ಜಯಲಲಿತಂಗೂ ಕನ್ನಡಕ್ಕೂ ಇರೋ ಈ ಸಂಬಂಧಕ್ಕೆ ಸಾವಿಲ್ಲ

ಮೈಸೂರಲ್ಲೇ ಉಳ್ಕೊಂಡಿದ್ದಿದ್ರೆ…

ಮೂಲ

ಜಯಲಲಿತಾ ಹುಟ್ಟಿದ್ದು ಮಂಡ್ಯದಲ್ಲಿ. ಮಂಡ್ಯಂ ಅಯ್ಯಂಗಾರರು ಅವರು.

ಕಾರಣಾಂತರದಿಂದ ಚೆನ್ನೈಗೆ ಹೋಗಬೇಕಾಗಿ ಬಂತು, ಇಲ್ಲದಿದ್ದರೆ ಮೈಸೂರು ಸಂಸ್ಥಾನದಲ್ಲೆ ಇರ್ತಾ ಇದ್ರೇನೋ. ಆಗ ತಮಿಳುನಾಡಿನ ಪುರಚ್ಚಿ ತಲೈವಿ ಆಗ್ತಿದ್ರೋ ಇಲ್ವೋ ಗೊತ್ತಿಲ್ಲ. ಮೈಸೂರಲ್ಲೇ ಉಳ್ಕೊಂಡಿದ್ದಿದ್ರೆ ಜಯಲಲಿತಾ ನಮ್ಮ ಸ್ಯಾಂಡಲ್ವುಡ್ಡಲ್ಲಿ ಮಿಂಚ್ತಾ ಇದ್ರು ಅನ್ನೋದ್ರಲ್ಲಿ ಸಂದೇಹ ಇಲ್ಲ. ಸುಮಾರು 1951 ಹೊತ್ತಿಗೆ ಚೆನ್ನೈಗೆ ಹೋದ ಜಯಲಲಿತಾ 1961ರಲ್ಲಿ ಎರಡು ಫಿಲಮ್ಮಲ್ಲಿ ಮಾಡುದ್ರು. ಒಂದು ಇಂಗ್ಲೀಷ್ದು - Epistle ಅಂತ.

ಅದನ್ನ ಲೆಕ್ಕಕ್ಕೆ ತೊಗೊಳ್ದೆ ನಾವು ಧೈರ್ಯವಾಗಿ ಹೇಳಬಹುದು:

1) ಜಯಲಲಿತಾ ಮೊದಲು ಮಾಡಿದ್ದು ಒಂದು ಅಣ್ಣೋರ ಫಿಲಮ್ಮಲ್ಲಿ: ಶ್ರೀಶೈಲ ಮಹಾತ್ಮೆ (1961)

ಅವರಮ್ಮ ಸಂಧ್ಯಾ ಅವರ ಜೊತೆ ಜಯಲಲಿತಾನೂ ಶೂಟಿಂಗಿಗೆ ಹೋಗ್ತಾ ಇದ್ರಂತೆ. ಆಗ ಆರೂರು ಪಟ್ಟಾಭಿ ಒಬ್ಬ ಬಾಲ ಕಲಾವಿದೆಯನ್ನ ಹುಡುಕ್ತಾ ಇದ್ರಂತೆ. ಒಂದ್ ದಿನ ಬೇರೆ ಒಬ್ಬಳು ಹುಡುಗಿ ಬರದೆ ಇದ್ದಿದ್ದಕೆ ಜಯಲಲಿತಂಗೆ ಬ್ರೇಕ್ ಸಿಕ್ಕಿದ್ದು! ಫಿಲಮ್ಮಲ್ಲಿ ಅಣ್ಣೋರು ಮಾಡಿದಾರೆ. ಆ ಫಿಲಮ್ಮಿಂದ ಒಂದ್ ಹಾಡು ನೋಡಿ.

2) ಆಮೇಲೆ 1964ರಲ್ಲಿ ಕಲ್ಯಾಣ್ ಕುಮಾರ್ ಜೊತೆ "ಮನೆ ಅಳಿಯ" ಅನ್ನೋ ಫಿಲಮ್ಮಲ್ಲಿ ಮಾಡುದ್ರು

ಅದರಲ್ಲಿ "ಪ್ರೀತಿಯ ಹೂಗಳ ಮುಡಿದವಳೇ" ಅನ್ನೋ ಈ ಹಾಡಲ್ಲಿ ನಿಮಗೆ ಜಯಲಲಿತಾ ಎಷ್ಟು ಚೆನ್ನಾಗಿ ಕಾಣ್ತಾರೆ ನೋಡಿ. ಈ ಫಿಲಮ್ಮಲ್ಲಿ ಬಾಲಕೃಷ್ಣ, ನರಸಿಂಹರಾಜು, ಕೆ.ಎಸ್.ಅಶ್ವತ್ಥ್ ಎಲ್ಲಾ ಮಾಡಿದಾರೆ. ಅದು ಇಲ್ಲರಿಕಂ ಅನ್ನೋ ತೆಲುಗು ಫಿಲಂ ರೀಮೇಕು.

3) ಅದೇ ವರ್ಷ "ಚಿನ್ನದ ಗೊಂಬೆ" ಅನ್ನೋ ಇನ್ನೊಂದು ಜಯಲಲಿತಾ ಫಿಲಂ ಬಂತು. ಬಿ.ಆರ್.ಪಂತುಲು ಅವರ ಈ ಫಿಲಮ್ಮು ತಮಿಳು, ತೆಲುಗು, ಹಿಂದೀಲೆಲ್ಲ ರೀಮೇಕಾಯಿತು.

ಇದರಲ್ಲಿ ಜಯಲಲಿತನ ಅಮ್ಮ ಸಂಧ್ಯಾ, ಎಂ.ವಿ.ರಾಜಣ್ಣ, ಕಲ್ಲ್ಪನಾ, ಎಲ್ಲಾ ಇದಾರೆ. ಅದರಿಂದ ಒಂದು ಹಾಡು ಕೇಳಿ. ಜಯಲಲಿತಾ - ಕಲ್ಯಾಣ್ ಕುಮಾರ್:

4) "ನಾನೇ ವೀಣೆ ನೀನೇ ತಂತಿ" ಅನ್ನೋ ಹಾಡು ಕೇಳಿದೀರಿ ತಾನೇ? ಅದರಲ್ಲಿ ಜಯಲಲಿತಾನೇ ಮಾಡಿರೋದು! ಫಿಲಂ ಹೆಸರು ಮಾವನ ಮಗಳು (1965)

ಇದರಲ್ಲೂ ಬಾಲಕೃಷ್ಣ, ನರಸಿಂಹರಾಜು, ಕೆ.ಎಸ್.ಅಶ್ವತ್ಥ್ ಎಲ್ಲಾ ಮಾಡಿದಾರೆ. ಈ ಹಾಡಂತೂ ಕನ್ನಡಿಗರು ಎಂದಿಗೂ ಮರೆಯೋಹಾಗಿಲ್ಲ…

ಈ ಹಾಡು ಬರೆದಿದ್ದು ಕುವೆಂಪು.

ಮೂಲ

ಹಾಡಿನ ಪೂರ್ಣ ಪಾಠ ಹೀಗಿದೆ:

ನಾನೇ ವೀಣೆ ನೀನೇ ತಂತಿ 
ಅವನೇ ವೈಣಿಕ ||ಪ||

ಮಿಡಿದನೆನಲು ರಸದ ಹೊನಲು 
ಬಿಂದು ಬಿಂದು ಸೇರಿಸಿಂತು 
ನಾದ ರೂಪ ತಾ ||೧||

ಭುವನವೆಲ್ಲ ಸವಿಯಸೊಲ್ಲ ಕವಿಯ ಗಾನ
ನನ್ನ ನಿನ್ನ ಹೃದಯ ವೀಣಾ 
ಕಲ್ಲಿಜೇನ ಸೊಗದಸ್ನಾನ ಅಮೃತಪಾನ ||೨||

5) ಅದಾದಮೇಲೆ 1965ರಲ್ಲಿ "ನನ್ನ ಕರ್ತವ್ಯ" ಅನ್ನೋ ಫಿಲಮ್ಮಲ್ಲಿ ಮಾಡುದ್ರು ಜಯಲಲಿತಾ

ಮತ್ತೆ ಕಲ್ಯಾಣ್ ಕುಮಾರ್ ಜೊತೆ. "ನನ್ನಲ್ಲಿ ನೀನಾಗಿ…. ನಿನ್ನಲ್ಲಿ ನಾನಾಗಿ" ಅನ್ನೋ ಈ‌ ಹಾಡು ಎಷ್ಟು ಚೆನ್ನಾಗಿದೆ ನೋಡಿ:

6) ಆಮೇಲೆ ಕಟ್ಟಕಡೇದಾಗಿ "ಬದುಕುವ ದಾರಿ" ಅನ್ನೋ ಫಿಲಮ್ಮಲ್ಲಿ ಮಾಡಿದರು - ಮತ್ತೆ ಕಲ್ಯಾಣ್ ಕುಮಾರ್ ಜೊತೆ. ಇದು 1966ರಲ್ಲಿ ರಿಲೀಸಾಗಿದ್ದು.

ಅದರಲ್ಲಿ ಇಲ್ಲೂ ಇರುವೆ, ಅಲ್ಲೂ ಇರುವೆ ಅನ್ನೋ ಈ ಹಾಡು ಕೇಳಿ, ತುಂಬ ಚೆನ್ನಾಗಿದೆ:

ಹೋಗಿ ಬಾ ತಾಯಿ! ನಿನ್ನಂಥ ಮಂಡ್ಯದ ಹೆಣ್ಣಿನ ಬಗ್ಗೆ, ಅಪ್ಪಟ ಚಿನ್ನದ ಗೊಂಬೆಯ ಬಗ್ಗೆ ಯೋಚನೆ ಮಾಡ್ತಾ ಇದ್ದರೆ ನಮಗೆ ಕಣ್ಣಲ್ಲಿ ನೀರು ಬರುತ್ತೆ. ರಾಜಕೀಯ ನಿನ್ನಿಂದ ಕನ್ನಡಿಗರ ವಿರುದ್ಧವಾಗೂ ಮಾತಾಡಿಸಿತು. ಆದರೆ ನಾವು ಕನ್ನಡಿಗರು ಅದನ್ನ ನೆನಪಿಟ್ಟುಕೊಳ್ಳೋರಲ್ಲ. ಅದು ನಿನ್ನ ಬದುಕುವ ದಾರಿ. ಮೈಸೂರಿಂದ ಹೋಗಿ ತಮಿಳುನಾಡಲ್ಲಿ ನೆಲೆಸಿದ ಮೇಲೆ ತಮಿಳಿಗೆ, ತಮಿಳರಿಗೆ ನೆರವಾಗುವುದುನಿನ್ನ ಕರ್ತವ್ಯ. ಆದರೆ ನಮ್ಮ ಮಧ್ಯದಲ್ಲಿ ಏನೇ ಜಗಳ ತೋಟಿಗಳಿದ್ದರೂ ತಮಿಳರು ಕನ್ನಡಿಗರು ವೀಣೆ-ತಂತಿ ಇದ್ದಂಗೆ. ಈಗ ವೈಣಿಕನ ಮನೆಗೆ ಹೋಗಿದ್ದೀಯ ತಾಯಿ! ಇದೆಲ್ಲ ಶ್ರೀಶೈಲ ಮಹಾತ್ಮೆ! ಅದನ್ನ ಮೀರುವವರು ಯಾರು?

ಹೋಗಿ ಬಾ ಅಮ್ಮ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನಾನು ಜೀವನದಲ್ಲಿ ಹಿಂದೆ ಬೀಳ್ತಾ ಇದೀನಿ ಅನ್ನೋ ಮುಳ್ಳು ಚುಚ್ತಾ ಇದ್ರೆ ಈ 30 ಮಾತು ನೆನಪಿಸಿಕೊಳ್ಳಿ

ವೇದಾಂತ ಗೀದಾಂತ ಅಲ್ಲ, ಸಿಂಪಲ್ ವಿಷಯಗಳು

ನಮ್ಮ ಪ್ರಕಾರ ನಾವು ಜೀವನದಲ್ಲಿ ಎಷ್ಟೇ ಗೆಲುವು ಸಾಧಿಸಿದ್ದರೂ… ನಮ್ಮ ಪ್ರಕಾರ ನಮಗೆ ಬೇಕಾದ್ದೆಲ್ಲ ಇದ್ದರೂ… ಬೇಕಾದೋರೆಲ್ಲ ಇದ್ದರೂ… ಜೀವನ ಒಂದೊಂದ್ಸಲ ನಮಗೆ "ನೀನು ಹಿಂದೆ ಬಿದ್ದಿದೀಯ" ಅನ್ನೋ ಸಂದೇಶ ಕೊಡುತ್ತೆ. ಈ ಸ್ಪರ್ಧಾತ್ಮಕ ಜಗತ್ತಿನ ವಿಚಿತ್ರ ಇದು. ಇಂಥ ಪ್ರಪಂಚದಲ್ಲಿ ಅನವಶ್ಯಕವಾಗಿ ಕೀಳರಿಮೆ ಮೂಡಬಾರದು ಅನ್ನೋದಾದರೆ ಈ 30 ಮಾತು ನೆನಪಿಸಿಕೊಳ್ಳಿ. ಇವೆಲ್ಲ ಏನು ದೊಡ್ಡ ವೇದಾಂತ ಅಲ್ಲ, ಆದರೂ ನಿಮಗೆ ತುಂಬ ಉಪಯೋಗಕ್ಕೆ ಬರುತ್ತವೆ:

  1. ನೀವು ನಿಮ್ಮ ಕೈಯಲ್ಲಿ ಆಗೋದೆಲ್ಲ ಮಾಡ್ತಿದೀರಿ.
  2. ನಿಮ್ಮ ಕೈಯಲ್ಲಿ ಆಗೋದೆಲ್ಲ ಮಾಡ್ತಿಲ್ಲ ಅನ್ನಿಸಿದರೆ ಇನ್ನೇನ್ ಮಾಡ್ಬೋದು ಅಂತ ಯೋಚನೆ ಮಾಡಿ, ಕೆಲಸದಲ್ಲಿ ತೊಡಗಿಕೊಳ್ಳಿ.
  3. ತುಂಬಾ ಅನುಭವ ಇರೋರು ಅಥವಾ ನಿಮಗಿಂತ ತುಂಬಾ ಹಿಂದೆ ಶುರು ಮಾಡ್ಕೊಂಡೋರ್ನ ನೋಡಿ ನಾನು ಹಿಂದೆ ಇದೀನಿ ಅನ್ಕೋಬೇಡಿ. ಅವರ ಜೊತೆ ಪೈಪೋಟಿಗೆ ಇಳಿಯೋದು ಪೆದ್ದತನ.
  4. ಎಲ್ಲರಿಗೂ ಅವರದೇ ಆದ ವೇಗ ಅಂತ ಇರುತ್ತೆ.
  5. ನಿಮಗೆ ತುಂಬ ಇಷ್ಟವಿದ್ದ ಕೆಲಸ ಸಿಗದೆ ಹೋದರೆ ನೀವು ವೇಸ್ಟು ಅಂತೆನಲ್ಲ. ಜಾತಕ ಹೊಂದಲಿಲ್ಲ ಅಂತ ಅರ್ಥ!
  6. ಈಗಲೂ ನೀವು ತುಂಬಾ ಜನರಿಗಿಂತ ಮುಂದಿದೀರಿ. ನೀವು ಹಿಂದೆ ಆಗಿದ್ದ ವ್ಯಕ್ತೀನೂ ಆ ಪಟ್ಟಿಯಲ್ಲಿ ಇದಾನೆ/ಳೆ.
  7. ನಿಮಗೆ ಯಾವ ತರಹದ ಭವಿಷ್ಯ ಬೇಕಾದರೂ ರೂಪಿಸಿಕೊಳಕ್ಕೆ ಅನುಮತಿ ಇದೆ.
  8. ಜೀವನ ಅಂದ್ರೆ ಹೀಗೇ ಇರಬೇಕು ಅಂತೆನಿಲ್ಲ, ನೀವು ನಡೆಸಿದ್ದೇ ಜೀವನ.
  9. ಮೂವತ್ತನೇ ವಯಸ್ಸಿಗಿಂತ ಮುಂಚೆ ಮದುವೆ ಆಗದೆ ಹೋದರೆ ಮುಗೀತು ಕಥೆ ಅನ್ಕೋಬೇಡಿ.
  10. ಏನಾದರೂ ಆಗಿಬಿಡೋಷ್ಟು ಶ್ರಮ ಪಟ್ಟು ಕೆಲಸ ಮಾಡಿ ಉಪಯೋಗ ಇಲ್ಲ. ಅದರಿಂದ ಸಿಗೋದು ಗೆಲುವಲ್ಲ, ನಿಃಶಕ್ತಿ.
  11. ಮನಸ್ಥಿತಿ ಸರಿಯಾಗಿಲ್ಲದೆ ಇದ್ದರೆ ನಿಮಗೆ ನೀವೇ ಎಷ್ಟು ಹೇಳಿಕೊಂಡರೂ ಸ್ಫೂರ್ತಿ ಬರಲ್ಲ.
  12. ನಿಮ್ಮ ವಯಸ್ಸು ಇಪ್ಪತ್ತು-ಚಿಲ್ಲರೆ ಆದರೆ ನಿಮ್ಮ ಮುಂದೆ ಇನ್ನೂ ಇಡೀ ಜೀವನವೇ ಇದೆ, ಅದರಲ್ಲಿ ಎಂಥ ಅದ್ಭುತಗಳಾಗುತ್ತವೆ ಅಂತ ಈಗಲೇ ಹೇಳಕ್ಕಾಗಲ್ಲ.
  13. ನಿಮಗೆ ಬೇಕಾದ ಸ್ಫೂರ್ತಿ ಸಿಕ್ಕಿಲ್ಲದೆ ಇರಕ್ಕೆ ಕಾರಣ ಸರಿಯಾದ ವ್ಯಕ್ತಿ ಇನ್ನೂ‌ ಸಿಕ್ಕಿಲ್ಲದೆ ಇರೋದು ಅನ್ನಿಸುತ್ತೆ.
  14. ಯಾವಾಗಲೂ ಹೀಗೇ ತುಸುಕ್ ಅಂತ ಕೂತಿರಲ್ಲ  ನೀವು.
  15. ನಿಮ್ಮ ಭಾವನೆಗಳು ಇನ್ನಷ್ಟು ಕೆಲಸ ಮಾಡೋದಕ್ಕೆ ಪ್ರೇರಣೆ ಆಗಬೇಕು, ಕಡಿಮೆ ಕೆಲಸ ಮಾಡಕ್ಕಲ್ಲ.
  16. ಸರಿಯಾದ ಜೀವನ, ತಪ್ಪು ಜೀವನ ಅಂತ ಏನೂ ಇರಲ್ಲ.
  17. ಸಮಯ ನಿಮ್ಮ ಹತೋಟಿಗೆ ಮೀರಿದ್ದು.
  18. ಮುಂದಿನ 24 ಗಂಟೆ ಬಗ್ಗೆ ಯೋಚನೆ ಮಾಡಿ. ಅದರಲ್ಲಿ ಸಾಧಿಸಕ್ಕೆ ಆಗೋದನ್ನೆಲ್ಲ ಸಾಧಿಸಿ.
  19. ಸಾಮಾಜಿಕ ತಾಣಗಳಲ್ಲಿ ಜನ ಬರೀ ಒಳ್ಳೇ ಸುದ್ದಿಗಳು, ಒಳ್ಳೇ ಫೋಟೋಗಳ್ನೇ ಹಂಚಿಕೊಳ್ಳೋದು. ಒಳಗೆ ಏನಿರುತ್ತೋ ಯಾರಿಗ್ ಗೊತ್ತು?
  20. ಇಲ್ಲೀವರೆಗೆ ನೀವು ಏನೇನು ಸಾಧಿಸಿದ್ದೀರಿ ಅಂತ ಮೆಲಕು ಹಾಕಿ.
  21. ಸದ್ಯಕ್ಕೆ ಒಂದು ದಿನಕ್ಕಿಂತ ಹೆಚ್ಚು ಪ್ಲಾನ್ ಮಾಡಬೇಡಿ.
  22. ಇನ್ನೂ ಮಾಡಕ್ಕೆ ತುಂಬಾ ಇದೆ ಅಂತ ಯೋಚನೆ ಮಾಡ್ಕೊಂಡ್ ಕೂತ್ಕೋಬೇಡಿ. ಅದರಿಂದ ಕೆಲಸ ಬೇಗೇನು ಆಗಲ್ಲ.
  23. ಬೇಕಾದಾಗ ಸಲಹೆ, ಸಹಾಯ ಕೇಳೋದ್ರಿಂದ ನೀವು ಇನ್ನಷ್ಟು ಬುದ್ಧಿವಂತರಾಗ್ತೀರಿ, ಇನ್ನಷ್ಟು ಗಟ್ಟಿ ಆಗ್ತೀರಿ.
  24. ನಿಮಗೆ ಸಹಾಯ ಮಾಡ್ದೋರ್ನ ನೆನಪಿಸಿಕೊಳ್ಳಿ. ಆಗ ಗೊತ್ತಾಗುತ್ತೆ, ನೀವು ಒಂಟಿ ಅಲ್ಲ ಅಂತ.
  25. ಕೆಲಸ ಮುಂದಕ್ಕೆ ಹೋಗ್ತಿಲ್ಲ ಅಂದಾಗ ನಿಮ್ಮ ಪ್ರಕಾರ ಅದ್ಭುತವಾಗಿ ಕೆಲಸ ಮಾಡೋರು ಯಾರನ್ನಾದರೂ ನೆನಪಿಸಿಕೊಳ್ಳಿ. ಆಗ ಮುಂದಕ್ಕೆ ಹೋಗುತ್ತೆ.
  26. ಕಾಲೇಜ್ ಮುಗಿಸಿದ ತಕ್ಷಣ ಕೆಲಸ ಸಿಕ್ಕಿಲ್ಲದೆ ಹೋದರೆ ನೀವು ವೇಸ್ಟು ಅಂತಲ್ಲ. ನಿಮಗೆ ಸರಿ ಹೋಗೋ‌ ಕೆಲಸಗಳು ಇನ್ನೂ‌ ನಿಮ್ಮ ಕಣ್ಣಿಗೆ ಬಿದ್ದಿಲ್ಲ ಅಂತ ಅರ್ಥ.
  27. ಚೆನ್ನಾಗಿ ಜೀವನ ಮಾಡೋದು ಅಂದ್ರೆ ಯಾವುದೇ ಚಿಂತೆ ಇಲ್ಲದೆ ಜೀವನ ಮಾಡೋದು.
  28. ನಿಮ್ಮ ತಂದೆ-ತಾಯಿ ಹೇಳಿದ್ದನ್ನೇ ನೀವು ಮಾಡಬೇಕು ಅಂತಿಲ್ಲ. ನಿಮ್ಮ ದಾರಿ ನೀವು ಕಂಡ್ಕೊಳಿ.
  29. ಎಷ್ಟು ಸಲ ಬೇಕಾದರೂ, ಯಾವಾಗ ಬೇಕಾದರೂ ನಿಮ್ಮ ಮನಸ್ಸು ಬದಲಾಯಿಸಿ. ಬೇಡ ಅನ್ನೋನ್ ಯಾವನು?
  30. ಎಲ್ಲಾ ಬೇಗ್-ಬೇಗ ಮಾಡೋದೇ ಪ್ರಗತಿ ಅನ್ನೋದು ಮೂರ್ಖತನ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: