ಟ್ಯಾಲ್ಕಂ ಪೌಡರ್ನ ಈ 20 ಬೇರೆ ಬೇರೆ ಕೆಲಸಕ್ಕೆ ಬಳಸಬಹುದು ಅಂತ ನೀವು ಊಹಿಸಿರಕ್ಕೂ ಸಾಧ್ಯ ಇಲ್ಲ

ಮನೇಲಿ ಒಂದಲ್ಲ ಎರಡು ಇಟ್ಕೊಂಡಿರಬೇಕು

ಮುಖಕ್ಕೆ ಹಚ್ಕೊಳೋ ಟ್ಯಾಲ್ಕಂ ಪೌಡರ್ ಉಪ್ಯೋಗ ಒಂದಲ್ಲ ಎರಡಲ್ಲ. ಇದುವರ್ಗೂ ನೀವು ಯೋಚ್ನೆ ಕೂಡ ಮಾಡದೆ ಇರೋ ಈ ಪೌಡರ್ ಮಾಡೋ ಚಮತ್ಕಾರದ ಬಗ್ಗೆ ನಾವ್ ಹೇಳ್ತಿವಿ ಕೇಳಿ.

1. ತಲೇಲಿರೋ ಎಣ್ಣೆ ಅಂಶ ಹೋಗಿಸ್ಬೋದು, ಅದೂ ತಲೆ ಸ್ನಾನ ಮಾಡದೆ.

ಈ ಬೇಬಿ ಪೌಡರ್ ಇದ್ಯಲ್ಲಾ ಅದ್ರಲ್ಲೆಂತಾ ಸೂಪರ್ ಸುವಾಸನೆ ಇರುತ್ತಲ್ವಾ. ಸುಮ್ನೆ ಬೇಬಿಗೆ ಮಾತ್ರ ಅಲ್ಲಾ ನಿಮ್ಮ ತಲೆ ಕೂದಲನ್ನ ಸ್ವಲ್ಪ ಒಳ್ಳೆ ಸುವಾಸನೆ ಬಾರೋ ಹಾಗೆ ಮಾಡೋದಕ್ಕೂ ಬಳಸ್ಬೋದು. ತುಂಬಾ ಎಣ್ಣೆ ಚರ್ಮ ಇರೋರು ತಲೆಸ್ನಾನ ಮಾಡೋಕೆ ಸಾಧ್ಯವಾಗದೆ ಇದ್ರೆ ಬಾಚಣಿಗೆಗೆ ಸ್ವಲ್ಪ ಈ ಪೌಡರ್ ಹಾಕಿ ತಲೆ ಬಾಚ್ಕೊಂಡ್ರೆ ಎಣ್ಣೆ ಅಂಶ ಹೊರ್ಟೋಗುತ್ತೆ.

ಮೂಲ

2. ನಿಮಗಷ್ಟೇ ಅಲ್ಲ ನಿಮ್ಮನೆ ನಾಯಿ ಬೆಕ್ಕಿಗೂ ಇದೊಂತರಾ ಡ್ರೈ ಶಾಂಪೂ....

ನಿಮ್ಮನೆ ಮುದ್ದಿನ ಪ್ರಾಣಿ ನಾಯಿ / ಬೆಕ್ಕು ಯಾವ್ದೇ ಇದ್ರೂ ಸ್ವಲ್ಪ ಪೌಡರ್ ಹಾಕಿ ಎರಡೂ ಕೈನಲ್ಲೂ ಮೈತುಂಬಾ ಸವರಿ ಆಮೇಲೆ ಕೂದಲನ್ನ ಬಾಚಿ. ಎಣ್ಣೆ ಅಂಶ ಹೊರ್ಟೋಗಿ ಒಳ್ಳೆ ಸುಗಂಧದ ಜೊತೆ ನಿಮಗೆ ಇನ್ನೂ ಮುದ್ದು ಜಾಸ್ತಿ ಬಾರೋ ಹಾಗೆ ಕಾಣ್ಸುತ್ವೆ.

3. ಕೈ ಕಾಲಿಗೆ ಅಂಟಿರೋ ಮರಳನ್ನ ಉದುರಿಸ್ಬೋದು.

ಯಾವೊತ್ತಾದ್ರೂ ನದಿಯಲ್ಲೋ, ಬೀಚ್ನಲ್ಲೋ ಆಡಿ ಮೈ ಕೈಗೆಲ್ಲಾ ಮರಳು ಅಂಟಿದ್ರೆ ಅದನ್ನ ಉದುರಿಸೋಕೆ ಪಡೋ ಶ್ರಮ ನೆನೆಪು ಮಾಡ್ಕೊಳ್ಳಿ. ಒಂದಷ್ಟು ಪೌಡರ್ ಹಾಕಿ ಆಮೇಲೆ ಒಂದ್ ಬಟ್ಟೆನೋ ಇಲ್ಲಾ ಬ್ರಶ್ ತಗೊಂಡು ಒದರಿದ್ರೆ ಮರಳೆಲ್ಲಾ ಸಲೀಸಾಗಿ ಉದುರೋಗುತ್ತೆ.

ಮೂಲ

4. ಬಟ್ಟೆ ಮೇಲಾಗಿರೋ ಗ್ರೀಸ್ ಕಲೆನೂ ಹೋಗಿಸ್ಬೋದು.

ಬಟ್ಟೆಯ ಮೇಲೆ ಆಕಸ್ಮಾತ್ತಾಗೇನಾದ್ರೂ ಗ್ರೀಸ್ ಕಲೆ ಆಗಿದ್ರೆ ಯೋಚ್ನೆ ಮಾಡೋ ಅಗತ್ಯನೇ ಇಲ್ಲಾ. ಪೌಡರ್ ಹಾಕಿ ಚೆನ್ನಾಗಿ ಉಜ್ಜಿ ಆಮೇಲೆ ಬಟ್ಟೆ ಒಗೆದ್ಬಿಡಿ. ಕಲೆ ನಿಜ್ವಾಗ್ಲೂ ಇತ್ತಾ ಅಂತ ಆಶ್ಚರ್ಯ ಪಡ್ತೀರಿ.

ಮೂಲ

5. ಅಂಟಾಕ್ಕೊಂಡು ಕಾಟ ಕೊಡೋ ಕಾರ್ಡುಗಳನ್ನ ಸಲೀಸಾಗಿ ಬಿಡಿಸ್ಬೋದು.

ಒಂದೊಂದ್ಸಲ ಕಾರ್ಡುಗಳು ಒಂದಕ್ಕೊಂದು ಅಂಟಾಕ್ಕೊಂಡು ಸುಮ್ನೆ ಹಿಂಸೆ ಮಾಡುತ್ವೆ. ಅದನ್ನ ಬಿಡ್ಸೋಕೆ ಪೌಡರ್ ಬಳ್ಸಿ ನೋಡಿ. ತೆಗೆದಿಡೋವಾಗ್ಲೂ ಸ್ವಲ್ಪ ಪೌಡ್ರಾಕಿಡಿ ಸಿಂಪಲ್ಲಾಗಿ ಕೆಲ್ಸ ಆಗೋಗುತ್ತೆ.

ಮೂಲ

6. ಸಿಕ್ಕಾಗಿರೋ ಸರ / ಚೈನ್ / ನೆಕ್ಲೇಸನ್ನ ಸುಲಭವಾಗಿ ಬಿಡಿಸ್ಬೋದು.

ಕತ್ತಿಗೆ ಹಾಕ್ಕೋಳ್ಳೋ ಚೈನುಗಳು ಆವಾಗಾವಾಗ ಸಿಕ್ಕು ಸಿಕ್ಕಾಗೋಗಿ ಭಲೇ ಕಾಟ ಕೊಡುತ್ತೆ. ಅದನ್ನ ಬಿಡ್ಸೋಕೆ ಪೌಡರ್ ಹಾಕಿ, ಬೇಗ ಸಿಕ್ಕಲು ಬಿಟ್ಕೊಳುತ್ತೆ. ಯಾಕೆ ಗೊತ್ತಾ?‌ಯಾಕಂದ್ರೆ ಪೌಡರ್ ಹಾಕೋದ್ರಿಂದ ಸರದ ಕೊಂಡಿಗಳು ಒಂದಕ್ಕೊಂದು ಕಚ್ಚಿಕೊಳಲ್ಲ, ಜಾರುತ್ತೆ. ಆಗ ಸುಲಭವಾಗಿ ಬಿಟ್ಕೊಳುತ್ತೆ.

ಮೂಲ

7. ಉರಿಯೂತ ಹಿಂಸೆ ಹೋಗಿಸುತ್ತೆ.

ಓಡೋ ಅಭ್ಯಾಸ ಇರೋರು ಕಾಲುಗಳ ಸಂಧಿಯಲ್ಲಿ ಆಗಾಗ ಉರಿಯೂತ ಹಿಂಸೆ ಅನುಭವಿಸ್ತಾ ಇದ್ರೆ ಓಡೋ ಮೊದ್ಲೇ ಚರ್ಮಕ್ಕೆ ಪೌಡರ್ ಹಾಕೋದ್ರಿಂದ ಹೀಗಾಗೋದನ್ನ ತಪ್ಪಿಸ್ಬೋದು. ಒಮ್ಮೊಮ್ಮೆ ಹೀಗಾಗೋದ್ಮೆಲೂ ಪೌಡರ್ ಹಾಕಿ ಹಿಂಸೆಯಿಂದ ಪಾರಾಗ್ಬೋದು.

ಮೂಲ

8.  ವ್ಯಾಕ್ಸಿಂಗ್ ನೋವು ಕಡಿಮೆ ಮಾಡ್ಬೋದು.

ನಮ್ಮ ಚರ್ಮನುಣುಪಾಗಿ ಕಾಣಿಸ್ಬೇಕು ಅಂದ್ಕೊಂಡು ವ್ಯಾಕ್ಸಿಂಗ್ ಮಾಡ್ಕೊಳ್ತೀವಿ ಆದ್ರೆ ಹಾಗೆ ಮಾಡ್ಕೊಂಡ್ಮೇಲೆ ಚರ್ಮ ತುಂಬಾನೇ ಕಿರಿ ಕಿರಿ ಅನುಭವಿಸುತ್ತೆ. ಹೀಗಾದಾಗ ಸ್ವಲ್ಪ ಪೌಡರ್ ಹಚ್ಚಿಕೊಳ್ಳೋದ್ರಿಂದ ಆ ಹಿಂಸೆ ಕಡ್ಮೆ ಮಾಡ್ಬೋದು.

ಮೂಲ

9. ಶೂನಲ್ಲಿರೋ ಕೆಟ್ಟ ವಾಸ್ನೆ ಹೋಗ್ಸುತ್ತೆ.

ತುಂಬಾ ಬೆವರೋರಿಗೆ ಪಾಪ ಶೂ ಉಪ್ಯೋಗ್ಸೋದೆ ದೊಡ್ಡ ಸಮಸ್ಯೆ. ಹಾಗೆ ಬೇಜಾರ್ ಮಾಡ್ಕೋಳ್ದೇ ಶೂ ಬಳ್ಸೋಕೆ ಶುರು ಮಾಡಿ ಯಾಕಂದ್ರೆ ಪೌಡರ್ ಹಾಕಿ ಕೆಟ್ಟ ವಾಸ್ನೆ ಹೋಗಿಸ್ಬೋದು.

ಮೂಲ

10. ಹೂವಿನ ಗೆಡ್ಡೆಗಳನ್ನ ಭೂಮಿಗೆ ಹಾಕೊ ಮೊದ್ಲು ಪೌಡರ್ನಲ್ಲಿ ಮುಳುಗಿಸೋದ್ರಿಂದ ಗಿಡ ಚೆನ್ನಾಗಿ ಬೆಳೆಯುತ್ತೆ.

ಹೌದ್ರೀ ಹೀಗೆ ಮಾಡೋದ್ರಿಂದ ಗೆಡ್ಡೆಗಳು ಬೂಸ್ಟ್ ಹಿಡಿಯೋದಿಲ್ಲ. ಪೌಡರ್ ವಾಸ್ನೆಗೆ ಯಾವ ತರ ಕ್ರಿಮಿ ಕೀಟ ಇರುವೆ ಗೆದ್ದಲು ಯಾವ್ದೂ ಸುಳಿಯೋದಿಲ್ಲ. ಅಂದ್ಮೇಲೆ ಹೂವಿನ ಗಿಡ ಸೂಪರ್ ಸೇಫು.

ಮೂಲ

11. ಒದ್ದೆ ಬಟ್ಟೆಗಳನ್ನ ಕಬೋರ್ಡಲ್ಲಿಡೋವಾಗ ಪೌಡರ್ ಹಾಕಿಟ್ರೆ ಬೂಷ್ಟು ಬರಲ್ಲ

ಬಟ್ಟೆ ಅಲ್ಪ ಸ್ವಲ್ಪ ಒದ್ದೆ ಇದ್ದಾಗ ಕಬೋರ್ಡಲ್ಲಿಟ್ರೆ ಬೆಟ್ಟೆಗಳೆಲ್ಲಾ ಬೂಷ್ಟ್ ಹಿಡಿಯುತ್ತೆ. ಹಾಗಾಗ್ಬಾರ್ದು ಅಂದ್ರೆ ಪೌಡರ್ ಹಾಕಿಡಿ.

ಮೂಲ

12.  ಕೈ ಚೀಲ ಹಾಕ್ಕೋಳ್ಳೋ ಮೊದ್ಲು ಪೌಡರ್ ಹಾಕಿಡಿ.

ಬೆವರಿಂದ ವಾಸ್ನೆ ಬರೋದನ್ನ ತಡ್ಯೋದಕ್ಕೆ ಇದಕ್ಕಿಂತ ಒಳ್ಳೆ ಉಪಾಯ ಯಾವ್ದೂ ಇಲ್ಲ.

ಮೂಲ

13. ಬೆಡ್ ಶೀಟಿಗೂ ಪೌಡರ್ ಹಾಕೋದು ನಿಜವಾಗ್ಲೂ ಒಳ್ಳೆ ಅಭ್ಯಾಸ.

ಬೇಸಿಗೆ ಕಾಲದಲ್ಲಿ ಬೆಡ್ ಶೀಟನ್ನ ತಂಪಾಗಿ ಇಡೋದರ ಜೊತೆಗೆ ಒಳ್ಳೆ ಸುಗಂಧ ಕೂಡ ಬೀರುತ್ತೆ. ಇದು ಒಳ್ಳೆ ಅಭ್ಯಾಸ ತಾನೇ.

ಮೂಲ

14. ಇರುವೆಗಳನ್ನ ದೂರ ಇಡೋದಿಕ್ಕೂ ಪೌಡರ್ ಸಾಕು.

ಮನೆಯೊಳಗೆ ಎಲ್ಲಾದ್ರೂ ಇರುವೆ ಗೂಡಿದ್ರೆ ಅಲ್ಲಲ್ಲಿ ಪೌಡರ್ ಹಾಕಿಡಿ. ಇರುವೆಗಳು ದೂರ ಓಡೋಗುತ್ವೆ.

ಮೂಲ

15. ಅತ್ತು ಊದಿರೋ ಕಣ್ಣನ್ನ ಸರಿ ಮಾಡುತ್ತೆ.

ಹೂರಿ ಹೌದು . ಯಾವೊತ್ತಾದ್ರೂ ನೀವೂ ಅತ್ತು ಕಣ್ಣು ಊದ್ಕೊಂಡ್ರೆ ಯಾರಿಗೂ ಗೊತ್ತಾಗಿಸ್ಬಾರ್ದು ಅನ್ಸಿದ್ರೆ ಪೌಡರ್ ಹಾಕಿ ಸರಿ ಮಾಡ್ಕೋಳ್ಳಿ.

ಮೂಲ

16. ಬೇಬಿ ಪೌಡರ್ ಬಳ್ಸಿ ಮುಖದ ಮೇಲಿನ ಗಾಯ ಸರಿ ಮಾಡ್ಕೊಳ್ಳಿ.

ಮುಖದ ಮೇಲೆ ಏನಾದ್ರೂ ಗಾಯ ಆಗಿದ್ರೆ ಮಾಮೂಲಿ ಪೌಡರ್ ಬದ್ಲು ಬೇಬಿ ಪೌಡರ್ ಬಳ್ಸಿ. ಗಾಯ ಉರ್ಯೋದಿಲ್ಲ ಆದ್ರೆ ಕ್ರಮೇಣ ಸರಿಹೋಗುತ್ತೆ.

ಮೂಲ

17. ಮರದ ನೆಲ ಮಾಡೋ ಶಬ್ಧ ಪೌಡರ್ ಹಾಕಿದ್ರೆ ಸರಿಯಾಗುತ್ತೆ.

ಇತ್ತೀಚೆಗೆ ಮರದ ನೆಲಹಾಸು ಹೊಸ ಟ್ರೆಂಡು. ಆದ್ರೆ ಒಂದೊಂದ್ಸಲ ಅದ್ರಿಂದಾಗೋ ಶಬ್ದ ಕೋಪ ಬರ್ಸುತ್ತೆ. ಅದನ್ನ ಸರಿ ಮಾಡೋದಕ್ಕೆ ಪೌಡರ್ ಹಾಕೋದು ಸೂಪರ್ ಐಡಿಯಾ.

ಮೂಲ

18. ಡಿಯೋಡ್ರೆಂಟ್ ಬಳ್ಸೋ ಅಭ್ಯಾಸ ಇಲ್ಲದಿರೋರ್ಗೆ ಈ ಪೌಡರ್ ಒಳ್ಳೆ ಉಪಾಯ.

ನಿಜವಾಗ್ಲೂ ಪೌಡರ್ ಕೂಡ  ಡಿಯೋಡ್ರೆಂಟ್  ಮಾಡೋ ಕೆಲ್ಸಾನೇ ಮಾಡುತ್ತೆ.

ಮೂಲ

19. ಬಟ್ಟೆ ಜೋಡಿಸಿಡೋ ಕಬೋರ್ಡಲ್ಲೂ ವಾಸ್ನೆ ಇದ್ರೆ ಪೌಡರ್ ಬಳ್ಸಿ.

ಬಟ್ಟೆ ಇಡೋ ಕಬೋರ್ಡಲ್ಲಿ ಯಾವಾದ್ರೂ ವಾಸ್ನೆ ಇದ್ರೆ ಪೌಡರ್ ಹಾಕೋದ್ರಿಂದ ವಾಸ್ನೆ ಹೋಗಿ ಬಟ್ಟೆಗಳೆಲ್ಲಾ ಘಂ ಅನ್ನುತ್ತೆ. ಮಾಡಿ ನೋಡಿ.

ಮೂಲ

20. ಒಣ ಚರ್ಮ ಇರೋರು ಬೇಬಿ ಪೌಡರ್ ಬಳ್ಸೋದು ಒಳ್ಳೇದು.

ಮಾಮೂಲಿ ಪೌಡರ್ ಬದ್ಲು ಬೇಬಿ ಪೌಡರ್ ಬಳ್ಸೋದು ಒಣ ಚರ್ಮ ಇರೋರಿಗೆ ತುಂಬಾ ಸಹಾಯ ಆಗುತ್ತೆ.

ಮೂಲ

 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಉಪವಾಸ ಮಾಡೊದ್ರಿಂದ ಇಷ್ಟೆಲ್ಲಾ ಲಾಭ ಇದೆ ಅಂತ ಗೊತ್ತಾದ್ರೆ ಇನ್ಮೇಲೆ ನೀವೂ ಮಾಡ್ತೀರಿ

ಉಪವಾಸ ಬೇರೆ ಊಟ ಬಿಡೋದ್ ಬೇರೆ

ನಮ್ಮಲ್ಲಿ ಉಪವಾಸ ಮತ್ತೆ ಊಟ ಸ್ಕಿಪ್ ಮಾಡದು ಎರಡೂ ಒಂದೇ ಅನ್ನೊ ಭಾವನೆ ಇದೆ. ಆದರೆ ಅದು ತಪ್ಪು. ಹಾಗೆನೆ ಫಲಾಹಾರ ತಿನ್ಕೊಂಡು ಅದನ್ನ ಉಪವಾಸ ಅನ್ನೋರೂ ಇದಾರೆ. ಅದೂ ತಪ್ಪು ಕಲ್ಪನೆ. ಉಪವಾಸ ಅಂದ್ರೆ ತಿನ್ನಕ್ಕೆ ಸಮಯಯಿಲ್ದೆ ಊಟ ತಿಂಡಿ ಬಿಡೋದೂ ಅಲ್ಲ, ಹಾಲು ಹಣ್ಣು ಇಟ್ಕೊಂಡು ಅರ್ಧ ಹೊಟ್ಟೆ ತಿನ್ನೋದೂ ಅಲ್ಲ. ಬದಲಾಗಿ, ನಮ್ಮ ದೇಹದ ಅಂಗಾಂಗಗಳ್ಗೆ ಆಗಾಗ ರೆಸ್ಟ್ ಕೊಡ್ತ, ಅವುಗಳೂ ಚೂರು ಚೇತರುಸ್ಕೊಂಡು ಇನ್ನೂ ಚೆನ್ನಾಗ್ ಕೆಲ್ಸ ಮಾಡೋಹಾಗೆ, ಅವುಗಳಲ್ಲಿರೋ ವಿಷಕಾರಿ ಅಂಶ ಹೊರಗೋಗೋ ಹಾಗೆ ನೋಡ್ಕೊಳೋದು. ಇನ್ನು ಈ ಉಪವಾಸದಿಂದ ಏನೇನೆಲ್ಲ ಲಾಭ ಇದೆ ಅಂತ ಗೊತ್ತಾದ್ರೆ, ಖಂಡಿತ ತಿಂಗಳಿಗ್ ಒಂದೋ ಎರಡೋ ದಿನ ಉಪವಾಸ ಮಾಡೋ ಮನಸ್ಸು ಮಾಡ್ತಿರ.

ಉಪವಾಸ ಮಾಡೋದ್ರಿಂದ ಏನೇನಾಗತ್ತೆ ನಿಮ್ಗೋಸ್ಕರ ಕೊಟ್ಟೀದಿವಿ ಓದ್ನೋಡಿ...

1.  ಎಲ್ಲಕ್ಕಿಂತ ಮೊದ್ಲು ದೇಹದ ತೂಕ ಕಮ್ಮಿಯಾಗತ್ತೆ

ತೂಕ ಕಮ್ಮಿ ಮಾಡ್ಕೊಳಕ್ಕೆ, ಉಪವಾಸ ಮಾಡೋದು ತುಂಬ ಸುರಕ್ಷಿತವಾದ ವಿಧಾನ. ಎಷ್ಟೊಂದು ರಿಸರ್ಚ್ ಪ್ರಕಾರ, ನಿಮಗೆ ಸಾಧ್ಯವಾದಷ್ಟು ಕಾಲ ಆಗಾಗ ಉಪವಾಸ ಮಾಡಿದ್ರೆ, ದೇಹದಲ್ಲಿರೊ ಕೊಬ್ಬಿನ ಕೋಶಗಳು ಬರ್ನ್ ಆಗಿ, ಮಾಮೂಲಿ ಪಥ್ಯ ಮಾಡಕ್ಕಿಂತಾನೂ ಒಂದ್ ಕೈ ಹೆಚ್ಚಾಗೇ ತೂಕ ಕಮ್ಮಿಯಾಗತ್ತೆ.

ಹೇಗೆ ಅಂದ್ರೆ... ದೇಹದ ಕೊಬ್ಬು ನಮ್ಗೆ ದಿನನಿತ್ಯ ಕೆಲ್ಸ ಮಾಡಕ್ಕೆ ಬೇಕಾಗಿರೋಷ್ಟು ಶಕ್ತಿ ಕೊಡತ್ತೆ. ಜೊತೆಗೆ ದೇಹದಲ್ಲಿರೊ ಸಕ್ಕರೆ ಅಂಶಾನ ಇದಕ್ಕೋಸ್ಕರ ಬಳ್ಸಲ್ಲ. ಈ ವಿಷ್ಯ ಗೊತ್ತಾದ್ದಾಗಿಂದ ಎಷ್ಟೊಂದ್ ಜನ ಕ್ರೀಡಾಪಟುಗಳು ಕಾಂಪಿಟಿಷನ್ಗೋಸ್ಕರ ಆಗಾಗ ಉಪವಾಸ ಮಾಡಿ ತಮ್ಮ ದೇಹದ ತೂಕನ ಒಂದು ಲೆವೆಲ್ಗೆ ಕಮ್ಮಿ ಮಾಡ್ಕೊಳ್ಳೊ ಅಭ್ಯಾಸ ಇಟ್ಕೊಂಡಿದಾರಂತೆ. 

ಮೂಲ

2. ಇನ್ಸುಲಿನ್ ಪರಿಣಮಕಾರಿಯಾಗಿ ಕೆಲ್ಸ ಮಾಡತ್ತೆ

ಇನ್ಸುಲಿನ್ ನಮ್ ದೇಹಕ್ಕೆ ಎಷ್ಟ್ ಮುಖ್ಯ ಅಂತ ಗೊತ್ತೇ ಇದೆ. ಒಂದ್ಸಲ ಜಾಸ್ತಿ ಪ್ರಮಾಣ್ದಲ್ಲಿ ಬೇಕಾಗಿದ್ರೆ, ಇನ್ನೊಂದ್ಸಲ ಕಮ್ಮಿ ಬೇಕಾಗತ್ತೆ. ಇದನ್ನ ಸರಿಯಾಗಿ ನಿಭಾಯ್ಸೋದಕ್ಕೆ, ಇನ್ಸುಲಿನ್ ಅಗತ್ಯಕ್ಕೆ ತಕ್ಕಹಾಗೆ ಕೆಲ್ಸ ಮಾಡಕ್ಕೆ, ಉಪವಾಸ ಸಹಾಯ ಮಾಡತ್ತೆ.

ಇನ್ನೂ ಹೇಳ್ಬೇಕು ಅಂದ್ರೆ...ಸಕ್ಕರೆ ಮಟ್ಟವನ್ನ ಕಂಟ್ರೋಲ್ ಆಗತ್ತೆ. ಆಗಾಗ ಉಪ್ವಾಸ ಮಾಡೋದ್ರಿಂದ, ರಕ್ತಕ್ಕೆ ಗ್ಲೂಕೋಸ್ ಸರ್ಯಾದ ಪ್ರಮಾಣದಲ್ಲಿ ಪೂರೈಕೆ ಆಗತ್ತೆ.

ಮೂಲ

3. ಜೀರ್ಣಶಕ್ತಿ ಜಾಸ್ತಿ ಆಗತ್ತೆ

ಉಪವಾಸ ಮಾಡಿದಾಗ ಜೀರ್ಣಾಂಗಕ್ಕೆ ಒಳ್ಳೆ ರೆಸ್ಟ್ ಸಿಗತ್ತೆ. ಜೀರ್ಣಶಕ್ತಿ ಚೆನ್ನಾಗಿಲ್ಲ ಅಂದ್ರೆ, ಪಚನಕ್ರಿಯೆ ಸರಿಯಾಗ್ ಆಗಲ್ಲ. ಇದ್ರಿಂದ ಕೊಬ್ಬಿನಂಶ ಬರ್ನ್ ಆಗಲ್ಲ. ಕರುಳು ಸರ್ಯಾಗಿ ಕ್ಲೀನ್ ಆಗತ್ತೆ.

ಮೂಲ

4. ಆಯಸ್ಸು ಹೆಚ್ಚತ್ತೆ

ನಂಬ್ತಿರೋ ಇಲ್ವೋ ನಿಮಗ್ಬಿಟ್ಟಿದ್ದು ಆದ್ರೆ, ಕಮ್ಮಿ ತಿಂದಷ್ಟೂ ಜಾಸ್ತಿ ವರ್ಷ ಬದಕ್ತಿರ. ಕೆಲವು ಜನಾಂಗದ್ ಜನ ಈ ವಿಷ್ಯದಲ್ಲಿ ಕಟ್ಟುನಿಟ್ಟಾಗಿ ಪಥ್ಯ ಮಾಡ್ತಿರೋದ್ರಿಂದ ಅವ್ರ ಜೀವಿತಾವಧಿ ಜಾಸ್ತಿಯಾಗಿದೆ ಅಂತ ಎಷ್ಟೊಂದ್ ಸ್ಟಡಿಗಳೂ ಹೇಳತ್ವೆ.

ಇದರ ಹಿಂದೆ ಇರೋ ಲಾಜಿಕ್ ಏನಪ್ಪ ಅಂತೀರ? ಜೀರ್ಣಕ್ರಿಯೆ ನಿಧಾನ್ವಾಗ್ ಆಗೋದೂ, ಬೇಗ ವಯಸ್ಸಾಗಕ್ಕೆ ಒಂದ್ ದೊಡ್ಡ ಕಾರಣವಂತೆ. ಯಂಗಾಗಿ ಇರ್ಬೇಕು ಅಂದ್ರೆ ಆಗಾಗ ಉಪ್ವಾಸ ಮಾಡ್ಕೊಂಡು ಜೀರ್ಣಾಂಗಕ್ಕೆ ಒತ್ತಡ ಕಮ್ಮಿ ಮಾಡ್ಕೊಬೇಕು.

ಅದಕ್ಕೇ ತಾನೇ ಸಿರಿಧಾನ್ಯಗಳು ಈಗೀಗ ಮತ್ತೆ ಪ್ರಚಾರಕ್ಕೆ ಬರ್ತಿದೆ.

ಮೂಲ

5. ದಿನನಿತ್ಯ ಚೆನ್ನಾಗಿ ಹಸಿವಾಗತ್ತೆ

ದಿನಕ್ಕೆ 4 ಹೊತ್ತೂ ಹೊಟ್ಟೆ ತುಂಬಾ ತಿನ್ತಿದ್ರೆ ನಿಜವಾದ ಹಸಿವು ಏನು ಅಂತ ಹೇಗ್ ಗೊತ್ತಾಗತ್ತೆ ಹೇಳಿ? ಇದು ಗೊತ್ತಾಗ್ಬೇಕು ಅಂದ್ರೆ ಕನಿಷ್ಟ 12 ರಿಂದ 24 ಗಂಟೆ ಉಪವಾಸ ಇರ್ಬೇಕು.

ಉಪವಾಸ, ದೇಹದಲ್ಲಿರೊ ಹಾರ್ಮೋನ್ಗಳ್ನ ಆಕ್ಟಿವ್ ಮಾಡಿ ನಿಜವಾದ್ ಹಸಿವು ಏನಂತ ತೋರ್ಸತ್ತೆ. ಇನ್ನು ಬೊಜ್ಜಿರೋರ್ಗಂತೂ ಯಾವಾಗ್ ಹಸ್ವಾಗತ್ತೆ ಅಂತ ಗೊತ್ತಾಗದೇ ಇಲ್ಲ. ಹಸಿವಿರ್ಲಿ ಇಲ್ದೇ ಇರ್ಲಿ ಆಗಾಗ ಬ್ಯಾಟಿಂಗ್ ಮಾಡ್ತನೇ ಇರ್ತಾರೆ. ಅಂಥವ್ರಿಗೆ ಆಗಾಗ ಒಳ್ಗಡೆಯಿಂದ ಸಿಗ್ನಲ್ ಕೊಡಕ್ಕೆ ಈ ಉಪವಾಸ ಸಹಾಯ ಮಾಡತ್ತೆ.

ಉಪವಾಸ ರಿಸೆಟ್ ಬಟನ್ ಇದ್ದಹಾಗೆ: ಹೆಚ್ಚು ಹೊತ್ತು ಉಪವಾಸ ಮಾಡಿದಷ್ಟೂ ಸರಿಯಾಗಿರೋ ಹಾರ್ಮೋನ್ ಬಿಡುಗಡೆ ಮಾಡಕ್ಕೆ ದೇಹ ತನ್ನನ್ನ ತಾನು ರೆಡಿ ಮಾಡ್ಕೊಳತ್ತೆ. ಆಗ ನಿಜವಾದ ಹಸಿವಿನ ಮಹತ್ವ ಗೊತ್ತಾಗತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಅಂದ್ರೆ ಹಾರ್ಮೋನ್ಗಳು ಸರಿಯಾಗ್ ಕೆಲ್ಸ ಮಾಡಿದ್ರೆ, ಬೇಗ ಹೊಟ್ಟೆ ತುಂಬತ್ತೆ. ಕುತ್ತಿಗೆಗ್ ಬರೋವರ್ಗೂ ತಿಂದು ತೊಂದ್ರೆ ಅನುಭವಿಸೋದು ತಪ್ಪತ್ತೆ.

ಮೂಲ

6. ತಿನ್ನೋ ಪದ್ಧತಿ ಸುಧಾರಿಸತ್ತೆ

ಹೊತ್ತೊತ್ತಿಗೆ ಸರಿಯಾಗ್ ತಿನ್ನೋ ಅಭ್ಯಾಸ ಇಲ್ದೋರಿಗೆ, ಕೆಲಸದ ಮಧ್ಯ ಊಟ ತಿಂಡಿಗೆ ಸಮಯ ಮಾಡ್ಕೊಳಕ್ ಆಗ್ದೇ ಇರೋರ್ಗೆ ಈ ಉಪವಾಸ ಒಂದು ವರ ಅಂತ ಹೇಳ್ಬೋದು.

ಆಗಾಗ ಉಪವಾಸ ಮಾಡ್ತಿದ್ರೆ, ಯಾವತ್ತಾದ್ರು ಮಧ್ಯಾಹ್ನದ್ ಊಟ ಸ್ಕಿಪ್ ಮಾಡ್ಬೇಕಾಗ್ ಬಂದಾಗ ಯಾವ್ ತೊಂದ್ರೆನೂ ಆಗಲ್ಲ. ನಿಮ್ ಲೈಫ್ ಸ್ಟೈಲ್ಗೆ ಹೊಂದ್ಕೊಂಡೋಗತ್ತೆ. ಜೊತೆಗೆ, ಯಾರು ಈ ಥರ ಟೈಮ್ ಟೈಮ್ ಗೆ ಸರಿಯಾಕ್ ತಿನ್ನಕ್ ಆಗಲ್ವೋ ಅಂಥೋರ್ಗೆ, ಆ ದಿನಕ್ಕೆ ಬೇಕಾಗಿರೋಷ್ಟು ಕ್ಯಾಲೋರಿನ ಒಂದೇ ಸಲ ತಿಂದು, ಮತ್ತೆ ಮುಂದಿನ್ ದಿನದ್ ವರ್ಗೂ ಊಟ ತಿಂಡಿ ಬಗ್ಗೆ ಯೋಚ್ನೆ ಮಾಡ್ದೇ ಇರೋ ಹಾಗೆ ಮಾಡತ್ತೆ.

ಮೂಲ

7. ಮೆದುಳು ಚುರುಕಾಗತ್ತೆ

ಮೆದುಳಲ್ಲಿ ಬ್ರೈನ್- ಡಿರೈವ್ಡ್ ನ್ಯೂರೋಟ್ರೋಫಿಕ್ ಫ್ಯಾಕ್ಟರ್ (ಬಿ ಡಿ ಎನ್ ಎಫ್) ಅನ್ನೋ ಪ್ರೋಟೀನ್ ಇರತ್ತೆ. ಉಪವಾಸ ಮಾಡೋದ್ರಿಂದ ಈ ಪ್ರೋಟೀನ್ ಹೆಚ್ಚು ಉತ್ಪತ್ತಿಯಾಗಿ ಮೆದುಳು ಚುರುಕಾಗಿ ಕೆಲ್ಸ ಮಾಡತ್ತೆ.

"ಬಿ ಡಿ ಎನ್ ಎಫ್" ಪ್ರೋಟೀನ್ ಮೆದುಳಿನ ಕೋಶಗಳ್ನ ಆಕ್ಟೀವ್ ಮಾಡಿ, ಹೊಸ ಹೊಸ ನರಕೋಶಗಳಾಗಿ ಬದಲಾಯಿಸತ್ತೆ. ಹಾಗೇನೆ ನರಗಳು ಆರೋಗ್ಯವಾಗಿರಕ್ಕೆ ಬೇಕಿರೋ ಬೇರೆ ಸಾಕಷ್ಟು ರಾಸಾಯನಿಕಗಳ್ನ ಟ್ರಿಗರ್ ಮಾಡತ್ತೆ.

ಇನ್ನೊಂದು ಮುಖ್ಯವಾದ ವಿಷ್ಯ ಅಂದ್ರೆ...ಆಲ್ಜೈಮರ್ ಮತ್ತೆ ಪಾರ್ಕಿನ್ಸನ್ ರೋಗದ ಮುಂದಿನ ಹಂತಗಳು ಬೇಗ ಬೇಗ ಬರ್ದೇಇರೋಹಾಗ್ ಈ ಪ್ರೋಟೀನ್, ಮೆದುಳಿನ ಕೊಶಗಳ್ನ ಕಾಪಾಡತ್ತೆ.

ಮೂಲ

8. ರೋಗನಿರೋಧಕ ಶಕ್ತಿ ಜಾಸ್ತಿಯಾಗೋದು ಖಂಡಿತ

ಆಗಾಗ ಉಪವಾಸ ಮಾಡೋದ್ರಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗತ್ತೆ ಯಾಕಂದ್ರೆ ಟೋಟಲ್ಲಾಗಿ ದೇಹಕ್ಕಾಗೋ ಹಾನಿ, ದೇಹದಲ್ಲಿ ಉರಿ, ಊತ ಇದನ್ನೆಲ್ಲಾ ಕಮ್ಮಿ ಮಾಡಿ ಕ್ಯಾನ್ಸರ್ ಬರ್ಸೋ ಜೀವಕೋಶಗಳಿಗೇ ಉಪವಾಸ ಹಾಕತ್ತೆ:-)

ನಮ್ ಸುತ್ತ ಮುತ್ತ ಇರೊ ಪ್ರಕೃತಿನಲ್ಲೂ ಇದನ್ನ ನೋಡ್ಬೋದು. ಪ್ರಾಣಿಗಳು ಹುಷಾರ್ ತಪ್ದಾಗ ಆಹಾರ ತೊಗೊಳೋದನ್ನ ಬಿಟ್ಟು ಉಪವಾಸ ಮಾಡಿ, ವಿಶ್ರಾಂತಿ ತೊಗೊಳತ್ವೆ. ಇದು ದೇಹದ ಒಳಗಿರೊ ಅಂಗಾಂಗಕ್ಕೆಲ್ಲ ಕೆಲ್ಸ ಕಮ್ಮಿ ಮಾಡಿ, ಇನ್ಫೆಕ್ಷನ್ ವಿರುದ್ಧ ದಾಳಿಮಾಡೋ ಶಕ್ತಿ ಕೊಡತ್ತೆ. ನಾವು ಮನುಷ್ಯ್ರು ಮಾತ್ರ ಬೇಕಿರ್ಲಿ, ಬೇಡ್ದೆಯಿರ್ಲಿ, ಚೆನ್ನಾಗಿರ್ಲಿ, ಹುಷಾರ್ ತಪ್ಪಿರ್ಲಿ, ತಿನ್ನಕ್ ಏನು ಅಂತ ತಲೆಕೆಡುಸ್ಕೊಳೋದು!!!! ತಿನ್ನೋದು ಆಮೇಲೆ ಗ್ಯಾಸ್ ಅಂತ ಮಾತ್ರೆ ತೊಗೊಳ್ಳೊದು ಈಗಿನ ಟ್ರೆಂಡ್ :-(

ಮೂಲ

9. ಉಪವಾಸದಿಂದ ಆತ್ಮ ಶುದ್ಧಿ, ಜ್ಞಾನೊದಯ ಆಗತ್ತೆ

ಉಪವಾಸ ಎಷ್ಟೊಂದ್ ಜನಕ್ಕೆ ಓದು, ಧ್ಯಾನ, ಯೋಗ, ಸಮರಕಲೆ ಇನ್ನು ಹಲಾವಾರು ಥರ ಅಭ್ಯಾಸಗಳ್ನ ತಮ್ಮ ಜೀವನ್ದಲ್ಲಿ ಜೊತೆ ಅಳವಡಿಸ್ಕೊಳಕ್ಕೆ ಸಹಾಯ ಮಾಡಿದೆ. ಹೊಟ್ಟೆ ಖಾಲಿ ಇದ್ರೆ, ಅಲ್ಲಿ ಜಾಸ್ತಿ ಶಕ್ತಿ ಶೇಖರಿಸತ್ತೆ. ಯಾಕಂದ್ರೆ ನಮ್ ದೇಹದಲ್ಲಿ, ತುಂಬ ಶಕ್ತಿ ಹೀರ್ಕೊಂಡು ಕೆಲ್ಸ ಮಾಡೋದು ಜೀರ್ಣಾಂಗ.

ಆತ್ಮ ಶುದ್ಧಿ, ಜ್ಞಾನೋದಯಕ್ಕೂ ಉಪವಾಸಕ್ಕೂ ನಂಟಿದೆ. ಇದು ಮಾನಸಿಕವಾಗಿ, ದೈಹಿಕವಾಗಿ ನೆಮ್ಮದಿಯಾಗಿರಕ್ಕೆ ಸಹಾಯ ಮಾಡತ್ತೆ. ಹಗುರವಾಗಿರೋ ದೇಹ ಮತ್ತೆ ನಮಗೆ ಏನ್ ಬೇಕು ಅಂತ ಸ್ಪಷ್ಟವಾಗಿರೊ ಮನಸ್ಸು ಇದ್ರೆ ಸುತ್ತ ಮುತ್ತ ನಡಿತಿರೋದ್ರ ಬಗ್ಗೆ ಹೆಚ್ಚು ಜಾಗ್ರತೆಯಿಂದ ಇರ್ತಿವೆ. ಜೊತೆಗೆ ಎಲ್ಲದರ ಬೆಲೆನೂ, ಪ್ರಾಮುಖ್ಯತೆನೂ ಗೊತ್ತಾಗತ್ತೆ.

ಮೂಲ

10. ಮೊಡವೆ ತೊಂದ್ರೆ ದೂರವಾಗತ್ತೆ ಹಾಗೆನೆ ಚರ್ಮ ಕೂಡ ಕ್ಲೀನ್ ಆಗತ್ತೆ

ಚರ್ಮಕ್ಕೆ ಸಂಬಂಧ ಪಟ್ಟಿರೋ ತೊಂದ್ರೆಯಿಂದ ಬೇಸತ್ತೋಗಿರೋರ್ಗೆ ಒಳ್ಳೆ ಉಪಾಯ ಅನ್ಬೋದು. ಯಾವಾಗ ಜೀರ್ಣಾಂಗಕ್ಕೆ ಹೆಚ್ಚು ಕೆಲ್ಸ ಇಲ್ದೆ ಸ್ವಲ್ಪ ಬಿಡುವಾಗಿರತ್ತೋ, ಆಗ ದೇಹ, ತನ್ನನ್ನ ತಾನು ರಿಪೇರಿ ಮಾಡ್ಕೊಳಕ್ಕೆ ಬೇರೆ ಬೇರೆ ಅಂಗಾಂಗದ ಬಗ್ಗೆ ಗಮನ ಹರಿಸ್ಬೋದು.

ಒಂದೇ ಒಂದಿನ ಉಪವಾಸ ಮಾಡೋದ್ರಿಂದ, ದೇಹದಲ್ಲಿರೋ ವಿಷಕಾರಿ ಅಂಶಯೆಲ್ಲಾ ಹೊರಗೆ ಹೋಗಿ, ಬೇರೆ ಎಲ್ಲಾ ಅಂಗಗಳೂ ಅಂದ್ರೆ ಯಕೃತ್ತ, ಮೂತ್ರಪಿಂಡ ಎಲ್ಲಾ ಕ್ಲೀನಾಗಿ ಕೆಲ್ಸ ಮಾಡ್ಕೊಂಡ್ ಹೋಗತ್ತಂತೆ.

ಮೂಲ

ತಿಂಗಳಲ್ಲಿ ಒಂದು ಅಥ್ವಾ ಎರಡು ದಿನ ಉಪವಾಸ ಮಾಡಿದ್ರೆ ಇಷ್ಟೆಲ್ಲಾ ಲಾಭ ಇದೆ. ನೀವೇ ಯೋಚ್ನೆ ಮಾಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: