ಟೆಸ್ಟ್ ಕ್ರಿಕೆಟ್ಟಲ್ಲಿ ಇವತ್ತಿಗೂ ಬಿಳಿ ಬಟ್ಟೇನೇ ಯಾಕ್ ಹಾಕೋತಾರೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಆಡೋರು ಚೆನ್ನಾಗಿ ಇರಬೇಡ್ವಾ ಪಾಪ

ಟೆಸ್ಟ್ ಕ್ರಿಕೆಟ್ ಆಡೋದು ಸುಲಭ ಅಲ್ಲ. ಆಟಗಾರರಿಗೆ ದೈಹಿಕ ಮತ್ತು ಮಾನಸಿಕ ಶ್ರಮ ಸಕ್ಕತ್ತಿರುತ್ತೆ. ಬೇಗ ಬೇಗ ಮುಗ್ದೋಗೋ T20, ಒಂಡೇ ಮ್ಯಾಚಲ್ಲೆಲ್ಲ ಇರಲ್ಲ ಅಂತಲ್ಲ, ಅದೊಂಥರ ಬೇರೇನೇ. ಜೊತೆಗೆ ಅದರಲ್ಲಿ ಮನೋರಂಜನೆಯ ಒಂದು ಅಂಶ ಕೂಡ ಇರುತ್ತೆ. ಅಂದಹಾಗೆ ಟೆಸ್ಟ್ ಕ್ ರಿಕೆಟ್ಟಲ್ಲಿ ಯಾಕೆ ಬಿಳೀ ಬಟ್ಟೆ ಹಾಕೊಂಡಿರ್ತಾರೆ ಅಂತ ಯೋಚ್ನೆ ಮಾಡಿದೀರಾ? ನಿಮಗೆ ಈ ಪ್ರಶ್ನೆ ಬಂದಿರುತ್ತೆ, ಆದರೆ ಪ್ರಾಯಶಃ ಉತ್ತರ ಸಿಕ್ಕಿರಲ್ಲ. ನಾವು ಉತ್ತರ ಕೊಡ್ತೀವಿ ಕೇಳಿ…

ಕಾರಣ 1: ಸಂಪ್ರದಾಯ

ಕ್ರಿಕೆಟ್ ತುಂಬಾ ಹಳೇ ಆಟ. ಸುಮಾರು 200 ವರ್ಷ ಹಳೇದು. ಕ್ರಿಕೆಟ್ನ ಆವಾಗಿಂದ 'ಜೆಂಟಲ್ಮೆನ್ಸ್ ಗೇಮ್' ಅಂತ ಕರೀತಿದ್ರು. ಜೆಂಟಲ್ಮೆನ್ ಅಂದ್ರೆ ಬಿಳೀ ಬಟ್ಟೇನೇ‌ ಹಾಕೋಬೇಕು ಅನ್ನೋದು ಬ್ರಿಟನ್ನಲ್ಲಿ ಇತ್ತು. ಆದ್ದರಿಂದ ಸುಮಾರು 2000ನೇ ಇಸವಿ ವರೆಗೂ ಒಂಡೇ ಕ್ರಿಕೆಟ್ಟಲ್ಲೂ ಬಿಳೀ ಬಟ್ಟೆ ಹಾಕೋತಿದ್ರು - ಸೌತ್ ಆಫ್ರಿಕಾ, ನ್ಯೂ ಜೀಲೆಂಡ್ ಮತ್ತೆ ಆಸ್ಟ್ರೇಲಿಯಾ ಬಿಟ್ಟು. 1992ರ ವಿಶ್ವ ಕಪ್ಪಲ್ಲಿ ಬಣ್ಣಬಣ್ಣದ ಬಟ್ಟೆ ಹಾಕೊಳಕ್ಕೆ ಶುರು ಮಾಡುದ್ರು. 2002ನೇ‌ ಇಸವಿಗೆ ಪ್ರಪಂಚದಲ್ಲೆಲ್ಲ ಬಣ್ಣಬಣ್ಣದ್ದು ಹಾಕೊಳಕ್ಕೆ ಶುರು ಮಾಡಿದ್ರು.

ಮೂಲ

ಕಾರಣ 2: ಬಿಸಿಲಲ್ಲಿ ಆಡಕ್ಕೆ ಬಿಳೀನೇ ವಾಸಿ

ಟೆಸ್ಟ್ ಕ್ರಿಕೆಟ್ಟಲ್ಲಿ 5 ದಿನ ಬಿಸಿಲಲ್ಲಿ ಆಡಬೇಡವಾ? ಬೇಸಿಗೆ ಕಾಲದಲ್ಲಂತೂ ಕಷ್ಟದ ಕೆಲಸ. ಬಿಳೀ ಬಟ್ಟೆ ಹಾಕೊಂಡ್ರೆ ಮೈಮೇಲೆ ಬಿದ್ದ ಬೆಳಕು ಮತ್ತೆ ಶಾಖ ಮೈಯೊಳಗೆ ಅಷ್ಟು ಇಳಿಯಲ್ಲ. ಅದರಿಂದ ಆಟಗಾರರಿಗೆ ಶೆಕೆ ಆಗಲ್ಲ, ಡೀಹೈಡ್ರೇಟ್ ಆಗಿ ಬಿದ್ದೋಗೋ ಸಾಧ್ಯತೇನೂ ಕಡಿಮೆ. ಬೇರೆ ಯಾವ ಬಣ್ಣದ ಬಟ್ಟೆ ಹಾಕೊಂಡ್ರೂ ಬಿಳಿಯಷ್ಟು ಚೆನ್ನಾಗಿ ಅದು ಆಟಗಾರರನ್ನ ಕಾಪಾಡಲ್ಲ.

ಮೂಲ

ಕಾರಣ 3: ಬಾಲ್ ಸರಿಯಾಗಿ ಕಾಣಿಸಲಿ ಅಂತ

ಟೆಸ್ಟ್ ಕ್ರಿಕೆಟ್ಟಲ್ಲಿ ಕೆಂಪು ಬಾಲಲ್ಲಿ ಆಡೋದು. ಅದು ಚೆನ್ನಾಗಿ ಕಾಣಿಸಬೇಕು ಅಂದ್ರೆ ಬಿಳಿಗಿಂತ ಬಣ್ಣ ಇಲ್ಲ. T20, ಒಂಡೇನಲ್ಲೆಲ್ಲ ಬಿಳೀ ಬಾಲ್ ಉಪಯೋಗಿಸ್ತಾರೆ… ಆಗ ಬಿಳೀ ಬಟ್ಟೆ ಇದ್ದರೆ ಆಗಲ್ಲ. ಬಣ್ಣಬಣ್ಣದ್ದಾದರೇನೇ ಚೆನ್ನಾಗಿ ಕಾಣ್ಸೋದು.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: