ಹನುಮಂತನ ಬಗ್ಗೆ ಎಲ್ಲ ಗೊತ್ತು ಅನ್ನೋರ್ಗೂ ಈ 10 ಸಂಗತಿಗಳು ಗೊತ್ತಿರಲ್ಲ

ಮಕರಧ್ವಜ ಅನ್ನೋ ಮಗ ಇದ್ದ ಅವನಿಗೆ

ಧೈರ್ಯ, ಶಕ್ತಿ, ಬಲ ಇವೆಲ್ಲ ಬೇಕು ಅಂತ ಅಂಜನೆಯನ್ನ ಪೂಜೆ ಮಾಡೋವ್ರು ಸಿಕ್ಕಾಪಟ್ಟೆ ಜನ ಇದಾರೆ. ಎಲ್ಲ ದೇವ್ರಿಗಿಂತ ಜಾಸ್ತಿ ಪೂಜೆ ಮಾಡೋದೂ ಜನ ಹನುಮಂತನ್ನೇ, ಆದರು ಈಗ ಭಜರಂಗಬಲಿ ಬಗ್ಗೆ ನಾವ್ ಹೇಳೋ ವಿಷಯಗಳು ನಿಮಗೆ ಗೊತ್ತಿರಲ್ಲ. ಓದಿ ತಿಳ್ಕೊಳ್ರಿ 

1. ಶಕ್ತಿ, ಭಕ್ತಿ, ಛಲಕ್ಕೆ ಹೆಸರುವಾಸಿಯಾದ ಹನುಮಂತ ಶಿವನ ಒಂದು ಅವತಾರ

ಬ್ರಹ್ಮನ ಆಸ್ಥಾನದಲ್ಲಿ ಒಬ್ಬಳು ಅಪ್ಸರೆ ಅಂಜನಾ. ಅವಳಿಗೆ ಒಬ್ಬ ರಿಷಿ ಏನೋ ಕಾರಣಕ್ಕೆ ಶಾಪ ಕೊಟ್ಟಿರ್ತಾನೆ...ನೀನು ನಿನ್ನ ಮುಖನೇ ಯಾವತ್ತು ಇಷ್ಟ ಪಡ್ತೀಯೋ ಅವತ್ತು ನಿನ್ನ ಮುಖ ಮಂಗನ ಥರ ಆಗತ್ತೆ ಅಂತ. ಸರಿ, ಒಂದು ದಿನ ಅವಳಿಗೆ ಈ ಶಾಪ ತಟ್ಟಿತು. 

ಬ್ರಹ್ಮನ ಸಹಾಯದಿಂದ ಅವಳು ಭೂಮಿ ಮೇಲೆ ಹುಟ್ಟಿ ಕೇಸರಿ ರಾಜನ ಜೊತೆ ಮದ್ವೆ ಆಗತ್ತೆ.

ಶಿವನ ಪರಮಭಕ್ತೆಯಾದ ಇವಳು ತಪಸ್ಸ್ ಮಾಡ್ತಾಳೆ. ಶಿವನ ಹತ್ರ ನೀನೆ ನನ್ನ ಮಗು ಆಗಿ ಹುಟ್ಟಿ ನನಗೆ ಮುಕ್ತಿ ಕೊಡಬೇಕು ಅಂತ ವರ ಕೇಳ್ತಾಳೆ.

ಅದೇ ಟೈಮಲ್ಲಿ ದಶರಥ ಮಹಾರಾಜ ಮಕ್ಕಳಿಗಾಗಿ ಯಜ್ಞ ಮಾಡಿ ಅದ್ರಲ್ಲಿ ಸಿಕ್ಕ ಪಾಯಸಾನ ತನ್ನೆಲ್ಲಾ ಹೆಂಡ್ತೀರಿಗೂ ಕೊಡ್ತಾನೆ. ಕೌಸಲ್ಯೆಗೆ ಸಿಕ್ಕ ಪಾಲಲ್ಲಿ ಸ್ವಲ್ಪ ಪಾಯಸಕ್ಕೆ ಒಂದು ಗಾಳಿಪಟ ಬಂದು ತಗುಲಿ ಅದ್ರಲ್ಲಿ ಸ್ವಲ್ಪ ಭಾಗವನ್ನ ಹಾರಿಸಿಕೊಂಡು ತಪಸ್ಸ್ ಮಾಡ್ತಿದ್ದ ಅಂಜನಾ ಕೈಯಲ್ಲಿ ಬಿಳ್ಸತ್ತೆ. (ವಾಯು ದೇವ್ರು ಶಿವನ ಆದೇಶದಂತೆ ಇದನ್ನ ಮಾಡೋದು). ಶಿವನ ಪ್ರಸಾದ ಅನ್ಕೊಂಡು ಅವ್ಳು ಪಾಯಸ ತಿಂದು ಪವನಪುತ್ರ ಹನುಮಂತ ಅನ್ನೋ ಅವತಾರಕ್ಕೆ ಜನ್ಮ ಕೊಡ್ತಾಳೆ.

ಮೂಲ

2. ಶ್ರೀ ರಾಮನ ಆಯುಷ್ಯ ಹೆಚ್ಚಾಗಲಿ ಅಂತ ಇಡೀ ಮಯ್ಯಿಗೆ ಕುಂಕುಮ ಹಚ್ಕೊಂಡ ಹನುಮಂತ

ಸೀತಾಮಾತೆ ತನ್ನ ಹಣೆಗೆ ಕುಂಕುಮ ಇಟ್ಕೊಂಡಾಗ ಯಾಕೆ ಅಂತ ಆಂಜನೇಯ ಕೇಳ್ತಾನ. ಅದಕ್ಕೆ ಸೀತಾಮಾತೆ ನಾನು ಶ್ರೀ ರಾಮನ್ನ ಮದುವೆಯಾದಾಗಿಂದ ನನಗೆ ಅವರ ಮೇಲಿರೋ ಭಕ್ತಿ ಮತ್ತೆ ಪ್ರೀತಿ ಸಂಕೇತ ಅದು ಅಂತ ಹೇಳ್ತಾಳೆ.

ಇದನ್ನ ಕೇಲಿದ ತಕ್ಷಣ ಹನುಮಂತ ತನ್ನ ಇಡೀ ಮಯ್ಯಿಗೆ ಕುಂಕುಮ ಹಚ್ಕೊಂಡು ಬರ್ತಾನೆ. ರಾಮನ ಮೇಲೆ ತನಗೆ ಎಷ್ಟು ಅಗಾಧವಾಗಿ ಪ್ರೀತಿ, ಭಕ್ತಿ ಇದೆ ಅಂತ ತೋರ್ಸಕ್ಕೆ ಹೀಗೆ ಮಾಡ್ತಾನೆ. 

ರಾಮಂಗಂತೂ ತುಂಬಾ ಖುಷಿಯಾಗಿ ಇನ್ಮುಂದೆ ನಿನ್ನ ಯಾರೇ ಕುಂಕುಮ ಹಾಕಿ ಪೂಜೆ ಮಾಡ್ತಾರೋ ಅವರ ಕಷ್ಟವೆಲ್ಲಾ ಬೇಗ ಕಳೆಯತ್ತೆ ಅಂತ ವರ ಕೊಡ್ತಾನೆ. 

ಮೂಲ

3. ಹನುಮಾನ್ ಅಂದ್ರೆ ಸಂಸ್ಕೃತದಲ್ಲಿ "ವಿಕಾರವಾದ ದವಡೆ"

ಸಂಸ್ಕೃತದಲ್ಲಿ "ಹನು" ಅಂದ್ರೆ ದವಡೆ, "ಮಾನ್" ಅಂದ್ರೆ ವಿಕಾರವಾಗಿರೋದು ಅಂತ ಅರ್ಥ.

ಚಿಕ್ಕವನಾದಾಗ ಆಂಜನೇಯ ಸೂರ್ಯನ್ನೇ ಮಾವಿನ ಹಣ್ಣು ಅಂತ ನುಂಗಕ್ಕೆ ಆಕಾಶಕ್ಕೆ ಹಾರಿದ್ದ.  ಅದಕ್ಕೆ ಇಂದ್ರ ವಜ್ರಾಯುಧ ತೊಗೊಂಡು ಹೊಡೆದಿದ್ದ. ಆಂಜನೇಯ ಆಕಾಶದಿಂದ ಭೂಮಿಗೆ ಬಿದದಾಗ ದವಡೆ ವಿಕಾರ ಆಯ್ತು ಅನ್ನೋದು ಭಾಳ ಫೇಮಸ್ ಕಥೆ.

ಮೂಲ

4. ಹನುಮಂತ ಬ್ರಹ್ಮಚಾರಿ ಆದ್ರೂ ಮಕರಧ್ವಜ ಅನ್ನೋ ಮಗ ಇದ್ದ

ಹನುಮಂತ ಲಂಕೆ ಸುಟ್ಟಾಕಿ ಬಾಲಕ್ಕೆ ಹತ್ಕೊಂಡಿರೋ ಬೆಂಕಿ ಆರುಸ್ಕೊಳಕ್ಕೆ ಸಮುದ್ರದಲ್ಲಿ ಮುಳುಗಿದ್ದ. ಆಗ ಹನುಮಂತನ ಬೆವರ ಹನಿಯನ್ನ ಒಂದು ಮೀನು ನುಂಗಿ ಮಕರಧ್ವಜ ಹುಟ್ಟಿದ್ದ.

ಮೂಲ

5. ಒಂದ್ಸತಿ ರಾಮಾನೇ ಹನುಮಂತಂಗೆ ಮರಣ ದಂಡನೆ ಕೊಡ್ತಾನೆ

ಶ್ರೀ ರಾಮ ರಾಜ ಆದ್ಮೇಲಿನ್ ಕಥೆ ಇದು.

ಒಂದ್ಸತಿ ನಾರದ ಹನುಮಂತಂಗೆ ಎಲ್ಲ ಋಷಿಗೂ ನಮಸ್ಕಾರ ಮಾಡು ಆದ್ರೆ ವಿಶ್ವಾಮಿತ್ರಂಗೆ ಮಾತ್ರ ಮಾಡ್ಬೇಡ. ಯಾಕಂದ್ರೆ ಅವ್ನು ಮುಂಚೆ ರಾಜ ಆಗಿದ್ದ ಅಂತ ಹೇಳ್ದ. ನಾರದ ಹೇಳಿದಂಗೆ ಹನುಮಂತ ಮಾಡಿದ. ವಿಶ್ವಾಮಿತ್ರ ಸುಮ್ಮನಿದ್ದ. ಅವನಿಗೇನೂ ಕೋಪ ಬರ್ಲಿಲ್ಲ.

ಆದ್ರೆ ಆಮೇಲೆ ನಾರದ ಸುಮ್ಮನಿರದೆ ವಿಶ್ವಾಮಿತ್ರನ ಹತ್ರ ಹೋಗಿ ಬತ್ತಿ ಇಟ್ಟ. ವಿಶ್ವಾಮಿತ್ರಂಗೆ ಸಿಕ್ಕಾಪಟ್ಟೆ ಸಿಟ್ಟು ಬರತ್ತೆ. ಹನುಮಂತಂಗೆ ಮರಣ ದಂಡನೆ ಕೊಡ್ಬೇಕು ಅಂತ ರಾಮಂಗೆ ಆದೇಶ ಕೊಡ್ತಾನೆ. ಗುರು ಮಾತು ಮೀರಕ್ಕಾಗತ್ತಾ? ಅದಕ್ಕೆ ರಾಮ ಹನುಮಂತಂಗೆ ಬಾಣ ಬಿಡ್ತಾನೆ.

ಹನುಮಂತ ಸುಮ್ನೆ ರಾಮನ ಜಪ ಮಾಡ್ಕೊಂಡು ಕೂತಿರ್ತಾನೆ. ಅದಕ್ಕೆ ಯಾವ ಬಾಣಾನೂ ಏನೂ ಮಾಡಕ್ಕಾಗಲ್ಲ. ವಿಧಿಯಿಲ್ಲದೆ ರಾಮ ಬ್ರಹ್ಮಾಸ್ತ್ರ ಪ್ರಯೋಗ ಮಾಡ್ತಾನೆ. ಆದ್ರೆ ಆಗ್ಲೂ ಏನೂ ಆಗಲ್ಲ. ಹನುಮಂತನ ಭಕ್ತಿ ಮುಂದೆ ಬ್ರಹ್ಮಾಸ್ತ್ರ ಕೂಡ ನಿಲ್ಲಿಲ್ಲ. ಇದನ್ನ ನೋಡಿ ನಾರದ ವಿಶ್ವಾಮಿತ್ರನ ಹತ್ರ ಕ್ಷಮೆ ಕೇಳ್ತಾನೆ. ಆಮೇಲೆ ವಿಶ್ವಾಮಿತ್ರ ಸರಿ ಬಿಡು ಅಂತ ರಾಮಂಗೆ ಸುಮ್ನಾಗಕ್ಕೆ ಹೇಳ್ತಾನೆ.

ಮೂಲ

6. ವಾಲ್ಮೀಕಿಗೂ ಮುಂಚೆ ಹನುಮಂತ ತಾನು ಕಂಡಂತೆ ರಾಮಾಯಣ ಬರ್ದಿದ್ದ. 

ಲಂಕಾದಹನ ಆದ್ಮೇಲೆ ಹನುಮಂತ ಹಿಮಾಲಯಕ್ಕೆಹೋಗ್ತಾನೆ. ರಾಮನ ಮೇಲಿನ ಭಕ್ತಿಯಿಂದ ತಾನು ಕಂಡ ರಾಮಾಯಣನ ಬಂಡೆಗಳ ಮೇಲೆ ತನ್ನದೇ ಉಗುರಿಂದ ಸಂಪೂರ್ಣವಾಗಿ ಬರೀತಾನೆ.

ಹಾಗೆ ವಾಲ್ಮೀಕಿನೂ ರಾಮಾಯಣ ಬರೀತಾನೆ. ಹನುಮಂತಂಗೆ ತೋರ್ಸಣ ಅಂತ ಹಿಮಾಲಯಕ್ಕೆ ಹೋಗ್ತಾನೆ. ಆಗ ಅಲ್ಲಿನ ಬಡೆಗಳ ಮೇಲೆ ರಾಮಾಯಣ ಬರ್ದಿರೋದನ್ನ ನೋಡಿ ಆಶ್ಚರ್ಯ ಪಡ್ತಾನೆ. ಇದು ನಾ ಬರ್ದಿರೋ ರಾಮಾಯಣಕ್ಕಿಂತ ಚೆನ್ನಾಗಿದೆ...ಇದನ್ನ ನೋಡಿದ್ರೆ ನಾ ಬರ್ದಿರೋದು ಯಾರಿಗೂ ಇಷ್ಟ ಆಗಲ್ಲ ಅಂತ ಹೇಳ್ತಾನೆ. ಪಾಪ, ಹನುಮಂತ ತಾನು ಬರ್ದಿರೋ ರಾಮಾಯಣನ್ನೆಲ್ಲಾ ಅಳಿಸಿ ಹಾಕ್ತಾನೆ.

ವಾಲ್ಮೀಕಿಗೆ ಭಾಳ ದುಃಖ ಆಗತ್ತೆ. ಪಶ್ಚಾತಾಪಕ್ಕಾಗಿ ನಾನು ಮುಂದಿನ ಜನ್ಮದಲ್ಲಿ ನಿನ್ನ ಸಾಧನೇನ ಹೊಗಳಿ ಬರೀತೀನಿ ಅಂತ ಹೇಳ್ತಾನೆ.

ಮೂಲ

7. ಭೀಮ ಹನುಮಂತನ ತಮ್ಮ 

ಭೀಮ ಕೂಡ ವಾಯುದೇವನ ಮಗ. 

ಮಹಾಭಾರತದ ಕಾಲ. ಭೀಮ ಒಂದಿನ ದ್ರೌಪದಿಗೆ ಸೌಗಂಧಿಕಾ ಪುಷ್ಪ ತರಕ್ಕೆ ಹುಡುಕ್ಕೊಂಡು ಕಾಡಲ್ಲಿ ಬರ್ತಿರ್ತಾನೆ. ದಾರೀಲಿ ಒಂದು ಮಂಗ ಮಲಗಿರತ್ತೆ, ಬಾಲ ಅಡ್ಡವಾಗಿರತ್ತೆ.

ಮಂಗಕ್ಕೆ ನಿನ್ನ ಬಾಲಾನ ಆತ್ಲಾಗಿ ಎತ್ಕೊ ಅಂತ ಭೀಮ ಹೇಳ್ತಾನೆ, ಆಗ ಮಂಗಾ ತಾಕತ್ತಿದ್ರೆ ನೀನೆ ಎತ್ತಿಡು ಅನ್ನತ್ತೆ. ಭೀಮಂಗೆ ತನ್ನ ಬಲದ ಬಗ್ಗೆ ತುಂಬಾ ಜಂಭ ಇರತ್ತೆ. ಎತ್ತಕ್ಕೆ ಹಾಳ ಪ್ರಯತ್ನ ಮಾಡ್ತಾನೆ. ಬಾಲ ಒಂಚೂರು ಕದಲಿಸಕ್ಕೆ ಆಗಲ್ಲ.

ಹೀಗೆ ತುಂಬಾ ಹೊತ್ತು ಮಾಡಿದ ಮೇಲು ತನ್ನ ಕೈಲಿ ಎತ್ತಾಕ್ಕಾಗ್ಲಿಲ್ಲ ಅಂತ ಮನವರಿಕೆ ಆಗತ್ತೆ. ಆಗ ಭೀಮಂಗೆ ಗೊತ್ತಾಗತ್ತೆ ಇದು ಮಂಗಾ ಅಲ್ಲ ನಮ್ಮಣ್ಣ ಹನುಮಂತ, ನನ್ನ ಜಂಭ ಕಮ್ಮಿ ಮಾಡಕ್ಕೆ ಈ ಥರ ಮಲಗಿರೋದು ಅಂತ. 

ಮೂಲ

8. ರಾಮನ ಕೊನೆಗಾಲದಲ್ಲಿ ಯಮಂಗೆ ಅಡ್ಡ ಬಂದ ಹನುಮಂತ 

ರಾಮ ಅವತಾರ ಮುಗಿಯೋ ಕಾಲ. ಭೂಮಿ ಬಿಟ್ಟು ವೈಕುಂಠಕ್ಕೆ ಹೋಗಬೇಕಾದಾಗ ಆಂಜನೇಯ ಇದ್ರೆ ಆಗಲ್ಲ ಅಂತ ಗೊತ್ತಾಗತ್ತೆ. ಅದಕ್ಕೆ ಒಂದು ಉಪಾಯ ಮಾಡ್ತಾನೆ.

ರಾಮ ತನ್ನ ಉಂಗ್ರ ಕಳೆದುಹೋಗಿದೆ ಹುಡುಕ್ಕೋಂಡು ಬಾ ಅಂತ ಹನುಮಂತನ್ನ ಕಳ್ಸಿ ತಾನು ಪಾತಾಳಲೋಕಕ್ಕೆ ಹೊರಟೋಗ್ತಾನೆ. ಉಂಗ್ರ ಹುಡುಕ್ತಾ ಹುಡುಕ್ತಾ ಆಂಜನೇಯ ಯಮನ್ನ ಭೇಟಿ ಮಾಡ್ತಾನೆ. ಆಗ ಯಮ ಉಂಗ್ರ ಬಿದ್ದೋಗದು ಅಂದ್ರೆ ರಾಮನ ಈ ಅವತಾರ ಮುಗಿಯೋ ಸಮಯ ಬಂದಿದೆ ಅಂತ ಹೇಳ್ತಾನೆ. 

ಮೂಲ

9. ಸೀತಾಮಾತೆಯ ಉಡುಗೊರೆನೂ ಬೇಡ ಅಂದಿದ್ದ ಹನುಮಂತ

ಸೀತಾಮಾತೆ ಮುತ್ತಿನಹಾರಾನ ಹನುಮಂತಂಗೆ ಕೊಟ್ಟಾಗ ರಾಮ ಇಲ್ದೆ ಇರೋದು ನಂಗೆ ಬೇಡ ಅಂತ ಹೇಳಿ ತನ್ನ ಎದೆ ಬಗೆದು ರಾಮ ಸೀತೇನ ತೋರ್ಸಿ ತನ್ನ ಭಕ್ತಿ ಮತ್ತು ಪ್ರೀತಿ ಬಗ್ಗೆ ಹೇಳ್ತಾನೆ ಹನುಮ. 

ಮೂಲ

10. ಹನುಮಂತಂಗೆ 108 ಹೆಸರಿದೆ 

ಹನುಮಂತನ ಅಷ್ಟೋತ್ತರ ಶತನಾಮಾವಳಿಯಲ್ಲಿ 108 ಹೆಸ್ರು ತಿಳ್ಕೊಬೋದು. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬೆಳ್-ಬೆಳಗ್ಗೆ 20 ನಿಮಿಷ ಹೀಗ್ ಕಳೆದರೆ ಇಡೀ ದಿನ ಲವಲವಿಕೆ ಮತ್ತು ಸಂತೋಷಗಳು ನಿಮ್ನ ಬಿಟ್ಟು ಹೋಗಲ್ಲ

ಹಾರ್ವರ್ಡ್ ಯೂನಿವರ್ಸಿಟಿಯಲ್ಲಿ ಕಲಿತೋರು ಬಿಚ್ಚಿಟ್ಟ ಗುಟ್ಟು

ಇಂಥದ್ದು ನಡೆದೇ ಇರುತ್ತೆ - ಬೆಳ್ ಬೆಳಿಗ್ಗೆನೇ ಯಾವ್ದೂ ನೀವಂದ್ಕೊಂಡ ಹಾಗೆ ನಡೀತಿರೊಲ್ಲ. ನೀವಿಟ್ಟ ಸಮಯಕ್ಕೆ ಅಲಾರ್ಮು ಹೊಡ್ದಿರೊಲ್ಲ, ಅಥವಾ ನೀವೇ ತಪ್ಪಾಗಿ ಅಲಾರ್ಮ್ ಸೆಟ್ ಮಾಡಿರ್ತೀರ. ಅಯ್ಯಯ್ಯೋ ಲೇಟ್ ಆಯ್ತು ಅಂದ್ಕೊಂಡು ಬೇಗ ಸ್ನಾನ ಮಾಡಿ ತಿಂಡಿ ರೆಡಿ ಮಾಡೋಕೆ ಹೋದ್ರೆ ಅದು ಸೀದು ಹೋಗುತ್ತೆ. ಇಸ್ತ್ರಿ ಹಾಕೋಕೆ ಹೋದಾಗ ಕರೆಂಟು ಕೈ ಕೊಡುತ್ತೆ. ಸರಿ, ಆ ದಿನ ಪೂರ್ತಿ ಎಲ್ಲವೂ ಹಾಳು. ನೀವು ಮುರ್ಫಿ ಅನ್ನೋನು ಹೇಳಿರೋದು ಕೇಳಿರ್ಬಹುದು - ಏನಾದ್ರು ಹಾಳಾಗೋ ಚಾನ್ಸ್ ಇದ್ರೆ, ಅದು ಹಾಳಾಗಿಯೇ ಆಗುತ್ತೆ. ಒಟ್ನಲ್ಲಿ ಬೆಳ್ ಬೆಳಿಗ್ಗೆ ಕೆಟ್ಟದಾಗಿ ಶುರುವಾದ್ರೆ ಅವತ್ತು ಪೂರ್ತಿ ಮುರ್ಫಿ ಹೇಳಿದ್ದು ನಿಜ ಆಗ್ತಾ ಹೋಗುತ್ತೆ. ಇದಕ್ಕೆ ಪರಿಹಾರ ಇದೆ - ದಿನವೂ ಬೆಳಿಗ್ಗೆ ಬರೀ ಇಪ್ಪತ್ತು ನಿಮಿಷ ಈ ರೀತಿ ಕಳ್ದ್ರೆ ಇಡೀ ದಿನ ಸಕತ್ತಾಗಿರುತ್ತೆ. ಹಾರ್ವರ್ಡ್ ಯೂನಿವರ್ಸಿಟಿಯಲ್ಲಿ ಕಲಿತು ಸಂತೋಷ, ನೆಮ್ಮದಿಗಳ ಬಗ್ಗೆ ರಿಸರ್ಚ್ ಮಾಡ್ತಿರೋ ಶಾನ್ ಏಚರ್ ಅನ್ನೋನು ಹೇಳಿರೋ ಪ್ರಕಾರ ಬೆಳಿಗ್ಗೆ ನೀವು ಪಾಸಿಟಿವ್ ಆಗಿದ್ರೆ ಆ ದಿವ್ಸ ಖಷಿಯಾಗಿರ್ತೀರಿ. ಪಾಸಿಟಿವಿಟಿ ಹೆಚ್ಚಾದ್ರೆ ನಿಮ್ ಮಿದುಳು ಖುಷ್ ಖುಷಿಯಾಗಿರುತ್ತೆ. ಖುಷಿಯಾಗಿದ್ದಾಗ ಮಿದುಳು ಚೆನ್ನಾಗಿ ಕೆಲಸ ಮಾಡುತ್ತೆ, ಎಷ್ಟು ಕಷ್ಟ ಇದ್ರೂ ಟೆನ್ಷನ್ ತೆಗೊಳೊಲ್ಲ. ಆ 20 ನಿಮಿಷ ಏನು ಮಾಡ್ಬೇಕು ಅಂತ ಹೇಳ್ತಾರೆ ಅನ್ನೋದನ್ನ ಓದ್ಕೊಳ್ಳಿ.

1) 2 ನಿಮಿಷ ಹಿಂದಿನ್ ದಿವ್ಸ ಏನೇನು ಒಳ್ಳೇದಾಯ್ತು ಅನ್ನೋದನ್ನ ನೆನೆಸ್ಕೋಬೇಕು

ನಾವು ಮಿದುಳಿಗೆ ಮೋಸ ಮಾಡ್ಬಹುದು. ಖುಷಿಯಾಗಿದ್ದೀನಿ ಅಂತ ನಿಮ್ಗೆ ನೀವೇ ಹೇಳ್ಕೊಂಡ್ರೆ ಅದು ನಿಜಕ್ಕೂ ಖುಷಿಯಾಗಿ ಬಿಡುತ್ತೆ. ಹಿಂದಿನ್ ದಿನ ಖುಷಿ ಕೊಡೋ ಅಂಥದ್ದು ಏನಾಯ್ತು ಅಂತ ನೆನಪು ಮಾಡ್ಕೊಂಡು ಬರ್ದಿಟ್ಕೊಳ್ಳಿ. ಹಿಂದಿನ್ ದಿನದ ಖುಷೀನ ಎರಡು ನಿಮಿಷ ಮತ್ತೆ ಅನುಭವ್ಸಿ. ಇದರಿಂದ ನಿಮ್ ಮಿದುಳು ಪಾಸಿಟಿವ್ ಆಗುತ್ತೆ. ಮೊದ್ಲೇ ಹೇಳಿದ್ ಹಾಗೆ, ಮಿದುಳು ಪಾಸಿಟಿವ್ ಆಗಿದ್ರೆ ಚೆನ್ನಾಗಿ ಕೆಲಸ ಮಾಡುತ್ತೆ.

ಮೂಲ

2) 2 ನಿಮಿಷ ಬೇರೆಯವ್ರ ಒಳ್ಳೆತನ ನೆನೆಸ್ಕೊಳ್ಳೋಬೇಕು

ನಾವು ಬೇರೆಯವ್ರ ಒಳ್ಳೆತನ ನೆನೆಸ್ಕೊಳ್ಳೋದು ಕಡಿಮೆ. ಬೆಳ್ ಬೆಳಿಗ್ಗೆ ಬೇರೆಯವ್ರ ಒಳ್ಳೆತನ ನೆನೆಸ್ಕೊಳ್ಳಿ. ನೆನೆಸ್ಕೊಳ್ಳೋದಷ್ಟೆ ಅಲ್ಲ, ಅವ್ರು ನಿಮ್ ಮುಂದೆ ಇದ್ರೆ ಅವ್ರಿಗೆ ಹೇಳಿ. ಅಥ್ವಾ ಈಮೇಲೋ ಮೆಸೇಜೋ ಮಾಡಿ. ಇದರಿಂದ ಎರಡು ರೀತಿ ಪ್ರಯೋಜನ ಇದೆ - ಈ ರೀತಿ ಒಳ್ಳೆ ಕೆಲ್ಸ ಮಾಡಿದ್ದೀನಿ ಅಂತ ನೀವು ಖುಷಿಯಾಗ್ತೀರಿ, ಅಲ್ಲದೆ ಬೇರೆಯವ್ರ ಜೊತೆ ನಿಮ್ ಸಂಬಂಧ ಗಟ್ಟಿಯಾಗುತ್ತೆ. ಇದರಿಂದ ಮಿದುಳು ಖುಷಿಯಾಗುತ್ತೆ, ಚೆನ್ನಾಗಿ ಕೆಲಸ ಮಾಡುತ್ತೆ.

ಮೂಲ

3) 2 ನಿಮಿಷ ನಿಮ್ಗಿರೋ ಭಾಗ್ಯ ನೆನೆಸ್ಕೋಬೇಕು

ಡಿ.ವಿ.ಗುಂಡಪ್ಪ 'ಇರುವ ಭಾಗ್ಯವ ನೆನೆದು ಬಾರೆನೆಂಬುದ ಬಿಡು, ಹರುಷಕ್ಕಿದೆ ದಾರಿ' ಅಂತ ಹೇಳಿದ್ದಾರೆ. ಹೀಗೆ ನಿಮ್ ಬದುಕಲ್ಲಿ ನಿಮ್ಗೆ ದಕ್ಕಿರೋ ಭಾಗ್ಯಗಳ್ನ ನೆನೆಸ್ಕೋಬೇಕಂತೆ ಬೆಳಿಗ್ ಬೆಳಿಗ್ಗೆ. ಇದರಿಂದ ಮಿದುಳು ಪಾಸಿಟಿವ್ ಆಗುತ್ತೆ. ಬದುಕಲ್ಲಿ ಏನೇನಿದೆ ಅಂತ ನೋಡೋದ್ರಿಂದ, ಏನೇನಿಲ್ಲ ಅಂತ ಕೊರಗೋದು ತಪ್ಪುತ್ತೆ. ಲೋಟ ಅರ್ಧ ಖಾಲಿಯಾಗಿದೆ ಅಂತ ಕೊರಗೋ ಬದ್ಲು ಅರ್ಧ ಲೋಟ ನೀರಿದ್ಯಲ್ಲ ಅಂತ ಖುಷಿ ಪಡ್ಬೇಕು. ಇಂಥ ಆಶಾವಾದದಿಂದ ಇಡೀ ದಿನ ಚೆನ್ನಾಗಿ ಕಳಿಯುತ್ತೆ. ನೀವು ಅಂದ್ಕೊಂಡ ಕೆಲಸ ಎಲ್ಲ ಮಾಡಿ ಮುಗಿಸ್ಬಹುದು.

ಮೂಲ

4) 12 ನಿಮಿಷ ವ್ಯಾಯಾಮ ಮಾಡ್ಬೇಕು

ಮನುಷ್ಯನ್ ದೇಹದಲ್ಲಿ 'ಎಂಡಾರ್ಫಿನ್' ಅನ್ನೋ ಹಾರ್ಮೋನು ಇದ್ದಷ್ಟು ಅವ್ನು ಖುಷಿಯಾಗಿರ್ತಾನಂತೆ. ನಾವು ಜಾಗಿಂಗ್, ಯೋಗಾಸನ, ವ್ಯಾಯಾಮ್ ಮಾಡೋವಾಗ್ಲೂ ಈ ಎಂಡಾರ್ಫಿನ್ ದೇಹದಲ್ಲಿ ಹೆಚ್ಚಾಗುತ್ತೆ. ಇದರಿಂದ ಟೆನ್ಷನ್ ಕಡಿಮೆ ಆಗಿ, ಮಿದುಳು ಅದರ ಪೂರ್ತಿ ತಾಕತ್ತು ತೋರ್ಸುತ್ತೆ. ಅಲ್ಲದೆ ನೀವು ನಿಮ್ ಬಗ್ಗೆ ಯೋಚ್ನೆ ಮಾಡೋದನ್ನ ಕಲೀತೀರಿ. ದಿವ್ಸ ವ್ಯಾಯಾಮ ಮಾಡೋದ್ರಿಂದ, ಹಿಡಿದ ಕೆಲ್ಸಾನ ಕಷ್ಟ ಬಿದ್ದು ಪೂರ್ತಿ ಮಾಡ್ಬೇಕು ಅನ್ನೋದೂ ಮಿದುಳಿಗೆ ಅರ್ಥ ಆಗುತ್ತೆ. ಇದೆಲ್ಲ ಪಾಸಿಟಿವಿಟಿ ಹೆಚ್ಸುತ್ತೆ.

ಮೂಲ

5) 2 ನಿಮಿಷ ಧ್ಯಾನ ಮಾಡ್ಬೇಕು

ಎರಡೇ ಎರಡು ನಿಮಿಷ ಧ್ಯಾನ ಮಾಡೋದ್ರಿಂದ ತುಂಬ ಪ್ರಯೋಜನ ಇದೆ. ಒಂದು ಕಡೆ ಶಾಂತವಾಗಿ ಕೂತು, ನಿಮ್ ಉಸಿರಾಟದ್ ಮೇಲೆ ನಿಮ್ ಗಮನ ಇಡಿ. ಬೇರೆ ಯಾವುದ್ರ ಬಗ್ಗೆನೂ ಯೋಚ್ನೆ ಮಾಡ್ಬೇಡಿ. ಇದ್ರಿಂದ ಕೈಯಲ್ಲಿರೋ ವಿಷಯದ್ ಬಗ್ಗೆ ಮಾತ್ರ ಯೋಚ್ನೆ ಮಾಡೋ ಶಕ್ತಿ ಹೆಚ್ಚಾಗುತ್ತೆ. ದಿವ್ಸ ಇದನ್ನ ಅಭ್ಯಾಸ ಮಾಡ್ಕೊಂಡ್ರೆ ನಿಧಾನಕ್ಕೆ ಪಾಸಿಟಿವಿಟಿ ಹೆಚ್ಚಾಗುತ್ತೆ.

ಮೂಲ

ಬೆಳಿಗ್ಗೆ ಸ್ವಲ್ಪ ಜಾಸ್ತಿ ಟೈಮ್ ಇದ್ದ ದಿವ್ಸ ಬೇಕಿದ್ರೆ ಇದನ್ನೆಲ್ಲ ಜಾಸ್ತಿ ಹೊತ್ತು ಮಾಡ್ಬಹುದು. ಈ ಅಭ್ಯಾಸಗಳನ್ನ ರೂಢಿ ಮಾಡ್ಕ್ಕೊಂಡ್ರೆ ನೀವು ಹೆಚ್ಚು ಪಾಸಿಟಿವ್ ಆಲೋಚನೆಗಳನ್ನ ಮಾಡ್ತೀರಿ. ನಿಮ್ಮ ದಿನವೂ ಚೆನ್ನಾಗಿರುತ್ತೆ. ಅಂದ್ಕೊಂಡ ಕೆಲ್ಸ ಎಲ್ಲ ಅಚ್ಚುಕಟ್ಟಾಗಿ ಮಾಡಿ ಮುಗಿಸ್ತೀರಿ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: