ಫೋನ್ ಜೊತೆ ನಿಮ್ಮ ಸಂಬಂಧದಿಂದ ನಿಮ್ಮ ಆರೋಗ್ಯಕ್ಕೆ ಏನಾಗ್ತಿದೆ ಅಂತ ಹೇಳಿಬಿಡ್ತೀವಿ ಕೇಳಿ

ತಂತ್ರಜ್ಞಾನದಿಂದ ನಮಗೆ ಉಪಯೋಗ ಆಗಬೇಕು, ಅಪಾಯ ಅಲ್ಲ

ಇತ್ತೀಚೆಗೆ ಫೋನ್ನ ಇಂಟರ್ನೆಟ್ಗೆ ಬಳಸೋದು ಬಹಳ ಜಾಸ್ತಿ ಆಗಿದೆ. ಆದರೂ ಅದನ್ನ ಮಾತಾಡಕ್ಕೆ ಬಳಸೋದು ನಿಂತಿಲ್ಲ. ನೀವು ಫೋನಲ್ಲಿ ಹೇಗೆ ಮಾತಾಡ್ತೀರಿ, ಫೋನ್ ಎತ್ತುಕೊಳಕ್ಕೆ ಎಷ್ಟು ಸಮಯ ತೊಗೋತೀರಿ ಅನ್ನೋದರಿಂದೆಲ್ಲ ನಿಮ್ಮ ಆರೋಗ್ಯದ ಮೇಲೆ ಫೋನ್ ಎಂಥ ಪರಿಣಾಮ ಬೀರ್ತಾ ಇದೆ ಅಂತ ಹೇಳಬಹುದು. ಕೆಳಗೆ 8 ಪ್ರಶ್ನೆ ಇದೆ. ಜಾಸ್ತಿ ಯೋಚನೆ ಮಾಡದೆ "ಹೂಂ" ಅಥವಾ "ಉಹೂಂ" ಅಂತ ಹೇಳ್ಕೋತಾ ಹೋಗಿ. ಎಷ್ಟು "ಹೂಂ" ಇದೆ ಅಂತ ಎಣಿಸಿಕೊಳ್ಳಿ, ಉತ್ತರ ಕೆಳಗೆ ಸಿಗುತ್ತೆ.

1. ಫೋನ್ ರಿಂಗಾದಾಗ ತೊಗೊಳಕ್ಕೆ ಹಿಂಜರಿಕೆ ನಾ?

ನಿಮ್ಮ ಮನೆಯೋರು, ಸ್ನೇಹಿತರು ಯಾರೇ ಫೋನ್ ಮಾಡಿರ್ಲಿ ಆ ಕರೆ ನೀವು ತೆಗೆಯಲ್ವಾ? ರಿಂಗ್ ಆದಷ್ಟು ಹೊತ್ತು ನಿಮ್ಮಲ್ಲಿರೋ ತಳಮಳ ನಿಂತ ತಕ್ಷಣ ಕಡಿಮೆ ಆಗುತ್ತಾ? ಮತ್ತೆ ರಿಂಗ್ ಆಗ್ಬಹುದು ಅನ್ನೋ ಭಯ ನಿಮ್ಮನ್ನ ಕಾಡುತ್ತಾ?

ಮೂಲ

2. ವಾಪಸ್ಸು ಕಾಲ್ ಮಾಡಕ್ಕೆ ತುಂಬ ಹೊತ್ತು ತೊಗೋತೀರಾ?

ಬಂದ ಫೋನ್ ತುಂಬ ಮುಖ್ಯ ಆಗಿದ್ದು ನೀವು ಅವ್ರ ಹತ್ರ ಮಾತಾಡ್ಲೇಬೇಕಾದಂತ ಪರಿಸ್ಥಿತಿ ಇದ್ದಾಗ ನೀವು ಕರೆ ಮಾಡೋಕೆ ತುಂಬ ತಡ ಮಾಡ್ತೀರಾ? ತೀರಾ ಮುಖ್ಯ ಪರಿಸ್ಥಿತಿಲೂ ಗಂಟೆ ಗಟ್ಟಲೆ ಕಾಯ್ತೀರಾ?

ಮೂಲ

3. ಯಾಕ್ ಫೋನ್ ತೊಗೊಂಡಿಲ್ಲ ಅಂತ ಕೇಳಿದಾಗ ಪದೆ ಪದೆ ಅದೇ ನೆಪ ಹೇಳ್ತೀರಾ?

"ಫೋನ್ ಮನೆಲಿ ಮರ್ತಿದ್ದೆ", "ಸೈಲೆಂಟ್ ನಲ್ಲಿ ಇತ್ತು" ಈ ನೆಪಗಳು ನಿಮ್ಗೆ ಸಾಮನ್ಯ ಆಗೋಗಿದ್ಯಾ?

ಮೂಲ

4. ಬೇಕೂಂತ ಫೋನ್ ಸೈಲೆಂಟ್ ನಲ್ಲೇ ಇಟ್ಟಿರ್ತೀರಾ?

ಯಾವುದೋ ಮುಖ್ಯವಾದ ಕೆಲಸದಲ್ಲಿದೀರಿ ಅಂತ್ಲೋ ಅಥ್ವಾ ನಿಮ್ಮ ಸುತ್ತ ಇರೋರಿಗೆ ತೊಂದ್ರೆ ಆಗುತ್ತೆ ಅಂತ್ಲೋ ನೀವು ಫೋನ್ ನ ಸೈಲೆಂಟ್ ಇಡೋದು ಬೇರೆ. ಅದರ ಬದಲು ಫೋನ್ ರಿಂಗ್ ಆಗೋದು ನಿಮ್ಗೆ ಕೇಳಕ್ಕೇ ಇಷ್ಟ ಇಲ್ಲ ಅಂತ ಸೈಲೆಂಟ್ ನಲ್ಲಿ ಇಡೋರಾ ನೀವು?

ಮೂಲ

5. ನಿಮ್ಮ ಫೋನ್ ತುಂಬಾ ಬರೀ ಮಿಸ್ಡ್ ಕಾಲ್ ತುಂಬ್ಕೊಂಡಿದ್ಯಾ?

ಮಿಸ್ಡ್ ಕಾಲ್ ಪಟ್ಟೀನಾ ನೋಡ್ದೇ ಇದ್ರೆ ಅಥವಾ ಡಿಲೀಟ್ ಮಾಡಿದಾಗ ಸಮಾಧಾನ ಸಿಗುತ್ತಾ?

ಮೂಲ

6. ನಿಮ್ಮ ಫ್ರೆಂಡ್ಸು ನೀವು ಫೋನೇ ತೆಗ್ಯಲ್ಲ ಅಂತ ಬೈತಾರಾ?

ಹೀಗೆ ಬೇಕು ಅಂತ ಮಾಡ್ತಿದೀರಾ?

ಮೂಲ

7. ಯಾರು ಫೋನ್ ಮಾಡಿದಾರೆ ಅಂತ ಗೊತ್ತಾಗದೆ ಹೋದ್ರೆ ಎತ್ತಲ್ವಾ?

ಯಾರು ಫೋನ್ ಮಾಡಿದ್ರು ಅಂತ ಮಾತ್ರ ಸರಿಯಾಗಿ ಗೊತ್ತಗದೆ ಹೋದ್ರೆ ಎತ್ತಕ್ಕೆ ಹಿಂಜರಿಕೆ ನಾ?

ಮೂಲ

8. ನಿಮಗೆ ಮೆಸೇಜ್ ಕಳಿಸೋದೆ ಅರಾಮ್ ಅನ್ನಿಸುತ್ತಾ?

ಏನೇ ಮುಖ್ಯಾವಾದ ವಿಷ್ಯ ಇದ್ರೂ ಫೋನ್ ಮಾಡೋಕಿಂತ ಮೆಸೇಜ್ ಕಳಿಸೋದೆ ಅನುಕೂಲ ಅನ್ನಿಸುತ್ತಾ? ಮೆಸೇಜ್ ಅನ್ನೋದು ಇಲ್ಲದೆ ಹೋಗಿದ್ರೆ ನಿಮಗೆ ಬಹಳ ಕಷ್ಟ ಆಗ್ತಿತ್ತು ಅನ್ನಿಸುತ್ತಾ?

ಮೂಲ

9. ಹೊತ್ತಲ್ಲದ ಹೊತ್ತಲ್ಲಿ, ಸಲ್ಲದ ಜಾಗದಲ್ಲೆಲ್ಲ ಇಂಟರ್ನೆಟ್ ಬಳಸ್ತೀರಾ?

ರಾತ್ರಿ 2 ಗಂಟೆಗೆ ಮೇಲ್ ಚೆಕ್ ಮಾಡೋದು, ವಾಟ್ಸಪ್ ನೋಡೋದು… ಬಚ್ಚಲು ಮನೆಯಲ್ಲೆಲ್ಲ ಫೋನ್ ಹಿಡ್ಕೊಂಡು ಕೂತ್ಕೊಳೋದು… ಇದೆಲ್ಲ ಮಾಡ್ತೀರಾ?

ಮೂಲ

ಮೇಲಿನ ಪ್ರಶ್ನೆಗಳಲ್ಲಿ 5 ಅಥವಾ ಹೆಚ್ಚು ಪ್ರಶ್ನೆಗಳಿಗೆ ನಿಮ್ಮ ಉತ್ತರ "ಹೂಂ" ಆಗಿದ್ದರೆ ಇಲ್ಲಿ ಒತ್ತಿ:

1-4  ಪ್ರಶ್ನೆಗಳಿಗೆ ನಿಮ್ಮ ಉತ್ತರ "ಹೂಂ" ಆಗಿದ್ದರೆ ಇಲ್ಲಿ ಒತ್ತಿ:

ಎಲ್ಲಾ ಪ್ರಶ್ನೆಗಳಿಗೂ ನಿಮ್ಮ ಉತ್ತರ "ಉಹೂಂ" ಆಗಿದ್ದರೆ ಇಲ್ಲಿ ಒತ್ತಿ:

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: