ನಿಮ್ಮ ಕಣ್ಣು ಹೆಂಗಿದೆ ಅನ್ನೋದ್ರಿಂದ ನಿಮ್ಮ ಆರೋಗ್ಯದ ಬಗ್ಗೆ ಈ 8 ವಿಷಯ ಗೊತ್ತಾಗುತ್ತೆ

ಕಣ್ಣು ಏನು ಮಾತಾಡುತ್ತೆ ತಿಳ್ಕೊಳ್ಳಿ

ಕಣ್ಣು ಮನಸ್ಸಿನ ಕನ್ನಡಿ ಅಂತ ಹೇಳೋದನ್ನ ನಾವೆಲ್ರೂ ಕೇಳ್ತಾನೇ ಇರ್ತೀವಿ. ಯಾರು ಹೇಳಿದ್ರೋ ಏನೋ, ಕಣ್ಣು ದೇಹದ ಖಾಯಿಲೆಗಳ ಬಗ್ಗೆ ಸಾಕಷ್ಟು ಹೇಳುತ್ತೆ ನೋಡಿ.

1. ಪದೇ ಪದೇ ಕಣ್ಣಲ್ಲಿ ಕುರು ಆದ್ರೆ ತುಂಬಾ ದಿನ ಆದ್ರೂ ವಾಸಿ ಆಗ್ದೇ ಇದ್ರೆ ಕ್ಯಾನ್ಸರ್ ಕೂಡ ಆಗಿರ್ಬೋದು

ಕೆಲವು ಬೆವರು ಗ್ರಂಥಿಗಳಲ್ಲಿ ತಡೆ ಆದ್ರೆ ಕಣ್ನಲ್ಲಿ ಕುರು ಆಗತ್ತೆ. ಇದು ತಾನಾಗೇ ವಾಸಿ ಆಗುತ್ತೆ , ಅಕ್ಕಸ್ಮಾತ್ ವಾಸಿ ಆಗ್ತಾನೇ ಇಲ್ಲ ಅಂದ್ರೆ ಅಥ್ವಾ ಆಗಾಗ ಬರ್ತಿದ್ರೆ ನೀವು ಆದಷ್ಟು ಬೇಗ ಡಾಕ್ಟರ್ ಹತ್ರ ತೋರಿಸ್ಬೇಕು ಅಂತರ್ಥ.

ಕೆಲವೊಮ್ಮೆ ಕಣ್ಣಲ್ಲಿರೋ ಗ್ರಂಥಿಗಳಲ್ಲಿ ಕ್ಯಾನ್ಸರ್ ಆದರೂ ಹೀಗಾಗುತ್ತೆ.

ಮೂಲ

2. ಹುಬ್ಬಿನ ಕೂದಲು ಉದುರುತ್ತಿದ್ರೆ ಥೈರಾಯಿಡ್ ತೊಂದ್ರೆ ಇರ್ಬೋದು

ವಯಸ್ಸಾಗ್ತಿದ್ರೆ, ಒತ್ತಡ ಜಾಸ್ತಿ ಇದ್ರೆ ಅಥ್ವಾ ನೀವು ತಿನ್ನೋ ಆಹಾರದಲ್ಲಿ ಪೌಷ್ಟಿಕಾಂಶದ ಕೊರತೆ ಇದ್ರೆ, ಬೊಕ್ಕ ತಲೆ ಆಗ್ತಿದ್ರೆ ಹೀಗಾಗುತ್ತೆ.

ಥೈರಾಯಿಡ್ ಹಾರ್ಮೋನ್ ಕಡಿಮೆ ಆದ್ರೂ ಹೀಗಾಗುತ್ತೆ. ಹಾಗಾಗಿ ಡಾಕ್ಟರ್ನ ಆದಷ್ಟು ಬೇಗ ಭೇಟಿ ಮಾಡ್ಬೇಕು.

ಮೂಲ

3. ಕಣ್ಣು ಮಂಜಾಗ್ತಿದ್ರೆ ಹೆಚ್ಚು ಕಂಪ್ಯೂಟರ್ ಮುಂದೆ ಇರ್ಬೇಡಿ

ಅತಿ ಹೆಚ್ಚು ಹೊತ್ತು ಕಂಪ್ಯೂಟರ್ ಮುಂದೆ ಕೂರೋರಲ್ಲಿ ಕಣ್ಣು ಉರಿ ಅಥ್ವಾ ಮಂಜಾಗುತ್ತೆ. ಇತ್ತೀಚೆಗೆ ಇದಕ್ಕೆ "ಡಿಜಿಟಲ್ ಐ ಸ್ಟ್ರೈನ್" ಅಥ್ವಾ "ಡಿಜಿಟಲ್ ಐ ಸಿಂಡ್ರೋಮ್" ಅಂತಾರೆ.

ಮೂಲ

4. ನೀವು ನೋಡೋವಾಗ ಅಲ್ಲಲ್ಲಿ ಮಂಜು ಮಂಜಾಗಿ ಕಂಡ್ರೆ ಮೈಗ್ರೇನ್ ಇದ್ಯಾ ನೋಡ್ಕೊಳ್ಳಿ

ಮೈಗ್ರೇನ್ ತಲೆ ನೋವಿದ್ದವರಿಗೆ ಹೀಗೆ ಕಾಣುತ್ತೆ. ಮಂಜಾಗೋದರ ಜೊತೆಗೆ ಮಿಂಚು ಅಥವಾ ಅಲೆಗಳ ಹಾಗೆ ಕಂಡ್ರೆ ನೀವು ಡಾಕ್ಟರ್ ಹತ್ರ ಈಗ್ಲೇ ಹೋಗೋದು ಉತ್ತಮ. 

ಮೂಲ

5. ಕಣ್ಣು ಊದಿದ ಹಾಗೆ ಇದ್ರೆ ಥೈರಾಯಿಡ್ ತೊಂದ್ರೆ ಇರ್ಬೋದು

ನಿಮ್ಮ ಕಣ್ಣು ಆಗಾಗ ಊದತ್ತೆ ಮತ್ತೆ ಆಗಾಗ ಉಜ್ಜಿ ಉಜ್ಜಿ ನೋಡೋದು ಸ್ಪಷ್ಟವಾಗಿ ಕಾಣೋದಾದ್ರೆ ನಿಮಗೆ  ಥೈರಾಯಿಡ್ ತೊಂದ್ರೆ ಇರೋ ಸಾಧ್ಯತೆ ಇರುತ್ತೆ. ಇದನ್ನ "ಗ್ರೇವ್ಸ್ ಐ ಡಿಸೀಸ್" ಅಂತಾರೆ.

ಮೂಲ

6. ಕಣ್ಣು ಹಳದಿಗಟ್ಟಿದ್ರೆ ಕಾಮಾಲೆ ಆಗಿರುತ್ತೆ

ಲಿವರ್ ಅಥವಾ ಗಾಲ್ ಬ್ಲಾಡರ್ನಲ್ಲಿ ಏನಾದ್ರೂ ತೊಂದ್ರೆ ಆದಾಗ ನಿಮ್ಮ ಕಣ್ಣು ಹಳದಿಗಟ್ಟುತ್ತೆ. ಈ ತೊಂದ್ರೆ ದೊಡ್ಡೋರಲ್ಲಿ ಮಾತ್ರ ಅಲ್ಲ ಆಗತಾನೇ ಹುಟ್ಟಿದ ಮಕ್ಕಳಿಗೂ ಆಗ್ಬಹುದು. 

ಮೂಲ

7. ಸಕ್ಕರೆ ಖಾಯಿಲೆ ಇದ್ರೆ ದೃಷ್ಟಿ ಅಸ್ಪಷ್ಟವಾಗತ್ತೆ

ಕಣ್ಣಿನ ರಕ್ತನಾಳಗಳಲ್ಲಿ ತೊಂದ್ರೆ ಆಗೋದ್ರಿಂದ ಸಕ್ಕರೆ ಖಾಯಿಲೆ ಇರೋರಿಗೆ ಹೀಗಾಗುತ್ತೆ ನಿಮಗೆ ಗೊತ್ತಿರ್ಲಿ. ಇದನ್ನ ಡಯಾಬಿಟಿಕ್ ರೆಟಿನೋಪಥಿ ಅಂತಾರೆ.

ಮೂಲ

8. ದೃಷ್ಟಿ ವ್ಯತ್ಯಾಸ ಇದ್ರೆ ಕಣ್ಣೊಂದೇ ಅಲ್ದೇ ದೇಹದ ಬೇರೇ ಭಾಗದಲ್ಲೂ ತೊಂದರೆ ಇರ್ಬಹುದು 

ನಿಮ್ಮ ದೃಷ್ಟಿಲಿ ಏನೇ ವ್ಯತ್ಯಾಸ ಕಂಡರೂ ಎಚ್ಚರಿಕೆ ಇರಲಿ ನೀವು ಎಷ್ಟು ಬೇಗ ವೈದ್ಯರನ್ನ ಭೇಟಿ ಮಾಡ್ತೀರೋ ಅಷ್ಟೂ ಒಳ್ಳೇದು.

ಮೂಲ

ನಿಮ್ಮ ಕಣ್ಣು ನಿಮಗೇನು ಹೇಳ್ತಿದೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: