ಚಳಿಗಾಲದಲ್ಲಿ ಕೂತ್ ಕೂತಂಗೇ ತೂಕಡಿಗೆ ಬರ್ತಿದ್ರೆ ಈ 12 ಉಪಾಯ ಮಾಡಿ

ಬಿಟ್ಟು ಬಿಟ್ಟು ಕೆಲ್ಸ ಮಾಡಿ

ಚಳಿ ಬೇರೆ. ಹೊದ್ದಿಗೆ ಬಿಟ್ಟು ಎದ್ರೆ ಸಾಕು ಮತ್ತೆ ಹೊದ್ಕೊಂಡು ಮಲ್ಕೊಳೋಣ ಅನ್ಸತ್ತ್ತೆ. ಎದ್ದ ನಂತರ ಮನೆ ಕೆಲ್ಸ, ಆಫಿಸ್ ಕೆಲ್ಸ...ಇವೆಲ್ಲದರ ಮಧ್ಯ ಮತ್ತೆ ನಿದ್ದೆ ಮಾಡಕ್ಕಾಗಲ್ಲ. ಅದ್ರೂ ಆಕಳಿಕೆ ಏನೂ ಕಡಿಮೆ ಆಗಲ್ಲ. ಆಕಳಿಸಿ ಆಕಳಿಸಿ ತೂಕಡಿಸಿ ಹೆಂಗೋ ಕೆಲ್ಸ ಮುಗಿಸಿಬಿಡಬೇಕಪ್ಪಾ ಅನ್ನೋರಿಗೆ ಇಲ್ಲ್ವೆ ಕೆಲವು ಟಿಪ್ಸ್, ಟ್ರೈ ಮಾಡಿ, ನಿದ್ದೆಗಣ್ಣು ಕಮ್ಮಿ ಮಾಡ್ಕೊಳಿ...

1. ಸಂಗೀತ ಕೇಳಿ

ಆಫಿಸ್ನಲ್ಲಿ ಇದ್ದಿರೋ ಅಥವಾ ಎಟಿಎಂ ಕ್ಯೂ ನಲ್ಲಿದ್ದಿರೋ, ರಾತ್ರಿ ನಿದ್ದೆ ಸಾಕಷ್ಟು ಮಾಡ್ಲಿಲ್ಲ ಅಂದ್ರೆ ತೂಕಡಿಕೆ ಬರತ್ತೆ. ಆಗ ನಿಮ್ಮ ಇಷ್ಟವಾದ ಒಂದು ಹಾಡು ಹಾಕೊಳ್ಳಿ.. ಎಚ್ಚರವಾಗಿರ್ತೀರಿ.

2. ಬಿಟ್ಟು ಬಿಟ್ಟು ಕೆಲ್ಸ ಮಾಡಿ

ಒಂದೇ ಕಡೆ ಒಂದೇ ಕೆಲ್ಸ ಮಾಡ್ತಿದ್ರೆ ನಿದ್ದೆ ಮಂಪರಾಗತ್ತೆ. ಸ್ವಲ್ಪ ಹೊತ್ತು ಕಂಪ್ಯೂಟರ್ ನೋಡಿದ್ರೆ ಇನ್ನೊಂದ್ ಸ್ವಲ್ಪ ಹೊತ್ತು ನಿಮ್ಮ ಡೈರಿ ಬರೀರಿ ಅಥವಾ ಅಡುಗೆಮನೆ ಕೆಲ್ಸ ಮಾಡಿ. 

3. ಪೆಪ್ಪರ್ಮೆಂಟ್ ಟೂತ್ಪೇಸ್ಟ್ ತೊಗೊಂಡು ಹಲ್ಲುಜ್ಜಿ

ಒಳ್ಳೆ ನಿದ್ದೆ ಮಾಡಿ ಎದ್ರೂ ಬೆಳಗ್ಗೆ ಚಳಿಗೆ ಇನ್ನೂ ನಿದ್ದೆ ಅನ್ಸಿದ್ರೆ ಒಂದೊಳ್ಳೆ ಪೆಪ್ಪರ್ಮೆಂಟ್ ಟೂತ್ಪೇಸ್ಟ್ ಹಾಕೊಂಡು ಹಲ್ಲುಜ್ಜಿ. ಆ ಪುದಿನ ವಾಸ್ನೆಗೆ ನಿಮ್ಗೆ ಎಚ್ಚರ ಆಗತ್ತೆ, ತಲೆ ಓಡತ್ತೆ.

4. ಕಿಟಕಿಗಳನ್ನ ತೆಗೀರಿ, ಬಿಸಿಲು ಬರ್ಲಿ

ಬಿಸಿಲಿಗೆ ಮೈ ಒಡ್ಡಿ. ಕಿಟಕಿಗಳು ಓಪನ್ ಮಾಡಿ. ಬೆಳಕು ಮನೆಯೋಳಗೆ ಬಂದ್ರೆ ನಿದ್ದೆ ಮಬ್ಬು ಹೋಗತ್ತೆ. ಲವಲವಿಕೆ ಬರತ್ತೆ.

ಮೂಲ

5. ಗಾಳೀಲಿ ಅಡ್ಡಾಡಿ ಬನ್ನಿ 

ಆಫಿಸ್ಸು ಅಥವಾ ಮನೆ ಹೊರಗಡೆ ಹೋಗಿ ಹೊಸ ಗಾಳಿ ಕುಡ್ಕೊಂಡು ಬನ್ನಿ. ನಿದ್ದೆ ಪುರ್ ಅಂತ ಹಾರ್ ಹೋಗತ್ತೆ. ಏನಂತೀರಿ?

6. ನಿದ್ದೆ ಬರೋ ಹಾಗೆ ಹೊಟ್ಟೆ ತುಂಬಾ ತಿನ್ಬೇಡಿ

ನಾವು ಏನ್ ತಿಂತೀವಿ ಆನೋದರ ಮಏಲೆ ನಮ್ಗೆ ನಿದ್ದೆ ಬರತ್ತೋ ಇಲ್ವೋ ಹೇಳ್ಬೋದು. ಉದಾಹರಣೆಗೆ, ಸಿಕ್ಕಾಪಟ್ಟೆ ಸಿಹಿ ತಿಂದ್ರೆ ನಿದ್ದೆ ಗ್ಯಾರಂಟಿ, ಹಬ್ಬದ ಊಟ ಮಾಡಿ ನಿದ್ದೆ ಬರ್ಬೇಡ ಅಂದ್ರೆ ಆಗತ್ತಾ?

7. ಅವಾಗವಾಗ ಕಾಫಿ ಕುಡಿರಿ

ಕಾಫಿ ಒಂಥರಾ ಕಿಕ್ ಕೊಡತ್ತೆ. ನಿದ್ದೆ ಹೋಗ್ಸತ್ತೆ ಅನ್ನೊದು ಎಲ್ರಿಗೂ ಗೊತ್ತಿರೋ ವಿಷಯ :-) ಆಫಿಸ್ ಮಂದಿ ಅಗಾಗ ಕಾಫಿ/ಟೀ ಬ್ರೇಕ್ ತೊಗೊತಾರೆ. ಕೆಲ್ಸಕ್ಕೆ ಸ್ವಲ್ಪ ಬ್ರೇಕ್ ಹಾಗೆ ನಿದ್ದೆಗೂ ಬ್ರೇಕ್ :-))

8. ಮಧ್ಯಾಹ್ನ ಊಟ ನಂತರ ಒಂದು ಚೋಟ ನಿದ್ದೆ ಮಾಡಿ

ತೀರಾ ಕಾಫಿ ಕುಡಿದ ಮೇಲೂ ನಿದ್ದೆ ತಡ್ಕೊಳಕ್ಕಾಗಲ್ಲ ಅನ್ನೋರು ಮಧ್ಯಾಹ್ನ ಊಟ ಆದ ಮೇಲೆ ಒಂದು ಚಿಕ್ಕ ನಿದ್ದೆ ಹೊಡಿರಪ್ಪ... ಚಳಿಗಾಲದಲ್ಲಿ ಇವೆಲ್ಲಾ ನಡೆಯತ್ತೆ. ಎದ್ದ ಮೇಲೆ "ಪವರ್" ಬರತ್ತೆ ಕೆಲ್ಸ ಮಾಡಕ್ಕೆ.

9. ಆಗಾಗ ಬಾಯ್ ಅಲಾಡಿಸಕ್ಕೆ ಎನಾದ್ರು ಇಟ್ಕೊಂಡಿರಿ

ಖಾರ ಕಡಲೆಬೀಜ, ಹುರಿಗಾಳು, ಕಳ್ಳೆಪುರಿ ಅಥವಾ ಚಾಕೊಲೇಟ್..್ಈಗೆ ಎನಾದ್ರೂ ಒಂದು ಬಾಯಲ್ಲಿ ಹಾಕೊಂಡು ಅಗೀತಾ ಕೆಲ್ಸ ಮಾಡಿ, ನಿದ್ದೆ ಮಂಪರು ಹೋಗತ್ತೆ.

ಮೂಲ

10. ಮುಖಕ್ಕೆ ತಣ್ಣೀರು ಎರೆಚಿಕೊಳ್ಳಿ

ತಕ್ಷಣ ನಿದ್ದೆಗಣ್ಣಿಂದ ಸರೀ ಹೋಗ್ಬೇಕಂದ್ರೆ ಮುಖಕ್ಕೆ ತಣ್ಣಿರ್ ಎರೆಚಿ. ಹೆಂಗಾಗತ್ತೆ ಅಂತ ಗೊತ್ತಲ್ವಾ :-) ತಕ್ಷಣ ಸೂಪರ್ ಫ್ರೆಶ್ ಲಿಕ್ ಬಂದ್ಬಿಡತ್ತೆ.

11. ನಿಂಬೆ ಪಾನಕ ಅಥವಾ ಬಿಸಿ ಬಿಸಿ ಗ್ರೀನ್ ಟಿ ಚಪ್ಪರಿಸಿ

ಕಾಫಿ ಬೇಡ, ಟೀ ಬೇಡ ಅನ್ನೋರಿಗೆ ನಿಂಬೆ ಪಾನಕ ಬೇಕು. ಚಳಿಗೆ ನಿಂಬೆ ಪಾನಕ ಕುಡ್ಯೋದು ಭಾಳ ಒಳ್ಳೆದು ಕೂಡ. ಅಯ್ಯೋ ತಣ್ಣಗೇನೂ ಬೇಡ, ಬಿಸಿ ಬಿಸಿ ಬೇಕು ಅನ್ನೋರು ಗ್ರೀನ್ ಟಿ ಬೇಗ ಮಾಡ್ಕೋಂಡು ಕೂದಿರಿ. ನಿದ್ರಾದೇವಿ ಮೈ ಬಿಟ್ಟು ಹೋಗ್ತಾಳೆ.

12. ಏನೂ ಬೇಡ, ಬೆಳಗ್ಗೆ ಎದ್ದ ಮೇಲೆ ಒಂದಿಷ್ಟು ಎಕ್ಸರ್ಸೈಸ್ ಮಾಡಿ

ಬೆಳಗ್ಗೆ ಸ್ವಲ್ಪ ಬೇಗ ಎದ್ದು ಯಾವುದೇ ಕೆಲ್ಸ ಶುರು ಮಾಡೊ ಮುನ್ನ ನಿಮ್ಗೆ ಮೈಗೆ ಹೊಂದೊ ಓಮ್ದು ವ್ಯಾಯಮ್ಮದ ಪಟ್ಟಿ ರೆಡಿ ಮಾಡ್ಕೊಳಿ. ಅದರ ಪ್ರಕಾರ ಎಕ್ಸರ್ಸೈಸ್ ಮಾಡಿ. ಇದಕ್ಕಿಂತ ಬೆಸ್ಟ್ ಉಪಾಯ ಇನ್ಯಾವುದೂ ಇಲ್ಲ!

ಯಾವಾಗ ನಾವು ನಮ್ಗೇ "ಡಲ್" ಅನ್ನಿಸುತ್ತೀವೋ ಆಗ್ಲೆಲ್ಲಾ ಇಷ್ಟ್ ಮಾಡಿ ಸಾಕು!

ಜಿಫ್ ಮೂಲ: gif.com

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಜನರ ನಡವಳಿಕೆ ಬಗ್ಗೆ ಈ 13 ಸತ್ಯಗಳು ಗೊತ್ತಾದಾಗ ನಿಮಗೆ ಪ್ರಪಂಚ ಇನ್ನಷ್ಟು ಚೆನ್ನಾಗಿ ಅರ್ಥ ಆಗುತ್ತೆ

ದುಡ್ಡಿರೋರ್ನ ಜನ ಬುದ್ಧಿವಂತ್ರು ಅನ್ಕೋತಾರೆ

ಮನುಷ್ಯನ ದೇಹ ಒಂದು ಅದ್ಭುತವಾದ ಸೃಷ್ಟಿ. ಒಂದು ಕಡೆಗೆ ಬೇರೆ ಬೇರೆ ಕೆಲಸಗಳ್ನ ಮಾಡ್ಕೊಂಡ್ ಹೋಗೋ ಅಂಗಾಂಗಗಳಾದರೆ ಇನ್ನೊಂದು ಕಡೆ ಇಡೀ ಬ್ರಹ್ಮಾಂಡವನ್ನೇ ಅರ್ಥ ಮಾಡಿಕೊಳ್ಳುವಂಥ ಮನಸ್ಸು! ದೇಹ ಮತ್ತು ಮನಸ್ಸು ಎರಡೂ ಒಗ್ಗೂಡೇನೇ‌ ಮನುಷ್ಯ ತನ್ನದೇ ಆದ ರೀತಿಯಲ್ಲಿ ನಡ್ಕೊಳೋಡು. ಒಬ್ಬೊಬ್ಬ ಮನುಷ್ಯಾನೂ ಬೇರೆಬೇರೇನೇ, ಆದರೆ ಎಲ್ಲರಿಗೂ ಅನ್ವಯಿಸುವಂಥ ಕೆಲವು ಆಶ್ಚರ್ಯಕರವಾದ ಸತ್ಯಗಳಿವೆ. ಕೆಳಗೆ ಅಂಥವು ಕೆಲವು ಕೊಟ್ಟಿದೀವಿ, ಓದ್ತಾ ಹೋಗಿ…

1. ಆತ್ಮಗೌರವ ಕಡಿಮೆ ಇರೋರು ಬೇರೆಯೋರ್ನ ಕಡೆಗಣಿಸಿ ಮಾತಾಡೋದು, ಕೀಳಾಗಿ ಬಿಂಬಿಸೋದು, ಎಲ್ಲಾ ಜಾಸ್ತಿ.

ಯಾಕಂದ್ರೆ ಅವರಿಗೆ ತಮ್ಮೊಳಗೆ ತಾವೇ 'ಮೇಲೆ' ಕಾಣಿಸಲ್ಲ. ಬೇರೆಯೋರ್ನ ಕೆಳಗೆ ಮಾಡಿಕೊಂಡಾಗಲೇ ಕಾಣಿಸೋದು.

2. ಯಾರಾದರೂ ನೋಡ್ತಾ ಇದಾರೆ ಅಂದಾಗ ಜನರ ನಡತೆ ಇನ್ನಷ್ಟು ಚೆನ್ನಾಗಿರುತ್ತೆ.

ಯಾರೂ ಇಲ್ಲದಿರುವಾಗ ನಡ್ಕೊಳೋ ರೀತೀನೇ ಬೇರೆ. ನನಗೆ ಬೇಕಾದ್ದು ಮಾಡ್ತೀನಿ ಅನ್ನೋ‌ ಮನೋಭಾವ ಇರುತ್ತೆ. ಇದು ಕೆಟ್ಟದೆನಲ್ಲ, ಆದರೆ ಒಳಗೊಂದು ಹೊರಗೊಂದು ಅನ್ನೋದು ಮಿತಿಮೀರಿ ಬೆಳೆದರೆ ತೊಂದರೆ, ಅಷ್ಟೆ.

3. ನೋಡಕ್ಕೆ ಚೆನ್ನಾಗಿರೋರ್ನ ಮತ್ತೆ ತುಂಬಾ ಸಾಧು ಮನುಷ್ಯನ ತರಹ ಕಾಣಿಸೋರ್ನ ಜನ ಬೇಗ ನಂಬಿ ಬಿಡ್ತಾರೆ.

'ಗೋಮುಖವ್ಯಾಘ್ರ' ಅಂತ ಹೇಳ್ತಾರಲ್ಲ, ಹಂಗೆ ಇದು. ಸೌಂದರ್ಯ ಮತ್ತೆ ವಿನಯ ಹೊರಗೆ ಕಂಡರೆ ಸಾಕು, ಜನ ಹತ್ತಿರ ಬರ್ತಾರೆ. ಕೆಲವರು ಇದನ್ನ ಇನ್ನೊಂದು ರೀತಿಲಿ ಬಳಸಿಕೊಳ್ತಾರೆ, ಅಷ್ಟೇ.

4. ಜನ ತುಂಬ ಕ್ಲಿಷ್ಟವಾದ ತೀರ್ಮಾನಗಳ್ನ ತೊಗೊಳಕ್ಕೆ ಹೋಗಲ್ಲ; ಅದರ ಬದಲು ಇರೋದು ಇದ್ದಂಗೇ ಇರಲಿ ಅಂತ ಸುಮ್ಮನೆ ಇದ್ದುಬಿಡ್ತಾರೆ.

ಏನ್ ತೀರ್ಮಾನ ತೊಗೋತಿದೀನಿ ಅನ್ನೋದು ತುಂಬ ಸುಲಭವಾಗಿ ಅರ್ಥ ಆಗಬೇಕು. ಇಲ್ಲಾಂದ್ರೆ ತಲೆ ಕೆಡುಸ್ಕೊಳಲ್ಲ ಜನ. ಇದು ರಾಜಕಾರಣಿಗಳಿಗೆ ತುಂಬ ಚೆನ್ನಾಗಿ ಗೊತ್ತಿರೋ ವಿಷಯ!

5. ಯಾರಾದರೂ ತುಂಬ ಕೋಪ ಮಾಡ್ಕೋತಿದ್ರೆ ಅವರ ತರಹ ನಾವೂ ಆಗಬೇಕು, ಅವರ ಸ್ಥಾನಕ್ಕೆ ನಾವೂ ಏರಬೇಕು ಅನ್ಕೋತಾರೆ ಜನ

ಅದೇನೋ ಕೋಪಕ್ಕೆ ಈ ಸ್ಥಾನಮಾನ ಇದೆಯಪ್ಪ. ತುಂಬಾ ಬುದ್ಧಿವಂತರು ಮತ್ತೆ ತುಂಬಾ ಒಳ್ಳೇ ಮನಸ್ಸಿರೋರೆ ಕೋಪ ಮಾಡ್ಕೊಳೋದು ಅಂತ ಜನ ಅನ್ಕೋತಾರೆ. ಮೇಲ್ಮೇಲಕ್ಕೆ ಇದನ್ನ ತೋರಿಸಿಕೊಳ್ಳದೆ ಇರಬಹುದು, ಆದರೆ ಒಳಗೊಳಗೇ ನಾನು ಅವರ ಸ್ಥಾನಕ್ಕೆ ಎರಬೇಕು ಅನ್ಕೋತಾರೆ.

6. ಏನಾದರೂ ಸಿಕ್ಕಾಗ ಆಗೋ ಸಂತೋಷದ ತೂಕ ಒಂದಾದರೆ ಅದನ್ನ ಕಳ್ಕೊಂಡಾಗ ಆಗೋ ದುಃಖದ ತೂಕ ಎರಡು.

ಮೊಬೈಲ್ ಕೊಂಡುಕೊಂಡಾಗ ಆಗುವ ಸುಖ ಹೆಚ್ಚೋ ಅದು ಕಳೆದು ಹೋದಾಗ ಆಗುವ ದುಃಖ ಹೆಚ್ಚೋ?!

7. ಬೊಜ್ಜು ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತೆ. ನಿಮ್ಮ ಸುತ್ತ ಮುತ್ತ ಬೊಜ್ಜು ಜಾಸ್ತಿ ಇರೋರೇ ಇದ್ದರೆ ನಿಮಗೂ ಬರೋ ಸಾಧ್ಯತೆ ಇದೆ.

ಇದಕ್ಕೆ ಕಾರಣ ಅಷ್ಟು ಬೊಜ್ಜಿರೋದೇ ನಾರ್ಮಲ್ ಅನ್ಕೊಳೋದು. ಅಲ್ಲದೆ ಅವರು ತಿಂದಿದ್ದೆಲ್ಲ ತಿನ್ನೋದು!

8. ಯಶಸ್ಸು ಮತ್ತೆ ದುಡ್ಡು ಯಾರಿಗಿದೆಯೋ ಅವರನ್ನ ಜನ ಬುದ್ಧಿವಂತರು ಅಂತಾನೂ ಅನ್ಕೋತಾರೆ.

ಇದೊಂದು ದೊಡ್ಡ ವಿಪರ್ಯಾಸ. ನಿಜಕ್ಕೂ ನೋಡಿದರೆ ಸಾಮಾನ್ಯವಾಗಿ ದುಡ್ಡು ಯಶಸ್ಸು ಎಲ್ಲಾ ಇರೋ ಕಡೆ ಬುದ್ಧಿವಂತಿಕೆ ಕಡಿಮೇನೇ ಇರುತ್ತೆ. ದುಡ್ಡು ಮತ್ತೆ ಯಶಸ್ಸಿಗೆ ಬೇಕಾದ ಬುದ್ಧಿವಂತಿಕೆಗೂ ನಿಜವಾದ ಬುದ್ಧಿವಂತಿಕೆಗೂ ವ್ಯತ್ಯಾಸ ಜನರಿಗೆ ಗೊತ್ತಾಗಲ್ಲ.

9. ಸಂತೋಷವಾಗಿರಕ್ಕೆ ತುಂಬಾ ದುಡ್ದಿರಬೇಕಗಿಲ್ಲ. ಅಕ್ಕಪಕ್ಕದ ಮನೆಯೋರ್ಗಿಂತ ಜಾಸ್ತಿ ಇದ್ದರೆ ಸಾಕು.

ಯಾಕಂದ್ರೆ ನಾವು ಯಾವಾಗಲೂ ಬೇರೆಯೋರಿಗೆ ಹೋಲಿಸಿಕೊಳ್ತಾ ಇರ್ತೀವಿ, ಅದಕ್ಕೇ. ಅಂದಹಾಗೆ ಈಗೀಗ ಪಕ್ಕದ ಮನೆಯೋರ ಫೇಸ್ಬುಕ್ಕಲ್ಲಿ ಫ್ರೆಂಡ್ ಆಗಿರೋರೂ ಸೇರಿಕೊಳ್ತಾರೆ!

10. ಸುಳ್ಳು ಹೇಳಕ್ಕೆ ತುಂಬ ಜಾಸ್ತಿ ತಲೆ ಉಪಯೋಗಿಸಬೇಕು. ನಿಜ ಹೇಳಕ್ಕೆ ಅಷ್ಟು ಬೇಕಾಗಿಲ್ಲ.

ಸುಳ್ಳು ಹೇಳುವಾಗ ಮುಂದೆ ಆಗೋ ತೊಂದರೆಗಳಿಗೆಲ್ಲ ಪ್ಲಾನ್ ಮಾಡಿಕೊಂಡು ಹೇಳಬೇಕು. ನಿಜ ಹೇಳೋರಿಗೆ ಈ ತೊಂದರೆಗಳೆಲ್ಲ ಇರಲ್ಲ. ಹೇಳೋದು ಹೇಳಿ ಆಮೇಲೆ ಏನಾಗುತ್ತೋ ನೋಡ್ಕೋತೀನಿ ಅನ್ನೋ ಮನೋಭಾವ ಇರೋದ್ರಿಂದ ಜಾಸ್ತಿ ತಲೆ ಉಪಯೋಗಿಸಬೇಕಾಗಿಲ್ಲ.

11. ನಿಮಗೆ ಇಷ್ಟ ಇರೋರ್ಗೆ SMS / WhatsApp ಸಂದೇಶ ಬರೀಬೇಕಾದ್ರೆ ಕೈ ಬೇಗ ಓಡುತ್ತೆ.

ಯಾಕಂದ್ರೆ ಮನಸ್ಸು ಕೈಗೆ ಹಾಗೆ ಆದೇಶ ಕೊಡುತ್ತೆ! ಆದರೆ ನೆನಪಿರಲಿ, ಇದರಿಂದ ಏನೇನೋ ಟೈಪ್ ಮಾಡಿ ಸಂದೇಶ ಕಳಿಸಿ ಕಷ್ಟಕ್ಕೆ ಸಿಕಾಕೊಳೋ ಸಾಧ್ಯತೆ ಹೆಚ್ಚು!

12. ಆಗಾಗ ಬೇಜಾರು ಅನ್ನೋರು ಸಾಮಾನ್ಯವಾಗಿ ಏನಾದರೂ ಒಳ್ಳೆ ಕೆಲಸ ಮಾಡಕ್ಕೆ ಇಷ್ಟ ಪಡ್ತಾರೆ. ಅವರಿಗೆ ನಿಜಕ್ಕೂ ಮನರಂಜನೆ ಬೇಕಾಗಿರಲ್ಲ.

ಅವರಿಗೆ ಬೇಜಾರು ಆಗೋದೇ ಮನರಂಜನೆ ಅವರಿಗೆ ಬೇಡದೆ ಇರೋದ್ರಿಂದ. ಮನರಂಜನೆಯಿಂದ ಅವರ ಜೀವನ ಇನ್ನಷ್ಟು ಚೆನ್ನಾಗಾಗುತ್ತೆ ಅನ್ನೋ ಅನಿಸಿಕೆ ಅವರಿಗೆ ಇರಲ್ಲ. ಅದರ ಬದಲಾಗಿ ಏನಾದರೂ ಒಳ್ಳೇ ಕೆಲಸ ಮಾಡಿದರೆ ಒಂದಿಷ್ಟು ಸಂತೋಷ ಸಿಗುತ್ತೆ.

13. ತುಂಬ ಬುದ್ಧಿ ಇರೋ ಹುಡುಗೀರ್ಗೆ ಗಂಡು ಸಿಗೋದು ಕಷ್ಟ. ಅವರಿಗೂ ಮದುವೆ ಅಂದ್ರೆ ತುಂಬಾ ಇಷ್ಟ ಇರಲ್ಲ.

ಮದುವೆ ಅನ್ನೋದರ ಬಗ್ಗೆ ತೀರಾ ಜಾಸ್ತಿ ಯೋಚನೆ ಮಾಡೋದು ಏನೂ ಇರಲ್ಲ. ಸ್ವಲ್ಪ ಇರುತ್ತೆ, ಇಲ್ಲವೇ ಇಲ್ಲ ಅಂತಲ್ಲ. ಆದರೆ ಮದುವೆ ಆದ್ಮೇಲೆ ನಿಭಾಯಿಸಿಕೊಂಡು ಹೋಗೋದೇ ಮುಖ್ಯ. ಆದರೆ ತುಂಬ ಬುದ್ಧಿ ಇದ್ದರೆ ಬೇಕಾದ್ದು ಬೇಕಾಗಿಲ್ಲದಿರೋದು ಎಲ್ಲಾ ಯೋಚನೆ ಮಾಡಿಕೊಂಡು ತಲೆ ಕೆಡಿಸಿಕೊಂಡು ಕೂತಿರ್ತಾರೆ. ಬೇಕಾಗಿಲ್ಲದಿರೋದರ ಬಗ್ಗೇನೇ ಜಾಸ್ತಿ ಯೋಚನೆ ಮಾಡ್ತಾರೆ ಅಂದ್ರೂ ತಪ್ಪಲ್ಲ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: