ಸುದೀಪ್ ಜೀವನಶೈಲಿಯಲ್ಲಿ ಮಿಕ್ಕಿದ್ದೆಲ್ಲ ಓಕೆ, ಆದ್ರೆ ಒಂದ್ ತೊಂದರೆ ಇದೆ

ಆದಷ್ಟು ಬೇಗ ಆ ಅಭ್ಯಾಸ ನಿಲ್ಲಿಸಿದರೆ ಒಳ್ಳೇದು

ಕಿಚ್ಚ ಸುದೀಪ್ ಅವರನ್ನ ನೋಡ್ತಿದ್ರೆ ಈ ಹೀರೋಗಳಿಗೆ ವಯಸ್ಸೇ ಆಗಲ್ವಾ ಅನ್ಸತ್ತೆ. ಏನಪ್ಪಾ ಇವ್ರ ವಯಸ್ಸಿನ ಮರ್ಮ, ಅಷ್ಟೊಂದು ಹ್ಯಾಂಡ್ಸಮ್ ಆಗಿ ಇರೋದಕ್ಕೆ ಹೇಗ್ ಸಾಧ್ಯ? ಹೊಟ್ಟೆ ಬರೋದೇ ಇಲ್ವಾ? ಇಷ್ಟೆಲ್ಲಾ ಫಿಟ್ ಆಗಿದ್ದಾರೆ ಅಂದರೆ ಅವರು ಏನು ತಿಂತಾರೆ, ಏನು ಮಾಡ್ತಾರೆ ಎಂಬ ಕುತೂಹಲ ಎಲ್ಲರಿಗೂ ಇರುತ್ತದೆ. ಟೈಮ್ಸ್ ಆಫ್ ಇಂಡಿಯಾದೋರ ಜೊತೆ ಇತ್ತೀಚೆಗೆ ಮಾತಾಡ್ತಾ ತಮ್ಮ ಸೀಕ್ರೆಟ್ ಬಿಟ್ಟುಕೊಟ್ರು ಸುದೀಪಣ್ಣ.

ಅವರು ಬಿಟ್ಕೊಟ್ಟಿರೋ ರಹಸ್ಯಗಳಲ್ಲಿ ಹತ್ತು ನಿಜಕ್ಕೂ ಎಲ್ಲರೂ ಕಲಿಯುವಂಥದ್ದು. ಕಡೇದು ಸ್ವಲ್ಪ ಸರಿಯಿಲ್ಲ. ಅವರಿಗೂ ಒಳ್ಳೇದಲ್ಲ, ನಮಗೂ ಒಳ್ಳೇದಲ್ಲ. ಆದ್ದರಿಂದ ಆ ಅಭ್ಯಾಸ ಬಿಟ್ಟುಬಿಡಿ ಅಂತ ಅಂತೆಕಂತೆ ತಂಡದಿಂದ ಈ ಮುಲಕ ಕೇಳ್ಕೋತಿದೀವಿ.

1. ಏನೇ ತಿಂದ್ರೂ ಮಿತಿ ಇರಲಿ ಅಂತಾರೆ ಸುದೀಪ್ 

"ನಿಮ್ಮ ದೇಹಕ್ಕೆ ಎಷ್ಟು ಆಹಾರ ಅಗತ್ಯ ಇದೆ ಅನ್ನೋದು ನಿಮಗೇ ಚೆನ್ನಾಗಿ ಗೊತ್ತಿರುತ್ತೆ. ಏನೇ ತಿಂದರೂ ಲಿಮಿಟ್ ಆಗಿ ತಿನ್ನಿ. ಅನಾವಶ್ಯಕವಾಗಿ ತಿಂದು ಮತ್ತೆ ಒದ್ದಾಡೋದು ಬೇಡ. ಮೊದಲೇ ಏನು ತಿನ್ನಬೇಕು ಎಷ್ಟು ತಿನ್ನಬೇಕು ಅನ್ನೋದು ಗೊತ್ತಿರ್ಲಿ. ನಮ್ಮ ದೇಹಕ್ಕೆ ಯಾವುದು ಒಳ್ಳೇದು, ಯಾವುದು ಹಿತ ಅನ್ನೋದು ನಮಗಷ್ಟೇ ಗೊತ್ತು" ಅಂತಾರೆ ಸುದೀಪ್. 

ಮೂಲ

2. ಸೈಕ್ಲಿಂಗ್ ಅಂದ್ರೆ ಅವರಿಗೆ ತುಂಬಾ ಇಷ್ಟ, ಶೂಟಿಂಗ್ ಸ್ಪಾಟ್ಗೂ ಸೈಕಲ್ ತಗೊಂಡ್ ಹೋಗ್ತಾರೆ

ಅವರು ಪ್ರತಿದಿನ ಸ್ಕಿಪ್ಪಿಂಗ್ ಮಾಡ್ತಾರೆ. ಒಮ್ಮೆ 250 ಸ್ಕಿಪ್ಸ್ ಮಾಡಿದ್ರೆ ದಿನಾ 2000 ಸ್ಕಿಪ್ಸ್ ಮಾಡೋದು ಅವರ ಹವ್ಯಾಸ ಮತ್ತೆ ಅಭ್ಯಾಸ. ಸುಸ್ತಾಗೋ ತನಕ ಸೈಕ್ಲಿಂಗ್ ಮಾಡ್ತಾರೆ. ಅವರ ಹತ್ರ ನಾಲ್ಕು ಸೈಕಲ್ ಗಳಿದ್ದು, ಆಗಾಗ ಶೂಟಿಂಗ್ ಸ್ಪಾಟ್ಗೂ ತಗೊಂಡ್ ಹೋಗ್ತಾರಂತೆ. 

ಮೂಲ

3. ಬೆಳಗ್ಗೆ 6 ರಿಂದ 7.30ರ ಒಳಗೆ ಎದ್ದೇಳೋ ಅಭ್ಯಾಸ ಇಟ್ಕೊಂಡಿದಾರೆ

ಇನ್ನು ವರ್ಷದಲ್ಲಿ ಒಂದಷ್ಟು ದಿನ ಫೀಲ್ಡಿಗೆ ಇಳಿದು ಕ್ರಿಕೆಟ್ ಆಡೋದು ಗೊತ್ತೇ ಇದೆ.  ಅದೆಲ್ಲಾ ಸರಿ ಸುದೀಪ್ ಏನೆಲ್ಲಾ ಡಯಟ್ ಮಾಡ್ತಾರೆ ಅಂದ್ರೆ. ಅವರಿಗೆ ಎಲ್ಲಾ ತರಹದ ಆಹಾರ ಇಷ್ಟ ಅಂತೆ. ಆದರೆ ಎಲ್ಲನೂ ಲಿಮಿಟೆಡ್. ರೈಸ್ ಮಟ್ಟೋದೇ ಇಲ್ಲ. ಬೆಳಗ್ಗೆ 6 ರಿಂದ 7.30ರ ಒಳಗೆ ಎದ್ದೇಳೋ ಅಭ್ಯಾಸ ಇಟ್ಕೊಂಡಿದ್ದಾರಂತೆ.

ಮೂಲ

4. ಸುದೀಪ್ಗೆ ಇಡ್ಲಿ, ಅನ್ನ ಎಲ್ಲ ಇಷ್ಟ ಆಗಲ್ಲ

ಬೆಳಗಿನ ತಿಂಡಿಗೆ ಒಂದೂವರೆ ದೋಸೆ ಆದರೆ ಸಾಕು. ಅದೂ ತುಂಬಾ ಕಮ್ಮಿ ಎಣ್ಣೆ ಹಾಕಿ ನಾನ್ ಸ್ಟಿಕ್ ತವಾ ಮೇಲೆ ಮಾಡಿರೋಂತ ದೋಸೆ ಆದರೆ ಮಾತ್ರ ತಿಂತಾರಂತೆ. ಇನ್ನು ಇಡ್ಲಿ ಎಂದರೆ ಅವರಿಗೆ ಆಗಲ್ಲ. ಅಮ್ಮ ಮಾಡಿದ ಅನ್ನ ಆದರೆ ಕೇವಲ ರುಚಿಗಾಗಿ ಒಂದು ಸ್ಫೂನ್ ಬಾಯಿಗೆ ಹಾಕಿಕೊಳ್ತಾರಂತೆ ಅಷ್ಟೇ.

ಮೂಲ

5. ಮಧ್ಯಾಹ್ನದ ಊಟಕ್ಕೆ ಒಂದು ರಾಗಿಮುದ್ದೆ ಒಂದು ಕಪ್ ಸಾರು ಸಾಕು

ಮಧ್ಯಾಹ್ನದ ಮೆನು ಕೇಳಿದರೆ ನೀವು ಬೆರಗಾಗ್ತೀರ. ಅಷ್ಟೆಲ್ಲಾ ಸಂಪಾದ್ನೆ ಮಾಡೋ ಬಿಗ್ ಸ್ಟಾರ್ ಚೈನೀಸೋ, ಫ್ರೆಂಚೋ, ವೆಸ್ಟರ್ನ್ ತಿಂಡಿ ತಿನಿಸುಗಳನ್ನ ಇಷ್ಟಪಡ್ಬೋದು ಅಂದ್ಕೊಂಡಿರ್ತೀರ. ಊಹುಂ ಬಿಲ್ ಕುಲ್ ಅಲ್ಲವೇ ಅಲ್ಲ. ಮಧ್ಯಾಹ್ನದ ಊಟಕ್ಕೆ ಒಂದು ರಾಗಿಮುದ್ದೆ ಒಂದು ಕಪ್ ಸಾರು ಸಾಕು.

ಮೂಲ

6. ಕಾಫಿ - ಟೀ ಅಂದ್ರೆ ಸುದೀಪ್ಗೆ ತುಂಬಾ ಇಷ್ಟ

ರಾತ್ರಿ ಊಟಕ್ಕೆ ರಾಗಿ ರೊಟ್ಟಿ ಅಥವಾ ಎರಡು ಚಪಾತಿ ಜೊತೆಗೆ ತರಕಾರಿ ಪಲ್ಯ. ಇದಿಲ್ಲದಿದ್ದರೆ ತಂದೂರಿ ಚಿಕನ್. ಗ್ರೇವಿ ಗೀವಿ ಎಲ್ಲಾ ಬಿಲ್ ಕುಲ್ ಮುಟ್ಟೋ ಪೈಕಿ ಅಲ್ಲ ಸುದೀಪ್. ಇದ್ಯಾವುದೂ ಇಲ್ಲಾ ಅಂದ್ರೆ ಸೀಫುಡ್ ಅಥವಾ ಚಿಕನ್ ಇದ್ರೆ ಸಾಕು. ಇನ್ನು ಸ್ನಾಕ್ಸ್ ಅಂತೀರೋ ತಾಜಾ ಹಣ್ಣುಗಳು ಹಾಗೂ ಜ್ಯೂಸ್ ಅಷ್ಟೇ. ಕಾಫಿ ಮತ್ತೆ ಟೀ ಅವರಿಗೆ ತುಂಬಾ ಇಷ್ಟ ಆಗಿರೋಂತ ಪಾನೀಯಗಳು. 

ಮೂಲ

7. ಅವರಿಗೆ ಯಾವ್ ತರ ಟೀ ಮಾಡ್ಕೊಡ್ಬೇಕು ಅಂತ ಅವರಮ್ಮ ಮತ್ತೆ ಹೆಂಡ್ತಿಗೆ ಮಾತ್ರ ಗೊತ್ತಂತೆ 

ಟೀ ಬಗೆಗಿನ ಅವರ ವರ್ಣನೆ ಕೇಳಿದರೆ ನೀವೂ ಒಂದು ಕಪ್ ಚಹಾ ಕುಡಿಲೇಬೇಕು ಅನ್ಕೋತೀರ. ಮಸಾಲ ಇಲ್ಲದಂತೆ ಕಡಿಮೆ ಪ್ರಮಾಣದ ಹಾಲು, ಹೆಚ್ಚಿಗೆ ನೀರು ಹಾಕಿ ಮಾಡಿದ ಹಬೆ ಆಡ್ತಾ ಇರೋಂತ ಟೀ ಅಂದ್ರೆ ಅವರಿಗೆ ಇಷ್ಟ. ಎಷ್ಟು  ಹಾಲು ಹಾಕ್ಬೇಕು ಎಷ್ಟು ನೀರು ಹಾಕಿ ಮಾಡಬೇಕು ಅನ್ನೋದ್ರ ಬಗ್ಗೆ ಅವರ ತಾಯಿ ಮತ್ತೆ ಹೆಂಡಗಿಗೆ ಮಾತ್ರ ಚೆನ್ನಾಗಿ ಗೊತ್ತಂತೆ. 

ಮೂಲ

8. ಕಾಫಿ-ಟೀ ವಿಚಾರದಲ್ಲಿ ಸುದೀಪ್ ಇಷ್ಟೇ ಕುಡೀಬೇಕು ಅಂತ ರೂಲೇನು ಇಟ್ಕೊಂಡಿಲ್ವಂತೆ

ಇನ್ನು ಫಿಲ್ಟರ್ ಕಾಫಿ ಅಂದ್ರೆ ಸಖತ್ ಇಷ್ಟ. ಕಾಫಿ ಟೀ ವಿಚಾರದಲ್ಲಿ ಮಾತ್ರ ಅವರು ಇಷ್ಟೇ ಕಪ್ ಕುಡಿಯಬೇಕು ಅನ್ನೋ ರೂಲೇನೂ ಹಾಕ್ಕೊಂಡಿಲ್ವಂತೆ. ಹೆಚ್ಚಾಗಿ ನೀರು ಕುಡೀತಾರೆ.

ಮೂಲ

9. ಸೂಪರ್ ಮಾರ್ಕೆಟ್ಟಲ್ಲಿ ಅವರು ತಗೊಳ್ಳೋದು ಬಿಸ್ಕೆಟ್, ಜ್ಯೂಸು, ಚಿಪ್ಸು, ಚಾಕೊಲೇಟ್

ಇನ್ನು ಸೂಪರ್ ಮಾರ್ಕೆಟ್‌ಗೆ ಹೋದ್ರೆ ಕಣ್ಣಿಗೆ ಬಿದ್ದಿದ್ದೆಲ್ಲಾ ಬ್ಯಾಸ್ಕೆಟ್‌ಗೆ ತುಂಬ್ಕೋತಾರೆ. ಬಿಸ್ಕೆಟ್, ಜ್ಯೂಸು, ಚಿಪ್ಸು, ಚಾಕೊಲೇಟ್... ಹೀಗೆ. ಮನೆಗೆ ಬಂದ ಅತಿಥಿಗಳಿಗೆ ಸರ್ವ್ ಮಾಡೋದು ಅಂದ್ರೆ ಅವರಿಗೆ ತುಂಬಾ ಇಷ್ಟ. ಇನ್ನು ವಿದೇಶಕ್ಕೆ ಹೋದ್ರೂ ಅಷ್ಟೆ. ಅಲ್ಲಿನ ಸೂಪರ್ ಮಾರ್ಕೆಟಲ್ಲಿ ಸಿಗೋಂತ ಸಾಸು, ಕೇಕು, ವಾಪರ್ಸ್ ಸೂಟ್‌ಕೇಸ್‌ಗಳಲ್ಲಿ ತುಂಬ್ಕೊಂಡ್ ಬರ್ತಾರೆ. ಇದನ್ನ ಬಿಟ್ಟು ಸೂಪರ್ ಮಾರ್ಕೆಟಲ್ಲಿ ಅವರು ಇನ್ನೇನು ತಗೊಳ್ಳಲ್ಲ. 

ಮೂಲ

10. ಇಂತದ್ದೇ ಶಾಂಪು, ಸೋಪು ಅಂತೇನಿಲ್ಲ ಕೈಗೆ ಸಿಕ್ಕಿದ್ದು ಉಪಯೋಗಿಸ್ತಾರೆ

ಇನ್ನು ಅವರು ಯಾವ ಶಾಂಪು, ಸೋಪ್ ಯೂಸ್ ಮಾಡ್ತಾರೆ ಅಂತ ಕೇಳಿದ್ರೆ  ಆಶ್ಚರ್ಯ ಆಗುತ್ತೆ. ನನ್ ಕೈಗೆ ಯಾವ ಸೋಪ್ ಸಿಗುತ್ತೋ ಅದನ್ನೇ ಯೂಸ್ ಮಾಡೋದು ಅಂತಾರೆ. 

ಮೂಲ

11. ಮೇಲಿಂದೆಲ್ಲ ಓಕೆ, ಆದ್ರೆ ಸುದೀಪ್ ನಿದ್ದೆ ಮಾಡೋದು ತುಂಬಾ ಕಡಿಮೆ… ಇದು ಅಷ್ಟು ಒಳ್ಳೇದಲ್ಲ

ಸುದೀಪ್ ಸಾಮಾನ್ಯವಾಗಿ ಹೆಚ್ಚಾಗಿ ನಿದ್ದೆ ಮಾಡಲ್ಲ. ಅಬ್ಬಬ್ಬಾ ಅಂದ್ರೆ ಕೇವಲ ನಾಲ್ಕು ಗಂಟೆ ಕಾಲ ಅಷ್ಟೇ. ನನ್ನ ದೇಹಕ್ಕೆ ಅಷ್ಟು ನಿದ್ದೆ ಸಾಕು ಅಂತಾರೆ ಕಿಚ್ಚ. ಆದರೆ ಇದು ನಿಜಕ್ಕೂ ಪಾಲಿಸುವಂತಹ ವಿಷಯ ಅಂತ ನಮಗೆ ಅನ್ನಿಸಲ್ಲ. ಸುದೀಪ್ ಏನಾದರೂ ಕೆಲಸದ ಒತ್ತಡದಿಂದ ಹೀಗೆ ಕಡಿಮೆ ನಿದ್ದೆ ಮಾಡ್ತಿದಾರಾ? ಇಷ್ಟು ಕಡಿಮೆ ನಿದ್ದೆ ಮಾಡಿದರೆ ದೇಹಕ್ಕೆ ಒಳ್ಳೇದಾ? ಅವರು ಅನ್ಕೊಂಡಿರೋಹಂಗೆ ನಿಜಕ್ಕೂ ಅಷ್ಟು ನಿದ್ದೆ ಅವರಿಗೆ ಸಾಕಾ? ಈ ತೀರ್ಮಾನ ಅವರೇ ಮಾಡೋದು ಸರೀನಾ ಅಥವಾ ಯಾರಾದರೂ ಡಾಕ್ಟರ್ ಹೇಳಿದಂಗೆ ಮಾಡೋದು ವಾಸಿ ನಾ? ನಮಗೇನೋ ಕಿಚ್ಚನ ಈ ಅಭ್ಯಾಸ ಅಷ್ಟು ಸರಿಯಿಲ್ಲ ಅನ್ನಿಸುತ್ತಿದೆ.'

ಮೂಲ

ಸುದೀಪಣ್ಣ, ನಿಮ್ಮ ಅಭಿಮಾನಿಗಳಾಗಿ ಹೇಳ್ತಾ ಇದೀವಿ… ದಯವಿಟ್ಟು ಇನ್ನಷ್ಟು ನಿದ್ದೆ ಮಾಡಿ… ಕಡಿಮೆ ಅಂದರೂ 6 ಗಂಟೆ ನಿದ್ದೆ ಎಲ್ಲರಿಗೂ ಬೇಕು, ನಿಮಗೂ ಬೇಕು. ಇದು ನಿಮ್ಮ ಆರೋಗ್ಯಕ್ಕೂ ಒಳ್ಳೇದು, ನಿಮ್ಮ ಕೋಟಿಗಟ್ಟಲೆ ಅಭಿಮಾನಿಗಳಿಗೂ ನೀವು ಕೊಡಬೇಕಾದ ಸರಿಯಾದ ಸಂದೇಶ… ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಒಂದಲ್ಲ ಒಂದ್ ರೀತೀಲಿ ದಿನಾ ಕರಿಬೇವು ತಿನ್ನೋರ್ಗೆ ಈ 11 ಲಾಭ ಗ್ಯಾರಂಟಿ

ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ಮ ಕರ್ನಾಟಕ ಏನು ಭಾರತದಲ್ಲಿ ಎಲಾ ಕಡೆ ಕರ್ಬೇವು ಇಲ್ದೆ ಅಡುಗೆನೇ ಮಾಡಲ್ಲ. ಹಿಂದಿನ ಕಾಲದಿಂದ್ಲೂ ಈ ಪದ್ದತಿ ನಡ್ಕೊಂಡು ಬಂದಿದೆ. ಒಗ್ಗರಣೆಗೆ ಕರ್ಬೇವು ಇಲ್ದೆ ಎಲ್ಲಾದ್ರು ಅಡುಗೆ ಮಾಡೊದುಂಟೆ? ಕರ್ಬೇವಿನಲ್ಲಿ ವಿಟಮಿನ್ ಏ, ವಿಟಮಿನ್ ಬಿ, ಬಿ2, ವಿಟಮಿನ್ ಸಿ, ಕ್ಯಾಲ್ಸಿಯಮ್ ಹಾಗೂ ಕಬ್ಬಿಣದಂಶ ಹೆಚ್ಚಾಗಿ ಇರತ್ತೆ. ಹೊಟ್ಟೆಯಲ್ಲಿ ತಿಂದಿದ್ದು ಅರಗಕ್ಕೆ ಬೇಕಾಗೋ ರಾಸಾಯನಿಕ ಕಿಣ್ವಗಳು ಉತ್ಪತ್ತಿ ಆಗೋ ಹಾಗೆ ಪ್ರಚೋದಿಸತ್ತೆ. ನಮ್ ದೇಶ ನೋಡ್ಕೊಂಡು ಬೇರೆ ದೇಶಗಳಲ್ಲಿ ಕೂಡ ಕರ್ಬೇವು ಉಪ್ಯೋಗಿಸಕ್ಕೆ ಶುರು ಮಾಡಿದ್ದಾರೆ. ಕರ್ಬೇವಿನ ಎಣ್ಣೆ ಕೂಡ ಬಳಕೆ ಮಾಡ್ತಾರೆ. 

ಮಕ್ಕಳಿಗಂತೂ ಕರ್ಬೇವು ಯಾಕಾದ್ರೂ ಹಾಕ್ತಾರೋ, ಬರೀ ತೆಗೆಯೋದೇ ಆಗೋಗತ್ತೆ ಅಂತ ಬೇಜಾರ್ ಮಾಡ್ಕೊತಾರೆ. ಮಕ್ಕಳಿಗೇನ್ ಗೊತ್ತು ಅಲ್ವಾ? ಕರ್ಬೇವಿನ ಒಳ್ಳೆ ಗುಣಗಳ ಬಗ್ಗೆ ಇಲ್ಲಿ ಓದಿ ನಿಮ್ಮ ಮಕ್ಕಳಿಗೂ ತಿಳಿಸಿಕೊಡಿ.

1. ರುಚಿ ಹತ್ತದೆ ಇರೋ ನಾಲಿಗೆಗೆ ಕಿಕ್ ಕೊಡತ್ತೆ

ಏನೋ ಹುಷಾರ್ ತಪ್ಪಿ ಸಿಕ್ಕಾಪಟ್ಟೆ ಆಂಟಿಬಯಾಟಿಕ್ಸ್ ಮಾತ್ರೆ ತೊಗೊಂಡ ನಂತರ ನಾಲಿಗೆ ಬೆಂಡಾಗಿರೋ ಅನುಭವ ಆಗತ್ತಲ್ಲ ಆಗ ಕರ್ಬೇವಿನ ಚಟ್ನಿ ಅಥವಾ ಮೊದಲನೆ ಅನ್ನದಲ್ಲಿ ಕರ್ಬೇವಿನ ಚಟ್ನಿಪುಡಿ ಹಾಕೊಂಡು ತಿಂದ್ರೆ ನಾಲಿಗೆಯ ರುಚಿ ಸರಿಹೋಗತ್ತೆ. ಕರಿಬೇವಿನ ಚಿತ್ರಾನ್ನ ಜ್ವರ ಬಂದು ಹೋದ ನಂತರ ತಿಂದ್ರೆ ಸಕತ್ ಕಿಕ್ ಕೊಡತ್ತೆ. ಟ್ರೈ ಮಾಡಿ ನೋಡಿ.

ತೀರ ರುಚಿನೇ ಹತ್ತಲ್ಲ, ಹಸಿವೇ ಇಲ್ಲ ಅಂತ ಅನ್ನಿಸಿದಾಗ ಕರ್ಬೇವು ಪೇಸ್ಟ್ ಮಾಡ್ಕೊಂಡು ಸ್ವಲ್ಪ ಜೀರಿಗೆ ಪುಡಿ ಮತ್ತೆ ಕಪ್ಪು ಉಪ್ಪನ್ನ ಮಿಕ್ಸ್ ಮಾಡಿ ಮಜ್ಜಿಗೆಗೆ ಹಾಕಿ ಕುಡಿದ್ರೆ ಹೊಟ್ಟೆಗೆ ಒಳ್ಳೇದು.

2. ಸಿಕ್ಕಾಪಟ್ಟೆ ಪಿತ್ತ ಆಗಿದ್ರೆ ಕಡಿಮೆ ಮಾಡತ್ತೆ

ಬೆಳಗ್ಗೆ ಎದ್ದಾಗ ಒಂಥರಾ ತಲೆ ಸುತ್ತೋದು ಅಥವಾ ವಾಂತಿ ಆಗೋ ಹಾಗೆ ಆದ್ರೆ ಅಥವಾ ಹಳದಿ ರಸ ವಾಂತಿ ಆದ್ರೆ ನಮ್ ಮೈನಲ್ಲಿ ಪಿತ್ತ ಜಾಸ್ತಿ ಆಗಿದೆ ಅಂತ ಅರ್ಥ. ಆಗ ಕರ್ಬೇವ್ ಉಪ್ಯೋಗ್ಸಿ ಕಡಿಮೆ ಮಾಡೊಬೋದು, ಹೇಗೆ ಅಂದ್ರೇ...

ಒಂದು  - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಹುರಿದ ಉದ್ದಿನ ಕಾಳು ಮತ್ತು ಸ್ವಲ್ಪ ಉಪ್ಪು ಸೇರ್ಸ್ಕೊಂಡು ಒಂದೆರಡು ದಿನ ಬೆಳಗ್ಗೆ ಎದ್ದ ತಕ್ಷಣ ತಿನ್ನೋದು. ತಲೆಸುತ್ತು ಹಾಗೆ ವಾಂತಿ ಕಡಿಮೆ ಆಗತ್ತೆ ಇದ್ರಿಂದ.

ಎರಡನೇದು - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಸ್ವಲ್ಪ ನಿಂಬೆ ಹುಳಿ ಹಿಂಡಿ, ಸ್ವಲ್ಪ ಸಕ್ಕರೆ ಸೇರ್ಸಿ ತೊಗೊಳ್ಳೊದು. ಇದು ಕೂಡ ಪಿತ್ತ ಕಡಿಮೆ ಮಾಡತ್ತೆ.

3. ಕಣ್ಣಿಗೆ ಶಕ್ತಿ ಕೊಡತ್ತೆ, ಪೊರೆ ಬರೋ ಅವಕಾಶ ಕಡಿಮೆ

ದೃಷ್ಟಿ ದೋಷ ಇದ್ರೆ ಕಡಿಮೆ ಮಾಡತ್ತೆ. ಅದಕ್ಕೆ ಹೇಳೋದು ಊಟ-ತಿಂಡಿಗೆ ಹಾಕಿರೋ ಕರ್ಬೇವ್ನ ತಿನ್ನಿ, ಬಿಸಾಕ್ಬೇಡಿ ಅಂತ ದೊಡ್ಡೋರು :-)

ವಿಟಮಿನ್ ಏ ಹೆಚ್ಚಾಗಿ ಇರೋದ್ರಿಂದ ಕಣ್ಣಿನ ಪೊರೆ ಬರಕ್ಕೆ ತೀರಾ ವಯಸ್ಸಾಗೋ ತನಕ ಅವಕಾಶ ಮಾಡ್ಕೊಡಲ್ಲ. ಇದಲ್ದೆ ಕರ್ಬೇವಲ್ಲಿರೋ ಫೋಲಿಕ್ ಆಸಿಡ್ ಅಂಶ ನಾವು ತಿನ್ನೋ ಇತರ ಅಹಾರದಿಂದ ಕಬ್ಬಿಣದ ಅಂಶನ ನಮ್ ದೇಹ ಹೀರ್ಕೊಳ್ಳೊ ಹಾಗೆ ಮಾಡತ್ತೆ. ಆಯುರ್ವೇದದಲ್ಲಿ ಕರ್ಬೇವಿನ ಎಲೆ ಜ್ಯೂಸ್ ಮಾಡಿ ಕಣ್ಣಿಗೆ ಹಾಕಿ ದೃಷ್ಟಿಹೀನತೆಯನ್ನ ಪರಿಹಾರ ಮಾಡೋ ಪದ್ದತಿ ಇದ್ಯಂತೆ.

4. ಅಜೀರ್ಣ, ಹೊಟ್ಟೆ ಹುಣ್ಣು ಕಡಿಮೆ ಮಾಡತ್ತೆ

ಕರ್ಬೇವು ನೋಡಕ್ಕೆ ಬರೀ ಎಲೆ ಆದ್ರೆ ಹೊಟ್ಟೆ ಒಳಗೆ ಹೋದ್ರೆ ಜೀರ್ಣ ಆಗಕ್ಕೆ ಬೇಕಾದ ರಾಸಾಯನಿಕನ ಬೇಗ ಉತ್ಪತ್ತಿ ಆಗೋ ಹಾಗೆ ಪ್ರಚೋದನೆ ಮಾಡತ್ತೆ. ಇದಲ್ಲದೆ ನಮ್ ಮೈನಲ್ಲಿ ಕೊಬ್ಬು ಶೇಖರಣೆ ಆಗಕ್ಕೆ ಬಿಡಲ್ಲ. ಕರಗಿಸತ್ತೆ ಅಂದ್ರೆ ಜೀರ್ಣ ಆಗೋ ಹಾಗೆ ಮಾಡೊ ಶಕ್ತಿ ಕರ್ಬೇವಿನಲ್ಲಿದೆ.

ಇದಕ್ಕೆ ಒಂದು ಮುಷ್ಟಿ ಕರ್ಬೇವಿನ ಎಲೆ+ಕೆಂಪು ಮೆಣಸಿನಕಾಯಿ ತೊಗೊಂಡು ಸ್ವಲ್ಪ ತುಪ್ಪದಲ್ಲಿ ಹುರಿದು, ಅದಕ್ಕೆ ಉಪ್ಪು ಮತ್ತು ಹುಣಸೆಹಣ್ಣು ಹಾಕಿ ಚಟ್ನಿ ಅಥವಾ ಚಟ್ನಿಪುಡಿ ಮಾಡ್ಕೊಂಡು ಬಿಸ್ಬಿಸಿ ಅನ್ನಕ್ಕೆ ಹಾಕೊಂಡು ಊಟ ಮಾಡಿ. ಅಥವಾ ಒಂದು ಲೋಟ ಮಜ್ಜಿಗೆಗೆ ಕರ್ಬೇವಿನ ಎಲೆ ಮತ್ತೆ ಸ್ವಲ್ಪ ಇಂಗು ಹಾಕೊಂಡು ಊಟದ ನಂತರ ಕುಡಿರಿ. ಅಜೀರ್ಣ, ಭೇದಿ, ಹೊಟ್ಟೆ ಉಬ್ರ, ವಾಂತಿ, ತಲೆಶೂಲೆ ಎಲ್ಲಾ ಕಡಿಮೆ ಆಗತ್ತೆ.

ಮೂಲವ್ಯಾಧಿಗೆ ಕರ್ಬೇವಿನ ಚಿಗುರು ಎಲೆಗಳ್ನ ಜೇನುತುಪ್ಪದಲ್ಲಿ ಅದ್ದಿ ತಿಂದ್ರೆ ಸ್ವಲ್ಪ ಅರಾಮ ಸಿಗತ್ತೆ.

 

5. ಹೇಳೋದೇ ಬೇಕಾಗಿಲ್ಲ, ಡಯಾಬಿಟಿಸ್ಗೆ ಹೇಳಿ ಮಾಡ್ಸಿದ ಔಷಧಿ

ಡಯಾಬಿಟೀಸ್ ಇರೋರ್ಗೆ ಮೈಕೈಯೆಲ್ಲಾ ನೋವಿರತ್ತೆ, ಹಾಗೆ ಅವಾಗವಾಗ ತಲೆ ಸುತ್ತು, ಸುಸ್ತು ಮತ್ತೆ ಕಣ್ಣು ಮಂಜಾಗೋದು, ಕತ್ಲು ಕಟ್ಟೊದು ಎಲ್ಲಾ ಇರೋರು ಅವಾಗವಾಗ ಸ್ವಲ್ಪ ಕರ್ಬೇವಿನ ಎಲೆ ಹಾಕೊಂಡು ಜಗಿದ್ರೆ ಸ್ವಲ್ಪ ಮಟ್ಟಿಗೆ ಉತ್ತಮ ಆಗತ್ತೆ.

ಅಯ್ಯೋ ನಂಗೆ ಡಯಾಬಿಟೀಸ್ ಹೆರಿಡಿಟರಿ, ನಮ್ಮ ಅಪ್ಪ ಅಮ್ಮಂಗೆ ಇತ್ತು ಅಂತ ಅಳೋರಿಗೆ ಬೆಳಗಾನೆ ಎದ್ದು ಈ ತರ ಮಾಡ್ಬೋದು.

--- 10 ಕರ್ಬೇವಿನ ಎಲೇನ ಮೂರು ತಿಂಗಳ ಕಾಲ ಎಡಬಿಡದೆ ತಿನ್ನೋದು.

--- ಕರ್ಬೇವ್ನ ಬಿಸಿಲಲ್ಲಿ ಒಣಗಿಸಿಕೊಂಡು ಅದರ ಕಷಾಯ ಕೂಡ ಅಗಾಗ್ಗೆ ಕುಡಿಯೋದು

--- ಕರ್ಬೇವಿನ ಎಲೆ ಜೊತೆ ಒಂದೆರಡು ಮೆಣಸಿನ ಕಾಳನ್ನ ಅಗಿಯೋದು

ಹೀಗ್ ಮಾಡಿರೆ ಸಕ್ಕರೆ ಮಟ್ಟ ಹತೋಟಿಗೆ ಬರೋದಲ್ಲ್ದೆ ಬೊಜ್ಜು ಕೂಡ ಕಡಿಮೆ ಆಗತ್ತಂತೆ.

6. ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ ಮೈನಲ್ಲಿ ಕೊಲೆಸ್ಟ್ರಾಲ್ ಜಾಸ್ತಿ ಆದ್ರೆ ಬೊಜ್ಜಿನ ಸಮಸ್ಯೆ, ಬ್ಲಡ್ ಪ್ರೆಶರ್ ಇನ್ನಿತರ ಖಾಯಿಲೆ ಬರತ್ತೆ ಅಲ್ವಾ. ಹಾಗಾಗಿ ನಾವು ಬಳಸೋ ಎಣ್ಣೆನ ಕೂಡ ಕರ್ಬೇವು ಹಾಕಿ ಕಾಯಿಸಿ ಶೋಧಿಸಿಟ್ಟುಕೊಂಡ್ರೆ ಎಣ್ಣೆಲಿರೋ ಕೊಲೆಸ್ಟ್ರಾಲ್ ಅಂಶ ಕಡಿಮೆಯಾಗತ್ತಂತೆ.

ಇದಕ್ಕೆ 1 kg ಅಡುಗೆ ಎಣ್ಣೇಲಿ 15-20 ಕರ್ಬೇವಿನ ಎಲೆ ಹಾಕಿ ರೆಡಿ ಮಾಡಿ. ಈ ಎಣ್ಣೇನ ಅಡುಗೆ ಮಾಡ್ಬೇಕಾದ್ರೆ ಉಪ್ಯೋಗ್ಸಿ.

ಕರ್ಬೇವಿನ ಎಣ್ಣೇನ ಸೋಪ್ ಮಾಡಕ್ಕೂ ಬಳಸ್ತಾರೆ.

7. ಭೇದಿ ನಿಲ್ಸಕ್ಕೆ ರಾಮಬಾಣ

40 gm ಕರ್ಬೇವು ಎಲೆ ತೊಗೊಂಡು, ಅದಕ್ಕೆ 10 gm ಜೀರಿಗೆ ಪುಡಿ ಹಾಕಿ ಕುಡೀಬೇಕು. ಆಮೇಲೆ ಒಂದು ಲೋಟ ಬೆಚ್ಚನೆಯ ನೀರನ್ನ ಕುಡೀಬೇಕು. 10 ನಿಮಿಷದ ನಂತರ ಒಂದು ಸ್ಪೂನ್ ಜೇನುತುಪ್ಪ ತಿನ್ಬೇಕು. ಹೀಗೆ ದಿನಕ್ಕೆ 3-4 ಟೈಮ್ ಮಾಡಿದರೆ ಭೇದಿ ನಿಲ್ಲತ್ತಂತೆ.

8. ಬಾಲನರೆ ತಡೆಯತ್ತೆ

ಹುಡ್ಗೂರು ಹುಡ್ಗೀರು ಇಬ್ರಿಗೂ ಈಗಿನ ಕಾಲದಲ್ಲಿ ಬಹಳ ಬೇಗ ಕೂದ್ಲು ನರೆ ಆಗೋದು ನೋಡ್ತಿದ್ದೀವಿ. ಅಂಥೋರು ಕರ್ಬೇವು ತಿಂದು ಕರ್ಬೇವು ತಲೆಗೆ ಹಚ್ಚ್ಕೊಂಡು ಬಿಳಿ ಕೂದ್ಲಾಗೋದನ್ನ ತಡಿಬೋದು. ತಲೆ ಹೊಟ್ಟು ಕೂಡ ಕಡಿಮೆ ಮಾಡ್ಕೊಬೋದು. ಹೀಗೆ ಮಾಡಿ:

ಒಂದು ಲೀಟರ್ ಕೊಬ್ಬರಿ ಎಣ್ಣೆ ಅಥವಾ ಎಳ್ಳೆಣ್ಣೆ ತೊಗೊಳ್ಳಿ. 10-20 ಕರ್ಬೇವಿನ ಎಲೆ ತೊಗೊಂಡು ಅದಕ್ಕೆ ಹಾಕಿ ಚೆನ್ನಾಗಿ ಒಲೆ ಮೇಲಿಟ್ಟು ಕಾಯಿಸಿ. ಕಾದ ಎಣ್ಣೆನ ಆರಕ್ಕೆ ಬಿಡಿ. ಆಮೇಲೆ ಬಾಟಲ್ನಲ್ಲಿ ತುಂಬಿಟ್ಟುಕೊಂಡು ತಲೆಸ್ನಾನ ಮಾಡೊ ಮುಂಚೆ ತಲೆ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ 15-20 ನಿಮಿಶ ಬಿಟ್ಬಿಡಿ. ನಂತರ ಸೀಗೆಕಾಯಿ ಅಥವಾ ಶಾಂಪೂ ಹಾಕಿ ತಲೆ ತೊಳೆದ್ರಾಯ್ತು! ವಾರಕ್ಕೆ ಒಂದೆರಡು ಬಾರಿ ಹೀಗೆ ಮಾಡಿದ್ರೆ ನರೆಕೂದ್ಲಾಗೋದನ್ನ ತಡಿಬೋದು.

ಇನ್ನೂ ಹೆಚ್ಚಿಗೆ ಮಾಡೊದಾದ್ರೆ ಇದೇ ಕೊಬ್ಬರಿ ಎಣ್ಣೆಗೆ ಕರ್ಬೇವ್ ಜೊತೆ ದಾಸವಾಳದ ಎಲೆ, ನಲ್ಲಿಕಾಯಿ ಹಾಗೂ ತುಳಸಿ ಎಲೆ ಹಾಕ್ಬೋದು.

9. ಮೂಳೆಗೆ ಬೇಕಾದ ಕ್ಯಾಲ್ಶಿಯಮ್ ಕೊಡತ್ತೆ

ಮೂಳೆ ಸೆವೆತದಿಂದ ಕಷ್ಟ ಪಡ್ತಿರೋರು ತಮ್ಮ ಊಟ ತಿಂಡೀಲಿ ಕರ್ಬೇವಿಗೆ ಆದ್ಯತೆ ಕೊಟ್ರೆ ಅದ್ರಿಂದ ಅವರ ದೇಹಕ್ಕೆ ಬೇಕಾದ ಕ್ಯಾಲ್ಶಿಯಮ್ ಪೂರೈಕೆ ಆಗತ್ತೆ.

10. ಮೊಡವೆ ಹೋಗ್ಸಿ ಚರ್ಮದ ಸೌಂದರ್ಯ ಹೆಚ್ಚಿಸತ್ತೆ

ಬೇಸಿಗೇಲಿ ಚರ್ಮದ ಮೇಲೆ ಚಿಕ್ಕ ಚಿಕ್ಕ ಗುಳ್ಲೆ ಏಳೋದುಂಟು. ಅದಕ್ಕೆ ಕರ್ಬೇವಿನ ಪೌಲ್ಟೀಸ್ ಅಥವಾ ಪೇಸ್ಟ್ ಹಚ್ಚಿದ್ರೆ ಬೇಗ ಉರಿ ಕಡಿಮೆ ಆಗಿ ಮಾಯತ್ತೆ.

ಕರ್ಬೇವ್ ಎಲೇನ ತೊಗೊಂಡು ಪೇಸ್ಟ್ ತರ ಮಾಡ್ಕೊಂಡು ಸ್ವಲ್ಪ ಅರಿಶಿನ ಮಿಕ್ಸ್ ಮಾಡಿ ಮುಖಕ್ಕೆ ಸ್ವಲ್ಪ ದಿನ ಹಚ್ಚುತ್ತಾ ಬಂದ್ರೆ ಮುಖದ ಚರ್ಮ ಸಿಕ್ಕಾಪಟ್ಟೆ ಕ್ಲೀನ್ ಅಂಡ್ ಕ್ಲಿಯರ್ ಆಗತ್ತೆ!

ಕರ್ಬೇವು ಗಿಡ ಕೂಡ ಹಣ್ಣು ಬಿಡತ್ತೆ. ಕಾಯಿ ಆಗಿದ್ದಾಗ ಹಸಿರು ಬಣ್ಣ, ಹಣ್ಣಾದಾಗ ನೇರಳೆ ಬಣ್ಣ ಇರತ್ತೆ. ಈ ಕಾಯಿ/ಹಣ್ಣಿನ ಜ್ಯೂಸ್ ತೊಗೊಂಡು ಅದಕ್ಕೆ ಸಮ ಪ್ರಮಾಣ ನಿಂಬೆ ರಸ ಹಾಕಿ ಹುಳ ಅಥವಾ ವಿಷದ ಹಾವು ಕಚ್ಚಿರೋ ಜಾಗಕ್ಕೆ ಹಚ್ಚಿದ್ರೆ ತಕ್ಷಣ ಉರಿ ಕಡಿಮೆ ಆಗತ್ತಂತೆ.

11. ಬಾಯಿ ದುರ್ವಾಸನೆ ವಸಡಿನ ಫಂಗಸ್ ಪ್ರಾಬ್ಲಂಗೂ ಕರ್ಬೇವು ಮದ್ದು

ಹಲ್ಲಿನ ಮೇಲೆ ಕೂತ್ಕೊಳೊ ಕೊಳೆ ಮತ್ತೆ ಅದ್ರಿಂದ ಉಂಟಾಗೋ ಕೆಟ್ಟ ವಾಸನೆನ ಕಡಿಮೆ ಮಾಡಕ್ಕೆ ಕರಿಬೇವು ಸಹಾಯ ಮಾಡತ್ತೆ. 

 

ನಿಮ್ಮ ದಿನನಿತ್ಯದ ಊಟ-ತಿಂಡೀಲಿ...ವಡೆ, ಚಿತ್ರಾನ್ನ, ಸಾರು, ಗೊಜ್ಜು, ತಂಬೂಳಿಗಳಿಗೆ ಕರ್ಬೇವು ಬಳಸುತ್ತಾ ಬನ್ನಿ. ಹಾಗೆ ಅದನ್ನ ಚೆಲ್ಲದೆ ತಿನ್ನೋ ಪ್ರಾಕ್ಟೀಸ್ ಕೂಡ ಮಾಡ್ಕೊಳ್ಳಿ ಅಂತ ಹೇಳಕ್ಕೆ ಮೇಲಿನ 11 ಕಾರಣಕ್ಕಿಂತ ಮತ್ತೇನ್ ಬೇಕು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: