ಜೀವನದಲ್ಲಿ ಈ 12 ಅನುಭವಗಳಾದ್ರೆ ಹೊಸ ಹೊಸ ಸಾಧ್ಯತೆಗಳು ಕಾಣಿಸಕ್ಕೆ ಶುರು ಆಗಿ ತುಂಬ ಬೆಳೀತೀರಿ

ಕೆಲವೊಂದ್ಸಲ ನಾವೇ ಬೇಡ ಅಂತ ಬಿಟ್ಟುಬಿಡ್ತೀವಿ

ಜೀವನ ಅನುಭವಗಳ ಸಂತೆ ಅಂತಾರೆ. ಅದು ಕೆಟ್ಟದ್ದೋ ಒಳ್ಳೋದೋ ಎಲ್ಲರಿಗು ಒಂದಲ್ಲ ಒಂದು ಅನುಭವ ಆಗೇ ಇರುತ್ತೆ. ಅದರಿಂದ ಪಾಠನೂ ಕಲಿತಿರ್ತೀವಿ. ಆದ್ರೆ ಕೆಲವೊಂದು ಅನುಭವಗಳನ್ನು ಅನುಭವಿಸಿಯೇ ತೀರಬೇಕು. ಕೆಳಗೆ ಕೊಟ್ಟಿರೋ 12 ಅನುಭಗಳು ನಿಮಗೆ ಆದರೆ ಜೀವನದಲ್ಲಿ ಹೊಸ ಹೊಸ ಸಾಧ್ಯತೆಗಳು ಕಾಣಿಸಕ್ಕೆ ಶುರು ಆಗುತ್ತೆ. ಬೆಳೀತೀರಿ. ಒಂದೊಂದಾಗಿ ಬರೋಣ್ವಾ?

1. ಯಾವುದಾದರೂ ಬೇರೆ ದೇಶದಲ್ಲಿ ವಾಸ ಮಾಡೋಂತ ಅನುಭವ

ಹೊಸ ಊರು, ಪರಿಚಯಸ್ಥರು, ಗೆಳೆಯ ಗೆಳತಿ ಯಾರೂ ಇರಲ್ಲ. ಒಂಥರಾ ಏಕಾಂಗಿ ಬದುಕು ಅನ್ನಿಸಿಬಿಡುತ್ತೆ. ಈ ಅನುಭವ ಪಡಿಯೋಕೆ ಎಲ್ಲರ ಕೈಲೂ ಸಾಧ್ಯವಾಗಲ್ಲ. ಉದ್ಯೋಗ, ವ್ಯಾಪಾರಕ್ಕಾಗಿ ಪರಸ್ಥಳಗಳಿಗೆ ಹೋಗೋಂತವರಿಗೆ ಮಾತ್ರ ಈ ರೀತಿ ಅನುಭವ ಆಗಿರುತ್ತೆ. ಈ ರೀತಿ ಅನುಭವಾನ ನೀವು ಯಾಕೆ ಒಂದ್ಸಲ ಪಡ್ಕೋಬಾರ್ದು?

ಮೂಲ

2. ಅತಿಯಾದಂತ ದುಃಖ, ಹೃದಯ ಚೂರುಚೂರಾಗೋಂತ ಅನುಭವ

ಈ ರೀತಿ ಎಲ್ಲರಿಗೂ ಆಗಕ್ಕೆ ಸಾಧ್ಯವಿಲ್ಲ ಬಿಡಿ. ಆದರೂ ಪ್ರತಿಯೊಬ್ರ ಜೀವನದಲ್ಲೂ ಒಂದಲ್ಲ ಒಂದ್ಸಲ ಅತಿಯಾದ ದುಃಖ, ಹೃದಯ ಚೂರುಚೂರಾಗೋಂತ ಅನುಭವ ಸಂಭವಿಸುತ್ತದೆ. ಇದ್ರಿಂದ ಧೃತಿಗೆಡಬಾರದು. ಶಿಲ್ಲಿ ಕೆತ್ತಿದಷ್ಟೂ ಸುಂದರವಾಗಿರೋಂತ ಮೂರ್ತಿ ಹೇಗೆ ರೂಪಗೊಳ್ಳುತ್ತೋ ಹಾಗೆ ನಮ್ಮ ಮನಸ್ಸು ಈ ರೀತಿ ಅನುಭವಗಳಿಂದ ವಿಕಾಸ ಆಗುತ್ತೆ. ನಮ್ಮ ಎಲ್ಲಾ ಭ್ರಮೆಗಳನ್ನು ತೊಲಗಿಸುತ್ತವೆ ಈ ತರದ ಅನುಭವ. 

ಮೂಲ

3. ಯಾರೂ ಜೊತೆಗೆ ಇಲ್ದಂಗೆ ಒಬ್ಬರೇ ಪ್ರಯಾಣ ಹೊರಡುವ ಅನುಭವ

ನಿಮ್ಮನ್ನ ನೀವು ಚೆನ್ನಾಗಿ ಅರ್ಥ ಮಾಡ್ಕೋಬೇಕು ಅಂದ್ರೆ ಈ ತರದ ಅನುಭವನ್ನ ಪಡೇಲೇಬೇಕು. ಸಾಧ್ಯವಾದರೆ ಟ್ರೈ ಮಾಡಿ. ಗಂಟುಮೂಟೆ ಕಟ್ಕೊಂಡು ಒಬ್ರೇ ಪ್ರವಾಸ, ಪ್ರಯಾಣ ಹೊರಟುಬಿಡಿ. ಜೊತೆಗೆ ಯಾರೂ ಇಲ್ಲ. ಹೆಂಗ್ ಹೋಗೋದು ಅಂದ್ಕೊಳ್ಳೋರೆ ಜಾಸ್ತಿ. ಈ ರೀತಿ ಮಾಡೋದ್ರಿಂದ ನಿಮ್ಮನ್ನ ನೀವು ಚೆನ್ನಾಗಿ ಅರ್ಥ ಮಾಡ್ಕೊಳ್ಳಕ್ಕೆ ಸಾಧ್ಯವಾಗುತ್ತೆ.

ಮೂಲ

4. ಅನುಭವಿಸಿಯೇ ತೀರಬೇಕು ಸಾಕುನಾಯಿ ಜೊತೆಗಿನ ಒಡನಾಟ

ಮನುಷ್ಯ ಮನುಷ್ಯರ ನಡುವಿನ ಒಡನಾಡ ಬಿಟ್ಟಾಕಿ. ಸಾಕುನಾಯಿ ಜೊತೆಗಿನ ಒಡನಾಡದಿಂದ ಆಗೋಂತ ಅನುಭವ ನಿಜಕ್ಕೂ ನಮ್ಮ ಮನಸ್ಸನ್ನ ಅರಳಿಸತ್ತೆ. ಜೀವನದಲ್ಲಿ ಈ ರೀತಿಯ ಒಡನಾಡ ಇನ್ಯಾವುದರಲ್ಲೂ ಸಿಗಲ್ಲ. ನಂಬಿಕೆ ಅಂದ್ರೆ ಏನು, ಏನನ್ನೂ ನಿರೀಕ್ಷಿಸದೆ ಪ್ರೀತಿಸೋದು ಹೇಗೆ ಅಂತ ಈ ಅನುಭವ ಹೇಳಿಕೊಡುತ್ತೆ. 

ಮೂಲ

5. ಜೀವನದಲ್ಲಿ ಒಮ್ಮೆನಾದ್ರೂ ಕಂಠಪೂರ್ತಿ ಕುಡಿದು ಎಂಜಾಯ್ ಮಾಡೋಂತ ಅನುಭವ

ಮಿತಿಯಿಲ್ಲದ ಕುಡಿತ ಕೆಟ್ಟದ್ದು ಅಂತ ಎಲ್ರಿಗೂ ಗೊತ್ತು (ಮಿತಿಯಲ್ಲಿದ್ರೆ ಅದರ ಕಥೇನೇ ಬೇರೆ). ಆದ್ರೆ ಜೀವನದಲ್ಲಿ ಒಮ್ಮೆನಾದ್ರೂ ಕುಡೀದಿದ್ರೆ ನಿಮಗೆ ಈ ಅನುಭವ ಸಿಗಲ್ಲ. ಜವಾಬ್ದಾರಿ ಅರಿತು ಕುಡಿಯೋದ್ರಿಂದ ನಿಮ್ಮ ಆಲೋಚನೆಗಳಿಗೆ ರೆಕ್ಕೆ ಬರುತ್ತೆ. ಹೊಸ ಹೊಸ ಕನಸುಗಳಿಗೆ ಉತ್ತೇಜನ ಸಿಗುತ್ತೆ. ಮೈಮರೆತು ಒಮ್ಮೆನಾದ್ರೂ ಕುಡಿದು ಬಿಡಿ, ಏನಾಗಲ್ಲ!

ಮೂಲ

6. ಮೂವತ್ತು ವರ್ಷ ದಾಟೋಕು ಮುನ್ನ ಒಂದು ರೋಡ್ ಟ್ರಿಪ್ ಹೋಗೋಂತ ಅನುಭವ

ಯಾವಾಗ್ಲೂ ಗೊತ್ತಿರೋಂತ ಸ್ಥಳಗಳಿಗೆ ಹೋಗೋದ್ರಲ್ಲಿ ಅಂತಾ ಏನ್ ಮಜಾ ಇರಲ್ಲ. ಅದ್ರಲ್ಲೂ ಹೊಸ ರೂಟು, ಹೊಸ ರೋಡು ಹುಡುಕಿಕೊಂಡು ಹೊರಡಿ. ಜೊತೆಗೆ ಗೆಳೆಯ/ಗೆಳತಿ ಇರ್ಲಿ. ಈ ಅನುಭವಾನ ಮೂವತ್ತು ವರ್ಷ ದಾಟೋಕು ಮುನ್ನ ಪಡ್ಕೊಂಡ್ರೆನೇ ನಿಜವಾದ ಥ್ರಿಲ್ ಸಿಗೋದು. 

ಮೂಲ

7. ಏಕಾಂಗಿಯಾಗಿ ಇದ್ದು ನೋಡಿ, ನಿಮ್ಮೊಳಗಿನ ಹೊಸ ವ್ಯಕ್ತಿ ಪರಿಚಯವಾಗ್ತಾನೆ

ಈ ತರದ ಅನುಭವ ಪಡ್ಕೋಬೇಕು ಅಂದ್ರೆ ಏಕಾಂಗಿಯಾಗಿ ಒಂದಷ್ಟು ದಿನ ಕಳೀಬೇಕು. ಜೊತೆಗೆ ಯಾರೂ ಇರ್ಬಾದ್ರು. ಆಗ ನಿಮ್ಮನ್ನು ನೀವು ಅರ್ಥ ಮಾಡ್ಕೊಳ್ಳೋಕೆ, ನಿಮ್ಮೊಳೊಗಿನ ಹೊಸ ವ್ಯಕ್ತಿಯನ್ನು ಹೊರಗೆ ತರೋಕೆ ಸಾಧ್ಯವಾಗುತ್ತೆ.

ಮೂಲ

8. ಏನೇ ಕೆಲಸ ಮಾಡಿದ್ರೂ ಅತ್ಯುತ್ತಮವಾಗಿ ಮಾಡಿದಾಗ ಆಗೋ ಅನುಭವ

ಜೀವನದಲ್ಲಿ ಎಲ್ರೂ ಸುಮ್ನೆ ಏನೋ ಒಂದು ಕೆಲಸ ಮಾಡ್ಕೊಂಡ್ ಹೋಗ್ತಿತಾರ್ತೆ. ಕಡೆಗೆ ರಿಟೈರೂ ಆಗ್ತಾರೆ. ಗುರುತಿಸೋಂತ ಒಂದೇ ಒಂದು ಕೆಲಸಾನು ಮಾಡಿರಲ್ಲ. ಅದು ಎಷ್ಟೇ ಚಿಕ್ಕ ಕೆಲಸವಾದರೂ ಪರ್ವಾಗಿಲ್ಲ. ಜೀವನದಲ್ಲಿ ನಾನು ಮಾಡಿದಂತ ಅತ್ಯುತ್ತಮ ಕೆಲಸ ಅನ್ನೋ ಹಂಗೆ ಮಾಡಿ ನೋಡಿ. ಜಗತ್ತಿನಲ್ಲಿ ಏನೇ ಸಾಧಿಸಿದ ಅನುಭವ ನಿಮಗೆ ಸಿಗುತ್ತೆ. 

ಮೂಲ

9. ಸೋಲಿನ ಅನುಭವ

ಸೋಲೆ ಗೆಲುವಿನ ಸೋಪಾನ ಅನ್ನೋ ಮಾತು ಕೇಳೇ ಇರ್ತೀವಿ. ಸೋಲು ಗೆಲುವಿಗೆ ಮೆಟ್ಟಿಲಾಗುತ್ತೆ. ಸೋಲಿನಿಂದ ನಾನು ಪಾಠದ ಅನುಭವ ಕಲ್ತಿರ್ತೀವಿ. ಸೋಲ್ತೀವಿ ಅಂತ ಭಯ ಪಡಬೇಡಿ. ನಾನು ಸೋತಿದ್ದೀನಿ ಅಂತ ನಿಮಗೆ ಗೊತ್ತಾಗ್ಲಿಲ್ಲ ಅಂದ್ರೆ ಗೆಲುವನ್ನ ನಿರ್ಧರಿಸಕ್ಕಾಗಲ್ಲ. ಸೋತರೇನೆ ಗೆಲುವಿನ ಮಹತ್ವ ಗೊತ್ತಾಗೋದು. ಈ ಅನುಭವ ನಿಮಗೆ ಸಿಕ್ಕಿದ್ರೆ ಗೆಲ್ಲೋದು ಸುಲಭ. 

ಮೂಲ

10. ನನಗೆ ಯಾವ ಭಯವೂ ಇಲ್ಲ ಅನ್ನೋ ಅನುಭವ

ಜೀವನದಲ್ಲಿ ಪ್ರತಿಯೊಬ್ಬರಿಗೂ ಒಂದಲ್ಲ ಒಂದು ಭಯ ಇದ್ದೇ ಇರುತ್ತೆ. ಲವ್ ಮಾಡ್ತಿದ್ದೀನಿ ಅಂತ ಹೇಳೋಕೆ ಅಂಜಿಕೆ. ಕಾರು ಡ್ರೈವ್ ಮಾಡೋಕೆ ಭಯ. ಹೀಗೆ ನಾನಾ ತರದ ಭಯಗಳಿರ್ತಾವೆ. ಅವನ್ನೆಲ್ಲ ಒಂದ್ಸಲ ಮರೆತು ಮನಸ್ಸಿಂದ ಭಯ ಅನ್ನೋದನ್ನೇ ಕಿತ್ತುಬಿಸಾಕಿ ಅಂದ್ಕೊಂಡಿರೋಂತ ಕೆಲಸ ಮಾಡಿ ನೋಡಿ. ಆಗ ನೋಡಿ ನಿಮ್ಮ ಅನುಭವ ಹೇಗಿರುತ್ತೆ ಅಂತ.

ಮೂಲ

11. ನಗರಗಳಿಂದ ದೂರ ಹೋಗಿ ಪ್ರಕೃತಿಯ ಮಡಿಲಲ್ಲಿ ಬದುಕೋಂತ ಅನುಭವ 

ಅದೇ ಟ್ರಾಪಿಕ್ಕು, ಮಾಲಿನ್ಯ ಬಿಟ್ಟು ಸಂಪೂರ್ಣ ಹಸಿರು, ಕಾಡು ಇರೋಂತ ಪ್ರದೇಶದಲ್ಲಿ ಸ್ವಲ್ಪ ದಿನ ಇದ್ದು ಬರೋಂತ ಅನುಭವ. ಜೊತೆಗೆ ಯಾವ ಮೊಬೈಲು, ಟಿವಿ, ಗ್ಯಾಜೆಟ್ಜ್ ಏನೂ ಇರ್ಬಾದ್ರು. ಆ ರೀತಿಯ ವಾತಾವರಣದಲ್ಲಿ ಒಂದ್ಸಲ ಇದ್ದು ಬನ್ನಿ. ನಿಮ್ ಮನಸ್ಸನ್ನ ನೀವು ಇನ್ನೂ ಚೆನ್ನಾಗಿ ಅರ್ಥ ಮಾಡ್ಕೊಳ್ಳೋಕೆ ಸಾಧ್ಯವಾಗತ್ತೆ. ಜೊತೆಗೆ ಈ ಜಗತ್ತಿನಲ್ಲಿ ನೀವೆಷ್ಟು ಚಿಕ್ಕವರು ಅನ್ನೋದು ಗೊತ್ತಾಗುತ್ತೆ. 

ಮೂಲ

12. ಅಂಜಿಕೆಯನ್ನ ನುಚ್ಚುನೂರು ಮಾಡಿದ ಅನುಭವ

ಆಗ್ಲೇ ಹೇಳ್ದಂಗೆ ಭಯ, ಅಂಜಿಕೆ ಎಲ್ರಿಗೂ ಇದ್ದೆ ಇರುತ್ತೆ. ಆದರೆ ಅದನ್ನ ಎದುರಿಸೋದೆ ಜೀವನ. ನಿಮ್ಮ ಭಯಕ್ಕೆ, ಅಂಜಿಕೆಗೆ ಕಾರಣವಾಗಿರೋದು ಏನೂ ಅಂತ ಮೊದ್ಲು ತಿಳ್ಕೊಳ್ಳಿ. ಅದನ್ನ ಎದುರಿಸಿ, ಗೆಲ್ಲಿ. ಆಗ ಭಯ ಅನ್ನೋದು ನಿಮ್ಮ ಹತ್ರ ಸುಳಿಯಲ್ಲ. ಈ ಅನುಭವಾನ ಒಂದ್ಸಲಾನಾದ್ರೂ ಪಡ್ಕೊಳ್ಳಿ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನಾನು ಜೀವನದಲ್ಲಿ ಹಿಂದೆ ಬೀಳ್ತಾ ಇದೀನಿ ಅನ್ನೋ ಮುಳ್ಳು ಚುಚ್ತಾ ಇದ್ರೆ ಈ 30 ಮಾತು ನೆನಪಿಸಿಕೊಳ್ಳಿ

ವೇದಾಂತ ಗೀದಾಂತ ಅಲ್ಲ, ಸಿಂಪಲ್ ವಿಷಯಗಳು

ನಮ್ಮ ಪ್ರಕಾರ ನಾವು ಜೀವನದಲ್ಲಿ ಎಷ್ಟೇ ಗೆಲುವು ಸಾಧಿಸಿದ್ದರೂ… ನಮ್ಮ ಪ್ರಕಾರ ನಮಗೆ ಬೇಕಾದ್ದೆಲ್ಲ ಇದ್ದರೂ… ಬೇಕಾದೋರೆಲ್ಲ ಇದ್ದರೂ… ಜೀವನ ಒಂದೊಂದ್ಸಲ ನಮಗೆ "ನೀನು ಹಿಂದೆ ಬಿದ್ದಿದೀಯ" ಅನ್ನೋ ಸಂದೇಶ ಕೊಡುತ್ತೆ. ಈ ಸ್ಪರ್ಧಾತ್ಮಕ ಜಗತ್ತಿನ ವಿಚಿತ್ರ ಇದು. ಇಂಥ ಪ್ರಪಂಚದಲ್ಲಿ ಅನವಶ್ಯಕವಾಗಿ ಕೀಳರಿಮೆ ಮೂಡಬಾರದು ಅನ್ನೋದಾದರೆ ಈ 30 ಮಾತು ನೆನಪಿಸಿಕೊಳ್ಳಿ. ಇವೆಲ್ಲ ಏನು ದೊಡ್ಡ ವೇದಾಂತ ಅಲ್ಲ, ಆದರೂ ನಿಮಗೆ ತುಂಬ ಉಪಯೋಗಕ್ಕೆ ಬರುತ್ತವೆ:

  1. ನೀವು ನಿಮ್ಮ ಕೈಯಲ್ಲಿ ಆಗೋದೆಲ್ಲ ಮಾಡ್ತಿದೀರಿ.
  2. ನಿಮ್ಮ ಕೈಯಲ್ಲಿ ಆಗೋದೆಲ್ಲ ಮಾಡ್ತಿಲ್ಲ ಅನ್ನಿಸಿದರೆ ಇನ್ನೇನ್ ಮಾಡ್ಬೋದು ಅಂತ ಯೋಚನೆ ಮಾಡಿ, ಕೆಲಸದಲ್ಲಿ ತೊಡಗಿಕೊಳ್ಳಿ.
  3. ತುಂಬಾ ಅನುಭವ ಇರೋರು ಅಥವಾ ನಿಮಗಿಂತ ತುಂಬಾ ಹಿಂದೆ ಶುರು ಮಾಡ್ಕೊಂಡೋರ್ನ ನೋಡಿ ನಾನು ಹಿಂದೆ ಇದೀನಿ ಅನ್ಕೋಬೇಡಿ. ಅವರ ಜೊತೆ ಪೈಪೋಟಿಗೆ ಇಳಿಯೋದು ಪೆದ್ದತನ.
  4. ಎಲ್ಲರಿಗೂ ಅವರದೇ ಆದ ವೇಗ ಅಂತ ಇರುತ್ತೆ.
  5. ನಿಮಗೆ ತುಂಬ ಇಷ್ಟವಿದ್ದ ಕೆಲಸ ಸಿಗದೆ ಹೋದರೆ ನೀವು ವೇಸ್ಟು ಅಂತೆನಲ್ಲ. ಜಾತಕ ಹೊಂದಲಿಲ್ಲ ಅಂತ ಅರ್ಥ!
  6. ಈಗಲೂ ನೀವು ತುಂಬಾ ಜನರಿಗಿಂತ ಮುಂದಿದೀರಿ. ನೀವು ಹಿಂದೆ ಆಗಿದ್ದ ವ್ಯಕ್ತೀನೂ ಆ ಪಟ್ಟಿಯಲ್ಲಿ ಇದಾನೆ/ಳೆ.
  7. ನಿಮಗೆ ಯಾವ ತರಹದ ಭವಿಷ್ಯ ಬೇಕಾದರೂ ರೂಪಿಸಿಕೊಳಕ್ಕೆ ಅನುಮತಿ ಇದೆ.
  8. ಜೀವನ ಅಂದ್ರೆ ಹೀಗೇ ಇರಬೇಕು ಅಂತೆನಿಲ್ಲ, ನೀವು ನಡೆಸಿದ್ದೇ ಜೀವನ.
  9. ಮೂವತ್ತನೇ ವಯಸ್ಸಿಗಿಂತ ಮುಂಚೆ ಮದುವೆ ಆಗದೆ ಹೋದರೆ ಮುಗೀತು ಕಥೆ ಅನ್ಕೋಬೇಡಿ.
  10. ಏನಾದರೂ ಆಗಿಬಿಡೋಷ್ಟು ಶ್ರಮ ಪಟ್ಟು ಕೆಲಸ ಮಾಡಿ ಉಪಯೋಗ ಇಲ್ಲ. ಅದರಿಂದ ಸಿಗೋದು ಗೆಲುವಲ್ಲ, ನಿಃಶಕ್ತಿ.
  11. ಮನಸ್ಥಿತಿ ಸರಿಯಾಗಿಲ್ಲದೆ ಇದ್ದರೆ ನಿಮಗೆ ನೀವೇ ಎಷ್ಟು ಹೇಳಿಕೊಂಡರೂ ಸ್ಫೂರ್ತಿ ಬರಲ್ಲ.
  12. ನಿಮ್ಮ ವಯಸ್ಸು ಇಪ್ಪತ್ತು-ಚಿಲ್ಲರೆ ಆದರೆ ನಿಮ್ಮ ಮುಂದೆ ಇನ್ನೂ ಇಡೀ ಜೀವನವೇ ಇದೆ, ಅದರಲ್ಲಿ ಎಂಥ ಅದ್ಭುತಗಳಾಗುತ್ತವೆ ಅಂತ ಈಗಲೇ ಹೇಳಕ್ಕಾಗಲ್ಲ.
  13. ನಿಮಗೆ ಬೇಕಾದ ಸ್ಫೂರ್ತಿ ಸಿಕ್ಕಿಲ್ಲದೆ ಇರಕ್ಕೆ ಕಾರಣ ಸರಿಯಾದ ವ್ಯಕ್ತಿ ಇನ್ನೂ‌ ಸಿಕ್ಕಿಲ್ಲದೆ ಇರೋದು ಅನ್ನಿಸುತ್ತೆ.
  14. ಯಾವಾಗಲೂ ಹೀಗೇ ತುಸುಕ್ ಅಂತ ಕೂತಿರಲ್ಲ  ನೀವು.
  15. ನಿಮ್ಮ ಭಾವನೆಗಳು ಇನ್ನಷ್ಟು ಕೆಲಸ ಮಾಡೋದಕ್ಕೆ ಪ್ರೇರಣೆ ಆಗಬೇಕು, ಕಡಿಮೆ ಕೆಲಸ ಮಾಡಕ್ಕಲ್ಲ.
  16. ಸರಿಯಾದ ಜೀವನ, ತಪ್ಪು ಜೀವನ ಅಂತ ಏನೂ ಇರಲ್ಲ.
  17. ಸಮಯ ನಿಮ್ಮ ಹತೋಟಿಗೆ ಮೀರಿದ್ದು.
  18. ಮುಂದಿನ 24 ಗಂಟೆ ಬಗ್ಗೆ ಯೋಚನೆ ಮಾಡಿ. ಅದರಲ್ಲಿ ಸಾಧಿಸಕ್ಕೆ ಆಗೋದನ್ನೆಲ್ಲ ಸಾಧಿಸಿ.
  19. ಸಾಮಾಜಿಕ ತಾಣಗಳಲ್ಲಿ ಜನ ಬರೀ ಒಳ್ಳೇ ಸುದ್ದಿಗಳು, ಒಳ್ಳೇ ಫೋಟೋಗಳ್ನೇ ಹಂಚಿಕೊಳ್ಳೋದು. ಒಳಗೆ ಏನಿರುತ್ತೋ ಯಾರಿಗ್ ಗೊತ್ತು?
  20. ಇಲ್ಲೀವರೆಗೆ ನೀವು ಏನೇನು ಸಾಧಿಸಿದ್ದೀರಿ ಅಂತ ಮೆಲಕು ಹಾಕಿ.
  21. ಸದ್ಯಕ್ಕೆ ಒಂದು ದಿನಕ್ಕಿಂತ ಹೆಚ್ಚು ಪ್ಲಾನ್ ಮಾಡಬೇಡಿ.
  22. ಇನ್ನೂ ಮಾಡಕ್ಕೆ ತುಂಬಾ ಇದೆ ಅಂತ ಯೋಚನೆ ಮಾಡ್ಕೊಂಡ್ ಕೂತ್ಕೋಬೇಡಿ. ಅದರಿಂದ ಕೆಲಸ ಬೇಗೇನು ಆಗಲ್ಲ.
  23. ಬೇಕಾದಾಗ ಸಲಹೆ, ಸಹಾಯ ಕೇಳೋದ್ರಿಂದ ನೀವು ಇನ್ನಷ್ಟು ಬುದ್ಧಿವಂತರಾಗ್ತೀರಿ, ಇನ್ನಷ್ಟು ಗಟ್ಟಿ ಆಗ್ತೀರಿ.
  24. ನಿಮಗೆ ಸಹಾಯ ಮಾಡ್ದೋರ್ನ ನೆನಪಿಸಿಕೊಳ್ಳಿ. ಆಗ ಗೊತ್ತಾಗುತ್ತೆ, ನೀವು ಒಂಟಿ ಅಲ್ಲ ಅಂತ.
  25. ಕೆಲಸ ಮುಂದಕ್ಕೆ ಹೋಗ್ತಿಲ್ಲ ಅಂದಾಗ ನಿಮ್ಮ ಪ್ರಕಾರ ಅದ್ಭುತವಾಗಿ ಕೆಲಸ ಮಾಡೋರು ಯಾರನ್ನಾದರೂ ನೆನಪಿಸಿಕೊಳ್ಳಿ. ಆಗ ಮುಂದಕ್ಕೆ ಹೋಗುತ್ತೆ.
  26. ಕಾಲೇಜ್ ಮುಗಿಸಿದ ತಕ್ಷಣ ಕೆಲಸ ಸಿಕ್ಕಿಲ್ಲದೆ ಹೋದರೆ ನೀವು ವೇಸ್ಟು ಅಂತಲ್ಲ. ನಿಮಗೆ ಸರಿ ಹೋಗೋ‌ ಕೆಲಸಗಳು ಇನ್ನೂ‌ ನಿಮ್ಮ ಕಣ್ಣಿಗೆ ಬಿದ್ದಿಲ್ಲ ಅಂತ ಅರ್ಥ.
  27. ಚೆನ್ನಾಗಿ ಜೀವನ ಮಾಡೋದು ಅಂದ್ರೆ ಯಾವುದೇ ಚಿಂತೆ ಇಲ್ಲದೆ ಜೀವನ ಮಾಡೋದು.
  28. ನಿಮ್ಮ ತಂದೆ-ತಾಯಿ ಹೇಳಿದ್ದನ್ನೇ ನೀವು ಮಾಡಬೇಕು ಅಂತಿಲ್ಲ. ನಿಮ್ಮ ದಾರಿ ನೀವು ಕಂಡ್ಕೊಳಿ.
  29. ಎಷ್ಟು ಸಲ ಬೇಕಾದರೂ, ಯಾವಾಗ ಬೇಕಾದರೂ ನಿಮ್ಮ ಮನಸ್ಸು ಬದಲಾಯಿಸಿ. ಬೇಡ ಅನ್ನೋನ್ ಯಾವನು?
  30. ಎಲ್ಲಾ ಬೇಗ್-ಬೇಗ ಮಾಡೋದೇ ಪ್ರಗತಿ ಅನ್ನೋದು ಮೂರ್ಖತನ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: