಕೆಲಸವನ್ನ ಈ ಮೂರೂ ದಿನ ಮಾಡ್ತಾರೆ. 

ಮೂಲ

6. ಬನವಾಸಿ ಸ್ಪೆಶಲ್ ಪೈನಾಪಲ್ ಗೊಜ್ಜು

ಬನವಾಸಿ ಊರು ಮಳೆಗಾಲ ಶುರುವಾಗ್ತಿದ್ದಾಗೆ ಹಸಿರು ಹೊದ್ದುಕೊಂಡಿರೋದನ್ನ ನೋಡೋದೇ ಕಣ್ಣಿಗೆ ಒಂಥರಾ ಹಬ್ಬ. ಅದಕ್ಕೆ ಕಾರಣ ಅಲ್ಲಿರೋ ಭತ್ತದ ಗದ್ದೆ. ಈ ಬನವಾಸಿನಲ್ಲಿ ತುಂಬಾ ರುಚಿಯಾಗಿರೋ ಪೈನಾಪಲ್ ಬೆಳೀತಾರೆ. ಹಾಗೆ ತಿನ್ನೋದ್ರ ಜೊತೆ ಪೈನಾಪಲ್ಲಿಂದ ಮಾಡಿರೋ ಗೊಜ್ಜು ತಿನ್ಬೇಕು.  ಇದನ್ನ ಅಲ್ಲಿನ ಖಾನಾವಳಿಗಳಲ್ಲಿ ಅಕ್ಕಿ, ಜೋಳ ಮತ್ತೆ ಸಜ್ಜೆಯಿಂದ ಮಾಡಿರೋ ರೊಟ್ಟಿಗಳ ಜೊತೆ ಪಲ್ಯ , ಚಟ್ನಿ, ಉಪ್ಪಿನಕಾಯಿ ಮತ್ತೆ ಪೈನಾಪಲ್ ಗೊಜ್ಜೂ ಕೊಡ್ತಾರೆ. ಸೂಪರರಾಗಿರುತ್ತೆ.

ಮೂಲ

7. ಬನವಾಸಿಯ ಹೊರಭಾಗದಲ್ಲಿರೋ ಗುಡ್ನಾಪುರದಲ್ಲಿ ರಾಜಾ ರವಿವರ್ಮನ ಕಂಬ ಇದೆ

ಭವ್ಯವಾದ ಮನೆಗಳೂ, ನೃತ್ಯ ಮಾಡೋಕ್ಕೆ ಇದ್ದಂತ ಹಾಲ್ ಅಷ್ಟೇ ಅಲ್ಲ ಒಂದಷ್ಟು ಜೈನ ತೀರ್ಥಂಕರರ ವಿಗ್ರಹಗಳೂ, ದೇವಸ್ಥಾನ, ಎಲ್ಲವೂ ಮಳೆ ನೀರು ಹೆಚ್ಚಾಗಿ ಕೆರೆ ತುಂಬಿ ಹರಿದು ಮುಳುಗೋಗಿರೋದನ್ನೂ ನೋಡ್ಬೋದು. ಪ್ರಾಚ್ಯವಸ್ತು ಸಂಗ್ರಹಕಾರರ ಹುಡ್ಕಿರೋ ಒಂದ್ ವಿಶೇಷವಾದ ಕಂಬ ಇದೆ. ಇದ್ರಲ್ಲಿ ಕದಂಬ ರಾಜ ರವಿವರ್ಮನ ಬಗ್ಗೆ ಕೆತ್ತಿದಾರೆ.

ಮೂಲ

8. ಬಳಪದ ಕಲ್ಲಲ್ಲಿ ಕಟ್ಟಿರೋ ಬಳ್ಳಿಗಾವಿಯ ಕೇದಾರೇಶ್ವರ ದೇವಸ್ಥಾನ

ಬನವಾಸಿಯ ಸುಮಾರು 43 ದೂರಲ್ಲಿರೋ ಶಿರಾಳಿಕೊಪ್ಪ ಅನ್ನೋ ಟೌನ್ ನಲ್ಲೆ ಬಳ್ಳಿಗಾವಿ ಅನ್ನೋ ಹಳ್ಳಿ ಇದೆ. ಸುಮಾರು 54 ದೇವಸ್ಥಾನಗಳನ್ನೂ ನಾವಿಲ್ಲಿ ನೋಡಬೋದು. ಶೈವರಿಗೆ, ವೈಷ್ಣವರಿಗೆ, ಜೈನರಿಗೆ, ಬೌದ್ಧರಿಗೆ ಹೀಗೆ ಎಲ್ಲರ ಆರಾಧನೆಗೂ ಇಲ್ಲಿ ದೇವಾಲಯ ಇದೆ. ಒಂದೆರಡು ದೇವಸ್ಥಾನ ಚಾಲುಕ್ಯರ ಆಳ್ವಿಕೆಯ ನಂತರ ಕಟ್ಟಿರೋದು ಅಂತಾರೆ. ಇಲ್ಲಿರೋ ಕೇದಾರೇಶ್ವರನ ದೇವಸ್ಥಾನ ಕಟ್ಟಿರೋದು ಬಳಪದ ಕಲ್ಲಲ್ಲಿ. ಚಾಲುಕ್ಯ - ಹೊಯ್ಸಳ ಎರಡೂ ಶೈಲಿಗಳನ್ನೂ ನಾವಿಲ್ಲಿ ನೋಡಬೋದು. ಸುಮಾರು 11ನೇ ಶತಮಾನದಲ್ಲಿ ಇದನ್ನ ಕಟ್ಟಿದ್ದಾರೆ ಅನ್ನತ್ತೆ ಇತಿಹಾಸ. ಈ ದೇವಸ್ಥಾನದ ಪ್ರಾಕಾರದಲ್ಲೇ ಒಂದು ಮ್ಯೂಸಿಯಂ ಕೂಡ ಇದೆ.

ಮೂಲ

9. ಬೇಡವಾದ ರತ್ನ ಅನ್ನಿಸಿಕೊಂಡಿರೋ ಬೆಳ್ಳಗಾವಿಯ ತ್ರಿಪುರಾಂತಕೇಶ್ವರ ದೇವಸ್ಥಾನ

ಬೇರೆ ದೇವಸ್ಥಾನಗಳಿಗೆ ಹೋಲಿಸಿದ್ರೆ ಈ ದೇವಸ್ಥಾನ ಅದ್ಯಾಕೋ ಏನೋ ಹೆಚ್ಚು ಪ್ರಚಾರ ಪಡೆದಿಲ್ಲ. ಆದ್ರೆ ಇಲ್ಲಿನ ಕೆತ್ತನೆಗಳು ಮಾತ್ರ ತುಂಬಾ ತುಂಬಾ ಅದ್ಭುತವಾಗಿದೆ. ಕಲ್ಲಿನಲ್ಲಿ ಮಾಡಿರೋ ಕಿಟಕಿಗಳು, ನೃತ್ಯಭಂಗಿಯಲ್ಲಿರೋ ಹುಡುಗಿಯರ ವಿಗ್ರಹಗಳು, ಆಭರಣ ತೊಟ್ಟಿರೋ ದ್ವಾರಪಾಲಕರು, ಪಂಚತಂತ್ರ ಕತೆಗಳ ಕೆತ್ತನೆಗಳು ಇವೆಲ್ಲಾ ಖಂಡಿತಾ ನೋಡಲೇಬೇಕಾದ ಜಾಗ.

ಮೂಲ

ಇಷ್ಟೆಲ್ಲಾ ಗೊತ್ತಾದ್ಮೇಲೆ ಬನವಾಸಿ ನೋಡ್ಲೇಬೇಕು ಅನ್ನಿಸ್ತಾ? ಹಾಗಾದ್ರೆ ಇಲ್ಕೇಳಿ

ಶಿರಸಿಯಿಂದ 22 ಕಿಮಿ ದೂರಲ್ಲಿರೋ ಈ ಬನವಾಸಿಗೆ  ಶಿವಮೊಗ್ಗ, ಹಾವೇರಿಯಿಂದ ಬಸ್ಸು, ಟ್ರೇನು ಎರಡೂ  ಸಿಗುತ್ತೆ. ಶಿರಸಿಯಿಂದ ಬನವಾಸಿಗೂ ಬೇಕಾದಷ್ಟು ಬಸ್ಸುಗಳಿವೆ.

ಬನವಾಸಿಗೆ ಹೋದೋರು ಇವನ್ನೆಲ್ಲಾ ತಿನ್ನದೇ ಬರ್ಲೇಬೇಡಿ.

ಖಾನಾವಳಿಗಳಲ್ಲಿ ಅಕ್ಕಿ ಜೋಳ ಸಜ್ಜೆ ನವಣೆಗಳಲ್ಲಿ ಮಾಡಿರೋ ರೊಟ್ಟಿ ಪಲ್ಯ ಚಟ್ನಿ ಉಪ್ಪಿನಕಾಯಿ ತಿನ್ಲೆಬೇಕು. ಸಿಹಿ ತಿಂಡಿ ಇಷ್ಟ ಪಡೋರು  ಇಲ್ಲಿ ಮಾಡೋ ಒಬ್ಬಟ್ಟು ತಿನ್ನೋದನ್ನ ಮರಿಲೇಬೇಡಿ. ಪೈನಾಪಲ್ ತಿನ್ನದೇ ವಾಪಸ್ ಬರ್ಬೇಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನೀವು ನಿಮ್ಮ ಅಪ್ಪ-ಅಮ್ಮಂಗೆ ಎಷ್ಟನೇ ಮಗು ಅನ್ನೋದರ ಮೇಲೆ ಏನೇನ್ ನಿಂತಿದೆ ನೋಡಿ

ಆದರೆ ಮನುಷ್ಯ ಇದನ್ನೆಲ್ಲ ಮೀರಿ ಬೆಳೀಬೋದು -- ನೆನಪಿರಲಿ

ಮನೇಲಿ ಆಗಾಗ ಎಲ್ಲರೂ ಹೇಳೋ ಮಾತು ಅಂದ್ರೆ ದೊಡ್ಡ ಮಗು (ಮೊದಲೆನೆಯದು) ಸ್ವಲ್ಪ ಜವಾಬ್ದಾರಿ ಜಾಸ್ತಿ, ಕೊನೆಯವರು ಸ್ವಲ್ಪ ಓತ್ಲಾ, ಮಧ್ಯದಲ್ಲಿ ಒಂದಿದ್ರೆ ಅದು ಆಕಡೆನು ಇಲ್ಲ ಈ ಕಡೆನೂ ಇಲ್ಲ, ಒಂತರ ಡಿಫರೆಂಟು ಅಂತಾನೂ ಕರೀಬೋದು. ಹೀಗೆಲ್ಲ ಹೇಳೋದು ಇದ್ದೆ ಇದೆ. ಆದ್ರೆ ಇಷ್ಟೇ ಅಲ್ಲ...

ಮೂಲ

ಅಪ್ಪ-ಅಮ್ಮನಿಗೆ ನೀವು ಎಷ್ಟನೇ ಮಗು ಅನ್ನೋದರ ಮೇಲೆ ಸುಮಾರ್ ವಿಷಯ ನಿಂತಿದೆ:

  • ಮೊದಲನೇ ಮಗು : ಸಂಶೋಧನೆ ಪ್ರಕಾರ ಮೊದಲನೆಯವರಲ್ಲಿ ನಾಯಕತ್ವ ಗುಣ ಜಾಸ್ತಿ ಇರತ್ತಂತೆ, ಇವರು ಸ್ವಲ್ಪ ಶಿಸ್ತಿನ ಮನುಷ್ಯರು, ಏನಾದ್ರೂ ವಿಷಯ ಇದ್ರೆ ಪಕ್ಕ ನಿರ್ಧಾರ ಇವರೇ ಮಾಡ್ತಾರೆ. ಜವಾಬ್ದಾರಿನ ಚೆನ್ನಾಗಿ ನಿಭಾಯಿಸೋ ತಾಕತ್ತು ಇವರಿಗೆ ಸ್ವಲ್ಪ ಜಾಸ್ತಿ ಇರತ್ತಂತೆ. ಇವರು ಎಲ್ಲರನ್ನು ಸ್ವಲ್ಪ ಜಾಸ್ತಿ ಪ್ರೀತಿಯಿಂದ, ಅಕ್ಕರೆಯಿಂದ ನೋಡ್ಕೋತಾರಂತೆ.

  • ಎರಡನೆಯವರು (ಮಧ್ಯದವರು) : ಇವರು ಸ್ವಲ್ಪ ಡಿಫರೆಂಟಾದ ವ್ಯಕ್ತಿ. ಇವರಿಗೆ ದೊಡ್ಡವರು ಹೋದ ರೀತಿ, ಅವರು ಬೆಳೆದ ವಾತಾವರಣ ಗೊತ್ತಿರತ್ತೆ. ಇವರು ಸ್ವಲ್ಪ ಆಕಾಶಕ್ಕೆ ಏಣಿ ಹಾಕೋ ಜನ. ಕನಸು, ಆಸೆ, ಗುರಿ ಇವೆಲ್ಲ ಸ್ವಲ್ಪ ದೊಡ್ಡಮಟ್ಟದಲ್ಲಿ ಇರತ್ತೆ ಇವರಿಗೆ. ಇವರು ತುಂಬಾ ಸೋಲ್ತಾರೆ, ಆದ್ರೆ ಹಠ ಬಿಡಲ್ಲ. ಸೋಲಿನಿಂದ ತುಂಬಾ ಕಲೀತಾರೆ. ಇವರು ಸ್ವಾರ್ಥಿಗಳಲ್ಲ.

  • ಕೊನೆಯವರು : ಎಲ್ಲರಿಗೂ ಗೊತ್ತಿರೋಥರ ಕೊನೆ ಮಕ್ಕಳಿಗೆ ಸ್ವಲ್ಪ ಅಪ್ಪ ಅಮ್ಮನ ಪ್ರೀತಿ, ಅಕ್ಕರೆ ಎಲ್ಲ ಜಾಸ್ತಿ. ಅಷ್ಟೇ ಅಲ್ಲ ಅಣ್ಣ, ಅಕ್ಕಂದಿರ ಪ್ರೀತೀನು ಜಾಸ್ತಿ ಸಿಗತ್ತೆ. ಹೀಗಾಗಿ ಇವರು ಸ್ವಲ್ಪ ಓತ್ಲ ಜಾಸ್ತಿ. ಆದ್ರೆ ಇವರು ಸಿಕ್ಕಾಪಟ್ಟೆ ಬೇಗ ಎಲ್ಲರ ಜೊತೆ ಬೆರೀತಾರೆ. ಇವರು ಒಳ್ಳೆ ಆಟಗಾರ ಅಥವಾ ಒಳ್ಳೆ ಕಲಾವಿದರಾಗಿ ಬೆಳೀತಾರೆ. ಇವರಿಗೆ ಸ್ವಂತ ನಿರ್ಧಾರ ತೊಗೊಳೋದು ಕಷ್ಟದ ಕೆಲಸ. ಇವರಿಗೆ ಸ್ವಲ್ಪ ಜವಾಬ್ದಾರಿ ಕಡಿಮೆ.

  • ಒಂದೇ ಮಗು ಇದ್ರೆ: ಇವರು ಅಪ್ಪ ಅಮ್ಮನ ಅತೀ ಮುದ್ದು ಮಗು. ಬೆಳೀತಾ ಬೆಳೀತಾ ಅಪ್ಪನಿಗಿಂತ ಚೆನ್ನಾಗಿ ಬೆಳೀಬೇಕು ಅನ್ನೋದು ಇವರ ಯೋಚನೆ. ಎಲ್ಲರೂ ನನ್ನ ಇಷ್ಟ ಪಡ್ಬೇಕು, ಮುದ್ದು ಮಾಡ್ಬೇಕು ಅಂತ ಭಾವಿಸ್ತಾರೆ. ಇವರು ಅಷ್ಟಾಗಿ ಎಲ್ಲರ ಜೊತೆ ಬೇಗ ಬೇರೆಯಲ್ಲ. ಇವರಿಗೆ ಸ್ವಂತವಾಗಿ ಏನನ್ನು ಮಾಡಕ್ಕೆ ಅಷ್ಟಾಗಿ ಗೊತ್ತಿರಲ್ಲ. ಸ್ವಲ್ಪ ಜಾಸ್ತಿನೇ ಡಿಪೆಂಡಾಗ್ತಾರೆ. ಆದ್ರೆ ಮಾಡೋ ಕೆಲಸಾನ ಅಚ್ಚುಕಟ್ಟಾಗಿ ಮಾಡ್ತಾರೆ. ಜೀವನದಲ್ಲಿ ಸ್ವಲ್ಪ ಜಾಸ್ತಿ ಸಾಧನೆ ಮಾಡ್ತಾರೆ.

IQ ಮೇಲೆ ಆಗೋ ಪರಿಣಾಮ

ಸಂಶೋಧನೆ ಮಾಡಿ ಏನೇನೋ ಕಂಡು ಹಿಡ್ದಿದಾರೆ. ಸ್ವಲ್ಪ ಜನ ಇದನ್ನ ಒಪ್ಕೋತಾರೆ, ಸ್ವಲ್ಪ ಜನ ಒಪ್ಕೋಳಲ್ಲ. ಆದ್ರೆ ವಿಷಯ ಹೀಗಿದೆ, ಮೊದಲನೆ ಮಗುವಿನ ಐ.ಕ್ಯೂ. ಮಿಕ್ಕೋರ್ಗಿಂತ ಜಾಸ್ತಿ ಇರತ್ತೆ. ಮೊದಲನೇ ಮಗು, ಕೊನೆ ಮಗು ಅನ್ನೋದರ ಮೇಲೆ ಮಗುವಿನ ಮನಸಿನ ಶಕ್ತಿ, ಕಲ್ಪನಾ ಶಕ್ತಿ ಏನು ಬದಲಾಗಲ್ಲ ಅಂತ ವಿಜ್ಞಾನಿಗಳು ಹೇಳಿದ್ದಾರೆ.

ಮೂಲ

ವ್ಯಕ್ತಿತ್ವದ ಮೇಲೆ ಆಗೋ ಪರಿಣಾಮ

ಸಂಶೋಧನೆ ಪ್ರಕಾರ ತಿಳಿದು ಬಂದಿರೋದು ಅಂದ್ರೆ, ಮೊದಲನೆಯವರು ಪ್ರಾಮಾಣಿಕ, ಶಕ್ತಿಯುತ ವ್ಯಕ್ತಿ ಅಂತ, ಸ್ವಲ್ಪ ಬೇಗ ತಲೆಬಿಸಿ ಮಾಡ್ಕೋತಾರೆ ಇವ್ರು. ಮಧ್ಯದವರು ಸ್ವಲ್ಪ ಪರಿಶ್ರಮದ ಜೀವಿಗಳು. ಕೊನೆಯವರು ಸ್ವಲ್ಪ ಎಲ್ಲರ ಜೊತೆ ಬೇರೆಯೋದು ಜಾಸ್ತಿ, ಸ್ವಲ್ಪ ಕ್ರಿಯೇಟಿವ್ ವ್ಯಕ್ತಿ. ಅಣ್ಣ ಅಕ್ಕ ಯಾರು ಇಲ್ಲದ ಒಂದೇ ಮಗು ಆದ್ರೆ ಅಷ್ಟಾಗಿ ಜನರ ಜೊತೆ ಬೇರೆಯಲ್ಲ. ಹಿಂಜರಿಕೆ ಸ್ವಭಾವ ಜಾಸ್ತಿ.

ಮೂಲ

ನಿಜವಾಗ್ಲೂ ಇದು ಇಷ್ಟೊಂದು ಮುಖ್ಯಾನಾ ಅಂತ ಯೋಚ್ನೆ ಮಾಡ್ತಿದ್ದೀರಾ?

ಸಂಶೋಧನೆ ಪ್ರಕಾರ ಕೊನೆಗೆ ಹೇಳಬೋದಂತದ್ದು ಏನು ಅಂದ್ರೆ ಸ್ವಲ್ಪ ಮಟ್ಟಿಗೆ ಬುದ್ದಿ ಶಕ್ತಿ, ಸ್ವಭಾವ, ವ್ಯಕ್ತಿತ್ವ ಡಿಪೆಂಡಾಗತ್ತೆ. ಆದ್ರೆ ಮನುಷ್ಯ ತಾನು ಹುಟ್ಟೋ ಜಾಗ, ಪರಿಸರ, ಸುತ್ತ ಮುತ್ತ ಇರೋ ಜನ ಇವರ ಪ್ರಭಾವದಿಂದ ಹೇಗೆ ಬೇಕೋ ಹಾಗೆ ತನ್ನನ್ನ ತಾನು ಬದಲಾಯಿಸಿಕೊಳ್ಳಬಹುದು. ಆದ್ದರಿಂದ ಯಾವತ್ತೂ ನೀವು ಏನಾಗಬೇಕು, ನಿಮ್ಮ ಗುರಿ ಏನು, ನೀವು ಹೇಗಿರಬೇಕು ಅಂತ ಅನ್ಕೊಂಡಿದೀರೋ ಅದನ್ನ ಮರೀಬೇಡಿ. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: