ಪಾಪ ಈ ಇಂಗ್ಲೆಂಡ್ ಹುಡುಗಿ ನೋಡಕ್ಕೆ ಎಷ್ಟು ಚೆನ್ನಾಗಿದಾಳೋ ಅಷ್ಟೇ ವಿಚಿತ್ರ ರೋಗದಿಂದ ನರಳ್ತಾ ಇದಾಳೆ

ಬಾಯ್ ಫ್ರೆಂಡ್ ಪಾಪ ಒಳ್ಳೆಯೋನು

ಇವಳ ಹೆಸರು ಬೆತ್ ಗುಡಿಯರ್ ಅಂತ. ವಯಸ್ಸು 22 ಈಗ. 16 ನೇ ವಯಸ್ಸಲ್ಲಿ ಒಂದ್ ದಿನ ಸೋಫಾ ಮೇಲೆ ಹೋಗಿ ಮಲ್ಕೊಂಡೋಳು 6 ತಿಂಗಳು ಎದ್ದೇಳಲೇ ಇಲ್ಲವಂತೆ.

ದಿನಕ್ಕೆ 22 ಗಂಟೆ ಮಲ್ಕೋತಿದ್ಲಂತೆ. 2 ಗಂಟೆ ಎದ್ದಾಗ ಎಲ್ಲೆಲ್ಲೋ ಜ್ಞಾನ.

ಅವರಮ್ಮ ಜ್ಯಾನೀನ್ ಲೆಕ್ಕ ಹಾಕಿರೋ ಪ್ರಕಾರ ಇವಳು ಕಳೆದ 5 ವರ್ಶದಲ್ಲಿ ಶೇ. 75 ರಷ್ಟು ಹೊತ್ತು ಮಲ್ಕೊಂಡೇ ಇದಾಳೆ.

ಡಾಕ್ಟರ್ಗಳ ಪ್ರಕಾರ ಇವಳಿಗೆ KLS - Kleine-Levin Syndrome ಅನ್ನೋ ರೋಗ ಇದೆ.

ಇದನ್ನ Sleeping Beauty Syndrome ಅಂತ್ಲೂ ಕರೀತಾರೆ. ಇದಕ್ಕೆ ಕಾರಣ ಏನಿರಬಹುದು, ಯಾರಿಗೆ ಯಾವಾಗ ಹೀಗ್ ಆಗುತ್ತೆ ಅಂತ ಯಾರಿಗೂ ಗೊತ್ತಿಲ್ಲ.

ಈಗಲೂ ಎರಡೂ ವರೆ ತಿಂಗಳಿಂದ ಬೆತ್ ಗುಡಿಯರ್ ಮನೇಲಿ ಮಲ್ಕೊಂಡೇ ಇದಾಳೆ.

ಅವಳಿಗೆ ನಡೆಯಕ್ಕೂ ಸುಸ್ತಂತೆ. ಡಾಕ್ಟರ್ ಹತ್ತಿರ ಹೋಗುವಾಗ ತಳ್ಳಬೇಕಾಗುತ್ತಂತೆ.

3 ವರ್ಷದ ಹಿಂದೆ ಇವಳು ಕೆಲವು ದಿನ ಎದ್ದಿದ್ದಾಗ ಡ್ಯಾನ್ ಅನ್ನೋ ಈತ ಅವಳಿಗೆ ಸಿಕ್ಕೆ ಇಬ್ಬರಿಗೂ ಲವ್ ಆಯಿತಂತೆ. ಡ್ಯಾನ್ ಯಾವಾಗಲೂ ಅವಳ ಜೊತೆ ಇದ್ದು ನೋಡ್ಕೋತಾನಂತೆ.

ಇವಳ ಈ ಸ್ಥಿತಿ ಡಾಕ್ಟರ್ಗಳಿಗೆ ತಲೆ ಕೆಡಿಸ್ತಾ ಇದೆಯಂತೆ.

ಮೊದಮೊದಲು ಇವಳ ಮಿದುಳಿಗೆ ಎಲ್ಲೋ ಹೆಮರೇಜ್ ಆಗಿರಬೇಕು ಅನ್ಕೊಂಡ್ರಂತೆ. ಆದರೆ ಇನ್ನೊಬ್ಬರು ಡಾಕ್ಟರ್ ಇಂಥದ್ದೇ ಒಂದು ಕೇಸ್ ಇದೆ ಅಂತ ಹೇಳಿದಾಗ ಅವರಿಗೆ ಇದು KLS ಕೇಸು ಅಂತ ಗೊತ್ತಾಯಿತಂತೆ.

ಆಶ್ಚರ್ಯ ಏನೂಂದ್ರೆ ಇಂಗ್ಲೆಂಡಲ್ಲಿ ಈ ತರಹ 100ಕ್ಕಿಂತ ಹೆಚ್ಚು ಜನ ಇದಾರಂತೆ. ಎಲ್ಲರೂ ಹದಿಹರೆಯರು. ಎಂಥ ವಿಚಿತ್ರ ಅಲ್ವಾ?

ಮಾಹಿತಿ, ಫೋಟೋಗಳು: [1]

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: