ಈ 11 ಕಾರಣ ಕೇಳಿದ್ಮೇಲೆ ಆದಷ್ಟು ಬೇಗ ಮದುವೆ ಆಗೋದೇ ಒಳ್ಳೇದು ಅಂತ ಒಪ್ಕೋತೀರಿ

ಬೇಗ ಮಕ್ಕಳು ಮಾಡ್ಕೋಬೇಕು ಅನ್ನೋ ಒತ್ತಡ ಇರಲ್ಲ

ಈಗೀಗ ಆದಷ್ಟು ಲೇಟಾಗಿ ಮದುವೆ ಆಗೋದೇ ಒಂಥರಾ ಫ್ಯಾಶನ್ ಆಗೋಗಿದೆ. ಮೂವತ್ತು ದಾಟಿದ ಮೇಲೆ ಮಾಡ್ಕೊಂಡ್ರೆ ಆಯ್ತು ಅನ್ನೋರು ಸಕ್ಕತ್ ಜನ ಇದಾರೆ. ಇಪ್ಪತ್ತು-ಇಪ್ಪತ್ತೈದು ವರ್ಷಕ್ಕೆಲ್ಲ ಮದುವೆ ಆಗೋ ದಿನಗಳು ಹೊಟೋಗಿವೆಯಾ ಅನ್ನಿಸುತ್ತೆ ಒಂದೊಂದ್ಸಲ. ಹಾಗೇನೆ ಸಮಾಜದಲ್ಲೂ "ಇನ್ನೂ ಮದುವೆ ಆಗಿಲ್ವಾ?" ಅಂತ ಕೇಳೋರು ಕೂಡ ಕಡಿಮೆ ಆಗೋಗಿದಾರೆ. ಆದರೆ ನಿಜವಾಗಲೂ ನೋಡುದ್ರೆ ಬೇಗೆ ಮದುವೆ ಆಗೋದು ಅಂಥ ಕೆಟ್ಟ ಐಡಿಯಾ ಏನಲ್ಲ. ಪೂರ್ತಿ ಸೆಟಲ್ ಆಗೋ ಮುಂಚೆ ಮದುವೆ ಆಗಬಾರದು ಅನ್ನೋದ್ರಲ್ಲೂ ಅರ್ಥ ಇದೆ, ಆದರೆ ಬೇಗ ಮದುವೆ ಆಗೋದ್ರಲ್ಲೂ ಬಹಳ ಬಹಳ ಲಾಭಗಳಿವೆ.…

1. ಮದುವೆ ಆಗಕ್ಕೆ ಇದೇ ಸರಿಯಾದ ಸಮಯ ಅನ್ನೋದೇನೂ ಇಲ್ಲ; ಯಾವಾಗ ಬೇಕಾದರೂ ಆಗ್ಬೋದು

ಮದುವೆ ಅನ್ನೋದು ಒಂದು ಮುಖ್ಯವಾದ ನಿರ್ಧಾರ. ಯಾರ್ನ ಮಾದುವೆ ಆಗಬೇಕು ಅನ್ನೋ ನಿರ್ಧಾರ 21ನೇ ವಯಸ್ಸಿಗೆ ಎಷ್ಟು ಕಷ್ಟಾನೋ 40ನೇ ವಯಸ್ಸಲ್ಲೂ ಅಷ್ಟೇ ಕಷ್ಟ. ನಿಜಕ್ಕೂ "ಮದುವೆಗೆ ಈಗ ರೆಡಿ ಇದೀನಿ" ಅನ್ನೋ‌ ಸಮಯ ಬರೋದೇ ಇಲ್ಲ. ಆದ್ದರಿಂದ ಮದುವೆ ಮಾಡ್ಕೋಬೋದು ಅನ್ಸೋರು ಯಾರಾದ್ರೂ ಸಿಕ್ರೆ ಪೀಪಿ ಊದ್ಸಕ್ಕೆ ಕಾಯೋದರಲ್ಲಿ ಅರ್ಥಾನೇ ಇಲ್ಲ.

ಮೂಲ

2. ಬೇಗ ಮದುವೆ ಮಾಡ್ಕೊಂಡ್ರೆ ಆದಷ್ಟು ಬೇಗ ಮಕ್ಕಳು ಮಾಡ್ಕೋಬೇಕು ಅನ್ನೋದಿರಲ್ಲ; ಸ್ವಲ್ಪ ವರ್ಷ ಆರಾಮಾಗಿ ಇರ್ಬೋದು

ಮದುವೆ ಆದ ಕೆಲವು ವರ್ಷ ಆರಾಮಾಗಿರ್ಬೇಕು ಅನ್ನೋ‌ ಆಸೆ ಯಾವ ಗಂಡ-ಹೆಂಡತಿಗೆ ಇರಲ್ಲ ಹೇಳಿ? ವಯಸ್ಸು ಜಾಸ್ತಿ ಆಗೋಗಿದ್ರೆ ಮದುವೆ ಆಗ್ತಿದ್ದಂಗೇ ಮಗು ಮಾಡ್ಕೋಬೇಕು ಅನ್ನೋ ಒತ್ತಡ ಇರುತ್ತೆ. ಯಾಕಂದ್ರೆ ಹೆಣ್ಣಿನ ದೇಹದಲ್ಲಿ ಆಗೋ ವ್ಯತ್ಯಾಸಗಳಿಂದ ಅವಳು ಆದಷ್ಟು ಬೇಗ ತಾಯಿ ಆಗೋದು ಒಳ್ಳೇದು. ಹಾಗೇ ಮಕ್ಕಳು ಇನ್ನೂ ಆಗದೆ ಇದ್ದಾಗ ಅಲ್ಲಿ ಇಲ್ಲಿ ಸುತ್ತಾಡ್ಕೊಂಡು ಮಜ ಮಾಡ್ಕೊಂಡ್ ಇರಬಹುದು. ತಡ ಮಾಡ್ಕೊಂಡ್ರೆ ಇವೆಲ್ಲ ಕಟ್.

ಮೂಲ

3. ಇಪ್ಪತ್ತು-ಚಿಲ್ಲರೆ ವಯಸ್ಸಾಗಿದ್ದಾಗ ಜೀವನ ಸಂಗಾತಿ ಜೊತೆಗಿದ್ದರೆ ಅದರ ಮಜಾನೇ ಬೇರೆ

ಈ ವಯಸ್ಸು ಜೀವನದಲ್ಲಿ ಮಜಾ ಮಾಡೋ ವಯಸ್ಸು. ಒಂದ್ಸಲ ಹೋದ ಮೇಲೆ ಮತ್ತೆ ವಾಪಸ್ ಬರಲ್ಲ. ಈ ವಯಸ್ಸಲ್ಲಿ ಜೀವನಸಂಗಾತಿ ಜೊತೆಗಿದ್ದರೆ ಅದು ಇಡೀ ಜೀವನದ ಮೇಲೆ ಒಂದು ಒಳ್ಳೇ ಪ್ರಭಾವ ಬೀರುತ್ತೆ. ಚೆನ್ನಾಗಿ ಫ್ರೆಂಡ್ಸ್ ಆಗ್ತೀರಿ, ಒಟ್ಟಗೆ ಜೀವನದ ಸವಾಲುಗಳ್ನ ಎದುರಿಸ್ತೀರಿ… ಮೊದಲ ಸಲ ಫಾರಿನ್ಗೆ ಹೋದಾಗ, ನಿಮ್ಮ ಡ್ರೀಂ ಜಾಬ್ ಸಿಕ್ಕಾಗ, ಮೊದಲ ಸಲ ಬೈಕ್ ಅಥವಾ ಕಾರ್ ತೊಗೊಂಡಾಗ… ಜೊತೆಗೆ ನಿಮ್ಮ ಜೀವನಸಂಗಾತಿ ಇದ್ದರೆ ಅದರ ಮಜಾನೇ ಬೇರೆ!

ಮೂಲ

4. ಬೇಗ ಮದುವೆ ಆದ್ರೆ ಹನಿಮೂನ್ ತುಂಬಾ ಎಂಜಾಯ್ ಮಾಡ್ಬೋದು

ಹನಿಮೂನ್ ಅಂದ್ರೆ ಒಂದು ಹೋಟೆಲ್ ರೂಮಲ್ಲಿ ಬಾಗಿಲು ಹಾಕೊಂಡು ನಾಲ್ಕು ದಿನ ಕಳೆಯೋದಲ್ಲ. ಬೇಗ ಮದುವೆ ಆಗಿದ್ರೆ ಪಾರ್ಟಿಗಳಿಗೆ ಹೋಗಬಹುದು, ಟ್ರೆಕ್ಕಿಂಗ್ಗ್ ಹೋಗ್ಬೋದು… ಈಜಕ್ಕೆ ಹೋಗಬಹುದು… ದೇಶದೇಶ ಸುತ್ತಬಹುದು…. ಅದ್ಭುತವಾಗಿ ಹನಿಮೂನ್ ಮಾಡಬಹುದು. ಅದೇ ವಯಸ್ಸಾಗಿದ್ದರೆ ಇವೆಲ್ಲ ಮಾಡೋಕೆ ಮನಸ್ಸೂ ಇರಲ್ಲ, ದೇಹಾನೂ ಕೈ ಕೊಡುತ್ತೆ.

ಮೂಲ

5. ಬೇಗ ಮಕ್ಕಳಾದರೆ ನೀವು ಮಕ್ಕಳ ಜೊತೆ ತುಂಬಾ ಎಂಜಾಯ್ ಮಾಡಬಹುದು

ವಯಸ್ಸಾಗ್ತಾ ಆಗ್ತಾ ಮಕ್ಕಳನ್ನ ಎತ್ಕೊಳೋದೂ ಕಷ್ಟ. ಮಕ್ಕಳು ಏನ್ ಹೇಳುದ್ರೂ ಆಗಲ್ಲ ಅನ್ನಬೇಕಾಗತ್ತೆ. ಕೂಸುಮರಿ ಮಾಡಪ್ಪಾ ಅಂದ್ರೆ ಆಗಲ್ಲ ಅನ್ನಬೇಕಾಗುತ್ತೆ. ಜಯಂಟ್ ವೀಲಲ್ಲಿ ಕೂತ್ಕೊಳಪ್ಪಾ ಅಂದ್ರೆ ಆಗಲ್ಲ ಅಂತೀರಿ. ಕ್ರಿಕೆಟ್ ಆಡಕ್ಕೆ ಬಾರಮ್ಮಾ ಅಂದ್ರೆ ಇಲ್ಲ ಅನ್ನಬೇಕಗುತ್ತೆ. ಒಟ್ನಲ್ಲಿ ಮಕ್ಕಳಾಗೋದು ಲೇಟಾದ್ರೆ ಮಕ್ಕಳಿಗೆ ನೀವು ಪ್ರತಿಯೊಂದಕ್ಕೂ "ಇಲ್ಲ" ಅನ್ನಬೇಕಾಗುತ್ತೆ. ನಿಮ್ಮ ಪ್ರೀತಿ ಕಡಿಮೆ ಅಂತಲ್ಲ, ಆದರೆ ನಿಮ್ಮ ದೇಹಸ್ಥಿತಿ, ನಿಮ್ಮ ಮನಸ್ಥಿತಿ ಆ ಪ್ರೀತಿಗೆ ಅನುಗುಣವಾಗಿ ಇರಲ್ಲ!

ಮೂಲ

6. ಲೇಟಾಗಿ ಮದುವೆ ಆದರೆ ಮಕ್ಕಳು ಇನ್ನೂ ಚಿಕ್ಕೋರಿದ್ದಾಗ್ಲೇ ರಿಟೈರ್ ಆಗಿ ದುಡ್ಡಿನ ಸಮಸ್ಯೆಗಳು ಜಾಸ್ತಿ

ಕೆಲಸ ಮಾಡ್ಕೊಂಡು ಮನೆ ನೋಡ್ಕೊಂಡು ಎಲ್ಲಾ ನಿಭಾಯಿಸಿಕೊಂಡು ಹೋಗೋದು ಸುಲಭದ ಕೆಲಸ ಅಲ್ಲ. ರಿಟೈರ್ ಆದ್ಮೇಲೂ ಮಕ್ಕಳನ್ನ ಬೆಳೆಸೋ ಕೆಲಸ ಸಾಕಷ್ಟು ಬಾಕಿ ಇದ್ದರೆ ಅದೊಂಥರಾ ಕಷ್ಟ. ಇಡೀ ಜೀವನ ಮಕ್ಕಳನ್ನ ನೋಡ್ಕೊಳೋದ್ರಲ್ಲೇ ಕಳ್ದಂಗಾಗುತ್ತೆ. ಸರಿಯಾಗಿ ನೋಡುದ್ರೆ ನೀವು ರಿಟೈರ್ ಆಗೋ ಹೊತ್ತಿಗೆ ನಿಮ್ಮ ಮಕ್ಕಳು ತಮ್ಮ ಕಾಲ ಮೇಲೆ ತಾವು ನಿಂತ್ಕೊಂಡಿರಬೇಕು. ನೀವು ಮೂವತ್ತು ದಾಟಿದ ಮೇಲೆ ಮದುವೆ ಆಗ್ತೀನಿ ಅಂದ್ರೆ ಕಷ್ಟ ಇದೆ.

ಮೂಲ

7. ಬೇಗ ಮದುವೆ ಆದ್ರೆ ಗಂಡ-ಹೆಂಡ್ತಿ ಜಾಸ್ತಿ ಹೊಂದ್ಕೊಂಡ್ ಇರ್ತೀರಿ

ವಯಸ್ಸಾಗ್ತಾ ಆಗ್ತಾ ಬೇರೆಯೋರ ಜೊತೆ ಹೊಂದ್ಕೊಂದ್ ಹೋಗೋದು ಕಷ್ಟ. ಮದುವೆಗಳು ಮುರಿದು ಬೀಳೋ ಸಾಧ್ಯತೆ ಜಾಸ್ತಿ. ಯಾಕಂದ್ರೆ ವಯಸ್ಸಾಗ್ತಾ ಆಗ್ತಾ ನಾನು ಅಂದ್ರೆ ಹಿಂಗೆ, ನನ್ನ ವ್ಯಕ್ತಿತ್ವ ಅಂದ್ರೆ ಇದು ಅನ್ನೋ ಅನಿಸಿಕೆಗಳು ಜಾಸ್ತಿ ಮೂಡಿಬಿಡ್ತವೆ. ಅದನ್ನ ಬದಲಾಯಿಸಿಕೊಳ್ಳೋದು ಕಷ್ಟ. ಆದರೆ ಬದಲಾಯಿಸಿಕೊಳ್ಳಲೇ ಬೇಕಲ್ಲ ಮದುವೆ ಆದಮೇಲೆ?!

ಮೂಲ

8. ಮದುವೆ ಮಾಡ್ಕೊಂಡಾಗ ಮನುಷ್ಯ ಬೆಳೀತಾನೆ; ಅದು ನಿಮ್ಮ ಕೆರಿಯರ್ ಮೇಲೂ ಒಳ್ಳೇ ಪ್ರಭಾವ ಬೀರುತ್ತೆ

ಆಗಲೇ‌ ಹೇಳಿದ್ವಲ್ಲ, ಮದುವೆ ಅನ್ನೋದು ಅಂತಿಂಥ ತಿರುವಲ್ಲ ಜೀವನದಲ್ಲಿ. ಬೇಗ ಮದುವೆ ಆದರೆ ಬೇಗ ಜವಾಬ್ದಾರಿಯಿಂದ ಜೀವನ ಮಾಡೋದು ಕಲಿತುಕೊಳ್ತೀರಿ. ಇದರಿಂದ ನಿಮ್ಮ ಕೆಲಸದಲ್ಲೂ ಪ್ರಭಾವ ಕಾಣಿಸುತ್ತೆ. ನೀವು ಮಾಡೋ ಕೆಲಸಕ್ಕೆ ಮೊಟ್ಟಮೊದಲಾಗಿ ಒಂದು ಗೊತ್ತು-ಗುರಿ ಅಂತ ಸಿಗುತ್ತೆ. ಒಂದ್ ಕಡೆ ಅಪ್ಪಾಪೋಲಿ ತರಹ ತಿರುಗಿಕೊಂಡು ಇರೋದೂ ಕಡಿಮೆ ಆಗುತ್ತೆ, ಇನ್ನೊಂದ್ ಕಡೆ ಬರೀ‌ ಕೆಲಸ ಕೆಲಸ ಕೆಲಸ ಅಂತ ದುಡಿದು ಸುಸ್ತಾಗೋದೂ ನಿಲ್ಲುತ್ತೆ… ಯಾಕಂದ್ರೆ ಮನೆಯಲ್ಲಿ ಗಂಡ/ಹೆಂಡ್ತಿ, ಮಕ್ಕಳು… ಎಲ್ಲಾ ಇರ್ತಾರಲ್ಲ, ಅವರನ್ನ ನೋಡ್ಕೋಬೇಕಲ್ಲ?

ಮೂಲ

9. ಬೇಗ ಮದುವೆ ಆಗೋದ್ರಿಂದ ತಂದೆತಾಯಿ ನೆಂಟರಿಷ್ಟರಿಂದೆಲ್ಲ ಅಷ್ಟು ದೂರ ಹೋಗಲ್ಲ, ಇನ್ನಷ್ಟು ಹತ್ತಿರ ಆಗ್ತೀರಿ

ಇಪ್ಪತ್ತು ದಾಟಿದ್ರಿ ಅಂದ್ರೆ ಯಾಕೋ ಏನೋ‌ ಮನೆಯೋರಿಂದೆಲ್ಲ ತುಂಬ ದೂರ ಆಗ್ತೀರಿ. ಆ ಚಿಕ್ಕಮ್ಮ, ಆ ಆತ್ತೆ, ಆ ದೊಡ್ಡಪ್ಪ… ಯಾರೂ ಬೇಡ ಅನ್ನಿಸುತ್ತೆ. ಎಷ್ಟೋ ಜನ ತಂದೆ-ತಾಯೀನೂ ಬಿಟ್ಟು ದೂರ ಇರಕ್ಕೆ ಇಷ್ಟ ಪಡ್ತಾರೆ. ಆದ್ರೆ ಮದುವೆ ಆಂತ ಆದ್ರೆ ಆ ಫಂಕ್ಷನ್ನು ಈ ಮದುವೆ ಆ ಮುಂಜಿ ಅದು ಇದು ಅಂತ ಹೋಗ್ತಾನೇ ಇರ್ತೀರಿ, ನೆಂಟರಿಷ್ಟರನ್ನ ನೋಡ್ತಾನೇ ಇರ್ತೀರಿ. ಇದರಿಂದೆಲ್ಲ ನಿಮ್ಮ ಸುತ್ತ ಜನ ಇರ್ತಾರೆ, ನೀವೂ ಸುಖವಾಗಿ ಇರ್ತೀರಿ. ಲೇಟಾಗಿ ಮದುವೆ ಆದ್ರೆ ಅಷ್ಟರೊಳಗೆ ನೆಂಟರಿಷ್ಟರೆಲ್ಲ ಬೇಡ ಅನ್ನಿಸಿಬಿಡೋ ಸಾಧ್ಯತೆ ಹೆಚ್ಚು.

ಮೂಲ

10. ಬೇಗ ಮಕ್ಕಳಾದರೆ ನಿಮ್ಮ ಮಕ್ಕಳು ನಿಮಗೆ ಫ್ರೆಂಡ್ಸ್ ತರಹ ಇರ್ತಾರೆ

ಮಕ್ಕಳನ್ನ ಇನ್ನಷ್ಟು ಚೆನ್ನಾಗಿ ಅರ್ಥ ಮಾಡ್ಕೋತೀರಿ… ಯಾಕಂದ್ರೆ ನಿಮ್ಮಲ್ಲೂ ಆ ಯೌವನ ಇನ್ನೂ‌ ಇರುತ್ತೆ. ಲೇಟಾಗಿ ಮದುವೆ ಆದರೆ ಮಕ್ಕಳಿಗೂ ನಿಮಗೂ ಒಂಥರಾ ದೂರ ಉಳಿದುಬಿಡುತ್ತೆ. ಅವರ ಮನಸ್ಸು ಅರ್ಥ ಮಾಡ್ಕೊಳೋದೆ ನಿಮಗೆ ಕಷ್ಟ ಆಗೋಗುತ್ತೆ. ಒಟ್ನಲ್ಲಿ ಮಕ್ಕಳು ಬಯಸುವಂಥ ಒಳ್ಳೇ ಅಪ್ಪಾಮ್ಮ ಆಗೋದು ಕಷ್ಟ.

ಮೂಲ

11. ಏನಾದರೂ ಅನಾಹುತಗಳಾಗಿ ಡೈವೋರ್ಸ್ ಆದರೆ ಇನ್ನೊಂದ್ ಮದುವೆಗೆ ಲೇಟ್ ಅನ್ನಿಸಲ್ಲ

ಇದನ್ನೂ ಹೇಳಲೇಬೇಕು ನೋಡಿ. ಈಗಿನ ಕಾಲದಲ್ಲಿ ಒಂದಲ್ಲ ಒಂದು ಕಾರಣದಿಂದ ಡೈವೋರ್ಸ್ಗಳು ಆಗೋದು ಜಾಸ್ತಿ ಆಗ್ತಿದೆ. ಅದು ಇದು ಸುಳ್ಳು ಹೇಳಿ ಮದುವೆ ಮಾಡೋರು ಇರ್ತಾರೆ. ಹೀಗೆಲ್ಲ ಏನಾದರೂ ಆದರೆ ಅಂಥ ಮದುವೆಯಿಂದ ಹೊರಬಂದು ಇನ್ನೊಂದು ಮದುವೆ ಮಾಡ್ಕೊಳಕ್ಕೆ ಮುಜುಗರ ಅನ್ನಿಸಲ್ಲ, ಯಾಕಂದ್ರೆ ಇನ್ನೂ ವಯಸ್ಸಿರುತ್ತೆ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನಿಮಗೆ ಈ 15 ರಹಸ್ಯಗಳು ಗೊತ್ತಿದ್ದರೆ ನಿಮ್ಮ ದೇಹ ನೀವು ಹೇಳಿದಂಗೆ ಕೇಳುತ್ತೆ

ಕಿವಿ ಕೆರ್ಕೊಂಡ್ರೆ ಗಂಟಲು ಕೆರೆಯೋದು ಮಾಯ ಆಗುತ್ತೆ

ಮನುಷ್ಯನ ದೇಹಕ್ಕಿಂತ ಬೇರೊಂದು ವಿಸ್ಮಯ ಇಲ್ಲ. ಈ ವಿಸ್ಮಯದ ಬಗ್ಗೆ ಕೆಲವೊಂದು ವಿಷಯಗಳನ್ನ ತಿಳ್ಕೊಂಡ್ರೆ ನಿಮ್ಮ ದೇಹ ನೀವು ಅನ್ಕೊಂಡಿರೋದಕ್ಕಿಂತ ಹೆಚ್ಚು ಸಾಧಿಸತ್ತೆ, ನೀವು ಹೇಳಿದಂಗೆ ಕೇಳುತ್ತೆ.

ಇಲ್ಲಿ ಅಂತೆಕಂತೆ ನಿಮಗೋಸ್ಕರ ಒಂದಿಷ್ಟು ದಿನ ನಿತ್ಯ ಬರೋ ತೊಂದ್ರೆಗಳಿಗೆ ಸಿಂಪಲ್ ಉಪಾಯಗಳನ್ನ ಕೊಟ್ಟಿದೆ. 

1. ಗಂಟಲಲ್ಲಿ ಕೆರೆತ ಇದ್ದಾಗ ಕಿವಿ ಕೆರ್ಕೊಳ್ಳಿ

ಸರಿ ಹೋಗುತ್ತೆ. ಯಾಕಂದ್ರೆ ಆ ಕೆರೆತ ಉಂಟು ಮಾಡಿರೋ ನರಗಳು ಸಡಿಲವಾಗತ್ತೆ.

ಮೂಲ

2. ಮಾತು ಸರ್ಯಾಗಿ ಕೇಳಿಸ್ತಿಲ್ಲಾ ಅಂದ್ರೆ ಬಲಗಡೆ ಕಿವಿ ಕೊಟ್ಟು ಕೇಳಿ, ಸಂಗೀತಕ್ಕೆ ಎಡಗಡೆ ಕಿವಿ

 ಬಲಗಡೆ ಕಿವಿಗೆ ಶಬ್ದ ಮತ್ತೆ ವಾಕ್ಯಗಳನ್ನ ಗ್ರಹಿಸೋ ಶಕ್ತಿ ಜಾಸ್ತಿ ಇದ್ಯಂತೆ. ಹಾಗೆ ಎಡಗಡೆ ಕಿವಿಗೆ ರಾಗ, ಲಯಗಳನ್ನ ಗ್ರಹಿಸೋ ಶಕ್ತಿ ಇದೆ.

ಮೂಲ

3. ಇಂಜೆಕ್ಷನ್ ಭಯಾ ಆದ್ರೆ ಸೂಜಿ ಚುಚ್ಚೋ ಹೊತ್ತಿಗೆ ಕೆಮ್ಮಿ

ಇಂಜೆಕ್ಷನ್ ನೋವಿನ ಭಯ ಕಾಡಿದ್ರೆ ಸೂಜಿ ಚುಚ್ಚೋ ಹೊತ್ತಿಗೆ ಕೆಮ್ಮೊ ಅಭ್ಯಾಸ ಮಾಡ್ಕೊಳ್ಳಿ. ಹೀಗೆ ಮಾಡೋದ್ರಿಂದ ನಿಮ್ಮ ರಕ್ತದೊತ್ತಡ ಹೆಚ್ಚಾಗಿ ಬೆನ್ನು ಹುರಿಯಲ್ಲಿರೋ ನರಗಳಿಗೆ ನೋವು ಗೊತ್ತಾಗದೇರೋ ಹಾಗೆ ಮಾಡುತ್ತೆ.

ಮೂಲ

4. ಮೂಗು ಕಟ್ಟಿದ್ರೆ ನಾಲಿಗೇನಾ ಬಾಯಿಯೊಳಗಡೆ ಮೇಲ್ಭಾಗಕ್ಕೆ ಮುಟ್ಟಿಸಿ ಅಮೇಲೆ ಹುಬ್ಬು ಮಧ್ಯ ಒತ್ತಿ

ಹೀಗೆ ಒಂದಾದ ಮೇಲೆ ಒಂದನ್ನ ಮಾಡಿದ್ರೆ ಇಪ್ಪತ್ತು ಸೆಕೆಂಡಲ್ಲೇ ನಿಮ್ಮ ಮೂಗು ಸರಿ ಹೋಗುತ್ತೆ.

ಮೂಲ

5.  ಇನ್ನೇನು ಮಲಗೋ ಹೊತ್ತಲ್ಲಿ ಹೆಚ್ಚು ತಿಂದು ಒದ್ದಾಡ್ತಿದ್ರೆ ಎಡಕ್ಕ ತಿರುಗಿ ಮಲಗಿ

ಇದರಿಂದ ನಿಮ್ಮ ಹೊಟ್ಟೇಲಿ ಆಸಿಡ್ ಉತ್ಪತ್ತಿ ಚೆನ್ನಾಗಿ ಆಗಿ ಜೀರ್ಣ ಚೆನ್ನಾಗಾಗುತ್ತೆ.

ಮೂಲ

6. ಹಲ್ಲು ನೋವು ಕಮ್ಮಿ ಮಾಡ್ಕೊಳಕ್ಕೆ ಹೆಬ್ಬೆಟ್ಟು ಮತ್ತೆ ತೊರ್ಬೆರಳಿನ ಮಧ್ಯೆ  ಐಸ್ ಇಟ್ಟು ಉಜ್ಜಿ

ನಿಮ್ಮ ಹಲ್ಲಿನ ಡಾಕ್ಟರ್ ಸಿಗ್ಲಿಲ್ಲ ಅಂದ್ರೆ ಹಿಂಗೆ ಮಾಡಿ, ನಿಮ್ಮ ನೋವು ಅರ್ಧಕ್ಕೆ ಬರುತ್ತೆ.

ಮೂಲ

7. ಮೂಗಲ್ಲಿ ರಕ್ತ ಬರ್ತಿದ್ರೆ ಮೂಗು ಮತ್ತೆ ತುಟಿ ಸೇರೋ ಜಾಗದಲ್ಲಿ ಒತ್ತಿ ಹಿಡಿರಿ

ಮೂಗಿಗೆ ಹೋಗೊ ರಕ್ತನಾಳನ ತಡೆಗಟ್ಟಿದಹಾಗೆ ಆಗೋದ್ರಿಂದ ರಕ್ತ ಬರೋದು ನಿಲ್ಲುತ್ತೆ.

ಮೂಲ

8. ಸುಟ್ಟ ಗಾಯಕ್ಕೆ ತಣ್ಣೀರೇ ಮದ್ದು

ಅದೇ ಹಳೆ ಉಪಾಯ ಸಹಾಯ ಮಾಡುತ್ತೆ.

ಮೂಲ

9. ನಿಮಗೆ ತುಂಬಾ ಭಯ ಆದಾಗ ಹೆಬ್ಬೆಟ್ಟು ಊದ್ಕೊಳಿ

ಹೀಗೆ ಮಾಡೋದ್ರಿಂದ ರಕ್ತದೊತ್ತಡ ಕಡಿಮೆ ಆಗಿ ಭಯ ಆಗೋದಿಲ್ಲ.

ಮೂಲ

10. ಐಸ್ ಕೋಲ್ಡ್ ತಿಂದು ತಲೆಯೆಲ್ಲಾ ಕೋಲ್ಡ್ ಆಗ್ತಿದ್ರೆ ನಾಲಿಗೆಯಿಂದ ಬಾಯಿ ಮೇಲ್ಭಾಗಾನ ಒತ್ತಿಟ್ಟುಕೊಳ್ಳಿ

ಬೇಸಿಗೇಲಿ ಅಥವಾ ತುಂಬ ಬಿಸಿಲಿದ್ದಾಗ ನೀವು ತಣ್ಣಗಿರೋ ಐಸ್ ಕ್ರೀಂ ಅಥವಾ ಜ್ಯುಸ್ ಕುಡಿದ್ರೆ ಹೀಗಾಗುತ್ತೆ. ಇದು ಮುಂದುವರೆದ್ರೆ ನಿಮ್ಮ ಮೈ ಬಿಸಿಯಾಗಿ ತಲೆನೋವು ಬರಬಹುದು. ಇದರಿಂದ ಪಾರಾಗೋಕೆ ನಿಮ್ಮ ನಾಲಿಗೆಯಿಂದ ಬಾಯಿಯ ಮೇಲಿನ ಭಾಗಾನ ಒತ್ತಿಟ್ಟುಕೊಳ್ಳಿ.

ಮೂಲ

11. ನಿಮ್ಮ ಕೈ ಸೋತಿದ್ರೆ ಕತ್ತಾಡಿಸಿ

ನಿಮ್ಮ ಕೈಗಳು ಎತ್ತೋಕಾಗದೆ ಸೋತಿದ್ರೆ ಆಗ ನಿಮ್ಮ ಕೈಗಳ ನರದಲ್ಲಿ ತಡೆಯಾಗಿದೆ ಅಂತರ್ಥ. ಆಗ ನಿಮ್ಮ ಕುತ್ತಿಗೆ ಹೀಗೆ ಆಡಿಸಿದ್ರೆ ಅವು ಸಡಿಲ ಆಗುತ್ವೆ.

ಮೂಲ

12. ಬೇಗ ನಿದ್ದೆ ಮಾಡೋಕೆ ಏನು ಮಾಡಬೇಕು ಗೊತ್ತಾ?

ಬೆಳಗ್ಗೆ ಎದ್ದ ತಕ್ಷಣ ಹಾಸಿಗೆ ಇಂದ ಹೊರ ಬಂದ್ರೆ ಮತ್ತೆ ಮಲಗೋ ವರೆಗೂ ಹಾಸಿಗೆಗೆ ಹೋಗಬೇಡಿ. ಹೀಗೆ ಮಾಡೋದ್ರಿಂದ ನಿಮ್ಮ ದೇಹಕ್ಕೆ ಹಾಸಿಗೆಗೆ ತಲೆ ಕೊಟ್ಟ ತಕ್ಷಣ ಮಲಗೋ ಅಭ್ಯಾಸ ಆಗುತ್ತೆ.

ಮೂಲ

13. ಬೇಗ ಏನನ್ನಾದ್ರೂ ನೆನಪಿಟ್ಟುಕೊಳ್ಳೋಕೆ ಹೀಗೆ ಮಾಡಿ

ಬೇಗ ನೆನಪಿಟ್ಟಿ ಕೊಳ್ಳಬೇಕು ಅದೂ ತುಂಬಾ ದಿನಗಳವರೆಗೆ ಅಂತಿದ್ರೆ ರಾತ್ರಿ ಮಲಗೋ ಹೊತ್ತಲ್ಲಿ ಆ ವಿಷಯದ ಬಗ್ಗೆ ಆಲೋಚಿಸಿ, ಆಗ ನಿಮ್ಮ ಮೆದುಳು ಅದನ್ನ ಸುಲಭವಾಗಿ ಮರೆಯಲ್ಲ.

ಮೂಲ

14. ಓಡೋವಾಗ ನಿಮ್ಮ ಎಡಗಾಲು ಮುಂದಿಟ್ಟಾಗಲೆಲ್ಲಾ ಉಸಿರನ್ನ ಹೊರಗೆ ಬಿಡಿ 

ಇದ್ರಿಂದ ನಿಮ್ಮ ದೇಹದ ಎಡಭಾಗಕ್ಕೆ ನೋವಾಗಲ್ಲ. ನಿಮ್ಮ ಲಿವೆರ್ ಒತ್ತಡ ಹೇರೋದ್ರಿಂದ ಓಡೋವಾಗ ದೇಹದ ಎಡಭಾಗಕ್ಕೆ ನೋವಾಗೋದು. ಇದನ್ನ ತಡೆಯೋಕೆ ಎಡಗಾಲು ಮುಂದಿಟ್ಟಾಗಲೆಲ್ಲಾ ಉಸಿರನ್ನ ಹೊರಗೆ ಬಿಡ್ಬೇಕು

ಮೂಲ

15. ಈಜೋಕೆ ನೀರಿಗೆ ಜಿಗಿದಾಗ ತುಂಬ ಆಳಕ್ಕೆ ಇಳಿಬೇಕು ಅಂದ್ರೆ ಮುಂಚೇನೆ ಕೆಲವು ಬಾರಿ ಬೇಗ ಉಸಿರಾಡಿ

ನೀರಿಗೆ ಜಿಗಿಯೋಕೆ ಮುಂಚೆ ಕೆಲವು ಬಾರಿ ಬೇಗ ಉಸಿರಾಡಿ ಹೇಗೆ ಮಾಡೋದ್ರಿಂದ ನಿಮಗೆ ಹೆಚ್ಚು ಹೊತ್ತು ಉಸಿರು ಹಿಡಿದಿಟ್ಟುಕೊಳ್ಳೋಕೆ ಸಾಧ್ಯ ಆಗುತ್ತೆ. ಆಗ ನೀವು ಆಳಕ್ಕೆ ಜಿಗಿಬಹುದು.

ಮೂಲ

ಏನು ಆಶ್ಚರ್ಯ ಆಗ್ತಿದ್ಯಾ? ವಿಚಿತ್ರ ಅನ್ಸಿದ್ರೂ ಇವೆಲ್ಲ ನಿಜಾ... ಬೇಕಾದ್ರೆ ಟ್ರೈ ಮಾಡಿ ನೋಡಿ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: