ಮಕ್ಕಳಿಗೆ ತಂದೆ-ತಾಯಿ ಈ 8 ಸತ್ಯಗಳ್ನ ಹೇಳ್ಕೊಟ್ರೆ ಅವರ ಭವಿಷ್ಯಕ್ಕೆ ಒಂದು ಭದ್ರವಾದ ಬುನಾದಿ ಹಾಕ್ದಂಗೆ

ಆದಷ್ಟು ಬೇಗ ಹೇಳಿಕೊಡಬೇಕು

ಜೀವನ ಅಂದ್ರೆ ಏನು, ಈ ಪ್ರಶ್ನೆಗೆ ಎಲ್ಲೂ ಉತ್ತರ ಸಿಗಲ್ಲ, ಹೀಗೆ ಜೀವನ ಮಾಡ್ಬೇಕು ಹಾಗೆ ಮಾಡ್ಬೇಕು ಅಂತೇನಿಲ್ಲ, ಆದ್ರೆ ಕೆಲವೊಂದು ವಿಷ್ಯ ಗೊತ್ತಿರಲೇಬೇಕು. ತಂದೆ ತಾಯಿ ಬರಿ ಮಕ್ಳನ್ನ ಹೆತ್ಬಿಟ್ರೆ ಆಗಲ್ಲ, ಮಕ್ಳುಮುಂದೆ ನಾವ್ ಹೆಂಗಿರ್ತೀವೋ, ನಾವ್ ಏನ್ ಮಾಡ್ತೀವೋ ಮಕ್ಳು ಹಾಗೆ ಇರ್ತಾರೆ. ಅದಕ್ಕೆ ಮಕ್ಳಿಗೆ ಒಳ್ಳೇದನ್ನ ಹೇಳ್ಕೊಡಲೇಬೇಕು. ಈ 8 ವಿಷ್ಯಾನಂತೂ ಹೇಳ್ಕೊಡಲೇಬೇಕು. ಅದ್ಯಾವ್ದು ಅಂತ ಇಲ್ಲಿ ತಿಳ್ಕೊಳಿ.

1. "ನಾವು ಪ್ರಪಂಚಾನ ಹೇಗ್ ನೋಡ್ತೀವೋ ಅದು ಹಾಗಿರತ್ತೆ"

ನೀವು ಯಾವ್ದಾದ್ರು ವಿಷ್ಯಾನ ಹೇಗ್ ತೊಗೋತೀರಾ ಅನ್ನೋದ್ರುಮೇಲೆ ಜೀವನ ನಿಂತಿದೆ. ಪ್ರತಿಯೊಂದು ಕೆಟ್ಟದ್ರಲ್ಲೂ ಒಂದು ಒಳ್ಳೆದಿರತ್ತೆ, ಪ್ರತಿಯೊಂದು ಒಳ್ಳೆದ್ರಲ್ಲೂ ಕೆಟ್ಟದಿರತ್ತೆ. ಒಳ್ಳೇದನ್ನ ಮಾತ್ರ ತೊಗೋಬೇಕು. ಮಾರ್ಕೆಟ್ಟಲ್ಲಿ ಕೊಳೆತುಹೋಗಿರೋ ತರಕಾರಿ ತೊಗೊಂಡ್ ಬರ್ತೀವಾ, ಹಾಗೆ ಜೀವನಾನು. ಈ ವಿಷ್ಯಾನ ಮಕ್ಳಿಗೆ ಹೇಳಿಕೊಡಲೇಬೇಕು. ಬರಿ ಒಳ್ಳೇದನ್ನ ಮಕ್ಕಳಿಗೆ ಹೇಳ್ಕೊಡ್ಬೇಕು. ಎಲ್ಲಾದನ್ನು ಪೊಸಿಟಿವ್ವಾಗಿ ತೊಗೊಳೋದನ್ನ ಕಲಿಸಬೇಕು.

ಮೂಲ

2. "ಜೀವನದಲ್ಲಿ ನೋವಿಗೆ ತನ್ನದೇ ಆದ ಒಂದು ಸ್ಥಾನ ಇದೆ"

ಏಟ್ ತಿಂದೆ ಒಂದ್ ಕಲ್ಲು ಮೂರ್ತಿ ಆಗತ್ತಾ?  ಹಾಗೆ ತಾನೇ ಜೀವನ. ಹೌದು ನಮ್ಮ ಮಕಳನ್ನ ಕಾಪಾಡಬೇಕು ನಿಜ, ಆದ್ರೆ ಎಷ್ಟ್ ದಿನ, ಅವ್ರು ಕಲೀಬೇಕಲ್ವಾ. ಏನಾದ್ರು ಕಷ್ಟ ಬಂದಾಗ ಹೇಗ್ ಎದ್ರುಸ್ಬೇಕು ಅನ್ನೋದ್ ಗೊತ್ತಿರ್ಬೇಕಲ್ವಾ. ನೊವ್ವ್ ತಿಂದು ಅದ್ರಿಂದ ಕಲೀಬೇಕಲ್ವಾ. ಕಷ್ಟಾನಾ ದಂಮಿಂದ ಎದ್ರುಸಬೇಕಲ್ವಾ. ಹೇಳ್ಕೊಡಿ ಅದನ್ನ. ಯಾವಾಗ್ಲೂ ಕಾಪಾಡ್ಬೇಡಿ.

ಮೂಲ

3. "ನಿನ್ನ ದಾರಿ ನೀನೇ ಕಂಡುಕೋಬೇಕು"

ಮಕ್ಕಳಿಗೆ ತಮ್ಮದೇ ರೀತೀಲಿ ಯೋಚ್ನೆ ಮಾಡಕ್ಕೆ ಬಿಡಿ. ಅವ್ರು ಏನಾದ್ರು ಪ್ರಶ್ನೆ ಕೇಳುದ್ರೆ ನಿಮ್ಮ ಅನಿಸಿಕೆನಾ, ನಿಮ್ಮ ಅಭಿಪ್ರಾಯಾನ ಹೇಳಿ ಅವರಿಗೆ ಅದನ್ನೇ ಹೇಳ್ಕೊಡ್ಬೇಕು ಅಂತ ಅಲ್ಲ. ಅದ್ರುಬದ್ಲು ಅವ್ರೆನ್ ಯೋಚ್ನೆ ಮಾಡ್ತಾರೆ ಕೇಳಿ. ಅವರು ನಿಮಗಿಂತ ತುಂಬಾನೇ ಬೇರೆ ಥರ ಯೋಚ್ನೆ ಮಾಡಬೋದು. ಸ್ವಂತ ಬುದ್ದಿ ಉಪಯೋಗ್ಸದನ್ನ ಕಲಸಿಕೊಡಿ.

ಮೂಲ

4. "ಈ ಕ್ಷಣದಲ್ಲಿ ಬದುಕು, ಈ ಕ್ಷಣದಲ್ಲಿ ಸಂತೋಷ ಹುಡುಕು"

ಹಿಂದೆ ಖುಷಿಪಟ್ಟಿದ್ವಾ? ಮುಂದೆ ಖುಷಿಪಡ್ತೀವಾ ಇವೆಲ್ಲ ಗೊತ್ತಿಲ್ಲ ಆದ್ರೆ ಇರೋ ನಾಲ್ಕ್ ದಿನದ್ ಜೀವನಾನ ಖುಷ್ ಖುಷಿಯಾಗಿ ಕಳಿಬೇಕು ಅನ್ನೋದನ್ನ ಹೇಳ್ಕೊಡಿ. ಫೋನು, ಟಿವಿ, ಇಂಟರ್ನೆಟ್ಟು ಇವೆಲ್ಲ ಇಲ್ದೇನೂ ಖುಷ್ಯಾಗಿ ಬದ್ಕೊದನ್ನ ಹೇಳ್ಕೊಡಿ. 

ಮೂಲ

5. "ಜೀವನದಲ್ಲಿ ಯಾವುದೂ ಶಾಶ್ವತ ಅಲ್ಲ"

ಯಾವತ್ತೂ ಯಾವ್ದು, ಯಾರು ಶಾಶ್ವತ ಅಲ್ಲ, ಇದನ್ನ ಕಲ್ಸಿ. ಯಾವ್ದೋ ಒಂದ್ಕಕೆ ಹೊಂದ್ಕೊಂಡು ಜೀವನ ಇಡೀ ಹೀಗೆ ಇರ್ತೀನಿ ಅಂದ್ರೆ ಆಗಲ್ಲ. ಜೀವನ ಪೂರ್ತಿ ಏರಿಳಿತ ಇದ್ದೆ ಇರತ್ತೆ ಇವಕ್ಕೆಲ್ಲ ರೆಡಿ ಮಾಡಿ ನಿಮ್ಮ ಮಕ್ಳನ್ನ. ಕಾಲಕ್ಕೆ ತಕ್ಕಂತೆ ಬದ್ಲಾಗೋದನ್ನ ಹೇಳ್ಕೊಡಿ. ಇಲ್ಲ ಅಂದ್ರೆ ಅವ್ರಿಗೆ ಮುಂದೆ ಕಷ್ಟ ಆಗೋದು.

ಮೂಲ

6. "ನಿನ್ನ ಸಂತೋಷ ನಿನ್ನ ಕೈಯಲ್ಲೇ ಇದೆ"

ಶಾಲೆಗೇ ಹೋಗೋತಂಕ ಪರ್ವಾಗಿಲ್ಲ ಎಲ್ರೂ ಮೂಗೂಗೆ ತುಂಬಾನೇ ಪ್ರಾಮಖ್ಯತೆ ಕೊಡ್ತಿರ್ತಾರೆ. ಆದ್ರೆ ಶಾಲೇಲಿ ಮೇಷ್ಟ್ರಿಗೆ ಎಲ್ಲ ಮಕ್ಳು ಒಂದೇ. ಆದ್ರಿಂದ ಶಾಲೇಲಿ ನಿಮ್ಮ್ ಮೂಗೂಗೆ ಎಲ್ರು ಜೊತೆ ಬೇರ್ಯಕ್ಕಾಗದೆ ಮೂಲೆ ಗುಂಪಿಗೆ ಸೇರ್ಬೋದು. ಆದ್ರಿಂದ ಎಲ್ರು ಜೊತೆ ಬೇಗ ಬೆರ್ಯೋದನ್ನ ಹೇಳ್ಕೊಡಿ. ತನ್ನ ಖುಷಿಗೆ ತಾನೇ ಹೊಣೆ ಅಂತ ಅರ್ತ ಮಾಡ್ಸಿ. 

ಮೂಲ

7. "ಭಯ ಅನ್ನೋದು ಬರೀ ಭ್ರಮೆ"

ಭಯ ಒಂದು ಭಾವನೆ ಅಷ್ಟೇ. ಯಾವದಕ್ಕೂ ಹೆದ್ರುಕೋಬಾರ್ದು. ಏನೋ ಅಪಾಯ ಇದೆ ಅಂದ್ರೆ ಭಯ ಪಡ್ತೀವಿ. ಆದ್ರೆ ನಾವ್ ಭಯ ಪಡುವಷ್ಟು ದೊಡ್ಡ ಅಪಾಯ ಅದಾಗಿರಲ್ಲ. ಭಯಾನ ಮಕ್ಕಳ ಮನಸ್ಸಿನ ಬುಡದಿಂದ ಕಿತ್ತಾಕಿ. ಅಪಾಯದ ಬಗ್ಗೆ ಗೊತ್ತಿರ್ಬೇಕು ಆದ್ರೆ ಭಯ ಪಡಬಾರ್ದು. ಭಯ ಪಟ್ಟಷ್ಟು ಅಪಾಯ ಕಟ್ಟಿಟ್ಟ ಬುತ್ತಿ.

ಮೂಲ 

8. "ಮನಸಿದ್ದರೆ ಮಾರ್ಗ"

ಆಕಾಶಾನೇ ಕೊನೆ ಅಂತೀವಿ, ಅದನ್ನೂ ಮೀರಿ ಬೇರೆ ಗ್ರಹಕ್ಕೆ ಹೋಗ್ಲಿಲ್ವಾ? ಮನಸ್ಸು ಮಾಡಿದ್ರೆ ಏನ್ ಬೇಕಾದ್ರೂ ಮಾಡಬೋದು. ಯಾವದನ್ನ ಮಾಡಕ್ಕಾಗಲ್ವೋ ಅದನ್ನ ಮಾಡೋದ್ರಲ್ಲಿ ಇರೋ ಮಜಾನೇ ಬೇರೆ. ೭೦ ವರ್ಷ ಆದ್ಮೇಲೆ ಮುದ್ಕಪ್ಪ ತಾಜ್ ಹೋಟೆಲ್ಲನ್ನ ಕಟ್ಟಿದ್ದು ಗೊತ್ತಾ, ಮಾಡೋ ಹಠ ಇದ್ರೆ ಏನ್ಬೇಕಾದ್ರೂ ಮಾಡಬೋದು. ಮನಸಿಟ್ಟು ಕೆಲಸ ಮಾಡಕ್ಕೆ ಹೇಳ್ಕೊಡಿ. ಏನ್ಬೇಕಾದ್ರೂ ಸಾದಿಸಬೋದು.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: