ನಿಮ್ಮ ಕಿವಿ ಹೆಂಗಿದೆ ಅನ್ನೋದರ ಮೇಲೆ ನಿಮ್ಮ ವ್ಯಕ್ತಿತ್ವದ ಬಗ್ಗೆ ಇಷ್ಟು ಹೇಳಬಹುದು

ತುಂಬ ಚಿಕ್ಕದಾ?‌ ಹಾಗಾದ್ರೆ ಎಚ್ಚರಿಕೆಯಿಂದ ಕೆಲಸ ಮಾಡ್ತೀರಿ

ಪ್ರತಿಯೊಬ್ರಿಗೂ ಅವರ ವ್ಯಕ್ತಿತ್ವದ ಬಗ್ಗೆ ತಿಳ್ಕೊಳ್ಳೋ ಆಸಕ್ತಿ ಇರುತ್ತೆ. ಅದೂ ಅವರ ಬಗ್ಗೆ ಅವರ ದೇಹದ ರಚನೇನೆ ಹೇಳುತ್ತೆ ಅಂದ್ರೆ ಕಾತರದ ಜೊತೆ ಆಶ್ಚರ್ಯನೂ ಆಗದೇ ಇರಲಾರ್ದು ಅಲ್ವ?

ಹಾಗಿದ್ರೆ ನಿಮ್ಮ ಕಿವಿ ಹೇಗಿದೆ, ಜೊತೆಲಿ ನಿಮ್ಮ ಬಗ್ಗೆ ನಿಮ್ಮ ಕಿವಿ ಏನು ಹೇಳುತ್ತೆ ತಿಳ್ಕೊಳ್ಳಿ..

1. ಕಿವಿಯ ಕೆಳಭಾಗ ಮುಖದಿಂದ ಬೇರೆ ಆಗಿದ್ರೆ

ನೀವು  ಸ್ವತಂತ್ರ ವ್ಯಕ್ತಿ ಹಾಗೂ ಸಕಾರತ್ಮಕ ಚಿಂತಕರು.  ಪ್ರೀತಿ ಮಾಡೊದ್ರಲ್ಲಿ ಜಯಿಸೋದ್ರಲ್ಲಿ ಸಾಹಸಿಗಳು ಹಾಗೆ ಸ್ಪುರದ್ರೂಪಿಗಳು. ನಿಮ್ಮ ಆತ್ಮವಿಶ್ವಾಸ ಎಲ್ರಿಗೂ ಸ್ಪೂರ್ತಿ ಆಗುತ್ತೆ.

ಮೂಲ

2. ಕಿವಿಯ ಕೆಳಭಾಗ ಮುಖಕ್ಕೆ ಅಂಟಿದ ಹಾಗಿದ್ರೆ

ನಿಮ್ಮದು ಸ್ಥಿರ ವ್ಯಕ್ತಿತ್ವ, ಜೀವನದಲ್ಲಿ ಗುರಿ ಕಡೆಗೆ ಮುನ್ನುಗ್ತೀರಿ. ನೀವು ಯಾರನ್ನದ್ರೂ ಬೇಗ ಹಚ್ಕೊತೀರಿ ಹಾಗೆ ಗಾಢವಾಗಿ ಪ್ರೀತಿಸ್ತೀರಿ

ಮೂಲ

3. ಕಿವಿ ಡೈಮಂಡ್ ತರ ಕಂಡ್ರೆ

ನೀವು ಕ್ರಿಯಾಶೀಲರು. ಜನ ನಿಮ್ಮನ್ನ ಗಮನಿಸಲಿ ಹಾಗೆ ಪ್ರಾಮುಖ್ಯತೆ ಕೊಡ್ಲಿ ಅಂತ ಆಶಿಸ್ತೀರಿ. ಒಮ್ಮೆ ಇದ್ದ ಹಾಗೆ ಮತ್ತೊಮ್ಮೆ ಮೂಡ್ ಇರಲ್ಲ. ನಿಮ್ಮ ಸ್ನೇಹಿತ್ರಿಗೆ ನೀವೇನು ಅಂತ ಅರ್ಥ ಮಾಡ್ಕೊಳ್ಳೋದು ತುಂಬ ಕಷ್ಟ.

ಮೂಲ

4. ಕಿವಿ ರೆಕ್ಟಾಂಗಲ್ ತರ ಇದ್ರೆ

ನೀವು ನಂಬಿಕೆಗೆ ಅರ್ಹರು, ಮಾತಿಗೆ ನಿಲ್ತೀರಿ. ನೀವು ಕೆಲಸದಲ್ಲಿ ನಿಪುಣರು ಮತ್ತೆ ಯಾವುದೇ ಕೆಲ್ಸ ಪೂರ್ತಿ ಮುಗಿಸ್ತೀರಿ. ಹಾಗಾಗಿ ನಿಮ್ಮ ಸುತ್ತಮುತ್ತ ಸಣ್ಣ ಪುಟ್ಟ ವ್ಯತ್ಯಾಸಗಳು ಆಗೋದು ನಿಮಗೆ ಹಿಡ್ಸಲ್ಲ.

ಮೂಲ

5. ತುಂಬ ಚಿಕ್ಕ ಕಿವಿ ಆದ್ರೆ

ನೀವು ನಮ್ರಾರಾಗಿರ್ತೀರಿ, ಎಚ್ಚರಿಕೆಯಿಂದ ಕೆಲಸಗಳ್ನ ಮಾಡ್ತೀರಿ. ನಿಮ್ಮ ಕಿವಿಹಾಳೆ ಇನ್ನೂ ಮಂದ ಇದ್ರೆ ನೀವು ಇನ್ನೂ ಹೆಚ್ಚು ಮೃದು, ನಮ್ರ ಹಾಗೂ ಭಯಸ್ತರು.

ಮೂಲ

6. ದೊಡ್ಡ ಕಿವಿ ಆದ್ರೆ

ನೀವು ಮಾತುಗಾರರು, ಕ್ರಿಯಾಶೀಲರು. ನೀವು ಮಾತುಗಳನ್ನ ಕ್ರಿಯೆಗೆ ತರೋಕೆ ತುಂಬ ಸಮಯ ತೊಗೊಳಲ್ಲ. ಬೇರೆಯವರ ಮಾತನ್ನ ಪಾಲಿಸೋಕ್ಕೆ ಇಷ್ಟ ಪಡಲ್ಲ.

ಮೂಲ

7. ದೊಡ್ದದಾಗಿ ತೆಳುವಾದ ಕಿವಿ 

ನೀವು ಅಧ್ಯಾತ್ಮದತ್ತ ಮುನ್ನುಗ್ಗುತೀರಿ ಜೊತೇಲಿ ಜೀವನದಲ್ಲಿ ಎತ್ತರಕ್ಕೆ ಏರ್ತೀರಿ.

ಮೂಲ

8. ಗುಂಡಾದ ಕಿವಿ

ನೀವು ಎಲ್ಲರ ಮಧ್ಯೆ ಗುರ್ತಿಸ್ಕೊಳ್ಳೋಕೆ ಇಷ್ಟ ಪಡ್ತೀರಿ. ನೀವು ಸುಖ ಜೀವಿಗಳು. ನಿಮಗೆ ಸ್ನೇಹಿತರು ಹೆಚ್ಚು.

ಮೂಲ

9. ಕಿವಿಹಾಳೆ ಮಂದ ಆದ್ರೆ

ನೀವು ಕಷ್ಟಜೀವಿಗಳು, ಯಾವುದೇ ಸಂಬಂಧಕ್ಕೆ ಬಧ್ಧರಾಗಿರ್ತೀರಿ. ಹೆಣ್ಣು ಮಕ್ಕಳಿಗೆ ಇಂತಹ ಕಿವಿ ಇದ್ರೆ ಅವರ ಗಂಡಂದಿರು ತುಂಬಾ ಅದೃಷ್ಟ ಮಾಡಿರ್ತಾರೆ. 

ಮೂಲ

10.  ಮುಖಕ್ಕಿಂತ ಕಿವಿ ಬಣ್ಣ ತೆಳುವಾಗಿದ್ರೆ

ಇದು ಒಳ್ಳೆ ಲಕ್ಷಣ. ಈ ರೀತಿ ಕಿವಿ ಇದ್ದವರಿಗೆ ನಾಯಕರಾಗೋ ಗುಣ ಇರುತ್ತೆ ಜೊತೇಲಿ ಗೌರವ ಸಂಪಾದಿಸ್ತಾರೆ.

ಮೂಲ

ನಿಮ್ಮ ಕಿವಿ ಹೇಗಿದೆ, ನಿಮ್ಮ ಲಕ್ಷಣ ಸರಿ ಇದ್ಯಾ? 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: