ಸೈಕಾಲಜಿ ಪ್ರಕಾರ ನಾವ್ಯಾಕೆ "ಇಲ್ಲ" ಅನ್ನಕ್ಕೆ ಹಿಂಜರೀತೀವಿ ಅಂತ ತಿಳ್ಕೊಂಡು ಇನ್ಮೇಲೆ ಅನ್ನಕ್ಕೆ ಶುರು ಮಾಡಿ

ಮುಲಾಜೇ ಇಲ್ಲ

ತುಂಬಾ ಜನಕ್ಕೆ ಅದೆಂತಾದ್ದೇ ಸಮಯ ಆಗಿರ್ಲಿ ಯಾರೇ ಆಗಿರ್ಲಿ "ಇಲ್ಲ"/ "ಆಗೋಲ್ಲ" ಅಂತ ಹೇಳೋದು ಭಾರಿ ಕಷ್ಟ. ಅವರ ಮನಸ್ಸು ಅದೆಷ್ಟೇ ಜೋರಾಗಿ ಅಯ್ಯೋ ನನ್ನಿಂದಾಗೋಲ್ಲ ಅಂತ ಕೂಗಿ ಕೂಗಿ ಹೇಳ್ತಿದ್ರೂ ಕೂಡ ಬೇಜಾರ್ ಮಾಡ್ಕೊಂಡೇ ಒ.ಕೆ ಅಂದ್ಬಿಡ್ತಾರೆ. ನಿಮಗೂ ಇದೇ ಪ್ರಾಬ್ಲಮ್ಮಾ?, ಆದ್ರೆ ಈ ರೀತಿ ಹೇಳೋದ್ರಿಂದ ನಾವು ನಮ್ಮನ್ನೇ ನೊಯಿಸ್ಕೊಂಡಿರ್ತೀವಿ ಅಂತ ಯೋಚ್ನೆ ಮಾಡಲ್ಲ.

ಮಿಕ್ಕವರೂ ನಮ್ಮ ಹಾಗೆ ಅಂತಲೋ, ಅಥವಾ ಪರಿಸ್ಥಿತಿ ಒತ್ತಡದಿಂದ್ಲೋ ನಿಮ್ಮ ಮನಸ್ಸಿನ ವಿರುದ್ಧ ತೊಗೊಳ್ಳೊಕೆ ಮುಂದಾಗ್ತೀರಿ ಕೆಲವೊಮ್ಮೆ ಇದ್ರಿಂದ ಹೊರಗ್ ಬರೋಕೆ  ಯಾರದ್ದದ್ರೂ ಸಹಾಯನ ನಿರೀಕ್ಷೆ ಮಾಡಿದ್ರೂ ಆಶ್ಚರ್ಯ ಇಲ್ಲ. ನಿಮಗಿಂತ ಹೆಚ್ಚು ಮಿಕ್ಕವರ ಭಾವನೆಗಳು ನಿಮ್ಮನ್ನ ಬಾದಿಸಬಹುದು.

ಸೈಕಾಲಜಿ ಪ್ರಕಾರ ನಾವು ಯಾವ ಯಾವ ಕಾರಣದಿಂದ "ಇಲ್ಲ" ಅನ್ನಕ್ಕೆ ಹಿಂಜರೀತೀವಿ ಅಂತ ತಿಳ್ಕೊಳೋಣ ಬನ್ನಿ.

1. ಇಲ್ಲ ಅಂದರೆ ಅವರಿಗೆ ನೋವಾಗುತ್ತೆ ಅಂತ ಹಿಂಜರೀತೀವಿ

ಅಯ್ಯೋ! ನಾನು ಇಲ್ಲ ಅಂದುಬಿಟ್ಟರೆ ಅವರಿಗೆ ತೊಂದರೆ ಆಗುತ್ತೆ. ಅವರು ಏನೋ ಆಸೆ ಇಟ್ಕೊಂಡು ನನ್ನ ಹತ್ತಿರ ಬಂದಿದಾರೆ, ಆ ಆಸೆ ನೆರವೇರಿಸೋದು ನನ್ನ ಕರ್ತವ್ಯ ಅಲ್ಲವೇ? ಹೀಗ್ ಅಂದುಕೊಳೋದ್ರಿಂದ ನೀವು ಇಲ್ಲ ಅನ್ನಕ್ಕೆ ಹಿಂಜರೀತೀರಿ.

ಮೂಲ

2. ನಮ್ಮನ್ನ ಅವರು ಇಷ್ಟ ಪಡದೆ ಹೋದರೆ ಅನ್ನೊ ಭಯದಿಂದ

ಮೊದಲ್ನೇ ಪಾಯಿಂಟಲ್ಲಿ ಹೇಳಿದ ಹಾಗೇನೇ ಇದೂನೂ. ಆದರೆ ಇಲ್ಲಿ ನಿಮ್ಮ ಮತ್ತೆ ಅವರ ಸಂಬಂಧದ ಮುಂದಿನ ಹಂತದ ಬಗ್ಗೆ ಯೋಚನೆ ನಿಮಗೆ. ಇಲ್ಲ ಅಂತಾನೇ ಇದ್ದರೆ ಅವರು ನಿಮ್ನ ಇಷ್ಟ ಪಡದೆ ಹೋದ್ರೆ?

ಮೂಲ

3. ನಮ್ಮನ್ನ ಅವರು ಸ್ವಾರ್ಥಿ ಅಂದುಕೊಂಡ್ರೆ ಅನ್ನೋ ಭಯದಿಂದ

ಇಲ್ಲ ಅನ್ನೋದು ಯಾವಾಗ ಹೇಳಿ? ನಾವು ಎನಾದರೂ ಕೆಲಸ ಮಾಡಬೇಕಾದಾಗ. ಯಾರಾದರೂ ಏನಾದರೂ ಕೇಳಿಕೊಂಡು ಬಂದಾಗ ಆ ಕೆಲಸ ಮಾಡಲ್ಲ ಅಂದ್ರೆ ಅವರು ನಮ್ನ ಸ್ವಾರ್ಥಿ ಅನ್ಕೋಬೋದು ಅಲ್ವಾ? ಇದಕ್ಕೋಸ್ಕರಾನೂ ನಾವು ಒಮ್ಮೊಮ್ಮೆ ಇಲ್ಲ ಅನ್ನಲ್ಲ.

ಮೂಲ

4. ಇನ್ನೊಬ್ಬರ ನೋವನ್ನ ನಾವು ನಮ್ಮದೇ ಅಂತ ಪರಿಗಣಿಸೋದ್ರಿಂದ

ಕೆಲವರು ಇರ್ತಾರೆ. ಅವರಿಗೆ ಬೀದೀಲಿ ಹೋಗೋರ ನೋವೆಲ್ಲ ತಮ್ಮದೇ ಅನ್ನಿಸುತ್ತಾ ಇರುತ್ತೆ. ಅದಕ್ಕೇ ಅವರು ಎನು ಕೇಳಿದರೂ ಹೂಂ ಅಂದು ಆಮೇಲೆ ಕಷ್ಟಕ್ಕೆ ಸಿಕಾಕೋತಾರೆ!

ಮೂಲ

5. ಸಾಮಜದಲ್ಲಿ ನಮ್ಮ ಬಗ್ಗೆ ಒಳ್ಳೇ ಅಭಿಪ್ರಾಯ ಮೂಡಬೇಕು ಅನ್ನೋ ಆಸೆಯಿಂದ

ಸಮಾಜದಲ್ಲಿ ಒಳ್ಳೇ ಹೆಸರು ಮಾಡೋರು ಕೆಲಸಗಳ್ನ ಮಾಡಿ ತೋರ್ಸೋರು. ಅದಾಗಲ್ಲ ಇದಾಗಲ್ಲ, ಇಲ್ಲ ಇಲ್ಲ ಅನ್ನೋರಲ್ಲ. ನಾನೂ ಸಮಾಜದಲ್ಲಿ ಒಳ್ಳೇ ಹೆಸರು ಮಾಡಬೇಕು ಅಂತ ಯಾವ್ಯಾವುದಕ್ಕೋ ಹೂಂ ಅಂದು ಆಮೇಲೆ ಕಷ್ಟಕ್ಕೆ ಸಿಕಾಕೋತೀವಿ ಒಂದೊಂದ್ಸಲ.

ಮೂಲ

6. ನಾವು ಜಗಳಗಂಟ್ರು ಅಂತ ತಿಳಿದುಕೊಂಡ್ರೆ ಅನ್ನೊ ಭಯ ಇದ್ರೆ

ಇಂಥದ್ದು ಮಾಡಿಕೊಡಿ ಅಂತ ಕೇಳಿದಾಗ ವಿರುದ್ಧವಾಗಿ ಮಾತಾಡೋದೇ ತಪ್ಪು ಅನ್ಕೊಂಡಿದ್ರೆ ನಿಮಗೆ ಇಲ್ಲ ಅನ್ನಕ್ಕಾಗಲ್ಲ. ಹಾಗೆ ಹೇಳೋದೇನು ಜಗಳ ಅಲ್ಲ, ಆದರೆ ನಿಮಗೆ ಹಾಗೆ ಅನ್ನಿಸುತ್ತೆ. ಅದಕ್ಕೇ ನೀವು ಇಲ್ಲ ಅನ್ನಕ್ಕೆ ಹಿಂಜರೀತೀರಿ.

ಮೂಲ

7. ಎದುರಿಗಿನ ವ್ಯಕ್ತಿ ನಮ್ಮನ್ನ ವಿಚಿತ್ರವಾಗಿ ನೋಡದಿರಲಿ ಅಂತ

ಎನಾರೂ ಕೇಳ್ಕೊಂಡ್ ಬಂದೋರು ಇವನು ಹೂಂ ಅಂತಾನೆ ಅನ್ಕೊಂಡಿರ್ತಾರೆ. ಆಮೇಲೆ ನೀವು ಇಲ್ಲ ಅಂದಾಗ ಅವರೇನಾದರೂ ನಿಮ್ನ "ಇವನು ವಿಚಿತ್ರ" ಅಂದುಬಿಟ್ಟರೆ? ಅದಕ್ಕೂ ಹೂಂ ಅಂದು ಆಮೇಲೆ ಕಷ್ಟ ಪಡ್ತೀರಿ.

ಮೂಲ

8. ಇಲ್ಲ ಅನ್ನೋ‌ ಬದಲು ಒಂದು ಚೂರು ಕಷ್ಟ ಪಟ್ಟರಾಯಿತು ಅಂದುಕೊಳ್ಳೋದ್ರಿಂದ

ಕೆಲವರಿಗೆ ತಮ್ಮ ಲಿಮಿಟ್ಟೇ ಗೊತ್ತಿರಲ್ಲ. ಮಾಡಬಾರದಷ್ಟು ಕೆಲಸ ಮಾಡಿ ಆಮೇಲೆ ಸುಸ್ತಾಗಿ ಒಂದ್ ದಿನ ಮಠ ಆಗ್ತಾರೆ. ಅಂಥವರಿಗೆ ಯಾವುದಕ್ಕೂ ಇಲ್ಲ ಅನ್ನೋದಕ್ಕೇ ಬರಲ್ಲ. ಇನ್ನೊಂದು ಸ್ವಲ್ಪ ಕೆಲಸ ಮಾಡಿದರಾಯಿತು ಅನ್ನೋ ಜನ ಅವರು.

ಓದಿದ್ದು ಆಯ್ತಾ? ಇನ್ನು ಮುಂದಿನ್ ಸಲ ನಿಮಗೆ ಇಲ್ಲ ಅನ್ನಬೇಕು ಅನ್ನಿಸಿದಾಗ ಅಂದು ನೋಡ್ತೀರಾ?

ಇಷ್ಟು ಹೊತ್ತು ಹೇಳಿದ್ದರಲ್ಲಿ ನಿಮ್ಮನ್ನ ನೀವು ಸ್ವಲ್ಪ ಆದರೂ ಕಂಡಿದೀರಾ?‌ ಹಾಗಿದ್ರೆ ನೀವು ನಿಮ್ಮ ಮನಸ್ಸಿನಲ್ಲೆ ಒಂದು ಯುದ್ಧ ಮಾಡಬೇಕಾಗಿ ಬರಬಹುದು. ನಿಮಗೆ ಯಾವ ಕಾರಣಕ್ಕೆ ಎದುರಿಗಿನ ವ್ಯಕ್ತಿಗೆ ಇಲ್ಲ ಅನ್ನೋಕಾಗ್ತಿಲ್ಲ ತಿಳ್ಕೊಳ್ಳಿ. ಅದ್ರಿಂದ ಆದಷ್ಟು ಬೇಗ ಹೊರಗ್ ಬರೋ ಪ್ರಯತ್ನ ಮಾಡಿ. ನೀವು ನಿಷ್ಟೂರವಾಗಿ ಇಲ್ಲ ಅಂತ ಹೇಳೊಕೆ ಶುರು ಮಾಡಿದ ದಿನ ನಿಮ್ಮ ಆತ್ಮಸ್ಥೈರ್ಯ ಹೆಚ್ಚಿ ನೀವು ಬೇಡದ ಜನಗಳಿಂದ ದೂರ ಆಗೋಕೂ ಸಾಧ್ಯ ಆಗುತ್ತೆ, ಬೇಕಾದವರನ್ನ ಗುರುತಿಸಕ್ಕೂ ಸಾಧ್ಯ ಆಗುತ್ತೆ. ಜನ ತಾನಾಗಿ ತಾನೇ ನಿಮ್ಮನ್ನ ಅದು ಮಾಡು ಇದು ಮಾಡು ಅಂತ ಕೇಳೋದು ಕಡಿಮೆ ಮಾಡ್ತಾರೆ, ನೀವು ಏನು ಅನ್ನೋದು ಅವ್ರಿಗೂ ಅರ್ಥ ಆಗುತ್ತೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: