ವಾಸ್ತು ಪ್ರಕಾರ ಕಟ್ಟಿರೋ ವಿಧಾನ ಸೌಧದ ಬಗ್ಗೆ ಈ 9 ವಿಷಯ ಕೇಳಿ ಕಾಲರ್ ಮೇಲ್ ಮಾಡ್ಕೋತೀರಿ

ಬೆಂಗಳೂರಿನ ಸುತ್ತಮುತ್ತ ಸಿಗೋ ಗ್ರಾನೈಟಲ್ಲಿ ಕಟ್ಟಿದಾರೆ

ಕರ್ನಾಟಕದ ಶಕ್ತಿಶೌಧ ವಿಧಾನಸೌಧವನ್ನ ದೇವಸ್ಥಾನ ತರದ ವಾಸ್ತುಶಿಲ್ಪದ ಪ್ರಕಾರ ಕಟ್ಟಿದ್ದಾರೆ. 46 ಮೀಟರ್ ಎತ್ತರ ಇರೋ ಈ ಬಿಲ್ಡಿಂಗ್ ಬೆಂಗಳೂರಿನ ಪ್ರಮುಖ ಹೆಗ್ಗುರುತು ಅಂತ ಎಲ್ಲರಿಗೂ ಗೊತ್ತು. ವಿಧಾನಸೌಧದ ಬಗ್ಗೆ ಕೆಲವೊಂದು ವಿಷಯಗಳು ಕೇಳ್ತಿದ್ರೆ ರೋಮಾಂಚನವಾಗತ್ತೆ. ಅಂತಹ 10 ವಿಶೇಷ ಇಲ್ಲಿದೆ. 

1. ಇದನ್ನ ವಾಸ್ತು ಪ್ರಕಾರ ಕಟ್ಟಿದ್ದಾರೆ

ಸಂಪೂರ್ಣ ಸ್ವದೇಶಿ ವಾಸ್ತು ಪ್ರಕಾರ ಇದನ್ನ ಕಟ್ಟಿರೋದು ವಿಶೇಷ. ಈ ಕಟ್ಟಡದ ನಾಲ್ಕು ಮೂಲೆಗಳಲ್ಲೂ ಗುಮ್ಮಟಗಳಿದ್ದು, ಮುಂದುಗಡೆ ದ್ವಾರದಲ್ಲಿ ಭಾರತದ ಸಾರ್ವಭೌಮತೆಯನ್ನ ಸಾರೋ ನಾಲ್ಕು ತಲೆಯ ಸಿಂಹ ಇದೆ.  

vs3.jpg

2. ಕಟ್ಟೋದಕ್ಕೆ ನಾಲ್ಕು ವರ್ಷ ತೊಗೊಂಡಿದೆ

ಇಂತಹ ದೊಡ್ಡ ಕಟ್ಟಡಲ್ಲಿ ರಾಜ್ಯ ಸರ್ಕಾರದ 22 ಇಲಾಖೆಗಳಿದ್ದು ಅವೆಲ್ಲಾ 300 ಕೊಠಡಿಯಲ್ಲಿ ಕೆಲಸ ಮಾಡ್ತಿವೆ. 1952ರಲ್ಲಿ ವಿಧಾನಸೌಧ ಕಟ್ಟಕ್ಕೆ ಶುರು ಮಾಡಿದ್ರು. ಇದಕ್ಕಾಗಿ 5000 ಜನ, 1500 ಜನ ಗಾರೆ ಕೆಲಸ, ಕಲ್ಲು ಹೊಡೆಯೋರು, ಬಡಗಿಗಳು ಕೆಲಸ ಮಾಡಿದ್ದು, ಕಟ್ಟೋದಕ್ಕೆ ನಾಲ್ಕು ವರ್ಷ ಬೇಕಾಯ್ತು. ಆಧುನಿಕ ಮತ್ತು ದ್ರಾವಿಡ ಶೈಲಿಯ ವಾಸ್ತುಶಿಲ್ಪ ಉಪಯೋಗಿಸಿಕೊಂಡು ಇದನ್ನ ಕಟ್ಟಿದ್ದಾರೆ.

vs4.jpg

3. ಇದನ್ನ ಕಟ್ಟಕ್ಕೆ 5000 ಜನ ಕೂಲಿಯೋರು, 1500 ಮಂದಿ ಬೇರೆಬೇರೆ ಕೆಲಸದೋರು ಬೇಕಾಗಿದ್ದರು

ಸಂಜೆ ಹೊತ್ತು ಈ  ಗ್ರಾನೈಟ್ ಕಟ್ಟಡವನ್ನು ನೋಡೋದಕ್ಕೆ ಸೂಕ್ತ ಸಮಯ ಅಂತ ಹೇಳ್ಬೋದು. ಒಟ್ಟು 5000 ಜನ ಕೂಲಿಕಾರ್ಮಿಕರು, 1500 ಮಂದಿ ಬೇರೆಬೇರೆ ಕೆಲಸದವ್ರು ಬೆವರು ಹರಿಸಿ ಇದನ್ನ ಕಟ್ಟೋ ಕೆಲಸ ಮುಗಿಸಿದ್ದು 1956ರಲ್ಲಿ. 
  vs5.jpg

4. ಒಟ್ಟು 5,50,505 ಚದರ ಅಡಿ ಕಟ್ಟಡ ಇದು

ವಿಶಾಲವಾಗಿರೋಂತ ಮೆಟ್ಟಿಲುಗಳನ್ನ ಹತ್ಕೊಂಡು ಒಳಗೆ ಹೋಗ್ತಿದ್ದಂತೆ ’ಸರ್ಕಾರಿ ಕೆಲಸ ದೇವರ ಕೆಲಸ’ ಅನ್ನೋ ಬೋರ್ಡ್ ಕಾಣುತ್ತೆ. ವಿಧಾನಸೌಧದ ಮುಂದುಗಡೆ ಡಾ.ಬಿ.ಆರ್. ಅಂಬೇಡ್ಕರ್ ಮತ್ತೆ ಜವಹಾರ್ ಲಾಲ್ ನೆಹರು ಅವರ ಪ್ರತಿಮೆಗಳಿವೆ.  

vidhanasoudha1.jpg

5. ಇದನ್ನ ನಮ್ಮ ಶೈಲಿಯಲ್ಲಿ ಕಟ್ಟಿದ್ದಕ್ಕೆ ರಷ್ಯಾದೋರು ಕಾರಣ ಅನ್ನಬಹುದು!

ಕೆ.ಸಿ. ರೆಡ್ಡಿ ಅವರ ಬಳಿಕ ಮುಖ್ಯಮಂತ್ರಿಯಾಗಿ ಬಂದ ಕೆ. ಹನುಮಂತಯ್ಯ ವೃತ್ತಿಯಲ್ಲಿ ವಕೀಲರಾದರೂ ಅವರ ಹೃದಯಲ್ಲಿ ಒಬ್ಬ ಒಳ್ಳೇ ಆರ್ಕಿಟೆಕ್ಟ್ ಇದ್ರು. ಒಂದ್ಸಲ ರಷ್ಯಾದಿಂದ ಪ್ರತಿನಿಧಿಗಳು ಬೆಂಗಳೂರಿಗೆ ಬಂದಿದ್ರಂತೆ. ಹನುಮಂತ್ಯಯ್ಯನ ಹತ್ರ ಅವರು ಹಿಂಗೆ ಮಾತಾಡ್ತಾ, ಬೆಂಗಳೂರಲ್ಲಿರೋ ಎಲ್ಲಾ ಕಟ್ಟಡಗಳು ಯೂರೋಪ್ ಸ್ಟೈಲಲ್ಲಿವೆ ಅಂತ ಹೇಳಿದ್ರಂತೆ. ಆಗ ಹನುಮಂತಯ್ಯ ಈ ಕಟ್ಟಡ ಹಂಗಿರ್ಬಾದ್ರು ಅಂತೇಳಿ ಒಂದೇ ಮಹಡಿಗೆ ಬದಲು ಮೂರು ಅಂತಸ್ತಿನ ಕಟ್ಟಡ ಕಟ್ಟಿಸ್ಬೇಕು ಅಂತ ನಿರ್ಧರಿಸ್ತಾರೆ. ಶಾಸಕಾಂಗ ಮತ್ತೆ ಸಚಿವಾಲಯ ಒಂದೇ ಕಡೆ ಇರೋ ಹಂಗೆ ಮಾಡ್ತಾರೆ.

vs6.jpg

6. ಬಾಲ್ಕನಿಗಳು ರಾಜಸ್ತಾನ ಶೈಲಿಯಲ್ಲಿವೆ

ವಿಧಾನಸೌಧದ ಪಶ್ಚಿಮ ದ್ವಾರವನ್ನ ರಾಜಸ್ತಾನಿ ಶೈಲಿಯಲ್ಲಿ ನಿರ್ಮಿಸಿದ್ರೆ, ಉತ್ತರ ಭಾಗವನ್ನ ಕೃಷ್ಣರಾಜ ಸಾಗರ ಡ್ಯಾಂ ಶೈಲಿಯಲ್ಲಿ ಕಟ್ಟಿದ್ದಾರೆ. ಸೊರಬ ಮತ್ತೆ ಸಾಗರದ ಕಡೆ ಈ ರೀತಿ ಕೆತ್ತನೆ ಕೆಲಸಕ್ಕೆ ಹೆಸರುವಾಸಿ. ಈ ಕಟ್ಟಡದ ಗೋಪುರ, ಗುಮ್ಮಟಗಳು ದೇವಸ್ಥಾನ ಶೈಲಿಯಲ್ಲಿವೆ

vs2.jpg

7. ದರ ಒಟ್ಟು ಎತ್ತರ 720 ಅಡಿ, ಅಗಲ 360 ಅಡಿ

ಒಳಗಡೆಯ ಚತುರ್ಭುಜಾಕೃತಿ ವಿಸ್ತೀರ್ಣ 260x260 ಅಡಿ ಇದೆ. ಪೂರ್ವದ ಹಾಲಲ್ಲಿರೋ ಎಂಟು ಕಂಬಗಳು 6000 ಟನ್ ಭಾರ ಹೊತ್ಕೊಂಡ್ ನಿಂತಿವೆ. ಕ್ಯಾಬಿನೆಟ್ ಮೀಟಿಂಗ್ ನಡೆಯೋಂತ ಹಾಲು ಪಶ್ಚಿಮಕ್ಕಿದ್ದು ಮೂರನೇ ಮಹಡಿಯಲ್ಲಿದೆ. ಬಾಗಿಲಿನ ಮೇಲೆ ಸುಂದರವಾದ ಕೆತ್ತನೆಗಳಿದ್ದು, ಶ್ರೀಗಂಧದ ಮರ ಬಳಸಿ ನಿರ್ಮಿಸಿದ್ದಾರೆ.  

vs1.jpg

8. ಇದನ್ನ ಕಟ್ಟಕ್ಕೆ ಬೆಂಗಳೂರಿನ ಸುತ್ತಮುತ್ತ ಸಿಗೋ ಗ್ರಾನೈಟನ್ನೇ ಬಳಸಿದಾರೆ

ಅರಹಳ್ಳಿ ಮತ್ತೆ ಹೆಸರಘಟ್ಟದಿಂದ ತಂದ ಕಲ್ಲುಗಳನ್ನ ಕಟ್ಟಡದ ಹೊರಭಾಗಕ್ಕೆ ಬಳಸಿಕೊಂಡಿದ್ದಾರೆ. ಹಸಿರು ಮಿಶ್ರಿತ ನೀಲಿ ಬಣ್ಣದ ಗ್ರಾನೈಟನ್ನ ಮಲ್ಲಸಂದ್ರದಿಂದ ತಂದಿದ್ದಾರೆ. ಇನ್ನು ಅಲಂಕಾರಕ್ಕೆ ಬಳಸಿಕೊಂಡಿರೋ ಕಲ್ಲುಗಳು ಮಾಗಡಿಯಿಂದ ತಂದಿರೋದು.

vs7.jpg

9. ಕಟ್ಟೋದಕ್ಕೆ ಒಟ್ಟು 1.75 ಕೋಟಿ ರೂಪಾಯಿ ಖರ್ಚು (ಆಗಿನ ಕಾಲದಲ್ಲಿ ಸಕ್ಕತ್ ಜಾಸ್ತಿ!)

ಈ ಬಿಲ್ಡಿಂಗ್ ಕಟ್ಟಬೇಕಾದ್ರೆ ಆಗ್ಲೂ ಸಾಕಷ್ಟು ವಿರೋಧ ವ್ಯಕ್ತವಾಗಿತ್ತು. ಇದನ್ನ ಕಟ್ಟೋದಕ್ಕೆ ಆಗಿನ ಕಾಲಕ್ಕೆ 175 ಲಕ್ಷ ರೂಪಾಯಿ ಖರ್ಚಾಗಿತ್ತು. ಆದರೆ ಈ ಹೊತ್ತಿಗೆ ಆ ಅಮೌಂಟು ಏನೇನೂ ಅಲ್ಲ ಅನ್ನಿಸುತ್ತದೆ. ಬೆಂಗಳೂರಿಗೆ ಯಾರೇ ಬರ್ಲಿ ವಿಧಾನಸೌಧ ನೋಡ್ದೇ ಹೋಗಲ್ಲ. ನಮ್ಮ ಬೆಂಗಳೂರಿನ ಹೆಮ್ಮೆಯ ಕಟ್ಟಡ ಇದು. ಈ ಕಟ್ಟಡ ಕಟ್ಟಿದ್ರಿಂದ ಒಟ್ಟಾರೆ ಖರ್ಚಲ್ಲಿ ಶೇ.30 ಉಳಿತಾಯ ಆಗಿದೆ ಅಂತ ಲೋಕೋಪಯೋಗಿ ಇಲಾಖೆನೇ ಒಪ್ಪಿಕೊಂಡಿದೆ.

vs8.jpg

ಒಟ್ನಲ್ಲಿ ನಮ್ಮ ವಿಧಾನಸೌಧದ ಕಥೆ ಇದು. ಇಂಥ ಬಿಲ್ಡಿಂಗ್ಗಳು ಇಡೀ ಪ್ರಪಂಚದಲ್ಲೇ‌ ಕೆಲವು ಮಾತ್ರ ಇರೋದು. ಕಾಲರ್ ಮೇಲಕ್ ಮಾಡ್ಕೊಳ್ರಪ್ಪಾ ಸ್ವಲ್ಪ :-)

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: