ನಿಮಗೆ ಈ‌ 18 ಗುಣಗಳಿದ್ರೆ ಮಾಮೂಲಿ ಕೆಲಸ ಎಲ್ಲ ಆಗ್ಬರಲ್ಲ, ನೀವೇ ಏನಾರೂ ಮಾಡೋದು ವಾಸಿ

ಏನ್ ಗುರು ದಿನ ಅದೇ ಹಳೆ ಮುಖ, ಅದೇ ಜಾಗ, ಈ ಹಾಳ್ ಕೆಲಸ ಬೋರು

ಪ್ರತಿಯೊಬ್ಬರು ಒಂದೇ ತರ ಇರಲ್ಲ. ಮುಕ್ಕಾಲ್ವಾಸಿ ಜನ ಕೈತುಂಬಾ ದುಡ್ಡ್ ಸಿಗೋ ಕೆಲಸ ಇಷ್ಟ ಪಡ್ತಾರೆ. ಇನ್ನ ಸ್ವಲ್ಪ ಜನಕ್ಕೆ ಬೆಳಿಗ್ಗೆಯಿಂದ ಸಂಜೆ ತಂಕ ಆಫೀಸಲ್ಲಿ ಕೂತು ಕೆಲಸ ಮಾಡಕ್ಕೆ ಸುತಾರಾಂ ಇಷ್ಟ ಇರಲ್ಲ. ಬಾಸ್ ಹತ್ರ ಹೊಗಳುಸ್ಕೊಳೋದು, ಟೈಮ್ ಟೈಮಿಗೆ ಬರೋ ಕಾಫಿ, ಮದ್ಯದಲ್ಲಿ ಒಂದೆರಡ್ ದಿನ ರಜಾ ಇಷ್ಟೆಲ್ಲಾ ಸಾಕಾಗಲ್ಲ.

ಇಷ್ಟೇನಾ ಜೀವನ? ನಂಗಾಗಲ್ಲ, ನಾನೀತರ ಇರಕ್ಕಾಗಲ್ಲ ಅನ್ನೋವ್ರು ಇರ್ತಾರೆ. ನಾವು ಕೆಳ್ಗಡೆ ಕೊಟ್ಟಿರೋ 18 ಗುಣ ನಿಮಗಿದ್ರೆ ನೀವು ಆ ಥರಾನೇ ಅಂತ ತಿಳ್ಕೊಂಡ್ಬಿಡಿ. ನಿಮಗೆ ದಿನಾ ಒಂದೇ ಹೊತ್ತಿಗೆ ಆಫೀಸಿಗೆ ಹೋಗೋದು, ಸಂಜೆ ಒಂದೇ ಹೊತ್ತಿಗೆ ವಾಪಸ್ ಬರೋದು, ಇದೆಲ್ಲ ಸರಿ ಹೋಗಲ್ಲ.

1. ಟೈಮು ಅನ್ನೋ ಚೌಕಟ್ಟೇ ನಿಮಗೆ ಆಗ್ಬರಲ್ಲ

ನೀವು ಕೊಟ್ಟಿರೋ ಕೆಲಸ ಮುಗಿಸೇ ಮುಗುಸ್ತೀರಾ, ಆದ್ರೆ ನಿಮಗೆ ನಿಮ್ಮಿಷ್ಟದಂತೆ, ನಿಮಗೆ ಮನಸ್ ಬಂದಾಗ, ನಿಮಗೆ ಇಷ್ಟ ಆಗೋ ಟೈಮಲ್ಲಿ ಕೆಲಸ ಮಾಡಕ್ಕೆ ಬಿಟ್ಟಬಿಡ್ಬೇಕು ಇಲ್ಲ ಅಂದ್ರೆ 9 ರಿಂದ 5 ಚೊಂಬೇ. 

ಮೂಲ

2. ಫಾರ್ಮಲ್ಸ್ ಬಟ್ಟೆ, ಟೈ ಇವೆಲ್ಲ ಬೇಕಿಲ್ಲ ಅಂತೀರಿ

ಈ ಫಾರ್ಮಲ್ಸು ಅಂದ್ರೆ ನಿಮಗೆ ಮೈ ಉರಿಯತ್ತೆ, ಆರಾಮಾಗಿ ಜೀನ್ಸ್ ಹಾಕೊಂಡು, ಮಾಮೂಲಿ ಶರ್ಟು, ಇಷ್ಟಬಂದಿದ್ ಶೂ ಹಾಕ್ಕೊಂಡು ಮಾಡೋ ಕೆಲಸ ಮಾಡ್ಬೇಕು ಅನ್ನೋ ಆಸೆ ನಿಮ್ಮದು.

ಮೂಲ

3. ದಿನಕ್ಕೆ 8 ಗಂಟೆಕಾಲ ಒಂದೇ ಜಾಗದಲ್ಲಿ ನಿಮಗೆ ಇರಕ್ಕಾಗಲ್ಲ

ಒಂದೇ ಜಾಗದಲ್ಲಿ ಕೂತು 8 ಗಂಟೆಕಾಲ ಕೆಲಸ ಮಾಡು ಅಂದ್ರೆ ನಿಮಗೆ ಆಗಲ್ಲ, ಇದೇನೊಳ್ಳೆ ನಾಯಿ ಕಟ್ಟಾಕ್ದಂಗೆ ನನ್ನ ಕಟ್ಟಾಕ್ತಿದಾರೆ ಅಂತ ಅನ್ಸತ್ತೆ. 

ಮೂಲ

4. ಪ್ರಪಂಚ ಸುತ್ತಬೇಕು ಅಂತೀರ

ಹೊರಗಡೆ ಪ್ರಪಂಚ ಇಷ್ಟ್ ಚೆನಾಗ್ ಇರ್ಬೇಕಾದ್ರೆ ಅದೇ ಬೆಂಚು, ಕುರ್ಚಿ ಮುಂದೆ ಯಾವನ್ ಕೂರ್ತಾನೆ ಗುರು ಅಂತ ನಿಮಗೆ ಅನ್ಸತ್ತೆ. ಯಾವನ್ ದಿನ ಅದೇ ಹಳೆ ಮುಖ ನೋಡ್ಕೊಂಡು, ಹೇಳಿದ್ದನ್ನೇ ಮಾಡೋ ಪದ್ಧತೀಲಿ ಕೆಲಸ ಮಾಡ್ತಾನೆ ಅಂತ ಯೋಚ್ನೆ ಮಾಡೋವ್ರು ನೀವು.

ಮೂಲ

5. ಯಾವಾಗ್ಲೂ ಫೋನು ಕಂಪ್ಯೂಟರ್ರು ಅಂದ್ರೆ ನಿಮಗೆ ಕಿರಿ ಕಿರಿ ಅನ್ಸತ್ತೆ 

ಯಾವಾಗ್ಲೂ ಫೋನ್ ರಿಂಗಾಗ್ತಿದ್ರೆ ನಿಮಗೆ ಆಸ್ಪತ್ರೆ ಜ್ನ್ಯಾಪಕ ಬರತ್ತೆ! ನೀವು ಚೆನ್ನಾಗಿ ಕೆಲಸ ಮಾಡ್ಬೇಕು ಅಂದ್ರೆ ನಿಮ್ಮನ ನಿಮ್ಮಿಷ್ಟದಂಗೆ ಬಿಟ್ಟಬಿಡ್ಬೇಕು ಅನ್ನೋರು ನೀವು.

ಮೂಲ

6. ಬೈಕೊಂಡು ಕೆಲಸ ಮಾಡೋವ್ರನ್ನ ಕಂಡ್ರೆ ನಿಮಗೆ ಉರ್ದೋಗತ್ತೆ 

ಅಯ್ಯೋ ಈ ಕೆಲ್ಸಕ್ಕೆ ಸೇರ್ಕೊಂಡ್ನಲ್ಲ ಅಂತ ಹೇಳ್ಕೊಂಡು ಮಾಡೋ ಕೆಲಸಾನ ಬೈಕೊಂಡು ಮಾಡೋವ್ರು ಅಂದ್ರೆ ನಿಮಗೆ ಆಗಲ್ಲ. ತನ್ನ ಕೆಲಸಾನ ಇಷ್ಟಪಟ್ಟು ಖುಷ್ ಖುಷಿಯಾಗಿ ಮಾಡೋವ್ರಿಗೆ ನೀವು ಸ್ಪೂರ್ತಿಯಾಗಿರ್ತೀರ, ಯಾಕಂದ್ರೆ ಇಷ್ಟ ಪಟ್ಟು ಕೆಲಸ ಮಾಡೋವ್ರು ತಾವು ಇಷ್ಟಪಟ್ಟಿದ್ದನ್ನೇ ಮಾಡ್ತಿರ್ತಾರೆ ಅದಕ್ಕೆ.

ಮೂಲ

7. ನಿಮ್ಮಿಷ್ಟದ ಕೆಲಸ ಮಾಡಕ್ಕೆ ನಿಮಗೆ ಕಾಯಕ್ಕಾಗಲ್ಲ 

ಪ್ರತಿದಿನ ಗಂಟೆ ಹೊಡೆದಾಗ ಆಫೀಸಿಂದ ಓಡೋಗಿ ನಿಮ್ಮಿಷ್ಟವಾದ ಕೆಲಸ ಮಾಡೋದು ನಿಮಗೆ ಇಷ್ಟ ಆಗಲ್ಲ. ನಿಮಗೆ ಮಾನ್ಸಾದಾಗೆಲ್ಲ ನಿಮ್ಮ್ ಕೆಲಸ ಮಾಡ್ಬೇಕು ಅಂತ ಅನ್ಸತ್ತೆ. ಉದಾ: ಚಿತ್ರ ಬಿಡ್ಸೋದು, ಹಾಡೋದು, ಕಾಡಲ್ಲಿ ಕ್ಯಾಂಪ್ ಹಾಕೋದು..

ಮೂಲ

8. ಬಾಸ್ಸು, ಮ್ಯಾನೇಜರ್ರು, ಸೀನಿಯರ್ರು ಈ ಪದ್ದತಿನೇ ನಿಮಗೆ ಇಷ್ಟ ಆಗಲ್ಲ 

ಬಾಸಿಗೆ ಬಕ್ಕಿಟ್ ಹಿಡಿಯದು ಇವೆಲ್ಲ ಆಗಲ್ಲ. ಈ ತರ ಕೆಲಸ ಮಾಡಿ ಉದ್ದಾರ ಆಗಕ್ಕಿಂತ ಹಾಳಾಗೋಗ್ತಿದೀನಿ ಅನ್ಸತ್ತೆ ನಿಮಗೆ.

ಮೂಲ

9. ಎಷ್ಟೇ ಕಷ್ಟಪಟ್ರೂ ಮಾಡ್ತಿರೋ ಕೆಲ್ಸಾನ ಇಷ್ಟಪಟ್ಟು ಮಾಡಕ್ಕಾಗ್ತಿರಲ್ಲ

ಕೆಲಸದ ಮದ್ಯದಲ್ಲಿ ನಿಮ್ಮ ಲೋಕದಲ್ಲಿ ಮುಳಗಿಹೋಗಿರ್ತೀರಿ, ಕಷ್ಟಾಪಟ್ಟು ನಿಮ್ಮ ಗಮನಾನ ಕೆಲಸದಕಡೆ ತರ್ತೀರಿ. ಎಲ್ಲಾದ್ರೂ ಹೊರಗಡೆ ಸುತ್ತಾಡಿಕೊಂಡು ಮಜಾ ಮಾಡ್ಕೊಂಡು ಬಂದ್ರೆ ಸಕತ್ತಾಗಿ ಕೆಲಸ ಮಾಡ್ತೀರಿ.

ಮೂಲ

10. ನಿಮ್ಮದೇ ಆದ ಕ್ರಿಯಾಶೀಲತೆಲಿ (ಕ್ರಿಯೇಟಿವಿಟಿಲೀ) ನೀವು ಕೆಲಸ ಮಾಡಬೇಕು 

ಎಲ್ಲೊ ಕೂತ್ಕೊಂಡು, ಯಾವನೋ ಆರ್ಡರ್ ಮಾಡೋದನ್ನ ಕೇಳ್ಕೊಂಡು ಮಾಡೋ ಕೆಲಸಕ್ಕಿಂತ, ನೀವೇ ಸ್ವಂತವಾಗಿ ನಿಮ್ಮಿಷ್ಟದ ಕೆಲಸಾನ ಮಾಡಕ್ಕೆ ನಿಮಗೆ ಇಷ್ಟ 

ಮೂಲ

11. ನೀವು ತುಂಬಾ ಅಚ್ಚುಕಟ್ಟಾಗಿ ಕೆಲಸ ಮಾಡ್ತೀರಾ 

ಕೆಲಸ ಮಾಡಕ್ಕೆ ನಿಮ್ಮನ್ನ ನಿಮ್ಮಷ್ಟಕ್ಕೆ ಬಿಟ್ಟಬಿಡ್ಬೇಕು. ಕಾಟಾಚಾರಕ್ಕೆ ನೀವು ಯಾವ್ ಕೆಲ್ಸಾನೂ ಮಾಡಲ್ಲ. ಒಂದೊಳ್ಳೆ ಫೋಟೋ ತೆಗೀಬೇಕು ಅಂತ ಸೂರ್ಯ ಮುಳ್ಗೋದನ್ನೇ ಕಾಯಕ್ಕೆ ರೆಡಿ ನೀವು.

ಮೂಲ

12. ನೀವು ಬೇಡದಿದ್ದ ವಿಚಾರಕ್ಕೆ ತಲೆ ಕೆಡಿಸ್ಕೊಳಲ್ಲ 

ಚಿಕ್ಕದಾಗಿರೋ ಜೀವ್ನಾನ ಖುಷ್ಯಾಗಿ ಕಳಿಬೇಕು. ಯಾವುದೊ ವಿಷ್ಯಕ್ಕೆ (ಅವ್ನ್ ಬಗ್ಗೆ, ಅವ್ಳ ಬಗ್ಗೆ) ತಲೆಕೆಡುಸ್ಕೊಳಲ್ಲ. ಗುಂಪುಗಾರಿಕೆ ಇಷ್ಟ ಆಗಲ್ಲ ನಿಮಗೆ.

ಮೂಲ

13. ಸೋಮವಾರ ಅಂದ್ರೆ ಅಸಹ್ಯ ಪಡ್ತೀರಾ 

ಥೂ! ಯಾಕಾದ್ರೂ ಈ ಸೋಮವಾರ ಬರತ್ತೋ ಅಂತ ಅನ್ಕೋತೀರಿ. ಸೋಮವಾರಾನು ಖುಷ್ಯಾಗಿ ಕೆಲ್ಸಕ್ಕೆ ಹೋಗೋ ಅಂತ ಕೆಲಸ ಬೇಗ ಹುಡುಕ್ಕೊಳಿ.

ಮೂಲ

14. ಸುತ್ತಾಡೋದು ಅಂದ್ರೆ ಸಿಕ್ಕಾಪಟ್ಟೆ ಇಷ್ಟ ಪಡ್ತೀರಿ

ಸಮುದ್ರದಿಂದ ಆಕಾಶದ್ ತುದಿತಂಕ ನೋಡಕ್ಕೆ ಎಷ್ಟಿದೆ, ಇದನ್ನ ಬಿಟ್ಟು ಕಂಪ್ಯೂಟರ್ ಮುಂದೆ ಅಥವಾ ಯಾವ್ದೋ ರೂಮಲ್ಲಿ ಕೂತ್ಕೋಬೇಕಾ ಅಂತ ಯೋಚ್ನೆ ಮಾಡೋವ್ರು ನೀವು.

ಮೂಲ

15. ರೂಲ್ಸು ಅಂದ್ರೆ ನಿಮಗೆ ಆಗೋದೇ ಇಲ್ಲ 

ಯಾರೋ ಮಾಡ್ಬೇಡ ಅಂದಾಕ್ಷಣ ಸುಮ್ನಿರಕ್ಕಾಗಲ್ಲ, ಯಾಕ್ ಮಾಡ್ಬಾರ್ದು? ಮಾಡುದ್ರೆ ಏನಾಗತ್ತೆ ಅಂತ ನೀವೇ ಖುದ್ದಾಗಿ ತಿಳ್ಕೊಬೇಕು ಅಂತ ನಿಮ್ಮಾಸೆ.

ಮೂಲ

16. ಗುರಿಗಿಂತ ಕನಸೇ ಮುಖ್ಯ ಅಂತೀರಿ

ಈ ವರ್ಷ ಇದು ನನ್ನ ಗುರಿ ಇದು. ಈ ತರ ಎಲ್ಲ ಏನು ಇರಲ್ಲ, ಸಿಕ್ಕಾಪಟ್ಟೆ ಕನ್ಸ್ ಕಾಣ್ತೀರಿ. ಅದನ್ನ ಯಾವುದೇ ಬೇಜಾರಿಲ್ದೆ ಒಬ್ರೇ ನನಸ್ ಕೂಡ ಮಾಡ್ಕೋತೀರಿ.

17. ದುಡ್ಡಿಗಿಂತ ನೆಮ್ಮದಿ, ಸಂತೋಷಕ್ಕೆ ಜಾಸ್ತಿ ಬೆಲೆ ಕೊಡ್ತೀರಿ

ಕೆಲಸ ಮಾಡುದ್ಮೇಲೆ ದುಡ್ಡ್ ಬರೋದಕ್ಕಿಂದ ನಿಮಗೆ ಖುಷಿಯಾದ್ರೆ, ತೃಪ್ತಿಯಾದ್ರೆ ಅದೇ ನಿಮಗೆ ಗೆದ್ದಂಗೆ. ಸಂತೋಷಕ್ಕೆ, ನೆಮ್ಮದಿಗೆ ದುಡ್ಡಲ್ ಬೆಲೆ ಕಟ್ಟಕ್ಕಾಗತ್ತಾ ಅನ್ನೋರು ನೀವು.

ಮೂಲ

18. ನೀವು ಜೀವನಾನ ಬೇರೆ ದೃಷ್ಟೀಲೇ ನೋಡ್ತೀರಿ

ಬದುಕಕ್ಕೆ ದುಡುದ್ರೆ ಸಾಕು, ನಾ ಬದುಕಿರೋದೇ ದುಡಿಯಕ್ಕಲ್ಲ ಅಂತೀರಾ. ಜೀವನದಲ್ಲಿ ನೀವು ಮಾಡ್ಬೇಕು ಅನ್ಕೊಂಡಿರೋ ಕೆಲಸದ ಪಟ್ಟಿ ಸಿಕ್ಕಾಪಟ್ಟೆ ದೊಡ್ಡದಾಗಿರತ್ತೆ. ಭಾವನೆಗೆ ಬೆಲೆಕೊಟ್ಟು ಬದ್ಕೋರು ನೀವು. ನಿಮ್ಮ್ ಜೀವನ, ನೀವು ಹಾಗೆ ಬದುಕ್ಬೇಕು, ಅದೇ ನಿಮ್ಮಾಸೆ.

ಮೂಲ

ನೀವ್ ಹೀಗೆನಾ? ಹಾಗಾದ್ರೆ ನೀವೇ ಏನಾದ್ರೂ ಶುರು ಮಾಡೋದು ವಾಸಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: