ನಿಮ್ಮ ಫೋನು ಈ ಪಟ್ಟಿಗೆ ಸೇರಿದ್ರೆ 30-6-2017 ಆದಮೇಲೆ ಅದರಲ್ಲಿ ವಾಟ್ಸಪ್ ಬರಲ್ಲ

ಬೇರೆ ಫೋನ್ ತೊಗೋಬೇಕಾ ನೋಡಿ

ಈವತ್ತು ವಾಟ್ಸಾಪ್ ಇಲ್ಲಾ ಅಂದ್ರೆ ಆಗಲ್ಲ ಅನ್ನೋಂತ ಪರಿಸ್ಥಿತಿ ಇದೆ. ಪ್ರಪಂಚದಲ್ಲಿ ಸರಿಸುಮಾರು ನೂರು ಕೋಟಿ ಜನ ವಾಟ್ಸಾಪ್ ಬಳಸ್ತಿದ್ದಾರೆ. ಈ ಆಪ್‌ನ ವಿಶೇಷ ಅಂದ್ರೆ ಎಲ್ಲಾ ಅಪರೇಟಿಂಗ್ ಸಿಸ್ಟಂಗಳಲ್ಲೂ ಕೆಲಸ ಮಾಡೋದು. ಅದು ಆಂಡ್ರಾಯ್ಡ್, ಐಫೋನ್, ಬ್ಲ್ಯಾಕ್ ಬೆರ್ರಿ, ವಿಂಡೋಸ್‌ನಿಂದ ಸಿಂಬಿಯಾನ್ ಓಎಸ್‌ತನಕ ಕೆಲಸ ಮಾಡುತ್ತೆ. ಕಳೆದ ತಿಂಗಳು ವಿಡಿಯೋ ಕಾಲ್ ಮತ್ತೆ ಜಿಫ್ ಸಪೋರ್ಟ್ ಮಾಡೋ ವರ್ಷನ್ ಬಿಡ್ತು. ಮುಂದೆ ವಿಡಿಯೋ ಸ್ಟ್ರೀಮಿಂಗ್ ಆಯ್ಕೆ ಪರಿಚಯಿಸ್ತಾ ಇದೆ.

ಕೆಲವೊಂದು ಹಳೆ ಫೋನ್‌ಗಳಲ್ಲಿ ಇನ್ಮೇಲೆ ವಾಟ್ಸಾಪ್ ಕೆಲಸ ಮಾಡಲ್ಲ. ಈ ವರ್ಷದ ಕೊನೆಗೆ ಹಳೆ ಆಪರೇಟಿಂಗ್ ಸಿಸ್ಟಂ ಇರೋಂತ ಸ್ಮಾರ್ಟ್‍ಫೋನ್‌ಗಳಿಗೆ ಸೇವೆ ನಿಲ್ಲಿಸ್ತಾರಂತೆ. ಆಂಡ್ರಾಯ್ಡ್, ಐಓಎಸ್, ಬ್ಲ್ಯಾಕ್‍ಬೆರ್ರಿ ಮತ್ತೆ ಸಿಂಬಿಯಾನ್‌ನ ಹಳೇ ಓಎಸ್ ಇರೋಂತ ಫೋನ್‌ಗಳಲ್ಲಿ ವಾಟ್ಸಾಪ್ ಕೆಲಸ ಮಾಡಲ್ಲ.  

2009ರಲ್ಲಿ ಟಾಟ್ಸಾಪ್ ರಿಲೀಸ್ ಆದಾಗ ನೋಕಿಯಾ ಮತ್ತೆ ಬ್ಲ್ಯಾಕ್ ಬೆರ್ರಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಶೇ.70ರಷ್ಟು ಬಳಕೆ ಆಗ್ತಿತ್ತು. ಆದರೆ ಈಗ ಶೇ.99.5ರಷ್ಟು ಆಂಡ್ರಾಯ್ಡ್ ಮತ್ತೆ ಐಓಎಸ್ ಇರೋ ಸೆಟ್‌ಗಳಲ್ಲಿ ವಾಟ್ಸಾಪ್ ಇದೆ. ವಾಟ್ಸಾಪ್ ರಿಲೀಸ್ ಆಗಿ ಏಳು ವರ್ಷ ಆಗಿದೆ. ಇದೀಗ ಅಪ್‌ಡೇಟ್ ಆಗುತ್ತಿದ್ದು ಹಳೇ ಆಪರೇಟಿಂಗ್ ಸಿಸ್ಟಂ ಇರೋಂತ ಫೋನ್‍ಗಳಿಗೆ ಸೇವೆ ನಿಲ್ಲಿಸ್ತಿದೆ. ಹೇಳಿದೆ. ಯಾವ್ಯಾವ ಫೋನ್‌ಗಳಲ್ಲಿ ವಾಟ್ಸಾಪ್ ಕೆಲಸ ಮಾಡಲ್ಲ ಅಂತ ಒಂದ್ಸಲ ಚೆಕ್ ಮಾಡ್ಕೊಳ್ಳಿ.  

ಬ್ಲ್ಯಾಕ್‍ಬೆರ್ರಿ ಓಸ್ ಮತ್ತೆ ಬ್ಲ್ಯಾಕ್‌ಬೆರ್ರಿ ಫೋನ್: ಈಗ ಬಳಸ್ತಾ ಇರೋಂತ ಬಹಳಷ್ಟು ಬ್ಲ್ಯಾಕ್‌ಬೆರ್ರಿ ಫೋನ್‌ಗಳಲ್ಲಿ ಇನ್ಮೇಲೆ ವಾಟ್ಸಾಪ್ ಕೆಲಸ ಮಾಡಲ್ಲ. ಬ್ಲ್ಯಾಕ್‌ಬೆರ್ರಿ ಝಡ್10, ಬ್ಲ್ಯಾಕ್‌ಬೆರ್ರಿ ಪಾಸ್‌ಪೋರ್ಟ್ ಮತ್ತೆ ಬ್ಲ್ಯಾಕ್‌ಬೆರ್ರಿ ಕ್ಲಾಸಿಕ್. ಜೂನ್ 30, 2017ಕ್ಕೆ ಈ ಸೆಟ್‌ಗಳಲ್ಲಿ ವಾಟ್ಸಾಪ್ ಕೆಲಸ ಮಾಡಲ್ಲ.

1) ನೋಕಿಯಾ ಮತ್ತೆ ಸಿಂಬಿಯಾನ್ S60

ನೋಕಿಯಾ ಹಳೆ ಫೋನ್‍ಗಳು, ಹೈ ಎಂಡ್ ಫೋನ್ 41 ಮೆಗಾಫಿಕ್ಸೆಲ್‌ನ ನೋಕಿಯಾ ಪ್ಯೂರ್‌ವ್ಯೂವ್ 808 ಫೋನಲ್ಲೂ ಕೆಲಸ ಮಾಡಲ್ಲ.

ಮೂಲ

2) ಆಂಡ್ರಾಯ್ಡ್ 2.1 ಮತ್ತೆ ಆಂಡ್ರಾಯ್ಡ್ 2.2

ಆಂಡ್ರಾಯ್ಡ್ ಹಳೆ ಆವೃತ್ತಿಗಳಿವು. ಇದಕ್ಕೆ ಫ್ರೊಯೋ ಅಂತ ಹೆಸರಿಟ್ಟಿದ್ರು. ಈಗ ಯಾರೂ ಈ ಓಎಸ್ ಇರೋಂತ ಸೆಟ್‍ಗಳನ್ನ ಬಳಸ್ತಿಲ್ಲ. ಐದು ವರ್ಷ ಅಥವಾ ಅದಕ್ಕಿಂತ್ಲೂ ಹಳೇದಾದ ಸೆಟ್‌ಗಳಲ್ಲಿ ಈ ಓಎಸ್ ಇದ್ರೆ ಅವು ಕೆಲಸ ಮಾಡಲ್ಲ.

ಮೂಲ

3) ವಿಂಡೋಸ್ ಫೋನ್ 7

ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಕ್ರಾಂತಿ ಮಾಡಕ್ಕೆ ಹೊರಟ ವಿಂಡೋಸ್ ಫೋನ್ 7 ನಿರೀಕ್ಷೆಗಳು ತಲೆಕೆಳಗಾದವು. ಜನಕ್ಕೆ ಅದು ಇಷ್ಟ ಆಗ್ಲಿಲ್ಲ. ಈಗ್ಲೂ ಲುಮಿಯಾ 510, 710 ಮತ್ತೆ 810 ಫೋನ್‌ಗಳನ್ನ ಬಳಸ್ತಿದ್ದಾರೆ. ಅವುಗಳಲ್ಲಿ ಇನ್ಮೇಲೆ ವಾಟ್ಸಾಪ್ ಕೆಲಸ ಮಾಡಲ್ಲ. 

ಮೂಲ

4) ಐಫೋನ್ 3GS/iOS 6

2012ರಲ್ಲಿ iOS 6 ಬಿಡುಗಡೆಯಾಗಿತ್ತು. ಐಫೋನ್ 4Sನ್ನ ಈಗ್ಲೂ ಕೆಲವರು ಬಳಸ್ತಿದ್ದಾರೆ. ಆ ಸೆಟ್ಟಲ್ಲಿ ಇನ್ಮೇಲೆ ವಾಟ್ಸಾಪ್ ಕೆಲಸ ಮಾಡಲ್ಲ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: