ಈ 7 ವಿಷ್ಯ ನಿಮಗೆ ಮುಂಚೇನೇ ಗೊತ್ತಿದ್ರೆ ಲವ್ ಫೇಲ್ಯೂರಾದಾಗ ಅಷ್ಟಾಗಿ ನೋವಾಗಲ್ಲ

ಪ್ರೀತಿಸಿದೋರೆಲ್ಲ ಜೀವನ ಇಡೀ ಜೊತೆಲಿರ್ತಾರೆ ಅಂತೇನಿಲ್ಲ

ನಿನ್ನ ಇಷ್ಟ ಪಡ್ತೀನಿ ಅಂದ್ರು....ಐ ಲವ್ ಯೂ ಅಂದ್ರು...ಇವೆಲ್ಲಾ ಇದ್ದಕಿದ್ದಂಗೆ ಮುಗಿದು ಹೋಯ್ತು. ಆದ್ರೂ ನೀವು ಅದಕ್ಕೆ ತಗ್ಲಾಕೊಂಡು ದಿನ ಕಳೀತಿದ್ದೀರಿ...ಒಬ್ರೇ ಒಂಟಿ. ಮುಂದಿನ ಜೀವನ ನಂದು ಸೆಟಲ್ ಆಯ್ತು ಅನ್ಕೊಂಡಿದ್ರಿ, ಆದ್ರೆ ಏನಾಯ್ತು? ಏನ್ ಸಾಹಸ ಮಾಡಿದ್ರೂ ಪ್ರೀತಿ ಉಳಿಸ್ಕೊಳಕ್ಕೆ ಆಗ್ಲಿಲ್ಲ! ಮನಸ್ಸು ಮುರಿದುಹೋಯ್ತು ಅಂದ್ರೆ ಪ್ರೀತೀಲಿ ಇನ್ನೇನು ಸಾರ ಇದೆ ಹೇಳಿ?

ಕೈ ಬಿಟ್ಟು ಹೋಗಿದ್ದನ್ನ ಚಿಂತೆ ಮಾಡಿ ಯಾವ್ದೇ ಲಾಭ ಇಲ್ಲ. ನಮ್ ಜೀವನದಲ್ಲಿ ಏನೇನಾಗತ್ತೋ ಅವೆಲ್ಲಾ ಒಂದೊಂದು ಪಾಠ ಕಲಿಸ್ತಾ ಹೋಗತ್ತೆ. ಪ್ರೀತಿ ಮಾಡೋರು ಕೆಳಗಿನ 7 ಸತ್ಯಗಳ್ನ ತಿಳ್ಕೊಂಡ್ರೆ ಲವ್ ಫೇಲ್ ಆದಾಗ ಹೃದಯಕ್ಕೆ ಅಷ್ಟಾಗಿ ಘಾಸಿ ಆಗಲ್ಲ, ನೋವು ತಡ್ಕೊತೀರಿ. ಪ್ರೀತಿ ಮಾಡಿ ಕೈ ಸುಟ್ಕೊಂಡಿರೋರ್ಗಂತೂ ಈ ಕೆಳಗಿನ 7 ಸತ್ಯಗಳು ಇನ್ನಷ್ಟು ಮೇಲೇಳಕ್ಕೆ ಸಹಾಯ ಮಾಡತ್ತೆ.

1.  ನಾನು ಪ್ರೀತಿಸೊರೆಲ್ಲ ನನಗೆ ಸರಿ ಅಂತೇನಿಲ್ಲ

ನೀವು ಯಾರನ್ನಾದ್ರೂ ಪ್ರೀತಿಸ್ತಿದ್ರೆ ಅವ್ರು ನಿಮಗೆ ಸರಿ ಅಂತೇನೂ ಇಲ್ಲ. ಅವರಿಗೆ ನೀವು ಅಂದ್ರೆ ಎಷ್ಟು ಗೌರವ ಇದೆ ಅಂತ ಅಳಿದು ನೋಡಿ. ಯಾವುದೇ ಸಂಬಂಧ ಆಗ್ಲಿ ಅಲ್ಲಿ ಪರಸ್ಪರ ಗೌರವ ಇಲ್ಲ ಅಂದ್ರೆ ಅದ್ರಲ್ಲಿ ಮುಂದುವರೆಯೋದ್ರಲ್ಲಿ ಅರ್ಥ ಇಲ್ಲ.

ಮೂಲ

2. ಪ್ರೀತಿಸಿದೋರೆಲ್ಲ ಜೀವನ ಇಡೀ ಜೊತೆಲಿರ್ತಾರೆ ಅಂತೇನಿಲ್ಲ

ಪ್ರೀತ್ಸೋವಾಗ ಜೀವನ ಇಡೀ ನಿನ್ನ ಜೊತೆ ಇರ್ತೀನಿ ಅಂತ ಹೇಳೋದು ವಾಡಿಕೆ. ಆದ್ರೆ ಅದು ನಿಜ ಆಗ್ಬೇಕು ಅಂತಿಲ್ಲ. ನಿಮ್ಮ ಸುತ್ತ ಹತ್ತು ಹಲವು ನಿದರ್ಶನಗಳು ಇರುತ್ವೆ ಅಲ್ವಾ?

3. ಕಾರಣ ಇಲ್ದೆ ಪ್ರೀತ್ಸಿದೋರು ಕಾರಣ ಇಲ್ಲದೆ ದೂರ ಆಗ್ತಾರೆ

ಕೆಲವೊಮ್ಮೆ ಏನೂ ಕಾರಣ ಇಲ್ದೆ ಪ್ರೀತಿಸೋರು ಬೇರೆ ಆಗಿರ್ತಾರೆ. ಇದ್ರಲ್ಲಿ ತಪ್ಪು ಸರಿ ಅಂತ ಯೋಚ್ನೆ ಮಾಡೋಕಾಗಲ್ಲ. ವಾಸ್ತವ ಅರ್ಥ ಮಾಡ್ಕೊಂಡು ಜೀವನ ಮಾಡಬೇಕಷ್ಟೆ.

4. ನಿಮ್ಮದು ನಿಜ್ವಾಗ್ಲೂ ಪ್ರೀತೀನಾ, ಬರೀ ಆಕರ್ಷಣೆ ಅಷ್ಟೇನಾ?

ಆಕರ್ಷಣೇನೇ ಪ್ರೀತಿ ಅನ್ಕೊಂಡು ಮುಂದುವರಿರೆದಿದ್ರೆ ಯೋಚ್ನೆ ಮಾಡಿ. ನಿಮ್ಮ ಹಳೆ ನೆನಪುಗಳು ನಿಮ್ಮನ್ನ ತುಂಬಾ ನೋಯಿಸ್ತಿದ್ರೆ ಅದು ಪ್ರೀತಿನೇ. ನೀವು ಒಪ್ಪದೆ ಇರಬಹುದು, ಆದರೆ ಈ 24 ಗುರುತುಗಳು ಸುಳ್ಳು ಹೇಳಲ್ಲವಲ್ಲ?

ಮೂಲ

5. ಎಲ್ಲರೂ ಯಾವಾಗ್ಲೂ ಸರಿಯಾದೋರ್ನೇ ಆರಿಸಿಕೊಂಡಿರಲ್ಲ 

ಗೆಳೆಯ/ಗೆಳತಿ ಪಡೆಯೋ ಭರಾಟೆಲಿ ಆಯ್ಕೆ ಮಾಡಿಕೊಂಡೋರು ಸರೀನಾ ಅಂತ ಒಮ್ಮೆ ಯೋಚ್ನೆ ಮಾಡಿ. ತಪ್ಪು ಆಯ್ಕೆ ಮುಂದೆ ನೋವು ಕೊಡೋದೇ ಹೆಚ್ಚು. 

6. ನಾವು ಪ್ರೀತಿಸೋಷ್ಟೇ ಅವರು ನಮ್ನ ಪ್ರೀತಿಸ್ಬೇಕು ಅಂತೇನಿಲ್ಲ

ಪ್ರೀತಿಸೊರೆಲ್ಲ ನಾನೇ ಹೆಚ್ಚು ಪ್ರೀತಿಸೋದು ಅಂತಾರೆ ಆದ್ರೆ ನೀವು ಪ್ರೀತ್ಸೋಷ್ಟು ಅವ್ರು ನಿಮ್ಮನ್ನ ಪ್ರೀತಿಸ್ಬೇಕು ಅಂತಿಲ್ಲ. 

7. ಹೊರಗೆ ಬರೋಕೆ ಸಾಧ್ಯ ಇಲ್ಲ ಅಂತೇನಿಲ್ಲ

ಪ್ರೀತಿ ಸಾಗರದಲ್ಲಿ ಮಿಂದೆದ್ದ ಮೇಲೆ ಅದ್ರಿಂದ ಹೊರಗ್ ಬರೋಕೆ ಸಾಧ್ಯ ಇದ್ಯಾ ಅಂತ ಹೆದರಿದ್ರೆ ಖಂಡಿತ ಹೊರಗ್ ಬರಬಹುದು ಅಂತ ಗೊತ್ತಿದ್ರೆ ನಿಮ್ಮ ಹಳೆ ಪ್ರೀತಿ ನಿಮ್ಮನ್ನ ಅಷ್ಟು ಕಾಡಲ್ಲ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: