ಮನೆ ಕ್ಲೀನ್ ಮಾಡಕ್ಕೆ ಕೆಮಿಕಲ್ಸ್ ಬದ್ಲು ನಿಂಬೇಹಣ್ಣು ಬಳಸಕ್ಕೆ ಬೇಕಾಗಿರೋ ಟ್ರೇನಿಂಗ್ ಕೊಡ್ತೀವಿ ಬನ್ನಿ

ಸುಮ್ನೆ ದುಡ್ಡು ಆರೋಗ್ಯ ಎಲ್ಲ ಹಾಳು ಮಾಡ್ಕೋಬೇಡಿ

ನಿಂಬೆ ಹಣ್ಣಿನ ಹುಳಿ ಅಂದ್ರೆ, ಅದ್ರ ಘಮ ಅಂದ್ರೆ ಯಾರಿಗ್ತಾನೆ ಇಷ್ಟ ಆಗಲ್ಲ ಹೇಳಿ. ನಮ್ಮ ಮನೆಗೆಲಸಕ್ಕೆ ನಾವು ಪ್ರತಿದಿನ ನಿಂಬೆ ಬಳಸ್ಬೋದು. ಹೇಗೆ ಅಂತ ಕೆಳಗಡೆ ಕೊಟ್ಟಿದೀವಿ ಓದಿ... 

ಮನೆ ಒಳಗೆ ಹೊರಗೆ ಘಮ್-ಘಮ ಅಂತ ಮಾಡಕ್ಕೆ...

1. ಸ್ಪ್ರೇ ಮಾಡೋ ಬಾಟ್ಲಿಲಿ ಅರ್ಧ ನೀರ್ ತುಂಬಿಸಿ ಒಂದೆರ್ಡ್ ಹನಿ ನಿಂಬೆ ರಸ ಹಿಂಡಿ ಚೆನಾಗ್ ಅಲ್ಲಾಡ್ಸಿ ಸ್ಪ್ರೇ ಮಾಡಿ, ಮನೆ ಘಮ್ ಅಂತ ಇರತ್ತೆ.

2. ನಿಂಬೆನ ಚಿಕ್ಕ ಚಿಕ್ಕ ಪೀಸ್ ಮಾಡಿ, ಆಮೇಲೆ ನಿಮ್ ಬೀರೂಲಿ, ಬಟ್ಟೆ ಇಡೋ ಜಾಗದಲ್ಲಿ, ಇಡಿ. ಬಟ್ಟೆ ಘಮ್ ಅಂತ ಇರತ್ತೆ.

3. ಒಣಗ್ಸಿರೋ ನಿಂಬೆ ಸಿಪ್ಪೇನಾ ಒಣಗಿರೋ ಹೂ/ಎಲೆ ಒಟ್ಟಿಗೆ ಮನೇಲಿ ಯಾವುದಾದ್ರೂ ಮೂಲೇಲಿ ಇಡಿ. ಇದಕ್ಕೆ ತಿಂಗಳಲ್ಲಿ ಮೂರ್ನಾಲ್ಕು ಸಲ ನಿಂಬೆ ಎಣ್ಣೆ ಸಿಡಿಸಿ. ಸದಾ ಮನೇಲಿ ಒಳ್ಳೆ ಘಮ ಇರತ್ತೆ.

4. ನಿಂಬೆಗೆ ಲವಂಗ ಚುಚ್ಚಿ, ರಿಬ್ಬನ್ ಕಟ್ಟಿ ನೇತಾಕಿ. ಮನೆಗೆ ಅಲಂಕಾರಾನೂ ಆಗತ್ತೆ, ಘಮಾನೂ ಇರತ್ತೆ.

5. ನಿಂಬೆ ಜ್ಯೂಸಿಗೆ ಒಂದ್ ಲೋಟ ನೀರ್ ಸೇರಿಸಿ ಅಡಿಗೆಮನೆ ಸಿಂಕಲ್ಲಿ ಹಾಕಿ. ಸಿಂಕಿನ ಪೈಪಿನಿಂದ ಬರೋ ವಾಸ್ನೆ ನಿಂತೋಗತ್ತೆ. 

6. ಮೀನು, ಈರುಳ್ಳಿ, ಬೆಳ್ಳುಳ್ಳಿ ಮುಟ್ಟಿ ನಿಮ್ಮ್ ಕೈ ಗಬ್ ಅಂತಿದ್ರೆ ನಿಂಬೆ ರಸದಲ್ಲಿ ಕೈ ತೊಳ್ಕೊಳಿ. ಸರಿ ಹೋಗತ್ತೆ 

7. ಟಿಶ್ಯೂ ಪೇಪರ್ಗೆ ನಿಂಬೆ ಎಣ್ಣೆ ಬಿಟ್ಟು ವ್ಯಾಕ್ಯೂಮ್ ಕ್ಲೀನರ್ ಬ್ಯಾಗಿಗೆ ಹಾಕಿ. ಬ್ಯಾಗಿಂದ ವಾಸ್ನೆ ಬರಲ್ಲ 

8. ನಿಂಬೆ ಕತ್ತರಿಸಿ ಫ್ರಿಡ್ಜಲ್ಲಿ ಇಡಿ. ಫ್ರಿಡ್ಜು ಘಮ್ ಅಂತಿರತ್ತೆ 

9. ಕಸದ ಬುಟ್ಟೀಲಿ ನಿಂಬೆ ಸಿಪ್ಪೆ ಹಾಕಿ ಅವಾಗವಾಗ ನೀರ್ ಚುಮುಕುಸ್ತಾ ಇರಿ. ವಾಸ್ನೆ ಬರಲ್ಲ.

10. ನಿಂಬೆ ಎಣ್ಣೆಗೆ ಲ್ಯಾವೆಂಡರ್ ಎಣ್ಣೆ ಸೇರಿಸಿ 125 ಗ್ರಾಂ ಬೇಕಿಂಗ್ ಸೋಡಾಗೆ ಸೇರಿಸಿ ಒಂದ್ ರಾತ್ರಿ ಇಟ್ಟು...ಕಾರ್ಪೆಟ್ಟು, ಮ್ಯಾಟು, ರಗ್ಗಿಗೆ ಹಾಕಿ. ಎಲ್ಲ ಘಮ್ಮಂತ ಇರತ್ತೆ.

ಮೂಲ

ಮನೆ ಕ್ಲೀನ್ ಮಾಡಕ್ಕೆ...

11. ಮನೇಲಿ ಎಲ್ಲೇ ಗ್ರೀಸ್ ಹತ್ತಿದ್ರೂ ನಿಂಬೆ ರಸ ಹಚ್ಚಿ. ಕ್ಲೀನ್ ಆಗತ್ತೆ.

12. ನೀರಿಗೆ ನಿಂಬೆರಸ, ಲ್ಯಾವೆಂಡರ್ ರಸ, ವಿನೆಗರ್ ಸೇರಿಸಿ ನೆಲ ಓರೆಸಿ. ಚೆನ್ನಾಗಿ ಕ್ಲೀನ್ ಆಗತ್ತೆ. ನಕಾರಾತ್ಮಕ ಶಕ್ತಿಗಳೆಲ್ಲಾ ಹೋಗತ್ತೆ.

13. ಮೈಕ್ರೋವೇವ್ ಓವೆನ್ನಿಗೆ ನಿಂಬೆ ಹಚ್ಚಿ ತೊಳೀರಿ. ಒಣಗಕ್ಕೆ ಬಿಡಿ, ಚೆನ್ನಾಗ್ ಕ್ಲೀನಾಗತ್ತೆ ಮತ್ತೆ ವಾಸ್ನೆ ಎಲ್ಲಾ ಹೋಗತ್ತೆ  

14. ನಲ್ಲಿ ಸಿಂಕ್ ಸುತ್ತ ಕಟ್ಕೊಂಡಿರೋ ಉಪ್ಪು ನೀರಿನ ಕಲೆಗಳನ್ನ ತೆಗ್ಯಕ್ಕೆ ಅರ್ಧ ನಿಂಬೆ ತೊಗೊಂಡು ಉಜ್ಜಿ. ಸ್ವಲ್ಪ ನೀರಿಂದ ತೊಳೀರಿ. ಶೈನಿಂಗ್ ಬರತ್ತೆ.

15. ನಿಂಬೆ ಹೋಳಿಂದ ಕಿಟಕಿ ಗಾಜು ಉಜ್ಜಿ. ಮೊದ್ಲು ಒದ್ದೆ ಬಟ್ಟೇಲಿ ಒರ್ಸಿ. ಆಮೇಲೆ ಒಣಗಿರೋ ಬಟ್ಟೇಲಿ ಓರ್ಸಿ. ಚೆನ್ನಾಗಿ ಕ್ಲೀನಾಗತ್ತೆ.

ಮೂಲ

ಏನಾದ್ರೂ ಫಳ್ ಫಳಾ ಅಂತ ಹೊಳೆಸಕ್ಕೆ... 

16. ಅಡುಗೆಮನೆ ಕಟ್ಟೆ, ಟೇಬಲ್ಲು...ಯಾವ ಜಾಗದಲ್ಲಿ ಕೈ ಗುರುತು ಬಿದ್ದಿರತ್ತೋ ಅಂತಾ ಜಾಗವನ್ನ ನಿಂಬೆ ಎಣ್ಣೆ ಹಾಕಿ ಒರೆಸಿ. ಮೇಣ ಬಿದ್ದು ಕಲೆಯಾಗಿದ್ದೂ ಕೂಡ ಹೋಗತ್ತೆ.

17. ತಾಮ್ರದ ಪಾತ್ರೆ, ಚಿನ್ನ ಬೆಳ್ಳಿ ಒಡವೆನೆಲ್ಲಾ ನಿಂಬೆ ರಸದ ಜೊತೆ ಅಡುಗೆ ಸೋಡ (ಬೇಕಿಂಗ್ ಸೋಡ) ಸೇರಿಸಿ ಉಜ್ಜಿ. ಸಕತ್ ಕ್ಲೀನ್ ಆಗತ್ತೆ.

18. ಮರದ ಫರ್ನಿಚರ್ ಪಾಲಿಷ್ ಮಾಡಕ್ಕೆ ನಿಂಬೆ ರಸ ಮತ್ತು ಆಲಿವ್ ಎಣ್ಣೆ ಸೇರಿಸಿ ಮಾಡಿ. ಮರ ಫಳ್- ಫಳ ಅಂತ ಹೊಳ್ಯತ್ತೆ.

19. ಅಲ್ಯುಮಿನಿಯಂ ಪಾತ್ರೆಗಳನ್ನ ನಿಂಬೆ ಹೋಳಿಂದ ಉಜ್ಜಿ. ಬಟ್ಟೇಲಿ ಒರೆಸಿ. ಚೆನ್ನಾಗಿ ಹೊಳ್ಯತ್ತೆ.

ಮೂಲ

ಸೋಂಕು ನಿವಾರಣೆಗೆ... 

20. ಕುಡಿಯೋ ನೀರನ್ನ ಇನ್ನೂ ಕ್ಲೀನ್ ಮಾಡ್ಬೇಕಂದ್ರೆ ಸ್ವಲ್ಪ ನಿಂಬೆ ರಸ ಹಿಂಡಿ. ಬ್ಯಾಕ್ಟೀರಿಯಾ ನಾಶ ಆಗತ್ತೆ.

21. ಅಡಿಗೆಮನೇಲಿ ಅಥವಾ ಬಚ್ಚಲುಮನೇಲಿ ಎಲ್ಲೆಲ್ಲಿ ಕೊಳೆ ಕೂತ್ಕೊಳತ್ತೋ ಅಲ್ಲೆಲ್ಲಾ ನಿಂಬೆ ರಸ ಹಿಂಡಿ. ಬ್ಯಾಕ್ಟೀರಿಯಾ, ವೈರಸ್ ದೂರ ಹೋಗತ್ತೆ.

22. ತರ್ಕಾರಿ ಹೆಚ್ಚೋ ಮಣೇ ಅಥವಾ ಈಳಿಗೆಮಣೇಗೆ ನಿಂಬೆ ತಿಕ್ಕಿ ತೊಳೀರಿ. ಹಳೇ ಪಳೇ ಕೊಳೇ ಎಲ್ಲಾ ಹೋಗತ್ತೆ.

ಮೂಲ

ಕಲೆ ತೆಗ್ಯಕ್ಕೆ... 

23. ಈರುಳ್ಳಿ ಅಥವಾ ಬದನೆಕಾಯಿ ಹೆಚ್ಚಿ ಕೈ ಕಪಾಹಿದ್ರೆ ನಿಂಬೆ ತಿಕ್ಕಿ. ಕೈ ಕ್ಲೀನಾಗತ್ತೆ.

24. ಶರ್ಟ್ಗೆ ಕಂಕಳ ಹತ್ರ ಬೆವರ ಕಲೆ ಹೋಗ್ಸಕ್ಕೆ ನಿಂಬೆ ತೊಗೊಂಡು ಚೆನ್ನಾಗಿ ತಿಕ್ಕಿ. ಕಲೆ ಹೋಗತ್ತೆ.

25. ಬಟ್ಟೆಗೆ ತುಕ್ಕು ಅಂಟಿಕೊಂಡಿದ್ರೆ ಆ ಜಾಗಕ್ಕೆ ಉಪ್ಪಾಕಿ, ಆಮೇಲೆ ನಿಂಬೆರಸ ಬಿಡಿ ಹಾಗೆ ಬಿಸ್ಲಲ್ಲಿ ಒಣಗಕ್ಕಿಡಿ. ಆಮೇಲೆ ತೊಳೀರಿ ಕ್ಲೀನಾಗಿರತ್ತೆ. 

26. ಪ್ಲಾಸ್ಟಿಕ್ ಡಬ್ಬಿಗೆ ಅಂಟು ಮೆತ್ತಿಕೊಂಡಿದ್ರೆ ನಿಂಬೆರಸ, ಬೇಕಿಂಗ್ ಸೋಡಾ ಸೇರಿಸಿ ಆಂಟಿರೋ ಜಾಗಕ್ಕೆ ಮೆತ್ತಿ. ಆಮೇಲೆ ತೋಳುದ್ರೆ ಕ್ಲೀನಾಗಿರತ್ತೆ.

ಮೂಲ

ಹುಳಗಳನ್ನ ಓಡ್ಸಕ್ಕೆ ನಿಂಬೆಹಣ್ಣು ಬಳ್ಸಿ

27. ಅಡಿಗೆಮನೆ ಶೆಲ್ಫಲ್ಲಿ ಸಾಕಷ್ಟು ಇರುವೆ, ಜಿರಳೆ ಸೇರತ್ತೆ. ಅಲ್ಲಲ್ಲಿ ನಿಂಬೆ ಣ್ಣೇನ ಬಟ್ಟೇಗೆ ಹಾಕೊಂಡು ಒರೆಸಿ. ಯಾವ್ ಹುಳಾನು ಬರಲ್ಲ.

28. ಇರುವೆ ಬರ್ಲೇಬಾರ್ದು ಅಂದ್ರೆ ಒಂದು ಕೊಳೆತ ನಿಂಬೆಹಣ್ಣನ್ನ ಹತ್ರ ಇಡಿ. ಕಿಟಕಿ, ಬಾಗಿಲು ಸಂಧಿ ಹತ್ರ ನಿಂಬೆ ರಸ ಹಿಂಡಿ, ಇರುವೆ ಜಿರಳೆಗೆ ಎಂಟೀನೇ ಇರಲ್ಲ.

29. ಒಳ್ಳೊಳ್ಳೆ ಸೀರೆ ಬಟ್ಟೆ ಇಡೊ ಜಾಗದಲ್ಲಿ ಒಂದು ಪ್ಯಾಕೆಟ್ಗೆ ಒಣಗಿರೋ ನಿಂಬೆ ಸಿಪ್ಪೆಗಳನ್ನ ತುಂಬಿಡಿ. ನುಸಿ ಬರಲ್ಲ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಒಂದಲ್ಲ ಒಂದ್ ರೀತೀಲಿ ದಿನಾ ಕರಿಬೇವು ತಿನ್ನೋರ್ಗೆ ಈ 11 ಲಾಭ ಗ್ಯಾರಂಟಿ

ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ಮ ಕರ್ನಾಟಕ ಏನು ಭಾರತದಲ್ಲಿ ಎಲಾ ಕಡೆ ಕರ್ಬೇವು ಇಲ್ದೆ ಅಡುಗೆನೇ ಮಾಡಲ್ಲ. ಹಿಂದಿನ ಕಾಲದಿಂದ್ಲೂ ಈ ಪದ್ದತಿ ನಡ್ಕೊಂಡು ಬಂದಿದೆ. ಒಗ್ಗರಣೆಗೆ ಕರ್ಬೇವು ಇಲ್ದೆ ಎಲ್ಲಾದ್ರು ಅಡುಗೆ ಮಾಡೊದುಂಟೆ? ಕರ್ಬೇವಿನಲ್ಲಿ ವಿಟಮಿನ್ ಏ, ವಿಟಮಿನ್ ಬಿ, ಬಿ2, ವಿಟಮಿನ್ ಸಿ, ಕ್ಯಾಲ್ಸಿಯಮ್ ಹಾಗೂ ಕಬ್ಬಿಣದಂಶ ಹೆಚ್ಚಾಗಿ ಇರತ್ತೆ. ಹೊಟ್ಟೆಯಲ್ಲಿ ತಿಂದಿದ್ದು ಅರಗಕ್ಕೆ ಬೇಕಾಗೋ ರಾಸಾಯನಿಕ ಕಿಣ್ವಗಳು ಉತ್ಪತ್ತಿ ಆಗೋ ಹಾಗೆ ಪ್ರಚೋದಿಸತ್ತೆ. ನಮ್ ದೇಶ ನೋಡ್ಕೊಂಡು ಬೇರೆ ದೇಶಗಳಲ್ಲಿ ಕೂಡ ಕರ್ಬೇವು ಉಪ್ಯೋಗಿಸಕ್ಕೆ ಶುರು ಮಾಡಿದ್ದಾರೆ. ಕರ್ಬೇವಿನ ಎಣ್ಣೆ ಕೂಡ ಬಳಕೆ ಮಾಡ್ತಾರೆ. 

ಮಕ್ಕಳಿಗಂತೂ ಕರ್ಬೇವು ಯಾಕಾದ್ರೂ ಹಾಕ್ತಾರೋ, ಬರೀ ತೆಗೆಯೋದೇ ಆಗೋಗತ್ತೆ ಅಂತ ಬೇಜಾರ್ ಮಾಡ್ಕೊತಾರೆ. ಮಕ್ಕಳಿಗೇನ್ ಗೊತ್ತು ಅಲ್ವಾ? ಕರ್ಬೇವಿನ ಒಳ್ಳೆ ಗುಣಗಳ ಬಗ್ಗೆ ಇಲ್ಲಿ ಓದಿ ನಿಮ್ಮ ಮಕ್ಕಳಿಗೂ ತಿಳಿಸಿಕೊಡಿ.

1. ರುಚಿ ಹತ್ತದೆ ಇರೋ ನಾಲಿಗೆಗೆ ಕಿಕ್ ಕೊಡತ್ತೆ

ಏನೋ ಹುಷಾರ್ ತಪ್ಪಿ ಸಿಕ್ಕಾಪಟ್ಟೆ ಆಂಟಿಬಯಾಟಿಕ್ಸ್ ಮಾತ್ರೆ ತೊಗೊಂಡ ನಂತರ ನಾಲಿಗೆ ಬೆಂಡಾಗಿರೋ ಅನುಭವ ಆಗತ್ತಲ್ಲ ಆಗ ಕರ್ಬೇವಿನ ಚಟ್ನಿ ಅಥವಾ ಮೊದಲನೆ ಅನ್ನದಲ್ಲಿ ಕರ್ಬೇವಿನ ಚಟ್ನಿಪುಡಿ ಹಾಕೊಂಡು ತಿಂದ್ರೆ ನಾಲಿಗೆಯ ರುಚಿ ಸರಿಹೋಗತ್ತೆ. ಕರಿಬೇವಿನ ಚಿತ್ರಾನ್ನ ಜ್ವರ ಬಂದು ಹೋದ ನಂತರ ತಿಂದ್ರೆ ಸಕತ್ ಕಿಕ್ ಕೊಡತ್ತೆ. ಟ್ರೈ ಮಾಡಿ ನೋಡಿ.

ತೀರ ರುಚಿನೇ ಹತ್ತಲ್ಲ, ಹಸಿವೇ ಇಲ್ಲ ಅಂತ ಅನ್ನಿಸಿದಾಗ ಕರ್ಬೇವು ಪೇಸ್ಟ್ ಮಾಡ್ಕೊಂಡು ಸ್ವಲ್ಪ ಜೀರಿಗೆ ಪುಡಿ ಮತ್ತೆ ಕಪ್ಪು ಉಪ್ಪನ್ನ ಮಿಕ್ಸ್ ಮಾಡಿ ಮಜ್ಜಿಗೆಗೆ ಹಾಕಿ ಕುಡಿದ್ರೆ ಹೊಟ್ಟೆಗೆ ಒಳ್ಳೇದು.

2. ಸಿಕ್ಕಾಪಟ್ಟೆ ಪಿತ್ತ ಆಗಿದ್ರೆ ಕಡಿಮೆ ಮಾಡತ್ತೆ

ಬೆಳಗ್ಗೆ ಎದ್ದಾಗ ಒಂಥರಾ ತಲೆ ಸುತ್ತೋದು ಅಥವಾ ವಾಂತಿ ಆಗೋ ಹಾಗೆ ಆದ್ರೆ ಅಥವಾ ಹಳದಿ ರಸ ವಾಂತಿ ಆದ್ರೆ ನಮ್ ಮೈನಲ್ಲಿ ಪಿತ್ತ ಜಾಸ್ತಿ ಆಗಿದೆ ಅಂತ ಅರ್ಥ. ಆಗ ಕರ್ಬೇವ್ ಉಪ್ಯೋಗ್ಸಿ ಕಡಿಮೆ ಮಾಡೊಬೋದು, ಹೇಗೆ ಅಂದ್ರೇ...

ಒಂದು  - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಹುರಿದ ಉದ್ದಿನ ಕಾಳು ಮತ್ತು ಸ್ವಲ್ಪ ಉಪ್ಪು ಸೇರ್ಸ್ಕೊಂಡು ಒಂದೆರಡು ದಿನ ಬೆಳಗ್ಗೆ ಎದ್ದ ತಕ್ಷಣ ತಿನ್ನೋದು. ತಲೆಸುತ್ತು ಹಾಗೆ ವಾಂತಿ ಕಡಿಮೆ ಆಗತ್ತೆ ಇದ್ರಿಂದ.

ಎರಡನೇದು - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಸ್ವಲ್ಪ ನಿಂಬೆ ಹುಳಿ ಹಿಂಡಿ, ಸ್ವಲ್ಪ ಸಕ್ಕರೆ ಸೇರ್ಸಿ ತೊಗೊಳ್ಳೊದು. ಇದು ಕೂಡ ಪಿತ್ತ ಕಡಿಮೆ ಮಾಡತ್ತೆ.

3. ಕಣ್ಣಿಗೆ ಶಕ್ತಿ ಕೊಡತ್ತೆ, ಪೊರೆ ಬರೋ ಅವಕಾಶ ಕಡಿಮೆ

ದೃಷ್ಟಿ ದೋಷ ಇದ್ರೆ ಕಡಿಮೆ ಮಾಡತ್ತೆ. ಅದಕ್ಕೆ ಹೇಳೋದು ಊಟ-ತಿಂಡಿಗೆ ಹಾಕಿರೋ ಕರ್ಬೇವ್ನ ತಿನ್ನಿ, ಬಿಸಾಕ್ಬೇಡಿ ಅಂತ ದೊಡ್ಡೋರು :-)

ವಿಟಮಿನ್ ಏ ಹೆಚ್ಚಾಗಿ ಇರೋದ್ರಿಂದ ಕಣ್ಣಿನ ಪೊರೆ ಬರಕ್ಕೆ ತೀರಾ ವಯಸ್ಸಾಗೋ ತನಕ ಅವಕಾಶ ಮಾಡ್ಕೊಡಲ್ಲ. ಇದಲ್ದೆ ಕರ್ಬೇವಲ್ಲಿರೋ ಫೋಲಿಕ್ ಆಸಿಡ್ ಅಂಶ ನಾವು ತಿನ್ನೋ ಇತರ ಅಹಾರದಿಂದ ಕಬ್ಬಿಣದ ಅಂಶನ ನಮ್ ದೇಹ ಹೀರ್ಕೊಳ್ಳೊ ಹಾಗೆ ಮಾಡತ್ತೆ. ಆಯುರ್ವೇದದಲ್ಲಿ ಕರ್ಬೇವಿನ ಎಲೆ ಜ್ಯೂಸ್ ಮಾಡಿ ಕಣ್ಣಿಗೆ ಹಾಕಿ ದೃಷ್ಟಿಹೀನತೆಯನ್ನ ಪರಿಹಾರ ಮಾಡೋ ಪದ್ದತಿ ಇದ್ಯಂತೆ.

4. ಅಜೀರ್ಣ, ಹೊಟ್ಟೆ ಹುಣ್ಣು ಕಡಿಮೆ ಮಾಡತ್ತೆ

ಕರ್ಬೇವು ನೋಡಕ್ಕೆ ಬರೀ ಎಲೆ ಆದ್ರೆ ಹೊಟ್ಟೆ ಒಳಗೆ ಹೋದ್ರೆ ಜೀರ್ಣ ಆಗಕ್ಕೆ ಬೇಕಾದ ರಾಸಾಯನಿಕನ ಬೇಗ ಉತ್ಪತ್ತಿ ಆಗೋ ಹಾಗೆ ಪ್ರಚೋದನೆ ಮಾಡತ್ತೆ. ಇದಲ್ಲದೆ ನಮ್ ಮೈನಲ್ಲಿ ಕೊಬ್ಬು ಶೇಖರಣೆ ಆಗಕ್ಕೆ ಬಿಡಲ್ಲ. ಕರಗಿಸತ್ತೆ ಅಂದ್ರೆ ಜೀರ್ಣ ಆಗೋ ಹಾಗೆ ಮಾಡೊ ಶಕ್ತಿ ಕರ್ಬೇವಿನಲ್ಲಿದೆ.

ಇದಕ್ಕೆ ಒಂದು ಮುಷ್ಟಿ ಕರ್ಬೇವಿನ ಎಲೆ+ಕೆಂಪು ಮೆಣಸಿನಕಾಯಿ ತೊಗೊಂಡು ಸ್ವಲ್ಪ ತುಪ್ಪದಲ್ಲಿ ಹುರಿದು, ಅದಕ್ಕೆ ಉಪ್ಪು ಮತ್ತು ಹುಣಸೆಹಣ್ಣು ಹಾಕಿ ಚಟ್ನಿ ಅಥವಾ ಚಟ್ನಿಪುಡಿ ಮಾಡ್ಕೊಂಡು ಬಿಸ್ಬಿಸಿ ಅನ್ನಕ್ಕೆ ಹಾಕೊಂಡು ಊಟ ಮಾಡಿ. ಅಥವಾ ಒಂದು ಲೋಟ ಮಜ್ಜಿಗೆಗೆ ಕರ್ಬೇವಿನ ಎಲೆ ಮತ್ತೆ ಸ್ವಲ್ಪ ಇಂಗು ಹಾಕೊಂಡು ಊಟದ ನಂತರ ಕುಡಿರಿ. ಅಜೀರ್ಣ, ಭೇದಿ, ಹೊಟ್ಟೆ ಉಬ್ರ, ವಾಂತಿ, ತಲೆಶೂಲೆ ಎಲ್ಲಾ ಕಡಿಮೆ ಆಗತ್ತೆ.

ಮೂಲವ್ಯಾಧಿಗೆ ಕರ್ಬೇವಿನ ಚಿಗುರು ಎಲೆಗಳ್ನ ಜೇನುತುಪ್ಪದಲ್ಲಿ ಅದ್ದಿ ತಿಂದ್ರೆ ಸ್ವಲ್ಪ ಅರಾಮ ಸಿಗತ್ತೆ.

 

5. ಹೇಳೋದೇ ಬೇಕಾಗಿಲ್ಲ, ಡಯಾಬಿಟಿಸ್ಗೆ ಹೇಳಿ ಮಾಡ್ಸಿದ ಔಷಧಿ

ಡಯಾಬಿಟೀಸ್ ಇರೋರ್ಗೆ ಮೈಕೈಯೆಲ್ಲಾ ನೋವಿರತ್ತೆ, ಹಾಗೆ ಅವಾಗವಾಗ ತಲೆ ಸುತ್ತು, ಸುಸ್ತು ಮತ್ತೆ ಕಣ್ಣು ಮಂಜಾಗೋದು, ಕತ್ಲು ಕಟ್ಟೊದು ಎಲ್ಲಾ ಇರೋರು ಅವಾಗವಾಗ ಸ್ವಲ್ಪ ಕರ್ಬೇವಿನ ಎಲೆ ಹಾಕೊಂಡು ಜಗಿದ್ರೆ ಸ್ವಲ್ಪ ಮಟ್ಟಿಗೆ ಉತ್ತಮ ಆಗತ್ತೆ.

ಅಯ್ಯೋ ನಂಗೆ ಡಯಾಬಿಟೀಸ್ ಹೆರಿಡಿಟರಿ, ನಮ್ಮ ಅಪ್ಪ ಅಮ್ಮಂಗೆ ಇತ್ತು ಅಂತ ಅಳೋರಿಗೆ ಬೆಳಗಾನೆ ಎದ್ದು ಈ ತರ ಮಾಡ್ಬೋದು.

--- 10 ಕರ್ಬೇವಿನ ಎಲೇನ ಮೂರು ತಿಂಗಳ ಕಾಲ ಎಡಬಿಡದೆ ತಿನ್ನೋದು.

--- ಕರ್ಬೇವ್ನ ಬಿಸಿಲಲ್ಲಿ ಒಣಗಿಸಿಕೊಂಡು ಅದರ ಕಷಾಯ ಕೂಡ ಅಗಾಗ್ಗೆ ಕುಡಿಯೋದು

--- ಕರ್ಬೇವಿನ ಎಲೆ ಜೊತೆ ಒಂದೆರಡು ಮೆಣಸಿನ ಕಾಳನ್ನ ಅಗಿಯೋದು

ಹೀಗ್ ಮಾಡಿರೆ ಸಕ್ಕರೆ ಮಟ್ಟ ಹತೋಟಿಗೆ ಬರೋದಲ್ಲ್ದೆ ಬೊಜ್ಜು ಕೂಡ ಕಡಿಮೆ ಆಗತ್ತಂತೆ.

6. ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ ಮೈನಲ್ಲಿ ಕೊಲೆಸ್ಟ್ರಾಲ್ ಜಾಸ್ತಿ ಆದ್ರೆ ಬೊಜ್ಜಿನ ಸಮಸ್ಯೆ, ಬ್ಲಡ್ ಪ್ರೆಶರ್ ಇನ್ನಿತರ ಖಾಯಿಲೆ ಬರತ್ತೆ ಅಲ್ವಾ. ಹಾಗಾಗಿ ನಾವು ಬಳಸೋ ಎಣ್ಣೆನ ಕೂಡ ಕರ್ಬೇವು ಹಾಕಿ ಕಾಯಿಸಿ ಶೋಧಿಸಿಟ್ಟುಕೊಂಡ್ರೆ ಎಣ್ಣೆಲಿರೋ ಕೊಲೆಸ್ಟ್ರಾಲ್ ಅಂಶ ಕಡಿಮೆಯಾಗತ್ತಂತೆ.

ಇದಕ್ಕೆ 1 kg ಅಡುಗೆ ಎಣ್ಣೇಲಿ 15-20 ಕರ್ಬೇವಿನ ಎಲೆ ಹಾಕಿ ರೆಡಿ ಮಾಡಿ. ಈ ಎಣ್ಣೇನ ಅಡುಗೆ ಮಾಡ್ಬೇಕಾದ್ರೆ ಉಪ್ಯೋಗ್ಸಿ.

ಕರ್ಬೇವಿನ ಎಣ್ಣೇನ ಸೋಪ್ ಮಾಡಕ್ಕೂ ಬಳಸ್ತಾರೆ.

7. ಭೇದಿ ನಿಲ್ಸಕ್ಕೆ ರಾಮಬಾಣ

40 gm ಕರ್ಬೇವು ಎಲೆ ತೊಗೊಂಡು, ಅದಕ್ಕೆ 10 gm ಜೀರಿಗೆ ಪುಡಿ ಹಾಕಿ ಕುಡೀಬೇಕು. ಆಮೇಲೆ ಒಂದು ಲೋಟ ಬೆಚ್ಚನೆಯ ನೀರನ್ನ ಕುಡೀಬೇಕು. 10 ನಿಮಿಷದ ನಂತರ ಒಂದು ಸ್ಪೂನ್ ಜೇನುತುಪ್ಪ ತಿನ್ಬೇಕು. ಹೀಗೆ ದಿನಕ್ಕೆ 3-4 ಟೈಮ್ ಮಾಡಿದರೆ ಭೇದಿ ನಿಲ್ಲತ್ತಂತೆ.

8. ಬಾಲನರೆ ತಡೆಯತ್ತೆ

ಹುಡ್ಗೂರು ಹುಡ್ಗೀರು ಇಬ್ರಿಗೂ ಈಗಿನ ಕಾಲದಲ್ಲಿ ಬಹಳ ಬೇಗ ಕೂದ್ಲು ನರೆ ಆಗೋದು ನೋಡ್ತಿದ್ದೀವಿ. ಅಂಥೋರು ಕರ್ಬೇವು ತಿಂದು ಕರ್ಬೇವು ತಲೆಗೆ ಹಚ್ಚ್ಕೊಂಡು ಬಿಳಿ ಕೂದ್ಲಾಗೋದನ್ನ ತಡಿಬೋದು. ತಲೆ ಹೊಟ್ಟು ಕೂಡ ಕಡಿಮೆ ಮಾಡ್ಕೊಬೋದು. ಹೀಗೆ ಮಾಡಿ:

ಒಂದು ಲೀಟರ್ ಕೊಬ್ಬರಿ ಎಣ್ಣೆ ಅಥವಾ ಎಳ್ಳೆಣ್ಣೆ ತೊಗೊಳ್ಳಿ. 10-20 ಕರ್ಬೇವಿನ ಎಲೆ ತೊಗೊಂಡು ಅದಕ್ಕೆ ಹಾಕಿ ಚೆನ್ನಾಗಿ ಒಲೆ ಮೇಲಿಟ್ಟು ಕಾಯಿಸಿ. ಕಾದ ಎಣ್ಣೆನ ಆರಕ್ಕೆ ಬಿಡಿ. ಆಮೇಲೆ ಬಾಟಲ್ನಲ್ಲಿ ತುಂಬಿಟ್ಟುಕೊಂಡು ತಲೆಸ್ನಾನ ಮಾಡೊ ಮುಂಚೆ ತಲೆ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ 15-20 ನಿಮಿಶ ಬಿಟ್ಬಿಡಿ. ನಂತರ ಸೀಗೆಕಾಯಿ ಅಥವಾ ಶಾಂಪೂ ಹಾಕಿ ತಲೆ ತೊಳೆದ್ರಾಯ್ತು! ವಾರಕ್ಕೆ ಒಂದೆರಡು ಬಾರಿ ಹೀಗೆ ಮಾಡಿದ್ರೆ ನರೆಕೂದ್ಲಾಗೋದನ್ನ ತಡಿಬೋದು.

ಇನ್ನೂ ಹೆಚ್ಚಿಗೆ ಮಾಡೊದಾದ್ರೆ ಇದೇ ಕೊಬ್ಬರಿ ಎಣ್ಣೆಗೆ ಕರ್ಬೇವ್ ಜೊತೆ ದಾಸವಾಳದ ಎಲೆ, ನಲ್ಲಿಕಾಯಿ ಹಾಗೂ ತುಳಸಿ ಎಲೆ ಹಾಕ್ಬೋದು.

9. ಮೂಳೆಗೆ ಬೇಕಾದ ಕ್ಯಾಲ್ಶಿಯಮ್ ಕೊಡತ್ತೆ

ಮೂಳೆ ಸೆವೆತದಿಂದ ಕಷ್ಟ ಪಡ್ತಿರೋರು ತಮ್ಮ ಊಟ ತಿಂಡೀಲಿ ಕರ್ಬೇವಿಗೆ ಆದ್ಯತೆ ಕೊಟ್ರೆ ಅದ್ರಿಂದ ಅವರ ದೇಹಕ್ಕೆ ಬೇಕಾದ ಕ್ಯಾಲ್ಶಿಯಮ್ ಪೂರೈಕೆ ಆಗತ್ತೆ.

10. ಮೊಡವೆ ಹೋಗ್ಸಿ ಚರ್ಮದ ಸೌಂದರ್ಯ ಹೆಚ್ಚಿಸತ್ತೆ

ಬೇಸಿಗೇಲಿ ಚರ್ಮದ ಮೇಲೆ ಚಿಕ್ಕ ಚಿಕ್ಕ ಗುಳ್ಲೆ ಏಳೋದುಂಟು. ಅದಕ್ಕೆ ಕರ್ಬೇವಿನ ಪೌಲ್ಟೀಸ್ ಅಥವಾ ಪೇಸ್ಟ್ ಹಚ್ಚಿದ್ರೆ ಬೇಗ ಉರಿ ಕಡಿಮೆ ಆಗಿ ಮಾಯತ್ತೆ.

ಕರ್ಬೇವ್ ಎಲೇನ ತೊಗೊಂಡು ಪೇಸ್ಟ್ ತರ ಮಾಡ್ಕೊಂಡು ಸ್ವಲ್ಪ ಅರಿಶಿನ ಮಿಕ್ಸ್ ಮಾಡಿ ಮುಖಕ್ಕೆ ಸ್ವಲ್ಪ ದಿನ ಹಚ್ಚುತ್ತಾ ಬಂದ್ರೆ ಮುಖದ ಚರ್ಮ ಸಿಕ್ಕಾಪಟ್ಟೆ ಕ್ಲೀನ್ ಅಂಡ್ ಕ್ಲಿಯರ್ ಆಗತ್ತೆ!

ಕರ್ಬೇವು ಗಿಡ ಕೂಡ ಹಣ್ಣು ಬಿಡತ್ತೆ. ಕಾಯಿ ಆಗಿದ್ದಾಗ ಹಸಿರು ಬಣ್ಣ, ಹಣ್ಣಾದಾಗ ನೇರಳೆ ಬಣ್ಣ ಇರತ್ತೆ. ಈ ಕಾಯಿ/ಹಣ್ಣಿನ ಜ್ಯೂಸ್ ತೊಗೊಂಡು ಅದಕ್ಕೆ ಸಮ ಪ್ರಮಾಣ ನಿಂಬೆ ರಸ ಹಾಕಿ ಹುಳ ಅಥವಾ ವಿಷದ ಹಾವು ಕಚ್ಚಿರೋ ಜಾಗಕ್ಕೆ ಹಚ್ಚಿದ್ರೆ ತಕ್ಷಣ ಉರಿ ಕಡಿಮೆ ಆಗತ್ತಂತೆ.

11. ಬಾಯಿ ದುರ್ವಾಸನೆ ವಸಡಿನ ಫಂಗಸ್ ಪ್ರಾಬ್ಲಂಗೂ ಕರ್ಬೇವು ಮದ್ದು

ಹಲ್ಲಿನ ಮೇಲೆ ಕೂತ್ಕೊಳೊ ಕೊಳೆ ಮತ್ತೆ ಅದ್ರಿಂದ ಉಂಟಾಗೋ ಕೆಟ್ಟ ವಾಸನೆನ ಕಡಿಮೆ ಮಾಡಕ್ಕೆ ಕರಿಬೇವು ಸಹಾಯ ಮಾಡತ್ತೆ. 

 

ನಿಮ್ಮ ದಿನನಿತ್ಯದ ಊಟ-ತಿಂಡೀಲಿ...ವಡೆ, ಚಿತ್ರಾನ್ನ, ಸಾರು, ಗೊಜ್ಜು, ತಂಬೂಳಿಗಳಿಗೆ ಕರ್ಬೇವು ಬಳಸುತ್ತಾ ಬನ್ನಿ. ಹಾಗೆ ಅದನ್ನ ಚೆಲ್ಲದೆ ತಿನ್ನೋ ಪ್ರಾಕ್ಟೀಸ್ ಕೂಡ ಮಾಡ್ಕೊಳ್ಳಿ ಅಂತ ಹೇಳಕ್ಕೆ ಮೇಲಿನ 11 ಕಾರಣಕ್ಕಿಂತ ಮತ್ತೇನ್ ಬೇಕು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: