ದ.ಭಾರತದ ಈ 10 ರಸ್ತೆಗಳಲ್ಲಿ ಕಾರ್ ಓಡುಸ್ಕೊಂಡ್ ಟ್ರಿಪ್ಪಿಗೆ ಹೋದ್ರೆ ಅದರ ಮಜಾನೇ ಬೇರೆ

ಒಳ್ಳೇ ಮೋಡದ ಮೇಲೆ ಹೋದಂಗಿರುತ್ತೆ

ಮನೆಲಿ ವೀಕೆಂಡ್ ಕಳೆಯೋ ಮನಸ್ಸಿಲ್ಲ.. ದೂರ ಎಲ್ಲೂ ಹೋಗೋಕಾಗಲ್ಲ ಅಂದ್ರೆ. ನಿಮ್ಮ ಕಾರಿಗೆ ಪೆಟ್ರೋಲ್ ತುಂಬಿಸಿ, ಕ್ಯಾಮೆರಾ ಚಾರ್ಜ್ ಮಾಡ್ಕೋಂಡು,ನಿಮ್ಮಿಷ್ಟದ ಹಾಡುಗಳನ್ನ ರೇಡಿ ಮಾಡ್ಕೊಂಡು,  ನಿಮ್ಮನೆಯವರ ಜೊತೆ ಸಿದ್ಧ ಆಗಿ, ಬೇಗ ವಾಪಸ್ ಬರಬಹುದು ಅದೂ ಒಳ್ಳೆ ಅನುಭವದ ಜೊತೆಗೆ.

1. ಚೆನ್ನೈ ಇಂದ ಪಾಂಡಿಚೆರಿ

140-150 ಕಿ.ಮಿ ಉದ್ದನೆ ರಸ್ತೆ, ಬೈಕ್ ನಲ್ಲಿ ಅರಾಮಾಗಿ ಪ್ರಕೃತೀನ ಸವೀತಾ ಹೋಗಬಹುದು. ಪಾಂಡಿಚೆರಿಯ ಫ್ರೆಂಚ್ ಕಾಲನಿ ನಿಮಗೆ ಫ್ರೆಂಚ್ ಫೀಲ್ ಕೊಡುತ್ತೆ. ಬೀಚ್ ಹತ್ತಿರದಲ್ಲಿ ನಿಮಗೊಂದು ರೂಮ್ ಸಿಕ್ರೆ ರಾತ್ರಿ ಬೀಚ್ ಹತ್ರ ವಾಕ್ ಮಾಡೋದನ್ನ ಮಾತ್ರ ಮರೀಬೇಡಿ ಅದಕ್ಕಿಂತ ಸ್ವರ್ಗ ಬೇರೊಂದಿಲ್ಲ.

ಮೂಲ

2. ಬೆಂಗಳೂರಿಂದ ಬಂಡಿಪುರ

ಇದೊಂದು ರಸ್ತೆ ಬಗ್ಗೆ ಮಾತಾಡದೇ ಹೋದ್ರೆ ನೀವೇನೋ ಕಳೆದುಕೊಂಡ ಹಾಗೆ. 235 ಕಿ.ಮಿ ಉದ್ದನೆಯ ರಸ್ತೆ 5 ಗಂಟೆಲಿ ಸೇರ್ತೀರಿ ಬಂಡಿಪುರ ಅರಣ್ಯ, ದಾರೀಲಿ ನಿಮಗೆ ಜಿಂಕೆ ಕಂಡಾಗ ನಿಮ್ಮ ಕ್ಯಾಮೆರಾಗೆ ಕೆಲಸ ಕೊಡಿ. ದಾರೀಲಿ ಹಸಿವಾದ್ರೆ ಒಳ್ಳೋಳ್ಳೆ ಹೊಟೆಲುಗಳೂ ಸಿಗುತ್ವೆ. ಇನ್ನೇನ್ ಬೇಕು ಹೇಳಿ.

ಮೂಲ

3. ಪಂಬನ್ ಸೇತುವೆ

ರಾಮೇಶ್ವರದಿಂದ ತಮಿಳುನಾಡಿಗೆ ಹೋಗೋ ದಾರಿ 13.೫ ಕಿ.ಮೀ 20 ನಿಮಿಷದ ರಸ್ತೆ. ಅದ್ರಲ್ಲೂ ಬೈಕ್ ನಲ್ಲಿ ಹೋಗೋದಾದ್ರೆ ನಿಮಗೆ ಮತ್ಯಾವ ರಸ್ತೆಲೂ ಹೋಗೋ ಮನಸ್ಸಾಗಲ್ಲ. ಸುತ್ತಲೂ ನೀರು, ತೀಡೋ ತಂಗಾಳಿ ಹೆಚ್ಚು ಕಾಲ ನಿಮ್ಮ ಮನಸಲ್ಲಿ  ಉಳಿಯುತ್ತೆ. 

ಮೂಲ

4. ಚೆನ್ನೈ ಇಂದ ಮುನ್ನಾರ್ 

ಚೆನ್ನೈ ಬಿಸಿಲು ನಿಮಗೆ ಕಷ್ಟ ಆಗ್ತಿದ್ರೆ 10 ಗಂಟೆ ಅಂದ್ರೆ 600 ಕಿ.ಮೀ ನಲ್ಲಿ ನಿಮಗೆ ಮುನ್ನಾರ್ ಸಿಗುತ್ತೆ. ದಾರೀಲಿ ಚೋಳರ ಕಾಲದ ತಿರುಚಿನಾಪಳ್ಳಿ  ಕೂಡ ನೋಡಬಹುದು.

ಮೂಲ

5. ಬೆಂಗಳೂರಿಂದ ಊಟಿ

ಕಾಲೇಜು ಸ್ಟೂಡೆಂಟ್ಸ್ ಗಳ ತುಂಬಾ ಇಷ್ಟದ ರಸ್ತೆ ಇದು. 266 ಕಿ.ಮೀ ಉದ್ದ. ಅದರಲ್ಲೂ ಮೈಸೂರಿಗೆ ಹೋಗಿ ಅರಮನೆ ಎಲ್ಲ ನೋಡಿಕೊಂಡು ಒಳ್ಳೆ ಊಟ ಮಾಡಿ ಹೊರಟರಂತೂ ಫುಲ್ ಮಸ್ತಿ ನೋಡಿ.

ಮೂಲ

6. ಬೆಂಗಳೂರಿಂದ ಗೋವಾ

ಬೆಂಗಳೂರಿನವರಿಗೆ ಗೋವಾ ಅಂದ್ರೆ ತುಂಬಾ ಇಷ್ಟದ ಜಾಗ ನೋಡಿ. 566 ಕಿ.ಮೀ ಒಳ್ಳೆ ರಸ್ತೆ, ರಸ್ತೆ ಉದ್ದಕ್ಕೂ ಢಾಬಾ ಕಣ್ಣಿಗೂ ಹಬ್ಬ ಹೊಟ್ಟೆಗೂ ಹಬ್ಬ.

ಮೂಲ

7. ಬೆಂಗಳೂರಿಂದ ನಂದಿ ಬೆಟ್ಟ

ಬೆಂಗಳೂರಿಂದ 47 ಕಿ.ಮೀ ಇದ್ದರೂ ಪಕ್ಕದಲ್ಲೇ ಇದ್ದಷ್ಟು ಹತ್ರ ನಂದಿ ಬೆಟ್ಟ, ಹೋಗದವರೇ ಇಲ್ವೇನೋ ಅನ್ಸುತ್ತೆ. ಬೆಳಗ್ಗೆನೇ ಮಂಜಲ್ಲಿ ಹೋಗಿ ಸೂರ್ಯೋದಯ ನೋಡೋದು ಅಂದ್ರೆ ಯಾರಿಗೆ ಖುಷಿ ಕೊಡಲ್ಲ ಹೇಳಿ. ಹೋಗೋದು ತಡ ಆದ್ರೂ ಟ್ರೆಕಿಂಗ್ ಹೋಗಬಹುದು. ದಾರೀಲಿ ದೇವನಹಳ್ಳಿ ಕೋಟೆ ಮರೀಬೇಡಿ.

ಮೂಲ

8. ವಿಶಾಖಪಟ್ಟಣದಿಂದ ಅರಕು 

ಬಂಗಾಳ ಕೊಲ್ಲಿ ಪಕ್ಕದ ಸುಂದರ ಜಾಗ ವಿಶಾಖಪಟ್ಟಣ… ಅಲ್ಲಿಂದ ಅರಕು ಕಡೆ ಹೋಗ್ತಾ ನಿಮ್ಮ ಕಣ್ಣಿಗೆ ತಂಪಾಗೋದು ಅಲ್ಲದೆ  ಬದಲಾಗೋ ಹವಾಮಾನ ನಿಮಗೆ ಇಷ್ಟ ಆಗುತ್ತೆ. ಅರಕು ತಲುಪುತ್ತಿದ್ದಹಾಗೆ ನಿಮಗೆ ಸಿಗೋ ಕಾಫಿ ಇನ್ನಷ್ಟು ಖುಷಿ ಕೊಡುತ್ತೆ. 116 ಕಿ.ಮೀ ದಾರೀಲಿ ನಿಮಗೆ ಬೋರಾ ಗುಹೆಗಳು, ತಾತ್ಪುಡಿ ಜಲಾಶಯ ಕೂಡ ಸಿಗುತ್ತೆ.

ಮೂಲ

9. ಹೈದೆರಾಬಾದ್ ನಿಂದ ವಿಜಯವಾಡ 

ಹೈದೆರಾಬಾದ್ ನಲ್ಲಿ ಹೈವೇ ಶುರು ಆದ್ರೆ 272 ಕಿ.ಮೀ ರಸ್ತೆ, ಭಾರತ ದಲ್ಲೇ ಮಸ್ತ್ ರಸ್ತೆ ಇದು. ನಿಮಗೆ ವೇಗವಾಗಿ ಗಾಡಿ ಓಡ್ಸೋದು ಇಷ್ಟ ಇದ್ರೆ ಈ ರಸ್ತೆ ಮರೀಬೇಡಿ.

ಮೂಲ

10. ಚೆನ್ನೈ ಇಂದ ಎಳಗಿರಿ

ನಿಮಗೆ ಹಸಿರಿನ ಮಧ್ಯೆ ಚುಮು ಚುಮು ಚಳಿಲಿ ಸಮಯ ಕಳೀಬೇಕು ಅಂತಿದ್ರೆ… ಬೆಟ್ಟ ಗುಡ್ಡ ಅಂತ ಅಡ್ಡಾಡಬೇಕು ಅಂತಿದ್ರೆ… ಖಂಡಿತ ನೀವು ಚೆನ್ನೈ ಇಂದ ಎಳಗಿರಿಗೆ ಹೋಗ್ಬೇಕು. ಹೈವೇ ನಲ್ಲಿ 5 ಗಂಟೆ 235 ಕಿ.ಮೀ ರಸ್ತೆ ಜೀವನ ಇಡೀ ನೆನಪಿಡೋ ಅನುಭವ.

ಮೂಲ

ಯಾವಾಗ ಟ್ರಿಪ್ಪು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ತೀರಾ ಕಡಿಮೆ ಖರ್ಚಲ್ಲಿ ಕೂದಲು ಚೆನ್ನಾಗಾಗಬೇಕು ಅಂದ್ರೆ ಈ 13 ಪದಾರ್ಥ ಉಪಯೋಗಿಸಿ ನೋಡಿ

ಎಲ್ಲ ಸಾಮಾನ್ಯವಾಗಿ ಮನೇಲೇ ಇರುತ್ತೆ

ತಲೆತುಂಬ ಕೂದಲು ಇರ್ಬೇಕು ಅನ್ನೋದು ಎಲ್ರ ಆಸೆ. ಆದರೆ ನಾನಾ ಕಾರಣಗಳಿಂದ ಈವತ್ತು ಕೂದಲು ಉದುರೋ ಸಮಸ್ಯೆ ಜಾಸ್ತಿ ಆಗ್ತಿದೆ. ನಾವು ಬಳಸೋಂತ ಶಾಂಪೂಗಳು, ಎಣ್ಣೆಗಳು, ಕಣ್ತುಂಬ ನಿದ್ದೆ ಇಲ್ದೆ ಇರೋಂತದ್ದು, ಮಾಲಿನ್ಯ, ಪೌಷ್ಠಿಕ ಆಹಾರ ಕೊರತೆ, ಹಾರ್ಮೋನ್ ಏರುಪೇರಾಗೋದು, ಮಾನಸಿಕ ಸಮಸ್ಯೆ, ಒತ್ತಡಗಳಿಂದ ಕೂದಲು ಉದುರುತ್ತೆ. ಕೂದಲ ಆರೋಗ್ಯಾನ ಕಾಪಾಡ್ಕೊಳ್ಳೋದು ಈವತ್ತಿನ ದಿನಗಳಲ್ಲಿ ನಿಜವಾಗ್ಲೂ ಸವಾಲಾಗೋಗಿದೆ. ಕೂದ್ಲ ಆರೋಗ್ಯವನ್ನ ಕಾಪಾಡ್ಕೊಳ್ಳೋಕೆ ಮನೆಯಲ್ಲೇ ಸಾಕಷ್ಟು ಪದಾರ್ಥಗಳು ಸಿಕ್ತಾವೆ. ಈವತ್ತು ಕೂದಲ ಆರೋಗ್ಯಕ್ಕೆ ಸಾವಿರಾರು ರೂಪಾಯಿ ಖರ್ಚು ಮಾಡೋ ಜನ ಇದಾರೆ. ಆದ್ರೆ ಕಡಿಮೆ ಖರ್ಚಲ್ಲೇ ಕೂದಲನ್ನ ಕಾಪಾಡ್ಕೋಬೋದು... ಹೇಗೆ ಅಂತ ನೋಡಿ...

1. ಹರಳೆಣ್ಣೆ

ಇದ್ರಲ್ಲಿ ಒಮೆಗಾ 6 ಮತ್ತೆ ರಿಸಿನೋಲೆಕ್ ಆಸಿಡ್ ಇರೊದ್ರಿಂದ ಕೂದಲು ದಟ್ಟವಾಗಿ, ಉದ್ದವಾಗಿ ಮತ್ತೆ ಹೊರಳು ಬರೋದಕ್ಕೆ ಕಾರಣವಾಗತ್ತೆ. ನೆತ್ತಿಯಲ್ಲಿರೋ ಸಹಜವಾದಂತ ಎಣ್ಣೆಯನ್ನ ಇದು ಕಾಪಾಡುತ್ತೆ. ಬೆಳಗ್ಗೆ ಹರಳೆಣ್ಣೆ ತಲೆಗೆ ಹಚ್ಚಿಕೊಂಡು ಚೆನ್ನಾಗಿ ಮಸಾಜ್ ಮಾಡ್ಕೋಬೇಕು. ಆಮೇಲೆ ಉಗುರು ಬೆಚ್ಚಗಿನ ನೀರಲ್ಲಿ ಸೀಗೆಕಾಯಿ ಹಾಕ್ಕೊಂಡು ತಲೆಸ್ನಾನ ಮಾಡ್ಬೇಕು.

2. ಈರುಳ್ಳಿ ರಸ

ಒಂದು ಮೀಡಿಯಂ ಗಾತ್ರ ಇರೋಂತ ಈರುಳ್ಳಿ ತಗೊಳ್ಳಿ. ಅದ್ರಿಂದ ಜ್ಯೂಸ್ ತೆಗೆದು ನೇರವಾಗಿ ತಲೆಗೆ ಹಚ್ಚಿಕೊಳ್ಳಿ. ಈರುಳ್ಳಿ ಜ್ಯೂಸಲ್ಲಿ ಹೆಚ್ಚಾಗಿ ಸಲ್ಫರ್ ಇರೋದ್ರಿಂದ ನೆತ್ತಿಯಲ್ಲಿ ರಕ್ತಸಂಚಾರವನ್ನ ಇದು ಹೆಚ್ಚಿಸುತ್ತೆ. ತಲೆಕೂದಲಲ್ಲಿರೋ ವೈರಾಣು, ಹೇನುಗಳನ್ನ ಇದು ಸಾಯ್ಸತ್ತೆ. ಈರುಳ್ಳಿ ಜ್ಯೂಸನ್ನ ಹಚ್ಚಿಕೊಂಡ್ ಮೇಲೆ ಕೆಲ ಗಂಟೆಗಳ ಕಾಲ ಹಾಗೇ ಬಿಟ್ಟು ಆಮೇಲೆ ಸ್ನಾನ ಮಾಡ್ಬೇಕು. 

3. ಕೊಬ್ಬರಿ ಹಾಲು

ಕೊಬ್ಬರಿ ತುರಿಯನ್ನು ಚೆನ್ನಾಗಿ ಹಿಂಡಿ ಅದರ ಹಾಲಿಗೆ ಅರ್ಧ ನಿಂಬೆ ರಸ ಮತ್ತೆ 4 ಹನಿ ಲ್ಯಾವೆಂಡರ್ ಆಯಿಲ್ ಬೆರೆಸಿ. ತಲೆಬುಡಕ್ಕೆ ಚೆನ್ನಾಗಿ ಹಚ್ಚಿ 4-5 ಗಂಟೆಗಳ ಕಾಲ ಹಾಗೇ ಬಿಡಿ. ಕೊಬ್ಬರಿ ಹಾಲಲ್ಲಿ ಕಬ್ಬಿಣಾಂಶ, ಪೊಟ್ಯಾಶಿಯಂ, ಸಹಜವಾದಂತ ಕೊಬ್ಬಿನಂಶಳು ಇರೋದ್ರಿಂದ ಕೂದಲು ಉದುರೋದನ್ನ ತಡೆಯುತ್ತೆ.

4. ಲೋಳೆಸರದ ಜೆಲ್

ಕೂದಲು ಉದುರೋದನ್ನ ತಡೆಯೋ ಗುಣ ಲೋಳೆಸರದಲ್ಲಿದೆ. ಇದು ಕೂದಲ ಬೆಳವಣಿಗೆಗೂ ಸಹಕಾರಿ. ಲೋಳೆಸರ ಜೆಲ್ಲಿಂದ ತಲೆಗೆ ಚೆನ್ನಾಗಿ ಮಸಾಜ್ ಮಾಡ್ಕೊಂಡು ಒಂದೆರಡು ಗಂಟೆ ಹಾಗೇ ಬಿಟ್ಟು ಸ್ನಾನ ಮಾಡಿ. ನೀರು ತುಂಬಾ ಬಿಸಿ ಇರ್ಬಾದ್ರು, ಉಗುರು ಬೆಚ್ಚಗಿದ್ರೆ ಸಾಕು.

5. ಬೆಟ್ಟದ ನೆಲ್ಲಿಕಾಯಿ ತಿರುಳು

ಕೂದಲು ಉದುರೋದಕ್ಕೆ ಮುಖ್ಯವಾದಂತ ಕಾರಣ ಅಂದ್ರೆ ವಿಟಮಿನ್ ಸಿ ಕೊರತೆ. ಬೆಟ್ಟದ ನೆಲ್ಲಿಕಾಯಲ್ಲಿ ವಿಟಮಿನ್ ಸಿ ಅಂಶ ತುಂಬಾನೇ ಇರತ್ತೆ. ಬೆಟ್ಟದ ನೆಲ್ಲಿಕಾಯಿ ಬೀಜ ತೆಗೆದು ತಿರುಳನ್ನ ತಗೊಂಡು ಅದಕ್ಕೆ ನಿಂಬೆರಸ ಸೇರಿಸಿ ತಲೆಗೆ ಹಚ್ಚಿಕೊಳ್ಳಿ. ಒಂದೆರಡು ಗಂಟೆ ಬಿಟ್ಟು ತಲೆಸ್ನಾನ ಮಾಡಿ. 

6. ಮೆಂತ್ಯೆಸೊಪ್ಪು

ಕೂದಲ ಬೆಳವಣಿಗೆಗೆ ಇದೊಂಥರಾ ದಿವ್ಯೌಷಧಿ ಇದ್ದಂಗೆ. ಇದ್ರಲ್ಲಿ ಪ್ರೋಟೀನು ಮತ್ತೆ ನಿಕೋಟಿನಿಕ್ ಆಸಿಡ್ ಜಾಸ್ತಿ ಇರೋದ್ರಿಂದ ಕೂದಲು ಸೊಂಪಾಗಿ ಬೆಳೆಯೋ ಹಂಗೆ ಮಾಡುತ್ತೆ. ಸೊಪ್ಪನ್ನು ಚೆನ್ನಾಗಿ ರುಬ್ಬಿಕೊಂಡು ಪೇಸ್ಟ್ ತರ ಮಾಡ್ಕೊಳ್ಳಿ. ಇದಕ್ಕೆ ಕೊಬ್ಬರಿ ಎಣ್ಣೆ ಹಾಕಿ ತಲೆಗೆ ಹಚ್ಚಿಕೊಂಡು ಅರ್ಧಗಂಟೆ ಬಳಿಕ ಸ್ನಾನ ಮಾಡಿ.

7. ಗ್ರೀನ್ ಟೀ 

ಗ್ರೀನ್ ಟೀಯಲ್ಲಿ ಆಂಟಿಆಕ್ಸಿಡೆಂಟ್ ಜಾಸ್ತಿ ಇರೋದ್ರಿಂದ ಇದು ಕೂದಲ ಬೆಳವಣಿಗೆಗೆ ಮತ್ತೆ ಕೂದಲು ಉದುರೋದನ್ನ ತಡೆಯುತ್ತೆ. ಉಪಯೋಗಿಸಿರೋಂತ ಗ್ರೀನ್ ಟೀ ಅಥವಾ ಟೀ ಬ್ಯಾಗುಗಳಿಂದ ಅದನ್ನ ತೆಗೆದು ತಗೆಲೆ ಹಚ್ಚಿಕೊಂಡು ಅರ್ಧಗಂಟೆ ಬಳಿಕ ಸ್ನಾನ ಮಾಡಿದ್ರೆ ಕೂದಲು ಉದುರೋದು ತಪ್ಪುತ್ತೆ.

ಮೂಲ

8. ಜ್ಯೇಷ್ಠಮಧು ಬೇರು

ಜ್ಯೇಷ್ಠಮದು ಬೇರಲ್ಲಿ ತಲೆತುರಿಕೆಯನ್ನ ಕಡ್ದಿಮೆ ಮಾಡೋಂತ ಗುಣ ಇದೆ. ಇದು ತಲೆಹೊಟ್ಟನ್ನೂ ಕಡಿಮೆ ಮಾಡುತ್ತೆ. ಜ್ಯೇಷ್ಠಮಧು ಬೇರು ಮತ್ತೆ ಅದಕ್ಕೆ ಒಂದು ಕಪ್ ಹಾಲು ಬೆರಸಿ ಪೇಸ್ಟ್ ತರ ಮಾಡ್ಕೊಂಡು ತಲೆಗೆ ಹಚ್ಕೋಬೇಕು. ರಾತ್ರಿಯಲ್ಲಾ ಹಾಗೇ ಬಿಟ್ಟು ಬೆಳಗ್ಗೆ ಮೈಲ್ಡ್ ಆಗಿರೋಂತ ಶಾಂಪೂನಲ್ಲಿ ತಲೆಸ್ನಾನ ಮಾಡ್ಕೊಂಡ್ರೆ ತಲೆಹೊಟ್ಟು ಸಮಸ್ಯೆ ಹೋಗುತ್ತೆ.

9. ಬೇವಿನ ಸೊಪ್ಪು

ಬೇವಲ್ಲಿ ರಕ್ತಸಂಚಾರ ಜಾಸ್ತಿ ಮಾಡುವ ಮತ್ತೆ ಕೂದಲ ಬುಡವನ್ನ ದೃಢ ಮಾಡೋಂತ ಗುಣ ಇದೆ. ತಲೆಹೊಟ್ಟು, ಹೇನು ಬಾಧೆಗೆ ಇದು ರಾಮಬಾಣ ಇದ್ದಂತೆ. ಒಂದು ಅಳತೆ ನೀರಿಗೆ 10-12 ಬೇವಿನ ಎಲೆ ಹಾಕಿ ಅರ್ಧದಷ್ಟು ಪ್ರಮಾಣ ಆಗೋವರ್ಗೂ ಕುದುಸಿ. ತಣ್ಣಗಾದ ಮೇಲೆ ತಲೆಗೆ ಹಚ್ಚಿಕೊಂಡು ಸ್ವಲ್ಪ ಸಮಯದ ಬಳಿಕ ಸ್ನಾನ ಮಾಡಿ. 

10. ಬೀಟ್-ರೂಟ್ ಸೊಪ್ಪು

ಇದರಲ್ಲಿರೋ ಪ್ರೋಟೀನ್, ಪೊಟ್ಯಾಶಿಯಂ, ವಿಟಮಿನ್ ಬಿ ಮತ್ತೆ ಸಿ ಕೂದಲ ಆರೋಗ್ಯಕ್ಕೆ ತುಂಬಾ ಒಳ್ಳೇದು. ಬೀಟ್-ರೂಟ್ ಸೊಪ್ಪನ್ನ ತೆಗೆದುಕೊಂಡು ನೀರಲ್ಲಿ ಕುದುಸಿ. ಆ ನೀರು ಅರ್ಧ ಪ್ರಮಾಣಕ್ಕೆ ಬರೋವರೆಗೂ ಕುದುಸಿ. ಆಮೇಲೆ ಆ ಎಲೆಗಳ ಜೊತೆಗೆ ಗೋರಂಟಿ ಬೆರಸಿ ಚೆನ್ನಾಗಿ ರುಬ್ಬಿಕೊಳ್ಳಿ. ನೆತ್ತಿಗೆ ಹಚ್ಚಿಕೊಂಡು 20-13 ನಿಮಿಷದ ನಂತ್ರ ಸ್ನಾನ ಮಾಡಿ.ಹಾಗ್ ನೋಡಿ ನಿಮ್ ಕೂದ್ಲು ಹೆಂಗ್ ಇರುತ್ತೆ ಅಂತ.

11. ಮೊಟ್ಟೆಯ ಬಿಳಿಲೋಳೆ

ಇದ್ರಲ್ಲಿರೋ ವಿಟಮಿನ್, ಪ್ರೋಟೀನ್, ಸಹಜ ಎಣ್ಣೆಗಳು ಕೂದಲಿಗೆ ಒಳ್ಳೆ ಪೋಷಣೆ ಕೊಡ್ತಾವೆ. ಎರಡು ಮೊಟ್ಟೆ ತಗೊಂಡು ಅದ್ರಿಂದ ಬಿಳಿಲೋಳೆಯನ್ನ ಸಪರೇಟ್ ಮಾಡ್ಕೊಳ್ಳಿ. ಅದನ್ನ ಚೆನ್ನಾಗಿ ಕಲೆಸಿ ತಲೆಗೆ ಹಚ್ಚಿಕೊಂಡು 20 ನಿಮಿಷದ ಬಳಿಕ ಸ್ನಾನ ಮಾಡಿದ್ರೆ ಕೂದಲು ಸೊಂಪಾಗಿ ಬೆಳೆಯತ್ತೆ.

12. ನಿಂಬೆರಸ

ಎಣ್ಣೆ ಕೂದಲಿರೋರಿಗೆ ಇದು ಒಳ್ಳೇ ಮನೆಮದ್ದು. ಕೂದಲ ಬುಡವನ್ನ ದೃಢ ಮಾಡೋಂತ ಗುಣ ಇದ್ರಲ್ಲಿದೆ. 2-3 ನಿಂಬೆಹಣ್ಣು ತಗೊಂಡು ರಸ ತೆಗೀರಿ. ಅದನ್ನ ಉಗುರುಬೆಚ್ಚಗಿನ ನೀರಲ್ಲಿ ಬೆರಸಿ ತಲೆಗೆ ಹಚ್ಚಿಕೊಳ್ಳಿ. ಐದು ನಿಮಿಷದ ಬಳಿಕ ಸ್ನಾನ ಮಾಡಿ. 

13. ಬೆಳ್ಳುಳ್ಳಿ

ಕೂದಲು ಚೆನ್ನಾಗಿ ಬೆಳೆಯಕ್ಕೆ ಮತ್ತೆ ಉದುರೋದನ್ನ ತಡೆಯೋಂತ ಶಕ್ತಿ ಇದ್ರಲ್ಲಿದೆ. 7-8  ಬೆಳ್ಳುಳ್ಳಿ ಎಳೆಗಳನ್ನ ಚೆನ್ನಾಗಿ ಜಜ್ಜಿಕೊಂಡು ಆಲೀವ್ ಆಯಿಲ್ ಜೊತೆಗೆ ಕುದಿಸಿ. ಅದನ್ನ ಚೆನ್ನಾಗಿ ತಲೆಗೆ ಹಚ್ಚಿಕೊಳ್ಳಿ. ಅಥವಾ ಬೆಳ್ಳುಳ್ಳಿ ರಸ ತೆಗೆದು ಅಷ್ಟೇ ಪ್ರಮಾಣದ ಜೇನುತುಪ್ಪ ಅಥವಾ ಕೊಬ್ಬರಿ ಹಾಲಿಗೆ ಬೆರಸಿ ಹಚ್ಕೋಬೋದು. ವಾರದಲ್ಲಿ ಎರಡು, ಮೂರು ಸಲ ಈ ರೀತಿ ಮಾಡೋದ್ರಿಂದ ಕೂದಲು ಉದುರೋದು ತಪ್ಪತ್ತೆ.  

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: