1937ರಲ್ಲಿ ನಾಲ್ವಡಿ ಕಟ್ಟಿದ ಒಂದು ಕಂಪನಿ ಪ್ರಜಾಪ್ರಭುತ್ವಕ್ಕೆ ಅನಿವಾರ್ಯ ಆಗಿಹೋದ ಕಥೆ

ಚುನಾವಣಾ ಆಯೋಗ, ಆಸ್ಪತ್ರೆಗಳು, ಈಗ ಬ್ಯಾಂಕುಗಳಿಗೂ ಬೇಕು ಈ ಕಂಪನಿ ಪದಾರ್ಥ

1937 ರಲ್ಲಿ ನಾಲ್ವಡಿ ಕೃಷ್ಣರಾಜ ಒಡೆಯರ್ ಒಂದು ಕಂಪನಿ ಕಟ್ಟಿದರು - ಮೈಸೂರು ಬಣ್ಣ ಮತ್ತು ಅರಗು ಕಾರ್ಖಾನೆ ಅಂತ

1.03 ಕೋಟಿ ರೂ ಬಂಡವಾಳ.

ಅವರಿಗೆ ಮೊದಲಿದ್ದ ಐಡಿಯಾ ಸಕ್ಕತ್ ಸಿಂಪಲ್ಲು: ಸುತ್ತ ಮುತ್ತ ಇರೋ ಕಾಡಿಂದ ಮೇಣ ಶೇಖರಿಸಿ ಅದರಿಂದ ಕಾಗದ-ಗೀಗದ ಅಂಟಿಸೋ ಸೀಲಿಂಗ್ ವ್ಯಾಕ್ಸ್ ಮಾಡೋದು

ಸೀಲಿಂಗ್ ವ್ಯಾಕ್ಸ್ ಅಂದ್ರೆ ಗೊತ್ತಲ್ಲ? ಸಿಕ್-ಸಿಕ್ಕಿದ್ದನ್ನೆಲ್ಲ ಅಂಟುಸ್ಬೋದು… ಈ‌ಥರ:

ತಮಾಷೆ ಏನೂಂದ್ರೆ ಇವತ್ತಿಗೂ ಈ ಕಂಪನಿ ಮುಚ್ಚಿ ಮನೆಗೆ ಹೋಗುವಾಗ ಬೀಗಕ್ಕೆ ಇದನ್ನ ಹಾಕ್ತಾರೆ:

ಮತಪೆಟ್ಟಿಗೆಗಳ್ನ ಸೀಲ್ ಮಾಡಕ್ಕೆ ಈ ಕಂಪನಿ ತಯಾರಿಸೋ ಸೀಲಿಂಗ್ ವ್ಯಾಕ್ಸ್ ಉಪಯೋಗಿಸ್ತಾ ಇದ್ರು.

ಈಗ EVM ಬಂದಮೇಲೆ ಗೊತ್ತಿಲ್ಲ.

1947ರಲ್ಲಿ ಮತ್ತೆ 1989ರಲ್ಲಿ ಇದಕ್ಕೆ ಎರಡು ಸಲ ಹೆಸರು ಬದಲಾಯಿಸಿದಾರೆ. ಈಗ ಇದರ ಹೆಸರು MPVL.

ಬ್ರಿಟಿಷರಿಂದ ಸ್ವಾತಂತ್ರ ಬಂದಾಗ ಈ ಫ್ಯಾಕ್ಟರೀನ ಕರ್ನಾಟಕ ರಾಜ್ಯ ಸರ್ಕಾರಕ್ಕೆ ಒಪ್ಪಿಸಿ ಮೈಸೂರು ಲ್ಯಾಕ್ ಅಂಡ್ ಪೆಯಿಂಟ್ಸ್ ಲಿಮಿಟೆಡ್ ಅಂತ ಕರೆದರು. ಆಮೇಲೆ 1989ಕ್ಕೆ ಇದೊಂದು PSU ಆಯ್ತಲ್ಲ, ಆಗ ಮೈಸೂರ್ ಪೈಂಟ್ ಅಂಡ್ ವಾರ್ನಿಷ್ ಲಿಮಿಟೆಡ್ (MPVL) ಅಂತ ಮತ್ತೆ ಹೆಸರು ಬದಲಾಯಿಸಿದ್ರು.

1962ರಲ್ಲಿ ಡೆಲ್ಲೀಲಿರೋ NPL (ನ್ಯಾಷನಲ್ ಪಬ್ಲಿಕ್ ಲ್ಯಾಬೋರೇಟರಿ) ಈ ಸಂಸ್ಥೆಗೆ ಅಳ್ಸಕ್ಕಾಗ್ದಿರೋ ಇಂಕ್ ಮಾಡ್ಕೊಡಿ ಅಂತ ಹೇಳ್ತು

ಈ ಇಂಕ್ನ ಚರ್ಮದ ಮೇಲೆ ಹಾಕುದ್ರೆ 20 ದಿನ ಅಳ್ಸಕ್ಕಾಗಲ್ಲ. ನೀವು ತೊಳೀರಿ, ಉಜ್ಜಿ, ಏನ್ ಮಾಡುದ್ರೂ ಹೋಗಲ್ಲ.

ಈ ಇಂಕು ಮುಖ್ಯವಾಗಿ ಬೇಕಾಗಿರೋದು ಭಾರತದ ಚುನಾವಣಾ ಆಯೋಗಕ್ಕೆ - ಜನ ಒಂದೇ ಸಲ ವೋಟ್ ಹಾಕೋಹಂಗೆ ನೋಡ್ಕೊಳಕ್ಕೆ

ಎಷ್ಟ್ ಜನ ಮತ ಹಾಕ್ತಾರೆ ಅನ್ನೋದರ ಮೇಲೆ ಎಷ್ಟ್ ಇಂಕ್ ಬೇಕು ಅಂತ ಅವರು ಹೇಳ್ತಾರೆ. ಮೊದ್ಲು ಈ ಇಂಕು ಮುಖ್ಯ ಚುನಾವಣಾ ಅಧಿಕಾರಿ ಹತ್ತಿರ ಹೋಗುತ್ತೆ, ಅಲ್ಲಿಂದ ಎಲ್ಲ ಚುನಾವಣಾ ಕೇಂದ್ರಕ್ಕೂ ಹೋಗತ್ತೆ. ಇಂಕನ್ನ 5 ml, 7.5 ml, 50 ml, ಮತ್ತೆ 80 ml ಬಾಟ್ಲಿಗಳಲ್ಲಿ ಕಳುಸ್ತಾರೆ. 5 ml  ಇಂಕನ್ನ 300 ಜನಕ್ಕೆ ಹಾಕ್ಬೋದು.

ಈ ಇಂಡೆಲಿಬಲ್ ಇಂಕ್ನ ಹೆಂಗೆ ಮಾಡೋದು ಅಂತ NPL ಮತ್ತೆ MPVLಗೆ ಬಿಟ್ಟರೆ ಬೇರೆ ಯಾರಿಗೂ ಗೊತ್ತಿಲ್ಲ 

NPL ನೋರಿಗೆ ಇದರ ಮೇಲೆ ಒದು ಪೇಟೆಂಟ್ ಇದೆ. ಕಂಡ್-ಹಿಡಿದಿದ್ದು ಅವರೇ. ಅಂದಹಾಗೆ ಉತ್ತರ ಪ್ರದೇಶಕ್ಕೆ ಬೇಕಾಗಿರೋಷ್ಟು ಇಂಡೆಲಿಬಲ್ ಇಂಕು ಬೇರೆ ಯಾವ ರಾಜ್ಯಕ್ಕೂ ಬೇಡ - ಅಲ್ಲಿ ಸ್ವಲ್ಪ ಕಡಿಮೆ ಜನ ಇದಾರಲ್ಲ, ಅದಕ್ಕೆ :-) ಅಂಡಮಾನ್ ನಿಕೋಬಾರ್ ದ್ವೀಪದಲ್ಲಿರೋ ಪೋರ್ಟ್ ಬ್ಲೇರ್ಗೆ ಒಂದ್ ಚೂರೇ ಸಾಕು.

1978ರಲ್ಲಿ ಸಿಂಗಾಪುರಕ್ಕೆ ಈ ಇಂಕ್ನ ಕಳಿಸಿಕೊಡ್ತು ಕಂಪನಿ. ಈಗ 25 ದೇಶಗಳಿಗೆ ಹೋಗುತ್ತೆ.

2008ರಲ್ಲಿ ಕಾಂಬೋಡಿಯಾಗೆ ಇಂಕ್ ಕಳಿಸಿಕೊಟ್ಟು 1.3 ಕೋಟಿ ದುಡ್ಡು ಸಂಪಾದನೆ ಮಾಡ್ತು. ಥೈಲ್ಯಾಂಡ್, ನೈಜೀರಿಯಾ, ಮಲೇಷ್ಯಾ , ಸೌತ್ ಆಫ್ರಿಕಾ ಮುಂತಾದ ದೇಶಗಳಿಗೆ ಈಗಲೂ ಇಂಕ್ ಹೋಗುತ್ತೆ.

ದೇಶ-ವಿದೇಶಗಳಲ್ಲಿ ಪೋಲಿಯೊ ಡ್ರಾಪ್ಸ್ ಹಾಕೋ ಕಡೇನೋ ಈ ಇಂಕ್ನ ಹಾಕ್ತಾರೆ

ದೇಹದಲ್ಲಿ ಯಾವ ಯಾವ ಜಾಗಕ್ಕೆ ಕ್ಯಾನ್ಸರ್ ಬಂದಿದೆ ಅಂತ ಗುರುತು ಮಾಡಕ್ಕೂ ಆಸ್ಪತ್ರೇಲಿ ಈ ಇಂಕನ್ನ ಬಳಸ್ತಾರೆ.

ಹೋದ ವರ್ಷ 1,21,000 ಕಿಲೋ ಇಂಕ್ ಮಾರಿ 25 ಕೋಟಿ ಸಂಪಾದನೆ ಮಾಡಿದೆ ಈ ಕಂಪನಿ

ಈ ಕಂಪನಿ 77% ಇಂಕನ್ನೇ ತಯಾರಿಸುದ್ರೂ ಕೋಟಿಂಗ್ ಮತ್ತಿ ಪ್ರೈಮರ್ಗಳಿಂದಾನು ದುಡ್ಡ್ ಮಾಡತ್ತೆ. 2009ರಲ್ಲಿ 20 ಲಕ್ಷ 10 ಎಂ ಎಲ್ ಬಾಟಲಿಗಳನ್ನು ತಯಾರಿಸಿದೆ. 2014ರಲ್ಲಿ 2.3 ಕೋಟಿ  ಕೆಜಿ ಇಂಕನ್ನು ತಯಾರಿಸಿ ವರ್ಷಕ್ಕೆ 47 ಕೋಟಿ ದುಡ್ಕೊಂಡಿದೆ.

ಭಾರತದಲ್ಲಿ ಇವರನ್ನ ಬಿಟ್ಟರೆ ಬೇರೆ ಯಾರಿಗೂ ಈ ಇಂಕ್ ಮಾಡೋ ಹಕ್ಕಿಲ್ಲ; ಮಾಡುದ್ರೆ ಒಳಗ್ ಹಾಕ್ತಾರೆ.

ಈಗ ಈ ಇಂಕ್ನ ಇಂಡಿಯಾನಲ್ಲೆಲ್ಲ ಬ್ಯಾಂಕಲ್ಲಿ ಹಾಕ್ತಾ ಇದಾರೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: