ಕನ್ನಡ ಬಿಟ್ಟು ಹಿಂದಿ ಫಿಲಂ ನೋಡಿ ಬಾಲಿವುಡ್ ನಟ-ನಟೀರ್ನ ಹೆಂಗೆ ಬೆಳೆಸ್ತಾ ಇದೀವಿ ನೋಡಿ

ಕೋಟಿಗಟ್ಲೆ ರೂಪಾಯಿ ಕಾರ್ಗೇ ಇವರು ಕೊಡಬೇಕಾದರೆ ಇನ್ನೆಷ್ಟು ಇಟ್ಟಿರಬೇಕು!

ಒಂದು ಕಡೆ ಹಿಂದಿ ರಾಷ್ಟ್ರಭಾಷೆ, ಹಿಂದಿ ಕಲೀದೇ ಹೋದ್ರೆ ನೀವು ಭಾರತೀಯರೇ ಅಲ್ಲ ಅನ್ನೋ ಕೂಗುಗಳು. ಇನ್ನೊಂದ್ ಕಡೆ ಬಾಲಿವುಡ್ಡು ಇಡೀ ಭಾರತದಲ್ಲಿ ಹಿಂದಿ ಫಿಲಂಗಳಿಗೆ ಒಂದು ಮಾರುಕಟ್ಟೆ ರೆಡಿ ಮಾಡ್ಕೊಂಡು ಹಿಂದಿ ಹರಡ್ತಾ ಇದೆ. ನಾವು ಕನ್ನಡಿಗರು ಸ್ವಲ್ಪ ವಿಶ್ವಮಾನವರು. ಬೇರೆ ಭಾಷೆಯೋರ್ನ ಬೆಳೆಸೋದು ಜಾಸ್ತಿ. ಹಿಂದಿ ಫಿಲಮ್ಮು ಅಂದ್ರೆ ಅದೆನೋ ಒಂಥರಾ ಹುಚ್ಚು ನಮ್ಮ ಜನರಿಗೆ. ಈ ಹುಚ್ಚು ಭಾರತೀಯರಿಗೆ ಎಲ್ಲೀವರೆಗೆ ಇರುತ್ತೋ ಅಲ್ಲೀವರೆಗೆ ನಮ್ಮ ದುಡ್ಡಿಂದ ಬಾಲಿವುಡ್ ನಟ-ನಟೀರು ಮಾಡಿ ಮೇಲೆ ಮಾಡಿ ಕಟ್ಟುಸ್ಕೊಂಡು ಐಷಾರಾಮಿ ಜೀವನ ಮಾಡೋದು ನಿಲ್ಲಲ್ಲ, ಕಾರ್ ಮೇಲೆ ಕಾರ್ ತೊಗೊಂಡು ಮೆರೆಯೋದೂ ನಿಲ್ಲಲ್ಲ. ಇಲ್ಲಿ ನೋಡಿ, ಕೆಲವು ಬಾಲಿವುಡ್ ನಟ-ನಟೀರ ಹತ್ತಿರ ಎಂತೆಂಥ ಕಾರುಗಳಿವೆ ಅಂತ….

10. ಶ್ರದ್ಧಾ ಕಪೂರ್ ಒಂದು Mini Cooper ಕೊಂಡ್ಕೋಬೆಕು ಅಂತಿದ್ದೋಳು ಬೇಡ ಅಂತ Mercedes ML ಕೊಂಡ್ಕೊಂಡಿದಾಳೆ. ಬೆಲೆ ಕೇವಲ 60 ಲಕ್ಷ ರೂಪಾಯಿ.

9. ಕಂಗನಾ ರನೌತ್ ತನಗೆ ತಾನೇ ಒಂದು BMW 7 ಗಿಫ್ಟ್ ಮಾಡ್ಕೊಂಡಿದಾಳೆ - ಅವಳ ಬರ್ತಡೇಗೆ ಅಂತ. ಬೆಲೆ 85 ಲಕ್ಷ.

8. ಹ್ರಿತಿಕ್ ರೋಶನ್ ಹತ್ತಿರ ಒಂದು Jaguar XJ ಇದೆ. ಬೆಲೆ ಬರೀ 1.1 ಕೋಟಿ.

7. ಅಜಯ್ ದೇವ್ಗನ್ ಹತ್ರ ಒಂದು Maserati Quattroporte ಇದೆ. ಬೆಲೆ ಬರೀ 1.5 ಕೋಟಿ.

6. ಪ್ರಿಯಾಂಕ ಚೋಪ್ರನ್ ಹತ್ರ ಒಂದು ಕಸ್ಟಮೈಸ್ ಮಾಡಿರೋ Rolls Royce ಇದೆ. ಬೆಲೆ 2 ಕೋಟಿ ಮಾತ್ರ.

5. ರಣಬೀರ್ ಕಪೂರ್ ಹತ್ರ ಒಂದು Audi R8 ಇದೆ. ಬರೀ 2.2 ಕೋಟಿ ರೂ. ಅಷ್ಟೇ ಅಲ್ಲ, ಇನ್ನೂ ಬೇಜಾನ್ ಕಾರು-ಬೈಕುಗಳ ಒಂದು ಕಲೆಕ್ಷನ್ನೇ ಇದೆ ಇವನ ಹತ್ತಿರ.

4. ಸಂಜಯ್ ದತ್ತು ಹೆಂಡ್ತಿ ಮಾನ್ಯತಂಗೆ ಒಂದು Rolls Royce Ghost ಗಿಫ್ಟಾಗಿ ಕೊಟ್ಟಿದಾನೆ. ಬೆಲೆ 3 ಕೋಟಿ ಅಷ್ಟೆ.

3. ಜಾನ್ ಅಬ್ರಹಾಮ್ ಹತ್ರ ಒಂದು ಕರೀ Lamborghini Gallardo ಇದೆ. ಬೆಲೆ ಕೇವಲ 3.4 ಕೋಟಿ.

2. ಅಮಿತಾಭ್ ಬಚ್ಚನ್ ಅಂದ್ರೆ ಇಡೀ ಭಾರತದಲ್ಲಿ ಜನರಿಗೆ ಹುಚ್ಚು ಹತ್ತಿಸಿಬಿಟ್ಟಿದಾರೆ. ಪಾಲ್ಟಿ ಹತ್ರ ಒಂದು Rolls Royce Phantom ಇದೆ. ಅದಕ್ಕೆ ಕೇವಲ ರೂ. 4.5 ಕೋಟಿ.

ಈ ಕಾರ್ನ ವಿಧು ವಿನೋದ್ ಚೋಪ್ರಾ ಗಿಫ್ಟಾಗಿ ಕೊಟ್ನಂತೆ. ಗಿಫ್ಟೇ ಈ ಲೆವಲ್ಲಿಗೆ ಇರಬೇಕಾದ್ರೆ ಇನ್ನು ಸ್ವಂತದ್ದು ಎಷ್ಟು ಇಟ್ಟಿದಾನೋ ಅಮಿತಾಭ್ ಬಚ್ಚನ್ನು!

1. ಅಮೀರ್ ಖಾನ್ ಹತ್ತಿರ ಒಂದು Mercedes Benz S600 ಇದೆ. ಅದಕ್ಕೆ ಬರೀ 10 ಕೋಟಿ ರೂಪಾಯಿ

ಭಾರತದ ಪ್ರಧಾನಿ ಮತ್ತೆ ಮುಕೇಶ್ ಅಂಬಾನಿ ಬಿಟ್ರೆ ಇವ್ನ್ ಹತ್ರಾನೇ ಈ ಕಾರ್ ಇರೋದು. ಈ ಕಾರು ಬುಲೆಟ್ ಪ್ರೂಫು ಬೇರೆ.

ಯೋಚನೆ ಮಾಡಬೇಕಾದ ವಿಷಯ: ಇವರನ್ನ ಇನ್ನೂ ಹೀಗೇ ಬೆಳೆಸ್ತಾನೇ ಇರಬೇಕಾ ನಾವು? ಅಥವಾ ನಮ್ಮ ನಟ-ನಟೀರ್ನ ಬೆಳೆಸಬೇಕಾ?

ಚಿತ್ರಗಳ ಮೂಲ: ಕೊಂಡಿ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: