ಈಗಿನ್ ಕಾಲದಲ್ಲಿ ಎಲ್ಲರಿಗೂ ಮನುಷ್ಯನ ಹೃದಯದ ಬಗ್ಗೆ ಈ 11 ವಿಷಯ ಗೊತ್ತಿರಬೇಕು

ಗಂಡಸರಗಿಂತ ಹೆಂಗಸರ ಹೃದಯ ಜಾಸ್ತಿ ಹೊಡ್ಕೊಳುತ್ತೆ

ಹೃದಯದ ಬಗ್ಗೆ ಆಗಾಗ ಮಾತಾಡ್ತಾನೇ ಇರ್ತೀವಿ. ಅದರ ಆರೋಗ್ಯದ ಬಗ್ಗೆ, ಹೃದಯ ಕರಗೋ ವಿಚಾರಗಳ ಬಗ್ಗೆ, ನನ್ ಹೃದಯದಲ್ಲಿ ನೀನಿದ್ದೀಯ ಅಂತ ಪ್ರೇಮಿಗಳು ಡೈಲಾಗ್ ಕೂಡ ಹೊಡೀತಿರ್ತಾರೆ. ಆದ್ರೆ ನಿಜವಾಗ್ಲೂ ಹೃದಯದ ಬಗ್ಗೆ ಎಷ್ಟೋ ಜನಕ್ಕೆ ಕೆಲವೊಂದು ಸಂಗತಿಗಳು ಗೊತ್ತಿಲ್ಲ. ಇಲ್ಲಿವೆ ನೋಡಿ ನಮ್ ಹೃದಯದ ಬಗ್ಗೆ 11 ಇಂಟರೆಸ್ಟಿಂಗ್ ಸಂಗತಿಗಳು. 

1. ದೊಡ್ಡೋರ ಹೃದಯದ ಗಾತ್ರ ಎರಡು ಮುಷ್ಟಿಯಷ್ಟಿರುತ್ತೆ, ಮಕ್ಕಳದು ಒಂದು ಮುಷ್ಠಿಯಷ್ಟಿರುರುತ್ತೆ
2. ಒಂದ್ ದಿನಕ್ಕೆ ನಮ್ ಹೃದಯ 100,000 ಸಲ ಢವಢವ ಅಂತ ಹೊಡ್ಕೊಳ್ಳುತ್ತೆ, ಸಾಯೋವರೆಗೆ ಸರಾಸರಿ 250 ಕೋಟಿ ಸಲ ಹೊಡ್ಕೊಳ್ಳತ್ತಂತೆ
3. ಬದುಕಿರೋಷ್ಟು ದಿನ ನಮ್ ಹೃದಯ 16 ಲಕ್ಷ ಲೀಟರ್ ರಕ್ತ ಪಂಪ್ ಮಾಡುತ್ತೆ, ಅಂದ್ರೆ ಒಂದು 5 ಸೂಪರ್ ಟ್ಯಾಂಕರ್‌ ಹಡಗು ತುಂಬಿಸೋಷ್ಟು!
4. ಅಡುಗೆಮನೆಯಲ್ಲಿರೋ ನಲ್ಲೀನ 45 ವರ್ಷ ಆನ್ ಮಾಡಿ ಬಿಟ್ರೆ ಎಷ್ಟ್ ನೀರು ಹರಿದೋಗುತ್ತೋ ಅಷ್ಟ್ ರಕ್ತಾನ ನಮ್ ಹೃದಯ ಒಂದು ಜೀವನಾವಧಿಯಲ್ಲಿ ಪಂಪ್ ಮಾಡುತ್ತೆ
5. ಹೃದಯ ತನಗೆ ತಾನೆ ಎಲೆಕ್ಟ್ರಿಕ್ ಎನರ್ಜಿ ತಯಾರಿಸಿಕೊಳ್ಳುತ್ತೆ, ಹಾಗಾಗಿ ಅದು ನಮ್ ದೇಹದಿಂದ ಬೇರ್ಪಟ್ರೂ ಹೊಡ್ಕೊಳ್ತಾ ಇರುತ್ತೆ, ಆಕ್ಸಿಜನ್ ಸಪ್ಲೈ ಸಿಗೋವರೆಗೂ ಹೊಡ್ಕೊಳ್ತಿರುತ್ತೆ
6. ಹೃದಯ ನಮ್ ದೇಹದ 75 ಲಕ್ಷ ಕೋಟಿ ಸೆಲ್‌ಗಳಿಗೆ ರಕ್ತ ಪಂಪ್ ಮಾಡುತ್ತೆ, ಕಾರ್ನಿಯಾಗೆ ಮಾತ್ರ ರಕ್ತ ಸರಬರಾಜು ಆಗಲ್ಲವಂತೆ
7. ಹೃದಯದ ನಾಲ್ಕು ಕವಾಟಗಳು ಮುಚ್ಚಿಕೊಳ್ಳೊದ್ರಿಂದ ಢವಢವ ಅಂತ ಸೌಂಡ್ ಬರುತ್ತೆ
8. ಹೃದಯ ಬಿಡುಗಡೆ ಮಾಡೋ ಶಕ್ತಿ 1-5 ವ್ಯಾಟ್ಸ್ ಇರುತ್ತೆ. 80 ವರ್ಷಗಳಲ್ಲಿ ಸರಿಸುಮಾರು 2.5 ಗೀಗಾಜೌಲ್ ಶಕ್ತಿ ಉತ್ಪಾದಿಸುತ್ತೆ, ಅಂದ್ರೆ ಇದು 277 kWh ವಿದ್ಯುತ್ತಿಗೆ ಸಮವಂತೆ!
9. ತಾಯಿ ಹೊಟ್ಟೆಯಲ್ಲಿ ನಾಲ್ಕು ವಾರದ ಮಗುವಾಗಿ ಇದ್ದಾಗಿಂದ ಹೃದಯದ ಬಡಿತ ಶುರುವಾಗುತ್ತೆ
10. ಗಂಡಸರ ಹೃದಯಕ್ಕಿಂತ ಹೆಂಗಸರ ಹೃದಯ ಜಾಸ್ತಿ ಹೊಡ್ಕೊಳುತ್ತೆ. ಗಂಡಸರ್ದು ನಿಮಿಷಕ್ಕೆ 70 ಸಲ, ಹೆಂಗಸರದು 78 ಸಲ.
11. ನಾವು ನಿದ್ದೆ ಮಾಡ್ತಿದ್ದಾಗ ಹೃದಯದಿಂದ ಶ್ವಾಸಕೋಸಕ್ಕೆ ರಕ್ತ ಹೋಗಿ ಬರೋದಕ್ಕೆ ತಗೊಳ್ಳೊ ಟೈಮು 6 ಸೆಕೆಂಡ್, ಮಿದುಳು ಮತ್ತೆ ಬೆನ್ನಿನ ಭಾಗಕ್ಕೆ ಹೋಗಿ ಬರೋದಕ್ಕೆ 8 ಸೆಕೆಂಡ್ ಬೇಕಾಗುತ್ತದೆ. ಕಾಲಿನ ಬೆರಳ ತನಕ ಹೋಗಿ ಬರೋದಕ್ಕೆ 16 ಸೆಕೆಂಡ್ ಸಾಕು.

ಹೃದಯ ಆರೋಗ್ಯವಾಗಿ ಇರ್ಬೇಕು ಅಂದ್ರೆ... ಪಾಲಿಶ್ ಮಾಡ್ದೇ ಇರೋಂತ ಅಕ್ಕಿ, ಸಂಸ್ಕರಿಸದೇ ಇರೋಂತ ಆಹಾರ ತಿನ್ನೋದು ಒಳ್ಳೇದು. ನಿತ್ಯ ವ್ಯಾಯಾಮ, ಯೋಗಾಸನ, ಧ್ಯಾನ, ಪ್ರಾಣಾಯಾಮ ಮಾಡೋದು ಹೃದಯದ ಆರೋಗ್ಯಕ್ಕೆ ಒಳ್ಳೇದು. ವಿಟಮಿನ್ ಡಿ ಕೊರತೆ ಆಗ್ದಂಗೆ ನೋಡ್ಕೊಳ್ಳಿ. ನಿಮ್ಮ ಆಹಾರದಲ್ಲಿ ಒಮೆಗಾ 3 ಫ್ಯಾಟ್ಸ್ ಹೆಚ್ಚಾಗಿದ್ರೆ ಯಾವ ಹೃದಯ ಕಾಯಿಲೇನೂ ಹತ್ರ ಸುಳಿಯಲ್ಲ ಅಂತಿದ್ದಾರೆ ಹೃದಯ ತಜ್ಞರು. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ರಾಮಾಯಣ ಅರಿದು ಕುಡಿದಿದ್ದರೆ ಮಾತ್ರ ನಿಮಗೆ ಈ 10 ವಿಚಿತ್ರ ಸತ್ಯಗಳು ಗೊತ್ತಿರಕ್ಕೆ ಸಾಧ್ಯ

ಇಲ್ಲದಿದ್ದರೆ ಬಹಳ ಆಶ್ಚರ್ಯ ಆಗುತ್ತೆ

ಕೆಲವ್ರು ರಾಮಾಯಣ ಮತ್ತೆ ಮಹಾಭಾರತ ಅರಿದು ಕುಡಿದು ಬಿಟ್ಟಿದ್ದೀವಿ ಅಂತಿರ್ತಾರೆ. ಆದ್ರೂ ಕೆಲವೊಂದು ವಿಷಯಗಳು ಎಷ್ಟೋ ಮಂದಿಗೆ ಗೊತ್ತಿರಲ್ಲ. ವಾಲ್ಮೀಕಿ ಬರೆದಿರೋಂತ ರಾಮಾಯಣದ ರಾಮ, ಲಕ್ಷ್ಮಣ, ಸೀತೆ ಇಂದಿನವ್ರಿಗೂ ಆದರ್ಶ. ಈವತ್ತಿಗೂ ರಾಮಾಯಣ, ಅದ್ರ ಪಾತ್ರಗಳು ನಮಗೆಲ್ಲಾ ದಾರಿ ತೋರಿಸೋ ತರಹ ಇವೆ. ಆದ್ರೂ ರಾಮಾಯಣದ  ಬಗ್ಗೆ ಎಷ್ಟೋ ಸತ್ಯಗಳು ಜನಕ್ಕೆ ಗೊತ್ತಿರಲ್ಲ. ಮಹಾನ್ ಪಂಡಿತರಿಗೆ ಮಾತ್ರ ಗೊತ್ತಿರುವಂಥ 10 ವಿಚಿತ್ರ ಸತ್ಯಗಳನ್ನು ನಾವಿಲ್ಲಿ ಕೊಡ್ತಿದ್ದೇವೆ.

1. ರಾಮನಿಗೆ ಶಾಂತಾ ಅಂತ ಒಬ್ಬಳು ಅಕ್ಕ ಇರ್ತಾಳೆ

ದಶರಥನಿಗೆ ಕೌಸಲ್ಯೆಯಿಂದ ಹುಟ್ಟಿದ ಮಗಳು ಇವಳು. ಅಂಗದೇಶದ ರಾಜ ರೋಮಪಾದ ಅವಳನ್ನ ದತ್ತು ತೊಗೊಂಡಿರ್ತಾನೆ.

2. ರಾವಣನಿಗೆ 10 ತಲೆಗಳು ಬಂದದ್ದು ಈಶ್ವರನಿಂದ

ಈಶ್ವರನ ಪರಮ ಭಕ್ತನಾಗಿದ್ದ ರಾವಣ. ಘೋರ ತಪಸ್ಸು ಮಾಡಿ ತಲೆಯನ್ನೇ ಈಶ್ವರನಿಗೆ ಅರ್ಪಿಸಿದ್ದ. ಆದರೂ ತಲೆ ಮತ್ತೆ ಬೆಳೀತಿತ್ತಂತೆ. ಹತ್ತು ಸಲ ತಲೆ ಈಶ್ವರನಿಗೆ ಅರ್ಪಿಸಿದರೂ ಅದು ಮತ್ತೆಮತ್ತೆ ಬೆಳೀತಾನೇ ಇತ್ತಂತೆ. ಕೊನೆಗೆ ಶಿವನು ಪ್ರತ್ಯಕ್ಷನಾಗಿ ಎಲ್ಲಾ ಹತ್ತು ತಲೆಗಳನ್ನು ವಾಪಸ್ಸು ಕೊಟ್ನಂತೆ. ಹಾಗಾಗಿ ರಾವಣನಿಗೆ 10 ತಲೆಗಳು ಬಂದವು ಅಂತ ಪುರಾಣ ಹೇಳುತ್ತೆ.

3. ರಾವಣನಿಗಿಂತ ಮೊದಲು ಲಂಕೇನ ಕುಬೇರ ಆಳ್ತಿರ್ತಾನೆ

ಲಂಕೆಯನ್ನ ಕಟ್ಟಿ ಆಳ್ತಾ ಇದ್ದದ್ದು ಕುಬೇರ. ಅವನ ಮಲಣ್ಣ ರಾವಣ ಯುದ್ದ ಮಾಡಿ ಕುಬೇರನಿಂದ ಲಂಕೆಯನ್ನ ಕಿತ್ತುಕೊಂಡ ಅಂತ ಪುರಾಣ ಹೇಳುತ್ತೆ.

 

4. ಲಕ್ಷ್ಮಣ ಶೇಷನಾಗನ (ಆದಿಶೇಷನ) ಅವತಾರ

ವಿಷ್ಣುವಿನ ಅವತಾರ ರಾಮ ಅನ್ನೋದು ಎಲ್ರಿಗೂ ಗೊತ್ತು. ಆದರೆ ಶೇಷನಾಗನ ಅವತಾರ ಲಕ್ಷ್ಮಣ ಅನ್ನೋದು ಬಹಳಷ್ಟು ಮಂದಿಗೆ ಗೊತ್ತಿಲ್ಲ.   

5. ಹದಿನಾಲ್ಕು ವರ್ಷಗಳ ವನವಾಸದಲ್ಲಿ ಲಕ್ಷ್ಮಣ ನಿದ್ದೇನೇ ಮಾಡಲ್ಲ

ಯಾಕಂದ್ರೆ ವನವಾಸದಲ್ಲಿದ್ದ ರಾಮ ಮತ್ತೆ ಸೀತೆಯನ್ನ ಕಣ್ಣಲ್ಲಿ ಕಣ್ಣಿಟ್ಟು ನೋಡ್ಕೋಬೇಕಾಗಿತ್ತು. ಅದಕ್ಕಾಗಿ ತನಗೆ ನಿದ್ದೆ ಬರದೆ ಇರೋಹಂಗೆ ನಿದ್ರಾದೇವಿಯ ವರ ಪಡ್ಕೊಂಡಿರ್ತಾನೆ ಲಕ್ಷ್ಮಣ.

6. ಶ್ರೀಕೃಷ್ಣನನ್ನ ಬೇಟೆಗಾರನಾಗಿ ಬಂದು ಕೊಂದದ್ದು ವಾಲಿ

ಮರದ ಕೆಳಗೆ ಮಲಗಿ ನಿದ್ದೆ ಮಾಡ್ತಿದ್ದಾಗ ಶ್ರೀಕೃಷ್ಣನನ್ನ ಜರಾ ಅನ್ನೋ ಬೇಟೆಗಾರ ಬಾಣಬಿಟ್ಟು ಕೊಂದ. ಈ ಬೇಟೆಗಾರ ಬೇರೆ ಯಾರು ಅಲ್ಲ, ವಾಲಿ ಅವತಾರ. 

7. ಲಕ್ಷ್ಮಣ ಸಾಯೋದು ರಾಮನ ಒಂದು ಮಾತಿಂದ

ಒಮ್ಮೆ ಯಮಧರ್ಮನನ್ನು ರಾಮ ಭೇಟಿಯಾಗಿ ನಮ್ಮಿಬ್ಬರ ಮಾತುಕತೆಗೆ ಯಾರೇ ಬಂದು ಅಡ್ಡಿಪಡಿಸಿದ್ರೂ ಅವರನ್ನ ಸಾಯಿಸಿಬಿಡು ಅಂತ ಕೇಳ್ಕೊಂಡಿದ್ದ. ಅದೇ ಟೈಮಿಗೆ ಪಾಪ ಲಕ್ಷ್ಮಣ ಬರ್ತಾನೆ. ರಾಮನನ್ನ ಮಾತಾಡ್ಬೇಕು ಅಂತಾನೆ. ಆಗ ರಾಮ ಹೇಳಿದಂಗೆ ಲಕ್ಷ್ಮಣನ್ನ ಯಮ ಸಾಯಿಸ್ತಾನೆ.

8. ಹನುಮಂತನಿಗೆ ಒಂದು ಹೂವಿನಿಂದ ಭಜರಂಗಬಲಿ ಅಂತ ಹೆಸರು ಬಂತು

ಸಿಂಧೂರ ಹೂವು ತಲೆ ಮೇಲೆ ಇದ್ದಷ್ಟು ಹೊತ್ತು ರಾಮ ಆರೋಗ್ಯವಾಗಿರ್ತಾನೆ ಅಂತ ಹನುಮಂತನಿಗೆ ಒಮ್ಮೆ ಸೀತೆ ಹೇಳಿದ್ಲು. ಅದನ್ನ ಕೇಳಿ ಹನುಮ ದೇಹವನ್ನೇ ಸಿಂಧೂರವಾಗಿ ಬದಲಾಯಿಸಿಕೊಂಡಿದ್ದ. ಭಜರಂಗ್ ಅಂದ್ರೆ ಸಿಂಧೂರ ಅಂತ ಅರ್ಥ. ತನ್ನನ್ನು ತಾನು ಸಿಂಧೂರವಾಗಿಸಿಕೊಂಡ ಕಾರಣ ಭಜರಂಗಬಲಿ ಅಂತ ಹೆಸರು ಬಂತು.

9. ಅಳಿಲು ಬೆನ್ನ ಮೇಲೆ ಮೂರು ಗೆರೆ ಇರೋದಕ್ಕೆ ರಾಮ ಕಾರಣ

ಲಂಕೆಗೆ ಹೋಗ್ಬೇಕಾದ್ರೆ ಕಪಿಸೈನ ರಾಮಸೇತು ಕಟ್ಟಿತು. ಅದನ್ನ ಕಟ್ಟಬೇಕಾದ್ರೆ ಅಳಿಲುಗಳು ಮಣ್ಣನ್ನ ತಂದುಕೊಡ್ತಿದ್ವು. ಇದನ್ನ ಕಂಡ ಕಪಿಸೈನ್ಯ ನಗಾಡ್ತಿತ್ತು. ಆದರೆ ರಾಮನು ಅವುಗಳ ಅಳಿಲು ಸೇವೆಯನ್ನ ತುಂಬಾ ಇಷ್ಟಪಟ್ಟಿದ್ದ. ಅಳಿಲನ್ನ ಎತ್ಕೊಂಡು ಬೆನ್ನು ಸವರಿದಾಗ ಈ ಮೂರು ಗೆರೆಗಳು ಮೂಡಿದ್ವಂತೆ. 

 

10. ಶೂರ್ಪಣಖೀಗೆ ಅಣ್ಣ ರಾವಣನ್ನ ಸಾಯಿಸಬೇಕು ಅನ್ನೋ ಬಯಕೆ ಇರುತ್ತೆ

ಇದು ನಿಜವಾಗ್ಲೂ ಅಚ್ಚರಿ ಪಡೋಂತ ಸಂಗತಿ. ಶೂರ್ಪಣಕಿಯ ಗಂಡ ದುಷ್ಟಬುದ್ಧಿ ಅನ್ನೋನ್ನ ರಾವಣ ಸಾಯಿಸಿರ್ತಾನೆ. ಕೆಲವು ರಾಮಾಯಣಗಳಲ್ಲಿ ರಾವಣನ ಮೇಲೆ ಸೇಡು ತೀರಿಸಿಕೊಳಕ್ಕೆ ಶೂರ್ಪಣಕಿ ದೊಡ್ಡ ನಾಟಕ ಮಾಡಿ, ಯುದ್ಧ ಆಗೋಹಾಗೆ ನೋಡ್ಕೊಂಡು ರಾವಣನ ಸಾವಿಗೆ ಕಾರಣ ಆಗ್ತಾಳೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: