ಸಮಯ ಅಂದಾಗ ಮನೇಲಿ ಏನಿಲ್ಲದಿದ್ದರೂ ಅರಿಶಿನ ಇರುತ್ತೆ, ಈ 12 ವಿಷಯ ನೆನಪಿಟ್ಟುಕೊಳ್ಳಿ ಬೇಕಾಗುತ್ತೆ

ಈ ಅರಿಶಿನಕ್ಕೆ ವೇದ-ಗೀದದಲ್ಲೂ ಒಳ್ಳೇ ಹೆಸರಿದೆ

ಬಹುಶಃ ಇದರ ಬಣ್ಣ ಹೀಗಿರೋದ್ರಿಂದಾನೋ ಏನೋಪ್ಪಾ ಇದಕ್ಕೆ ಅರಿಶಿನ ಅಂತ್ಲೇ ಹೆಸರು ಬಂದಿರೋದು. ಆದ್ರೆ ಈ ಅರಿಶಿನ ಕೂಡ ಶುಂಠಿ ಜಾತಿಗೆ ಸೇರಿದ್ದು. ನಮ್ಮ ದೇಶದಲ್ಲಂತೂ ಅಡುಗೆ ಅಂದ್ರೆ ಅರಿಶಿನ ಇರ್ಲೇಬೇಕು. ಎಲ್ಲಾ ಸಾಂಬಾರ್ ಪದಾರ್ಥದ ಜೊತೆಗೆ ಈ ಅರಿಶಿಣಕ್ಕೂ ಒಳ್ಳೆ ಸ್ಥಾನಾನೆ ಕೊಟ್ಟಿದಾರೆ. ಸಂಶೋದನೆಗಳು ಹೇಳೋ ಪ್ರಕಾರ ಈ ಅರಿಶಿನದಲ್ಲಿರೋ ಕುರ್ಕುಮಿನ್ ಅನ್ನೋ ಅಂಶ ಔಶಧೀಯ ಗುಣವನ್ನ ಹೊಂದಿದ್ಯಂತೆ. ಅದಿಕ್ಕೆ ಇರ್ಬೇಕು ಆಯುರ್ವೇದದಲ್ಲಿ ಅರಿಶಿಣವನ್ನ ಹೆಚ್ಚಾಗಿ ಬಳಸ್ತಾರೆ.

ಈ ಅರಿಶಿನಕ್ಕೆ ವೇದ ಪುರಾಣದಲ್ಲೂ ತುಂಬಾನೇ ಒಳ್ಳೇ ಹೆಸ್ರಿದೆ. ಹೋಮ, ಯಜ್ಞ, ಯಾಗಗಳಲ್ಲಿ, ಪೂಜೆಗಳಲ್ಲಿ ಬಳಸ್ತಾರೆ. ಹೋಮದಲ್ಲಿ ಇದನ್ನ ಬಳಸೋದ್ರಿಂದ ಅದರ ಹೊಗೆ ತುಂಬಾ ಆರಾಮದಾಯಕವಾದಂತಹ ಅನುಭವ ಕೊಡುತ್ತೆ ಅಂತಾರೆ. ಆರೋಗ್ಯ ವಿಷ್ಯಕ್ಕೆ ಬಂದ್ರೆ ಹೇಗೆಲ್ಲಾ ಅರಿಶಿನದಿಂದ ಉಪ್ಯೋಗ ಪಡೀಬೇಕು ಹೇಳ್ತೀವಿ ಕೇಳಿ.

1. ಆಯುರ್ವೇದ ಪದ್ಧತಿಯಲ್ಲಿ ಈ ಅರಿಶಿನದ ಉಸಿರಾಟ ಸಮಸ್ಯೆಗೆ, ಜಾಂಡೀಸ್ಗೆ, ಹೊಟ್ಟೆಗೆ ಹಿತವಾಗಿರೋ ಹಾಗೆ ಮಾಡೋಕೆ, ಉರಿಯೂತದ ಸಮಸ್ಯೆ ಬಗೆಹರಿಸೋದಕ್ಕೆ ಬಳಸ್ತಾರೆ.

ಮೂಲ

2. ಬಿಸಿಹಾಲಿಗೆ ಅರಿಶಿನ ಹಾಕಿ ಕುಡೀಯೋದ್ರಿಂದ ಗಂಟಲ ಉರಿ ಗಂಟಲ ಕೆರೆತ ಕಡಿಮೆ ಆಗುತ್ತೆ.

ಮೂಲ

3. ಚರ್ಮದ ಯಾವುದೇ ತರದ ಸಮಸ್ಯೆ ಇದ್ರೂ ಅರಿಶಿನ ನಿಜ್ವಾಗ್ಲೂ ಚರ್ಮದ ಸಮಸ್ಯೆ ಒಳ್ಳೇ ಮದ್ದು. ಅಷ್ಟೇ ಯಾಕೆ ಚರ್ಮದ ಕ್ಯಾನ್ಸರ್ ಗುಣಪಡ್ಸೋದಕ್ಕೂ ಇದನ್ನ ಬಳಸ್ತಾರೆ.

ಮೂಲ

4. ಮುಖವನ್ನ ಸುಂದರವಾಗಿ ಇಡೋದಕ್ಕೆ ಅಂತ ಮುಖಕ್ಕೆ ಫೇಸ್ ಪ್ಯಾಕ್ ಹಾಕ್ಕೋಳ್ಳೋರು ಗಮನಿಸ್ಲೇಬೇಕು. ಅರಿಶಿನ , ಮೊಸರು, ಜೇನುತುಪ್ಪ ಎಲ್ಲವನ್ನೂ ಬೆರೆಸಿ ಮುಖಕ್ಕೆ ಹಚ್ಚಿ ಸ್ವಲ್ಪ ಹೊತ್ತಾದ್ಮೇಲೆ ಬೆಚ್ಚಗಿನ ನೀರಲ್ಲಿ ಮುಖ ತೊಳ್ಕೋಬೇಕು. ಹೀಗ್ ಮಾಡೋದ್ರಿಂದ ಮುಖಡಾ ಹೊಳಪು ಹೆಚ್ಚಾಗುತ್ತೆ.

ಮೂಲ

5. ಮೊಡವೆ ಸಮಸ್ಯೆ ಇರೋರು ಅಂಗಡಿಲಿ ಸಿಗೋ ಸೋಪು ಕ್ರೀಮು ಬಳ್ಸೋಕಿಂತ ಮೊದ್ಲು ಹೀಗ್ ಮಾಡಿ. ಅರಿಶಿನದ ಜೊತೆ ಶ್ರೀಗಂಧದ ಎಣ್ಣೆ ಅತ್ವಾ ಶ್ರೀಗಂಧದ ಪುಡಿ ಬೆರೆಸಿ ಮೊಡವೆ ಮೇಲೆ ಹಚ್ಚಿಕೊಂಡು ಸ್ವಲ್ಪ ಹೊತ್ತಾದಮೇಲೆ ಮುಖ ತೊಳೀಬೇಕು.

ಮೂಲ

6. ಮುಖದ ಮೇಲಿರೋ ಕೂದಲು ಕಡಿಮೆ ಮಾಡೋದಕ್ಕೆ ವಯಸ್ಸಾದ ಹಾಗೆ ಚರ್ಮ ಸುಕ್ಕಾಗೋದನ್ನ ತಪ್ಪಿಸೋದಕ್ಕೆ ಬರೀ ಅರಿಶಿನ ಮುಖಕ್ಕೆ ಹಚ್ಚೋದು ಸಂಪ್ರದಾಯವಾಗಿ ಪಾಲಿಸ್ತಾ ಇದಾರೆ.

ಮೂಲ

7. ಗರ್ಭಿಣಿಯರು ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸೋದಕ್ಕೆ ಅರಿಶಿನದ ಜೊತೆ ಮೊಸರು ಸೇರಿಸಿ ಸ್ಟ್ರೆಚ್ ಮಾರ್ಕ್ಸ್ ಮೇಲೆ ಹಚ್ಚಿ 10-15 ನಿಮಿಷ ಆದ್ಮೇಲೆ ಸ್ನಾನ ಮಾಡೋದೊಳ್ಳೆದು.

ಮೂಲ

8. ಅರಿಶಿನದ ಜೊತೆಗೆ ಕಡ್ಲೆಹಿಟ್ಟು ಸೇರಿಸಿ ಮೈಕೈಗೆಲ್ಲಾ ಹಚ್ಚಿ ಸ್ನಾನ ಮಾಡೋದು ಕೂಡ ಚರ್ಮದ ಆರೋಗ್ಯಕ್ಕೆ ಚೆನ್ನಾಗಿರುತ್ತೆ.

ಮೂಲ

9. ಹಲ್ಲು ನೋವು ವಸಡಿನ ಸಮಸ್ಯೆ ಇದ್ರೆ ಅರಿಶಿನದ ಜೊತೆ ಕಲ್ಲುಪ್ಪು ಮತ್ತೆ ಸಾಸಿವೆ ಎಣ್ಣೆ ಕಲಸಿ ನೋವಿರೋ ಜಾಗಕ್ಕೆ ದಿನಕ್ಕೆ ಮೂರು ಸಾಲದ ಹಾಗೆ ಮಾಲೀಶ್ ಮಾಡಿದ್ರೆ ಬೆಚ್ಚನೆ ನೀರಿಂದ ಬಾಯಿ ಮುಕ್ಕಳಿಸಿ ನೋಡಿ ನೋವೆಲ್ಲಾ ಮಾಯಾ ಆಗೋಗುತ್ತೆ. ದಿನಾಲೂ ಇದ್ರಿಂದ್ಲೆ ಹಲ್ಲುಜ್ಜೋದು ಇನ್ನೂ ಒಳ್ಳೇದು.

ಮೂಲ

10. ಸಿಕ್ಕಾಪಟ್ಟೆ ತಲೆ ನೋವು , ನೆಗಡಿ, ಗಂಟಲು ನೋವು, ಗಂಟಲು ಕೆರೆತ ಅಂತ ಹಿಂಸೆ ಪಡೋರು ಅರಿಶಿನದ ಕೊಂಬನ್ನ ದೀಪದಲ್ಲಿ ಸುಟ್ಟು ಅದರ ವಾಸನೆ ತಗೊಳ್ಳೋದ್ರಿಂದ ಬೇಗನೆ ಆರಾಮ ಅನ್ಸುತ್ತೆ.

ಮೂಲ

11. ನಾವ್ ಚಿಕ್ಕಮಕ್ಕಳಾಗಿದ್ದಾಗ ಎದ್ದು ಬಿದ್ದು ಕೈ ಕಾಲು ಗಾಯ್ ಮಾಡ್ಕೊಂಡ್ರೆ ನಂ ಅಜ್ಜಿ ಅರಿಶಿನ ಹಚ್ಚಿ ಸರಿಹೋಗುತ್ತೇಳೋ ಏನಾಗಿಲ್ಲ ಅಂತಿದ್ರು ನೆನಪಿದ್ಯಾ!? ವಿಷ್ಯ ಏನಪ್ಪಾ ಅಂದ್ರೆ ಈ ಅರಿಶಿನಕ್ಕೆ ಹಾಗೆ ಗಾಯ ವಾಸಿ ಮಾಡೋ ಗುಣ ಖಂಡಿತ ಇದೆ.

ಮೂಲ

12. ಸಂಧಿವಾತದಿಂದ ನರಳೋರು ಪ್ರತಿದಿನ ದಿನಕ್ಕೆ ಮೂರು ಸಲದ ಹಾಗೆ ಅರಿಶಿನದ ಪುಡಿ ತೊಗೊಳ್ಳೋದ್ರಿಂದ ಸಮಸ್ಯೆ ದೂರಮಾಡ್ಬೋದು.

ಮೂಲ

ಇದರ ಶಕ್ತಿ ಏನು ಅಂತ ಈಗ ಗೊತ್ತಾಯ್ತು ತಾನೇ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: