ಎಲ್ಲರಿಗೂ ಬೇಕಾಗಿದ್ದ ಒಂದು ಮುಖ್ಯವಾದ ಫೀಚರ್ ವಾಟ್ಸಪ್ಗೆ ಬರ್ತಿದೆ (ಸಂಬಂಧಗಳ್ನ ಉಳಿಸಕ್ಕೆ)

ಈಗಿನ ಕಾಲದಲ್ಲಿ ಸಂಬಂಧಗಳು ಹಾಳಾಗೋದು ಬಹಳ ಸುಲಭ

ಇವತ್ತು ವಾಟ್ಸಪ್ ಯಾರ ಫೋನಲ್ಲಿ ಇಲ್ಲ ಹೇಳಿ? ಇತ್ತೀಚೆಗೆ ವೀಡಿಯೋ ಕಾಲಿಂಗ್ ಬೇರೆ ಬಿಟ್ಟಿದಾರೆ ಅಂದಮೇಲೆ ಜನ ಇದನ್ನ ಬಳಸೋದು ಇನ್ನೂ ಜಾಸ್ತಿ ಆಗುತ್ತೆ.

ಮೂಲ

ಆದರೆ ವಾಟ್ಸಪ್ನ ಸಾಮಾನ್ಯವಾಗಿ ಮೆಸೇಜ್ ಕಳ್ಸಕ್ಕೆ (ಮತ್ತೆ ಕಳಿಸಿದ್ದನ್ನ ಓದಕ್ಕೇ) ಜನ ಜಾಸ್ತಿ ಉಪಯೋಗಿಸೋದು. ಉಪಯೋಗಿಸುವಾಗ ನಿಮಗೆ ಒಂದು ಕೊರತೆ ಕಂಡುಬಂದಿರಬಹುದು. ಎನಾದರೂ ಕಳಿಸಿದ ಮೇಲೆ ಮುಗೀತು. ಅದು ಅವರಿಗೆ ಹೋಗಿ ಸೇರೇ ಸೇರುತ್ತೆ. ಅವರು ಓದಕ್ಕಿಂತ ಮುಂಚೆ ನಿಮ್ಮ ಸಂದೇಶ ಡಿಲೀಟೂ ಮಾಡಕ್ಕಾಗಲ್ಲ, ಬದಲಾಯಿಸಕ್ಕೂ ಆಗಲ್ಲ. ಹೌದಾ? ಇದರಿಂದ ಎಷ್ಟೋ ಸಲ ಕಳಿಸಬಾರದ ಸಂದೇಶ ಕಳಿಸಿ ಮುಜುಗರ ಆಗೋದರಿಂದ ಹಿಡಿದು ಸಂಬಂಧಗಳೇ ಹಾಳಾಗಿ ಹೋಗುವ ವರೆಗೂ ಅನಾಹುತಗಳಾಗಿವೆ.

ಈಗ ಅದೆಲ್ಲ ಬದಲಾಗೋದ್ರಲ್ಲಿದೆ.

ವರದಿಗಳ ಪ್ರಕಾರ ಇನ್ಮೇಲೆ ವಾಟ್ಸಪ್ಪಲ್ಲಿ ಕಳಿಸಿದ ಸಂದೇಶಗಳ್ನ ಡಿಲೀಟೂ ಮಾಡಬಹುದು, ಬದಲಾಯಿಸಲೂ ಬಹುದಂತೆ. ನಿಮ್ಮ ಸಂದೇಶ ತಲುಪಿ ಅದನ್ನ್ ಓದಾಗಿದ್ದರೂ ಮಾಡಬಹುದು.

ಟ್ವಿಟರ್ನಲ್ಲಿ @WABetaInfo ಅನ್ನೋರು ಈ ಫೀಚರ್ ಈಗಾಗಲೇ iOS ಬೀಟಾ ಆವೃತ್ತಿಗಳಲ್ಲಿ ಇದೆ ಅಂತ ತಿಳಿಸಿದಾರೆ. ಈ ಫೀಚರ್ ಇದ್ದರೂ ಅದನ್ನ ಡೀಫಾಲ್ಟಾಗಿ ಎನೇಬಲ್ ಮಾಡಿರಲ್ಲ.

ಈ ಹೊಸ ಫೀಚರ್ನ ಎನೇಬಲ್ ಮಾಡಿದರೆ ಕಳಿಸಿದ ಸಂದೇಶವನ್ನ ನಿಮ್ಮ ಫೋನು ಮತ್ತೆ ಅವರ ಫೋನು ಎರಡರಲ್ಲೂ ಡಿಲೀಟ್ ಮಾಡಬಹುದು ಅಥವಾ ಬದಲಾಯಿಸಬಹುದು. ಇದು ಚಿತ್ರಗಳು ಮತ್ತು ವೀಡಿಯೋಗಳಿಗೂ ಅನ್ವಯಿಸುತ್ತಂತೆ. ವಾಟ್ಸಪ್ ಗುಂಪುಗಳಿಗೂ ಅನ್ವಯಿಸುತ್ತಂತೆ.

ಸದ್ಯ! ಈಗ್ಲಾದರೂ ಬರ್ತಾ ಇದ್ಯಲ್ಲ! ಅಂದಹಾಗೆ, ನಿಮ್ಮ ಫೋನಲ್ಲಿ 30-6-2017 ಆದಮೇಲೆ ವಾಟ್ಸಪ್ ಬರುತ್ತಾ ಅಂತ ಚೆಕ್ ಮಾಡ್ಕೊಳಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನೀವು ನಿಮ್ಮ ಅಪ್ಪ-ಅಮ್ಮಂಗೆ ಎಷ್ಟನೇ ಮಗು ಅನ್ನೋದರ ಮೇಲೆ ಏನೇನ್ ನಿಂತಿದೆ ನೋಡಿ

ಆದರೆ ಮನುಷ್ಯ ಇದನ್ನೆಲ್ಲ ಮೀರಿ ಬೆಳೀಬೋದು -- ನೆನಪಿರಲಿ

ಮನೇಲಿ ಆಗಾಗ ಎಲ್ಲರೂ ಹೇಳೋ ಮಾತು ಅಂದ್ರೆ ದೊಡ್ಡ ಮಗು (ಮೊದಲೆನೆಯದು) ಸ್ವಲ್ಪ ಜವಾಬ್ದಾರಿ ಜಾಸ್ತಿ, ಕೊನೆಯವರು ಸ್ವಲ್ಪ ಓತ್ಲಾ, ಮಧ್ಯದಲ್ಲಿ ಒಂದಿದ್ರೆ ಅದು ಆಕಡೆನು ಇಲ್ಲ ಈ ಕಡೆನೂ ಇಲ್ಲ, ಒಂತರ ಡಿಫರೆಂಟು ಅಂತಾನೂ ಕರೀಬೋದು. ಹೀಗೆಲ್ಲ ಹೇಳೋದು ಇದ್ದೆ ಇದೆ. ಆದ್ರೆ ಇಷ್ಟೇ ಅಲ್ಲ...

ಮೂಲ

ಅಪ್ಪ-ಅಮ್ಮನಿಗೆ ನೀವು ಎಷ್ಟನೇ ಮಗು ಅನ್ನೋದರ ಮೇಲೆ ಸುಮಾರ್ ವಿಷಯ ನಿಂತಿದೆ:

  • ಮೊದಲನೇ ಮಗು : ಸಂಶೋಧನೆ ಪ್ರಕಾರ ಮೊದಲನೆಯವರಲ್ಲಿ ನಾಯಕತ್ವ ಗುಣ ಜಾಸ್ತಿ ಇರತ್ತಂತೆ, ಇವರು ಸ್ವಲ್ಪ ಶಿಸ್ತಿನ ಮನುಷ್ಯರು, ಏನಾದ್ರೂ ವಿಷಯ ಇದ್ರೆ ಪಕ್ಕ ನಿರ್ಧಾರ ಇವರೇ ಮಾಡ್ತಾರೆ. ಜವಾಬ್ದಾರಿನ ಚೆನ್ನಾಗಿ ನಿಭಾಯಿಸೋ ತಾಕತ್ತು ಇವರಿಗೆ ಸ್ವಲ್ಪ ಜಾಸ್ತಿ ಇರತ್ತಂತೆ. ಇವರು ಎಲ್ಲರನ್ನು ಸ್ವಲ್ಪ ಜಾಸ್ತಿ ಪ್ರೀತಿಯಿಂದ, ಅಕ್ಕರೆಯಿಂದ ನೋಡ್ಕೋತಾರಂತೆ.

  • ಎರಡನೆಯವರು (ಮಧ್ಯದವರು) : ಇವರು ಸ್ವಲ್ಪ ಡಿಫರೆಂಟಾದ ವ್ಯಕ್ತಿ. ಇವರಿಗೆ ದೊಡ್ಡವರು ಹೋದ ರೀತಿ, ಅವರು ಬೆಳೆದ ವಾತಾವರಣ ಗೊತ್ತಿರತ್ತೆ. ಇವರು ಸ್ವಲ್ಪ ಆಕಾಶಕ್ಕೆ ಏಣಿ ಹಾಕೋ ಜನ. ಕನಸು, ಆಸೆ, ಗುರಿ ಇವೆಲ್ಲ ಸ್ವಲ್ಪ ದೊಡ್ಡಮಟ್ಟದಲ್ಲಿ ಇರತ್ತೆ ಇವರಿಗೆ. ಇವರು ತುಂಬಾ ಸೋಲ್ತಾರೆ, ಆದ್ರೆ ಹಠ ಬಿಡಲ್ಲ. ಸೋಲಿನಿಂದ ತುಂಬಾ ಕಲೀತಾರೆ. ಇವರು ಸ್ವಾರ್ಥಿಗಳಲ್ಲ.

  • ಕೊನೆಯವರು : ಎಲ್ಲರಿಗೂ ಗೊತ್ತಿರೋಥರ ಕೊನೆ ಮಕ್ಕಳಿಗೆ ಸ್ವಲ್ಪ ಅಪ್ಪ ಅಮ್ಮನ ಪ್ರೀತಿ, ಅಕ್ಕರೆ ಎಲ್ಲ ಜಾಸ್ತಿ. ಅಷ್ಟೇ ಅಲ್ಲ ಅಣ್ಣ, ಅಕ್ಕಂದಿರ ಪ್ರೀತೀನು ಜಾಸ್ತಿ ಸಿಗತ್ತೆ. ಹೀಗಾಗಿ ಇವರು ಸ್ವಲ್ಪ ಓತ್ಲ ಜಾಸ್ತಿ. ಆದ್ರೆ ಇವರು ಸಿಕ್ಕಾಪಟ್ಟೆ ಬೇಗ ಎಲ್ಲರ ಜೊತೆ ಬೆರೀತಾರೆ. ಇವರು ಒಳ್ಳೆ ಆಟಗಾರ ಅಥವಾ ಒಳ್ಳೆ ಕಲಾವಿದರಾಗಿ ಬೆಳೀತಾರೆ. ಇವರಿಗೆ ಸ್ವಂತ ನಿರ್ಧಾರ ತೊಗೊಳೋದು ಕಷ್ಟದ ಕೆಲಸ. ಇವರಿಗೆ ಸ್ವಲ್ಪ ಜವಾಬ್ದಾರಿ ಕಡಿಮೆ.

  • ಒಂದೇ ಮಗು ಇದ್ರೆ: ಇವರು ಅಪ್ಪ ಅಮ್ಮನ ಅತೀ ಮುದ್ದು ಮಗು. ಬೆಳೀತಾ ಬೆಳೀತಾ ಅಪ್ಪನಿಗಿಂತ ಚೆನ್ನಾಗಿ ಬೆಳೀಬೇಕು ಅನ್ನೋದು ಇವರ ಯೋಚನೆ. ಎಲ್ಲರೂ ನನ್ನ ಇಷ್ಟ ಪಡ್ಬೇಕು, ಮುದ್ದು ಮಾಡ್ಬೇಕು ಅಂತ ಭಾವಿಸ್ತಾರೆ. ಇವರು ಅಷ್ಟಾಗಿ ಎಲ್ಲರ ಜೊತೆ ಬೇಗ ಬೇರೆಯಲ್ಲ. ಇವರಿಗೆ ಸ್ವಂತವಾಗಿ ಏನನ್ನು ಮಾಡಕ್ಕೆ ಅಷ್ಟಾಗಿ ಗೊತ್ತಿರಲ್ಲ. ಸ್ವಲ್ಪ ಜಾಸ್ತಿನೇ ಡಿಪೆಂಡಾಗ್ತಾರೆ. ಆದ್ರೆ ಮಾಡೋ ಕೆಲಸಾನ ಅಚ್ಚುಕಟ್ಟಾಗಿ ಮಾಡ್ತಾರೆ. ಜೀವನದಲ್ಲಿ ಸ್ವಲ್ಪ ಜಾಸ್ತಿ ಸಾಧನೆ ಮಾಡ್ತಾರೆ.

IQ ಮೇಲೆ ಆಗೋ ಪರಿಣಾಮ

ಸಂಶೋಧನೆ ಮಾಡಿ ಏನೇನೋ ಕಂಡು ಹಿಡ್ದಿದಾರೆ. ಸ್ವಲ್ಪ ಜನ ಇದನ್ನ ಒಪ್ಕೋತಾರೆ, ಸ್ವಲ್ಪ ಜನ ಒಪ್ಕೋಳಲ್ಲ. ಆದ್ರೆ ವಿಷಯ ಹೀಗಿದೆ, ಮೊದಲನೆ ಮಗುವಿನ ಐ.ಕ್ಯೂ. ಮಿಕ್ಕೋರ್ಗಿಂತ ಜಾಸ್ತಿ ಇರತ್ತೆ. ಮೊದಲನೇ ಮಗು, ಕೊನೆ ಮಗು ಅನ್ನೋದರ ಮೇಲೆ ಮಗುವಿನ ಮನಸಿನ ಶಕ್ತಿ, ಕಲ್ಪನಾ ಶಕ್ತಿ ಏನು ಬದಲಾಗಲ್ಲ ಅಂತ ವಿಜ್ಞಾನಿಗಳು ಹೇಳಿದ್ದಾರೆ.

ಮೂಲ

ವ್ಯಕ್ತಿತ್ವದ ಮೇಲೆ ಆಗೋ ಪರಿಣಾಮ

ಸಂಶೋಧನೆ ಪ್ರಕಾರ ತಿಳಿದು ಬಂದಿರೋದು ಅಂದ್ರೆ, ಮೊದಲನೆಯವರು ಪ್ರಾಮಾಣಿಕ, ಶಕ್ತಿಯುತ ವ್ಯಕ್ತಿ ಅಂತ, ಸ್ವಲ್ಪ ಬೇಗ ತಲೆಬಿಸಿ ಮಾಡ್ಕೋತಾರೆ ಇವ್ರು. ಮಧ್ಯದವರು ಸ್ವಲ್ಪ ಪರಿಶ್ರಮದ ಜೀವಿಗಳು. ಕೊನೆಯವರು ಸ್ವಲ್ಪ ಎಲ್ಲರ ಜೊತೆ ಬೇರೆಯೋದು ಜಾಸ್ತಿ, ಸ್ವಲ್ಪ ಕ್ರಿಯೇಟಿವ್ ವ್ಯಕ್ತಿ. ಅಣ್ಣ ಅಕ್ಕ ಯಾರು ಇಲ್ಲದ ಒಂದೇ ಮಗು ಆದ್ರೆ ಅಷ್ಟಾಗಿ ಜನರ ಜೊತೆ ಬೇರೆಯಲ್ಲ. ಹಿಂಜರಿಕೆ ಸ್ವಭಾವ ಜಾಸ್ತಿ.

ಮೂಲ

ನಿಜವಾಗ್ಲೂ ಇದು ಇಷ್ಟೊಂದು ಮುಖ್ಯಾನಾ ಅಂತ ಯೋಚ್ನೆ ಮಾಡ್ತಿದ್ದೀರಾ?

ಸಂಶೋಧನೆ ಪ್ರಕಾರ ಕೊನೆಗೆ ಹೇಳಬೋದಂತದ್ದು ಏನು ಅಂದ್ರೆ ಸ್ವಲ್ಪ ಮಟ್ಟಿಗೆ ಬುದ್ದಿ ಶಕ್ತಿ, ಸ್ವಭಾವ, ವ್ಯಕ್ತಿತ್ವ ಡಿಪೆಂಡಾಗತ್ತೆ. ಆದ್ರೆ ಮನುಷ್ಯ ತಾನು ಹುಟ್ಟೋ ಜಾಗ, ಪರಿಸರ, ಸುತ್ತ ಮುತ್ತ ಇರೋ ಜನ ಇವರ ಪ್ರಭಾವದಿಂದ ಹೇಗೆ ಬೇಕೋ ಹಾಗೆ ತನ್ನನ್ನ ತಾನು ಬದಲಾಯಿಸಿಕೊಳ್ಳಬಹುದು. ಆದ್ದರಿಂದ ಯಾವತ್ತೂ ನೀವು ಏನಾಗಬೇಕು, ನಿಮ್ಮ ಗುರಿ ಏನು, ನೀವು ಹೇಗಿರಬೇಕು ಅಂತ ಅನ್ಕೊಂಡಿದೀರೋ ಅದನ್ನ ಮರೀಬೇಡಿ. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: