ಹೊಸ ಗೂಗಲ್ ಲೋಗೋ ನೋಡಿದ್ರಾ? ಇಡೀ ಕಂತೆ ಪುರಾಣ ಇಲ್ಲಿದೆ, ನೋಡಿ.

ಮೊದಲು ಗೂಗಲ್ ಲೋಗೋಗಳ್ನ ಚಿಕ್ಕಮಕ್ಕಳು ಮಾಡ್ತಿದ್ರಾ ಅನ್ನಿಸುತ್ತೆ!

ಗೂಗಲ್ ಹೊಸ ಲೋಗೋ

ಗೂಗಲ್ ತನ್ನ ಲೋಗೋ ಬದಲಾಯಿಸಿದೆ. ನೋಡಿದ್ರಾ?

ಇದರಲ್ಲಿ ಎದ್ದು ಕಾಣುವುದು ಸರಳತೆ. ಸ್ಯಾನ್ಸ್ ಸೆರಿಫ್ ಫಾಂಟ್ ಬಳಸಿರುವುದೂ ಆ ಸರಳತೆಯಲ್ಲಿ ಸೇರುತ್ತದೆ. ಅಲ್ಲದೆ, ನೀಲಿ, ಕೆಂಪು ಹಳದಿ ಮತ್ತು ಹಸಿರು ಬಣ್ಣಗಳು ಮೂಲಭೂತ ಬಣ್ಣಗಳು ಎನಿಸಿಕೊಳ್ಳುತ್ತವೆ.

ಹೊಸ ಲೋಗೋ ಪರಿಚಯಿಸಲು ಈ ಆನಿಮೇಶನ್ ಹೊರಬಿಟ್ಟಿದ್ದಾರೆ ಗೂಗಲ್ ನವರು:

ಮುಖ್ಯವಾದ ವಿಷಯ ಏನಂದರೆ Google ಅಂತ ಇಡೀ ಪದ ಬರೆಯೋದು ಈಗ ಮೊಬೈಲುಗಳಿಗೆ ಅಷ್ಟು ಸರಿಹೊಂದ್ತಾ ಇಲ್ಲ. ಆದ್ದರಿಂದ ಬರೀ ಒಂದು G ಒಳಗಡೆ ಎಲ್ಲಾ ಬಣ್ಣಗಳೂ ಬರುವಂತೆ ಮಾಡಿದಾರೆ.

ಅದನ್ನು ವಿವರಿಸುವ ಈ ಆನಿಮೇಶನ್ ನೋಡಿ:

ಈ ಹೊಸ ಲೋಗೋಗೆ ಹೋಲಿಸಿದರೆ ಹಿಂದಿನ ಲೋಗೋಗಳು ಒಂಥರ ಚಿಕ್ಕಮಕ್ಕಳು ಮಾಡಿದಹಾಗಿವೆ!

ಹೊಸದರಿಂದ ಹಳೆಯದರ ಕ್ರಮದಲ್ಲಿ ಇಲ್ಲಿ ಕೆಳಗಿವೆ, ನೋಡಿ:

ಮೊಟ್ಟಮೊದಲ ಬಾರಿಗೆ ಲೋಗೋ ಹಿಂದೆ ನೆರಳು ಬರುವ ಹಾಗೆ ಮಾಡಿದಾಗ:

ಅದಕ್ಕಿಂತ ಮುಂಚೆ - ಮೊಟ್ಟಮೊದಲಿಗೆ ನಾಲ್ಕು ಮೂಲಭೂತ ಬಣ್ಣಗಳನ್ನ ಬಳಸಿದ್ದು:

ಅದಕ್ಕಿಂತ ಮುಂಚೆ - ಒಂದೇ ಬಣ್ಣ, ಆದರೆ ಕಪ್ಪು ಬಲಕ್ಕೆ ಹೆಚ್ಚುತ್ತಾ ಇತ್ತು:

ಅದಕ್ಕಿಂತ ಮುಂಚೆ - ಇದಕ್ಕೆ ನೀವೇ ವಿವರ ಕೊಡೋದು ವಾಸಿ:

ಅದಕ್ಕಿಂತ ಮುಂಚೆ - ಹುಡುಕುವ ಕಣ್ಣುಗಳು:

ಅದಕ್ಕಿಂತ ಮುಂಚೆ - ವಿಚಿತ್ರ:

ಎಲ್ಲಕ್ಕಿಂತ ಮೊದಲು ಗೂಗಲ್ ಅನ್ನೋದನ್ನ ಬ್ಯಾಕ್-ರಬ್ ಅನ್ತಾ ಇದ್ದರಂತೆ. ಯಾಕೆ ಅಂದರೆ ಅವರ ಅಲ್ಗಾರಿದಂ ಬ್ಯಾಕ್-ಲಿಂಕ್ಸ್ (ಅಂದರೆ ಎಷ್ಟು ಪುಟಗಳು ಈ ಪುಟವನ್ನು ಕರೆದಿವೆ ಅನ್ನೋದನ್ನ) ಎಣಿಸುತ್ತಿತ್ತು!

ಕಂಪನಿ ಚೆನ್ನಾಗಿ ಕೆಲಸ ಮಾಡಿದರೆ ಲೋಗೋ ಗೀಗೋ ಎಲ್ಲ ಹೇಗಿದ್ದರೂ ನಡೆಯುತೆ ಅಂತ ಇದೇ ತೋರಿಸುತ್ತೆ.

ಈಗೀಗ ಲೋಗೋ ಬಗ್ಗೆ ಜಾಸ್ತಿ ತಲೆ ಕೆಡಿಸಿಕೊಳ್ಳುತಿರುವುದು ನೋಡಿದರೆ ಯಾಕೋ ಗೂಗಲ್ ತೊಂದರೆಯಲ್ಲಿ ಸಿಕ್ಕಕೊಂಡಿದೆಯಾ ಅನ್ನಿಸುತ್ತೆ...

ಏನಂತೀರಿ?

ಮಾಹಿತಿ: ಗೂಗಲ್

 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: