ನಾವ್ ಹೇಳೋ ಥರ ಮಾಡಿದರೆ 30 ದಿನದಲ್ಲಿ ಸಿಗ್ರೆಟ್ ಚಟ ಹೋಗೋದು ಗ್ಯಾರಂಟಿ

ಯಾಕ್ ಸುಮ್ನೆ ಹೊಗೆ ಬಿಟ್ಟು ಹೊಗೆ ಹಾಕುಸ್ಕೊತೀರಾ

ಸಿಗರೇಟು ಬಿಡ್ಬೇಕು ಆದ್ರೆ ಬಿಡಕ್ಕಾಗ್ತಿಲ್ಲ ಅಂತ ಪರದಾಡ್ತಿದೀರಾ. ಒಂದ್ಸತಿ ಸಿಗ್ರೆಟ್ ಯಾಕ್ ಹೊಡೀತೀರಾ ಅಂತ ಯೋಚ್ನೆ ಮಾಡಿ. ಟೆನ್ಶನ್ನಾ, ಕೋಪ ಕಮ್ಮಿ ಮಾಡ್ಕೊಳಕ್ಕಾ? ಇವೆಲ್ಲ ಸುಳ್ಳು. ದಿನಾ ಊಟ ತಿಂಡಿ ಕಾಫಿ ಥರ ಇದು ನಿಮಗೆ ರೂಢಿಯಾಗಿದೆ ಅಷ್ಟೇ. ಸಿಗ್ರೆಟ್ ಸೇದ್ದೇ ಇರೋರಿಗೆ ಟೆನ್ಷನ್ನೇ ಇರಲ್ವಾ. ಈ ಟೀನೇಜಲ್ಲಿ ಇರೋರಿಗೆ ಇದೊಂಥರಾ ಶೋಕಿ. ಆದ್ರೆ ನಾವ್ ಹೇಳೋಥರ ನೀವ್ ಮಾಡಿ ಬರಿ ಒಂದು ತಿಂಗಳಲ್ಲಿ ಸಿಗ್ರೆಟ್ ಬಿಡ್ತೀರಾ. ಆರೋಗ್ಯಾನು ನೆಟ್ಟಗಾಗತ್ತೆ.

1. ಸಿಗರೇಟನ್ನ ಬಿಟ್ಟೆ ಬಿಡ್ತೀನಿ ಅಂತ ತೀರ್ಮಾನ ಮಾಡಿ 

ತೀರ್ಮಾನ ಮಾಡಿದ್ ತಕ್ಷಣಾನೆ ಬಿಡಕ್ಕಾಗಲ್ಲ, ಆದ್ರೆ ಒಂದು ತಿಂಗಳಲ್ಲಿ ಖಂಡಿತ ಬಿಡಬೋದು. ನೀವು ದಿನಕ್ಕೆ ಒಂದು ಪ್ಯಾಕ್ ಸೇದೋರಾದ್ರೆ ಕೆಳಗಡೆ ಪೋಟದಲ್ಲಿರೋ ಪ್ಲಾನ್ ಪ್ರಕಾರ ಬಿಡ್ತಾ ಬನ್ನಿ. ಮರೀಬೇಡಿ ಇದು ನಿಮ್ಮಿಂದ ಖಂಡಿತ ಸಾಧ್ಯವಾಗತ್ತೆ

ಮೂಲ

2. ಆದಷ್ಟು ಸಿಗರೇಟನ್ನ ಸೇದ್ದೇ ಇರೋರ್ ಜೊತೆ ಕಾಲ ಕಳೀರಿ 

ಈ ಸಿಗರೇಟೇ ಹಂಗೆ, ಯಾರಾದ್ರೂ ಸೇದುತ್ತ ಇರೋದನ್ನ ನೋಡಿದ್ರೆ ನಿಮಗೂ ಸೆಡಬೇಕು ಅನ್ಸತ್ತೆ. ದಿನಾ ಎಷ್ಟಾಗತ್ತೋ ಅಷ್ಟು ನೀರ್ ಕುಡೀರಿ. ನಿಮ್ ಸ್ನೇಹಿತರು, ಮನೇಲಿರೋರು ಎಲ್ಲರಿಗೂ ನೀವು ಸಿಗರೇಟನ್ನ ಬಿಡೋ ವಿಷಯದ ಬಗ್ಗೆ ಹೇಳಿ. ನಿಮ್ಮ ಮನಸ್ಸಿಗೆ ಒಳ್ಳೆ ಯೋಚನೆ ತುಂಬಲು ಅವರ ಸಹಾಯಾನು ಮುಖ್ಯ.

ಮೂಲ

3. ದಿನಾ ನಿಂಬೆಹಣ್ಣಿನ ಟೀ ಅಥವಾ ಶುಂಠಿ ಟೀ ಕುಡೀರಿ

ನಿಂಬೆ, ಶುಂಠಿ ನಿಮ್ಮ ಶ್ವಾಸದಲ್ಲಿ ಈಗಾಗಲೇ ಸೇರಿರೋ ವಿಷಕಾರಿ ಅಂಶಾನ ತೆಗ್ಯಕ್ಕೆ ಸಹಾಯ ಮಾಡತ್ತೆ. ಕಾಫಿನಾ ಕಮ್ಮಿ ಮಾಡಿ. ಕಾಫಿ ನಮ್ಮ ದೇಹಕ್ಕೆ ಸೇರಿದಾಗ ಸಿಗರೇಟ್ ಬೇಕು ಅಂತ ಅಂಶಕ್ಕೆ ಶುರುವಾಗತ್ತೆ.

ಮೂಲ

4. ಆದಷ್ಟು ಕೆಲಸಗಳಲ್ಲಿ ನಿಮ್ಮನ್ನ ನೀವು ತೊಡಗಿಸಿಕೊಳ್ಳಿ 

ಖಾಲಿ ಇರೋ ಮನಸ್ಸು ಭೂತಬಂಗಲೆಗಿಂತ ಭಯಂಕರ ಅಂತ ಹೇಳ್ತಾರೆ. ಸುಮ್ನೆ ಕೂತಿದ್ರೆ ನಮ್ಮ ಮನಸ್ಸು ಹೋಗು ಸಿಗರೇಟನ್ನ ಸೇದು ಅಂತ ಹೇಳತ್ತೆ. ಅದಕ್ಕೆ ಆದಷ್ಟು ಮನಸನ್ನ ಬ್ಯುಸಿಯಾಗಿ ಇಟ್ಕೊಳಿ.

ಮೂಲ

5. ನಿಮ್ಮ ಮನಸ್ಸು ನಿಮ್ಮ ಹಿಡಿತದಲ್ಲಿರಲಿ 

ನಿಮಗೆ ಸಿಗರೇಟು ಸೇದಬೇಕು ಅಂತ ಅನ್ನಿಸಿದಾಗೆಲ್ಲ ಸೇದಬೇಡಿ. ಚೇವಿಂಗ್ ಗಮ್ ತಿನ್ನಿ, ನೀರ್ ಕುಡೀರಿ, ಸ್ನೇಹಿತರ ಜೊತೆ ಮಾತಾಡಿ. ನಿಮ್ಮ ಸಿಗರೇಟ್ ಸೇದೋ ಟೈಮಿಂಗನ್ನ 2 ಗಂಟೆ ಕಾಲ ಆದ್ರೂ ಮುಂದೂಡಿ.

ಮೂಲ

6. ದಿನ ಬೆಳಿಗ್ಗೆ ವ್ಯಾಯಾಮ ಮಾಡೋದನ್ನ ರೂಡಿ ಮಾಡ್ಕೊಳಿ 

ಹೆಚ್ಚುಕಮ್ಮಿ ಸುಮಾರ್ ಜನ ಬೆಳಿಗ್ಗೆ ಬೆಳಿಗ್ಗೆನೇ ಒಂದ್ ಸಿಗರೇಟನ್ನ ಸೇದ್ತಾರೆ. ಇದನ್ನ ನಿಲ್ಲಿಸಿ ಬೆಳಿಗ್ಗೆ ಎದ್ದು ವ್ಯಾಯಾಮ ಮಾಡಿ, ಸೂರ್ಯನಮಸ್ಕಾರ ಮಾಡಿ ಆರೋಗ್ಯಕ್ಕೂ ಒಳ್ಳೇದು, ಮನಸ್ಸಿಗೂ ಒಳ್ಳೇದು.

ಮೂಲ

ಇಷ್ಟನ್ನೆಲ್ಲಾ ನಿಜವಾಗ್ಲೂ, ಪ್ರಾಮಾಣಿಕವಾಗಿ ಮಾಡುದ್ರೆ ಖಂಡಿತ ಒಂದು ತಿಂಗಳಲ್ಲಿ ಸಿಗರೇಟನ್ನ ಬಿಟ್ಟೆ ಬಿಡ್ತೀರಾ. ತಡ ಯಾಕೆ? ಇವತ್ತಿಂದಾನೆ ಪಾಲಿಸಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: