ಗಂಡ್ಸಾದೋನು ಹೆಂಗಸರ ಬಗ್ಗೆ ಈ 14 ವಿಷಯ ಆದ್ರೂ ತಿಳ್ಕೊಂಡಿರ್ಬೇಕು, ಇಲ್ಲದಿದ್ರೆ ಕಷ್ಟ

ಇದನ್ನೆಲ್ಲ ಯಾರೂ‌ ಹೇಳ್ಕೊಡಲ್ಲ, ಅನುಭವದಿಂದ ಕಲ್ತುಕೋಬೇಕು. ಅಥವಾ ಅಂತೆಕಂತೆ ಓದ್ಬೇಕು :-)

ಹೆಂಗಸರು ಗಂಡಸರ ಥರ ಅಲ್ಲ. ಅವರ ಯೋಚನೆನೇ ಬೇರೆ, ಅವರ ದೇಹಾನೂ ಬೇರೆ. ಮುಕ್ಕಾಲ್ವಾಸಿ ಗಂಡಸ್ರಿಗೆ ಹೆಂಗಸರ ಬಗ್ಗೆ ಒಂದ್ ಚೂರು ಗೊತ್ತಿರಲ್ಲ... ಈ ಹೆಂಗುಸ್ರೇ ಹಿಂಗೆ - ಅವರನ್ನ ಅರ್ಥ ಮಾಡ್ಕೊಳೋದು ಅಷ್ಟು ಸುಲಭ ಅಲ್ಲ. ಆದರೂ ಕೆಲವೊಂದು ವಿಷಯಗಳು ಏನೇ ಆದರೂ ಪ್ರತಿಯೊಬ್ಬ ಗಂಡಸಿಗೂ ಗೊತ್ತಿರಬೇಕು... ಕೆಳಗೆ ಅಂಥ 12 ವಿಷಯಗಳ್ನ ಕೊಟ್ಟಿದೀವಿ. ಓದಿ, ಒಳ್ಳೇದಾಗುತ್ತೆ:

  1. ಹೆಂಗಸರು ಸ್ವಲ್ಪ ಅವರ ಫ್ರೆಂಡ್ಸ್ ಯೋಚ್ನೆ ಮಾಡಿದಂಗೆ ಮಾಡ್ತಾರೆ. ಆ ಫ್ರೆಂಡ್ಸಗೆ ನೀವು ಇಷ್ಟ ಆದ್ರೆ ಅವರಿಗೂ ಇಷ್ಟ ಆಗ್ತೀರಿ. ಇಲ್ಲದಿದ್ದರೆ ಇಲ್ಲ.
  2. ಹಿಂದೆ ನಡ್ದಿರೋದನ್ನ ಹೆಂಗಸರು ಆಗಾಗ ನೆನಪು ಮಾಡ್ಕೊತಾನೇ ಇರ್ತಾರೆ, ಯಾಕಂದರೆ ಅವರಿಗೆ ಗಂಡಸರಿಗಿಂತ ಜ್ಞಾಪಕಶಕ್ತಿ ಜಾಸ್ತಿ.
  3. ಬೇರೆ ಗಂಡಸರ ಜೊತೆ ಇದ್ದಾಗ ಗಂಡಸರು ನೋಡಿ ಉರ್ಕೊಂಡ್ರೆ ಹೆಂಗಸರಿಗೆ ಇಷ್ಟ ಆಗುತ್ತಂತೆ. ಉರ್ಕೊಳೋದ್ರಲ್ಲೂ ಒಂದು ಪ್ರೀತಿ ಇರತ್ತೆ ಅಂತ ಅವರ ಲೆಕ್ಕ... ಉರ್ಕೊಳ್ಲಿಲ್ಲ ಅಂದ್ರೆ ಯಾಕಪ್ಪಾ ಅಂತ ಯೋಚನೆ ಮಾಡ್ತಾರಂತೆ.
  4. ಹೆಂಗಸರು ತಾವು ಮುಂಚೆ ಇಷ್ಟ ಪಡ್ತಿದ್ದೋರ್ನ ಫೇಸ್ಬುಕ್ಕಲ್ಲಿ ಫಾಲೋ ಮಾಡ್ತಾ ಇರ್ತಾರೆ. ಬಿಡಲ್ಲ. ಅವರು ಮತ್ತೆ ಬೇಕು ಅಂತಲ್ಲ, ಹೇಗಿದಾರೆ ಏನು ಎತ್ತ ಅನ್ನೋ ಕುತೂಹಲ, ಅಷ್ಟೇ.
  5. ಗಂಡಸರಿಗೆ ಹೆಂಗಸರು ಕಡಿಮೆ ವಯಸ್ನೋರಾಗಿರ್ಬೇಕು, ನೋಡಕ್ಕೆ ಚೆನ್ನಾಗಿರ್ಬೇಕು. ಹೆಂಗಸರಿಗೆ ಜಾಸ್ತಿ ವಯಸ್ಸಿನ ಗಂಡಸರು ಬೇಕು... ಜೊತೆಗೆ ನೋಡಕ್ಕೆ ಚೆನ್ನಾಗಿರೋದಕ್ಕಿಂತ ದುಡ್ಡಿರಬೇಕು.
  6. ಗಂಡಸರು ಘಂ-ಘಮಾ ಅಂತ ಇದ್ದರೆ ಹೆಂಗಸರಿಗೆ ಇಷ್ಟವಂತೆ.
  7. ಎಷ್ಟು ಪ್ರಯತ್ನ ಪಟ್ಟರೂ ಅರ್ಥ ಆಗದಿರೋ ಗಂಡಸರು ಹೆಂಗಸರಿಗೆ ಇಷ್ಟ ಆಗ್ತಾರಂತೆ.
  8. ಬೇರೆಯೋರ್ಗೆ ಸಹಾಯ ಮಾಡೋ ಗಂಡಸರನ್ನ ಹೆಂಗಸರು ಇಷ್ಟ ಪಡ್ತಾರೆ, ಆದ್ರೆ ಅಂಥೋರ ಜೊತೆ ಮುಂದುವರೆಯಕ್ಕೆ ಇಷ್ಟ ಪಡಲ್ಲವಂತೆ. ಅವರಿಗೆ ಈ ದಾನ ಧರ್ಮ ಮಾಡೋರ್ಗಿಂತ ನಾನು ನನ್ನದು ನನ್ನ ಮನೆ ಅಂತಿರೋರು ಜಾಸ್ತಿ ಇಷ್ಟವಂತೆ.
  9. ನೀವು ಇಷ್ಟ ಪಡೋ ಹೆಂಗಸು/ಹುಡುಗಿ ಚೆನ್ನಾಗಿ ಡ್ರಸ್ ಮಾಡ್ಕೊಳೋದು, ಮೇಕಪ್ ಗೀಕಪ್ ಮಾಡ್ಕೊಳೋದು ನಿಮಗೆ ಚೆನ್ನಾಗಿ ಕಾಣಲಿ ಅಂತ. ಆದ್ರಿಂದ ನೀವು ಹೊಗಳ್ತಾ ಇದ್ರೆ ಅವ್ರಿಗ್ ಇಷ್ಟ ಆಗತ್ತೆ.
  10. ನೀವು ಇಷ್ಟ ಪಡೋ ಹೆಂಗಸಿಗೆ/ಹುಡುಗಿಗೆ ಬೇರೆ ಗಂಡಸರ ಮುಂದೇನೂ ಚೆನ್ನಾಗಿ ಕಾಣಬೇಕು ಅನ್ನೋ ಆಸೆ ಇರುತ್ತೆ... ಅವರು ಹೊಗಳಿದರೆ ನೀವು ಇನ್ನಷ್ಟು ಹತ್ತಿರ ಆಗ್ತೀರ ಅಂತ...
  11. ಗಂಡಸರು ಹೆಂಗಸರಿಗೆ ಗಿಫ್ಟ್ ಕೊಡುವಾಗ ಸಕ್ಕತ್ ತಲೆ ಕೆಡುಸ್ಕೊಂಡು, ಯೋಚೆನೆ ಮಾಡಿ, ಕೊಡಬೇಕು ಅನ್ನೋ ಆಸೆ ಅಂತೆ ಅವರಿಗೆ
  12. ಹೆಂಗಸರಿಗೆ ಬೇರೆಯೋರು ಬಾಯಲ್ಲಿ ಆಡಿದ ಮಾತು, ಮೈಸನ್ನೆಗಳು 'ಹೇಳೋ' ಮಾತು ಎರಡೂ ಗೊತ್ತಾಗುತ್ತಂತೆ... ಅವರ ಮಿದುಳೇ ಹಂಗೆ.
  13. ವಯಸ್ಸಾಗ್ತಾ ಆಗ್ತಾ ಹೆಂಗಸರಿಗೆ ಆಸೆ ಜಾಸ್ತಿ. ಹೌದು, ಆ ಆಸೆ ನೇ. ಇದಕ್ಕೆ ಕಾರಣ ಅವಳ ದೇಹದಲ್ಲಿ ಆಗೋ‌ ಬದಲಾವಣೆ.
  14. ಬಸುರೀರು ತಮಗೆ ತುಂಬ ಇಷ್ಟವಾಗಿರೋದನ್ನ ತಿಂದ್ರೆ ಮಗು ತುಂಬಾ ಮುದ್ದಾಗಿರುತ್ತಂತೆ.

ಇಷ್ಟು ಗೊತ್ತಿದ್ರೆ ಹೆಂಗಸರು ಸ್ವಲ್ಪ ಅರ್ಥ ಆದಂಗೆ, ನೋಡಿ :-)

ಹೊರಚಿತ್ರ: ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: