ನೋವು ಹೋಗಿಸೋ ಟೇಬಲ್ ಕೇಳಿದೀರಾ? ಜಪಾನಲ್ಲಿ ಇನ್ನೂ ಏನೇನ್ ಅದ್ಭುತಗಳಿವೆ ನೋಡಿ

ಎಂಥಾ ತಲೆ ರೀ ಇವರದ್ದು!

ಜಪಾನ್ ಅಂದ್ರೇ ಗೊತತ್ತಲ್ವಾ? ಸಿಕ್ಕಾಪಟ್ಟೆ ಶಿಸ್ತಿನ ದೇಶ. ಹಾಗೆ ಅಲ್ಲಿನ ಜನ ಯವಾಗ್ಲೂ ಏನಾದ್ರೂ ಹೊಸ ಹೊಸಾದನ್ನ ಕಂಡುಹಿಡಿಯೋದ್ರಲ್ಲಿ ಎತ್ತಿದ ಕೈ. ಬೇರೆ ಎಲ್ಲೂ ಸಿಗದೇ ಇರೋಂತದ್ದನ್ನೆಲ್ಲ ಈ ದೇಶದಲ್ಲಿ ನೋಡ್ಬೋದು. ಅಂಥಾದ್ದು ಸುಮಾರು ಇಲ್ಲಿ ಕೊಟ್ಟಿದೀವಿ. ನೋಡಿ...ದಂಗಾಗ್ತೀರಿ...

1.  ನಾವೇ ಪೆಟ್ರೋಲ್ ತುಂಬಿಸಿಕೊಳ್ಳೋ ಬಂಕುಗಳು

ನಮ್ಮ ದೇಶದಲ್ಲಿರೋ ಪೆಟ್ರೋಲ್ ಬಂಕ್ ತರ ಇಲ್ಲಿ ಗ್ಯಾಸ್ ಬಂಕ್ ಇರತ್ತೆ. ಆದ್ರೆ ನಮ್ ತರ ಪೆಟ್ರೋಲ್ ಹಾಕಕ್ಕೆ ದೊಡ್ಡ ಮಶಿನ್ ಇರೊಲ್ಲ, ಮುಂದೆ ಬನ್ನಿ, ಹಿಂದೆ ಹೋಗಿ, ಸ್ವಲ್ಪ ಮಶಿನ್ ಹತ್ರ ಗಾಡಿ ತನ್ನಿ ಅಂತ ಹೇಳೊಲ್ಲ. ಬದಲಿಗೆ ಕಾರ್ಗೆ ಗ್ಯಾಸ್ ತುಂಬ್ಸಕ್ಕೆ ಪೈಪ್ಗಳನ್ನೇ ಮೇಲೆ ನೇತು ಬಿಟ್ಟಿರ್ತಾರೆ. ಕಾರ್ ಡ್ರೈವರ್ ಯಾವ ಮೂಲೆಯಿಂದಾನಾದ್ರು ಗ್ಯಾಸ್ ಕಾರಿಗೆ ತುಂಬ್ಸ್ಕೊಬೋದು.

ಮೂಲ

2. ದುಡ್ಡು ಹಾಕಿದ್ರೆ ತಿಂಡಿ ಕೊಡೋ ಮೆಶೀನ್ಗಳು

ಜಪಾನೋರು ಟೈಂಗೆ ತುಂಬಾ ಬೆಲೆ ಕೊಡ್ತಾರೆ ಅಂತ ಈ ಮೆಶಿನ್ಗಳ್ ಬಗ್ಗೆ ಕೇಳಿದ್ರೆನೇ ಗೊತ್ತಾಗುತ್ತೆ. ಇದ್ರಲ್ಲಿ ಬರೀ ಚಿಪ್ಸ್, ಚಾಕೊಲೇಟ್ಸ್ ಅಷ್ಟೇ ಅಲ್ಲಾ, ಬೆಳಗ್ಗಿನ ತಿಂಡಿಗೂ ಉಪ್ಯೋಗ ಆಗೋತರ ಬೇಯಿಸಿದ ಮೊಟ್ಟೆ, ಆಲೂಗೆಡ್ಡೆ, ಪಾಸ್ತಾ, ಅಲ್ಲದೆ ಪ್ರಾಣಿಗಳಿಗೆ ಕೊಡೊ ಆಹಾರ ಸಹ ಬರುತ್ತಂತೆ.

ಸುಮ್ನೆ ತಿಂಡಿ ಕೊಡಕ್ಕೆ ಜನ ಯಾಕೆ ಅಂತಾ :-)

ಮೂಲ

3. ಕಾರ್ ಪಾರ್ಕಿಂಗ್ಗೆ ಎಷ್ಟು ಬೇಕಾದರಷ್ಟು ಜಾಗ

127 ಮಿಲಿಯನ್ ಜನಸಂಖ್ಯೆ ಇರೊ ದೇಶ. ಹೇಳ್ಕೊಳೋಷ್ಟು ದೊಡ್ಡದಲ್ಲ. ಹಂಗಾಗಿ ಇರೋ ಜಾಗದಲ್ಲೆ ಎಲ್ಲಾನು ಹೊಂದಿಸ್ಬೇಕು. ಎಲ್ಲರತ್ರಾನೂ ಕಾರ್ ಇದ್ರು ಎಲ್ಲು ಪಾರ್ಕಿಂಗ್ ಸಮಸ್ಯೆ ಇಲ್ಲ. ಏಕೆಂದ್ರೆ ಅಲ್ಲಿ ಒಂದರ ಮೇಲೊಂದ್ ಕಾರ್ ನಿಲ್ಸಕ್ಕಾಗೋತರ ವ್ಯವಸ್ಥೆ ಮಾಡ್ಕೊಂಡಿದ್ದಾರೆ.

ಮೂಲ

4. ಬ್ರೈಲ್ ಗುರುತಿರೋ ಜೂಸ್ ಬಾಟಲ್ಗಳು, ಕ್ಯಾನ್ಗಳು

ಜಪಾನ್ ಸ್ಪೆಷಾಲಿಟಿನೆ ಅದು, ಕಣ್ಣಿಲ್ಲದವರು ಯಾವ್ ಜೂಸ್ ಬಾಟ್ಲು ಹಿಡ್ಕೊಂಡಿದಿವಿ ಅಂತ ತಿಳ್ಕೊಳ್ಳಿ ಅಂತ ಬ್ರೈಲ್ ಲಿಪಿಲಿ ಹೆಸರನ್ನ ಎಲ್ಲಾ ಬಾಟ್ಲು ಮೇಲೆ ಬರ್ದಿರ್ತಾರೆ.

ಮೂಲ

5. ಬ್ಯಾಗ್ ನೇತಾಕಕ್ಕೆ ಜಾಗ ಇರೋ ಕುರ್ಚಿಗಳು

ಆಫೀಸಲ್ಲೋ, ಥಿಯೇಟ್ರಲ್ಲೋ ಅಥವಾ ಹೋಟೆಲ್ಲಲ್ಲೋ ಕೂತಿದ್ದಾಗ ಬ್ಯಾಗ್ ಕಾಣಿಸ್ತಿಲ್ಲ ಅಂದ್ರೆ ಗಾಬರಿ ಆಗುತ್ತಲ್ವಾ. ಜಪಾನಲ್ಲಿ ಈ ಭಯ ಇಲ್ಲ. ಏಕೆಂದ್ರೆ ಪ್ರತಿ ಚೇರಲ್ಲು ಕೂತ್ಕೊಳ್ಳೊ ಜೊತೆ ಬ್ಯಾಗ್ ನೇತಾಕಕ್ಕೆ ಸಹ ಜಾಗ ಇರುತ್ತೆ.

ಮೂಲ

6. ಮೆಟ್ರೋ ರೈಲಲ್ಲಿ ಕಾಲಿಗೆ ಬಿಸಿನೀರಿನ ಆರೈಕೆ

ಕೆಲ್ಸ ಮಾಡಿ ಸುಸ್ತಾಗಿದ್ರೆ, ಆಫೀಸಿಂದ ಮನೆಗೆ ಸೆರ್ಕೋಳದ್ರೊಳಗೆ ರೈಲಲ್ಲಿ ಬಿಸಿನೀರಲ್ಲಿ ಕಾಲುಗಳನ್ನ ಮುಳುಗಿಸಿ ಆರಾಮಾಗಿ ಸ್ಪಾ ಮಾಡ್ಕೊಬೋದು.

ಮೂಲ

7. ರೋಡಲ್ಲಿ ಟಿಶ್ಯು ಪೇಪರ್ ಫ್ರೀಯಾಗಿ ಕೊಡೋ ಜನ

ನಿಮ್ಗೆ ಹುಶಾರಿಲ್ದೆ ಶೀತ, ನೆಗಡಿ ಆಗಿದ್ರೆ ಉಪ್ಯೋಗ ಆಗ್ಲಿ ಅಂತ ಟಿಶ್ಯುಗಳ್ನ ಕೊಡ್ತಾರೆ. ಬೇಗ ಹುಶಾರಾಗ್ಲಿ ಅಂತ ಹಾರೈಸ್ತಾರೆ.

ಮೂಲ

8. ಅದೇ ತೊಳೆಯೋ ಕಮೋಡು

ಇಲ್ಲಿನ ಟಾಯ್ಲೆಟ್ಗಳು ಚಿಕ್ಕ ಪುಟ್ಟ ಕೆಲ್ಸಗಳ್ನ ಅವಾಗೇ ಮಾಡ್ಕೊತಾವಂತೆ. ಅದೇ ಕ್ಲೀನ್ ಮಾಡ್ಕೊಳೋದು, ಅಲ್ಲದೆ ಅಂಗವಿಕಲರಿಗೆ ಸಹಾಯ ಆಗೋತರ ಕೆಲ್ಸ ಮಾಡುತ್ತಂತೆ. ಅಷ್ಟೇ ಅಲ್ಲ, ಒಂದು ಬಟನ್ ಒತ್ತುದ್ರೆ ಅದೇ ತೊಳೆಯುತ್ತೆ. ಏನ್ನ ಅಂತೀರಾ? :-)

ಮೂಲ

9. ಒತ್ತಡ ಕಮ್ಮಿ ಮಾಡೋ ಕೀ ಚೈನು

ಜಪಾನ್ ಜನ ಬಿಡುವಿಲ್ಲದೇ ಕೆಲ್ಸ ಮಾಡ್ತಾರೆ. ಇದ್ರಿಂದ ಆಗೋ ಒತ್ತಡ ಕಡಿಮೆ ಮಾಡ್ಕೊಳಕ್ಕೆ ಬಬಲ್ಸ್ ಇರೋ ಕೀ ಚೈನ್ ಇರುತ್ತೆ. ಅವಾಗವಾಗ ಅದನ್ನ ಒತ್ತಿ ಒತ್ತಿ ಒತ್ತಡ ಕಡಿಮೆ ಮಾಡ್ಕೊತಾರೆ. 

ಮೂಲ

10. ನಿದ್ದೆ ಮಾಡಕ್ಕೆ ಗೂಡುಗಳು

ಕೆಲ್ಸಮಾಡಿ ತುಂಬ ಸುಸ್ತಾಗಿ, ಸಕ್ಕತ್ತಾಗಿ ನಿದ್ರೆ ಮಾಡಬೇಕು ಅನ್ಸಿದ್ರೆ, ಹೋಟೆಲ್ ಗಳಲ್ಲಿ ಪುಟ್ಟ ಪುಟ್ಟ ಗೂಡಿನ ತರ ಇರೋ ರೂಮ್ ಗಳು ಸಿಗುತ್ತೆ. ಯಾರ ತೊಂದರೆನು ಇಲ್ಲದೆ ಆರಾಮಾಗಿ ನಿದ್ರೆ ಮಾಡಬಹುದು.

ಮೂಲ

11. ಬಾಗಿಲು ತಂತಾನೇ ತೆಗೆದು ಹಾಕಿ ಮಾಡ್ಕೊಳೋ ಕಾರುಗಳು

ಜಪಾನಲ್ಲಿ ಇರೊ ಎಲ್ಲಾ ಟ್ಯಾಕ್ಸಿ ಕಾರ್ಗಳ ಬಾಗಿಲು ಆಟೋಮ್ಯಾಟಿಕ್ ಆಗಿ ತೆಗಿಯೋದು, ಮುಚ್ಚೋದು ಮಾಡ್ಕೊಳುತ್ತೆ.

ಸದ್ಯ ಹತ್ತೊವಾಗ ಇಳಿಯೋವಾಗ ದಡ್, ದಡ್ ಅಂತ ಬಡಿದು ಬಾಗಿಲು ಹಾಕಬೇಕಿಲ್ಲ :-)

ಮೂಲ

12. ಹಾಡು ಹೇಳೋ ರೋಡು

ಇಲ್ಲಿನ ಕೆಲವೊಂದು ರೋಡುಗಳಲ್ಲಿ ಸಣ್ಣದಾಗಿ ಹಾಡು ಬರ್ತಾಇರುತ್ತೆ. ಇದನ್ನ ಕೇಳ್ಕೊಂಡು ಟೆನ್ಷನ್ ಇಲ್ಲದೆ ಕಾರಲ್ಲಿ ಟ್ರಿಪ್ ಹೋಗ್ಬೋದು.

ಮೂಲ

13. ಬೆಕ್ಕುಗಳಿಗೆ ಮೀಸಲಾಗಿರೋ ಕೆಫೆಗಳು

ಬೆಕ್ಕುಗಳ ಜೊತೆ ಕಾಲ ಕಳೆಯೊದ್ರಿಂದ ಮನಸ್ಸಿಗೆ ಆರಾಮ ಅನ್ಸುತ್ತೆ ಅನ್ನೊದನ್ನ ಜಪಾನಿನವರು ಚೆನ್ನಾಗಿ ತಿಳ್ಕೊಂಡಿದಾರೆ. ಹೀಗಾಗೆ ತುಂಬಾನೆ ಕ್ಯಾಟ್ ಕಫೆಗಳು ಇದ್ದಾವೆ.

ಮೂಲ

14. ನೋವು ಕಡಿಮೆ ಮಾಡೋ ಟೇಬಲ್ಗಳು

ಇದಕ್ಕೆ ಕೊಟಟ್ಸು ಅಂತ ಕರಿತಾರೆ. 14ನೇ ಶತಮಾನದಲ್ಲಿ ಇದನ್ನ ಕಂಡು ಹಿಡಿದಿದ್ದರಂತೆ. ಇದಕ್ಕೆ ಕೆಳಗಿಂದ ಕಾವು ಕೊಡ್ತಾರೆ. 

ಟೇಬಲ್ಗೆ ತಲೆ ಇಟ್ಟು ರಗ್ ಹೊದ್ಕೊಂಡ್ರೆ, ಬೆಚ್ಚಗಿನ ಹಬೆಯಿಂದ ತಲೆ ನೋವು ಮಾಯ ಆಗುತ್ತಂತೆ. ಅದರೊಳಗೆ ಮಲ್ಕೊಂಡ್ರೆ ಮೈಕೈ ನೋವು ಕಡ್ಮೆ ಆಗಿ ಸ್ವಲ್ಪ ಆರಾಮ್ ಅನ್ಸುತ್ತೆ. ಮತ್ತೆ ಕೆಲ್ಸ ಮಾಡಕ್ಕೆ ರೆಡಿ ಅಗ್ತಾರೆ ಜಪಾನಿಯರು!

ಮೂಲ

15. ತುರ್ತು ಪರಿಸ್ಥಿತಿ ಇದ್ದಾಗ ಜನರಿಗೆ ಎಚ್ಚರಿಕೆ ಕೊಡಕ್ಕೆ ಬೀದ್-ಬೀದೀಲಿ ಸ್ಪೀಕರ್ಗಳು

ಜಪಾನಿನ ಎಲ್ಲಾ ರೋಡುಗಳಲ್ಲಿ ಸ್ಪೀಕರ್ ಹಾಕಿದಾರೆ. ತುರ್ತು ಪರಿಸ್ಥಿತಿ ಅಂದರೆ ಭೂಕಂಪ, ಸುನಾಮಿಯಂತ ಸಂದರ್ಭಗಳಲ್ಲಿ ಅನೌನ್ಸ್ಮೆಂಟ್ ಗೆ ಬಳಸುತ್ತಾರೆ. ಬೇರೆ ಸಮಯದಲ್ಲಿ ಸುಮಧುರ ಹಾಡುಗಳನ್ನ ಹಾಕಲಾಗುತ್ತೆ.


ಮೂಲ   

16. ಆಫೀಸಲ್ಲಿ ಸುಸ್ತಾದಾಗ ಮಲ್ಕೊಳೋ ಅವಕಾಶ

ಆಫೀಸಲ್ಲಿ ಊಟ ಆದ ಮೇಲೆ ತೂಕಡಿಕೆ ಬರೋದು ಮಾಮೂಲಿ. ಆದ್ರೆ ಜಪಾನ್ ನಲ್ಲಿ ಬಾಸ್ ಮುಂದೆನೇ ಮಲ್ಕೊಬೋದು. ಕಾನೂನು ಸಹ ಅದಕ್ಕೆ ಅವಕಾಶ ಕೊಟ್ಟಿದೆ. ಇದಕ್ಕೆ ಇನೆಮುರಿ ಅಂತ ಕರಿತಾರೆ.

ಜಪಾನಲ್ಲಿ ನಿಮ್ಗೂ ಒಂದು ಕೆಲ್ಸ ಸಿಕ್ಕಿದ್ರೆ ಹೆಂಗಿರತ್ತೆ ಅಲ್ವ?


ಮೂಲ

ಚಿಂದಿ ಅಲ್ವಾ? ಇವೆಲ್ಲ ನಮ್ಮಲ್ಲೂ ಇದ್ದರೆ ಚೆನ್ನಾಗಿರುತ್ತೆ ಅನ್ನಿಸಲ್ವಾ ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಉಪವಾಸ ಮಾಡೊದ್ರಿಂದ ಇಷ್ಟೆಲ್ಲಾ ಲಾಭ ಇದೆ ಅಂತ ಗೊತ್ತಾದ್ರೆ ಇನ್ಮೇಲೆ ನೀವೂ ಮಾಡ್ತೀರಿ

ಉಪವಾಸ ಬೇರೆ ಊಟ ಬಿಡೋದ್ ಬೇರೆ

ನಮ್ಮಲ್ಲಿ ಉಪವಾಸ ಮತ್ತೆ ಊಟ ಸ್ಕಿಪ್ ಮಾಡದು ಎರಡೂ ಒಂದೇ ಅನ್ನೊ ಭಾವನೆ ಇದೆ. ಆದರೆ ಅದು ತಪ್ಪು. ಹಾಗೆನೆ ಫಲಾಹಾರ ತಿನ್ಕೊಂಡು ಅದನ್ನ ಉಪವಾಸ ಅನ್ನೋರೂ ಇದಾರೆ. ಅದೂ ತಪ್ಪು ಕಲ್ಪನೆ. ಉಪವಾಸ ಅಂದ್ರೆ ತಿನ್ನಕ್ಕೆ ಸಮಯಯಿಲ್ದೆ ಊಟ ತಿಂಡಿ ಬಿಡೋದೂ ಅಲ್ಲ, ಹಾಲು ಹಣ್ಣು ಇಟ್ಕೊಂಡು ಅರ್ಧ ಹೊಟ್ಟೆ ತಿನ್ನೋದೂ ಅಲ್ಲ. ಬದಲಾಗಿ, ನಮ್ಮ ದೇಹದ ಅಂಗಾಂಗಗಳ್ಗೆ ಆಗಾಗ ರೆಸ್ಟ್ ಕೊಡ್ತ, ಅವುಗಳೂ ಚೂರು ಚೇತರುಸ್ಕೊಂಡು ಇನ್ನೂ ಚೆನ್ನಾಗ್ ಕೆಲ್ಸ ಮಾಡೋಹಾಗೆ, ಅವುಗಳಲ್ಲಿರೋ ವಿಷಕಾರಿ ಅಂಶ ಹೊರಗೋಗೋ ಹಾಗೆ ನೋಡ್ಕೊಳೋದು. ಇನ್ನು ಈ ಉಪವಾಸದಿಂದ ಏನೇನೆಲ್ಲ ಲಾಭ ಇದೆ ಅಂತ ಗೊತ್ತಾದ್ರೆ, ಖಂಡಿತ ತಿಂಗಳಿಗ್ ಒಂದೋ ಎರಡೋ ದಿನ ಉಪವಾಸ ಮಾಡೋ ಮನಸ್ಸು ಮಾಡ್ತಿರ.

ಉಪವಾಸ ಮಾಡೋದ್ರಿಂದ ಏನೇನಾಗತ್ತೆ ನಿಮ್ಗೋಸ್ಕರ ಕೊಟ್ಟೀದಿವಿ ಓದ್ನೋಡಿ...

1.  ಎಲ್ಲಕ್ಕಿಂತ ಮೊದ್ಲು ದೇಹದ ತೂಕ ಕಮ್ಮಿಯಾಗತ್ತೆ

ತೂಕ ಕಮ್ಮಿ ಮಾಡ್ಕೊಳಕ್ಕೆ, ಉಪವಾಸ ಮಾಡೋದು ತುಂಬ ಸುರಕ್ಷಿತವಾದ ವಿಧಾನ. ಎಷ್ಟೊಂದು ರಿಸರ್ಚ್ ಪ್ರಕಾರ, ನಿಮಗೆ ಸಾಧ್ಯವಾದಷ್ಟು ಕಾಲ ಆಗಾಗ ಉಪವಾಸ ಮಾಡಿದ್ರೆ, ದೇಹದಲ್ಲಿರೊ ಕೊಬ್ಬಿನ ಕೋಶಗಳು ಬರ್ನ್ ಆಗಿ, ಮಾಮೂಲಿ ಪಥ್ಯ ಮಾಡಕ್ಕಿಂತಾನೂ ಒಂದ್ ಕೈ ಹೆಚ್ಚಾಗೇ ತೂಕ ಕಮ್ಮಿಯಾಗತ್ತೆ.

ಹೇಗೆ ಅಂದ್ರೆ... ದೇಹದ ಕೊಬ್ಬು ನಮ್ಗೆ ದಿನನಿತ್ಯ ಕೆಲ್ಸ ಮಾಡಕ್ಕೆ ಬೇಕಾಗಿರೋಷ್ಟು ಶಕ್ತಿ ಕೊಡತ್ತೆ. ಜೊತೆಗೆ ದೇಹದಲ್ಲಿರೊ ಸಕ್ಕರೆ ಅಂಶಾನ ಇದಕ್ಕೋಸ್ಕರ ಬಳ್ಸಲ್ಲ. ಈ ವಿಷ್ಯ ಗೊತ್ತಾದ್ದಾಗಿಂದ ಎಷ್ಟೊಂದ್ ಜನ ಕ್ರೀಡಾಪಟುಗಳು ಕಾಂಪಿಟಿಷನ್ಗೋಸ್ಕರ ಆಗಾಗ ಉಪವಾಸ ಮಾಡಿ ತಮ್ಮ ದೇಹದ ತೂಕನ ಒಂದು ಲೆವೆಲ್ಗೆ ಕಮ್ಮಿ ಮಾಡ್ಕೊಳ್ಳೊ ಅಭ್ಯಾಸ ಇಟ್ಕೊಂಡಿದಾರಂತೆ. 

ಮೂಲ

2. ಇನ್ಸುಲಿನ್ ಪರಿಣಮಕಾರಿಯಾಗಿ ಕೆಲ್ಸ ಮಾಡತ್ತೆ

ಇನ್ಸುಲಿನ್ ನಮ್ ದೇಹಕ್ಕೆ ಎಷ್ಟ್ ಮುಖ್ಯ ಅಂತ ಗೊತ್ತೇ ಇದೆ. ಒಂದ್ಸಲ ಜಾಸ್ತಿ ಪ್ರಮಾಣ್ದಲ್ಲಿ ಬೇಕಾಗಿದ್ರೆ, ಇನ್ನೊಂದ್ಸಲ ಕಮ್ಮಿ ಬೇಕಾಗತ್ತೆ. ಇದನ್ನ ಸರಿಯಾಗಿ ನಿಭಾಯ್ಸೋದಕ್ಕೆ, ಇನ್ಸುಲಿನ್ ಅಗತ್ಯಕ್ಕೆ ತಕ್ಕಹಾಗೆ ಕೆಲ್ಸ ಮಾಡಕ್ಕೆ, ಉಪವಾಸ ಸಹಾಯ ಮಾಡತ್ತೆ.

ಇನ್ನೂ ಹೇಳ್ಬೇಕು ಅಂದ್ರೆ...ಸಕ್ಕರೆ ಮಟ್ಟವನ್ನ ಕಂಟ್ರೋಲ್ ಆಗತ್ತೆ. ಆಗಾಗ ಉಪ್ವಾಸ ಮಾಡೋದ್ರಿಂದ, ರಕ್ತಕ್ಕೆ ಗ್ಲೂಕೋಸ್ ಸರ್ಯಾದ ಪ್ರಮಾಣದಲ್ಲಿ ಪೂರೈಕೆ ಆಗತ್ತೆ.

ಮೂಲ

3. ಜೀರ್ಣಶಕ್ತಿ ಜಾಸ್ತಿ ಆಗತ್ತೆ

ಉಪವಾಸ ಮಾಡಿದಾಗ ಜೀರ್ಣಾಂಗಕ್ಕೆ ಒಳ್ಳೆ ರೆಸ್ಟ್ ಸಿಗತ್ತೆ. ಜೀರ್ಣಶಕ್ತಿ ಚೆನ್ನಾಗಿಲ್ಲ ಅಂದ್ರೆ, ಪಚನಕ್ರಿಯೆ ಸರಿಯಾಗ್ ಆಗಲ್ಲ. ಇದ್ರಿಂದ ಕೊಬ್ಬಿನಂಶ ಬರ್ನ್ ಆಗಲ್ಲ. ಕರುಳು ಸರ್ಯಾಗಿ ಕ್ಲೀನ್ ಆಗತ್ತೆ.

ಮೂಲ

4. ಆಯಸ್ಸು ಹೆಚ್ಚತ್ತೆ

ನಂಬ್ತಿರೋ ಇಲ್ವೋ ನಿಮಗ್ಬಿಟ್ಟಿದ್ದು ಆದ್ರೆ, ಕಮ್ಮಿ ತಿಂದಷ್ಟೂ ಜಾಸ್ತಿ ವರ್ಷ ಬದಕ್ತಿರ. ಕೆಲವು ಜನಾಂಗದ್ ಜನ ಈ ವಿಷ್ಯದಲ್ಲಿ ಕಟ್ಟುನಿಟ್ಟಾಗಿ ಪಥ್ಯ ಮಾಡ್ತಿರೋದ್ರಿಂದ ಅವ್ರ ಜೀವಿತಾವಧಿ ಜಾಸ್ತಿಯಾಗಿದೆ ಅಂತ ಎಷ್ಟೊಂದ್ ಸ್ಟಡಿಗಳೂ ಹೇಳತ್ವೆ.

ಇದರ ಹಿಂದೆ ಇರೋ ಲಾಜಿಕ್ ಏನಪ್ಪ ಅಂತೀರ? ಜೀರ್ಣಕ್ರಿಯೆ ನಿಧಾನ್ವಾಗ್ ಆಗೋದೂ, ಬೇಗ ವಯಸ್ಸಾಗಕ್ಕೆ ಒಂದ್ ದೊಡ್ಡ ಕಾರಣವಂತೆ. ಯಂಗಾಗಿ ಇರ್ಬೇಕು ಅಂದ್ರೆ ಆಗಾಗ ಉಪ್ವಾಸ ಮಾಡ್ಕೊಂಡು ಜೀರ್ಣಾಂಗಕ್ಕೆ ಒತ್ತಡ ಕಮ್ಮಿ ಮಾಡ್ಕೊಬೇಕು.

ಅದಕ್ಕೇ ತಾನೇ ಸಿರಿಧಾನ್ಯಗಳು ಈಗೀಗ ಮತ್ತೆ ಪ್ರಚಾರಕ್ಕೆ ಬರ್ತಿದೆ.

ಮೂಲ

5. ದಿನನಿತ್ಯ ಚೆನ್ನಾಗಿ ಹಸಿವಾಗತ್ತೆ

ದಿನಕ್ಕೆ 4 ಹೊತ್ತೂ ಹೊಟ್ಟೆ ತುಂಬಾ ತಿನ್ತಿದ್ರೆ ನಿಜವಾದ ಹಸಿವು ಏನು ಅಂತ ಹೇಗ್ ಗೊತ್ತಾಗತ್ತೆ ಹೇಳಿ? ಇದು ಗೊತ್ತಾಗ್ಬೇಕು ಅಂದ್ರೆ ಕನಿಷ್ಟ 12 ರಿಂದ 24 ಗಂಟೆ ಉಪವಾಸ ಇರ್ಬೇಕು.

ಉಪವಾಸ, ದೇಹದಲ್ಲಿರೊ ಹಾರ್ಮೋನ್ಗಳ್ನ ಆಕ್ಟಿವ್ ಮಾಡಿ ನಿಜವಾದ್ ಹಸಿವು ಏನಂತ ತೋರ್ಸತ್ತೆ. ಇನ್ನು ಬೊಜ್ಜಿರೋರ್ಗಂತೂ ಯಾವಾಗ್ ಹಸ್ವಾಗತ್ತೆ ಅಂತ ಗೊತ್ತಾಗದೇ ಇಲ್ಲ. ಹಸಿವಿರ್ಲಿ ಇಲ್ದೇ ಇರ್ಲಿ ಆಗಾಗ ಬ್ಯಾಟಿಂಗ್ ಮಾಡ್ತನೇ ಇರ್ತಾರೆ. ಅಂಥವ್ರಿಗೆ ಆಗಾಗ ಒಳ್ಗಡೆಯಿಂದ ಸಿಗ್ನಲ್ ಕೊಡಕ್ಕೆ ಈ ಉಪವಾಸ ಸಹಾಯ ಮಾಡತ್ತೆ.

ಉಪವಾಸ ರಿಸೆಟ್ ಬಟನ್ ಇದ್ದಹಾಗೆ: ಹೆಚ್ಚು ಹೊತ್ತು ಉಪವಾಸ ಮಾಡಿದಷ್ಟೂ ಸರಿಯಾಗಿರೋ ಹಾರ್ಮೋನ್ ಬಿಡುಗಡೆ ಮಾಡಕ್ಕೆ ದೇಹ ತನ್ನನ್ನ ತಾನು ರೆಡಿ ಮಾಡ್ಕೊಳತ್ತೆ. ಆಗ ನಿಜವಾದ ಹಸಿವಿನ ಮಹತ್ವ ಗೊತ್ತಾಗತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಅಂದ್ರೆ ಹಾರ್ಮೋನ್ಗಳು ಸರಿಯಾಗ್ ಕೆಲ್ಸ ಮಾಡಿದ್ರೆ, ಬೇಗ ಹೊಟ್ಟೆ ತುಂಬತ್ತೆ. ಕುತ್ತಿಗೆಗ್ ಬರೋವರ್ಗೂ ತಿಂದು ತೊಂದ್ರೆ ಅನುಭವಿಸೋದು ತಪ್ಪತ್ತೆ.

ಮೂಲ

6. ತಿನ್ನೋ ಪದ್ಧತಿ ಸುಧಾರಿಸತ್ತೆ

ಹೊತ್ತೊತ್ತಿಗೆ ಸರಿಯಾಗ್ ತಿನ್ನೋ ಅಭ್ಯಾಸ ಇಲ್ದೋರಿಗೆ, ಕೆಲಸದ ಮಧ್ಯ ಊಟ ತಿಂಡಿಗೆ ಸಮಯ ಮಾಡ್ಕೊಳಕ್ ಆಗ್ದೇ ಇರೋರ್ಗೆ ಈ ಉಪವಾಸ ಒಂದು ವರ ಅಂತ ಹೇಳ್ಬೋದು.

ಆಗಾಗ ಉಪವಾಸ ಮಾಡ್ತಿದ್ರೆ, ಯಾವತ್ತಾದ್ರು ಮಧ್ಯಾಹ್ನದ್ ಊಟ ಸ್ಕಿಪ್ ಮಾಡ್ಬೇಕಾಗ್ ಬಂದಾಗ ಯಾವ್ ತೊಂದ್ರೆನೂ ಆಗಲ್ಲ. ನಿಮ್ ಲೈಫ್ ಸ್ಟೈಲ್ಗೆ ಹೊಂದ್ಕೊಂಡೋಗತ್ತೆ. ಜೊತೆಗೆ, ಯಾರು ಈ ಥರ ಟೈಮ್ ಟೈಮ್ ಗೆ ಸರಿಯಾಕ್ ತಿನ್ನಕ್ ಆಗಲ್ವೋ ಅಂಥೋರ್ಗೆ, ಆ ದಿನಕ್ಕೆ ಬೇಕಾಗಿರೋಷ್ಟು ಕ್ಯಾಲೋರಿನ ಒಂದೇ ಸಲ ತಿಂದು, ಮತ್ತೆ ಮುಂದಿನ್ ದಿನದ್ ವರ್ಗೂ ಊಟ ತಿಂಡಿ ಬಗ್ಗೆ ಯೋಚ್ನೆ ಮಾಡ್ದೇ ಇರೋ ಹಾಗೆ ಮಾಡತ್ತೆ.

ಮೂಲ

7. ಮೆದುಳು ಚುರುಕಾಗತ್ತೆ

ಮೆದುಳಲ್ಲಿ ಬ್ರೈನ್- ಡಿರೈವ್ಡ್ ನ್ಯೂರೋಟ್ರೋಫಿಕ್ ಫ್ಯಾಕ್ಟರ್ (ಬಿ ಡಿ ಎನ್ ಎಫ್) ಅನ್ನೋ ಪ್ರೋಟೀನ್ ಇರತ್ತೆ. ಉಪವಾಸ ಮಾಡೋದ್ರಿಂದ ಈ ಪ್ರೋಟೀನ್ ಹೆಚ್ಚು ಉತ್ಪತ್ತಿಯಾಗಿ ಮೆದುಳು ಚುರುಕಾಗಿ ಕೆಲ್ಸ ಮಾಡತ್ತೆ.

"ಬಿ ಡಿ ಎನ್ ಎಫ್" ಪ್ರೋಟೀನ್ ಮೆದುಳಿನ ಕೋಶಗಳ್ನ ಆಕ್ಟೀವ್ ಮಾಡಿ, ಹೊಸ ಹೊಸ ನರಕೋಶಗಳಾಗಿ ಬದಲಾಯಿಸತ್ತೆ. ಹಾಗೇನೆ ನರಗಳು ಆರೋಗ್ಯವಾಗಿರಕ್ಕೆ ಬೇಕಿರೋ ಬೇರೆ ಸಾಕಷ್ಟು ರಾಸಾಯನಿಕಗಳ್ನ ಟ್ರಿಗರ್ ಮಾಡತ್ತೆ.

ಇನ್ನೊಂದು ಮುಖ್ಯವಾದ ವಿಷ್ಯ ಅಂದ್ರೆ...ಆಲ್ಜೈಮರ್ ಮತ್ತೆ ಪಾರ್ಕಿನ್ಸನ್ ರೋಗದ ಮುಂದಿನ ಹಂತಗಳು ಬೇಗ ಬೇಗ ಬರ್ದೇಇರೋಹಾಗ್ ಈ ಪ್ರೋಟೀನ್, ಮೆದುಳಿನ ಕೊಶಗಳ್ನ ಕಾಪಾಡತ್ತೆ.

ಮೂಲ

8. ರೋಗನಿರೋಧಕ ಶಕ್ತಿ ಜಾಸ್ತಿಯಾಗೋದು ಖಂಡಿತ

ಆಗಾಗ ಉಪವಾಸ ಮಾಡೋದ್ರಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗತ್ತೆ ಯಾಕಂದ್ರೆ ಟೋಟಲ್ಲಾಗಿ ದೇಹಕ್ಕಾಗೋ ಹಾನಿ, ದೇಹದಲ್ಲಿ ಉರಿ, ಊತ ಇದನ್ನೆಲ್ಲಾ ಕಮ್ಮಿ ಮಾಡಿ ಕ್ಯಾನ್ಸರ್ ಬರ್ಸೋ ಜೀವಕೋಶಗಳಿಗೇ ಉಪವಾಸ ಹಾಕತ್ತೆ:-)

ನಮ್ ಸುತ್ತ ಮುತ್ತ ಇರೊ ಪ್ರಕೃತಿನಲ್ಲೂ ಇದನ್ನ ನೋಡ್ಬೋದು. ಪ್ರಾಣಿಗಳು ಹುಷಾರ್ ತಪ್ದಾಗ ಆಹಾರ ತೊಗೊಳೋದನ್ನ ಬಿಟ್ಟು ಉಪವಾಸ ಮಾಡಿ, ವಿಶ್ರಾಂತಿ ತೊಗೊಳತ್ವೆ. ಇದು ದೇಹದ ಒಳಗಿರೊ ಅಂಗಾಂಗಕ್ಕೆಲ್ಲ ಕೆಲ್ಸ ಕಮ್ಮಿ ಮಾಡಿ, ಇನ್ಫೆಕ್ಷನ್ ವಿರುದ್ಧ ದಾಳಿಮಾಡೋ ಶಕ್ತಿ ಕೊಡತ್ತೆ. ನಾವು ಮನುಷ್ಯ್ರು ಮಾತ್ರ ಬೇಕಿರ್ಲಿ, ಬೇಡ್ದೆಯಿರ್ಲಿ, ಚೆನ್ನಾಗಿರ್ಲಿ, ಹುಷಾರ್ ತಪ್ಪಿರ್ಲಿ, ತಿನ್ನಕ್ ಏನು ಅಂತ ತಲೆಕೆಡುಸ್ಕೊಳೋದು!!!! ತಿನ್ನೋದು ಆಮೇಲೆ ಗ್ಯಾಸ್ ಅಂತ ಮಾತ್ರೆ ತೊಗೊಳ್ಳೊದು ಈಗಿನ ಟ್ರೆಂಡ್ :-(

ಮೂಲ

9. ಉಪವಾಸದಿಂದ ಆತ್ಮ ಶುದ್ಧಿ, ಜ್ಞಾನೊದಯ ಆಗತ್ತೆ

ಉಪವಾಸ ಎಷ್ಟೊಂದ್ ಜನಕ್ಕೆ ಓದು, ಧ್ಯಾನ, ಯೋಗ, ಸಮರಕಲೆ ಇನ್ನು ಹಲಾವಾರು ಥರ ಅಭ್ಯಾಸಗಳ್ನ ತಮ್ಮ ಜೀವನ್ದಲ್ಲಿ ಜೊತೆ ಅಳವಡಿಸ್ಕೊಳಕ್ಕೆ ಸಹಾಯ ಮಾಡಿದೆ. ಹೊಟ್ಟೆ ಖಾಲಿ ಇದ್ರೆ, ಅಲ್ಲಿ ಜಾಸ್ತಿ ಶಕ್ತಿ ಶೇಖರಿಸತ್ತೆ. ಯಾಕಂದ್ರೆ ನಮ್ ದೇಹದಲ್ಲಿ, ತುಂಬ ಶಕ್ತಿ ಹೀರ್ಕೊಂಡು ಕೆಲ್ಸ ಮಾಡೋದು ಜೀರ್ಣಾಂಗ.

ಆತ್ಮ ಶುದ್ಧಿ, ಜ್ಞಾನೋದಯಕ್ಕೂ ಉಪವಾಸಕ್ಕೂ ನಂಟಿದೆ. ಇದು ಮಾನಸಿಕವಾಗಿ, ದೈಹಿಕವಾಗಿ ನೆಮ್ಮದಿಯಾಗಿರಕ್ಕೆ ಸಹಾಯ ಮಾಡತ್ತೆ. ಹಗುರವಾಗಿರೋ ದೇಹ ಮತ್ತೆ ನಮಗೆ ಏನ್ ಬೇಕು ಅಂತ ಸ್ಪಷ್ಟವಾಗಿರೊ ಮನಸ್ಸು ಇದ್ರೆ ಸುತ್ತ ಮುತ್ತ ನಡಿತಿರೋದ್ರ ಬಗ್ಗೆ ಹೆಚ್ಚು ಜಾಗ್ರತೆಯಿಂದ ಇರ್ತಿವೆ. ಜೊತೆಗೆ ಎಲ್ಲದರ ಬೆಲೆನೂ, ಪ್ರಾಮುಖ್ಯತೆನೂ ಗೊತ್ತಾಗತ್ತೆ.

ಮೂಲ

10. ಮೊಡವೆ ತೊಂದ್ರೆ ದೂರವಾಗತ್ತೆ ಹಾಗೆನೆ ಚರ್ಮ ಕೂಡ ಕ್ಲೀನ್ ಆಗತ್ತೆ

ಚರ್ಮಕ್ಕೆ ಸಂಬಂಧ ಪಟ್ಟಿರೋ ತೊಂದ್ರೆಯಿಂದ ಬೇಸತ್ತೋಗಿರೋರ್ಗೆ ಒಳ್ಳೆ ಉಪಾಯ ಅನ್ಬೋದು. ಯಾವಾಗ ಜೀರ್ಣಾಂಗಕ್ಕೆ ಹೆಚ್ಚು ಕೆಲ್ಸ ಇಲ್ದೆ ಸ್ವಲ್ಪ ಬಿಡುವಾಗಿರತ್ತೋ, ಆಗ ದೇಹ, ತನ್ನನ್ನ ತಾನು ರಿಪೇರಿ ಮಾಡ್ಕೊಳಕ್ಕೆ ಬೇರೆ ಬೇರೆ ಅಂಗಾಂಗದ ಬಗ್ಗೆ ಗಮನ ಹರಿಸ್ಬೋದು.

ಒಂದೇ ಒಂದಿನ ಉಪವಾಸ ಮಾಡೋದ್ರಿಂದ, ದೇಹದಲ್ಲಿರೋ ವಿಷಕಾರಿ ಅಂಶಯೆಲ್ಲಾ ಹೊರಗೆ ಹೋಗಿ, ಬೇರೆ ಎಲ್ಲಾ ಅಂಗಗಳೂ ಅಂದ್ರೆ ಯಕೃತ್ತ, ಮೂತ್ರಪಿಂಡ ಎಲ್ಲಾ ಕ್ಲೀನಾಗಿ ಕೆಲ್ಸ ಮಾಡ್ಕೊಂಡ್ ಹೋಗತ್ತಂತೆ.

ಮೂಲ

ತಿಂಗಳಲ್ಲಿ ಒಂದು ಅಥ್ವಾ ಎರಡು ದಿನ ಉಪವಾಸ ಮಾಡಿದ್ರೆ ಇಷ್ಟೆಲ್ಲಾ ಲಾಭ ಇದೆ. ನೀವೇ ಯೋಚ್ನೆ ಮಾಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: