ನಮ್ಮ ಮೈ ಬಗ್ಗೆ ನಮಗೇ ಗೊತ್ತಿಲ್ಲದಿರೋ 20 ವಿಚಿತ್ರ ಸತ್ಯಗಳು

ಆದ್ಭುತಗಳು ಹೊರಗೆಲ್ಲೋ ಅಲ್ಲ, ನಿಮ್ಮ ದೇಹದಲ್ಲೇ ಇವೆ

ನಮ್ಮ ದೇಹಕ್ಕೆ ಯಾವ್ದು ಸರಿ? ಚಳಿ ಇದ್ರೆ ಒಳ್ಳೆದಾ? ಬಿಸಿಲಾದ್ರೆ ಒಳ್ಳೆದಾ? ಯಾವ್ದು ಶೀತ ಯಾವ್ದು ಉಷ್ಣ, ಏನು ತಿಂದ್ರೆ ಒಳ್ಳೇದು ಏನು ಮಾಡಿದ್ರೆ ಒಳ್ಳೇದು... ಈ ಎಲ್ಲಾ ವಿಷಯಗಳು ನಮಗೆ ಚೆನ್ನಾಗೇ ಗೊತ್ತಿರುತ್ತೆ. ಆದರೆ ನಮ್ಮ ದೇಹದ ಬಗ್ಗೆ ತಿಳ್ಕೊಳಕ್ಕೆ ಬ್ರಹ್ಮಾಂಡದಷ್ಟಿದೆ. ಅದರಲ್ಲಿ ನೀವು ಪ್ರಾಯಶಃ ಕೇಳಿಲ್ಲದಿರೋ 20 ವಿಷಯಗಳ್ನ ಹೇಳ್ತೀವಿ ಕೇಳಿ… ಮೊದಲು ಕೇಳಿದಾಗ ನಮಗೆ ಬಹಳ ಆಶ್ಚರ್ಯ ಆಯಿತು. ನಿಮಗೂ ಆಗೋದ್ರಲ್ಲಿ ಸಂದೇಹ ಇಲ್ಲ, ಓದ್ತಾ ಹೋಗಿ…

1. ಒಬ್ಬೊಬ್ಬರ ನಾಲಿಗೆ ಇನ್ನೊಬ್ಬರ ತರಹ ಇರಲ್ಲ - ಬೆರಳಚ್ಚು ಹೇಗೋ ಹಾಗೆ

ಸೈನ್ ಹಾಕಕ್ಕೆ ಬರದೆ ಇರೋರು ಹೆಬ್ಬೆಟ್ಟು ಯಾಕೆ ಒತ್ತುತ್ತಾರೆ ಹೇಳಿ? ಯಾಕಂದ್ರೆ ಬೆರಳಚ್ಚು ಒಬ್ಬೊಬ್ಬರಿಗೂ ಬೇರ್ಬೇರೆ. ಹಾಗೇ ನಿಮ್ಮ ನಾಲಿಗೆ ಅಚ್ಚು ಕೂಡ ಬೇರೆಯೋರ ತರಹ ಇರಲ್ಲ.

ಮೂಲ

2. ಒಂದು ಕೂದಲಲ್ಲಿ ಒಂದು ಸೇಬು ನೇತು ಹಾಕಬಹುದು. ಅಷ್ಟು ಶಕ್ತಿ ಇರುತ್ತೆ ಅದಕ್ಕೆ.

3. ಭೂಮಿ ಮೇಲೆ ಎಷ್ಟು ಜನ ಇರ್ತಾರೋ ಅಷ್ಟೇ ಬ್ಯಾಕ್ಟೀರಿಯಾಗಳು ನಿಮ್ಮ ಬಾಯಲ್ಲೂ ಇರುತ್ವೆ.

ಆದ್ರೆ ಅವು ತೊಂದ್ರೆ ಮಾಡಲ್ಲ ಬಿಡಿ.

ಮೂಲ

4. ನಿಮ್ಮ ಉಗುರಲ್ಲಿ ಈ ತರಹ ಅರ್ಧಚಂದ್ರಾಕಾರ ಕಾಣಿಸ್ತಾ ಇಲ್ಲದೆ ಹೋದ್ರೆ, ಅಥವಾ ಉಗುರು ತುಂಬ ಮೃದುವಾಗಿದ್ದು ಬೇಗ ಮುರಿದು ಹೋಗ್ತಿದ್ರೆ, ನಿಮ್ಮ ಥೈರಾಯಿಡ್ ಹಾರ್ಮೋನ್ ಹೆಚ್ಚಾಗಿದೆ ಅಂತರ್ಥ.

ಮೂಲ

5. ನಿಮ್ಮ ಮೆದುಳಿಗೆ ತಲುಪೋ ವಿಚಾರಗಳು ಗಂಟೆಗೆ 400 ಕಿ.ಮಿ ವೇಗದಲ್ಲಿ ಚೆಲಿಸುತ್ತೆ.

ಮೂಲ

6. ಮನುಷ್ಯನ ರಕ್ತದಲ್ಲಿ 29 ಬಗೆ. ಅತೀ ಅಪರೂಪದ್ದು ಜಪಾನಿನ ಒಂದು ಸಣ್ಣ ಕುಟುಂಬದಲ್ಲಿ ಸಿಗುತ್ತೆ.

7. ಒಂದ್ ದಿನಕ್ಕೆ ನಮ್ಮ ರಕ್ತ ಇಡೀ ದೇಹ ಸುತ್ತು ಹಾಕಿ 19,312 ಕಿ.ಮೀ ಚಲಿಸುತ್ತೆ.

ಮೂಲ

8. ನಮ್ಮ ದೇಹದ ನರಗಳನ್ನೆಲ್ಲ ಒಟ್ತುಗೂಡಿಸಿ ನೋಡಿದ್ರೆ ಅದರ ಉದ್ದ 75 ಕಿ.ಮಿ ಆಗುತ್ತೆ.

9. ಒಂದು ದಿನಕ್ಕೆ ಸುಮಾರು 20,000 ಬಾರಿ ಉಸಿರಾಡ್ತೀವಿ.

ಮೂಲ

10. ನಮ್ಮ ಕಣ್ಣುಗಳು ಸುಮಾರು 1 ಕೋಟಿ ಬಣ್ಣಗಳನ್ನ ಗುರುತಿಸುತ್ವೆ, ಆದ್ರೆ ನಮ್ಮ ಮೆದುಳಿಗೆ ಅವನ್ನೆಲ್ಲಾ ನೆನಪಿನಲ್ಲಿಟ್ಟುಕೊಳ್ಳೋ ಶಕ್ತಿ ಇಲ್ಲ.

11. ಮನುಷ್ಯ ಬದುಕಿರೋ ವರೆಗೂ ಅವನ ಕಿವಿ ಬೆಳೀತಾನೆ ಇರುತ್ತೆ - ವರ್ಷಕ್ಕೆ 0.25 mm ನಷ್ಟು

ಮೂಲ

12. ನಮ್ಮ ಹೃದಯ ವರ್ಷಕ್ಕೆ 35 ಕೋಟಿ ಸಲ ಬಡಿಯುತ್ತೆ.

13. ಪ್ರತಿದಿನ ನಮ್ಮ ದೇಹ ಸುಮಾರು 1 ಕೋಟಿ ಚರ್ಮ ಕಣಗಳನ್ನ ಕಳೆದುಕೊಳ್ಳುತ್ವೆ. ಸರಿಯಾಗಿ ತೂಕ ಮಾಡಿ ನೋಡಿದ್ರೆ ವರ್ಷಕ್ಕ 2 ಕಿಲೋ ಗೊತ್ತಾ! 

14. ನಮ್ಮ ಚರ್ಮದ 1 sq.cm ವಿಸ್ತೀರ್ಣದಲ್ಲಿ ನೂರಾರು ನೋವಿನ ಕೋಶಗಳಿರುತ್ತವೆ.

15. ಹೆಣ್ಣು ಮಕ್ಕಳ ನಾಲಿಗೇಲಿ ಗಂಡು ಮಕ್ಕಳಿಗಿಂತ ಜಾಸ್ತಿ ರುಚಿಯ ಕಣಗಳು ಇರುತ್ತವೆ.

ಮೂಲ

16. ಒಬ್ಬ ಮನುಷ್ಯ ತನ್ನ ಜೀವಿತಾವಧಿಯಲ್ಲಿ ಒಟ್ಟು 35 ಟನ್ ತಿಂತಾನೆ.

17. ಒಬ್ಬ ಮನುಷ್ಯ ಕೇವಲ ಕಣ್ಣು ಮಿಟಿಕಿಸೋದ್ರಲ್ಲೇ 5 ವರ್ಷ ಕಳೀತಾನೆ.

ಮಿಟುಕಿಸ್ತಾ ಕೆಲವರು ಬೇರೆ ಕೆಲಸಾನೂ ಮಾಡ್ತಾರೆ :-)

ಮೂಲ

18. ಒಂದು ಸೆಕೆಂಡಲ್ಲಿ ನಮ್ಮ ಮೆದುಳಲ್ಲಿ 1 ಲಕ್ಷ ರಾಸಾಯನಿಕ ಕ್ರಿಯೆಗಳಾಗುತ್ವೆ.

19. ನೀವು ಶೀತ ಆದಾಗ ಸೀನ್ತೀರಲ್ಲ ಅದರ ವೇಗ ಗಂಟೆಗೆ 160 ಕಿ. ಮೀ ಇರುತ್ತೆ.

20. ನಕ್ಕಾಗ ನಿಮ್ಮ ಮುಖದ 17 ಬೇರೆ ಬೇರೆ ಮಾಂಸ ಖಂಡಗಳು ಕೆಲ್ಸ ಮಾಡುತ್ತವೆ… ಅತ್ತಾಗ 43...

ಅಂದ್ರೆ ಅಳಕ್ಕೆ ಕೆಲಸ ಜಾಸ್ತಿ ಮಾಡಬೇಕು :-)

ಮೂಲ

ಇದೇ ತರಹ ಇನ್ನೊಂದ್ 25 ಸತ್ಯಗಳ್ನ ತಿಳ್ಕೊಳೋ ಆಸೆ ಇದ್ದರೆ ಇಲ್ಲಿ ಒತ್ತಿ. ಅಂತೆಕಂತೆ ಒಂಥರಾ ಲೈಬ್ರರಿ ಇದ್ದಂಗೆ. ಓದ್ತಾ ಹೋಗಿ, ನಿಮ್ಮ ಅರಿವು ಬೆಳೀತಾನೇ ಇರುತ್ತೆ. ಮಜಾನೂ ಸಿಗುತ್ತೆ. ಸರಿ ತಾನೇ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಜನರ ನಡವಳಿಕೆ ಬಗ್ಗೆ ಈ 13 ಸತ್ಯಗಳು ಗೊತ್ತಾದಾಗ ನಿಮಗೆ ಪ್ರಪಂಚ ಇನ್ನಷ್ಟು ಚೆನ್ನಾಗಿ ಅರ್ಥ ಆಗುತ್ತೆ

ದುಡ್ಡಿರೋರ್ನ ಜನ ಬುದ್ಧಿವಂತ್ರು ಅನ್ಕೋತಾರೆ

ಮನುಷ್ಯನ ದೇಹ ಒಂದು ಅದ್ಭುತವಾದ ಸೃಷ್ಟಿ. ಒಂದು ಕಡೆಗೆ ಬೇರೆ ಬೇರೆ ಕೆಲಸಗಳ್ನ ಮಾಡ್ಕೊಂಡ್ ಹೋಗೋ ಅಂಗಾಂಗಗಳಾದರೆ ಇನ್ನೊಂದು ಕಡೆ ಇಡೀ ಬ್ರಹ್ಮಾಂಡವನ್ನೇ ಅರ್ಥ ಮಾಡಿಕೊಳ್ಳುವಂಥ ಮನಸ್ಸು! ದೇಹ ಮತ್ತು ಮನಸ್ಸು ಎರಡೂ ಒಗ್ಗೂಡೇನೇ‌ ಮನುಷ್ಯ ತನ್ನದೇ ಆದ ರೀತಿಯಲ್ಲಿ ನಡ್ಕೊಳೋಡು. ಒಬ್ಬೊಬ್ಬ ಮನುಷ್ಯಾನೂ ಬೇರೆಬೇರೇನೇ, ಆದರೆ ಎಲ್ಲರಿಗೂ ಅನ್ವಯಿಸುವಂಥ ಕೆಲವು ಆಶ್ಚರ್ಯಕರವಾದ ಸತ್ಯಗಳಿವೆ. ಕೆಳಗೆ ಅಂಥವು ಕೆಲವು ಕೊಟ್ಟಿದೀವಿ, ಓದ್ತಾ ಹೋಗಿ…

1. ಆತ್ಮಗೌರವ ಕಡಿಮೆ ಇರೋರು ಬೇರೆಯೋರ್ನ ಕಡೆಗಣಿಸಿ ಮಾತಾಡೋದು, ಕೀಳಾಗಿ ಬಿಂಬಿಸೋದು, ಎಲ್ಲಾ ಜಾಸ್ತಿ.

ಯಾಕಂದ್ರೆ ಅವರಿಗೆ ತಮ್ಮೊಳಗೆ ತಾವೇ 'ಮೇಲೆ' ಕಾಣಿಸಲ್ಲ. ಬೇರೆಯೋರ್ನ ಕೆಳಗೆ ಮಾಡಿಕೊಂಡಾಗಲೇ ಕಾಣಿಸೋದು.

2. ಯಾರಾದರೂ ನೋಡ್ತಾ ಇದಾರೆ ಅಂದಾಗ ಜನರ ನಡತೆ ಇನ್ನಷ್ಟು ಚೆನ್ನಾಗಿರುತ್ತೆ.

ಯಾರೂ ಇಲ್ಲದಿರುವಾಗ ನಡ್ಕೊಳೋ ರೀತೀನೇ ಬೇರೆ. ನನಗೆ ಬೇಕಾದ್ದು ಮಾಡ್ತೀನಿ ಅನ್ನೋ‌ ಮನೋಭಾವ ಇರುತ್ತೆ. ಇದು ಕೆಟ್ಟದೆನಲ್ಲ, ಆದರೆ ಒಳಗೊಂದು ಹೊರಗೊಂದು ಅನ್ನೋದು ಮಿತಿಮೀರಿ ಬೆಳೆದರೆ ತೊಂದರೆ, ಅಷ್ಟೆ.

3. ನೋಡಕ್ಕೆ ಚೆನ್ನಾಗಿರೋರ್ನ ಮತ್ತೆ ತುಂಬಾ ಸಾಧು ಮನುಷ್ಯನ ತರಹ ಕಾಣಿಸೋರ್ನ ಜನ ಬೇಗ ನಂಬಿ ಬಿಡ್ತಾರೆ.

'ಗೋಮುಖವ್ಯಾಘ್ರ' ಅಂತ ಹೇಳ್ತಾರಲ್ಲ, ಹಂಗೆ ಇದು. ಸೌಂದರ್ಯ ಮತ್ತೆ ವಿನಯ ಹೊರಗೆ ಕಂಡರೆ ಸಾಕು, ಜನ ಹತ್ತಿರ ಬರ್ತಾರೆ. ಕೆಲವರು ಇದನ್ನ ಇನ್ನೊಂದು ರೀತಿಲಿ ಬಳಸಿಕೊಳ್ತಾರೆ, ಅಷ್ಟೇ.

4. ಜನ ತುಂಬ ಕ್ಲಿಷ್ಟವಾದ ತೀರ್ಮಾನಗಳ್ನ ತೊಗೊಳಕ್ಕೆ ಹೋಗಲ್ಲ; ಅದರ ಬದಲು ಇರೋದು ಇದ್ದಂಗೇ ಇರಲಿ ಅಂತ ಸುಮ್ಮನೆ ಇದ್ದುಬಿಡ್ತಾರೆ.

ಏನ್ ತೀರ್ಮಾನ ತೊಗೋತಿದೀನಿ ಅನ್ನೋದು ತುಂಬ ಸುಲಭವಾಗಿ ಅರ್ಥ ಆಗಬೇಕು. ಇಲ್ಲಾಂದ್ರೆ ತಲೆ ಕೆಡುಸ್ಕೊಳಲ್ಲ ಜನ. ಇದು ರಾಜಕಾರಣಿಗಳಿಗೆ ತುಂಬ ಚೆನ್ನಾಗಿ ಗೊತ್ತಿರೋ ವಿಷಯ!

5. ಯಾರಾದರೂ ತುಂಬ ಕೋಪ ಮಾಡ್ಕೋತಿದ್ರೆ ಅವರ ತರಹ ನಾವೂ ಆಗಬೇಕು, ಅವರ ಸ್ಥಾನಕ್ಕೆ ನಾವೂ ಏರಬೇಕು ಅನ್ಕೋತಾರೆ ಜನ

ಅದೇನೋ ಕೋಪಕ್ಕೆ ಈ ಸ್ಥಾನಮಾನ ಇದೆಯಪ್ಪ. ತುಂಬಾ ಬುದ್ಧಿವಂತರು ಮತ್ತೆ ತುಂಬಾ ಒಳ್ಳೇ ಮನಸ್ಸಿರೋರೆ ಕೋಪ ಮಾಡ್ಕೊಳೋದು ಅಂತ ಜನ ಅನ್ಕೋತಾರೆ. ಮೇಲ್ಮೇಲಕ್ಕೆ ಇದನ್ನ ತೋರಿಸಿಕೊಳ್ಳದೆ ಇರಬಹುದು, ಆದರೆ ಒಳಗೊಳಗೇ ನಾನು ಅವರ ಸ್ಥಾನಕ್ಕೆ ಎರಬೇಕು ಅನ್ಕೋತಾರೆ.

6. ಏನಾದರೂ ಸಿಕ್ಕಾಗ ಆಗೋ ಸಂತೋಷದ ತೂಕ ಒಂದಾದರೆ ಅದನ್ನ ಕಳ್ಕೊಂಡಾಗ ಆಗೋ ದುಃಖದ ತೂಕ ಎರಡು.

ಮೊಬೈಲ್ ಕೊಂಡುಕೊಂಡಾಗ ಆಗುವ ಸುಖ ಹೆಚ್ಚೋ ಅದು ಕಳೆದು ಹೋದಾಗ ಆಗುವ ದುಃಖ ಹೆಚ್ಚೋ?!

7. ಬೊಜ್ಜು ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತೆ. ನಿಮ್ಮ ಸುತ್ತ ಮುತ್ತ ಬೊಜ್ಜು ಜಾಸ್ತಿ ಇರೋರೇ ಇದ್ದರೆ ನಿಮಗೂ ಬರೋ ಸಾಧ್ಯತೆ ಇದೆ.

ಇದಕ್ಕೆ ಕಾರಣ ಅಷ್ಟು ಬೊಜ್ಜಿರೋದೇ ನಾರ್ಮಲ್ ಅನ್ಕೊಳೋದು. ಅಲ್ಲದೆ ಅವರು ತಿಂದಿದ್ದೆಲ್ಲ ತಿನ್ನೋದು!

8. ಯಶಸ್ಸು ಮತ್ತೆ ದುಡ್ಡು ಯಾರಿಗಿದೆಯೋ ಅವರನ್ನ ಜನ ಬುದ್ಧಿವಂತರು ಅಂತಾನೂ ಅನ್ಕೋತಾರೆ.

ಇದೊಂದು ದೊಡ್ಡ ವಿಪರ್ಯಾಸ. ನಿಜಕ್ಕೂ ನೋಡಿದರೆ ಸಾಮಾನ್ಯವಾಗಿ ದುಡ್ಡು ಯಶಸ್ಸು ಎಲ್ಲಾ ಇರೋ ಕಡೆ ಬುದ್ಧಿವಂತಿಕೆ ಕಡಿಮೇನೇ ಇರುತ್ತೆ. ದುಡ್ಡು ಮತ್ತೆ ಯಶಸ್ಸಿಗೆ ಬೇಕಾದ ಬುದ್ಧಿವಂತಿಕೆಗೂ ನಿಜವಾದ ಬುದ್ಧಿವಂತಿಕೆಗೂ ವ್ಯತ್ಯಾಸ ಜನರಿಗೆ ಗೊತ್ತಾಗಲ್ಲ.

9. ಸಂತೋಷವಾಗಿರಕ್ಕೆ ತುಂಬಾ ದುಡ್ದಿರಬೇಕಗಿಲ್ಲ. ಅಕ್ಕಪಕ್ಕದ ಮನೆಯೋರ್ಗಿಂತ ಜಾಸ್ತಿ ಇದ್ದರೆ ಸಾಕು.

ಯಾಕಂದ್ರೆ ನಾವು ಯಾವಾಗಲೂ ಬೇರೆಯೋರಿಗೆ ಹೋಲಿಸಿಕೊಳ್ತಾ ಇರ್ತೀವಿ, ಅದಕ್ಕೇ. ಅಂದಹಾಗೆ ಈಗೀಗ ಪಕ್ಕದ ಮನೆಯೋರ ಫೇಸ್ಬುಕ್ಕಲ್ಲಿ ಫ್ರೆಂಡ್ ಆಗಿರೋರೂ ಸೇರಿಕೊಳ್ತಾರೆ!

10. ಸುಳ್ಳು ಹೇಳಕ್ಕೆ ತುಂಬ ಜಾಸ್ತಿ ತಲೆ ಉಪಯೋಗಿಸಬೇಕು. ನಿಜ ಹೇಳಕ್ಕೆ ಅಷ್ಟು ಬೇಕಾಗಿಲ್ಲ.

ಸುಳ್ಳು ಹೇಳುವಾಗ ಮುಂದೆ ಆಗೋ ತೊಂದರೆಗಳಿಗೆಲ್ಲ ಪ್ಲಾನ್ ಮಾಡಿಕೊಂಡು ಹೇಳಬೇಕು. ನಿಜ ಹೇಳೋರಿಗೆ ಈ ತೊಂದರೆಗಳೆಲ್ಲ ಇರಲ್ಲ. ಹೇಳೋದು ಹೇಳಿ ಆಮೇಲೆ ಏನಾಗುತ್ತೋ ನೋಡ್ಕೋತೀನಿ ಅನ್ನೋ ಮನೋಭಾವ ಇರೋದ್ರಿಂದ ಜಾಸ್ತಿ ತಲೆ ಉಪಯೋಗಿಸಬೇಕಾಗಿಲ್ಲ.

11. ನಿಮಗೆ ಇಷ್ಟ ಇರೋರ್ಗೆ SMS / WhatsApp ಸಂದೇಶ ಬರೀಬೇಕಾದ್ರೆ ಕೈ ಬೇಗ ಓಡುತ್ತೆ.

ಯಾಕಂದ್ರೆ ಮನಸ್ಸು ಕೈಗೆ ಹಾಗೆ ಆದೇಶ ಕೊಡುತ್ತೆ! ಆದರೆ ನೆನಪಿರಲಿ, ಇದರಿಂದ ಏನೇನೋ ಟೈಪ್ ಮಾಡಿ ಸಂದೇಶ ಕಳಿಸಿ ಕಷ್ಟಕ್ಕೆ ಸಿಕಾಕೊಳೋ ಸಾಧ್ಯತೆ ಹೆಚ್ಚು!

12. ಆಗಾಗ ಬೇಜಾರು ಅನ್ನೋರು ಸಾಮಾನ್ಯವಾಗಿ ಏನಾದರೂ ಒಳ್ಳೆ ಕೆಲಸ ಮಾಡಕ್ಕೆ ಇಷ್ಟ ಪಡ್ತಾರೆ. ಅವರಿಗೆ ನಿಜಕ್ಕೂ ಮನರಂಜನೆ ಬೇಕಾಗಿರಲ್ಲ.

ಅವರಿಗೆ ಬೇಜಾರು ಆಗೋದೇ ಮನರಂಜನೆ ಅವರಿಗೆ ಬೇಡದೆ ಇರೋದ್ರಿಂದ. ಮನರಂಜನೆಯಿಂದ ಅವರ ಜೀವನ ಇನ್ನಷ್ಟು ಚೆನ್ನಾಗಾಗುತ್ತೆ ಅನ್ನೋ ಅನಿಸಿಕೆ ಅವರಿಗೆ ಇರಲ್ಲ. ಅದರ ಬದಲಾಗಿ ಏನಾದರೂ ಒಳ್ಳೇ ಕೆಲಸ ಮಾಡಿದರೆ ಒಂದಿಷ್ಟು ಸಂತೋಷ ಸಿಗುತ್ತೆ.

13. ತುಂಬ ಬುದ್ಧಿ ಇರೋ ಹುಡುಗೀರ್ಗೆ ಗಂಡು ಸಿಗೋದು ಕಷ್ಟ. ಅವರಿಗೂ ಮದುವೆ ಅಂದ್ರೆ ತುಂಬಾ ಇಷ್ಟ ಇರಲ್ಲ.

ಮದುವೆ ಅನ್ನೋದರ ಬಗ್ಗೆ ತೀರಾ ಜಾಸ್ತಿ ಯೋಚನೆ ಮಾಡೋದು ಏನೂ ಇರಲ್ಲ. ಸ್ವಲ್ಪ ಇರುತ್ತೆ, ಇಲ್ಲವೇ ಇಲ್ಲ ಅಂತಲ್ಲ. ಆದರೆ ಮದುವೆ ಆದ್ಮೇಲೆ ನಿಭಾಯಿಸಿಕೊಂಡು ಹೋಗೋದೇ ಮುಖ್ಯ. ಆದರೆ ತುಂಬ ಬುದ್ಧಿ ಇದ್ದರೆ ಬೇಕಾದ್ದು ಬೇಕಾಗಿಲ್ಲದಿರೋದು ಎಲ್ಲಾ ಯೋಚನೆ ಮಾಡಿಕೊಂಡು ತಲೆ ಕೆಡಿಸಿಕೊಂಡು ಕೂತಿರ್ತಾರೆ. ಬೇಕಾಗಿಲ್ಲದಿರೋದರ ಬಗ್ಗೇನೇ ಜಾಸ್ತಿ ಯೋಚನೆ ಮಾಡ್ತಾರೆ ಅಂದ್ರೂ ತಪ್ಪಲ್ಲ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: