ಜಪ ಮಾಡುವಾಗ ಮಣಿ ಏಣಿಸೋದ್ರಿಂದ ದೇಹದ ಮೇಲೆ ಎಂಥ ಪರಿಣಾಮ ಆಗುತ್ತೆ ಗೊತ್ತಾ?

ಅಧ್ಯಾತ್ಮಿಕ ಪರಿಣಾಮ ಗೊತ್ತೇ‌ ಇದೆ, ನಾವು ಹೇಳ್ತಿರೋದು ಲೌಕಿಕ ಪರಿಣಾಮ

ಹಳೇ ಫಿಲಂಗಳಲ್ಲಿ ವಯಸ್ಸಾದೋರು ಅಥವಾ ಋಷಿ ಮುನಿಗಳು ಕೈಯಲ್ಲಿ ಜಪ ಮಣಿ ಹಿಡ್ಕೊಂಡು ಏಣ್ಸೋದು ನೋಡಿರ್ತೀರಿ. ಹಂಗೆ ಎಣಿಸೋದ್ರಿಂದ ಅಧ್ಯಾತ್ಮಿಕ ಸಾಧನೆ ಜೊತೆಗೆ ನಮ್ಮ ದೇಹಕ್ಕೂ ಸಾಕಷ್ಟು ಲಾಭಗಳಿವೆ. ಯಾವ್ಯಾವುದು ಅಂತ ಗೊತ್ತಾದ್ರೆ ನಾನೂ ಶುರು ಮಾಡ್ಕೋತೀನಿ ಅಂತೀರಿ!

ಮೂಲ

ದಿನಾ ಜಪಮಣಿ ಎಣಿಸೋದ್ರಿಂದ ದೇಹಕ್ಕೆ ಏನೇನು ಒಳ್ಳೇದಾಗುತ್ತೆ ಗೊತ್ತಾ?

  1. ನೆನಪಿನ ಶಕ್ತಿ ಹೆಚ್ಚುತ್ತೆ
  2. ಬುದ್ಧಿ ಚುರುಕಾಗುತ್ತೆ
  3. ಏಕಾಗ್ರತೆ ಹೆಚ್ಚುತ್ತೆ
  4. ನಿದ್ರಾಹೀನತೆ ಕಡಿಮೆ ಆಗುತ್ತೆ
  5. ಅಧಿಕ ರಕ್ತದೊತ್ತಡ ಸರಿ ಹೋಗುತ್ತೆ
  6. ಮಾನಸಿಕ ಗೊಂದಲಗಳು ಕಡಿಮೆ ಆಗುತ್ತೆ 
  7. ಕೋಪ ಕಡಿಮೆ ಆಗುತ್ತೆ
  8. ಸೋಮಾರಿತನ ಕಡಿಮೆ ಆಗುತ್ತೆ
  9. ಖುಷಿ ಆಗಿರ್ತೀರಿ
  10. ಖಿನ್ನತೆ ದೂರಾಗುತ್ತೆ 

ಸುಮ್ನೆ ಹೇಳ್ತೀರಿ ಅನ್ನಬೇಡ್ರಿ, ನಿಜವಾಗಲೂ ಇದೆಲ್ಲ ಸಾಧ್ಯ. ಹೇಗೆ ಅಂತೀರಾ?

ಜಪಮಣಿ ಎಣಿಸೋವಾಗ ಮಣಿಯ ಒತ್ತಡ ನಿಮ್ಮ ಹೆಬ್ಬೆಟ್ಟಿನ ಮೇಲೆ ಬೀಳುತ್ತೆ. ಆ ಜಾಗದಲ್ಲಿ ಒತ್ತೋದ್ರಿಂದ ದೇಹದಲ್ಲಾಗೋ ಈ ಎಲ್ಲ ಬದಲಾವಣೆಗಳು ಆಗ್ತವೆ.

    ಮೂಲ

    ಇನ್ನು 108  ಸಾರಿ, 1008  ಸಾರಿ ಎಣಿಸೋದ್ರಿಂದ ಲಾಭ ಅಂತಾರಲ್ಲ ಅದು ಹೇಗೆ?

    ಇದು ಹೆಬ್ಬೆಟ್ಟಿನ ಆ ಜಾಗವನ್ನ ಎಷ್ಟು ಹೊತ್ತು ಒತ್ತಿಟ್ಕೊಬೇಕು ಅಂತ ಹೇಳೋ ಮತ್ತೊಂದು ವಿಧಾನ. ಜಾಸ್ತಿ ಒತ್ತಿ ಇಟ್ಕೊಂಡ್ರೆ ಜಾಸ್ತಿ ಲಾಭ. ಅಷ್ಟೇನೇ.

    ಮೂಲ

    ಎಲ್ಲ ಸರಿ ಜಪಮಣಿ ರುದ್ರಾಕ್ಷಿದೇ ಆಗ್ಬೇಕಾ?

    ರುದ್ರಾಕ್ಷಿ, ಸ್ಪಟಿಕ, ತುಳಸಿ ಮಾಲೆ ಹೀಗೆ ಬೇರೆ ಬೇರೆ ಮಾಲೆಗಳನ್ನ  ಹೆಸರಿಸೋಕು ಒಂದು ವಿಶೇಷ ಅರ್ಥ ಇದೆ. ಈ ಮಣಿಗಳ ಅಳತೆ, ಭಾರ ಇದೆಲ್ಲ ಮುಖ್ಯ ಆಗುತ್ತೆ. ಯಾಕಂದ್ರೆ ಬೆರಳ ಮೇಲೆ ಬೀಳೋ ಒತ್ತಡ ಆ ಅಳತೆ ಮತ್ತೆ ಭಾರದ ಮೇಲೆ ನಿಂತಿರುತ್ತೆ.

    ಮೂಲ

    ನಮ್ಮ ಹಿಂದಿನವರು ಇದನ್ನೆಲ್ಲ ನಮ್ಮ ಸಂಸ್ಕೃತಿಯ ಅಂಗ ಮಾಡಿದ್ದರು. ಎಷ್ಟು ಬುದ್ಧಿವಂತರು ನೋಡಿ!

    ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

    ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

    ಉಪವಾಸ ಮಾಡೊದ್ರಿಂದ ಇಷ್ಟೆಲ್ಲಾ ಲಾಭ ಇದೆ ಅಂತ ಗೊತ್ತಾದ್ರೆ ಇನ್ಮೇಲೆ ನೀವೂ ಮಾಡ್ತೀರಿ

    ಉಪವಾಸ ಬೇರೆ ಊಟ ಬಿಡೋದ್ ಬೇರೆ

    ನಮ್ಮಲ್ಲಿ ಉಪವಾಸ ಮತ್ತೆ ಊಟ ಸ್ಕಿಪ್ ಮಾಡದು ಎರಡೂ ಒಂದೇ ಅನ್ನೊ ಭಾವನೆ ಇದೆ. ಆದರೆ ಅದು ತಪ್ಪು. ಹಾಗೆನೆ ಫಲಾಹಾರ ತಿನ್ಕೊಂಡು ಅದನ್ನ ಉಪವಾಸ ಅನ್ನೋರೂ ಇದಾರೆ. ಅದೂ ತಪ್ಪು ಕಲ್ಪನೆ. ಉಪವಾಸ ಅಂದ್ರೆ ತಿನ್ನಕ್ಕೆ ಸಮಯಯಿಲ್ದೆ ಊಟ ತಿಂಡಿ ಬಿಡೋದೂ ಅಲ್ಲ, ಹಾಲು ಹಣ್ಣು ಇಟ್ಕೊಂಡು ಅರ್ಧ ಹೊಟ್ಟೆ ತಿನ್ನೋದೂ ಅಲ್ಲ. ಬದಲಾಗಿ, ನಮ್ಮ ದೇಹದ ಅಂಗಾಂಗಗಳ್ಗೆ ಆಗಾಗ ರೆಸ್ಟ್ ಕೊಡ್ತ, ಅವುಗಳೂ ಚೂರು ಚೇತರುಸ್ಕೊಂಡು ಇನ್ನೂ ಚೆನ್ನಾಗ್ ಕೆಲ್ಸ ಮಾಡೋಹಾಗೆ, ಅವುಗಳಲ್ಲಿರೋ ವಿಷಕಾರಿ ಅಂಶ ಹೊರಗೋಗೋ ಹಾಗೆ ನೋಡ್ಕೊಳೋದು. ಇನ್ನು ಈ ಉಪವಾಸದಿಂದ ಏನೇನೆಲ್ಲ ಲಾಭ ಇದೆ ಅಂತ ಗೊತ್ತಾದ್ರೆ, ಖಂಡಿತ ತಿಂಗಳಿಗ್ ಒಂದೋ ಎರಡೋ ದಿನ ಉಪವಾಸ ಮಾಡೋ ಮನಸ್ಸು ಮಾಡ್ತಿರ.

    ಉಪವಾಸ ಮಾಡೋದ್ರಿಂದ ಏನೇನಾಗತ್ತೆ ನಿಮ್ಗೋಸ್ಕರ ಕೊಟ್ಟೀದಿವಿ ಓದ್ನೋಡಿ...

    1.  ಎಲ್ಲಕ್ಕಿಂತ ಮೊದ್ಲು ದೇಹದ ತೂಕ ಕಮ್ಮಿಯಾಗತ್ತೆ

    ತೂಕ ಕಮ್ಮಿ ಮಾಡ್ಕೊಳಕ್ಕೆ, ಉಪವಾಸ ಮಾಡೋದು ತುಂಬ ಸುರಕ್ಷಿತವಾದ ವಿಧಾನ. ಎಷ್ಟೊಂದು ರಿಸರ್ಚ್ ಪ್ರಕಾರ, ನಿಮಗೆ ಸಾಧ್ಯವಾದಷ್ಟು ಕಾಲ ಆಗಾಗ ಉಪವಾಸ ಮಾಡಿದ್ರೆ, ದೇಹದಲ್ಲಿರೊ ಕೊಬ್ಬಿನ ಕೋಶಗಳು ಬರ್ನ್ ಆಗಿ, ಮಾಮೂಲಿ ಪಥ್ಯ ಮಾಡಕ್ಕಿಂತಾನೂ ಒಂದ್ ಕೈ ಹೆಚ್ಚಾಗೇ ತೂಕ ಕಮ್ಮಿಯಾಗತ್ತೆ.

    ಹೇಗೆ ಅಂದ್ರೆ... ದೇಹದ ಕೊಬ್ಬು ನಮ್ಗೆ ದಿನನಿತ್ಯ ಕೆಲ್ಸ ಮಾಡಕ್ಕೆ ಬೇಕಾಗಿರೋಷ್ಟು ಶಕ್ತಿ ಕೊಡತ್ತೆ. ಜೊತೆಗೆ ದೇಹದಲ್ಲಿರೊ ಸಕ್ಕರೆ ಅಂಶಾನ ಇದಕ್ಕೋಸ್ಕರ ಬಳ್ಸಲ್ಲ. ಈ ವಿಷ್ಯ ಗೊತ್ತಾದ್ದಾಗಿಂದ ಎಷ್ಟೊಂದ್ ಜನ ಕ್ರೀಡಾಪಟುಗಳು ಕಾಂಪಿಟಿಷನ್ಗೋಸ್ಕರ ಆಗಾಗ ಉಪವಾಸ ಮಾಡಿ ತಮ್ಮ ದೇಹದ ತೂಕನ ಒಂದು ಲೆವೆಲ್ಗೆ ಕಮ್ಮಿ ಮಾಡ್ಕೊಳ್ಳೊ ಅಭ್ಯಾಸ ಇಟ್ಕೊಂಡಿದಾರಂತೆ. 

    ಮೂಲ

    2. ಇನ್ಸುಲಿನ್ ಪರಿಣಮಕಾರಿಯಾಗಿ ಕೆಲ್ಸ ಮಾಡತ್ತೆ

    ಇನ್ಸುಲಿನ್ ನಮ್ ದೇಹಕ್ಕೆ ಎಷ್ಟ್ ಮುಖ್ಯ ಅಂತ ಗೊತ್ತೇ ಇದೆ. ಒಂದ್ಸಲ ಜಾಸ್ತಿ ಪ್ರಮಾಣ್ದಲ್ಲಿ ಬೇಕಾಗಿದ್ರೆ, ಇನ್ನೊಂದ್ಸಲ ಕಮ್ಮಿ ಬೇಕಾಗತ್ತೆ. ಇದನ್ನ ಸರಿಯಾಗಿ ನಿಭಾಯ್ಸೋದಕ್ಕೆ, ಇನ್ಸುಲಿನ್ ಅಗತ್ಯಕ್ಕೆ ತಕ್ಕಹಾಗೆ ಕೆಲ್ಸ ಮಾಡಕ್ಕೆ, ಉಪವಾಸ ಸಹಾಯ ಮಾಡತ್ತೆ.

    ಇನ್ನೂ ಹೇಳ್ಬೇಕು ಅಂದ್ರೆ...ಸಕ್ಕರೆ ಮಟ್ಟವನ್ನ ಕಂಟ್ರೋಲ್ ಆಗತ್ತೆ. ಆಗಾಗ ಉಪ್ವಾಸ ಮಾಡೋದ್ರಿಂದ, ರಕ್ತಕ್ಕೆ ಗ್ಲೂಕೋಸ್ ಸರ್ಯಾದ ಪ್ರಮಾಣದಲ್ಲಿ ಪೂರೈಕೆ ಆಗತ್ತೆ.

    ಮೂಲ

    3. ಜೀರ್ಣಶಕ್ತಿ ಜಾಸ್ತಿ ಆಗತ್ತೆ

    ಉಪವಾಸ ಮಾಡಿದಾಗ ಜೀರ್ಣಾಂಗಕ್ಕೆ ಒಳ್ಳೆ ರೆಸ್ಟ್ ಸಿಗತ್ತೆ. ಜೀರ್ಣಶಕ್ತಿ ಚೆನ್ನಾಗಿಲ್ಲ ಅಂದ್ರೆ, ಪಚನಕ್ರಿಯೆ ಸರಿಯಾಗ್ ಆಗಲ್ಲ. ಇದ್ರಿಂದ ಕೊಬ್ಬಿನಂಶ ಬರ್ನ್ ಆಗಲ್ಲ. ಕರುಳು ಸರ್ಯಾಗಿ ಕ್ಲೀನ್ ಆಗತ್ತೆ.

    ಮೂಲ

    4. ಆಯಸ್ಸು ಹೆಚ್ಚತ್ತೆ

    ನಂಬ್ತಿರೋ ಇಲ್ವೋ ನಿಮಗ್ಬಿಟ್ಟಿದ್ದು ಆದ್ರೆ, ಕಮ್ಮಿ ತಿಂದಷ್ಟೂ ಜಾಸ್ತಿ ವರ್ಷ ಬದಕ್ತಿರ. ಕೆಲವು ಜನಾಂಗದ್ ಜನ ಈ ವಿಷ್ಯದಲ್ಲಿ ಕಟ್ಟುನಿಟ್ಟಾಗಿ ಪಥ್ಯ ಮಾಡ್ತಿರೋದ್ರಿಂದ ಅವ್ರ ಜೀವಿತಾವಧಿ ಜಾಸ್ತಿಯಾಗಿದೆ ಅಂತ ಎಷ್ಟೊಂದ್ ಸ್ಟಡಿಗಳೂ ಹೇಳತ್ವೆ.

    ಇದರ ಹಿಂದೆ ಇರೋ ಲಾಜಿಕ್ ಏನಪ್ಪ ಅಂತೀರ? ಜೀರ್ಣಕ್ರಿಯೆ ನಿಧಾನ್ವಾಗ್ ಆಗೋದೂ, ಬೇಗ ವಯಸ್ಸಾಗಕ್ಕೆ ಒಂದ್ ದೊಡ್ಡ ಕಾರಣವಂತೆ. ಯಂಗಾಗಿ ಇರ್ಬೇಕು ಅಂದ್ರೆ ಆಗಾಗ ಉಪ್ವಾಸ ಮಾಡ್ಕೊಂಡು ಜೀರ್ಣಾಂಗಕ್ಕೆ ಒತ್ತಡ ಕಮ್ಮಿ ಮಾಡ್ಕೊಬೇಕು.

    ಅದಕ್ಕೇ ತಾನೇ ಸಿರಿಧಾನ್ಯಗಳು ಈಗೀಗ ಮತ್ತೆ ಪ್ರಚಾರಕ್ಕೆ ಬರ್ತಿದೆ.

    ಮೂಲ

    5. ದಿನನಿತ್ಯ ಚೆನ್ನಾಗಿ ಹಸಿವಾಗತ್ತೆ

    ದಿನಕ್ಕೆ 4 ಹೊತ್ತೂ ಹೊಟ್ಟೆ ತುಂಬಾ ತಿನ್ತಿದ್ರೆ ನಿಜವಾದ ಹಸಿವು ಏನು ಅಂತ ಹೇಗ್ ಗೊತ್ತಾಗತ್ತೆ ಹೇಳಿ? ಇದು ಗೊತ್ತಾಗ್ಬೇಕು ಅಂದ್ರೆ ಕನಿಷ್ಟ 12 ರಿಂದ 24 ಗಂಟೆ ಉಪವಾಸ ಇರ್ಬೇಕು.

    ಉಪವಾಸ, ದೇಹದಲ್ಲಿರೊ ಹಾರ್ಮೋನ್ಗಳ್ನ ಆಕ್ಟಿವ್ ಮಾಡಿ ನಿಜವಾದ್ ಹಸಿವು ಏನಂತ ತೋರ್ಸತ್ತೆ. ಇನ್ನು ಬೊಜ್ಜಿರೋರ್ಗಂತೂ ಯಾವಾಗ್ ಹಸ್ವಾಗತ್ತೆ ಅಂತ ಗೊತ್ತಾಗದೇ ಇಲ್ಲ. ಹಸಿವಿರ್ಲಿ ಇಲ್ದೇ ಇರ್ಲಿ ಆಗಾಗ ಬ್ಯಾಟಿಂಗ್ ಮಾಡ್ತನೇ ಇರ್ತಾರೆ. ಅಂಥವ್ರಿಗೆ ಆಗಾಗ ಒಳ್ಗಡೆಯಿಂದ ಸಿಗ್ನಲ್ ಕೊಡಕ್ಕೆ ಈ ಉಪವಾಸ ಸಹಾಯ ಮಾಡತ್ತೆ.

    ಉಪವಾಸ ರಿಸೆಟ್ ಬಟನ್ ಇದ್ದಹಾಗೆ: ಹೆಚ್ಚು ಹೊತ್ತು ಉಪವಾಸ ಮಾಡಿದಷ್ಟೂ ಸರಿಯಾಗಿರೋ ಹಾರ್ಮೋನ್ ಬಿಡುಗಡೆ ಮಾಡಕ್ಕೆ ದೇಹ ತನ್ನನ್ನ ತಾನು ರೆಡಿ ಮಾಡ್ಕೊಳತ್ತೆ. ಆಗ ನಿಜವಾದ ಹಸಿವಿನ ಮಹತ್ವ ಗೊತ್ತಾಗತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಅಂದ್ರೆ ಹಾರ್ಮೋನ್ಗಳು ಸರಿಯಾಗ್ ಕೆಲ್ಸ ಮಾಡಿದ್ರೆ, ಬೇಗ ಹೊಟ್ಟೆ ತುಂಬತ್ತೆ. ಕುತ್ತಿಗೆಗ್ ಬರೋವರ್ಗೂ ತಿಂದು ತೊಂದ್ರೆ ಅನುಭವಿಸೋದು ತಪ್ಪತ್ತೆ.

    ಮೂಲ

    6. ತಿನ್ನೋ ಪದ್ಧತಿ ಸುಧಾರಿಸತ್ತೆ

    ಹೊತ್ತೊತ್ತಿಗೆ ಸರಿಯಾಗ್ ತಿನ್ನೋ ಅಭ್ಯಾಸ ಇಲ್ದೋರಿಗೆ, ಕೆಲಸದ ಮಧ್ಯ ಊಟ ತಿಂಡಿಗೆ ಸಮಯ ಮಾಡ್ಕೊಳಕ್ ಆಗ್ದೇ ಇರೋರ್ಗೆ ಈ ಉಪವಾಸ ಒಂದು ವರ ಅಂತ ಹೇಳ್ಬೋದು.

    ಆಗಾಗ ಉಪವಾಸ ಮಾಡ್ತಿದ್ರೆ, ಯಾವತ್ತಾದ್ರು ಮಧ್ಯಾಹ್ನದ್ ಊಟ ಸ್ಕಿಪ್ ಮಾಡ್ಬೇಕಾಗ್ ಬಂದಾಗ ಯಾವ್ ತೊಂದ್ರೆನೂ ಆಗಲ್ಲ. ನಿಮ್ ಲೈಫ್ ಸ್ಟೈಲ್ಗೆ ಹೊಂದ್ಕೊಂಡೋಗತ್ತೆ. ಜೊತೆಗೆ, ಯಾರು ಈ ಥರ ಟೈಮ್ ಟೈಮ್ ಗೆ ಸರಿಯಾಕ್ ತಿನ್ನಕ್ ಆಗಲ್ವೋ ಅಂಥೋರ್ಗೆ, ಆ ದಿನಕ್ಕೆ ಬೇಕಾಗಿರೋಷ್ಟು ಕ್ಯಾಲೋರಿನ ಒಂದೇ ಸಲ ತಿಂದು, ಮತ್ತೆ ಮುಂದಿನ್ ದಿನದ್ ವರ್ಗೂ ಊಟ ತಿಂಡಿ ಬಗ್ಗೆ ಯೋಚ್ನೆ ಮಾಡ್ದೇ ಇರೋ ಹಾಗೆ ಮಾಡತ್ತೆ.

    ಮೂಲ

    7. ಮೆದುಳು ಚುರುಕಾಗತ್ತೆ

    ಮೆದುಳಲ್ಲಿ ಬ್ರೈನ್- ಡಿರೈವ್ಡ್ ನ್ಯೂರೋಟ್ರೋಫಿಕ್ ಫ್ಯಾಕ್ಟರ್ (ಬಿ ಡಿ ಎನ್ ಎಫ್) ಅನ್ನೋ ಪ್ರೋಟೀನ್ ಇರತ್ತೆ. ಉಪವಾಸ ಮಾಡೋದ್ರಿಂದ ಈ ಪ್ರೋಟೀನ್ ಹೆಚ್ಚು ಉತ್ಪತ್ತಿಯಾಗಿ ಮೆದುಳು ಚುರುಕಾಗಿ ಕೆಲ್ಸ ಮಾಡತ್ತೆ.

    "ಬಿ ಡಿ ಎನ್ ಎಫ್" ಪ್ರೋಟೀನ್ ಮೆದುಳಿನ ಕೋಶಗಳ್ನ ಆಕ್ಟೀವ್ ಮಾಡಿ, ಹೊಸ ಹೊಸ ನರಕೋಶಗಳಾಗಿ ಬದಲಾಯಿಸತ್ತೆ. ಹಾಗೇನೆ ನರಗಳು ಆರೋಗ್ಯವಾಗಿರಕ್ಕೆ ಬೇಕಿರೋ ಬೇರೆ ಸಾಕಷ್ಟು ರಾಸಾಯನಿಕಗಳ್ನ ಟ್ರಿಗರ್ ಮಾಡತ್ತೆ.

    ಇನ್ನೊಂದು ಮುಖ್ಯವಾದ ವಿಷ್ಯ ಅಂದ್ರೆ...ಆಲ್ಜೈಮರ್ ಮತ್ತೆ ಪಾರ್ಕಿನ್ಸನ್ ರೋಗದ ಮುಂದಿನ ಹಂತಗಳು ಬೇಗ ಬೇಗ ಬರ್ದೇಇರೋಹಾಗ್ ಈ ಪ್ರೋಟೀನ್, ಮೆದುಳಿನ ಕೊಶಗಳ್ನ ಕಾಪಾಡತ್ತೆ.

    ಮೂಲ

    8. ರೋಗನಿರೋಧಕ ಶಕ್ತಿ ಜಾಸ್ತಿಯಾಗೋದು ಖಂಡಿತ

    ಆಗಾಗ ಉಪವಾಸ ಮಾಡೋದ್ರಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗತ್ತೆ ಯಾಕಂದ್ರೆ ಟೋಟಲ್ಲಾಗಿ ದೇಹಕ್ಕಾಗೋ ಹಾನಿ, ದೇಹದಲ್ಲಿ ಉರಿ, ಊತ ಇದನ್ನೆಲ್ಲಾ ಕಮ್ಮಿ ಮಾಡಿ ಕ್ಯಾನ್ಸರ್ ಬರ್ಸೋ ಜೀವಕೋಶಗಳಿಗೇ ಉಪವಾಸ ಹಾಕತ್ತೆ:-)

    ನಮ್ ಸುತ್ತ ಮುತ್ತ ಇರೊ ಪ್ರಕೃತಿನಲ್ಲೂ ಇದನ್ನ ನೋಡ್ಬೋದು. ಪ್ರಾಣಿಗಳು ಹುಷಾರ್ ತಪ್ದಾಗ ಆಹಾರ ತೊಗೊಳೋದನ್ನ ಬಿಟ್ಟು ಉಪವಾಸ ಮಾಡಿ, ವಿಶ್ರಾಂತಿ ತೊಗೊಳತ್ವೆ. ಇದು ದೇಹದ ಒಳಗಿರೊ ಅಂಗಾಂಗಕ್ಕೆಲ್ಲ ಕೆಲ್ಸ ಕಮ್ಮಿ ಮಾಡಿ, ಇನ್ಫೆಕ್ಷನ್ ವಿರುದ್ಧ ದಾಳಿಮಾಡೋ ಶಕ್ತಿ ಕೊಡತ್ತೆ. ನಾವು ಮನುಷ್ಯ್ರು ಮಾತ್ರ ಬೇಕಿರ್ಲಿ, ಬೇಡ್ದೆಯಿರ್ಲಿ, ಚೆನ್ನಾಗಿರ್ಲಿ, ಹುಷಾರ್ ತಪ್ಪಿರ್ಲಿ, ತಿನ್ನಕ್ ಏನು ಅಂತ ತಲೆಕೆಡುಸ್ಕೊಳೋದು!!!! ತಿನ್ನೋದು ಆಮೇಲೆ ಗ್ಯಾಸ್ ಅಂತ ಮಾತ್ರೆ ತೊಗೊಳ್ಳೊದು ಈಗಿನ ಟ್ರೆಂಡ್ :-(

    ಮೂಲ

    9. ಉಪವಾಸದಿಂದ ಆತ್ಮ ಶುದ್ಧಿ, ಜ್ಞಾನೊದಯ ಆಗತ್ತೆ

    ಉಪವಾಸ ಎಷ್ಟೊಂದ್ ಜನಕ್ಕೆ ಓದು, ಧ್ಯಾನ, ಯೋಗ, ಸಮರಕಲೆ ಇನ್ನು ಹಲಾವಾರು ಥರ ಅಭ್ಯಾಸಗಳ್ನ ತಮ್ಮ ಜೀವನ್ದಲ್ಲಿ ಜೊತೆ ಅಳವಡಿಸ್ಕೊಳಕ್ಕೆ ಸಹಾಯ ಮಾಡಿದೆ. ಹೊಟ್ಟೆ ಖಾಲಿ ಇದ್ರೆ, ಅಲ್ಲಿ ಜಾಸ್ತಿ ಶಕ್ತಿ ಶೇಖರಿಸತ್ತೆ. ಯಾಕಂದ್ರೆ ನಮ್ ದೇಹದಲ್ಲಿ, ತುಂಬ ಶಕ್ತಿ ಹೀರ್ಕೊಂಡು ಕೆಲ್ಸ ಮಾಡೋದು ಜೀರ್ಣಾಂಗ.

    ಆತ್ಮ ಶುದ್ಧಿ, ಜ್ಞಾನೋದಯಕ್ಕೂ ಉಪವಾಸಕ್ಕೂ ನಂಟಿದೆ. ಇದು ಮಾನಸಿಕವಾಗಿ, ದೈಹಿಕವಾಗಿ ನೆಮ್ಮದಿಯಾಗಿರಕ್ಕೆ ಸಹಾಯ ಮಾಡತ್ತೆ. ಹಗುರವಾಗಿರೋ ದೇಹ ಮತ್ತೆ ನಮಗೆ ಏನ್ ಬೇಕು ಅಂತ ಸ್ಪಷ್ಟವಾಗಿರೊ ಮನಸ್ಸು ಇದ್ರೆ ಸುತ್ತ ಮುತ್ತ ನಡಿತಿರೋದ್ರ ಬಗ್ಗೆ ಹೆಚ್ಚು ಜಾಗ್ರತೆಯಿಂದ ಇರ್ತಿವೆ. ಜೊತೆಗೆ ಎಲ್ಲದರ ಬೆಲೆನೂ, ಪ್ರಾಮುಖ್ಯತೆನೂ ಗೊತ್ತಾಗತ್ತೆ.

    ಮೂಲ

    10. ಮೊಡವೆ ತೊಂದ್ರೆ ದೂರವಾಗತ್ತೆ ಹಾಗೆನೆ ಚರ್ಮ ಕೂಡ ಕ್ಲೀನ್ ಆಗತ್ತೆ

    ಚರ್ಮಕ್ಕೆ ಸಂಬಂಧ ಪಟ್ಟಿರೋ ತೊಂದ್ರೆಯಿಂದ ಬೇಸತ್ತೋಗಿರೋರ್ಗೆ ಒಳ್ಳೆ ಉಪಾಯ ಅನ್ಬೋದು. ಯಾವಾಗ ಜೀರ್ಣಾಂಗಕ್ಕೆ ಹೆಚ್ಚು ಕೆಲ್ಸ ಇಲ್ದೆ ಸ್ವಲ್ಪ ಬಿಡುವಾಗಿರತ್ತೋ, ಆಗ ದೇಹ, ತನ್ನನ್ನ ತಾನು ರಿಪೇರಿ ಮಾಡ್ಕೊಳಕ್ಕೆ ಬೇರೆ ಬೇರೆ ಅಂಗಾಂಗದ ಬಗ್ಗೆ ಗಮನ ಹರಿಸ್ಬೋದು.

    ಒಂದೇ ಒಂದಿನ ಉಪವಾಸ ಮಾಡೋದ್ರಿಂದ, ದೇಹದಲ್ಲಿರೋ ವಿಷಕಾರಿ ಅಂಶಯೆಲ್ಲಾ ಹೊರಗೆ ಹೋಗಿ, ಬೇರೆ ಎಲ್ಲಾ ಅಂಗಗಳೂ ಅಂದ್ರೆ ಯಕೃತ್ತ, ಮೂತ್ರಪಿಂಡ ಎಲ್ಲಾ ಕ್ಲೀನಾಗಿ ಕೆಲ್ಸ ಮಾಡ್ಕೊಂಡ್ ಹೋಗತ್ತಂತೆ.

    ಮೂಲ

    ತಿಂಗಳಲ್ಲಿ ಒಂದು ಅಥ್ವಾ ಎರಡು ದಿನ ಉಪವಾಸ ಮಾಡಿದ್ರೆ ಇಷ್ಟೆಲ್ಲಾ ಲಾಭ ಇದೆ. ನೀವೇ ಯೋಚ್ನೆ ಮಾಡಿ.

    ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: