ಜೀವನದಲ್ಲಿ ಮೇಲೆ ಬರಬೇಕಾದ್ರೆ ನಮಗೆ ನಾವೇ ಈ 9 ಮಾತು ಹೇಳ್ಕೋಬಾರ್ದು

ಅದರಿಂದ ಇನ್ನೂ ಕೆಳಗ್ ಹೋಗ್ತೀವಿ

ಬೇರೆಯೋರು ಯಾರಾದ್ರೂ ನಮಗೆ ತೊಂದರೆ ಆಗುವಂಥ ಮಾತು ಹೇಳುದ್ರೆ ಎಷ್ಟು ಬೇಜಾರಾಗುತ್ತೆ… ಆದರೆ ನಮಗೆ ನಾವೇ ಅಂಥ ಎಷ್ಟೋ ಮಾತು ಹೇಳ್ಕೋತೀವಲ್ಲ, ಅದರ ಬಗ್ಗೆ ಏನ್ ಮಾಡೋದು? ಅಂಥ 9 ಮಾತುಗಳ್ನ ಕೆಳಗೆ ಕೊಟ್ಟಿದೀವಿ, ಓದಿ ಇವುಗಳ್ನ ನಿಮ್ಮ ತಲೆಯಿಂದ ತೆಗೆದು ಹಾಕಿ!

1. "ಈ ಪರಿಸ್ಥಿತಿಗೆ ನಾನು ಹಿಂದೆ ಮಾಡಿದ್ದೇ ಕಾರಣ"

ನಿಮ್ಮ ನಿನ್ನೆ ಎಷ್ಟೇ ಕೆಟ್ಟದಾಗಿರಲಿ, ಅದಕ್ಕೊಂದು ಕಾರಣ ಇದೆ. ನೀವು ತಗೊಂಡಿರೋ ನಿರ್ಧಾರಗಳು ತಪ್ಪಾಗಿತ್ತು ಅಂತ ಇವತ್ತು ಕೊರಗೊದ್ರಿಂದ ನೀವು ಮತ್ತಷ್ಟು ತಪ್ಪು ಮಾಡ್ಬಹುದೇ ಹೊರತು ಹಿಂದಿನ ಘಟನೆಗಳನ್ನ ಬದಲಾಯಿಸೋಕೆ ಸಧ್ಯ ಇಲ್ಲ. ನಿನ್ನೆ ಬಗ್ಗೆ ಕೊರಗೋದರ ಬದಲು ಇಂದಿನಲ್ಲಿ ಜೀವನ ಮಾಡಿ ಜೀವನ ಇನ್ನೂ ಸುಖವಾಗಿರುತ್ತೆ.

ನೆನಪಿರಲಿ - ಈ ಕ್ಷಣದಲ್ಲಿ ಜೀವನ ಮಾಡಿ; ತಲೆ ತುಂಬ ನಿಮ್ಮ ಇತಿಹಾಸವೇ ತುಂಬ್ಕೊಂಡಿದ್ರೆ ಇವತ್ತು ಮಾಡಬೇಕಾಗಿರೋದ್ರಿಂದ ನಿಮ್ಮ ಸಮಯ ಕಿತ್ಕೊಂಡಂಗಾಗುತ್ತೆ.

ಮೂಲ

2. "ಅದನ್ನೆಲ್ಲ ಮಾಡಕ್ಕೆ ನನಗೆ ವಯಸ್ಸಾಗೋಯ್ತು"

ನಿಮಗೆ ಏನೇ ಇಷ್ಟಗಳಿದ್ರೂ ಅದನ್ನ ಮಾಡೋಕೆ ಜೀವನದ ಯಾವುದೇ ಸಮಯದಲ್ಲಿ ಸಾಧ್ಯ ಇದೆ. ಯಾವ ಕೆಲಸ ಮಾಡೋಕು ನಿಮಗೆ ಇನ್ನು ಅವಕಾಶ ಇದೆ ಅಂತ ನೆನಪಿರಲಿ

ನಿಮಗೆ ಗೊತ್ತಿದ್ಯಾ? ನೆಲ್ಸನ್ ಮಂಡೇಲ ಅವ್ರು ಪ್ರಧಾನಿ ಆದಾಗ ಅವರ ವಯಸ್ಸು 76 ಆಗಿತ್ತು. ಜದದ್ವಿಖ್ಯಾತ ಮೊನ ಲೀಸ ಚಿತ್ರ ಬಿಡಿಸಿದಾಗ ಡಾ ವಿಂಚಿಗೆ ವಯಸ್ಸು 51 ಆಗಿತ್ತು.

ಇವರಿಗೆಲ್ಲ ಸಾಧ್ಯವಾದಾಗ ನಿಮಗ್ಯಾಕೆ ಸಾಧ್ಯ ಆಗೊಲ್ಲ? ನಿಮ್ಮ ಯೋಚನೆ ನಿಮಗೆಂದೂ ಮುಳುವಾಗದಿರಲಿ.

ನೆನಪಿರಲಿ - ವಯಸ್ಸು ಎಷ್ಟಾಗಿದ್ದರೂ ನಿಮಗೆ ಮನಸ್ಸಿದ್ರೆ ಏನು ಬೇಕಾದ್ರೂ ಮಾಡಬಹುದು.

ಮೂಲ

3. "ನನ್ನ ಹಣೇಲಿ ದುಡ್ಡು ಬರೆದಿಲ್ಲ"

ಜೀವನದಲ್ಲಿ ದುಡ್ಡೇ ಎಲ್ಲ ಅಲ್ಲ, ಆದರೆ ದುಡ್ಡೂ ಮುಖ್ಯ. ಜೀವನದ ಪ್ರತಿ ಕ್ಷಣನ ದುಡ್ಡಿಗಾಗಿ ಕಳೆದ್ರೆ ಸುಖ ಸಿಗಲ್ಲ. ಹಾಗಂತ ದುಡ್ಡಿನ ಜೊತೆ ಹಗೆತನ ಕಟ್ಕೋಬೇಡಿ.

ನೆನಪಿರಲಿ - ಚಿಕ್ಕದಾಗಿ ಶುರು ಮಾಡ್ಕೊಂಡ್ರೂ ಪರವಾಗಿಲ್ಲ, ದೊಡ್ಡ ದೊಡ್ಡ ಕನಸು ಕಾಣ್ರಿ.

ಮೂಲ

4. "ನನಗೆ _____ ಸಿಕ್ಕಾಗಲೇ ಜೀವನದಲ್ಲಿ ಸಂತೋಷ ಸಿಗೋದು"

ಯಾವುದೋ ವಸ್ತು, ವ್ಯಕ್ತಿ  ಅಥವಾ ವಿಷಯ ನಿಮಗೆ ಖುಷಿ ತರಲಾರದು. ಖುಷಿ ಅನ್ನೋದು ಮನುಷ್ಯನ ಮನಸ್ಸಿನಲ್ಲಿದೆ ಅದನ್ನ ಹೊರಗಡೆ ಹುಡುಕೋದ್ರಲ್ಲಿ ಅರ್ಥ ಇಲ್ಲ.

ನೆನಪಿರಲಿ - ಸಂತೋಷ ಒಂದು ಮನಃಸ್ಥಿತಿ ಮಾತ್ರ. ಅದಕ್ಕೆ ಯಾವುದೇ ಹೊರಗಿನ ವಸ್ತು ಬೇಕಗಿಲ್ಲ.

ಮೂಲ

5. "ಅದನ್ನ ಆಮೇಲೆ ಮಾಡ್ಬೋದು"

ನಮಗೆ ಇಷ್ಟ ಆಗೋದನ್ನ ಆಗಲೇ ಮಾಡಿ. ನಾಳೆ ಮಾಡೋಣ ಅಂತ ಮುಂದೂಡಿದ್ರೆ ಆ ನಾಳೆ ನಿಮ್ಮ ಬಾಳಲ್ಲಿ ಬರದೇ ಹೋಗಬಹುದು. 

ನೆನಪಿರಲಿ - ಎಲ್ಲ ಸರಿ ಹೋಗೋ ತನಕ ಕಾಯ್ತೀನಿ, ಆಮೇಲೆ ಮಾಡ್ತೀನಿ ಅನ್ನೋದಾದ್ರೆ ಆ ದಿನ ಎಂದಿಗೂ ಬರದೆ ಇರಬಹುದು.

ಮೂಲ

6. "ಪ್ರಯತ್ನ ಮಾಡಿದರೂ ಗೆಲ್ಲಲಿಲ್ಲ, ಆದ್ದರಿಂದ ನಾನೋಬ್ಬ ವೇಸ್ಟು"

ಒಂದೆರಡು ಬಾರಿ ನಿಮ್ಮ ಪ್ರಯತ್ನ ವಿಫಲ ಆದ ಮಾತ್ರಕ್ಕೆ ನೀವು ಸೋತಂತಲ್ಲ. ನೀವು ನಿಜವಾಗ್ಲೂ ಸೋಲೋದು ಪ್ರಯತ್ನ ಮಾಡೋದನ್ನ ನಿಲ್ಲಿಸಿದಾಗ.

ನೆನಪಿರಲಿ - ನಿಮ್ಮ ಪ್ರತೀ ಪ್ರಯತ್ನ ನಿಮಗೊಂದು ಹೊಸತನ್ನ ತಿಳಿಸಿಕೊಡುತ್ತೆ. ಆ ಕಲಿಕೆಯೆಲ್ಲ ಸೇರಿ ಕೊನೆಗೆ ಗೆದ್ದೇ ಗೆಲ್ತೀರಿ.

ಮೂಲ

7. "ನನ್ನ ಯಾರೂ ಅರ್ಥ ಮಾಡ್ಕೊಳಲ್ಲ"

ಯಾರಿಗೂ ನನ್ನ ಮನಸ್ಸು ಅರ್ಥ ಮಾಡ್ಕೋಳೋಕೆ ಆಗಲ್ಲ ಅಂತ ಕೊರಗೋ ಬದಲು ನಿಮ್ಮನ್ನ ನೀವು ಅರ್ಥ ಮಾಡಿಕೊಂಡು ಮುನ್ನುಗ್ಗೋ ಪ್ರಯತ್ನ ಮಾಡಿ.

ನೆನಪಿರಲಿ - ನಿಮ್ಮ ತರಹಾನೇ ಯೋಚನೆ ಮಾಡೋರ ಹತ್ತಿರ ಮಾತಾಡಬೇಕು ಅಂತೇನಿಲ್ಲ. ಬೇರೆ ರೀತಿಯಲ್ಲಿ ಯೋಚನೆ ಮಾಡೋರಿಂದಲೂ ಸಾಕಷ್ಟು ಕಲಿಯಬಹುದು.

ಮೂಲ

8. "ನಾನೇನು ಅವರ ತರಹ ನಾ? ನನ್ನ ಕೈಲಿ ಈ ಕೆಲಸ ಮಾಡೋಕಾಗಲ್ಲ"

ಮಿಕ್ಕವರಿಗಿರೋ ಅವಕಾಶಗಳು ನನಗಿಲ್ಲ, ನನ್ನಿಂದ ಏನೂ ಮಾಡೋಕಾಗಲ್ಲ ಅನ್ನೋ ಯೋಚ್ನೆ ಬಿಡಿ. ಸಕಾರಾತ್ಮಕವಾಗಿ ಚಿಂತಿಸಿ, ಆಗ ಅವರಲ್ಲಿ ಎಷ್ಟೋ ಜನರು ಸೊನ್ನೆಯಿಂದ ಶುರು ಮಾಡಿರೋದು ನಿಮಗೆ ಕಾಣುತ್ತೆ. ನೀವ್ಯಾಕೆ ಹಾಗೇ ಆಗಬಾರದು?

ನೆನಪಿರಲಿ - ಅವರ ಕೈಯಲ್ಲಿ ಆಗುತ್ತೆ ಅನ್ನೋದಾದ್ರೆ ನನ್ನ ಕೈಯಲ್ಲೂ ಆಗುತ್ತೆ ಅಂತ ಅನ್ಕೊಳಕ್ಕೆ ಶುರು ಮಾಡಿ. ಇದು ನಿಜ.

ಮೂಲ

9. "ನನ್ನ ವ್ಯಕ್ತಿತ್ವದ ಕೆಲವು ದೋಷಗಳಿಂದ ನಾನು ಮೇಲೆ ಬರಕ್ಕಾಗಲ್ಲ"

ನಿಮಗೆ ನಿಮ್ಮ ಬಗ್ಗೆ ಕೀಳರಿಮೆ ಇದ್ರೆ ಅದು ನೀವು ಯೋಚಿಸೋ ರೀತಿ ಅಷ್ಟೇ ವಾಸ್ತವ ಅಲ್ಲ. ಅಷ್ಟೇ ಅಲ್ಲ, ಎಲ್ಲರ ವ್ಯಕ್ತಿತ್ವದಲ್ಲೂ ದೋಷಗಳಿರುತ್ತವೆ. ಅವುಗಳಿಂದಲೇ ಅವರು ಅವರಾಗೋದು. ಚಂದ್ರನ ಮೇಲೆ ಕಲೆ ಇಲ್ಲವಾ? ಕಲೆ ಇಲ್ಲದಿರೋ ಚಂದ್ರ ಚಂದ್ರ ನಾ?

ನೆನಪಿರಲಿ - ನೀವು ಯಾವುದನ್ನ ದೋಷ ಅನ್ತಿದೀರೋ ಅದು ಎಲ್ಲರಿಗೂ ಇದೆ

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಒಂದಲ್ಲ ಒಂದ್ ರೀತೀಲಿ ದಿನಾ ಕರಿಬೇವು ತಿನ್ನೋರ್ಗೆ ಈ 11 ಲಾಭ ಗ್ಯಾರಂಟಿ

ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ಮ ಕರ್ನಾಟಕ ಏನು ಭಾರತದಲ್ಲಿ ಎಲಾ ಕಡೆ ಕರ್ಬೇವು ಇಲ್ದೆ ಅಡುಗೆನೇ ಮಾಡಲ್ಲ. ಹಿಂದಿನ ಕಾಲದಿಂದ್ಲೂ ಈ ಪದ್ದತಿ ನಡ್ಕೊಂಡು ಬಂದಿದೆ. ಒಗ್ಗರಣೆಗೆ ಕರ್ಬೇವು ಇಲ್ದೆ ಎಲ್ಲಾದ್ರು ಅಡುಗೆ ಮಾಡೊದುಂಟೆ? ಕರ್ಬೇವಿನಲ್ಲಿ ವಿಟಮಿನ್ ಏ, ವಿಟಮಿನ್ ಬಿ, ಬಿ2, ವಿಟಮಿನ್ ಸಿ, ಕ್ಯಾಲ್ಸಿಯಮ್ ಹಾಗೂ ಕಬ್ಬಿಣದಂಶ ಹೆಚ್ಚಾಗಿ ಇರತ್ತೆ. ಹೊಟ್ಟೆಯಲ್ಲಿ ತಿಂದಿದ್ದು ಅರಗಕ್ಕೆ ಬೇಕಾಗೋ ರಾಸಾಯನಿಕ ಕಿಣ್ವಗಳು ಉತ್ಪತ್ತಿ ಆಗೋ ಹಾಗೆ ಪ್ರಚೋದಿಸತ್ತೆ. ನಮ್ ದೇಶ ನೋಡ್ಕೊಂಡು ಬೇರೆ ದೇಶಗಳಲ್ಲಿ ಕೂಡ ಕರ್ಬೇವು ಉಪ್ಯೋಗಿಸಕ್ಕೆ ಶುರು ಮಾಡಿದ್ದಾರೆ. ಕರ್ಬೇವಿನ ಎಣ್ಣೆ ಕೂಡ ಬಳಕೆ ಮಾಡ್ತಾರೆ. 

ಮಕ್ಕಳಿಗಂತೂ ಕರ್ಬೇವು ಯಾಕಾದ್ರೂ ಹಾಕ್ತಾರೋ, ಬರೀ ತೆಗೆಯೋದೇ ಆಗೋಗತ್ತೆ ಅಂತ ಬೇಜಾರ್ ಮಾಡ್ಕೊತಾರೆ. ಮಕ್ಕಳಿಗೇನ್ ಗೊತ್ತು ಅಲ್ವಾ? ಕರ್ಬೇವಿನ ಒಳ್ಳೆ ಗುಣಗಳ ಬಗ್ಗೆ ಇಲ್ಲಿ ಓದಿ ನಿಮ್ಮ ಮಕ್ಕಳಿಗೂ ತಿಳಿಸಿಕೊಡಿ.

1. ರುಚಿ ಹತ್ತದೆ ಇರೋ ನಾಲಿಗೆಗೆ ಕಿಕ್ ಕೊಡತ್ತೆ

ಏನೋ ಹುಷಾರ್ ತಪ್ಪಿ ಸಿಕ್ಕಾಪಟ್ಟೆ ಆಂಟಿಬಯಾಟಿಕ್ಸ್ ಮಾತ್ರೆ ತೊಗೊಂಡ ನಂತರ ನಾಲಿಗೆ ಬೆಂಡಾಗಿರೋ ಅನುಭವ ಆಗತ್ತಲ್ಲ ಆಗ ಕರ್ಬೇವಿನ ಚಟ್ನಿ ಅಥವಾ ಮೊದಲನೆ ಅನ್ನದಲ್ಲಿ ಕರ್ಬೇವಿನ ಚಟ್ನಿಪುಡಿ ಹಾಕೊಂಡು ತಿಂದ್ರೆ ನಾಲಿಗೆಯ ರುಚಿ ಸರಿಹೋಗತ್ತೆ. ಕರಿಬೇವಿನ ಚಿತ್ರಾನ್ನ ಜ್ವರ ಬಂದು ಹೋದ ನಂತರ ತಿಂದ್ರೆ ಸಕತ್ ಕಿಕ್ ಕೊಡತ್ತೆ. ಟ್ರೈ ಮಾಡಿ ನೋಡಿ.

ತೀರ ರುಚಿನೇ ಹತ್ತಲ್ಲ, ಹಸಿವೇ ಇಲ್ಲ ಅಂತ ಅನ್ನಿಸಿದಾಗ ಕರ್ಬೇವು ಪೇಸ್ಟ್ ಮಾಡ್ಕೊಂಡು ಸ್ವಲ್ಪ ಜೀರಿಗೆ ಪುಡಿ ಮತ್ತೆ ಕಪ್ಪು ಉಪ್ಪನ್ನ ಮಿಕ್ಸ್ ಮಾಡಿ ಮಜ್ಜಿಗೆಗೆ ಹಾಕಿ ಕುಡಿದ್ರೆ ಹೊಟ್ಟೆಗೆ ಒಳ್ಳೇದು.

2. ಸಿಕ್ಕಾಪಟ್ಟೆ ಪಿತ್ತ ಆಗಿದ್ರೆ ಕಡಿಮೆ ಮಾಡತ್ತೆ

ಬೆಳಗ್ಗೆ ಎದ್ದಾಗ ಒಂಥರಾ ತಲೆ ಸುತ್ತೋದು ಅಥವಾ ವಾಂತಿ ಆಗೋ ಹಾಗೆ ಆದ್ರೆ ಅಥವಾ ಹಳದಿ ರಸ ವಾಂತಿ ಆದ್ರೆ ನಮ್ ಮೈನಲ್ಲಿ ಪಿತ್ತ ಜಾಸ್ತಿ ಆಗಿದೆ ಅಂತ ಅರ್ಥ. ಆಗ ಕರ್ಬೇವ್ ಉಪ್ಯೋಗ್ಸಿ ಕಡಿಮೆ ಮಾಡೊಬೋದು, ಹೇಗೆ ಅಂದ್ರೇ...

ಒಂದು  - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಹುರಿದ ಉದ್ದಿನ ಕಾಳು ಮತ್ತು ಸ್ವಲ್ಪ ಉಪ್ಪು ಸೇರ್ಸ್ಕೊಂಡು ಒಂದೆರಡು ದಿನ ಬೆಳಗ್ಗೆ ಎದ್ದ ತಕ್ಷಣ ತಿನ್ನೋದು. ತಲೆಸುತ್ತು ಹಾಗೆ ವಾಂತಿ ಕಡಿಮೆ ಆಗತ್ತೆ ಇದ್ರಿಂದ.

ಎರಡನೇದು - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಸ್ವಲ್ಪ ನಿಂಬೆ ಹುಳಿ ಹಿಂಡಿ, ಸ್ವಲ್ಪ ಸಕ್ಕರೆ ಸೇರ್ಸಿ ತೊಗೊಳ್ಳೊದು. ಇದು ಕೂಡ ಪಿತ್ತ ಕಡಿಮೆ ಮಾಡತ್ತೆ.

3. ಕಣ್ಣಿಗೆ ಶಕ್ತಿ ಕೊಡತ್ತೆ, ಪೊರೆ ಬರೋ ಅವಕಾಶ ಕಡಿಮೆ

ದೃಷ್ಟಿ ದೋಷ ಇದ್ರೆ ಕಡಿಮೆ ಮಾಡತ್ತೆ. ಅದಕ್ಕೆ ಹೇಳೋದು ಊಟ-ತಿಂಡಿಗೆ ಹಾಕಿರೋ ಕರ್ಬೇವ್ನ ತಿನ್ನಿ, ಬಿಸಾಕ್ಬೇಡಿ ಅಂತ ದೊಡ್ಡೋರು :-)

ವಿಟಮಿನ್ ಏ ಹೆಚ್ಚಾಗಿ ಇರೋದ್ರಿಂದ ಕಣ್ಣಿನ ಪೊರೆ ಬರಕ್ಕೆ ತೀರಾ ವಯಸ್ಸಾಗೋ ತನಕ ಅವಕಾಶ ಮಾಡ್ಕೊಡಲ್ಲ. ಇದಲ್ದೆ ಕರ್ಬೇವಲ್ಲಿರೋ ಫೋಲಿಕ್ ಆಸಿಡ್ ಅಂಶ ನಾವು ತಿನ್ನೋ ಇತರ ಅಹಾರದಿಂದ ಕಬ್ಬಿಣದ ಅಂಶನ ನಮ್ ದೇಹ ಹೀರ್ಕೊಳ್ಳೊ ಹಾಗೆ ಮಾಡತ್ತೆ. ಆಯುರ್ವೇದದಲ್ಲಿ ಕರ್ಬೇವಿನ ಎಲೆ ಜ್ಯೂಸ್ ಮಾಡಿ ಕಣ್ಣಿಗೆ ಹಾಕಿ ದೃಷ್ಟಿಹೀನತೆಯನ್ನ ಪರಿಹಾರ ಮಾಡೋ ಪದ್ದತಿ ಇದ್ಯಂತೆ.

4. ಅಜೀರ್ಣ, ಹೊಟ್ಟೆ ಹುಣ್ಣು ಕಡಿಮೆ ಮಾಡತ್ತೆ

ಕರ್ಬೇವು ನೋಡಕ್ಕೆ ಬರೀ ಎಲೆ ಆದ್ರೆ ಹೊಟ್ಟೆ ಒಳಗೆ ಹೋದ್ರೆ ಜೀರ್ಣ ಆಗಕ್ಕೆ ಬೇಕಾದ ರಾಸಾಯನಿಕನ ಬೇಗ ಉತ್ಪತ್ತಿ ಆಗೋ ಹಾಗೆ ಪ್ರಚೋದನೆ ಮಾಡತ್ತೆ. ಇದಲ್ಲದೆ ನಮ್ ಮೈನಲ್ಲಿ ಕೊಬ್ಬು ಶೇಖರಣೆ ಆಗಕ್ಕೆ ಬಿಡಲ್ಲ. ಕರಗಿಸತ್ತೆ ಅಂದ್ರೆ ಜೀರ್ಣ ಆಗೋ ಹಾಗೆ ಮಾಡೊ ಶಕ್ತಿ ಕರ್ಬೇವಿನಲ್ಲಿದೆ.

ಇದಕ್ಕೆ ಒಂದು ಮುಷ್ಟಿ ಕರ್ಬೇವಿನ ಎಲೆ+ಕೆಂಪು ಮೆಣಸಿನಕಾಯಿ ತೊಗೊಂಡು ಸ್ವಲ್ಪ ತುಪ್ಪದಲ್ಲಿ ಹುರಿದು, ಅದಕ್ಕೆ ಉಪ್ಪು ಮತ್ತು ಹುಣಸೆಹಣ್ಣು ಹಾಕಿ ಚಟ್ನಿ ಅಥವಾ ಚಟ್ನಿಪುಡಿ ಮಾಡ್ಕೊಂಡು ಬಿಸ್ಬಿಸಿ ಅನ್ನಕ್ಕೆ ಹಾಕೊಂಡು ಊಟ ಮಾಡಿ. ಅಥವಾ ಒಂದು ಲೋಟ ಮಜ್ಜಿಗೆಗೆ ಕರ್ಬೇವಿನ ಎಲೆ ಮತ್ತೆ ಸ್ವಲ್ಪ ಇಂಗು ಹಾಕೊಂಡು ಊಟದ ನಂತರ ಕುಡಿರಿ. ಅಜೀರ್ಣ, ಭೇದಿ, ಹೊಟ್ಟೆ ಉಬ್ರ, ವಾಂತಿ, ತಲೆಶೂಲೆ ಎಲ್ಲಾ ಕಡಿಮೆ ಆಗತ್ತೆ.

ಮೂಲವ್ಯಾಧಿಗೆ ಕರ್ಬೇವಿನ ಚಿಗುರು ಎಲೆಗಳ್ನ ಜೇನುತುಪ್ಪದಲ್ಲಿ ಅದ್ದಿ ತಿಂದ್ರೆ ಸ್ವಲ್ಪ ಅರಾಮ ಸಿಗತ್ತೆ.

 

5. ಹೇಳೋದೇ ಬೇಕಾಗಿಲ್ಲ, ಡಯಾಬಿಟಿಸ್ಗೆ ಹೇಳಿ ಮಾಡ್ಸಿದ ಔಷಧಿ

ಡಯಾಬಿಟೀಸ್ ಇರೋರ್ಗೆ ಮೈಕೈಯೆಲ್ಲಾ ನೋವಿರತ್ತೆ, ಹಾಗೆ ಅವಾಗವಾಗ ತಲೆ ಸುತ್ತು, ಸುಸ್ತು ಮತ್ತೆ ಕಣ್ಣು ಮಂಜಾಗೋದು, ಕತ್ಲು ಕಟ್ಟೊದು ಎಲ್ಲಾ ಇರೋರು ಅವಾಗವಾಗ ಸ್ವಲ್ಪ ಕರ್ಬೇವಿನ ಎಲೆ ಹಾಕೊಂಡು ಜಗಿದ್ರೆ ಸ್ವಲ್ಪ ಮಟ್ಟಿಗೆ ಉತ್ತಮ ಆಗತ್ತೆ.

ಅಯ್ಯೋ ನಂಗೆ ಡಯಾಬಿಟೀಸ್ ಹೆರಿಡಿಟರಿ, ನಮ್ಮ ಅಪ್ಪ ಅಮ್ಮಂಗೆ ಇತ್ತು ಅಂತ ಅಳೋರಿಗೆ ಬೆಳಗಾನೆ ಎದ್ದು ಈ ತರ ಮಾಡ್ಬೋದು.

--- 10 ಕರ್ಬೇವಿನ ಎಲೇನ ಮೂರು ತಿಂಗಳ ಕಾಲ ಎಡಬಿಡದೆ ತಿನ್ನೋದು.

--- ಕರ್ಬೇವ್ನ ಬಿಸಿಲಲ್ಲಿ ಒಣಗಿಸಿಕೊಂಡು ಅದರ ಕಷಾಯ ಕೂಡ ಅಗಾಗ್ಗೆ ಕುಡಿಯೋದು

--- ಕರ್ಬೇವಿನ ಎಲೆ ಜೊತೆ ಒಂದೆರಡು ಮೆಣಸಿನ ಕಾಳನ್ನ ಅಗಿಯೋದು

ಹೀಗ್ ಮಾಡಿರೆ ಸಕ್ಕರೆ ಮಟ್ಟ ಹತೋಟಿಗೆ ಬರೋದಲ್ಲ್ದೆ ಬೊಜ್ಜು ಕೂಡ ಕಡಿಮೆ ಆಗತ್ತಂತೆ.

6. ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ ಮೈನಲ್ಲಿ ಕೊಲೆಸ್ಟ್ರಾಲ್ ಜಾಸ್ತಿ ಆದ್ರೆ ಬೊಜ್ಜಿನ ಸಮಸ್ಯೆ, ಬ್ಲಡ್ ಪ್ರೆಶರ್ ಇನ್ನಿತರ ಖಾಯಿಲೆ ಬರತ್ತೆ ಅಲ್ವಾ. ಹಾಗಾಗಿ ನಾವು ಬಳಸೋ ಎಣ್ಣೆನ ಕೂಡ ಕರ್ಬೇವು ಹಾಕಿ ಕಾಯಿಸಿ ಶೋಧಿಸಿಟ್ಟುಕೊಂಡ್ರೆ ಎಣ್ಣೆಲಿರೋ ಕೊಲೆಸ್ಟ್ರಾಲ್ ಅಂಶ ಕಡಿಮೆಯಾಗತ್ತಂತೆ.

ಇದಕ್ಕೆ 1 kg ಅಡುಗೆ ಎಣ್ಣೇಲಿ 15-20 ಕರ್ಬೇವಿನ ಎಲೆ ಹಾಕಿ ರೆಡಿ ಮಾಡಿ. ಈ ಎಣ್ಣೇನ ಅಡುಗೆ ಮಾಡ್ಬೇಕಾದ್ರೆ ಉಪ್ಯೋಗ್ಸಿ.

ಕರ್ಬೇವಿನ ಎಣ್ಣೇನ ಸೋಪ್ ಮಾಡಕ್ಕೂ ಬಳಸ್ತಾರೆ.

7. ಭೇದಿ ನಿಲ್ಸಕ್ಕೆ ರಾಮಬಾಣ

40 gm ಕರ್ಬೇವು ಎಲೆ ತೊಗೊಂಡು, ಅದಕ್ಕೆ 10 gm ಜೀರಿಗೆ ಪುಡಿ ಹಾಕಿ ಕುಡೀಬೇಕು. ಆಮೇಲೆ ಒಂದು ಲೋಟ ಬೆಚ್ಚನೆಯ ನೀರನ್ನ ಕುಡೀಬೇಕು. 10 ನಿಮಿಷದ ನಂತರ ಒಂದು ಸ್ಪೂನ್ ಜೇನುತುಪ್ಪ ತಿನ್ಬೇಕು. ಹೀಗೆ ದಿನಕ್ಕೆ 3-4 ಟೈಮ್ ಮಾಡಿದರೆ ಭೇದಿ ನಿಲ್ಲತ್ತಂತೆ.

8. ಬಾಲನರೆ ತಡೆಯತ್ತೆ

ಹುಡ್ಗೂರು ಹುಡ್ಗೀರು ಇಬ್ರಿಗೂ ಈಗಿನ ಕಾಲದಲ್ಲಿ ಬಹಳ ಬೇಗ ಕೂದ್ಲು ನರೆ ಆಗೋದು ನೋಡ್ತಿದ್ದೀವಿ. ಅಂಥೋರು ಕರ್ಬೇವು ತಿಂದು ಕರ್ಬೇವು ತಲೆಗೆ ಹಚ್ಚ್ಕೊಂಡು ಬಿಳಿ ಕೂದ್ಲಾಗೋದನ್ನ ತಡಿಬೋದು. ತಲೆ ಹೊಟ್ಟು ಕೂಡ ಕಡಿಮೆ ಮಾಡ್ಕೊಬೋದು. ಹೀಗೆ ಮಾಡಿ:

ಒಂದು ಲೀಟರ್ ಕೊಬ್ಬರಿ ಎಣ್ಣೆ ಅಥವಾ ಎಳ್ಳೆಣ್ಣೆ ತೊಗೊಳ್ಳಿ. 10-20 ಕರ್ಬೇವಿನ ಎಲೆ ತೊಗೊಂಡು ಅದಕ್ಕೆ ಹಾಕಿ ಚೆನ್ನಾಗಿ ಒಲೆ ಮೇಲಿಟ್ಟು ಕಾಯಿಸಿ. ಕಾದ ಎಣ್ಣೆನ ಆರಕ್ಕೆ ಬಿಡಿ. ಆಮೇಲೆ ಬಾಟಲ್ನಲ್ಲಿ ತುಂಬಿಟ್ಟುಕೊಂಡು ತಲೆಸ್ನಾನ ಮಾಡೊ ಮುಂಚೆ ತಲೆ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ 15-20 ನಿಮಿಶ ಬಿಟ್ಬಿಡಿ. ನಂತರ ಸೀಗೆಕಾಯಿ ಅಥವಾ ಶಾಂಪೂ ಹಾಕಿ ತಲೆ ತೊಳೆದ್ರಾಯ್ತು! ವಾರಕ್ಕೆ ಒಂದೆರಡು ಬಾರಿ ಹೀಗೆ ಮಾಡಿದ್ರೆ ನರೆಕೂದ್ಲಾಗೋದನ್ನ ತಡಿಬೋದು.

ಇನ್ನೂ ಹೆಚ್ಚಿಗೆ ಮಾಡೊದಾದ್ರೆ ಇದೇ ಕೊಬ್ಬರಿ ಎಣ್ಣೆಗೆ ಕರ್ಬೇವ್ ಜೊತೆ ದಾಸವಾಳದ ಎಲೆ, ನಲ್ಲಿಕಾಯಿ ಹಾಗೂ ತುಳಸಿ ಎಲೆ ಹಾಕ್ಬೋದು.

9. ಮೂಳೆಗೆ ಬೇಕಾದ ಕ್ಯಾಲ್ಶಿಯಮ್ ಕೊಡತ್ತೆ

ಮೂಳೆ ಸೆವೆತದಿಂದ ಕಷ್ಟ ಪಡ್ತಿರೋರು ತಮ್ಮ ಊಟ ತಿಂಡೀಲಿ ಕರ್ಬೇವಿಗೆ ಆದ್ಯತೆ ಕೊಟ್ರೆ ಅದ್ರಿಂದ ಅವರ ದೇಹಕ್ಕೆ ಬೇಕಾದ ಕ್ಯಾಲ್ಶಿಯಮ್ ಪೂರೈಕೆ ಆಗತ್ತೆ.

10. ಮೊಡವೆ ಹೋಗ್ಸಿ ಚರ್ಮದ ಸೌಂದರ್ಯ ಹೆಚ್ಚಿಸತ್ತೆ

ಬೇಸಿಗೇಲಿ ಚರ್ಮದ ಮೇಲೆ ಚಿಕ್ಕ ಚಿಕ್ಕ ಗುಳ್ಲೆ ಏಳೋದುಂಟು. ಅದಕ್ಕೆ ಕರ್ಬೇವಿನ ಪೌಲ್ಟೀಸ್ ಅಥವಾ ಪೇಸ್ಟ್ ಹಚ್ಚಿದ್ರೆ ಬೇಗ ಉರಿ ಕಡಿಮೆ ಆಗಿ ಮಾಯತ್ತೆ.

ಕರ್ಬೇವ್ ಎಲೇನ ತೊಗೊಂಡು ಪೇಸ್ಟ್ ತರ ಮಾಡ್ಕೊಂಡು ಸ್ವಲ್ಪ ಅರಿಶಿನ ಮಿಕ್ಸ್ ಮಾಡಿ ಮುಖಕ್ಕೆ ಸ್ವಲ್ಪ ದಿನ ಹಚ್ಚುತ್ತಾ ಬಂದ್ರೆ ಮುಖದ ಚರ್ಮ ಸಿಕ್ಕಾಪಟ್ಟೆ ಕ್ಲೀನ್ ಅಂಡ್ ಕ್ಲಿಯರ್ ಆಗತ್ತೆ!

ಕರ್ಬೇವು ಗಿಡ ಕೂಡ ಹಣ್ಣು ಬಿಡತ್ತೆ. ಕಾಯಿ ಆಗಿದ್ದಾಗ ಹಸಿರು ಬಣ್ಣ, ಹಣ್ಣಾದಾಗ ನೇರಳೆ ಬಣ್ಣ ಇರತ್ತೆ. ಈ ಕಾಯಿ/ಹಣ್ಣಿನ ಜ್ಯೂಸ್ ತೊಗೊಂಡು ಅದಕ್ಕೆ ಸಮ ಪ್ರಮಾಣ ನಿಂಬೆ ರಸ ಹಾಕಿ ಹುಳ ಅಥವಾ ವಿಷದ ಹಾವು ಕಚ್ಚಿರೋ ಜಾಗಕ್ಕೆ ಹಚ್ಚಿದ್ರೆ ತಕ್ಷಣ ಉರಿ ಕಡಿಮೆ ಆಗತ್ತಂತೆ.

11. ಬಾಯಿ ದುರ್ವಾಸನೆ ವಸಡಿನ ಫಂಗಸ್ ಪ್ರಾಬ್ಲಂಗೂ ಕರ್ಬೇವು ಮದ್ದು

ಹಲ್ಲಿನ ಮೇಲೆ ಕೂತ್ಕೊಳೊ ಕೊಳೆ ಮತ್ತೆ ಅದ್ರಿಂದ ಉಂಟಾಗೋ ಕೆಟ್ಟ ವಾಸನೆನ ಕಡಿಮೆ ಮಾಡಕ್ಕೆ ಕರಿಬೇವು ಸಹಾಯ ಮಾಡತ್ತೆ. 

 

ನಿಮ್ಮ ದಿನನಿತ್ಯದ ಊಟ-ತಿಂಡೀಲಿ...ವಡೆ, ಚಿತ್ರಾನ್ನ, ಸಾರು, ಗೊಜ್ಜು, ತಂಬೂಳಿಗಳಿಗೆ ಕರ್ಬೇವು ಬಳಸುತ್ತಾ ಬನ್ನಿ. ಹಾಗೆ ಅದನ್ನ ಚೆಲ್ಲದೆ ತಿನ್ನೋ ಪ್ರಾಕ್ಟೀಸ್ ಕೂಡ ಮಾಡ್ಕೊಳ್ಳಿ ಅಂತ ಹೇಳಕ್ಕೆ ಮೇಲಿನ 11 ಕಾರಣಕ್ಕಿಂತ ಮತ್ತೇನ್ ಬೇಕು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: