ಈಗಿನ್ ಕಾಲದಲ್ಲಿ ಸಂಸಾರ ಚೆನ್ನಾಗ್ ನಡೀಬೇಕಾದ್ರೆ ಗಂಡ-ಹೆಂಡತಿಗೆ ಈ 6 ವಿಷಯ ಗೊತ್ತಿರಬೇಕು

ಸಂಬಂಧ ಉಳಿಯತ್ತೆ, ಬೆಳೆಯುತ್ತೆ

ಮದುವೆ ಅನ್ನೋದು ಜನ್ಮ ಜನ್ಮದ ಅನುಬಂಧ. ಬ್ರಹ್ಮ ಸ್ವರ್ಗದಲ್ಲಿ ಜೋಡಿ ಮಾಡಿ ಕಳ್ಸಿರ್ತಾನೆ. ಅದೂ ಒಂದು ಜನ್ಮಕ್ಕಲ್ಲ ಏಳೇಳು ಜನುಮಕ್ಕೂ ಒಬ್ಬನೇ/ ಒಬ್ಬಳೇ ಸಂಗಾತಿ ಅನ್ನೋ ಮಾತುಗಳನ್ನೆಲ್ಲ ನಾವು ಕೇಳ್ತಾನೆ ಇರ್ತೀವಿ. ಆದರೂ ಇತ್ತೀಚೆಗೆ ವಿಚ್ಛೇದನಗಳು ಜಾಸ್ತಿ ಆಗಿವೆ.

ಮದುವೇಲಿ ಮುಂಚಿನ ಆಸಕ್ತಿ ಇಲ್ಲ, ನಂಬಿಕೆ ಇಲ್ಲ, ಎಲ್ಲೊ ಒಂದೊಂದು ಸಾರಿ ಮದುವೆ ತನ್ನ ಅರ್ಥ ಕಳೆದುಕೊಳ್ತಾ ಇದೆಯೇನೊ ಅನ್ಸುತ್ತೆ. ಸಣ್ಣ ಪುಟ್ಟ ಕಾರಣಗಳಿಗೂ ದೂರ ಆಗೋದು ಸರ್ವೇಸಾಮಾನ್ಯ ಆಗಿಹೋಗಿದೆ. 

ಎಲ್ಲಾ ಸಂಬಂಧಗಳೂ ಕ್ಷೀಣಿಸ್ತಾ ಇರೊ ಸಮಯದಲ್ಲಿ, ಸ್ವಲ್ಪ ಸಮಯ, ಸ್ವಲ್ಪ ಸಂಯಮ ಹಾಗೆ ತಾಳ್ಮೆಯಿಂದ ಯೋಚ್ನೆ ಮಾಡಿದ್ರೆ ಎಷ್ಟೋ ಸಂಬಂಧಗಳು ಉಳಿಯುತ್ವೆ. ಹಲವಾರು ವಿಚೇದನದ ದಾರಿ ಹಿಡಿದ ದಂಪತಿಗಳು ಇನ್ನೋಂದು ಬಾರಿ ಯೋಚ್ನೆ ಮಾಡಿ ಸಂಬಂಧ ಉಳಿಸಿಕೊಂಡದ್ದೂ ಇದೆ.

1. ಏನೇ ಆದರೂ ಮಾತಾಡಕ್ಕೆ ಹಿಂಜರೀಬೇಡಿ

ನಿಮ್ಮ ದಿನ ಎಷ್ಟೇ ಬ್ಯುಸಿ ಇದ್ರೂ, ಮನೆ ತುಂಬಾ ಜನ ಇದ್ರೂ, ಪ್ರತೀದಿನ ಒಂದು 15 ನಿಮಿಷ ಆದ್ರೂ ನಿಮ್ಮ ಸಂಗಾತಿಗೆ ಸಮಯ ಕೊಡಿ.  ಈ 15 ನಿಮಿಷ ನಿಮ್ಮಿಬ್ಬರ ಸಂಬಂಧಕ್ಕಷ್ಟೇ ಮೀಸಲು ಕೆಲಸ ಕಾರ್ಯ ಮಿಕ್ಕವರ ಮಾತಿಗಲ್ಲ.

ಮೂಲ

2. ಒಬ್ಬರಿಗೊಬ್ರು ಗೌರವ ಕೊಡಿ

ನಿಮ್ಮ ಸಂಬಂಧ  ಜೀವಂತವಾಗಿಡೋದಕ್ಕೆ ನೀವು ಒಬ್ಬರನ್ನೊಬ್ಬರು ಎಷ್ಟು ಗೌರವಿಸ್ತೀರೋ ಅಷ್ಟೂ ಒಳ್ಳೆದು. ಕೇವಲ ವ್ಯಕ್ತಿ ಅಲ್ಲದೆ ಅವರ ಅಭಿಪ್ರಾಯನ ಕೂಡ ಗೌರವಿಸ ಬೇಕು.

ನಿಮ್ಮ ಸಂಗಾತಿ ಸದಾ ನೀವು ಹೇಳಿದ ಹಾಗೆ ಇರಬೇಕು ಅನ್ನೋದು ತಪ್ಪು. ನಿಮ್ಮ ನಿರ್ಧಾರದಲ್ಲಿ ನಿಮ್ಮ ಸಂಗಾತಿ ಪಾತ್ರಾನೂ ಇರಲಿ.

ಮೂಲ

3. ಆದಷ್ಟು ಹೊಂದಾಣಿಕೆ ಮಾಡ್ಕೊಳಿ

ಜೊತೆಲಿ ಜೀವನ ಮಾಡೋ ನಿರ್ಧಾರ ನಿಮ್ಮದಾದ ಮೇಲೆ ಸ್ವಲ್ಪ ಹೊಂದಾಣಿಕೆ ಅತ್ಯಗತ್ಯ. ಮದುವೆಗೆ ಮುಂಚೆ ಇದ್ದ ಜೀವನ ಬೇರೆ. ಮದುವೆಗೆ ಮುಂಚೆ ನಾನು ಇದ್ದದ್ದು ನಂತರ ನಾವು ಆಗುತ್ತೆ. ನಾವು ಅನ್ನೊ ಜೀವನದಲ್ಲಿ ಇಬ್ಬರೂ ಇಂದೊಂದು ಹೆಜ್ಜೆ ಮುಂದು ಬಂದು ಹೊಂದಾಣಿಕೆ ಮಾಡ್ಕೊಂಡ್ರೆ ಜೀವನ ಸುಖಮಯ ಆಗಿರುತ್ತೆ.

ಮೂಲ

4. ಹಣಕಾಸಿನ ವಿಚಾರ ಇಬ್ರಿಗೂ ತಿಳಿದಿರ್ಲಿ

ಗಂಡ-ಹೆಂಡತಿ ಇಬ್ಬರೂ ದುಡಿತಿದೀರಿ ಸರಿ, ನಿಮ್ಮಿಬ್ಬರಿಗೂ ಆರ್ಥಿಕ ಸ್ವತಂತ್ರ ಇದೆ ಅದೂ ಸರಿ, ಆದ್ರೆ ನೀವು ಮಾಡೋ ಖರ್ಚು ವೆಚ್ಚ ಇಬ್ಬರಿಗೂ ತಿಳಿದಿದ್ರೆ ಸಂಬಂಧ ಚೆನ್ನಾಗಿರುತ್ತೆ.

ಮೂಲ

5. ಅತ್ತೆ ಮಾವನ ಜೊತೆ ಒಳ್ಳೆ ಸಂಬಂಧ ಇರ್ಲಿ

ನಿಮಗೆ ಇಷ್ಟಾನೋ ಕಷ್ಟನೋ ನಿಮ್ಮ ಅತ್ತೆ ಮಾವ ನಿಮ್ಮ ಸಂಗಾತಿಗೆ ಎಷ್ಟು ಮುಖ್ಯ ಅನ್ನೋದು ನೆನಪಿರಲಿ. ಹಾಗಾಗಿ  ಇಬ್ಬರೂ ಅವರವರ ಅತ್ತೆ ಮಾವನ ಜೊತೆ ನಗ್ತಾ ಮಾತಾಡಿ, ಆಗಾಗ ಹೊರಗಡೆ ಸುತ್ತಾಡಿ, ಜೊತೇಲಿ ಊಟ ಮಾಡಿ. ನಿಮ್ಮ ಸಂಗಾತಿ ನಿಮ್ಮ ಪರವಾಗಿ ಇಲ್ಲದಾಗಲೂ ಕೂಡ ನಿಮ್ಮ ಅತ್ತೆ ಮಾವ ನಿಮ್ಮ ಪರ ಇರಬಹುದು! ನೆನಪಿರಲಿ.

ಮೂಲ

6. ಗಂಡ-ಹೆಂಡ್ತಿ ಮಧ್ಯದಲ್ಲಿ ಮೊದಲಿದ್ದ ಪ್ರೀತಿ-ಪ್ರಣಯ ಕಳ್ಕೋಬೇಡಿ

ನೀವು ಮದುವೆ ಆಗಿ ಎಷ್ಟೇ ವರ್ಷ ಆಗಿದ್ರೂ ಪರವಾಗಿಲ್ಲ ನಿಮ್ಮೋರು ಚೆನ್ನಾಗಿ ಕಂಡಾಗ ಹೇಳಿ. ನಿಮ್ಮ ಪ್ರೀತಿನ ಆಗಾಗ ತೋರ್ಸಿ. ನಿಮ್ಮ ಲೈಂಗಿಕ ಸಂಬಂಧ ಕೂಡ ಮುಖ್ಯ.

ಮೂಲ

ಟ್ರೈ ಮಾಡಿ ನೋಡಿ, ನಿಮ್ಮ ಸಂಬಂಧ ಇನ್ನೂ ಸುಂದರವಾಗಿರತ್ತೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: