ಮನುಷ್ಯ ಮಾಡಿರೋ ಈ 13 ಮಹಾನ್ ಕೆಲಸಗಳು ಆಕಾಶದಿಂದ ಹೆಂಗ್ ಕಾಣ್ತವೆ ಅಂತ ಸ್ವಲ್ಪ ನೋಡೀಪ್ಪಾ

ಕ್ಯಾಲಿಫೋರ್ನಿಯಾನಲ್ಲಿ ಏರೋಪ್ಲೇನುಗಳ ಸ್ಮಶಾನ ಒಂದಿದೆ ಅಂದ್ರೆ ನಂಬ್ತೀರಾ?

ಪ್ರಕೃತಿಯ ಒಂದು ಗುರುತೇನಪ್ಪಾ ಅಂದ್ರೆ ಅದರಲ್ಲಿ ಮನುಷ್ಯ ಹುಡುಕುವಂಥ ಕ್ರಮಬದ್ಧತೆ ಇರೋದಿಲ್ಲ. ಮನುಷ್ಯ ಒಂದು ಗೆರೆ ಎಳೆದರೆ ಅದು ನೇರವಾಗಿರುತ್ತೆ. ಒಂದು ವೃತ್ತ ಬರೆದರೆ ಅದು ಪರ್ಫೆಕ್ಟಾಗಿರುತ್ತೆ. ಆದರೆ ಪ್ರಕೃತಿ ಹೀಗಲ್ಲ. ಇಂಥದ್ದರಲ್ಲಿ ಮನುಷ್ಯ ಮಾಡಿರುವಂಥ ಕೆಲವು ಕೆಲಸಗಳು ನಿಜಕ್ಕೂ ಹೇಗೆ ಕಾಣ್ತವೆ ಅಂತ ನೋಡಿ ಆಶ್ಚರ್ಯ ಪಡ್ತೀರಿ. ಅಂಥ 13 ಫೋಟೋಗಳ್ನ ಕೆಳಗೆ ಕೊಟ್ಟಿದೀವಿ ನೋಡಿ.

1. ತೋಟ ಗದ್ದೆಗಳು - ಟೆಕ್ಸಾಸ್, ಅಮೇರಿಕಾ

ನಮ್ಮ ಸೈನಿಕರು ಗಡಿಕಾಯೊವಾಗ ಹಕ್ಕೊತಾರಲ್ಲಾ ಬಟ್ಟೆ? ಅದು ಈ ದೃಶ್ಯ ನೋಡೇ ವಿನ್ಯಾಸ ಮಾಡಿರ್ಬೇಕು ಅನ್ಸುತ್ತಾ? 

ನಾವು ಅಳೆದು ತೂಗಿ ಮಾಡಿದ್ರೂ ಇಷ್ಟು ಚೆಂದದ ದೃಶ್ಯ ಬಿಡಿಸೋದು ಕಷ್ಟ ಅಲ್ವ.....

2. ಜೆಮೊಸೊಲಾರ್ ಥೆರ್ಮೋಸೊಲಾರ್ ಪ್ಲಾಂಟ್ - ಸ್ಪೇನ್

ಅಯ್ಯೋ! ನಮ್ಮನೆ ಫ್ಯಾನ್ ಹಾಗೆ ಕಾಣ್ಸುತ್ತೆ ಅನ್ಕೊಂಡ್ರಾ? ಉಪ್ಪಿಂದ ಸೌರ ಶಕ್ತೀನ ಬಳಸೋ ಹೊಸ ಪ್ರಯತ್ನ ಇಲ್ಲಿ ನಡೀತಿದೆ.

3. ಟ್ಯೂಲಿಪ್ ತೋಟ - ನೆದರ್ಲ್ಯಾಂಡ್ಸ್

ಯಾವುದೋ ಕುಂಚದಲ್ಲಿ ಮೂಡಿಬಂದ ಬಣ್ಣದ ಚಿತ್ರದ ಹಾಗೆ ಕಾಣುತ್ತೆ ಅಂದುಕೊಂಡ್ರಾ? ಇಡೀ ಹೂದೋಟ ಕಣ್ರೀ..

4. ಅಂಟ್ವೆರ್ಪ್ ಬಂದರು - ಬೆಲ್ಜಿಯಂ

ಏನೇ ಆಗ್ಲಿ ಪ್ರಕೃತಿನ ನೋಡೋದೇ ಚಂದ ರೀ, ಎಷ್ಟು ನೋಡಿದ್ರು ಕಡಿಮೆ ಆಗೋದೇ ಇಲ್ಲ. ಇನ್ನೂ ನೋಡ್ಬೇಕು ಅನ್ಸತ್ತೆ.

5. ವಿಲ್ಲಾ - ಅಬು ದಾಬಿ

ನಮ್ಮ ದಸರಾ ಹಬ್ಬದಲ್ಲಿ ಬೋಂಬೆ ಕೂರಿಸೋವಾಗ ಬೆಂಕಿಪೊಟ್ಟಣ ಜೋಡಿಸಿ ನಗರ ಮಾಡಿದ ಹಾಗಿದೆ ಇದು ನೋಡೋಕೆ. 

6. ಡೆಲ್ರೆ ಬೀಚು - ಫ್ಲೋರಿಡಾ

ಅಚ್ಚುಕಟ್ಟಾಗಿ ಜೋಡಿಸಿಟ್ಟ ಮನೆಗಳನ್ನ ನೋಡಿದ್ರೆ ಹೀಗೂ ಇರಬಹುದಾ? ಅಂತ ಆಶ್ಚರ್ಯ ಆಗತ್ತೆ.

7. ಜ್ಯಾಕ್ಸನ್ ವಿಲ್ - ಫ್ಲೋರಿಡಾ

ಏನೇ ಹೇಳಿ ಮನುಷ್ಯ ಮಾಡಿರೋ ಸೌಕರ್ಯ ನಮ್ಮ ಕೆಲಸ ಸುಲಭ ಮಾಡೋದರ ಜೊತೆಗೆ ಕಣ್ಣು ಮನಸ್ಸಿಗೆ ಮುದ ಕೊಡ್ತಿದೆ.

8. ಮನೆಗಳು - ಅರಿಜೋನ

ಇವೆಲ್ಲಾ ಮನೇನಾ? ಆಶ್ಚರ್ಯ ಆಗತ್ತೆ ಅಲ್ವಾ?

9. ಇಪನೆಮಾ ಬೀಚ್ - ಬ್ರೆಜಿಲ್

ನಿಜ್ವಾಗ್ಲೂ ಹೀಗೆಲ್ಲ ಇರೋಕೆ ಸಾಧ್ಯನಾ!! ಇದೊಂದು ಅಪರೂಪದ ಕಲಾಕೃತಿನೇ ಸರಿ.

10. ಬ್ಲ್ಯಾಕ್ ರಾಕ್ ಮರಳುಗಾಡು, ನೆವಡಾ

ವರ್ಷಕ್ಕೆ ಒಂದು ಸಾರಿ ಜನರೆಲ್ಲಾ ಸೇರಿ ಆಚರಿಸೋ ಬರ್ನಿಂಗ್ ಮ್ಯಾನ್ ಹಬ್ಬದ ಸಂಭ್ರಮ ಹೀಗೆ ಕಾಣತ್ತೆ ನೋಡಿ.

11. ವಿಮಾನದ ಸ್ಮಶಾನ - ಕ್ಯಾಲಿಫೋರ್ನಿಯಾ

ನಮ್ಮನೆ ಮಕ್ಳು ಆಟ ಸಾಮಾನು ಜೋಡಿಸಿದ ಹಾಗಿಲ್ವಾ? ಬೇಡದೇರೋ ವಿಮಾನಗಳನ್ನ ಇಲ್ಲಿ ನಿಲ್ಸ್ತಾರಂತೆ.

12. ಮರಳುಗಾಡು - ಸೌದಿ ಅರೇಬಿಯಾ

ಪ್ರಕೃತಿಗೆ ಪ್ರಕೃತಿನೇ ಸಾಟಿ... ಏನಂತೀರಿ?

13. ಒಳಚರಂಡಿ ಲೈನ್ - ಇರಾನ್

ಜೀವಶಾಸ್ತ್ರದ ಯಾವುದೋ ಜೀವಿ ಕಾಣೊ ಹಾಗೆ ಅನ್ಸತ್ತಾ? ಇದು ಒಳಚರಂಡಿ ವ್ಯವಸ್ಥೆ ಕಣ್ರೀ!! 

ನೀವು ಈ ಜಾಗಗಳನ್ನ ಹುಡುಕ್ಕೊಂಡ್ ಹೋದ್ರು ಈ ರೀತಿ ನೋಡಕ್ಕೆ ಸಿಗಲ್ಲ... ಯಾಕೆಂದ್ರೆ ಇದು ಆಕಾಶದಿಂದ ಮಾತ್ರ ಕಾಣ್ಸೋ ದೃಶ್ಯಗಳು.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: