ಜಾಸ್ತಿ ಏನ್ ಬೇಡ, ಬೆಳಗ್ಗೆ ಹಾಸಿಗೆಯಿಂದ ಏಳೋ ಮುಂಚೆ ಈ 6 ತರ ಮೈ ಬಗ್ಗಿಸಿ ಸಾಕು

ಇಡೀ ದಿನ ಆರಾಮಾಗಿರ್ತೀರಿ

ದಿನಾ ಬೆಳಗ್ಗೆ ಎದ್ದು ಗಡಿಬಿಡಿಲಿ ರೆಡಿಯಾಗಿ ಆಫೀಸಿಗೆ ಹೋಗಿ ತಲೆಕೊಡೋ ಕೆಲಸ ಮಾಡ್ಕೊಂಡ್ ಕೂರೋದಕ್ ಮುಂಚೆ, ಎತ್ತಕ್ಷಣ ಈ 6 ತರ ಮೈ ಬಗ್ಸಿದ್ರೆ ಇಡೀ ದಿನ ಆರಾಮಾಗಿರ್ತೀರ, ಹಾಗೆ ತಲೆಬಿಸಿನೂ ಕಮ್ಮಿ ಆಗತ್ತೆ.

1. ಇಡೀ ಮೈಯನ್ನ  ಹೀಗ್ ಬಗ್ಸಿ, ಫ್ರೀ ಆಗತ್ತೆ 

ಇಲ್ಲಿ ಪೋಟದಲ್ಲಿ ಇರೋತರ ಮಾಡಿ, ಉಸಿರನ್ನ ಎಳ್ಕೊಳ್ತ  ನಿಮ್ಮ  ಬೆರಳನ್ನ ಜೋಡುಸ್ಕೊಂಡು  ತಲೆ ಹಿಂದಕ್ಕೆ ಕೈ ತೊಗೊಂಡೋಗಿ ಹಾಗೆ ನಿಮ್ಮ ಕಾಲಿನ ಬೆರಳನ್ನ ಎಷ್ಟಾಗತ್ತೋ ಅಷ್ಟು ಮುಂದಕ್ಕ್ ಚಾಚಿ ಹೀಗೆ ಮಾಡ್ಬೇಕಾದ್ರೆ ಮನ್ಸಲ್ಲೇ 5 ತಂಕ ಎಣಿಸಿ ಆಮೇಲೆ ಉಸಿರನ್ನ ಬಿಡ್ತಾ ಮಾಮೂಲಿಯಾಗಿ ಮಲ್ಕೊಳಿ. ಇದೆ ತರ 3 ಸತಿ ಮಾಡಿ . ರಾತ್ರಿ ಮಲಗಿದ್ದಾಗ ಮೈ ಬಿಗಿಯಾಗಿರತ್ತೆ ಹೀಗ್ ಮಾಡಿದಾಗ ಫ್ರೀ ಆಗತ್ತೆ.

ಮೂಲ

2. ನಂಬರ್ 4 ಕಾಣೊತರ ಮೈ ಬಗ್ಸಿ   

ನಿಮ್ಮ ಎಡಗಾಲಿನ ಪಾದಾನ ಬಲಗಾಲಿನ ಮಂಡಿಮೇಲೆ ಇಟ್ಕೊಳಿ, ಬಲಗಾಲನ್ನ ಆದಷ್ಟು ಎದೆ ಹತ್ರ ಎಳ್ಕೊಳಿ, ನಂಬರ್ 4 ಶೇಪಲ್ಲಿ ಇದ್ದಂಗೆ ಕಾಣತ್ತೆ (ಚಿತ್ರದಲ್ಲಿ ನೋಡಿ), ಹೀಗ್ ಮಾಡಿ 5 ಸತಿ ಉಸಿರಾಡಿ, ಆಮೇಲೆ ಇದೇತರ ಇನ್ನೊಂದ್ ಕಾಲಲ್ಲಿ ಮಾಡಿ, ಹೀಗ್ ಮಾಡುದ್ರೆ ಹಿಂಬಾಗದ್ ಮೂಳೆ, ಮಂಡಿ, ತೊಡೆನ ಆರಾಮಾಗಿರೋಹಾಗೆ ಮಾಡತ್ತೆ.

ಮೂಲ

3. ಕೂತಿರೋಹಾಗೆ ಬಗ್ಗಿ ನೆಲ ಮುಟ್ಟಿ 

ಕೂತಿರೋಹಾಗೆ ಬಗ್ಗಿ ನೆಲ ಮುಟ್ಟಿ, ಮಂಡಿ ಹಾಗೆ ಇರ್ಲಿ ಕೈಯಿಂದ ನೆಲ ಮುಟ್ಟಿ, ಬೆನ್ನನ್ನ ಚೆನಾಗ್ ಬಗ್ಸಿ , ತಲೆ ಮತ್ತೆ ಕೈ ನೆಲ ನೋಡ್ಲಿ, ೫ ಸತಿ ಉಸಿರಾಡಿ, ಹೀಗ್ ಮಾಡುದ್ರೆ ಬೆನ್ನು ಫ್ರೀ ಆಗತ್ತೆ, ತಲೆಗೆ ಹೊಸ ಆಕ್ಸಿಜನ್ ಹೋಗಿ ಫುಲ್ ಫ್ರೆಶ್ ಆಗ್ತೀರಾ, ಚೆನಾಗ್ ಎಚ್ರ ಆಗತ್ತೆ.

ಮೂಲ

4. ಮಂಡಿನ ಎದೆಗೊತ್ಕಳಿ 

 ಮಂಡಿನ ಎದೆ ಹತ್ರ ತೊಗೋಳಿ, ಕೈಯಿಂದ  ನಿಮ್ಮ್ ಮಂಡಿನ  ಎದೆಗೆ ಒತ್ತಿರೋಹಾಗೆ ತಬ್ಬಿಕೊಳ್ಳಿ, ಹೀಗೆ ೧೦ ಸತಿ ಉಸಿರಾಡಿ, ತಲೆ ಆರಾಮಾಗಿ ದಿಂಬು ಮೇಲೆ ಇರ್ಲಿ, ಹೀಗ್ ಮಾಡುದ್ರೆ ಬೆನ್ನಿನ ಕೆಲ್ಗಡೆ ಫ್ರೀ ಆಗತ್ತೆ, ಸರಿ ಈಗ ಎದ್ದು ಕೆಲಸ ಮಾಡೋಣ ಅಂತ ಅನ್ಸೋಹಂಗ್ ಮಾಡತ್ತೆ.

ಮೂಲ

5. ಟಿ ಶೇಪಲ್ಲಿ ಮೈ ಮುರೀರಿ 

ಹೇಗ್ ಮಲಗಿದೀರೋ ಹಾಗೆ ಇರಿ, ನಿಮ್ಮ್ ಸೊಂಟನ ತಿರುಗ್ಸಿ , ಕಾಲು ಒಂದರಮೇಲೊಂದು ಇರ್ಲಿ, ಒಂದ್ ಕೈನ ಇನ್ನೊಂದ್ಕಡೆ ಆರಾಮಾಗಿ ಚಾಚ್ಕೊಳಿ, ಆಗದಾದ್ರೆ ತಲೆನೂ ತಿರುಗ್ಸಿ (ಫೋಟೋ ನೋಡಿ) ಟಿ ಇರೋತರ ಇರ್ತೀರ, ಹೀಗೆ ೧೦ ಸತಿ ಉಸ್ರಾಡಿ, ಕುತ್ತಿಗೆ ಮೂಳೆ ಆರಾಮಾಗತ್ತೆ ಹಂಗೆ ಇಡೀ ದೇಹಕ್ಕೆ ರಕ್ತ ಚೆನ್ನಾಗಿ ಹರಿಯತ್ತೆ.  

ಮೂಲ

6. ಮೂಗನ್ನ ಮಂಡಿಗೆ ತಾಕ್ಸೋತರ ಬಗ್ಗಿ

ಕಾಲನ್ನ ಮುಂದಕ್ ಚಾಚಿ, ಉಸ್ರನ್ನ ಎಳ್ಕೊತಾ ಬೆನ್ನನ್ನ ಎತ್ತಿಕೊಂಡು  ಕೈಯನ್ನ ಚಾಚಿ ನಿಮ್ಮ ಪಾದಾನ ಹಿಡ್ಕೊಳಿ, ತಲೆಯಿಂದ ಮುಂದಕ್ಕೆ ಬಗ್ಗಿ, ಮೂಗು ಮಂಡಿಗೆ ತಾಕ್ಸೋತರ ಬಗ್ಗಿ ಉಸ್ರನ್ನು ಬಿಡಿ. ಉಸಿರನ್ನ ಎಳ್ಕೊಬೇಕ್ಕಾದ್ರೆ ಎಷ್ಟಾಗತ್ತೋ ಅಷ್ಟು ಬೆನ್ನನ್ನ ಎತ್ತಿ ಮುಂದಕ್ ಬಗ್ಗಿ. ಹೀಗೆ 10 ಸತಿ ಉಸ್ರಾಡಿ. ಕತ್ತು, ಬೆನ್ನು, ಮಂಡಿ , ಪಕ್ಕೆ, ಕಿಬ್ಬೊಟ್ಟೆ ಎಲ್ಲ ಫ್ರೀ ಆಗತ್ತೆ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಕಷ್ಟ ಬಂದಾಗ ಈ 12 ಸತ್ಯಗಳ್ನ ನೆನಪಿಸಿಕೊಂಡರೆ ಇನ್ನಷ್ಟು ಗಟ್ಟಿಯಾಗಿ ಹೊರಬರ್ತೀರಿ

ಸೋಲು ಗೆಲುವು ಎಲ್ಲಕ್ಕೂ ಮನಸ್ಸೇ ಕಾರಣ

ಕಷ್ಟ ಅನ್ನೋದ್ ಎಲ್ಲಾರ್ಗೂ ಬಂದೇ ಬರತ್ತೆ. ಒಂದೊಂದ್ಸಲ ಯಾವಾಗ್ ಮುಗ್ಯತ್ತಪ್ಪ ಅನ್ನೋ ಅಷ್ಟು ಕಷ್ಟಗಳು ಬರತ್ತೆ. 

ಆದ್ರೆ ನಮಗೆ ನಾವೇ ಈ 12 ಸತ್ಯಗಳ್ನ ಹೇಳ್ಕೊಂಡ್ ಸಮಾಧಾನ ಮಾಡ್ಕೊಂಡ್ರೆ ಕಷ್ಟಾನ ಎದುರಿಸೋ ಧೈರ್ಯ ಬರತ್ತೆ.

1. ಗೆಲ್ಲೋದಕ್ಕೆ ಸೋಲೋದಕ್ಕೆ ಎರಡಕ್ಕೂ ನಮ್ಮ ಮನಸ್ಸೇ ಕಾರಣ

ನಾವ್ ಮನಸ್ಸಿನಲ್ಲಿ ಏನ್ ಯೋಚ್ನೆ ಮಾಡ್ತೀವೋ ಅದೇ ತರ ನಡ್ಕೊಳ್ತೀವಿ. ನಮಗೆ ಅದೇ ತರ ಸಂದರ್ಭಗಳು ಒದಗಿ ಬರತ್ತೆ.

ನಾವು ಒಳ್ಳೇದನ್ನ ಯೋಚ್ನೆ ಮಾಡ್ತಾ, ಒಳ್ಳೇ ಕೆಲ್ಸಾನೇ ಯಾವಾಗ್ಲೂ ಮಾಡ್ತಾ ಇದ್ರೆ, ಮನಸ್ಸೂ ಒಳ್ಳೇದಾಗಿರತ್ತೆ. 

2. ನೋವು ಬರತ್ತೆ ಹಾಗೆ ಹೋಗತ್ತೆ

ಎಲ್ಲಾರ್ ಬದುಕಲ್ಲೂ ಒಂದಲ್ಲ ಒಂದು ತೊಂದ್ರೆ ಇದ್ದೇ ಇರತ್ತೆ, ಮನಸ್ಸಿಗೆ ನೋವು ತರೋ ಸಂದರ್ಭನೂ ಇದ್ದಿದ್ದೇ. ಇವೆಲ್ಲ ನಮ್ಮನ್ನ ಇನ್ನೂ ಗಟ್ಟಿ ಆಗ್ಸತ್ತೆ. ಕುಗ್ಗಕ್ಕೆ ಅವಕಾಶ ಕೊಡ್ಬಾರ್ದು ಅಷ್ಟೆ.

3. ಯೋಚ್ನೆ ಮಾಡೋದ್ರಿಂದ ಯಾವ ಸಮಸ್ಯೆನೂ ಪರಿಹಾರ ಆಗಲ್ಲ

ಯೋಚ್ನೆ ಮಾಡೋದ್ರಿಂದ ಯಾವ್ದೂ ಸರಿ ಹೋಗಲ್ಲ. ಅದ್ರಿಂದ ಮನಸ್ಸಿಗೆ ಮತ್ತೆ ದೇಹಕ್ಕೆ ಒತ್ತಡ ಜಾಸ್ತಿ ಆಗತ್ತೆ ಅಷ್ತೇ

4. ಕಷ್ಟ ಎದುರಿಸಕ್ಕೆ ಭಯಪಟ್ರೆ ಮುಂದೆ ಹೋಗಕ್ಕೆ ಆಗಲ್ಲ

ಕಷ್ಟ ಬಂತು ಅಂತ ಭಯದಿಂದ ಮನಸ್ಸು ಮುದುಡಿಕೊಂಡು ಕೂತ್ಕೋಂಡ್ರೆ ಯಾವ ಕೆಲ್ಸನೂ ಆಗಲ್ಲ.  ಹಿಂದೇನೆ ಉಳೀತೀವಿ.

ನಿಮಗೆ ಬೇಕಾಗಿರೋದೆಲ್ಲಾ ಭಯದ ಇನ್ನೊಂದು ಕಡೆ ಇದೆ. ಧೈರ್ಯವಾಗಿ ಮುನ್ನುಗ್ಗಿ ಗುರಿ ಸಾಧಿಸಿ.

5. ಅನುಭವಾನೇ ಇಲ್ದಿದ್ರೆ ಯಾವ್ದೇ ಪಾಠಾನೂ ಇರಲ್ಲ

ನಾವು ತುಂಬಾ ದ್ವೇಷ ಮಾಡೋಂಥ, ಮತ್ತೆ ನಮಗೆ ಬೇಡದೇ ಇರೋ ಅನುಭವಗಳೇ ನಮ್ಮನ್ನ ಗಟ್ಟಿಯಾಗಿ ನಿಲ್ಲೋಹಂಗೆ ಮಾಡೋದು.

6. ಪ್ರಯತ್ನಪಡದೆ ಯಾವ್ದೂ ಬದಲಾಗಲ್ಲ

ಬದಲಾವಣೆ ಅನ್ನೋದು ಏನಾದ್ರೂ ಮಾಡೋದಿಕ್ಕೆ ಸಂಬಂಧಿಸಿದ್ದು. ಸುಮ್ಮನೆ ಇರೋಕಲ್ಲ. ಯಾವುದೇ ವಿಚಾರಾನ ಬದಲಾಯಿಸಕ್ಕೆ ಪ್ರಯತ್ನ ಪಡ್ದೇ ಇದ್ರೆ ಏನೂ ಬದಲಾಗೋದೇ ಇಲ್ಲ.

7. ಆಗೋಗಿರೊದನ್ನ ಬದಲಾಯ್ಸಕ್ಕೂ ಆಗಲ್ಲ

ಆಗೋಗಿದ್ದು ಹಿಂದೆ ಸರಿದಿದ್ದು ಆಯ್ತು. ಅದನ್ನ ಬದಲಾಯ್ಸಕ್ಕೆ ಬ್ರಹ್ಮನಿಂದ್ಲೂ ಆಗಲ್ಲ

8. ರಾತ್ರೋರಾತ್ರಿ ಯಾವ್ದೇ ಕೆಲ್ಸ ಮುಗ್ಸಕ್ಕಾಗಲ್ಲ

ಯಾವ್ದೇ ಕೆಲ್ಸಾನೂ ಒಂದ್ ನಿಮಿಷದಲ್ಲಿ, ಒಂದ್ ದಿನದಲ್ಲಿ ಆಗೋದಿಲ್ಲ. ಸರಿಯಾಗಿ ಮಾಡ್ಬೇಕೂಂದ್ರೆ ಸಮಯ ಬೇಕು. ತಾಳ್ಮೆ ಇರ್ಬೇಕು. ದೊಡ್ಡ ದೊಡ್ಡ ಕನಸುಗಳನ್ನ ಸಾಧಿ ತೋರ್ಸ್ಬೇಕಾದ್ರೆ ಗುರಿ ಅಷ್ಟೆ ಅಲ್ಲ ಅದರ ಕಡೆ ಹೆಜ್ಜೆ ಹೆಜ್ಜೆನೂ ಮೆಲುಕು ಹಾಕ್ತ ಸರಿಯಾದ ದಾರೀಲಿ ನಡಿತಾ ಇದ್ದೀರಾ ಅಂತ ವಿಮರ್ಶೆ ಮಾಡೊ ಛಲ ಇರಲಿ. ಅತುರದಲ್ಲಿ ಮುಗ್ಸಕ್ಕೆ ಹೋಗಿ ಕೈ ಸುಟ್ಕೋಳೋದು ಸರಿಯಲ್ಲ.

9. ಎಲ್ಲಾ ಕೆಟ್ಟದ್ರಲ್ಲೂ ಒಳ್ಳೇದೇನೋ ಒಂದ್ ಇರತ್ತೆ

ಬರೀ ಕೆಟ್ಟದಾಗ್ತಾ ಇದೆ ಅಂತ ಆ ಟೈಮಲ್ಲಿ ಆಗೊ ಒಳ್ಳೇದನ್ನ ಗಮನ್ಸೋದೇ ಇಲ್ಲ ನಾವು. ಆದ್ರೆ, ಎಷ್ಟೇ ಕೆಟ್ಟದಾಗ್ತಾ ಇದ್ರೂ ಏನೋ ಒಂದ್ ಒಳ್ಳೇದ್ ಇದ್ದೇ ಇರತ್ತೆ.

10. ಸೋಲು ಗೆಲ್ಲೋದಿಕ್ಕೆ ಒಂದ್ ಮೆಟ್ಟಿಲು ಅಷ್ಟೇ

ಸೋತೋದೆ ಅಂತ ಆಕಾಶ ಏನೂ ತಲೆ ಮೇಲೆ ಬೀಳಲ್ಲ. ಸೋಲು ಅನ್ನೋದ್ ಗೆಲ್ಲಕ್ಕೆ ಒಂದೊಂದೇ ಮೆಟ್ಟಿಲು.

11. ಬಂದಿರೋ ಕಷ್ಟನ ಎದುರಿಸಕ್ಕೆ ನನ್ನ ಕೈಲಿ ಆಗತ್ತೆ

ಯಾರೋ ಏನೋ ಮಾಡಿದ್ರೂ ಅಂದ್ರೆ ಅದೆಲ್ಲಾ ನಮಗೂ ಆಗ್ಬೇಕೂಂತ ಏನೂ ಇಲ್ಲ. ಐದು ಬೆರೆಳೂ ಸಮ ಇರಲ್ಲ; ಹಾಗೆ ಇದೂನು. ಅವರಿವರಿಗೆ ಹೋಲಿಸಿಕೊಂಡ್ರೆ ನಿಮಗೆ ನೀವು ಅವಮಾನ ಮಾಡ್ಕೊಂಡ್ ಹಾಗೆ.

12. ಯಾರೂ ಒಂಟಿ ಅಲ್ಲ

ಈ ಪ್ರಪಂಚ್ದಲ್ಲಿ ಯಾರೂ ಒಂಟಿ ಅಲ್ಲ. ಏನೇನೆ ಅಡ್ಡಿ ಆತಂಕ ಬಂದ್ರೂ ಯಾರ್ದಾದ್ರೂ ಸಹಾಯ ಸಿಕ್ಕೇ ಸಿಗತ್ತೆ. ಎಲ್ಲಾರ್ಗೂ ಅವರವರ್ ಕಷ್ಟ ಇರತ್ತೆ. ಅದನ್ನ ಗೆದ್ದು ಬರೋ ದಾರಿ ನೋಡ್ಕೋಬೇಕು ಅಷ್ಟೇ.

ನೀವು ಎದುರಿಸ್ತಾ ಇರೋ ಸಂಕಷ್ಟ ಯಾವ್ದೇ ಇರ್ಲಿ – ಈ 12 ಸತ್ಯಗಳ್ನ ಹೇಳ್ಕೊಳಿ. ಮುನ್ನಗ್ಗಕ್ಕೆ ಧೈರ್ಯ ಬಂದೇ ಬರತ್ತೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: