ಮದುವೆಗೆ ಹೆಣ್ಣು ಅಥವಾ ಗಂಡು ಹುಡುಕ್ಕೊಳ್ವಾಗ ಈ 9 ತಪ್ಪು ಆಗಬಾರದು ನೋಡಿ

ಯಾಕಂದ್ರೆ ಇದು ಜೀವನದಲ್ಲಿ ಬಹಳ ಮುಖ್ಯವಾದ ತಿರುವು

ಆ ಮೀಟಿಂಗ್ ನಡೀವಾಗ ಹುಡುಗ-ಹುಡುಗಿ ತಲೇಲಿ ಏನೇನೋ ಆಸೆಗಳು ತುಂಬಿರುತ್ತವೆ. ಅದೆಲ್ಲದರ ಮಧ್ಯದಲ್ಲಿ ಮಿದುಳು ಸ್ವಲ್ಪ ಜಾಸ್ತಿ ಕೆಲಸ ಮಾಡಬೇಕು. ಇಲ್ಲಾಂದ್ರೆ ಎಡವಟ್ಟಾಗೋ ಸಾಧ್ಯತೆ ಇದೆ. ಇಲ್ಲಿ ನೋಡಿ, ಮದುವೆಗೆ ಹೆಣ್ಣು ಅಥವಾ ಗಂಡು ನೋಡುವಾಗ ಸಾಮಾನ್ಯವಾಗಿ ಜನ ಮಾಡೋ 9 ತಪ್ಪುಗಳು ಇಲ್ಲಿವೆ. ಇವುಗಳು ಆಗದೆ ಇರೋಹಂಗೆ ನೋಡ್ಕೊಂಡ್ರೆ ನಿಮ್ಮ ದಾಂಪತ್ಯ ಜೀವನ ಚೆನ್ನಾಗಿರುತ್ತೆ…

1) ಪ್ರೀತಿ-ಪ್ರೇಮದ ಗುಂಗಲ್ಲಿ ಬೇರೆ ಎಲ್ಲ ಮರೆತು ಮದುವೆ ಆಗೋದು

ನಿಜಕ್ಕೂ ಇನ್ನೊಬ್ಬರನ್ನ ಪ್ರೀತಿಸೋದು ಅನ್ನೋದು ಒಂಥರಾ ವಿಸ್ಮಯಾನೇ. ಆದರೆ ಮದುವೆಗೆ ಅದೊಂದೇ ಸಾಕಾಗಲ್ಲ. ಎಷ್ಟೋ ಸರ ಗಂಡು-ಹೆಣ್ಣು ತುಂಬಾ ಪ್ರೀತಿಸ್ತಾ ಇರ್ತಾರೆ, ಆದರೆ ಅದು ಇದು ಜಗಳ ಆಗಿ ಬೇರೆ ಆಗೋಗ್ತಾರೆ. ಆಗ ಗೊತ್ತಾಗುತ್ತೆ, ಈ‌ ಪ್ರೀತಿ-ಪ್ರೇಮ ಅನ್ನೋದೇನು ತಂದೆತಾಯಿಗೂ ಮಕ್ಕಳಿಗೂ ಇರೋ ಸಂಬಂಧದ ತರಹ ಅಲ್ಲ ಅಂತ. ಅದೆನೇ ಇರಲಿ, ಮಕ್ಕಳು, ಧರ್ಮ, ಕೆಲಸ ಗಿಲಸ ಅಂತ ನಿಜವಾದ ಜೀವನ ಮಾಡಬೇಕದಾಗ ಬರೀ ಈ ಪ್ರೀತಿ ಸಾಕಾಗಲ್ಲ. ಆದ್ದರಿಂದ ಬರೀ ಪ್ರೀತಿ ಪ್ರೀತಿ ಅನ್ಕೊಂಡು ಮದುವೆ ಮಾಡ್ಕೊಳೋದು ಪೆದ್ದತನಾನೇ ಆಗುತ್ತೆ. ಅದೂ ಇರಬೇಕು, ಆದರೆ ಅದೊಂದೇ ಸಾಲದು.

ಮೂಲ

2) ಸಂಪಾದನೆ ನೋಡದೆ ಮದುವೆ ಆಗೋದು

ದುಡ್ಡಿಗೋಸ್ಕರ ಮದುವೆ ಆಗಬೇಕಾಗಿಲ್ಲ, ಆದರೆ ಮದುವೆ ಅಂದಮೇಲೆ ದುಡ್ಡು ಬೇಕೇ ಬೇಕು. ಗಂಡು ಅಥವಾ ಹೆಣ್ಣಿನ ಸಂಪಾದನೆ ಎಷ್ಟು ಅನ್ನೋದು ಮುಖ್ಯವಾದ ಪ್ರಶ್ನೇನೇ. ನಿಮಗೆ ಒಳ್ಳೇ ಸಂಬಳ ಇದ್ದರೂ ಕೇಳಿಕೊಳ್ಳೋದ್ರಲ್ಲಿ ತಪ್ಪಿಲ್ಲ. ಆಮೇಲೆ ದುಡ್ಡಿನ ವಿಷಯಕ್ಕೆ ಜಗಳ ಆಗೋದು ತಪ್ಪಿಸಬಹುದು. ಹಾಗೆ ಎಷ್ಟೋ ಮದುವೆಗಳು ಮುರಿದು ಹೋಗಿವೆ. ಹೆಂಡತಿಗೆ ಗಂಡನಿಗಿಂತ ಜಾಸ್ತಿ ಸಂಬಳ ಇದೆ ಅಂದಾಗ, ಅಥವಾ ಗಂಡನಿಗೆ ಸಾಕಷ್ಟು ಸಂಬಳ ಬರ್ತಿಲ್ಲ ಅಂತ ಹೆಂಡತಿಗೆ ಅನ್ನಿಸಿದಾಗ ಇಂಥ ತೊಂದರೆಗಳು ಆಗಿರೋದನ್ನ ನೀವು ಕೇಳೇ ಇರ್ತೀರಿ. ಇವೆಲ್ಲ ಯಾಕೆ?

ಮೂಲ

3) ವ್ಯಕ್ತಿ ಬದಲು ಅವಳ/ನ ಡಿಗ್ರಿ, ಕೆಲಸ ಅಥವಾ ವಾಸವಾಗಿರೋ ದೇಶವನ್ನ ಮದುವೆ ಆಗೋದು

ಉದಾಹರಣೆಗೆ ನಮ್ಮಲ್ಲಿ ಇಂಜಿನಿಯರ್ನ ಅಥವಾ ಡಾಕ್ಟರ್ನ ಮದುವೆ ಆಗಬೇಕು ಅನ್ನೋದಿದೆ. ಹಾಗೇ ಸರ್ಕಾರಿ ಕೆಲಸದಲ್ಲಿ ಇರೋರ್ನ ಮದುವೆ ಆದರೆ ಒಳ್ಳೇದು ಅಂತಾನೂ ಇದೆ. ಇನ್ನು ಫಾರಿನ್ ಹುಡುಗ/ಹುಡುಗಿ ಸಿಕ್ಕರೆ ಸಾಕು ಅನ್ನೋರು ತುಂಬ ಜನ ಇದಾರೆ. ಈ ತರಹ ಮದುವೆ ಮಾಡ್ಕೊಳೋದು ಒಳ್ಳೇದಲ್ಲ. ನಿಜಕ್ಕೂ ಈ‌ ಡಿಗ್ರಿ ಅಥವಾ ಕೆಲಸದಿಂದ ದುಡ್ಡೊಂದು ಸಿಗಬಹುದೇ ಹೊರತು ಒಳ್ಳೇ ಹೆಂಡತಿ/ಗಂಡ ಸಿಗೋದು ಗ್ಯಾರಂಟಿ ಏನಲ್ಲ. ಡಿಗ್ರಿ ಅಥವಾ ಕೆಲಸದ ಬಗ್ಗೆ ತುಂಬ ಗಮನ ಕೊಡೋರ್ನ ಮದುವೆ ಆಗಕ್ಕೂ ಹೋಗಬೇಡಿ. ಅವರಿಗೆ ನೀವು ಬೇಕಾಗಿಲ್ಲ.

ಮೂಲ

4) ನನಗೆ ಹೊಂದ್ತಾಳಾ/ನಾ ಅನ್ನೋದಕ್ಕಿಂತ ಅವಳ/ನ ಸಾಧನೆಗಳ ಕಡೆ ಜಾಸ್ತಿ ಗಮನ ಕೊಡೋದು

ಜೀವನದಲ್ಲಿ ಎತ್ತರಕ್ಕೆ ಏರಿರೋರೆಲ್ಲ ನಿಮಗೆ ಹೊಂದ್ತಾರೆ ಅಂತಿಲ್ಲ. ನಿಮಗೂ ಅವರಿಗೂ ಒಳ್ಳೇ ಸಂಬಂಧ ಬೆಳೆಯುತ್ತೆ ಅಂತೇನಿಲ್ಲ. ಯಾರಿಗಾದರೂ ಪ್ರತಿ ವರ್ಷ ಪ್ರಮೋಶನ್ ಸಿಗ್ತಿದೆ ಅನ್ಕೊಳಿ. ಅದು ಕೇಳಕ್ಕೆ ಚೆನ್ನಾಗಿದೆ ನಿಜ, ಆದರೆ ಆ ಪಾಲ್ಟಿ ರಾತ್ರಿ ಮನೇಗೇ ಬರದೆ ಇರಬಹುದು - ಕೆಲಸ ಕೆಲಸ ಅಂತ! ತುಂಬ ಫಾರಿನ್ ಟ್ರಿಪ್ ಹೊಡೀತಿದ್ರೂ ಅಷ್ಟೇನೇ - ಮನೆಯಲ್ಲೇ ಇಲ್ಲದಿರೋ ಹೆಂಡತಿ ಅಥವಾ ಗಂಡನ್ನ ಕಟ್ಕೊಂಡ್ ಏನ್ ಪ್ರಯೋಜನ?

ಮೂಲ

5) ನಿಮ್ ತರಹದೋರ್ನೇ ಹುಡುಕೋದು

ಒಂದೊಂದ್ಸಲ ಇದು ಎಲ್ಲರಿಗೂ ಅನ್ನಿಸುತ್ತೆ.… ನಂಗೆ ನನ್ ತರಹದೋಳೇ/ನೇ ಬೇಕು ಅಂತ. ಆದರೆ ಇದೂ ಸರಿಯಾದ ಚಿಂತನೆ ಅಲ್ಲ. ಗಂಡ ಹೆಂಡ್ತಿ ಇಬ್ಬರೂ ಎಲ್ಲಾದರಲ್ಲೂ ಒಂದೇ ತರಹ ಯೋಚನೆ ಮಾಡ್ತಿದ್ರೆ ಜೀವನ ಬೇಜಾರಾಗೋಗುತ್ತೆ. ಅದರ ಬದಲಾಗಿ ಒಬ್ಬರ ಕೊರತೆಗಳ್ನ ಇನ್ನೊಬ್ಬರು ಪೂರೈಸೋಹಂಗಿದ್ದರೆ ಒಳ್ಳೇದು. ಅಲ್ವಾ?

ಮೂಲ

6) ವ್ಯತ್ಯಾಸಗಳ ಕಡೆ ಗಮನ ಕೊಡದೆ ಇರೋದು

ನಿಮ್ ತರಹದೋರ್ನೇ ಹುಡುಕೋದು ಎಷ್ಟು ತಪ್ಪೋ ಇದೂ ಅಷ್ಟೇ‌ ತಪ್ಪು. ವ್ಯತ್ಯಾಸಗಳೂ ತೀರಾ ಜಾಸ್ತಿ ಇರಬಾರದು. ಎತ್ತು ಏರಿಗೆ ಎಳೆದರೆ ಕೋಣ ನೀರಿಗೆ ಎಳೆದಂಗೆ ಪ್ರತಿ ದಿನದ ಜೀವನ ಆಗೋದ್ರೆ ಹೆಂಗೆ? ಯೋಚನೆ ಮಾಡಿ.

ಮೂಲ

7) ಎದ್ದು ಕಾಣ್ತಿರೋ ತೊಂದರೆಗಳ್ನ ನೋಡದಂಗೆ ಇದ್ದುಬಿಡೋದು

ಕೆಲವೊಮ್ಮೆ ಆ ವ್ಯಕ್ತಿಯ ಆರೋಗ್ಯ ಚೆನ್ನಾಗಿಲ್ಲದೆ ಇರಬಹುದು. ಈಗಲಂತೂ ಲೈಂಗಿಕ ಆರೋಗ್ಯದ ವಿಷಯದಲ್ಲಿ ಇಂಥ ಸಾಕಷ್ಟು ಕೇಸುಗಳು ಆಗೋಗಿವೆ. ಅಥವಾ ಏನಾದರೂ ಮಾನಸಿಕ ಆರೋಗ್ಯದ ತೊಂದರೆ ಇರಬಹುದು. ಅಥವಾ ಅವಳ/ನ ಲವರ್ ಯಾರಾದರೂ‌ ಇರಬಹುದು, ಅಥವಾ ಬಲವಂತದಿಂದ ಮದುವೆ ಆಗ್ತಿರಬಹುದು…. ಇಂಥ ತೊಂದರೆಗಳು ಎದ್ದು ಕಾಣ್ತಿದ್ದಾಗಲೂ ಕೆಲವರು ಕಾಣ್ತಾನೇ ಇಲ್ಲ ಅನ್ನೋಹಂಗೆ ಇದ್ದುಬಿಡ್ತಾರೆ. ನೋಡಕ್ಕೆ ಚೆನ್ನಾಗಿದಾಳೆ/ನೆ ಅಂತಾನೋ ಅಥವಾ ಮತ್ತೊಂದು ಕಾರಣದಿಂದಾನೋ ಹೋಗಿ ಮದುವೆ ಆಗಿಬಿಡ್ತಾರೆ. ಆಮೇಲೆ ಒಂದೊಂದಾಗಿ ತೊಂದರೆ ಶುರು. ಯಾಕಪ್ಪ ಬೇಕು?

ಮೂಲ

8) ನೋಡಕ್ಕೆ ಚೆನ್ನಾಗಿರೋದನ್ನೇ ತೀರಾ ದೊಡ್ಡದು ಮಾಡ್ಕೊಳೋದು

ಇದರ ಬಗ್ಗೆ ಅಂತೂ ಹೆಚ್ಚು ಹೇಳಲೇ ಬೇಕಾಗಿಲ್ಲ. ಜನ ಮೊದ್ಲು ಎಡವಿ ಬೀಳೋದು ಇದರಲ್ಲೇ. ನಿಜಕ್ಕೂ ನೋಡಿದರೆ ನೋಡಕ್ಕೆ ಚೆನ್ನಾಗಿದ್ದ ಮಾತ್ರಕ್ಕ ವೈವಾಹಿಕ ಜೀವನ ಚೆನ್ನಾಗಿರುತ್ತೆ ಅನ್ನಕ್ಕಾಗಲ್ಲ. ಹೆಂಡ್ತಿ/ಗಂಡ ಹಿಂಗಿರಬೇಕು ಅಂತ ನಿಮ್ಮ ಅನಿಸಿಕೆ ಏನೇ ಇರಲಿ, ನಿಮಗೆ ಕೆಲಸ ಹೋದಾಗಲೋ ಅಥವಾ ಮನೇಲಿ ಏನಾದರೂ ಅನಾಹುತ ಆದಾಗಲೋ ಆ ಮುದ್ದಾದ ಮುಖದಿಂದ ಉಪಯೋಗ ಎಷ್ಟಿದೆ? ಯೋಚನೆ ಮಾಡಿ. ನೋಡಕ್ಕೆ ಚೆನ್ನಾಗಿದ್ದು ಒಳಗೇನೇ ಏನಾದರೂ ಆರೋಗ್ಯದ ತೊಂದರೆ ಇದ್ದರೆ? ಅಥವಾ ಬಹಳ ಜಗಳದ ಸ್ವಭಾವ ಇದ್ದರೆ? ಯೋಚನೆ ಮಾಡಿ.

ಮೂಲ

9) ಮೇಲ್ಮೇಲಿನ ನಡವಳಿಕೆ ನೋಡಿ ಮದುವೆ ಆಗೋದು

ಕೆಲವರು ಮೇಲೆ ಕಾಣೋಹಂಗೆ ಎಲ್ಲಾ ತುಂಬ ಅಚ್ಚುಕಟ್ಟಾಗಿ ಮಾಡ್ತಾರೆ. ತುಂಬಾ ನಯವಾಗಿ ಮಾತಾಡೋದು, ಹಂಚಿಕೊಂಡು ತಿನ್ನೋದು, ಬೈ-ಗೀದೇ ಇರೋದು, ಹೀಗೆ. ಆದರೆ ಮೇಲೆ ಮಾಡಿದ್ದನ್ನೇ‌ ಒಳಗೂ ಮಾಡ್ತಾರೆ ಅನ್ನೋ ಗ್ಯಾರಂಟಿ ಯಾರು ಕೊಡೋರು? ಎಷ್ಟೋ ಮಂದಿ ಇದರಲ್ಲಿ ಎಡವಿದಾರೆ. ಅಷ್ಟೇ ಅಲ್ಲ, ಸಮಯ ಅಂದಾಗ ಈ ಒಳ್ಳೇ ನಡವಳಿಕೆ ಒಂದರಿಂದಾನೇ ಏನೂ ಆಗೋಗಲ್ಲ. ಆದ್ದರಿಂದ ಯೋಚನೆ ಮಾಡಿ.

ಮೂಲ

ಆಯ್ಕೆ ಮಾಡ್ಕೊಳ್ವಾಗ ಹುಷಾರಾಗಿರ್ರಪ್ಪಾ. ಇದು ದೊಡ್ಡ ತೀರ್ಮಾನ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಯಾವಾಗ್ಲೂ ವಟವಟ ಅಂತಿರೋರ್ಗೆ ದೇವರು ಕೊಟ್ಟಿರೋ 12 ವಿಶೇಷವಾದ ಗುಣಗಳು

ವಾಚಾಳಿ ವಟರಗಪ್ಪೆಗಳು

ವಟವಟ ಅಂತ ಮಾತಾಡೋದು ಕೆಲವರಿಗೆ ಒಂದ್ ಹವ್ಯಾಸ. ಪ್ರಪಂಚದಲ್ಲಿ ಇರೋ ಎಲ್ಲಾ ವಿಷಯದ ಬಗ್ಗೇನೂ ಇವರು ಮಾತಾಡ್ತಾನೇ ಇರ್ತಾರೆ. ವಟರಗಪ್ಪೆ ಅನ್ನಿಸ್ಕೊಳೋ ಇಂತವ್ರು ಬೇರೆಯವರಿಗೆ  ಮಾತಾಡಕ್ಕೆ ಅವಕಾಶಾನೇ ಕೊಡಲ್ಲ. ವಟವಟ ಅಂತ ಮಾತಾಡೋವ್ರ ಬಗ್ಗೆ  ಕೆಲವು ವಿಷಯಗಳು ಇಲ್ಲಿವೆ ನೋಡಿ:

1. ಒಂದ್ ನಿಮಿಷದಲ್ಲಿ ಲಕ್ಷಾಂತ್ರ ವಿಷಯ ಮಾತಾಡಿರ್ತಾರೆ

ಅವರು ಮಾತು ಮುಗ್ಯಕ್ಕೆ ಎಷ್ಟ್ ಗಂಟೆ ಟೈಮು ಕೊಟ್ರೂ ಸಾಲಲ್ಲ ಬಿಡಿ

2. ಅವರಿವರ ವಿಷ್ಯ ಮಾತಾಡ್ತಾ ದುಂಬಿ ತರ ಗುಂಯ್ ಅಂತಿರ್ತಾರೆ

ಇಂತವ್ರೊಬ್ರು ಎಲ್ಲಾ ಗುಂಪಲ್ಲೂ ಇರ್ತಾರೆ. ಯಾರೂ ಇವರನ್ನ ವಟರಗಪ್ಪೆ ಅಂದೇ ಇದ್ರೂ, ಸ್ನೇಹಿತ್ರು ಅಂತ ಒಪ್ಕೋತಾರೆ.

3. ಇಂತವರ ಹತ್ರ ಯಾವ್ದೆ ರಹಸ್ಯನೂ ಉಳ್ಯಲ್ಲ

ಇವರು ಎಷ್ಟು ಮುಗ್ಧರಾಗಿರ್ತಾರೆ ಅಂದ್ರೆ, ಯಾವ್ದು ಹೇಳ್ಬೇಕು ಯಾವ್ದು ಹೇಳ್ಬಾರ್ದು ಅಂತ ಗೊತ್ತಾಗೋದೇ ಇಲ್ಲ.

4. ಗ್ರಂಥಾಲಯ ಅನ್ನೋದು ಅವರಿಗೆ ಜೈಲಿದ್ದಂಗೆ; ಅಲ್ಲಿ ಯಾರೂ ಮಾತೇ ಆಡಲ್ವೇ

ಸ್ಕೂಲಲ್ಲಿ ಕಾಲೇಜಲ್ಲಿ ಗ್ರಂಥಾಲಯ ಅಂತ ಇರತ್ತೆ ನೋಡಿ – ಅದೊಂದು ಜಾಗ ಅಂದ್ರೆ ಇವರಿಗೆ ಅಲರ್ಜಿ. ಬಾಯಿಮುಚ್ಕೊಂಡು ಇರಬೇಕಲ್ಲ ಅದಿಕ್ಕೆ.

5. ಇಂತವರಿಗೆ ಎಲ್ಲಾ ಗೆಳೆಯರೂ ಬರೀ ಕೇಳಿಸ್ಕೋತಾ ಇರೋರು ಅಷ್ಟೇ

ಇವರ ಫ್ರೆಂಡ್ಸ್ ತರ ಬಾಯ್ಮುಚ್ಕೊಂಡು ಹೇಳೋದೆಲ್ಲಾ ಕೇಳೋರು ಭೂಮಿ ಮೇಲೆ ಇಲ್ಲ ಅನ್ನಬಹ್ದು. ಯಾಕೆ ಅಂದ್ರೆ ಈ ಪುಣ್ಯಾತ್ಮರು ಚಾನ್ಸೇ ಕೊಡೋದಿಲ್ವೇ

6. ಕ್ಲಾಸಲ್ಲಿ ಪಕ್ಕದವ್ರು ಸಿಕ್ಕಾಕೊಂಡು ಬೈಸ್ಕೋತಾರೆ ಹೊರತು ಈ ವಾಚಾಳಿಗಳು ತಪ್ಪಿಸ್ಕೋತಾರೆ

ಕ್ಲಾಸಲ್ಲೂ ಇವರು ಬಾಯ್ಮುಚ್ಕೊಂಡ್ದು ಕೂರೊಲ್ಲ. ಇವರಿಂದ ಬೇರೆ ಅವರು ಬೈಸ್ಕೊಳ್ಳೋ ಹಾಗಾಗತ್ತೆ.

7. ಎಲ್ಲಾದಿಕ್ಕೂ ಉಪ್ಪೂಖಾರ ಹಚ್ಚಿ ಹೇಳಕ್ಕೆ ಇವರೇ ಸೈ

ಇದ್ದಿದ್ದು ಇಲ್ಲದ್ದು ಎಲ್ಲಾ ಸೇರಿಸಿ ಹೇಳಕ್ಕೆ ಇವರೇ ಸರಿ.

8. ನಿದ್ದೇಲೂ ಮಾತಾಡೋದ್ ನಿಲ್ಸಕ್ ಆಗ್ದೇ ಇರೋರು ಇವರು

ಮಾತು ಅನ್ನೋದ್ ನಿಲ್ಸಕ್ಕೆ ಆಗ್ದೇ ಇರೋದೇ ಇವರ ಸಮಸ್ಯೆ. ನಿದ್ದೆ ಬಂದ್ರೆ ಏನು? ಮಾತಾಡೋದ್ ಬಿಡಕ್ಕಾಗತ್ತಾ?

9. ಬಾಯಿಗೆ ಬೀಗ ಅನ್ನೋದೊಂದು ಇಲ್ಲಾ ಇವರಿಗೆ

ಬಾಯಿಗೆ ಬಂದಿದ್ದೇ ವದರತಾ ಇರೋ ಇಂತವರ ಬಾಯಿಗೆ ಬೀಗ ಹಾಕೋದು ಒಂದೇ, ಬೆಕ್ಕಿಗೆ ಗಂಟೆ ಕಟ್ಟೋದೂ ಒಂದೆ. ಗೊತ್ತಿರೋರು, ಗೊತ್ತಿಲ್ದೇ ಇರೋರು ಎಲ್ಲಾರ್ನೂ ಮಾತಾಡಿಸ್ಕೊಂಡು ಹೋಗ್ತಾರೆ.

10. ಚಿಕ್ಕೋರಿರುವಾಗ ಅಪ್ಪ-ಅಮ್ಮಂದ್ರು ಬಾಯ್ಮುಚ್ಚು ಅಂತ ಹೇಳಿ ಹೇಳಿ ಸುಸ್ತಾಗೋಗ್ತಾರೆ

ಇಂತ ವಾಚಾಳಿಗಳ್ನ ಕಂಟ್ರೋಲ್ ಮಾಡಕ್ಕಾಗ್ದೆ ತಲೆ ಕುಟ್ಕೊಳ್ಳೋ  ಹಾಗಾಗಿರತ್ತೆ ಅಪ್ಪ-ಅಮ್ಮಂದಿರಿಗೆ. ಮನೆಗೆ ಬರೋರ್ ಜೊತೆ ಮಾತಾಡ್ಬೇಡ ಅಂತ ಕೈಮುಗೀತಾರೆ

11. ಇಂತವ್ರು ಬಾಯಿ ಮುಚ್ಕೊಂಡು ಇದ್ರೆ ಏನೋ ತಪ್ಪಾಗಿದೆ ಅನ್ಸತ್ತೆ

ಇಂತವ್ರು ಬಾಯಿ ಮುಚ್ಕೊಂಡು ಸುಮ್ನೆ ಕೂತಿದ್ರು ಅಂದ್ರೆ ಎಲ್ಲಾರೂ ವಿಚಾರಿಸ್ಕೋತಾರೆ. ಯಾಕಪ್ಪಾ? ಏನಮ್ಮಾ? ಅಂತೆಲ್ಲಾ ಪ್ರಶ್ನೆಗಳು ಸುರಿದು ಹೋಗತ್ತೆ. ಬಾಯ್ಮುಚ್ಚು ಅಂತ ಬೈತಿದ್ದವರೆಲ್ಲಾ ಏನಾಯ್ತೋ ಅಂತ ಒದ್ದಾಡ್ತಾರೆ

12. ಇಂತವ್ರು ತಮಾಷಿ ಮಾಡಿದ್ರೂ ಯಾರೂ ಕ್ಯಾರೇ ಅನ್ನಲ್ಲ

ಇಂತವ್ರು ಜೋಕ್ ಮಾಡಿದ್ರೂ ಗೊತ್ತಾಗೊಲ್ಲ. ಗಂಭೀರವಾಗಿ ಮಾತಾಡಿದ್ರಂತೂ ಇದ್ದಿದ್ದೂ ಗೊತ್ತಾಗೊಲ್ಲ. ಒಟ್ನಲ್ಲಿ ಇವರನ್ನ ಯಾರೂ ಸೀರಿಯಸ್ ಆಗಿ ತೊಗೊಳಲ್ಲ.

ಹಾಗಂತ ಮಾತಾಡೊದೇನೂ ತಪ್ಪಲ್ಲ, ಎಶ್ಟೋ ಸಲ ವಟ ವಟ ಅಂತ ಮಾತಾಡೋರು ಒಂಚೂರು ಮಾತಾಡ್ದೆ ಇರೋರ ಮನಸ್ಸಿನಲ್ಲಿ ಏನಿದೆ ಅನ್ನೋದನ್ನ ಇನ್ನೊಬ್ಬರಿಗೆ ತಿಳಿಸಿ ಕೊಟ್ಟಿರ್ತಾರೆ. ಅವರ ಸ್ನೇಹಿತರಾಗಕ್ಕೆ ಪುಣ್ಯ ಮಾಡಿರ್ಬೇಕು ಅಂತ ಆ ಸಂದರ್ಭದಲ್ಲಿ ಅನ್ಸತ್ತೆ. ಇನ್ನೂ ಯಾವುದಾದ್ರೂ ಸಂದರ್ಭ ಬಿಟ್ಟಿದ್ರೆ ಸೇರ್ಸಿ ನೋಡೋಣ :-)

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: