ಕೇಳಿಸಿಕೊಂಡ ತಕ್ಷಣ ಗ್ಯಾರಂಟಿ ತಪ್ಪು ಅನ್ನಿಸೋ 12 ಅದ್ಭುತವಾದ ಸತ್ಯಗಳು

ಬೆಂಕಿಕಡ್ಡಿ ಕಂಡ್ ಹಿಡಿಯಕ್ಕೂ ಮುಂಚೆ ಲೈಟರ್ ಇತ್ತು

ಒಂದೊಂದ್ಸಲ ನಿಜ ಹೇಳಿದಾಗ ಒಪ್ಪೋದು ಕಷ್ಟ. ಕೇಳಿಸಿಕೊಂಡರೆ ಬಹಳ ವಿಚಿತ್ರ ಅನ್ನಿಸುತ್ತೆ. ಅಂಥ 12 ಸತ್ಯಗಳ್ನ ಇಲ್ಲಿ ಕೊಟ್ಟಿದೀವಿ, ಓದಿ ಮಜಾ ಮಾಡಿ!

1. ಇಂಗ್ಲಿಷಿನ "ಹ್ಯಾಪಿ ಬರ್ತಡೇ ಟು ಯು" ಹಾಡಿಗೆ 2016 ಫೆಬ್ರವರಿ ವರೆಗೆ "ಹಕ್ಕುಗಳನ್ನು ಕಾದಿರಿಸಿ"ತ್ತು

2016 ಫೆಬ್ರವರಿಗೂ ಮುಂಚೆ ಈ ಹಾಡನ್ನ ಯಾವದೇ ಸಿನೆಮಾಲಿ, ಟೀವಿಲಿ, ಕಿರುಚಿತ್ರದಲ್ಲಿ, ಹಾಕಿದ್ರೆ ಅವರು ವಾರ್ನರ್ ಬ್ರದರ್ಸ್ ಅನ್ನೋ ಕಂಪನಿಗೆ ಕಾಸ್ ಕೊಡ್ಬೇಕಿತ್ತು. ವಾರ್ನರ್ ಮ್ಯೂಸಿಕ್ಕವರು ಆಮೇಲೆ 14 ಮಿಲಿಯನ್ ಡಾಲರ್ ಕೊಟ್ಟು ಈ ಹಕ್ಕಿಗೆ ತಿಲಾಂಜಲಿ ಬಿಟ್ರು, ಆಮೇಲೆ ಅದು ಜನರಿಗೆ ಫ್ರೀಯಾಗಿ ಸಿಕ್ಕಿದ್ದು.

ಮೂಲ

2. ಚಾರ್ಲಿ ಚಾಪ್ಲಿನ್ ತರಹ ಕಾಣಿಸೋ ಹಾಗೆ ಡ್ರಸ್ ಮಾಡ್ಕೊಳೋ ಸ್ಪರ್ಧೆಯಲ್ಲಿ ಚಾರ್ಲಿ ಚಾಪ್ಲಿನ್ನೇ ಸೋತಿದ್ರು

ಚಾರ್ಲಿ ಚಾಪ್ಲಿನ್ನೇ ಸ್ಪರ್ಧೆಲಿ ಎರಡನೇ ಪ್ರೈಸ್ ತೊಗೊಂಡ್ರು. ಇದ್ರು ಬಗ್ಗೆ ಎಲ್ಲೂ ಸಾಕ್ಷಿ ಇಲ್ಲ ಆದ್ರೆ ಇದು ಸತ್ಯ ಅಂತ ಹೇಳ್ತಾರೆ.

ಮೂಲ

3. ಸಮುದ್ರದ ಏಡಿಗೆ ವಯಸ್ಸಾದರೂ ವಯಸ್ಸಾಗುವ ಯಾವುದೇ ಲಕ್ಷಣಗಳು ಕಾಣಿಸಲ್ಲ

ವಯಸ್ಸಾಗ್ತಾ ಆಗ್ತಾ ದೊಡ್ಡದಾಗತ್ತೆ, ಅಷ್ಟೇ ಗಟ್ಟು-ಮುಟ್ಟಾಗಿರತ್ತೆ. ಇದರ ವಯಸ್ಸು ಕಂಡಹಿಡಿಯೋದು ತುಂಬಾ ಕಷ್ಟ. ಅಂದಾಜ್ ಮೇಲೆ 100 ವರ್ಷ ಬದುಕತ್ತೆ ಅಂತಾರೆ.

ಮೂಲ

4. ಪ್ಲೂಟೋ ಒಂದು ಗ್ರಹ ಅಂತ ಕರೆದು, ಆಮೇಲೆ ಅಲ್ಲ ಅಂತ ತೀರ್ಮಾನಿಸಿದರೂ, ಅಷ್ಟರಲ್ಲಿ ಅದು ಸೂರ್ಯನ ಸುತ್ತ ಒಂದ್ಸಲಾನೂ ಸುತ್ತಿಲ್ಲ

ಪಾಪ ಪ್ಲೂಟೋ, ಇದು ಸೂರ್ಯನ್ ಸುತ್ತ ಒಂದ್ ಸುತ್ತಾಕಾಕ್ಕೆ 248.09 ವರ್ಷ ಬೇಕಾಗತ್ತೆ. ಈ ಗ್ರಹನ ಕಂಡುಹಿಡಿದಿದ್ದು 1930, ಆದ್ರೆ ಇದ್ರು ಸೂರ್ಯನ್ ಸುತ್ತ ಸುತ್ತ ಮುಗಿಸೋದು ಮಾರ್ಚ್ 2178.

ಮೂಲ

5. ಬೆಂಕಿಕಡ್ಡಿ ಕಂಡ್ ಹಿಡಿಯಕ್ಕೂ ಮುಂಚೆ ಲೈಟರ್ ಇತ್ತು

ಲೈಟರ್ನ ಕಂಡಹಿಡಿದಿದ್ದು 1823. ಬೆಂಕಿಕಡ್ಡಿ ಕಂಡಹಿಡಿದಿದ್ದು 1826.

ಮೂಲ

6. ಶನಿ ಮತ್ತೆ ಗುರು ಗ್ರಹದಲ್ಲಿ ವಜ್ರದ್ ಮಳೆ ಬರತ್ತೆ

ಮೂಲ

7. ಕಾರಲ್ಲಿ ಭೂಮಿ ಬಿಟ್ಟು ಬಾಹ್ಯಾಕಾಶಕ್ಕೆ ಹೋಗಕ್ಕೆ 1 ಗಂಟೆ ಸಾಕು 

ನಿಮ್ಮ್ ಕಾರನ್ನ ಮೇಲಕ್ಕೆ 95 ಕಿ.ಮಿ. ಸ್ಪೀಡಲ್ಲಿ ಓಡ್ಸುದ್ರೆ 1 ಗಂಟೆ ಒಳ್ಗಡೆ ಬಾಹ್ಯಾಕಾಶ ತಲ್ಪಿರ್ತೀರಾ

ಮೂಲ

8. ತಿಮಿಂಗಿಲದ ರಕ್ತನಾಡಿಲಿ ಒಂದು ಮಗು ಈಜೋಷ್ಟು ಜಾಗ ಇರತ್ತೆ

ಮೂಲ

9. ಕಿಡ್ನಿ ಟ್ರಾನ್ಸ್ ಪ್ಲಾಂಟ್ ಮಾಡಿಸಿಕೊಂಡರೆ ಹಳೆ 2 ಕಿಡ್ನಿ ಹಾಗೇ ಬಿಡ್ತಾರೆ

ಅದನ್ನ ತೆಗೆಯಕ್ಕೆ ಹೋಗಲ್ಲ.

ಮೂಲ

10. ಭೂಮಿ ವಯಸ್ಸು 1 ವರ್ಷ ಅನ್ಕೊಂಡ್ರೆ ಮನುಷ್ಯ ಹುಟ್ಟೋದು ಡಿಸೆಂಬರ್ 31ರಾತ್ರಿ 11 ಗಂಟೆ 58 ನಿಮಿಷಕ್ಕೆ 

ಅಂದ್ರೆ ಮನುಷ್ಯ ಭೂಮಿಮೇಲೆ ಕಾಣಿಸಿಕೊಂಡಿರೋದು ಬಹಳ ಇತ್ತೀಚೆಗೆ ಅಂತರ್ಥ.

ಮೂಲ

11. ಹಸುಗಳು ಗೆಳೆತನ ಬೆಳೆಸುತ್ತವೆ; ಫ್ರೆಂಡ್ಸಿಂದ ದೂರ ಇರಕ್ಕೆ ಇಷ್ಟ ಪಡಲ್ಲ.

ಹಸೂಗೂ ಬೆಸ್ಟ್ ಫ್ರೆಂಡ್ಸ್ ಇರುತ್ತವೆ. ಫ್ರೆಂಡ್ಸಿಂದ ದೂರ ಮಾಡುದ್ರೆ ಇವಕ್ಕೆ ಸಿಕ್ಕಾಪಟ್ಟೆ ಬೇಜಾರಾಗುತ್ತೆ.

ಮೂಲ

12. ಭೂಮಿ ಮತ್ತೆ ಚಂದ್ರನ ಮಧ್ಯದಲ್ಲಿ ಎಲ್ಲ ಗ್ರಹಗಳನ್ನೂ ಇಡಬಹುದು

ಭೂಮಿ ಮತ್ತೆ ಚಂದ್ರನ ಮದ್ಯೆ ಇರೋ ಜಾಗ 384,400 ಕಿ.ಮಿ. ಅಷ್ಟರಲ್ಲಿ ಎಲ್ಲ ಗ್ರಹಗಳ್ನೂ ಒಂದರ ಪಕ್ಕ ಒಂದು ಜೋಡುಸ್ಕೊಂಡ್ ಹೋಗ್ಬೋದು.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: