ಭೂಮಿ ಮೇಲಿನ ಸ್ವರ್ಗ ಬನವಾಸಿಗೆ ಆದಷ್ಟು ಬೇಗ ಟ್ರಿಪ್ ಹಾಕಕ್ಕೆ 9 ಚಿನ್ನದಂಥ ಕಾರಣಗಳು

ಬನವಾಸಿ ಸ್ಪೆಶಲ್ ಪೈನಾಪಲ್ ಗೊಜ್ಜು

ಉತ್ತರ ಕರ್ನಾಟಕದ ಬೆಟ್ಟದ ಮಧ್ಯದಲ್ಲೆಲ್ಲೋ ಕಳೆದೇ ಹೋಗಿರೋ ಒಂದೂರಿನ ಬಗ್ಗೆ ಇವತ್ತೊಂಚೂರು ಹೇಳ್ತಿವಿ ಕೇಳಿ. ಕದಂಬ ರಾಜವಂಶಸ್ಥರು ಆಳ್ವಿಕೆ ಮಾಡೋವಾಗ ಅಂದ್ರೆ 4ನೇ ಶತಮಾನದಲ್ಲಿ ಈ ಬನವಾಸಿನೇ ಅವರ ರಾಜಧಾನಿ ಆಗಿತ್ತು. ಆಮೇಲೆ ಅದೆಷ್ಟೋ ರಾಜರು ರಾಜವಂಶಸ್ಥರು ಆಳಿದ್ದು ಈವಾಗ ಇತಿಹಾಸ. ಇತಿಹಾಸದ ಪುಟ ತಿರುವಿ ನೋಡಿದ್ರೆ ಬನವಾಸಿಯ ಬಗ್ಗೆ ಎಷ್ಟೆಲ್ಲಾ ವಿಶೇಷ ವಿಷಯಗಳು ಗೊತ್ತಾಗುತ್ತೋ ಅಷ್ಟೇ ವಿಶೇಷ ಅಲ್ಲಿನ ಪ್ರಕೃತಿಗೂ ಇದೆ. ವಸಂತಕಾಲ ಶುರುವಾಗ್ತಾ ಇದ್ದಂಗೆ ಹಸಿರನ್ನೇ ಹೊದ್ದಿರೋ ಹಾಗೆ ಭತ್ತದ ಗದ್ದೆಗಳು , ಜುಳು ಜುಳು ಹರಿಯೋ ನದಿ , ಅಲ್ಲಲ್ಲಿ ಧುಮ್ಮಿಕ್ಕೊ ಜಲಪಾತಗಳು ಅಬ್ಬಾ!! ಮತ್ತೇನ್ ಬೇಕು ಬನವಾಸಿ ಸುಂದರವಾದ ಊರು ಅಂತ ಹೇಳೋದಕ್ಕೆ?

ಚಾಗದ ಭೋಗದಕ್ಕರದ ಗೇಯದ ಗೊಟ್ಟಿಯಲಂಪಿನಿಂಪುಗಳ್ಗಾಗರವಾದ ಮಾನಸರೆ ಮಾನಸರಂತವರಾಗಿ ಪುಟ್ಟಲೇ| ನಾಗಿಯುಮೇನೊ ತೀರ್ದಪುದೆ ತೀರದೊಡಂ ಮರಿದುಂಬಿಯಾಗಿ ಮೇಣ್ ಕೋಗಿಲೆಯಾಗಿ ಪುಟ್ಟುವುದು ನಂದನದೊಳ್ ಬನವಾಸಿ ದೇಶದೊಳ್ ||

[ತ್ಯಾಗ, ಭೋಗ, ವಿದ್ಯೆ, ಸಂಗೀತ, ಕೂಟ - ಇವೆಲ್ಲಾ ಇರೋ ಜೀವನಾನ ಸಾಗಿಸೋರೆ ನಿಜವಾದ ಮನುಷ್ಯರು. ಅಂಥೋರಾಗಿ ಹುಟ್ಬೇಕು. ಇಲ್ದಿದ್ರೆ ಬನವಾಸೀಲಿ ಮರಿದುಂಬಿನೋ ಕೋಗಿಲೆಯಾಗೋ ಹುಟ್ಬೇಕು.]

ಹೀಗೆ ಹೇಳಿದ್ದು ಆದಿಕವಿ ಪಂಪ. ಆತ 10ನೇ ಶತಮಾನದಲ್ಲಿ ಬನವಾಸಿಲೇ ಜೀವನ ಮಾಡ್ತಿದ್ದ. ಅಲ್ಲಿಗೆ ನೀವು ಆದಷ್ಟು ಬೇಗ ಒಂದು ಟ್ರಿಪ್ ಹಾಕಕ್ಕೆ ಕೆಲವು ಬಲವಾದ ಕಾರಣಗಳ್ನ ಕೊಡ್ತೀವಿ, ಕೇಳಿ.

1. ಪಂಪನ ಬನವಾಸಿ ಒಂದು ಸ್ವರ್ಗ

ಪಂಪ ಹೇಳಿರೋ ಮಾತು ಎಷ್ಟು ನಿಜ ಅನ್ಸುತ್ತೆ ಗೊತ್ತಾ? ಕಾರಣ ಏನಪ್ಪಾ ಅಂದ್ರೆ ಈ ಬನವಾಸಿಲಿ ಎಲ್ಲಾ ಕಾಲದಲ್ಲೂ ಒಂದೊಂದು ಹೊಸತನ ಬರುತ್ತೆ. ಚಳಿಗಾಲದಲ್ಲಿ  ಬನವಾಸಿಲ್ಲಿರೋ ಎಲ್ಲಾ ಕೆರೆಗಳೂ ತಾವರೆ ಹೂಗಳಿಂದ ತುಂಬಿ ನಿಂತಿರುತ್ತೆ. ಮಳೆಗಾಲದಲ್ಲಿ ಮಂಜು ಮುಸ್ಕಿರೋ ವಾತಾವರಣ ಜೊತೆಗೆ ಅಲ್ಲಲ್ಲಿ ಜಲಪಾತಗಳನ್ನ ಸೃಷ್ಟಿ ಮಾಡುತ್ತೆ. ವಸಂತಕಾಲದಲ್ಲಿ ತಣ್ಣಗಿರೋ ಗಾಳಿ ಅದರ ಜೊತೆ ಎಲ್ಲಾ ಹೂಗಳ ಪರಿಮಳ ಕೂಡ ಹೊತ್ತು ಬರುತ್ತೆ. ಮತ್ತೇನ್ ಬೇಕು ಬನವಾಸಿ ಸ್ವರ್ಗ ಅಂತ ಹೇಳೋಕೆ?

ಮೂಲ

2. ಬನವಾಸಿಗೆ ವನವಾಸಿಕ, ಜಯಂತಿಪುರ, ಕೊಂಕಣಪುರ, ನಂದನವನ, ಕನಕಾವತಿ, ಜಲದುರ್ಗಾ, ಸಂಜಯಂತಿ ಹೀಗೆ ಎಷ್ಟೆಷ್ಟೋ ಹೆಸರಿದೆ

ಬೇರೆ ಬೇರೆ ರಾಜವಂಶಗಳು ಆಳಿದ್ರಿಂದ, ಬೇರೆ ಬೇರೆ ದೇಶದ ವಿದ್ವಾಂಸರು ಭೇಟಿ ಕೊಟ್ಟಿದ್ರಿಂದ ಬನವಾಸಿಗೆ ಇಷ್ಟೊಂದು ಹೆಸ್ರು. ಈ ಊರಿನ ಬಗ್ಗೆ ಗ್ರೀಕ್-ರೋಮನ್ ಬರಹಗಾರ ಟಾಲೆಮಿ 2ನೇ ಶತಮಾನದಲ್ಲೇ ತನ್ನ ಬರಹಗಳಲ್ಲಿ ಬರಕೊಂಡಿದ್ದಾನೆ. ಬರಿ ಟಾಲೆಮಿ ಮಾತ್ರ ಅಲ್ಲ ಪರ್ಷಿಯನ್ ವಿದ್ವಾಂಸ ಆಲ್ಬರೂನಿ ಕೂಡ ಇಲ್ಲಿರೋ ಸುಂದರ ದೇವಸ್ಥಾನಗಳ ಬಗ್ಗೆ , ವರದಾ ನದಿ, ಕೋಟೆಗಳ ಬಗ್ಗೆ, ಜೊತೆಗೆ ಅಲ್ಲಿ ಸಿಗೋ ಊಟತಿಂಡಿ ಎಲ್ಲದರ ಬಗ್ಗೆನೂ ಬರ್ದಿದ್ದಾನೆ. ಇದೊಂದು ಮಾಯಾ ನಗರ ಅಂತ ಚಾಮರಸ ಮತ್ತೆ ಕಾಳಿದಾಸ ಕೂಡ ಪದ್ಯ ಬರ್ದಿದಾರೆ.

ಮೂಲ

3. ಮಧುಕೇಶ್ವರ ದೇವಸ್ಥಾನದಲ್ಲಿ ಜೇನುಬಣ್ಣದ ಶಿವಲಿಂಗ ಇದೆ

ಕದಂಬರು ಈ ಊರನ್ನ ಆಳ್ತಾ ಇದ್ದಾಗ ಈ ಮಧುಕೇಶ್ವರ ದೇವಸ್ಥಾನ ಕಟ್ಟಿದ್ದಾರೆ. ಮೊದ್ಲು ಇದು ಮಾಧವ ಅಂದ್ರೆ ವಿಷ್ಣುವೀಣೆ ದೇವಸ್ಥಾನ ಆಗಿತ್ತು. ಆದ್ರೆ ಆಮೇಲೆ ಆಳ್ವಿಕೆ ಮಾಡಿದ್ದ ಹೊಯ್ಸಳರು, ಚಾಲುಕ್ಯರು, ಸೌಂದ ಮತ್ತೆ ವಿಜಯನಗರದ ಅರಸರು ಈ ದೇವಸ್ಥಾನಡಾ ವಾಸ್ತುಶಿಲ್ಪನಾ ಬದ್ಲಾವಣೆ ಮಾಡಿದ್ದಾರೆ. ಪೂರ್ವ ದಿಕ್ಕಿಗೆ ಮುಖ ಮಾಡಿರೋ ಮಧುಕೇಶ್ವರ ದೇವಸ್ಥಾನದಲ್ಲಿ (ಮಧು) ಜೇನುಬಣ್ಣದ ಶಿವಲಿಂಗ ಇದೆ. ಇದರ ಜೊತೆಗೆ ಮಹಿಷಾಸುರ ಮರ್ದಿನಿ, ಗಣೇಶ, ನಂದಿ, ಪಾರ್ವತಿ, ವೀರಭದ್ರ, ನರಸಿಂಹ, ಬಸವಲಿಂಗೇಶ್ವರ ಗುಡಿಗಳೂ ಇವೆ.

 

ಮೂಲ

4. ನೆಲ ಅಗೆದಾಗ ಮಧುಕೇಶ್ವರ ದೇವಸ್ಥಾನದಲ್ಲಿ ಶಾತವಾಹನರ ಕಾಲದ ಶಾಸನ ಸಿಕ್ಕಿವೆ

ಬ್ರಾಹ್ಮಿ, ಪ್ರಾಕೃತ ಭಾಷೆಯ ಬರಹಗಳಿರೋ ನಾಗನ ವಿಗ್ರಹಗಳನ್ನ ಕೆತ್ತನೆಗಳನ್ನ ನೀವಿಲ್ಲಿ ನೋಡ್ಬೋದು. 3ನೇ ಶತಮಾನದಲ್ಲಿ ಆಳಿದ್ದ ಶಾತವಾಹನರ ದೊರೆ ಪುಳುಮಾವಿಯ ಧರ್ಮಪತ್ನಿ ಸವಿನೆನಪಿಗೊಸ್ಕರ ಕೆತ್ತಿರೋ ಕಲ್ಲಿನ ವಿಗ್ರಹಗಳು, ರೋಮನ್ನರ ಕಲ್ಲಿನ ನಾಣ್ಯ, ಮಣ್ಣಿನಿಂದ ಮಾಡಿರೋ ಸ್ಕಂದ - ಕಾರ್ತಿಕೇಯನ ಮೂರ್ತಿಗಳು, ಮರದಲ್ಲಿ ಕೆತ್ತಿರೋ ರಥ ಎಲ್ಲವೂ ನೆಲ ಅಗೆದಾಗ ಸಿಕ್ಕಿವೆ.

ಮೂಲ

5. ಬನವಾಸಿ ಕಲೆ- ಸಂಸ್ಕೃತಿಗೆ ಹೆಸರುವಾಸಿ "ಕದಂಬೋತ್ಸವ"

ಸಂಭ್ರಮವಾಗಿ ಪ್ರತಿ ವರ್ಷ ಆಚರಿಸೋ ಕದಂಬೋತ್ಸವ 3 ದಿನ ನಡೆಯೋ ಹಬ್ಬ. ಸಾಕಷ್ಟು ಜನ ಕಲಾವಿದರು, ಸಂಗೀತಗಾರರು, ನೃತ್ಯಗಾರರು, ಕುಂಬಾರರು, ರಂಗೋಲಿ ಕಲಾವಿದರು, ಕೆತ್ತನೆ ಕೆಲಸ ಮಾಡೋರು, ಬಡಗಿಗಳು, ಬನವಾಸಿಯ ಕಳೆದುಹೋದ ಸಂಭ್ರಮವನ್ನ ಮತ್ತೆ ನೆನಪಿಸೋ ಕೆಲಸವನ್ನ ಈ ಮೂರೂ ದಿನ ಮಾಡ್ತಾರೆ. 

ಮೂಲ

6. ಬನವಾಸಿ ಸ್ಪೆಶಲ್ ಪೈನಾಪಲ್ ಗೊಜ್ಜು

ಬನವಾಸಿ ಊರು ಮಳೆಗಾಲ ಶುರುವಾಗ್ತಿದ್ದಾಗೆ ಹಸಿರು ಹೊದ್ದುಕೊಂಡಿರೋದನ್ನ ನೋಡೋದೇ ಕಣ್ಣಿಗೆ ಒಂಥರಾ ಹಬ್ಬ. ಅದಕ್ಕೆ ಕಾರಣ ಅಲ್ಲಿರೋ ಭತ್ತದ ಗದ್ದೆ. ಈ ಬನವಾಸಿನಲ್ಲಿ ತುಂಬಾ ರುಚಿಯಾಗಿರೋ ಪೈನಾಪಲ್ ಬೆಳೀತಾರೆ. ಹಾಗೆ ತಿನ್ನೋದ್ರ ಜೊತೆ ಪೈನಾಪಲ್ಲಿಂದ ಮಾಡಿರೋ ಗೊಜ್ಜು ತಿನ್ಬೇಕು.  ಇದನ್ನ ಅಲ್ಲಿನ ಖಾನಾವಳಿಗಳಲ್ಲಿ ಅಕ್ಕಿ, ಜೋಳ ಮತ್ತೆ ಸಜ್ಜೆಯಿಂದ ಮಾಡಿರೋ ರೊಟ್ಟಿಗಳ ಜೊತೆ ಪಲ್ಯ , ಚಟ್ನಿ, ಉಪ್ಪಿನಕಾಯಿ ಮತ್ತೆ ಪೈನಾಪಲ್ ಗೊಜ್ಜೂ ಕೊಡ್ತಾರೆ. ಸೂಪರರಾಗಿರುತ್ತೆ.

ಮೂಲ

7. ಬನವಾಸಿಯ ಹೊರಭಾಗದಲ್ಲಿರೋ ಗುಡ್ನಾಪುರದಲ್ಲಿ ರಾಜಾ ರವಿವರ್ಮನ ಕಂಬ ಇದೆ

ಭವ್ಯವಾದ ಮನೆಗಳೂ, ನೃತ್ಯ ಮಾಡೋಕ್ಕೆ ಇದ್ದಂತ ಹಾಲ್ ಅಷ್ಟೇ ಅಲ್ಲ ಒಂದಷ್ಟು ಜೈನ ತೀರ್ಥಂಕರರ ವಿಗ್ರಹಗಳೂ, ದೇವಸ್ಥಾನ, ಎಲ್ಲವೂ ಮಳೆ ನೀರು ಹೆಚ್ಚಾಗಿ ಕೆರೆ ತುಂಬಿ ಹರಿದು ಮುಳುಗೋಗಿರೋದನ್ನೂ ನೋಡ್ಬೋದು. ಪ್ರಾಚ್ಯವಸ್ತು ಸಂಗ್ರಹಕಾರರ ಹುಡ್ಕಿರೋ ಒಂದ್ ವಿಶೇಷವಾದ ಕಂಬ ಇದೆ. ಇದ್ರಲ್ಲಿ ಕದಂಬ ರಾಜ ರವಿವರ್ಮನ ಬಗ್ಗೆ ಕೆತ್ತಿದಾರೆ.

ಮೂಲ

8. ಬಳಪದ ಕಲ್ಲಲ್ಲಿ ಕಟ್ಟಿರೋ ಬಳ್ಳಿಗಾವಿಯ ಕೇದಾರೇಶ್ವರ ದೇವಸ್ಥಾನ

ಬನವಾಸಿಯ ಸುಮಾರು 43 ದೂರಲ್ಲಿರೋ ಶಿರಾಳಿಕೊಪ್ಪ ಅನ್ನೋ ಟೌನ್ ನಲ್ಲೆ ಬಳ್ಳಿಗಾವಿ ಅನ್ನೋ ಹಳ್ಳಿ ಇದೆ. ಸುಮಾರು 54 ದೇವಸ್ಥಾನಗಳನ್ನೂ ನಾವಿಲ್ಲಿ ನೋಡಬೋದು. ಶೈವರಿಗೆ, ವೈಷ್ಣವರಿಗೆ, ಜೈನರಿಗೆ, ಬೌದ್ಧರಿಗೆ ಹೀಗೆ ಎಲ್ಲರ ಆರಾಧನೆಗೂ ಇಲ್ಲಿ ದೇವಾಲಯ ಇದೆ. ಒಂದೆರಡು ದೇವಸ್ಥಾನ ಚಾಲುಕ್ಯರ ಆಳ್ವಿಕೆಯ ನಂತರ ಕಟ್ಟಿರೋದು ಅಂತಾರೆ. ಇಲ್ಲಿರೋ ಕೇದಾರೇಶ್ವರನ ದೇವಸ್ಥಾನ ಕಟ್ಟಿರೋದು ಬಳಪದ ಕಲ್ಲಲ್ಲಿ. ಚಾಲುಕ್ಯ - ಹೊಯ್ಸಳ ಎರಡೂ ಶೈಲಿಗಳನ್ನೂ ನಾವಿಲ್ಲಿ ನೋಡಬೋದು. ಸುಮಾರು 11ನೇ ಶತಮಾನದಲ್ಲಿ ಇದನ್ನ ಕಟ್ಟಿದ್ದಾರೆ ಅನ್ನತ್ತೆ ಇತಿಹಾಸ. ಈ ದೇವಸ್ಥಾನದ ಪ್ರಾಕಾರದಲ್ಲೇ ಒಂದು ಮ್ಯೂಸಿಯಂ ಕೂಡ ಇದೆ.

ಮೂಲ

9. ಬೇಡವಾದ ರತ್ನ ಅನ್ನಿಸಿಕೊಂಡಿರೋ ಬೆಳ್ಳಗಾವಿಯ ತ್ರಿಪುರಾಂತಕೇಶ್ವರ ದೇವಸ್ಥಾನ

ಬೇರೆ ದೇವಸ್ಥಾನಗಳಿಗೆ ಹೋಲಿಸಿದ್ರೆ ಈ ದೇವಸ್ಥಾನ ಅದ್ಯಾಕೋ ಏನೋ ಹೆಚ್ಚು ಪ್ರಚಾರ ಪಡೆದಿಲ್ಲ. ಆದ್ರೆ ಇಲ್ಲಿನ ಕೆತ್ತನೆಗಳು ಮಾತ್ರ ತುಂಬಾ ತುಂಬಾ ಅದ್ಭುತವಾಗಿದೆ. ಕಲ್ಲಿನಲ್ಲಿ ಮಾಡಿರೋ ಕಿಟಕಿಗಳು, ನೃತ್ಯಭಂಗಿಯಲ್ಲಿರೋ ಹುಡುಗಿಯರ ವಿಗ್ರಹಗಳು, ಆಭರಣ ತೊಟ್ಟಿರೋ ದ್ವಾರಪಾಲಕರು, ಪಂಚತಂತ್ರ ಕತೆಗಳ ಕೆತ್ತನೆಗಳು ಇವೆಲ್ಲಾ ಖಂಡಿತಾ ನೋಡಲೇಬೇಕಾದ ಜಾಗ.

ಮೂಲ

ಇಷ್ಟೆಲ್ಲಾ ಗೊತ್ತಾದ್ಮೇಲೆ ಬನವಾಸಿ ನೋಡ್ಲೇಬೇಕು ಅನ್ನಿಸ್ತಾ? ಹಾಗಾದ್ರೆ ಇಲ್ಕೇಳಿ

ಶಿರಸಿಯಿಂದ 22 ಕಿಮಿ ದೂರಲ್ಲಿರೋ ಈ ಬನವಾಸಿಗೆ  ಶಿವಮೊಗ್ಗ, ಹಾವೇರಿಯಿಂದ ಬಸ್ಸು, ಟ್ರೇನು ಎರಡೂ  ಸಿಗುತ್ತೆ. ಶಿರಸಿಯಿಂದ ಬನವಾಸಿಗೂ ಬೇಕಾದಷ್ಟು ಬಸ್ಸುಗಳಿವೆ.

ಬನವಾಸಿಗೆ ಹೋದೋರು ಇವನ್ನೆಲ್ಲಾ ತಿನ್ನದೇ ಬರ್ಲೇಬೇಡಿ.

ಖಾನಾವಳಿಗಳಲ್ಲಿ ಅಕ್ಕಿ ಜೋಳ ಸಜ್ಜೆ ನವಣೆಗಳಲ್ಲಿ ಮಾಡಿರೋ ರೊಟ್ಟಿ ಪಲ್ಯ ಚಟ್ನಿ ಉಪ್ಪಿನಕಾಯಿ ತಿನ್ಲೆಬೇಕು. ಸಿಹಿ ತಿಂಡಿ ಇಷ್ಟ ಪಡೋರು  ಇಲ್ಲಿ ಮಾಡೋ ಒಬ್ಬಟ್ಟು ತಿನ್ನೋದನ್ನ ಮರಿಲೇಬೇಡಿ. ಪೈನಾಪಲ್ ತಿನ್ನದೇ ವಾಪಸ್ ಬರ್ಬೇಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಗ್ಯಾಸ್ ಸಿಲಿಂಡರ್ ಬಗ್ಗೆ ಈ ಒಂದು ಮುಖ್ಯವಾದ ವಿಷಯ ಎಲ್ಲರಿಗೂ ತುರ್ತಾಗಿ ಗೊತ್ತಾಗಬೇಕು

ಇಷ್ಟು ದಿನ ಯಾರೂ ಹೇಳೇ ಇಲ್ಲವಲ್ಲ, ಹೆಂಗೆ?

LPG ಸಿಲಿಂಡರ್ ಇಲ್ಲದೆ ಮನೇಲಿ ಅಡುಗೇನೇ ಇಲ್ಲ ಅನ್ನೋ ಪರಿಸ್ಥಿತಿ ಇದೆ.

ಆದರೆ ಈ‌ ಸಿಲಿಂಡರ್ಗಳು ಸ್ವಲ್ಪ ಡೇಂಜರ್ರೇ. ಏನಾದರೂ ತೊಂದರೆ ಆದರೆ ಸಿಲಿಂಡರ್ಗೆ ಬೆಂಕಿ ಹತ್ತಿ, ಅದು ಸಿಡಿದು ಅನಾಹುತ ಆಗೋ ಸಾಧ್ಯತೆ ಇರುತ್ತೆ.

ಆದರೆ ಈ ಸಿಲಿಂಡರ್ಗಳಿಗೂ ಒಂದು expiry date ಇರುತ್ತೆ ಅಂತ ನಿಮಗೆ ಗೊತ್ತಾ?

ಸಿಲಿಂಡರ್ ಒಳಗಿರೋ ಗ್ಯಾಸ್ ಬಗ್ಗೆ ಮಾತಾಡ್ತಿಲ್ಲ, ಬರೀ ಖಾಲಿ ಸಿಲಿಂಡರ್ ಬಗ್ಗೆ ಮಾತಾಡ್ತಿರೋದು. ಅದಕ್ಕೆ expiry date ಇರುತ್ತೆ ಅಂತ ನಿಮಗೆ ಗೊತ್ತಾ? Expiry date ಆಗೋಗಿರೋ ಸಿಲಿಂದರ್ ಉಪಯೋಗಿಸಿದರೆ ಏನಾದರೂ‌ ಅನಾಹುತ ಆಗೋ ಸಾಧ್ಯತೆ ಜಾಸ್ತಿ.

ಈ ಸಿಲಿಂಡರ್ಗಳು ಮಾರುಕಟ್ಟೇಲಿ ಸುಲಭವಾಗಿ ಸಿಗುತ್ತವೆ. ಖಾಲಿ ಆದರೆ ಅದನ್ನ ತುಂಬಿಸೋದು ವಾಡಿಕೆ. ಆದರೆ expiry date ಆಗಿದ್ದರೆ ಅದನ್ನ ತುಂಬಿಸಬಾರದು. ಆಗ ಅದರಿಂದ ಗ್ಯಾಸ್ ಸೋರಿಕೆ ಆಗಿ ಸಿಡಿಯೋ ಸಾಧ್ಯತೆ ಇರುತ್ತೆ. ಆದ್ದರಿಂದ ಡೇಟ್ ಆಗೋಗಿರೋ ಸಿಲಿಂಡರ್ಗಳ್ನ ಉಪಯೋಗಿಸಬಾರದು.

ಗ್ಯಾಸ್ ಅಂಗಡಿಯೋರು ಒಂದರ ಮೇಲೊಂದು ಸಿಲಿಂಡರ್ ಪೇರಿಸೋದು, ಅದನ್ನ ಎಸೆದಾಡೋದು, ಎಲ್ಲಾ ಮಾಡ್ತಾರೆ ನೋಡಿದೀರಿ ತಾನೇ?

ಮೂಲ

ಇದರಿಂದ ಸಿಲಿಂಡರ್ಗೆ ಏಟು ಬೀಳೋ ಸಾಧ್ಯತೆ ಇರುತ್ತೆ. ತುಂಬಾ ಉಜ್ಜಾಡಿ ಉಜ್ಜಾಡಿ ಮಾಡಿದಾಗ ಅದರಿಂದ ಗ್ಯಾಸ್ ಸೋರಿಕೆ ಆಗೋ‌ಸಾಧ್ಯತೆ ಇರುತ್ತೆ.

ಆದರೆ ಡೇಟ್ ಆಗಿದ್ಯೋ ಇಲ್ವೋ ಅಂತ ಕಂಡ್ ಹಿಡಿಯೋದು ಹೇಗೆ ಅಂತ ಸಾಮಾನ್ಯವಾಗಿ ಜನರಿಗೆ ಗೊತ್ತಿರಲ್ಲ. ಹೇಳ್ತೀವಿ ಕೇಳಿ.

ಸಿಲಿಂಡರ್ ಹಿಡಿ ಕೆಳಗೆ ಮೂರು ಸೈಡ್ ಪಟ್ಟಿ ಇರುತ್ತೆ. ಅದರಲ್ಲಿ ಒಳಕ್ಕೆ expiry dateನ ಒಂದು ಕೋಡ್ ಮಾಡಿ ಬರೆದಿರ್ತಾರೆ. ಆ ಕೋಡು A, B, C, ಅಥವಾ D ಇಂದ ಶುರು ಆಗಿ ಅದಾದಮೇಲೆ ಎರಡಂಕಿ ಸಂಖ್ಯೆ ಇರುತ್ತೆ. ಉದಾಹರಣೆಗೆ B13.

ಮೂಲ

ಇದರಿಂದ ಡೇಟ್ ಕಂಡ್ ಹಿಡಿಯೋದು ಸುಲಭ.

A, B, C, ಮತ್ತೆ D ಅನ್ನೋ ಇಂಗ್ಲಿಷ್ ಅಕ್ಷರಗಳು ತಿಂಗಳನ್ನ ಸೂಚಿಸುತ್ತವೆ. ಸಂಖ್ಯೆ ವರ್ಷ ಸೂಚಿಸುತ್ತೆ.

ಯಾವ ಅಕ್ಷರಕ್ಕೆ ಯಾವ ತಿಂಗಳು ಅಂತ ತಿಳಿದಿರಲಿ:

A - ಮಾರ್ಚ್

B - ಜೂನ್

C - ಸೆಪ್ಟೆಂಬರ್

D - ಡಿಸೆಂಬರ್

ಈಗ, ಉದಾಹರಣೆಗೆ ನಿಮ್ಮ ಸಿಲಿಂಡರ್ ಮೇಲೆ B-13 ಅಂತ ಬರೆದಿದ್ದರೆ ಅದರ expiry date ಜೂನ್ 2013. ಮೂರು ತಿಂಗಳ ಅಂದಾಜು ಸಾಕು ಅಂತ ಎಲ್ಲಾ ತಿಂಗಳಿಗೂ ಒಂದೊಂದು ಅಕ್ಷರ ಕೊಟ್ಟಿರಲ್ಲ.

ಕೆಲವರು ಈ expiry date ಕೋಡನ್ನ ಅಳಿಸಿ ತಮಗೆ ಬೇಕಾದ್ದು ಬರೆದುಕೊಳ್ತಾರೆ ಅಂತಾನೂ ವರದಿಗಳು ಬಂದಿವೆ. ಆದ್ದರಿಂದ ಮುಂದಿನ ಸಲ ಸಿಲಿಂಡರ್ ಬಂದಾಗ ಅದರ ಕೋಡ್ ಏನು ಅಂತ ನೋಡಿ.

ಮೂಲ

ಕೋಡ್ ಇರಬೇಕಾದ ಜಾಗದಲ್ಲಿ ಏನಾದರೂ ಗೀಚಿರೋದು, ಪೇಂಟ್ ಹಚ್ಚಿರೋದು, ತಿದ್ದಿರೋದು ಎಲ್ಲಾ ಆಗಿದ್ದರೆ ಮುಲಾಜಿಲ್ಲದೆ ವಾಪಸ್ ಕೊಟ್ಟುಬಿಡಿ. ಕಷ್ಟಕ್ಕೆ ಸಿಕಾಕೋಬೇಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: