ಈ 13 ಪ್ರಾಣಿಗಳಿಗೆ ಪ್ರಪಂಚ ಹೆಂಗ್ ಕಾಣ್ಸುತ್ತೆ ಅಂತ ಗೊತ್ತಾದಾಗ ನಿಮಗೆ ಜ್ಞಾನೋದಯ ಆಗುತ್ತೆ

ಹಸುಗೆ ಎಲ್ಲ ಸ್ವಲ್ಪ ದೊಡ್ಡದಾಗೇ ಕಾಣ್ಸದು

ಯಾವತ್ತಾದ್ರೂ ನಿಮ್ಮನೆ ನಾಯಿ ಕಣ್ಣಿಗೆ ನೀವ್ ಹೇಗ್ ಕಾಣ್ತೀರ ಅಂತ ಯೋಚ್ನೆ ಮಾಡಿದೀರಾ? ಯಾವತ್ತಾದ್ರೂ ಒಂದ್ ದುಂಬಿಗೆ ನಮ ಪ್ರಪಂಚ ಹೇಗ್ ಕಾಣ್ಸತ್ತೆ ಅಂತ ಯೋಚ್ನೆ ಮಾಡಿದೀರಾ? ಒಂದೊಂದ್ ಪ್ರಾಣಿ ಪ್ರಪಂಚನಾ ಒನ್ನೊಂಥರ ನೋಡತ್ತೆ. ಕೆಲವೊಂದಕ್ಕೆ ನಮಗಿಂತ  ಜಾಸ್ತಿನೇ ಕಾಣತ್ತೆ. ಈಗ ಈ ೧೩ ಪ್ರಾಣಿ ಕಣ್ಣಿಗೆ ಹೇಗ್ ಕಾಣ್ಸತ್ತೆ ನಮ್ ಪ್ರಪಂಚ ಅಂತ ತಿಳ್ಕೊಳಿ .

1. ನಾಯಿಗೆ ಬೆಳಗ್ಗೆ ನೋಡಿದ್ದೆಲ್ಲ ಸ್ವಲ್ಪ ಮಂಜ್- ಮಂಜು. ರಾತ್ರಿ ಭಾಳ ತೀಕ್ಷ್ಣ

ನಾಯಿಗೆ ನೋಡಿದ್ದೆಲ್ಲ ಸ್ವಲ್ಪ ಮಂಜ್-ಮಂಜಾಗ್ ಕಾಣತ್ತೆ. ಬಣ್ಣಗಳ ವ್ಯತ್ಯಾಸ ಅಷ್ಟೇನೂ ಗೊತ್ತಾಗಲ್ಲ, ಎಲ್ಲಾ ಬಣ್ಣಾನೂ ಸ್ವಲ್ಪ ತಿಳಿಯಾಗಿ, ಮಂಜಾಗಿ ಕಾಣ್ಸತ್ತೆ.

ಇವಕ್ಕೆ ಗ್ರಹಣ ಶಕ್ತಿ ಜಾಸ್ತಿ. ಒಂದ್ ನೊಣ ಮುಂದೆ ಇದ್ರು ಕಮಕ್-ಕಿಮಕ್ ಅಂದ್ರು ಇದರ ಕಣ್ಣಿಗೆ ಗೊತ್ತಾಗತ್ತೆ.

ಮೂಲ  

2. ಮೀನಿಗೆ  ಹತ್ರ ಇರೋದೆಲ್ಲ ಭೂತಗನ್ನಡಿಲಿ ಕಾಣಿಸೋ ಹಾಗೆ ಕಾಣತ್ತೆ 

ಮಾಮೂಲಿ ಟ್ಯಾಂಕಲ್ಲಿರೋ ಮೀನಿನ ಕಣ್ಣಿಗೆ ಅಲ್ಟ್ರಾವೈಲೆಟ್ ಕಿರಣದ ತೀಕ್ಷ್ಣತೆ ಇರತ್ತೆ,  

ಹತ್ರ ಇರೋದೆಲ್ಲಾ ದೊಡ್ಡದಾಗಿ ಕಾಣ್ಸತ್ತೆ. ಅದಕ್ಕೆ ಏನೋ ಇವು ಯಾವಾಗ್ಲೂ ಆಶ್ಚರ್ಯ ಪಡೋತರ ಕಣ್ಣು ಅಗಲ ಮಾಡ್ಕೊಂಡು ನೋಡ್ತಿರತ್ತೆ.

ಮೂಲ

3. ಹಕ್ಕಿಗೆ ಕಣ್ಣಿಗೆ ನಮಗಿಂತ ಜಾಸ್ತಿ ಬಣ್ಣ ಗೊತ್ತಾಗತ್ತೆ 

ಈ ಗೂಬೆಜಾತಿಗೆ ಸೇರೋ ಹಕ್ಕಿಗೆ ಬೆಳಕಿಲ್ಲದಿದ್ರೂ ಕಣ್ಣ್  ಚೆನಾಗ್ ಕಾಣ್ಸತ್ತೆ. ಬೇರೆ ಹಕ್ಕಿಗೆಲ್ಲ್ಲಾ ಅಲ್ಟ್ರಾವೈಲೆಟ್ ಕಿರಣದಲ್ಲಿ ಮನುಷ್ಯರಿಗೂ ಕಾಣಿಸದೇರೋ ಬಣ್ಣಗಳೆಲ್ಲಾ ಕಾಣ್ಸತ್ತೆ.

ಮೂಲ

4. ಹಾವಿಗೆ ಬೆಳಿಗ್ಗೆ ಕಣ್ಣೇ ಕಾಣ್ಸಲ್ಲ 

ಹಾವಿನ ಕಣ್ಣು ಸ್ವಲ್ಪ ಮಂದಾನೆ. ಆದ್ರೆ ಇವಕ್ಕೆ ರಾತ್ರಿ ಹೊತ್ತಲ್ಲಿ ಈ ಥರ್ಮಲ್ ರಾಡಿಯೇಷನ್ನು, ಈಗಿರೋ ಆಧುನಿಕ ಇನ್ಫ್ರಾ-ರೆಡ್ ತಂತ್ರಜ್ಞಾನಕ್ಕಿಂತ 10 ಪಟ್ಟು ಚೆನಾಗ್ ಕಾಣತ್ತೆ. 

ಇವು ಬರಿ ಚಲನವಲನದಿಂದ ಏನಾಗ್ತಿದೆ ಅಂತ ತಿಳ್ಕೊಳದು. ಬೆಳಗೊತ್ತಲ್ಲಿ ಇದ್ರು ಮುಂದಿರೋ ಬೇಟೆ ಮಿಸ್ಕಾಡ್ದೆ ಇದ್ರೆ ಇವಕ್ಕೆ ಏನು ಗೊತ್ತಾಗಲ್ಲ.

ಮೂಲ

5. ಇಲಿ, ಹೆಗ್ಗಣಕ್ಕೆ ಎಲ್ಲ ಎರಡೆರಡು ಕಾಣತ್ತೆ. ಇವಕ್ಕೆ ಕಣ್ಣು ಮಂದಾನೆ 

ಇವು ಒಂದು ಕಣ್ಣನ್ನ ಒಂದ್ಕಡೆ ತಿರುಗ್ಸಿ ಇನ್ನೊಂದ್ ಕಣ್ಣಲ್ಲಿ ಇನ್ನೊಂದನ್ನ ನೋಡಬೋದು. ಅದಕ್ಕೆ ಎಲ್ಲಾ ಎರಡೆರಡು ಕಾಣತ್ತೆ. ಇವಕ್ಕೆ ಇಡೀ ಪ್ರಪಂಚ ಹಸ್ರು ಮತ್ತೆ ನೀಲಿ ಬಣ್ಣದಲ್ಲೇ ಕಾಣಿಸೋದು.

ಮೂಲ

6. ಹಸುಗೆ ಎಲ್ಲ ಸ್ವಲ್ಪ ದೊಡ್ಡದಾಗೇ ಕಾಣ್ಸದು

ಇವಕ್ಕೆ ತಾವು ಮೇಯಕ್ಕೋಗೋ ಗದ್ದೆ, ಮೇವಿರೋ ಜಾಗಾ ಕೆಂಪಾಗಿ, ಕೇಸರಿ ಬಣ್ಣದಲ್ಲಿ ಕಾಣ್ಸತ್ತೆ

ಮೂಲ

7. ಕುದುರೆ ತನ್ನ ಮೂಗ್ಮುಂದೆ ಇರೋದ್ ಬಿಟ್ಟು ಇನ್ನೆಲ್ಲ ಕಾಣ್ಸತ್ತೆ

ಕುದುರೆ ಕಣ್ಣು ತಲೆ ಪಕ್ಕ ಇರತ್ತೆ, ಏನಾದ್ರು ಅನಾಹುತ ಇದ್ರೆ ಇವಕ್ಕೆ ಟಕ್ಕಂತ ಗೊತಾಗೋಗತ್ತೆ.

ಮೂಲ

8. ದುಂಬಿಗೆ ನಮಗಿಂತ ಚೆನ್ನಾಗಿ ಕಣ್ಣ್ ಕಾಣ್ಸತ್ತೆ 

ನಮ್ಮ್ ಕಣ್ಣಿಗೆ ಗೊತ್ತಾಗಕ್ಕೂ ಮೂರ್ಪಟ್ಟ ಬೇಗ ಇವಕ್ಕೆ ಗೊತ್ತಾಗಿರತ್ತೆ. ಇವಕ್ಕೆ ಅಲ್ಟ್ರಾವೈಲೆಟ್ ಕಿರಣಗಳೂ ಕಾಣ್ಸತ್ತೆ 

ಮೂಲ

9. ನೊಣಕ್ಕೆ  ಪ್ರಪಂಚ ಸ್ವಲ್ಪ ನಿದಾನಕ್ಕೆ ನಡೀತಿರೋತರ ಕಾಣತ್ತೆ

ಸಾವಿರಾರು ಸಣ್ಣ-ಸಣ್ಣ ಕಣ್ಣಿದ್ದು ಅವೆಲ್ಲ ಒಂದೊಂದ್ ಚಿತ್ರ ಕೊಟ್ಟು, ಅದೆಲ್ಲ ಸೇರಿ ಒಂದ್ ಚಿತ್ರ ಆದಾಗ ಹೇಗ್ ಕಾಣತ್ತೋ ಹಾಗೆ ಇವಕ್ಕೆ  ಪ್ರಪಂಚ ಕಾಣ್ಸದು. ಇವಕ್ಕೆ ಅಲ್ಟ್ರಾವೈಲೆಟ್ ಕಿರಣಗಳೂ ಕಾಣ್ಸತ್ತೆ. 

ಮೂಲ

10. ಶಾರ್ಕ್ ಕಣ್ಣಿಗೆ ಯಾವ್ ಬಣ್ಣಾನೂ ಕಾಣ್ಸಲ್ಲ 

ನೀರೊಳ್ಗಡೆ ನಮಗಿಂತ ಚೆನ್ನಾಗಿ ಇವಕ್ಕೆ ಕಣ್ಣು ಕಾಣ್ಸತ್ತೆ

ಮೂಲ

11. ಊಸರವಳ್ಳಿಗೆ ಸುತ್ತ 360 ಡಿಗ್ರಿ ಕಾಣ್ಸತ್ತೆ

ಇವು ಬಣ್ಣ ಬದ್ಲುಸದಷ್ಟೇ ಅಲ್ಲ ಎರಡು ಕಣ್ಣನ್ನು  ಸ್ವತಂತ್ರವಾಗಿ ತಿರ್ಗುಸ್ಕೊಳತ್ತೆ.

ಮೂಲ

12. ಹಲ್ಲಿಗೆ ರಾತ್ರಿ ಮಾತ್ರ ಕಣ್ಣು ಚೆನ್ನಾಗಿ ಕಾಣತ್ತೆ 

ನಮಗಿಂತ 350 ಪಟ್ಟು ಚೆನ್ನಾಗಿ ಇವಕ್ಕೆ ಕಣ್ಣು ಕಾಣ್ಸತ್ತೆ 

ಮೂಲ

13. ಚಿಟ್ಟೆಗೆ ನಮಗಿಂತ ಜಾಸ್ತಿ ಬಣ್ಣಗಳು ಕಾಣ್ಸತ್ತೆ

ಇವುಗಳ ಕಣ್ಣು ಸಿಕ್ಕಾಪಟ್ಟೆ ಚುರುಕು. ಇವಕ್ಕೆ ಅಲ್ಟ್ರಾವೈಲೆಟ್ಟ್ ಕಿರಣಗಳೂ ಕಾಣ್ಸತ್ತೆ .

ಮೂಲ

ನಾವು ನೋಡೋ ಪ್ರಪಂಚಾನೇ ಪ್ರಪಂಚ ಅನ್ಕೊಂಡಿರ್ತೀವಿ… ಪ್ರಪಂಚ ಬೇರೆಬೇರೆ ಪ್ರಾಣಿಗಳಿಗೆ ಬೇರೆ ಬೇರೆ ತರಹ ಕಾಣುತ್ತೆ ಅಂತ ಅರ್ಥ ಆದ್ಮೇಲೆ ಅದೊಂಥರಾ ಜ್ಞಾನೋದಯಾನೇ… ಅಲ್ವಾ? ಇದೆ ಜ್ಞಾನ ಮನುಷ್ಯನಿಗೂ ಅನ್ವಯಿಸುತ್ತೆ. ಒಬ್ಬೊಬ್ಬ ಮನುಷ್ಯಾನೂ ಬೇರೆಬೇರೆ. ಒಬ್ಬೊಬ್ಬ ಮನುಷ್ಯಾನೂ ಪ್ರಪಂಚವನ್ನ ನೋಡೋ ರೀತಿ ಬೇರೆಬೇರೆ…

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: