ಈ 9 ಗುಣಗಳಿರೋ ಹುಡುಗ್ರು ಸಿಕ್ರೆ ಹುಡುಗೀರು ಕಣ್ ಮುಚ್ಕೊಂಡ್ ಮಾಡ್ಕೋಬೋದು

ಈ ಥರದ ಹುಡುಗ್ರು ಕೈ ಕೊಡಲ್ಲ

21ನೇ ಶತಮಾನದಲ್ಲಿ ಪ್ರೀತಿಸಿ ಮದ್ವೆ ಆದೋರು ಮತ್ತೆ ಆಗ್ತಿರೋರು ಜಾಸ್ತಿ ಇದಾರೆ. ನೀವ್ ಹುಡುಕುತ್ತಿರೋ ಹುಡುಗಂಗೆ ನಾವು ಕೆಳಗೆ ಕೊಟ್ಟಿರೋ 9 ಗುಣಗಳಿದ್ರೆ ಸಾಕು, ಕಣ್ಮುಚ್ಕೊಂಡು ಮಾಡ್ಕೊಳ್ಳಿ...

1) ನೀವ್ ಹೇಳೋದನ್ನ ತಾಳ್ಮೆಯಿಂದ ಕೇಳ್ಸ್ಕೊಂಡು ನ್ಯಾಯವಾಗಿ ಮಾತಾಡೋನು

ಎಲ್ರೂ ಮಾತಾಡ್ತಾರೆ. ಬೇಕಾದಾಗ ಕೂಕೊತಾರೆ. ತಮ್ಮ ಭಾವನೆಗಳನ್ನ ಹೇಳ್ಕೊತಾರೆ. ಆದ್ರೆ ಅಪರೂಪಕ್ಕೆ ಸ್ವಲ್ಪ ಜನ ಮಾತ್ರ ಇನ್ನೊಬ್ರು ಹೇಳಿದ ಮಾತನ್ನ ಕಿವಿಗೊಟ್ಟು ಆಲಿಸ್ತಾರೆ. ಅಂಥಾ ಹುಡುಗ ಏನಾದ್ರೂ ಸಿಕ್ಕರೆ ಬಿಡ್ಬೇಡಿ. ನಿನಗೆ ಕಷ್ಟ ಅದಾಗ ಅವನ ಜೊತೆ ಮಾತಾಡಿದ್ರೆ ಮನಸ್ಸಿನ ಭಾರ ಇಳಿಯತ್ತೆ. ವಿಶ್ವಾಸ ಹೆಚ್ಚತ್ತೆ.

2) ನಿಮ್ ಕನಸನ್ನ ನನಸು ಮಾಡ್ಕೊಳಕ್ಕೆ ಸಾಥ್ ಕೊಡೋನು

ಈಗ ಕಾಲ ಬದ್ಲಾಗಿದೆ. ಹುಡುಗೀರ್ ಕೂಡ ಎಷ್ಟೋ ಕನಸುಗಳನ್ನ ಹೊತ್ಕೊಂಡು ಓದಿ ಬರ್ದು ಮಾಡಿರ್ತಾರೆ. ಮಧ್ಯಮ ವರ್ಗ ಮತ್ತೆ ಕೆಳ ವರ್ಗದೋರ್ಗಂತೂ ಓದಿ ಬರ್ದು ಕೆಲ್ಸಕ್ಕೆ ಸೇರ್ಬೇಕು ಅಂತ ಆಸೆ ಇಟ್ಕೊಂಡಿರ್ತಾರೆ. ಈ ಆಸೆಗೆ ಸಹಾಯ ಮಾಡೊ ಹುಡುಗ್ರು ಸಿಕ್ಕ್ರೆ ಬಿಡೋದು ಬೇಡ.

3) ಅವನು ಏನಾದ್ರು ಸಾಧಿಸಿದಾಗ ನಿಮ್ನ ಶಾಮೀಲ್ ಮಾಡ್ಕೊಳೋನು

ನಿಮ್ ಸಕ್ಸೆಸ್ಗೆ ಖುಷಿ ಪಡೋದಲ್ಲದೆ ಅವನ್ನ ಸಕ್ಸೆಸ್ಸಿಗೆ ನಿಮ್ಮದು ಕೂಡ ಒಂದು ಕೊಡುಗೆ ಇದೆ ಅಂತ ತುಂಬು ಮನಸ್ಸಿಂದ ಹೇಳೋ ಹುಡ್ಗ ನಿಜವಾಗ್ಲೂ ಒಳ್ಳೇಯೋನೆ. ನಿಮ್ಗೂ ಅವನ ಜೊತೆ ಬಾಳ್ವೆ ಮಾಡಕ್ಕೆ ಇಷ್ಟ ಆಗತ್ತೆ.

4) ಬೇರೇಯೋರ ಜೊತೆ ಒಳ್ಳೆ ರೀತೀಲಿ ನಡ್ಕೋಳೋನು

ಮಕ್ಕಳು ಜೊತೆ ಮತ್ತೆ ವಯಸ್ಸಾದೋರ್ ಜೊತೆ ಆ ಹುಡ್ಗ ನಡ್ಕೊಳ್ಳೊ ರೀತಿಯಿಂದ ಅವನ ನಿಜವಾದ ವ್ಯಕ್ತಿತ್ವ ಎಂಥದ್ದು ಅಂಥ ಕಂಡುಹಿಡಿಬೋದು. ಎಲ್ಲರನ್ನೂ ಸಮಭಾವನೆಯಿಂದ ನೋಡೊನು ಸಿಕ್ಕರೆ ಖಂಡಿತ ಹಿಡ್ಕೊಳ್ಳಿ. 

5) ನಿಮ್ ಮನಸ್ಸಿಲ್ಲಿರೋದನ್ನ ಅವನ್ ಜೊತೆ ಹಂಚಿಕೊಳ್ಳಕ್ಕೆ ಸದರ ಮಾಡ್ಕೋಡೋನು

ಅವನ ಜೊತೆ ನೀವ್ ಬರೀ ಮಾತಾಡೊದಲ್ಲ, ನಿಮ್ ಮನಸ್ಸಿನ ಅಂತರಾಳನ ಯಾವುದೆ ಆತಂಕ ಇಲ್ಲದೆ ಹಂಚ್ಕೊಬೋದು. ಸಮಯ ಸಂದರ್ಭ ನೋಡಿ ನಿಮ್ಗೆ ಒಳ್ಳೆ ಸಲಹೆ ಕೊಡೋನಾದ್ರೆ ನಿಮ್ಗೆ ಉಪಯೋಗ. ಜೀವನಾ ಪೂರ್ತಿ ಸುಖವಾಗಿ ಇರ್ತೀರಿ.

6) ಎಷ್ಟೇ ಜಗಳ ಆಡಿದ್ರೂ ಸ್ವಲ್ಪ ಹೊತ್ತಲ್ಲೇ ಸರಿಹೋಗೋನು

ಯಾವ್ದೇ ಸಂಬಂಧ ತೊಗೊಳ್ಳಿ, ಸ್ವಲ್ಪ ಜಗಳ, ಕೋಪ-ತಾಪ, ಭಿನ್ನಾಭಿಪ್ರಾಯ ಇದ್ದೇ ಇರತ್ತೆ ಅಲ್ವಾ? ಹಾಗೆ ನೀವ್ ಎನಾದ್ರೂ ಅವನ ಜೊತೆ ಜಗಳ ಮಾತುಕಥೆ ಆದ್ರೆ, ನೀವು ಅದೆಷ್ಟ್ ಬೇಗ ಅವನ್ ಜೊತೆ ಮತ್ತೆ ಮಾತಾಡಕ್ಕೆ ಹವಣಿಸುತ್ತೀರಿ ಅನ್ನೋದ್ರ ಮೇಲೆ ನಿಮ್ಗೆ ಅವನ ಮೇಲೆ ಎಷ್ಟ್ ಪ್ರೀತಿ ಇದೆ ಅಂತ ಗೊತ್ತಾಗತ್ತೆ. ಅವನಿಗೂ ಅಷ್ಟೆ ಎಷ್ಟ್ ಬೇಗ ವಾಪಸ್ ನಿಮ್ ಜೊತೆ ಮಾತಾಡಕ್ಕೆ ಶುರು ಮಾಡ್ತಾನೆ ಅನ್ನೋದ್ರಲ್ಲೇ ನಿಮ್ ಮೇಲೆ ಎಷ್ಟ್ ಪ್ರೀತಿ ಇದೆ ಅಂತ ಗೊತ್ತಾಗತ್ತೆ!

7) ನಿರ್ಧಾರ ತೊಗೋವಾಗ ನಿಮ್ನ ಕೇಳೋನು

ಅವನು ಸಣ್ಣ ಪುಟ್ಟ ವಿಷ್ಯ ಅಥವಾ ದೊಡ್ಡ ವಿಷ್ಯದಲ್ಲಿ ನಿರ್ಧಾರ ತೊಗೊಬೇಕಾದ್ರೆ ನಿಮ್ ಜೊತೆ ಚರ್ಚೆ ಮಾಡ್ತಾನೆ. ನಿಮ್ಮ ಭಾವನೆಗೆ, ಅಭಿಪ್ರಾಯಕ್ಕೆ ತಕ್ಕ ಬೆಲೆ ಕೊಡ್ತಾನೆ. ಅವನಲ್ಲಿ ಈ ಗುಣ ಭಾಳ ಮುಖ್ಯ. ಇದ್ರಿಂದ ನಿಮ್ಮಿಬ್ಬರ ನಡುವೆ ಅನ್ಯೋನ್ಯತೆ ಬೆಳೆಯತ್ತೆ. 

8) ನೀವ್ ಹೇಗಿದ್ದಿರೋ ಹಾಗೇನೇ ಪ್ರೀತ್ಸೋನು

ನೋಡಕ್ಕೆ ನೀವು ಅಂಥಾ ಏನ್ ಚೆನಾಗಿ ಕಾಣಿಸಲ್ಲ ಅಂದ್ರೂ ನಿಮ್ನ ಇಷ್ಟಪಡೋನು. ನಿಮ್ ಮೂಡ್ ಸರಿ ಇಲ್ಲದೆ ಅವನ ಜೊತೆ ಜಗಳ ಆಡಿದ್ರೂ ಸಿಕ್ಕಾಪಟ್ಟೆ ಬೈದಿದ್ರೂ ನಿಮ್ನ ಇಷ್ಟಪಡೋನು. ನಿಮ್ಮಲ್ಲಿರೋ ಕೆಲ ಕೆಟ್ಟ ವರ್ತನೆ ಅವನು ನೋಡಿದ್ರೂ ನೀವು ಹೇಗೋ ಹಾಗೇನೇ ಇಷ್ಟಪಡೋನಾದ್ರೆ ಅವನೇ ನಿಮ್ಗೆ ಸರ್ಯಾದ ಜೋಡಿ.

9) ನೀವ್ ಹೇಗೆ ನಂಬ್ತಿರೋ ಹಾಗೆ ಅವನು ನಂಬೋನು

ಪರಸ್ಪರ ನಂಬಿಕೆ ಇದ್ರೆ ಮಾತ್ರ ಜೀವನದಲ್ಲಿ ಸುಖ ಇರೋದು. ಎಲ್ಲಾ ಇದ್ದು ಅವನೇನೇ ಮಾಡಿದ್ರೂ ನೀವ್ ಒಳಗೊಳಗೆ ಸಿಐಡಿ ತರ ಜಾಲಾಡೋದು, ನೀವ್ ಏನೇ ಮಾಡಿದ್ರೂ ಅವ ಸಂದೇಹ ಪಡೋದಾದ್ರೆ ಜೀವನ ನರಕ ಆಗಬಿಡತ್ತೆ. 

ಯಾರೂ 100% ಪರ್ಫೆಕ್ಟ್ ಅಲ್ಲ, ಒಬ್ಬರಿಗೊಬ್ಬರು ಹೊಂದಿಕೊಂಡು ಹೋದ್ರೆ ಅದೇ ಸುಖ ಸಂಸಾರ ಆಗತ್ತೆ.

ಇಂಥಾ ಹುಡುಗ ಸಿಕ್ಕ್ರೆ ತಕ್ಷಣ ಮನೆಯೋರಿಗೆ, ತಂದೆ ತಾಯಿಗೆ ತಿಳಿಸಿ ಅದೇನ್ ಬೇಕೋ ಮಾಡಿ ಮದ್ವೆ ಆಗ್ಬಿಡಿ. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಇನ್ನೊಂದ್ಸಲ ಸ್ವಿಮ್ಮಿಂಗ್ಗ್ ಹೋಗಬೇಕಾದರೆ ಈ 15 ಫೋಟೋಗಳು ನಿಮ್ನ ಕಾಡುತ್ವೆ

ಕಾಪಾಡಿ! ಕಾಪಾಡಿ!

ಈಜು ಬರತ್ತೆ ಅಂತೇಳಿ ಎಲ್ಲೆಲ್ಲೋ ಈಜಕ್ಕೆ ಹೋದ್ರೆ ಅಪಾಯ ತಪ್ಪಿದ್ದಲ್ಲ. ನೀರಿನ ಒಳಗೆ ಏನಿದೆ ಅಂತ ನಮಗೆ ಗೊತ್ತಿರಲ್ಲ. ಗೊತ್ತಾಗೋ ಹೊತ್ತಿಗೆ ಬಜಾವಾಗೋದು ಕಷ್ಟ. ನೀರಿಗೆ ಇಳಿಯೋ ಮುಂಚೆ ತುಂಬಾ ಹುಷಾರಾಗಿರ್ಬೇಕು. ಇಲ್ದಿದ್ರೆ ಅಪಾಯ ತಪ್ಪಿದ್ದಲ್ಲ. ಇಲ್ಲಿರೋ 15 ಫೋಟೋ ನೋಡಿ. ಇನ್ಮೇಲೆ ಸ್ವಿಮ್ಮಿಂಗ್‌ಗೆ ಹೋಗ್ಬೇಕಾದ್ರೆ ಖಂಡಿತ ನಿಮ್ಮನ್ನ ಕಾಡುತ್ವೆ. 

1. ಅತ್ತ ಧರಿ ಇತ್ತ ಪುಲಿ ಅಂದ್ರೆ ಇದೇ ಏನೋಪ್ಪಾ
2. ನೀರಿನಲ್ಲಿ ಗುಹೇನೂ ಇರ್ಬೋದು
3. ಇಂತದ್ದೇನದ್ರೂ ಕಾಣಿಸಿದ್ರೆ ಅರಚಕ್ಕೂ ಆಗಲ್ಲಪ್ಪೋ
4. ಅನಕೊಂಡ ಹಾವು ಇದ್ರೂ ಇರ್ಬೋದು
5. ಮೈ ಝುಮ್ ಅನ್ಸತ್ತೆ ಅಲ್ವಾ?
6. ಗ್ರಾಫಿಕ್ಸ್ ಅಂದ್ಕೊಂಡ್ರಾ.. ಸಿಕ್ಕಿದ್ರೆ ಅಷ್ಟೆ ಸೀರುಂಡೇನೆ!
7. ನೀರಿನಲ್ಲಿ ಅಲೆಯ ಉಂಗುರ ಅಲ್ಲ..ಹಾವಿನುಂಗುರ!
8. ಈ ತರಹ ಮಾಡಕ್ಕೂ ಗುಂಡಿಗೆ ಇರ್ಬೇಕು ಕಣ್ರಿ
9. ಡೈವ್ ಹೊಡೆದ್ರೆ ಹಂಗೇ ಗುಂಳುಂ ಅನ್ನಿಸ್ಬಿಡತ್ತೆ
10. ನನ್ ತಂಟೇಗ್ ಬಂದ್ರೆ ಸುಮ್ಕಿರಲ್ಲ ಅಂತಿದ್ಯಾ ಆಕ್ಟೋಪಸ್!
11. ದಾರಿ ಕಾಣದಾಗಿದೆ ರಾಘವೇಂದ್ರನೇ...
12. ಸಾವು ಕಣ್ಮುಂದೆ ಇದೆ ಅಂತಾರಲ್ಲ...ಇದೇನಾ?
13. ಇದೇನೋ ಪ್ರಾಣಿ ಅಂದ್ಕೊಂಡ್ರಾ...ಛೀ! ಪಾಚಿ ಅಷ್ಟೇ
14. ಎಲ್ಲಿಗೆ ಪಯಣ ಯಾವುದೋ ದಾರಿ...
15. ಬ್ಲೂ ವೇಲ್ ಒಂದ್ಸಲ ಮೇಲೆ ಬಂದಿದೆ ಅಂದ್ರೆ...

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: