ಆಕಸ್ಮಿಕವಾಗಿ ಕಾಣಿಸಿಕೊಂಡ ಈ 15 ಪ್ರತಿಬಿಂಬಗಳಲ್ಲಿ ನಿಮ್ಮ ಮಿದುಳಿಗೆ ಏನೇನೋ ಕಾಣುತ್ತೆ

ಎರಡೆರಡು ಸಲ ನೋಡ್ಬೇಕು

ಒಂದೊಂದ್ ಸಲ ನಮ್ ಕಣ್ಣನ್ನ ನಾವೇ ನಂಬಕ್ಕಾಗಲ್ಲ. ನಾವು ನೋಡ್ತಿರೋದೆಲ್ಲಾ ನಿಜಾನಾ? ಅಥವಾ ನಮ್ ಭ್ರಮೆ ಇರ್ಬೋದಾ ಅನ್ನೋ ದೌಟು ಶುರುವಾಗುತ್ತೆ. ಇಲ್ಲಿರೋಂತ ಫೋಟೋಗಳೂ ಅಷ್ಟೇ. ನಂಬಕ್ಕೇ ಆಗಲ್ಲ. ಸ್ವಲ್ಪ ಹೊತ್ತು ನಿಮ್ಮನ್ನ ಕಾಡೋದಂತೂ ಸತ್ಯ. ಪಟ್ ಅಂತ ನೋಡಿದ ಕೂಡ್ಲೆ ಅರ್ಥ ಆಗಲ್ಲ ಇಲ್ಲಿರೋ ಫೋಟೋಗಳು. ಅದಕ್ಕೆಲ್ಲಾ ಸೂಕ್ಷ್ಮವಾಗಿ ಗಮನಿಸೋಂತ ಕಣ್ಣು ಬೇಕು. ಮುಖ್ಯವಾಗಿ ಫೋಟೋಗಳನ್ನ ನೋಡುವ ನಮ್ಮ ಆಲೋಚನೆ ಬದಲಾಗಬೇಕು ಅನ್ನಿಸೋ ಹಂಗಿವೆ ಇಲ್ಲಿರೋ ಫೋಟೋಗಳು.  

1. ಈ ಫೋಟೋದಲ್ಲಿರೋದು ಚಂದಮಾಮ ಅಲ್ಲ, ಬ್ರಿಡ್ಜ್ ಅಷ್ಟೇ; ಸ್ವಲ್ಪ ಟೈಮ್ ಬೇಕಿದ್ರೆ ತಗೊಂಡ್ ನೋಡಿ

ಮೂಲ

2. ಆಕಾಶದಾಗೆ ಯಾರೋ ಮಾಯಗಾರ ಚಿತ್ತಾರ ಮಾಡಿದ್ದಾನೆ ಅಂದ್ಕೋಬೇಡಿ, ಕೆಸರುಗುಂಡಿಯಲ್ಲಿ ಕಾಣ್ತಿರೋಂತ ಪ್ರತಿಬಿಂಬ ಇದು!

ಮೂಲ

3. ಹೈಡ್ ಪಾರ್ಕಿನಲ್ಲಿ ಬಣ್ಣಗಳ ಚಿತ್ತಾರ, ಈ ಫೋಟೋ ತಲೆಕೆಳಗೆ ಮಾಡಿದ್ರೂ ಚೆನ್ನಾಗೇ ಕಾಣುತ್ತೆ ಅಲ್ವಾ?

ಮೂಲ

4. ಈ ಫೋಟೋನಂತು ನೀವು ನಂಬಕ್ಕೆ ಸಾಧ್ಯ ಇಲ್ಲ ಅಂದ್ಕೋತೀರ, ಕಡೆಗೆ ನಂಬ್ತೀರ 

ಮೂಲ

5. ಈ ಮೋಹಕ ದೃಶ್ಯಾನ ಸೆರೆಹಿಡೀಬೇಕು ಅಂದ್ರೆ ಕ್ಯಾಮೆರಾಮೆನ್ ಕವಿನೇ ಆಗಿರ್ಬೇಕು

ಮೂಲ

6. ನಿಮ್ಮ ಕಣ್ಣನ್ನ ನೀವೇ ನಂಬಲ್ಲ, ಸ್ವಲ್ಪ ಸಮಾಧಾನದಿಂದ ನೋಡಿದ್ರೆ ಗೊತ್ತಾಗುತ್ತೆ ಅಸಲಿ ವಿಚಾರ

ಮೂಲ

7. ಬಿಲ್ಡಿಂಗಿಗೆ ಬೆಂಕಿ ಬಿದ್ದಿದೆ ಅಂದ್ಕೊಂಡ್ರಾ? ಸೂರ್ಯಾಸ್ತದ ಪ್ರತಿಬಿಂಬ ಅಷ್ಟೇ ಇದು

ಮೂಲ

8. ಈ ಫೋಟೋದಲ್ಲಿರೋಂತ ಅಸಲಿಯತ್ತು ಅರ್ಥ ಮಾಡ್ಕೋಬೇಕು ಅಂದ್ರೆ ಸ್ವಲ್ಪ ಹೊತ್ತು ತಲೆಬಿಸಿ ಮಾಡ್ಕೊಳ್ಳಲೇಬೇಕು

ಮೂಲ

9. ಕಾಫಿ ಕಪ್ಪಲ್ಲಿ ಏನು ಅಂದ್ಕೊಂಡ್ರಾ? ಉಳಿದ ಚರಟದಲ್ಲಿ ಚಾವಣಿ ಪ್ರತಿಬಿಂಬ

ಮೂಲ

10. ನಿಜವಲ್ಲ ಅದು ಭ್ರಮೆ ಅಷ್ಟೇ, ಆಕಾಶದಲ್ಲೇನು ತೇಲಾಡ್ತಿಲ್ಲ ಭೂಮಿ ಮೇಲೆ ಇದ್ದಾರೆ  

ಮೂಲ

11. ಛೀ...ಪ್ಯಾಂಟಲ್ಲೇ ಸುಸು ಮಾಡ್ಕೊಂಡಿದ್ದಾನೆ ಅಂದ್ಕೊಂಡ್ರಾ? ಮೇಜಿನ ಪ್ರತಿಬಿಂಬ ಅಷ್ಟೇ ಅದು, ಸ್ವಲ್ಪ ಸೂಕ್ಷಮವಾಗಿ ನೋಡಿದ್ರೆ ಗೊತ್ತಾಗುತ್ತೆ!

ಮೂಲ

12. ಇದನ್ನ ಅರ್ಥ ಮಾಡ್ಕೊಳ್ಳಕ್ಕಂತೂ ನಿಮಗೆ ಜಾಸ್ತಿನೇ ಟೈಮ್ ಬೇಕಾಗಬಹುದು..ನೋಡಿ ನೋಡಿ!

ಮೂಲ

13. ಇವಳ ಡ್ರೆಸ್ ಚಿಂಪಾಂಜಿಗೆ ಹೇಗೆ ಹೋಯ್ತು...ಕ್ಯಾಮೆರಾ ಕೋನದಲ್ಲಿ ನೋಡಿದ್ರೆ ಅರ್ಥವಾಗುತ್ತೆ

ಮೂಲ

14. ಯಾರೋ ಪೇಂಟಿಂಗ್ ಮಾಡಿರ್ಬೇಕು ಅಂದ್ಕೋಬೇಡಿ, ಬೀದಿದೀಪದ ಪ್ರತಿಬಿಂಬ ಬಿದ್ದು ಕಾರು ಸ್ಮೈಲ್ ಕೊಡೋ ತರ ಕಾಣ್ತಿದೆ ಅಷ್ಟೇ

ಮೂಲ

15. ಪುಷ್ಪಕ ವಿಮಾನ ಅಂದ್ಕೊಂಡ್ರಾ...ನೀರಿನ ಮೇಲಿರೋ ಗುಡ್ಡ ರೀ ಇದು

ಮೂಲ

 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನಾನು ಜೀವನದಲ್ಲಿ ಹಿಂದೆ ಬೀಳ್ತಾ ಇದೀನಿ ಅನ್ನೋ ಮುಳ್ಳು ಚುಚ್ತಾ ಇದ್ರೆ ಈ 30 ಮಾತು ನೆನಪಿಸಿಕೊಳ್ಳಿ

ವೇದಾಂತ ಗೀದಾಂತ ಅಲ್ಲ, ಸಿಂಪಲ್ ವಿಷಯಗಳು

ನಮ್ಮ ಪ್ರಕಾರ ನಾವು ಜೀವನದಲ್ಲಿ ಎಷ್ಟೇ ಗೆಲುವು ಸಾಧಿಸಿದ್ದರೂ… ನಮ್ಮ ಪ್ರಕಾರ ನಮಗೆ ಬೇಕಾದ್ದೆಲ್ಲ ಇದ್ದರೂ… ಬೇಕಾದೋರೆಲ್ಲ ಇದ್ದರೂ… ಜೀವನ ಒಂದೊಂದ್ಸಲ ನಮಗೆ "ನೀನು ಹಿಂದೆ ಬಿದ್ದಿದೀಯ" ಅನ್ನೋ ಸಂದೇಶ ಕೊಡುತ್ತೆ. ಈ ಸ್ಪರ್ಧಾತ್ಮಕ ಜಗತ್ತಿನ ವಿಚಿತ್ರ ಇದು. ಇಂಥ ಪ್ರಪಂಚದಲ್ಲಿ ಅನವಶ್ಯಕವಾಗಿ ಕೀಳರಿಮೆ ಮೂಡಬಾರದು ಅನ್ನೋದಾದರೆ ಈ 30 ಮಾತು ನೆನಪಿಸಿಕೊಳ್ಳಿ. ಇವೆಲ್ಲ ಏನು ದೊಡ್ಡ ವೇದಾಂತ ಅಲ್ಲ, ಆದರೂ ನಿಮಗೆ ತುಂಬ ಉಪಯೋಗಕ್ಕೆ ಬರುತ್ತವೆ:

  1. ನೀವು ನಿಮ್ಮ ಕೈಯಲ್ಲಿ ಆಗೋದೆಲ್ಲ ಮಾಡ್ತಿದೀರಿ.
  2. ನಿಮ್ಮ ಕೈಯಲ್ಲಿ ಆಗೋದೆಲ್ಲ ಮಾಡ್ತಿಲ್ಲ ಅನ್ನಿಸಿದರೆ ಇನ್ನೇನ್ ಮಾಡ್ಬೋದು ಅಂತ ಯೋಚನೆ ಮಾಡಿ, ಕೆಲಸದಲ್ಲಿ ತೊಡಗಿಕೊಳ್ಳಿ.
  3. ತುಂಬಾ ಅನುಭವ ಇರೋರು ಅಥವಾ ನಿಮಗಿಂತ ತುಂಬಾ ಹಿಂದೆ ಶುರು ಮಾಡ್ಕೊಂಡೋರ್ನ ನೋಡಿ ನಾನು ಹಿಂದೆ ಇದೀನಿ ಅನ್ಕೋಬೇಡಿ. ಅವರ ಜೊತೆ ಪೈಪೋಟಿಗೆ ಇಳಿಯೋದು ಪೆದ್ದತನ.
  4. ಎಲ್ಲರಿಗೂ ಅವರದೇ ಆದ ವೇಗ ಅಂತ ಇರುತ್ತೆ.
  5. ನಿಮಗೆ ತುಂಬ ಇಷ್ಟವಿದ್ದ ಕೆಲಸ ಸಿಗದೆ ಹೋದರೆ ನೀವು ವೇಸ್ಟು ಅಂತೆನಲ್ಲ. ಜಾತಕ ಹೊಂದಲಿಲ್ಲ ಅಂತ ಅರ್ಥ!
  6. ಈಗಲೂ ನೀವು ತುಂಬಾ ಜನರಿಗಿಂತ ಮುಂದಿದೀರಿ. ನೀವು ಹಿಂದೆ ಆಗಿದ್ದ ವ್ಯಕ್ತೀನೂ ಆ ಪಟ್ಟಿಯಲ್ಲಿ ಇದಾನೆ/ಳೆ.
  7. ನಿಮಗೆ ಯಾವ ತರಹದ ಭವಿಷ್ಯ ಬೇಕಾದರೂ ರೂಪಿಸಿಕೊಳಕ್ಕೆ ಅನುಮತಿ ಇದೆ.
  8. ಜೀವನ ಅಂದ್ರೆ ಹೀಗೇ ಇರಬೇಕು ಅಂತೆನಿಲ್ಲ, ನೀವು ನಡೆಸಿದ್ದೇ ಜೀವನ.
  9. ಮೂವತ್ತನೇ ವಯಸ್ಸಿಗಿಂತ ಮುಂಚೆ ಮದುವೆ ಆಗದೆ ಹೋದರೆ ಮುಗೀತು ಕಥೆ ಅನ್ಕೋಬೇಡಿ.
  10. ಏನಾದರೂ ಆಗಿಬಿಡೋಷ್ಟು ಶ್ರಮ ಪಟ್ಟು ಕೆಲಸ ಮಾಡಿ ಉಪಯೋಗ ಇಲ್ಲ. ಅದರಿಂದ ಸಿಗೋದು ಗೆಲುವಲ್ಲ, ನಿಃಶಕ್ತಿ.
  11. ಮನಸ್ಥಿತಿ ಸರಿಯಾಗಿಲ್ಲದೆ ಇದ್ದರೆ ನಿಮಗೆ ನೀವೇ ಎಷ್ಟು ಹೇಳಿಕೊಂಡರೂ ಸ್ಫೂರ್ತಿ ಬರಲ್ಲ.
  12. ನಿಮ್ಮ ವಯಸ್ಸು ಇಪ್ಪತ್ತು-ಚಿಲ್ಲರೆ ಆದರೆ ನಿಮ್ಮ ಮುಂದೆ ಇನ್ನೂ ಇಡೀ ಜೀವನವೇ ಇದೆ, ಅದರಲ್ಲಿ ಎಂಥ ಅದ್ಭುತಗಳಾಗುತ್ತವೆ ಅಂತ ಈಗಲೇ ಹೇಳಕ್ಕಾಗಲ್ಲ.
  13. ನಿಮಗೆ ಬೇಕಾದ ಸ್ಫೂರ್ತಿ ಸಿಕ್ಕಿಲ್ಲದೆ ಇರಕ್ಕೆ ಕಾರಣ ಸರಿಯಾದ ವ್ಯಕ್ತಿ ಇನ್ನೂ‌ ಸಿಕ್ಕಿಲ್ಲದೆ ಇರೋದು ಅನ್ನಿಸುತ್ತೆ.
  14. ಯಾವಾಗಲೂ ಹೀಗೇ ತುಸುಕ್ ಅಂತ ಕೂತಿರಲ್ಲ  ನೀವು.
  15. ನಿಮ್ಮ ಭಾವನೆಗಳು ಇನ್ನಷ್ಟು ಕೆಲಸ ಮಾಡೋದಕ್ಕೆ ಪ್ರೇರಣೆ ಆಗಬೇಕು, ಕಡಿಮೆ ಕೆಲಸ ಮಾಡಕ್ಕಲ್ಲ.
  16. ಸರಿಯಾದ ಜೀವನ, ತಪ್ಪು ಜೀವನ ಅಂತ ಏನೂ ಇರಲ್ಲ.
  17. ಸಮಯ ನಿಮ್ಮ ಹತೋಟಿಗೆ ಮೀರಿದ್ದು.
  18. ಮುಂದಿನ 24 ಗಂಟೆ ಬಗ್ಗೆ ಯೋಚನೆ ಮಾಡಿ. ಅದರಲ್ಲಿ ಸಾಧಿಸಕ್ಕೆ ಆಗೋದನ್ನೆಲ್ಲ ಸಾಧಿಸಿ.
  19. ಸಾಮಾಜಿಕ ತಾಣಗಳಲ್ಲಿ ಜನ ಬರೀ ಒಳ್ಳೇ ಸುದ್ದಿಗಳು, ಒಳ್ಳೇ ಫೋಟೋಗಳ್ನೇ ಹಂಚಿಕೊಳ್ಳೋದು. ಒಳಗೆ ಏನಿರುತ್ತೋ ಯಾರಿಗ್ ಗೊತ್ತು?
  20. ಇಲ್ಲೀವರೆಗೆ ನೀವು ಏನೇನು ಸಾಧಿಸಿದ್ದೀರಿ ಅಂತ ಮೆಲಕು ಹಾಕಿ.
  21. ಸದ್ಯಕ್ಕೆ ಒಂದು ದಿನಕ್ಕಿಂತ ಹೆಚ್ಚು ಪ್ಲಾನ್ ಮಾಡಬೇಡಿ.
  22. ಇನ್ನೂ ಮಾಡಕ್ಕೆ ತುಂಬಾ ಇದೆ ಅಂತ ಯೋಚನೆ ಮಾಡ್ಕೊಂಡ್ ಕೂತ್ಕೋಬೇಡಿ. ಅದರಿಂದ ಕೆಲಸ ಬೇಗೇನು ಆಗಲ್ಲ.
  23. ಬೇಕಾದಾಗ ಸಲಹೆ, ಸಹಾಯ ಕೇಳೋದ್ರಿಂದ ನೀವು ಇನ್ನಷ್ಟು ಬುದ್ಧಿವಂತರಾಗ್ತೀರಿ, ಇನ್ನಷ್ಟು ಗಟ್ಟಿ ಆಗ್ತೀರಿ.
  24. ನಿಮಗೆ ಸಹಾಯ ಮಾಡ್ದೋರ್ನ ನೆನಪಿಸಿಕೊಳ್ಳಿ. ಆಗ ಗೊತ್ತಾಗುತ್ತೆ, ನೀವು ಒಂಟಿ ಅಲ್ಲ ಅಂತ.
  25. ಕೆಲಸ ಮುಂದಕ್ಕೆ ಹೋಗ್ತಿಲ್ಲ ಅಂದಾಗ ನಿಮ್ಮ ಪ್ರಕಾರ ಅದ್ಭುತವಾಗಿ ಕೆಲಸ ಮಾಡೋರು ಯಾರನ್ನಾದರೂ ನೆನಪಿಸಿಕೊಳ್ಳಿ. ಆಗ ಮುಂದಕ್ಕೆ ಹೋಗುತ್ತೆ.
  26. ಕಾಲೇಜ್ ಮುಗಿಸಿದ ತಕ್ಷಣ ಕೆಲಸ ಸಿಕ್ಕಿಲ್ಲದೆ ಹೋದರೆ ನೀವು ವೇಸ್ಟು ಅಂತಲ್ಲ. ನಿಮಗೆ ಸರಿ ಹೋಗೋ‌ ಕೆಲಸಗಳು ಇನ್ನೂ‌ ನಿಮ್ಮ ಕಣ್ಣಿಗೆ ಬಿದ್ದಿಲ್ಲ ಅಂತ ಅರ್ಥ.
  27. ಚೆನ್ನಾಗಿ ಜೀವನ ಮಾಡೋದು ಅಂದ್ರೆ ಯಾವುದೇ ಚಿಂತೆ ಇಲ್ಲದೆ ಜೀವನ ಮಾಡೋದು.
  28. ನಿಮ್ಮ ತಂದೆ-ತಾಯಿ ಹೇಳಿದ್ದನ್ನೇ ನೀವು ಮಾಡಬೇಕು ಅಂತಿಲ್ಲ. ನಿಮ್ಮ ದಾರಿ ನೀವು ಕಂಡ್ಕೊಳಿ.
  29. ಎಷ್ಟು ಸಲ ಬೇಕಾದರೂ, ಯಾವಾಗ ಬೇಕಾದರೂ ನಿಮ್ಮ ಮನಸ್ಸು ಬದಲಾಯಿಸಿ. ಬೇಡ ಅನ್ನೋನ್ ಯಾವನು?
  30. ಎಲ್ಲಾ ಬೇಗ್-ಬೇಗ ಮಾಡೋದೇ ಪ್ರಗತಿ ಅನ್ನೋದು ಮೂರ್ಖತನ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: